ايه إحساسك ؟



كان إحساسك ايه وانت بتأذى حد حتى لو الصلة بينكو مجرد مصالح مش لازم تكون الأذية جسدية ؟ ممكن تكون معنوية
إحساسك أيه لما بتلاقى حد ضعيف وتخرج قهرك وضعفك وسطوتك عليه ؟
إحساسك إيه لما بتحاول بكل جهدك تفرق الناس عن بعضها لا لشئ غير ان فى سؤال واحد بس يلح عليك ليه انا مش معاهم ؟ إحساسك أيه لما تكون شايف واحد عايش فى عذاب ولما تخرجه من أزماته يكون أنت اول واحد يعض إيده ؟
إحساسك أيه لما كل الناس اللى بتقابلها فى حياتك تشتكى من الحال والأحوال مش ملاحق تسمع مين ولا ترد على مين . وفاكرين علشان مش بتشتكى انك مولود فى بؤك معلقة دهب فى حين أن جواك نزيف محدش شايفه ولا حاسه غيرك ؟
وياترى إحساسك أيه وانت بتقرأ تصريح لوزير المالية انه ما بينام ليل ولا نهار من أجل توفير حياة أفضل للمواطنين انا مصدقاه فعلا انه مش بينام ليل ولا نهار لكن من اجل التفكير فى كيفيه تنضيف جيوب المواطنين ده ان اتبقى لهم اصلاً حاجه يلبسوها فيها جيوب ؟
احساسك ايه لما تسمع قنوات الإرهاب وهى بتقول على امك او اختك او بنتك انها عورة وانها مساويه بالكلب لان كلاهما ينقض الصلاة ؟
احساسك ايه وانت ماشى فى الشارع ترتكب الموبقات فى حق اى واحدة تقابلك لمجرد انها مش محجبة اصل ده اسمه جهاد ؟ واحساسك ايه لما تسمع عن الاخوة اللى بيسرقوا محلات المخالفين فى العقيدة لان اموالهم حل لهم ؟
احساسك ايه لما جرحت حد شاركك لحظة حلوة ؟ واتقاسم معاك ولو ضحكة من القلب ؟
بيجى لك نوم ازاى وانت ظالم حد ؟ بتعرف تخرج من البيت ازاى وانت حاسس انك منتهك حقوق حد ومعتدى على حريات غيرك ؟

مش عارفه ليه نفسى ادخل جوا كل الناس واعرف فين كلمة السلام ؟

واحد صاحبى كان بيقولى مشكلتك انك عايزة كل الناس محترمة .. مكنتش عارفه ان الاحترام الايام دى بقى مشكلة !!

Comments

dr.lecter said…
انت جيتي الاسكندريه؟
Desert cat said…
لا لسه شوية لحد بس ما اصحابى يعرفوا ياخدوا اجازات من الشغل
Kontiki said…
all that just makes u feel sucks :S
Desert cat said…
Kontiki

My feelings have been exhausted and did not find endurance
مصرى حزين على ما وصلنا اليه said…
قطه
تعرفى ان 80% من منغصات حياتناعلى الأقل
ترجع الى استخفافنا بالعقل او اعطاءه اجازه
ونحن فى حاجه ماسه لثوره فى الفكر
والا سيكون مصيرنا فى الوجود مصير الديناصورات التى انقرضت بسبب ضآلة عقولها
رغم ضخامة اجسامها
مصرى حزين على ما وصلنا اليه said…
ما نحن فيه من تخلف فكرى يبقينا فى مستنقع
التخلف والفقر والأرهاب
لا يتفق اطلاقا مع ماقطعناه طوال قرنين من محاولة اللحاق بالعصر
والبركه فى اموال النفط التى انهالت على اشد مناطق العالم تخلفا فانسكب تخلفهم علينا كما تسقط المياه الى منخفض فتتولد قوة
هائله تاتى على الأخضر واليابس
ما نحن فيه ليس هو ماكان يجب ان يكون استمرارا لنهضة وتحديث قديم
مانحن فيه من تخلف فكرى وتدين انتهازى واستهبال سياسى
لا يتفق مع منطق الأشياء ودخيل وسيزول سريعا متى تهيات الظروف المناسبه
Ms Venus said…
مش عارفه ليه نفسى ادخل جوا كل الناس واعرف فين كلمة السلام ؟


مش عارفه ليه نفسى ادخل جوا كل الناس واعرف فين كلمة السلام ؟



مش عارفه ليه نفسى ادخل جوا كل الناس واعرف فين كلمة السلام ؟


هفضل اكررها كتير يا قطة لانها فعلا جواياااا
Desert cat said…
مصرى حزين على ما وصلنا اليه
وتعرف حضرتك ان 80% من اسباب التخلف اللى نحياه هو تغييب العقول وجهل الغالبية العظمى من البشر
Desert cat said…
مصرى حزين على ما وصلنا اليه

للاسف الكام برميل زفت اللى اكتشفوهم دول كانوا سبب البلاء على البشرية
Desert cat said…
Ms Venus
هى جوا كل حاد بيفهم يا فينوسه
Anonymous said…
You touched a nerve.

Peace? I want you to read the over 200 comments for Al-Shorouk article on stoning an iranian woman for adultery. Most of the comments are scary, cruel, ignorant, judgemental and so unkind. Who are all those unbelievably angry people and when did we all become judges? Why do we quicly point to others and fail to see all the ugliness inside our souls?

My friend is currently visiting the far east and he is amazed with how peaceful people are. So at least we know that there is peace somewhere on earth, but it definately is not here.

Masreya men Canada.
إيه دا يا قطة .. دانتى طلعتى قطة بجد
شوفى يا ستى
-------------------------
انا عايز أعلق على كل تساؤل من اللى قلتيهم
بإختصار أنا لإما بأحس لإما مابحسش .. وكتير فعلا بنخرج عقدنا الشخصية على غيرنا وبنتخدع فى ناس كتير ودا بيخلينا نفقد ثقتنا فى الكل بلا استثناء ونفقد ميزة اننا نفرق بين الناس ونخلط الحابل بالنابل
====================
إحساسك أيه لما كل الناس اللى بتقابلها فى حياتك تشتكى من الحال والأحوال مش ملاحق تسمع مين ولا ترد على مين . وفاكرين علشان مش بتشتكى انك مولود فى بؤك معلقة دهب فى حين أن جواك نزيف محدش شايفه ولا حاسه غيرك ؟؟؟

هنا الواحد المفروض يقول الحمد لله .. الحمد لله على نظرة الناس ليك .. واحساسهم بالأمان والثقة ان هما يشتكولك اصلا
الحمد لله ان شكواك للخالق موش لمخلوق
===========================
وياترى إحساسك أيه وانت بتقرأ تصريح لوزير المالية انه ما بينام ليل ولا نهار من أجل توفير حياة أفضل للمواطنين انا مصدقاه فعلا انه مش بينام ليل ولا نهار لكن من اجل التفكير فى كيفيه تنضيف جيوب المواطنين ده ان اتبقى لهم اصلاً حاجه يلبسوها فيها جيوب ؟؟؟

الناس طقت من الحكومة التعبانة دى اللى عمالة تخربها اكتر واكتر
==========================
مش عارفه ليه نفسى ادخل جوا كل الناس واعرف فين كلمة السلام ؟

السلام جوا كل واحد بييجي لما يتوجد عنده الشعور بالرضا

بذمتك مين فى بلدنا دلوقتى عنده رضا عن حياته ووضعه وتعليمه وشغله ودخله ودنيته كلها على بعضها

زى ماقلنا قبل كده عدم الرضا بيجيب سخط وغضب وحقد بيتبلور كل دا حسب ظروف كل واحد ويطلع لك عقد نفسية مختلفة .. كوكتيل .. نطلعها على بعضينا
==============================
واحد صاحبى كان بيقولى مشكلتك انك عايزة كل الناس محترمة .. مكنتش عارفه ان الاحترام الايام دى بقى مشكلة

احترامى ليكي واحترامك ليا موش بالأمر او بضغطة زرار .. الاحترام شعور لا إرادى بيظهر نتيجة تربية معينة على أخلاق معينة

ربنا يستر على مصر والمصريين

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز