فى انتظار فتاوى ديلفرى

بدأت فضائية إسلامية في التحضير لإطلاق أول برنامج من نوعه في مجال الفتاوى الدينية، وذلك عبر نظام الإكسبريس، أو الفتاوى السريعة، والتي ستعرض خلال شهر رمضان المبارك، بهدف الإجابة عن أسئلة المستفتين واستفساراتهم، من خلال الاتصالات الهاتفية والرسائل القصيرة (sms)


واضح ان تجار الدين شغالين على قدم وساق استعداداً لشهر السبوبة شهر رمضان شهر القرآن شهر العبادة سابقاً
هو مش المفروض ان الفتوى تتم عن بحث ودراسة لكبار العلماء ؟
هو مش المفروض ان الفتوى دى تعتبر قانون شرعى لازم يلتزم بيه جميع المسلمين ؟
كنت بسمع ان فى رمضان تسلسل الشياطين امال الشياطين من تجار الدين بينشطوا وينتشروا ويتوغلوا فى رمضان ليه ؟
دول حتى قاعدين يستعدوا له من قبل ما الشهر يبتدى ويحسبوا حساباتهم ويعدوا العدة لطبق الفتة
والمضحك بجد فى الموضوع ان اسم البرنامج فتاوى اكسبريس ؟
ده الرسول نفسه يا جهابذه الدين كان لما حد يسأله سؤال فى الدين مش يجاوبه غير لما ينزله الوحى
مش سمعنا عن حد من الصحابه كان شغال مفتى إكسبريس
بس انا بعد كل ده مش شايفه اى غلط عند مرتزقة الفضائيات الغلط كله عند البقر اللى لاغيين عقلهم ومش بيعرفوا يدخلوا الحمام الا بفتوى وبما ان المعاتيه كتير يبقى اللى يلاقى عبيط ومش يستعبطه حرام عليه عيشته
وبعد الفتاوى الاكسبريس فى انتظار الفتاوى الديلفرى
يعنى بعد ما الزبون يبعت اس ام اس يسأل فيها
بعد كدا مش بعيد لما جرس الباب يضرب نقوم نفتح نلاقى عمه وجلابيه واقفين قدامنا وجاى يعرفك بنفسه ويقولك انا المفتى الديلفرى عندك اى سؤال فى الدين .. ولو مش عندك ممكن يفتح الشنطة ويعرض لك بضاعته بس الفصال فى الحساب ممنوع
امال فين حديث الرسول
استفتى قلبك وان افتوك "
امال فين من يفتى غلط فى شئون المسلمين يهوى بفتواه سبعين خريفاً فى النار

وانا اللى كنت مستغربة اوى لما قريت الخبر ده

القبض على مشرف بدار أيتام يصور الأطفال في أوضاع مخلة بالموبايل


هو مش اللحية والنقاب انتشروا فى الشوارع ؟ دى حتى الفتاوى بقت اكسبريس
طز بقى فى الأخلاق

تعليقات

‏قال اقتراح بعد ان كبرت المهزله الأفتائيه…
قطه
على خطورة هذه المهنه ان كان يجوز تسميتها مهنه -لا تحتاج لأكثر من لحيه وجلبابا ابيض وطرحه وشوية جعير
وتكرار كلمة حرام
ولا اعرف لماذا لا تتبنى جهه كالجامعه العربيه مهمة اصدار تصريح لمن يتصدى لهذه المهنه
طبعا سيتحايل المرتزقه ويظهرون برده ولكن فى هذه الحاله يكفى ان نذكر للناس ان هذا المرتزق لا يحمل تصريحا للتحذير
مرحبا قطة الصحراء


مش من حقك يا قطة تقطعي رزقتهم , وأهو برضو الجماعة بينتظروا هذا الشهر للاسترزاق , وياما قالوها رزق الهبل على المجانين , فخلي الهبل يسترزقوا يا حنان
‏قال dr.lecter
شفتي انت الفتوي الجديده بتاعه الكرسي حرام وحرام تبصي له؟

المدونه عندي محتاجه تددخليهخا بالفاير فوكس لان القالب الجديد تقيل علشان
‏قال ELVIRA
أخلاق ايه بس ماكلنا عارفين الفولة
نظرة واحدة من البلكونة تعرفك الاخلاق اختزلت فى ايه
‏قال مؤنس فرحان
دى تجارة يا قطة
برامج وقنوات دينية
برامج وقنوات رياضية
طبيخ وموضة وأزياء
سياسية واخبارية
كارتون ومسابقات
اغانى وكليبات

أيا كان المسمى فالهدف واحد هو الكسب بكل شكل ولون وطريقة
موش مهم الصح من الغلط الحلال من الحرام .. لكن المهم ازاى نقدر نجمع اكبر قدر من الدولارات والريالات والجنيهات والدينارات

شوف ايه البضاعة اللى ( البقر ) عايزينها وهاتهالهم

وهما بقر لأنهم لسه فى مرحلة الإنقياد والتبعية بدون أدنى قدر من التفكير
‏قال Kontiki
:) فتاوى اكسبريس LOL
انا حاسة اننا قريب حنحتاج لشهادة فى ايد كل واحد من مفتى واتنين شيوخ اننا موحدين بالله
جتهم البلاوى شيوخ البيزنس على الامخاخ الوسخة المغيبة اللى ادتهم الفرصة يعملوا فيها بنى ادمين
‏قال Elmasryeffendi
عجبتنى قوى شهر العبادة سابقاً لانه مع هؤلاء المرتزقة لم يعد شهر العبادة بل شهر السبوبة و الرزق بالنسبة لهم ، اعتقد انهم ركبوا و دلدلوا رجليهم و ساحبين الهطل و المعاتيه وراهم و ماكينة البنكنوت شغالة على ودنه، الله يحرقهم بجاز وسخ هما و اللى ماشيين وراهم
‏قال متساءل…
قطه
لماذا يتزايد هؤلاء المرتزقه كالفطر يوما بعد يوم
طبعا اول ما يخطر على البال هو الأرتزاق وهذا صحيح
ولكن صحيح ايضا ان لهم جمهور
وهذا هو السؤال لماذا يقبل الناس على هؤلاء
المرتزقه الذين يعقدون حياة الناس بفهمهم المريض للنصوص
من تحريم اى شىء طلبا للظهور الى الدعوه الى القتل والنسف وسفك دماء الأبرياء مثل عمر عبد الرحمن
المسجون فى اميركا لتحريضه على نسف اماكن فى نيويورك
او المغربى محمد الفزازى المسجون فى المغرب لتحريضه على تفجيرات الدار البيضاء
ومباركته على اليوتيوب لقتل فرج فوده
فى محاضره له فى ايطاليا التى يعتبرها دون حياء بلد كفار مثل كل بلاد النصارى
وهو الذى يعتبر الديمقراطيه كفر
‏قال karim
رمضان كريم بقى يعى الممثلين يكسبوا اد كدة و الشيوخ اللى هم اولى و اللى بينولروا طرقنا يشحتوا مش عيب بردواا, هو مسلسل زهرة و ازوجها الخمسة معادةة امتى,و لا برنامج الشيخ و الفتاوى الخمسة, تحياتى و رمضان كريم
‏قال غير معرف…
تصوروا
الى اى حد ذهب الخبل بالعقول
تحت تاثير مرتزقة البترودولارات
على يوتيوب 2مليون ونصف يشاهدون لقطه تقول انبعاث دخان كثسف من قبر عبد الحليم حافظ من شدة التعذيب
http://www.youtube.com/watch?v=QyAlO6unXPs
هؤلاء المروجون لمثل هذه الجوعبلات عار على البشريه
لأنهم لم يصلوا بعد لمستوى البشر
‏قال spider woman…
Airline security probe after veiled women board Heathrow-bound flight without showing their faces

Read more:

http://www.dailymail.co.uk/news/worldnews/article-1299914/Airline-security-probe-veiled-women-board-Heathrow-bound-flight-showing-faces.html
‏قال Desert cat
اقتراح بعد ان كبرت المهزله الأفتائيه

اعتقد ان الفوضى وتشتيت الناس مقصود
اقول قولى هذا والله اعلم
‏قال Desert cat
محمود المصري
وانا قولت حاجه
طالما فقى سذج بيصدقوهم وبيجروا وراهم ده حتى يبقى حرام عليهم عيشتهم لو مش استغفلوهم
‏قال Desert cat
dr.lecter
شوفتها
بس انا منتظرة فتوى عن الكنبة حرام ولا حلال
‏قال Desert cat
ELVIRA
لووووول
الفولة اتقسمت نصين وظهر الفساد من جواها
‏قال Desert cat
مؤنس فرحان
ماهو يا استاذ مؤنس انا مش ضد التجارة لكن توصل اننا نتاجر بالدين ونغيب عقول الناس علشانكل لما يزيد عدد المغيبين كل لما يزيد الدولارات
الحاجه اللى بين الانسان وربه اصبحت للتجارة ومين ناس بيقولوا على نفسهم رجال دين
غريبة الشغلانة الجديدة دى اصلا
‏قال Desert cat
Kontiki
هو انتى بس مجرد ما تذكرى اسم الشيخ يبقى انتى كدا خلاص معتمدة
فعلا المشكلة مش فيهم المشكلة فى المغيبين اللى بيصدقوهم
‏قال Desert cat
elmasryeffendi
وتلاقيهم شغلهم الشاغل اقناع الناس بالزهد والتقشف وهما عايمين فوق طبق الفتة
‏قال Desert cat
متساءل
لان المغيبين تخدعهم المظاهر وطالما التاجر من دول لبس الجلابية والطرحة وكشر عن انيابه وقعد يشرشح ويشتم فى المختلف فى الرأى والفكر مش بس اختلاف فى العقيدة يبقى خلاص ده اصبح شيخ وغيور على دينه يبقى نتبعه سبحان الله مع انهم بيقولوا ان الدين يدعو للسماحة والمحبة .. واعتقد مش فيهم واحد يعرف معنى الكلمتين دول ايه
‏قال Desert cat
karim
ياريتهم يسيبوا طريقنا ضلمة اصل قبل ظهورهم كان الناس عايشة فى ود ومحبة مع بعضها
‏قال Desert cat
Anonymous
اى اشاعات بيجروا وراها المهم يثبتوا انهم مؤمنين على حق
‏قال Desert cat
spider woman

Wrong the country which allows entry of these
‏قال غير معرف…
hello there catofdesert.blogspot.com owner found your site via search engine but it was hard to find and I see you could have more visitors because there are not so many comments yet. I have discovered site which offer to dramatically increase traffic to your site http://xrumer-service.com they claim they managed to get close to 4000 visitors/day using their services you could also get lot more targeted traffic from search engines as you have now. I used their services and got significantly more visitors to my blog. Hope this helps :) They offer best services to increase website traffic Take care. Jeremy
‏قال غير معرف…
Have you ever thought about including a little bit more than just
your articles? I mean, what you say is fundamental and everything.
Nevertheless think of if you added some great pictures or
videos to give your posts more, "pop"! Your content is excellent
but with images and clips, this website could undeniably
be one of the greatest in its niche. Amazing blog!


Here is my blog post musicos
‏قال غير معرف…
Hello there, You have done an incredible job.

I will definitely digg it and personally suggest to my friends.
I am sure they'll be benefited from this website.
Also see my website > vuelos bangkok
‏قال غير معرف…
Thanks for any other fantastic post. The place
else may just anybody get that type of information
in such a perfect approach of writing? I've a presentation subsequent week, and I am at the look for such info.
My page airlines

المشاركات الشائعة