ليضع العهر بصمته

اسمحوا لى اصدقائى الاعزاء ان اصحبكم معى فى جولة داخل مجتمع النفاق .. ذاك المجتمع الذى يتصارع فيه الجميع من أجل اللاشئ ، مهلاً لا تنزعجوا فلم اترهبن بعد ولم اشعر بالعجز حتى أخذ معى القليل من الزاد لأنتظر الموت فوق قمة جبل .. ولكن الصحف تطالعنى يومياً بما لذ وطاب من الإنتهاكات وارتكاب الموبقات من تحرشات و اغتصابات وقتل من اقرب الاقرباء ومجازر بشعه بيد من يشهد له الجميع بالاخلاق الحسنة والطيبة فاصبحت أخاف على نفسى من ذاك الخراب الانسانى الموحش من الداخل وفى ظاهره التدين والعفة . حقاً يالا النفاق !


كتبت قارئة تعليق على إحدى مقالاتى قالت فيه :


ممكن تكتبى عن الرجالة الوسخة ولاد الكلب اللى بيقرفوا ويطلعوا عين اى واحدة سنجل

وكمان الرجالة اللى فى الشغل اللى تندب فى عيناها الرصاص ومتطلعش ونظراتهم الوسخة لا وعامليلنك نفسهم محترمين والتقوى بتشر من وشوشهم اللى شبة افاهم وانهم بيعاملوكى بأحترام وتتلفتى وراكى تلاقيهم مركزين عينهم على سورى جد على مؤخرتك



واقول لها

ماذا تنتظرين يا عزيزتى من مجتمع تسبق قائمة المحرمات والمحظورات فيه قائمة المتعة والشهوات ؟

ماذا تنظرين من مجتمع لا يرى فى المرأة المتحررة إلا عاهره ويضع من اختارت ان تحيا حياتها لذاتها داخل ذاك الحصار الفاشيستى القبيح ؟

ماذا تنتظرين من مرضى فيتيشيه لا يلجأون للعلاج بل يلجأون لإخفائك وإخافتك حتى لا تفضحى أمرهم يرهبونك وبكل تبجح يقتلونك .

من المستحيل ان ننعم فى مجتماعتنا بالجمال والعلاقات الإنسانية لا تفهم معنى الإنسانية .

أتعلمين أنهم تمعنوا فى إذائى لمجرد انى فضلت الابتعاد ؟

أتعلمين أنهم تفننوا فى إختراع الإشاعات لأنى فضلت ان احيا بعيد عن حياتهم اللزجة وافكارهم العفنة وافعالهم الموبوءة المختلطة بالازدواجية والنفاق وان شئتى فى اضافة الاسفاف والانحطاط فلا تترددى

لا ينظرون إلى داخل ذواتهم القذرة .. بل جعلوا من أنفسهم أوصياء والمدهش أنهم يضعون أنفسهم فى منزلة الأنبياء .. يرتكبون كل ما شاءوا من الموبقات ويلتمسون لأنفسهم الأعذار أما أنتى إن أعترضتى فلا يترددوا بوصمك بالعهر والجهل والغباء .. يعانون من شيزوفرنيا باعترافاتهم فاحيانا داعرين وأحياناً شيوخ أجلاء .. وإن فكرتى فى المواجهة فتهمتك جاهزة وعقابك نحرك وتقديمك قربان لكل الأصدقاء

تحملت مشقة الهروب بجرح نازف دون تطهير فثمن المواجهة كان فوق طاقتى .. فضلت إبقاء وساختهم على جرحى حياً لا يندمل ولا يموت .. حرصت على دفنه عميقاً حتى لا يراه أحد وعلى الرغم من قسوة الألم أتحمله من أجل أن تظل صورتهم أمامى بشعة متقيحة .

والآن أدعوكى أن تتمهلى وأسلكى طريقك ولا تعبأى فعلى الباغى تدور الدوائر وأعلمى أنهم سيشربون من نفس الكأس فليتهم ما بصقوا فيه .


أتيتنى بالشكوى فسبقتك شكوتى لكنى أدرى أنك ستعذرينى بعد إعترافى لكى أن أذاهم كان فوق الإحتمال


تعليقات

‏قال Kontiki
اكتبى يا نمر وقولى عملوا معاكى اية المتأسلمين برضة اذاهم وسفالتهم وظلمهم باسم الله وببركة رسولة طالنى الله ينعلهم جتهم البلا جميعا وصمة عار على الدين بجهلهم وظلمهم ورجولتهم المنقوصة و وعودهم الخادعه الكاذبة وتصديق الافتراء وحساب البرىء بذنب الجانى وغبائهم وافكارهم الوسخة المريضة
حسبى الله ونعم الوكيل
‏قال Elmasryeffendi
لم يعد هناك ادنى معايير للانسانية فى مجتمعاتنا، فبعد انتشار الوهابية و اتباعها فى مصر ثم ممارسات من يتبعون هذه الافكار اصبحنا نعيش فى مجتمع سرى غير سوى من الجنسين و كله ما بقاش يعرف يحب او يعيش حياته باستمتاع لان كله بقى مكبوت و حتى الى بيحاول يتحرر بيواجه بكم هائل من الانتقادات من اقرب المقربين و زملاؤه و اصدقائه تجعله ينصاع لهم او يعيش حياته فى سرية، حاجة اخر مهزلة و الغلط بقى صح
‏قال غير معرف…
الغريب ان تمسحهم بالدين لم يفلح فى ستر
بشاعتهم
لأنهم اخناروا الفهم الصحراوى له المختلط بالعادات الفظه من فقه الأجلاف
‏قال Tarkieb
يعني انت لما تكتبي عن الرجالة دول ح تهدى نارها وترتاح كدة....انا بشوف ستات في الصيف في المانيا تقريبا ماشين لابسين قصير ومحزق وكله باين وبرضه كله بيبص عليهم ولا بيهمهم نظرات اي حد...الكلام عمره ولا النقد ح يبعد نظرات ابو عيون جريئة...لان دي حاجة غريزية..اللي كتبتلك محتاجة ثقة في نفسها اكتر من كدة.....واللي واثق من نفسه مايهمه اي حاجة....
اولا ازيك
بقالى كتير بعيد عن التدوين ولما رجعت ارجع على العهر كده :) مفيش استقبال كده حلوه ههه
عموما
سيدتى الرجال هم الرجال والنساء هن النساء
اذا كانت صاحبة التعليق ترى فى نفسها كل تلك النظرات على حد كلامها من جميع من يقابلها فانا اؤكد بل ابصم بالعشره ان هناك شىء ما فيها سواء لبس او ميك اب او غيروووو ولو كانت هذه حريه شخصيه لها فلتدع كل منهم لحريته ايضا
وحتى وان كانت هيا السيده الطاهره العفيفه صاحبة الجلاله فليس شتائمك فيهم هى اللتى ستردهم عن افعالهم حتى وان كانت افكارهم نتنه وتخفيهم وراء ستار الدين
سيدتى هناك نفس المثل فى النساء نفس النموزج ولكنى ايقن بشيئين اولا كل اناء ينضح بما فيه وثانيا انه مادمتى توقنين بما تفعلين وانه صواب فستسيرى حتى وان وجدتى بعض المؤرقات فى طريقك
‏قال Desert cat
Kontiki
انا لو هكتب اللى اتعمل معايا بجد يا كونتا مش هيكفينى موقع الحاج بلوجر كله
بجد لو حد جند جميع الشعوب لتشويه هذا الدين ماكانوا قدروا يعملوا نص اللى بيعمله اتباعه
عالم زبالة
‏قال Desert cat
elmasryeffendi
بما ان الجميع بقى مكبوت فالكبت يولد الانفجار
فى انتظار لحظة انفجار
:))
‏قال Desert cat
Anonymous

هنيئاً لهم باختيارهم القبيح ليت ياتى اليوم الذى يفيق فيه المغيبين ليروا وجوه المتمسحين بالديين الحقيقية
‏قال Desert cat
Tarkieb

انت مجربتش احساس ومشاعر اى انسانة محترمة بتحب تحترم نفسها
انا لما كتبت الكلام ده كتبته علشان الجهلاء والمتخلفين يفوقوا من وهمهم ويعرفوا انهم مفضوحين
كتبته علشان المرضى يروحوا يتعالجوا
مين اللى قالك انها مش واثقة من نفسها ؟
وانتوا فين من غض البصر ولا هو انتوا تتبجحوا وعينكو تندب فيها رصاصة على حد تعبيرك وبرضه الضحية هى اللى معندهاش ثقة
هى واثقة من نفسها بس انتوا اللى محتاجين تربية
‏قال Desert cat
عايش... ولكن !!!!

انت مين اللى قالك انهم بيبصوا لها هى تحديداً علشان تحكم على لبسها ولا الميكب بتاعها ؟
طيب ما تروح تسال مامتك وتعرف منها كام واحد بيعاكسها واعتقد انها مش بتعمل ميكب اوفر ولا لبسها بيكون اوفر ؟
واى حرية شخصية فى وساخة انسان بيعتدى على حرمات الناس
اتفو على ده متمع منافق وسخ
‏قال غير معرف…
انا متابعة جدا لكل اللي بتكتبيه يا ريت بنات البلد كلها زيك
اسمحيلي اقولك ان البوست ده جابلي اكتئاب، انا بقالي عشر ايام بحسب كام مرة بتعاكس او الاحظ نظرات حد ليا و انا في طريقي من و الي الشغل و صدقيني علي الاقل مرتين او تلاتة في اليوم مع العلم اني محجبة و الطريق من البيت للشغل يا دوب خمس دقايق ، تخيلي 3 او 4 معاكسات في حوالي 10 دقايق يوميا
و كل ده لما احاول اتكلم او اشتكي ابقي انا مش متربية عشان اكيد انا كنت لابسة ضيق او ماشية بطريقة مش كويسة و لما اقول طيب ما طالما هما رجالة اوي كده ما يمسكوا نفسهم و يغضوا البصر؟!! الاقي علي طول الاجابة جاهزة و هي ان الراجل يا حرام بيمر بظروف صعبة و يا عيني مش لاقيين يتجوزوا فا احنا يعني مشاركة ليهم في مصابهم الجلل ده لازم نسيبهم و نسكت علي الاهانة اللي بتحصل كل يوم دي

دين بيثبت كل يوم انه دين فاشل و عنصري و مجتمع اكل عليه الدهر و شرب و مبقاش فيه امل انه يتغير انا تقريبا بقيت شبه ملحدة من اللي بشوفه و بسمعه و حاولت كذا مرة اني اشيل الحجاب بس للاسف ضغوط المجتمع لسه اقوي مني، بس بعرف اتحايل عليه و احيانا بشيله و انا بره لما بكون في اي مكان محدش ممكن يعرفني فيه، مجتمع حقير يرضي بالنفاق عشان خاطر المظهر.

معلش حاجة اخيرة الاستاذ اللي بيقول اكيد هي حاطة ميك اب او حاجة يا ريت فعلا تتخيل زوجتك او اختك مكانها الاول قبل ما تكتب الكلام اللي حضرتك كتبته، اعذرني بس انت فعلا اكبر دليل علي التخلف اللي المجتمع وصله.

مصرية مخنوقة
‏قال غير معرف…
سيدتى الرجال هم الرجال والنساء هن النساء
اذا كانت صاحبة التعليق ترى فى نفسها كل تلك النظرات على حد كلامها من جميع من يقابلها فانا اؤكد بل ابصم بالعشره ان هناك شىء ما فيها سواء لبس او ميك اب او غيروووو ولو كانت هذه حريه شخصيه لها فلتدع كل منهم لحريته ايضا
وحتى وان كانت هيا السيده الطاهره العفيفه صاحبة الجلاله فليس شتائمك فيهم هى اللتى ستردهم عن افعالهم حتى وان كانت افكارهم نتنه وتخفيهم وراء ستار الدين
سيدتى هناك نفس المثل فى النساء نفس النموزج ولكنى ايقن بشيئين اولا كل اناء ينضح بما فيه وثانيا انه مادمتى توقنين بما تفعلين وانه صواب فستسيرى حتى وان وجدتى بعض المؤرقات فى طريقك

الى صاحب تلك التعليق

اولا وقبل كل حاجة انا بشر ومش ملاك واكيد عندى اخطاء مش هقولك انى نبى او معصومة من الخطأ

ثانيا انا مش بلبس قصير ولاضيق ولا بحط ميكب

ثالثا
ايوة انا شتمت ودا اقل من اللى بيعملوة

وحضرتك عايز تفهمنى ان الشتيمة كمان حرام بالنسبة لاى واحدة لكن انتو تشتمو براحاتكم وتقولو مالذا وطاب من الالفاظ الابيحة وكفاية اللى بتتلوث بية الاسماع اللى فى الشارع مع ان الشتيمة ربنا بينهى عنها للرجال والنساء

عايز تفهمنى ان انتو مبتشتموش لا

سيدتى هناك نفس المثل فى النساء نفس النموزج ولكنى ايقن بشيئين اولا كل اناء ينضح بما فيه وثانيا انه مادمتى توقنين بما تفعلين وانه صواب فستسيرى حتى وان وجدتى بعض المؤرقات فى طريقك

الظاهر حضرتك مفهمتش الموضوع ولا انا كمان مش عارفة افهم حاجة من كل حاجة ملخبطة فى الدنيا ومش عايزة اضيع وقت حضرتك فى ان اوضحللك انى بتكلم عن اية اكتر من كدة
‏قال مطلع…
اموال التخلف والهمجيه وتدين الأجلاف غزت حتى الأزهر
......
حذر الإمام الأكبر أحمد الطيب، شيخ الأزهر، الطالبات الوافدات لجامعة الأزهر من التردد على أي مسجد أو تقاضي أموال من أي جمعية، وقال: "سأفصل كل طالبة أكتشف أمرها وأخبر سفارة بلدها"، وحذرهن من الانتماء لأي فكر متعصب أو متشدد، وقال: "يجب أن يكون ولائكن للأزهر سواء من كانت على منحة أو بدون
وقال الطيب إن "الأزهر هو حارس وسطية الإسلام، وأضاف "لذلك فإن الأزهر كافر للتعصب والتشدد". مشيدا بدور الأزهر في حماية العلاقات بين المسلمين بعضهم ببعض، وقال "لولا الأزهر لكان المسلمين دبحوا بعضهم".

وكانت إحدى الوافدات قد اشتكت من أن بعض الأساتذة في كلية أصول الدين يتحدث عن الفكر المتشدد والمتعصب في محاضرته، مما أثار استياء الطيب، وقال: "الأزهر لا يحتمل وجود متطرف بين جناباته سواء كان طالبا أو أستاذا".".
‏قال misha و lado
لامكانية مواصلة الحياه بسلام في مصر
عليكم بمضادات الترجيع
‏قال dr.lecter
مش عارف اقولك ايه

انا حاسس اننا كلنا بقينا مرضي ومليئين بالعفن
‏قال اسلام…
جرعه هائله من التخلف العقلى
من ضمن اسباب هذاالهياج الحيوانى
......
نعم تعرض الناس لجرعه هائله من التخلف العقلى
وكمثال من الذى اطلقوا عليه امام الدعاه
......كيف برر معاشرة الرجل لجواريه
.......
يقول العبقرى ان ذلك انما بسبب ان الجاريه ترى فى الصباح سيدة الدار وهى تستحم بعد ليلة عاشرت فيها زوجها فتتحرك غرائز الجاريه ومن هنا كانت معاشرة الزوج لجواريه ترضية لهن ولم يخطر على باله وماذا عن العبد الرجل اليست له هو الآخر غريزه؟
وماذا عن شعور الغيره لدى سيدة الدار الا يسبب لها ذلك اى جرح لمشاعرها
ولكن لا فائده فالناس تعلمت الا تفكر بعد هذه الجرعه الهائله من التخلف العقلى
بل تسمع هذا الهراء وهى معجبه مبهوره
وشاهدى كل هذا على يوتيوب
‏قال *****…
في تعليقات بتعكس نفاق او انفصام في الشخصية او التلون بلون الفضيلة في اثناء السعي وراء الفضيلة

طيب اذا الميك اب بيثير غرائزكو ليش ما بتجيبو خشبة وبتحطو عليها ميك اب وبتشبعو غرائزكو من الميك اب؟

اذا البنطلون المحزق عاجبكو اشترو بنطلون محزق وعبو قطن واشبعو غرائزكو من منو

ليش ما بتعترفو انكو بتدورو على اللي تحت البنطلون او تحت الحجاب؟

عفوا, كل واحد فيكو لو يلاقي ام صاحبو اللي مثلو كمان راح يعمل هيك

قال الميك اب خلاه يتحرش فيها !!! عذر اقبح من صاحبو
‏قال Desert cat
Anonymous

اولا اشكرك جدا على حسن ثنائك
ثانيا بقى واضح ان كلنا بنحسب عدد مرات المعاكسة لدرجة ان فى حوار ماسنجرى مع صديقة بنتكلم فى الموضوع ده لاقيتها بتقولى انا ساعات بتسغرب لما بنزل الشارع والاقى اللى بيعاكسة تلاته او اربعه بس واضح ان قلة الادب من كتر ما بقت هى السائدة بقينا بنستغرب لما بنقابل حد محترم فى الشارع
اما الدين فهما تقريبا بيستخدموه فى قلة الادب
لانك لو فكرتى تتكلمى تلاقى الف كلب وكلب يقولك صوت المراة عورة واللى يقولك مش شايفة انتى لابسه ايه مع ان لبسك ممكن انضف ومحتشم الف مرة عن لبس بنته .. لكن الجهل والغباء وتبرير افعالهم الوسخة بيستخدموا فيها برضه الدين
الاستاذ اللى بيقول اللبس او الميكب فالناس دى هما المرضى اللى بيتم اثارتهم من مجرد خصلة شعر او حتى لون مانيكير صوابعك ودول يستحقوا الشفقة
‏قال Desert cat
مطلع
ياريت شيخ الازهر ينفذ كلامه
صر مش باظت الا من الوافدات بتمويل او اللى راح لدول الجاز ورجع بتمويل برضه علشان يغيب العقول
‏قال Desert cat
misha و lado
المضارات دلوقتى تستغيث لان مفعولها راح
:))
‏قال Desert cat
dr.lecter
مش الكل يا دكتور بجد فى ناس لسه عارفة يعنى ايه كلمة احترام وزوق وادب
‏قال Desert cat
اسلام

كل يغنى على ليلاه هنزل بوست دلوقتى اقراه علشان تعرف الشيوخ بيفتوا فى صلب مصالحهم الشخصية مش اكتر
‏قال Desert cat
*****

حجج فارغة مش عارفين يقولوا ايه علشان يداروا مرضهم
ياترى بيتحرش بالمنقبة ليه ماهى متغطية ومش لابسه محزق ؟
ولما تساليهم يقولوا لك اصل مشيتها مثيرة
دى عالم وسخة فاقدة الادب والاخلاق

المشاركات الشائعة