كيف يفسح المجال للعراة والفجرة



طبعاً مع بداية الصيف لازم يبتدى ماراثون كل سنة من الاخوة السلفيين والوهابيين اللى فى كل حاجه لمناخريهم حاشرين .. وبما ان الصيف هو موسم الخروج للكافيهات والمتنزهات والمصايف فالطبيعى ان المشكلة التى تطفو فوق السطح وهى بعض الأماكن تمنع دخول المنقبات والمحجبات .. ومعرفش ايه السبب فى ان المنقبات والمحجبات يدخلوا كافيهات من من ابتداع الغرب الكافر بتقدم الخمر يعنى هو شرب الخمر مش حرام ؟ وليه المنقبات يروحوا ينزلوا حمامات سباحة من اهم شروطها المايوه ما فى شواطئ مبتقولش لاء حتى لاطفال الشوارع ؟ ثم هو نزول البحر مش حرام ؟ دى بتكون طالعه من المية جسمها كله متقسم وباين حتة حتة كأنها ماشية عريانة وعلشان ايه يرموا الهلب خصيصاً على الأماكن السياحية اللى لو دخلوها هيخربوها بغبائهم وهمجيتهم وفوضيتهم ؟
طبعاً يوسف الفقرى برر دخولهم الاماكن دى انهم اثناء الصلاة بيجمعوا بعضهم ويصلوا على الشاطئ جماعه وبكدا رايحين يعملوا دعوة جماعية للإسلام .. اما محمد البرى اللى بيقولوا عليه راجل دين وفقيه وعالم فكان رده منتهى السفالة والانحطاط وقلة الادب
كيف يفسح المجال للعراة والفجرة دون غيرهم؟ فهذا أمر غريب وجديد
بأمانة الغريب جداً ايها الأحمق هو ردك الخالى من الأدب ازاى تكون راجل دين وتكون دى أخلاقك ؟ ازاى تكون عالم ويكون ده أسلوب كلامك مش ملاحظين حاجه ؟ ان كل اللى مديين نفسهم توكيل يتكلموا باسم الله عالم سافله وقليلة الادب ومش بيخرج من بؤهم غير الزبالة
وليه بقى اللى مش محجبات قعدوا يعيطوا وعملوا لهم فيلم هندى على صباية كافيه اللى مكتوب عليه يافطة طول بعرض اللى عاملاه الحاجه حنان ترك ؟ ولا حلال ليهم حرام على غيرهم ؟ وليه لما اتعمل كافيه صبايا وكان بينزل اعلانات فى كل الصحف وتحت اسم الكافيه للمحجبات فقط لا حد ثار ولا حد هاج وماج ولا قعد يعوى زى الاخوة اللى عايزين يروحاو يسهروا فى اماكن الكفر والعياذ بالله

تعليقات

‏قال Sahran
مرحبا قطة

هناك مسألة لابد من التنويه لها بهذا الخصوص ,,

ليست المسألة تعدياً على حرية تلك النسوة ( وصدقاً فأنا لا أنكر حقهن في الحياة كما الآخرين ) , ولكن المشكلة العويصة هي في التلوث البصري الذي يسببه منظر أولئك النسوة في أماكن يفترض بأنها من أجل الترفيه عن النفس ,,

وكما قلتي عزيزتي فمن الغريب من نسوة أخذوا من الدين أعسره , أن يفرطن بمسألة أخرى منه وهي حرمة دخول تلك المناطق أصلاً , وذلك حسب ما يقوله الدين ورجاله !!!!!!!


تحياااااااااااااااااتي لك



ودمت سالمة
نرجو من حضرتك الاطلاع على الفكره ونقدر مساعدتك
‏قال غير معرف…
I remember one of them saying last year that if they ever have the power they will assign separate beaches for women for Egyptian as well as tourists! As if we will still have any tourists by then.

By the way, I saw the islamic scholar "Hassan Shehata" on Elnas TV responding to "Al-3awa" and saying that it is wrong to say that Christians and Jews are equal to Muslims in life or after life. And to defend the superiority of Muslims above others, he mentioned how they even should pay Al-Jezya without complaining!

I always told myself that I will know that there's no hope for Egypt when I see the following:

1. When a genious notices Abdel Halim song (ge2to la a3lamo men ayna) by Gobran Khalil Gobran and attacks it as a sign of "kufr". DONE.

2. When Kassim Amin, Hoda Shaarawi, Taha Hussein, Amina Al-Saied are described as "kafara". DONE.

3. When "Al-Jezya" talk is back to life. DONE.

3. When bathing suits on Egyptian beaches are history. IN PROGRESS.

4. When my best friend of many many years decides she can't be my friend anymore because I'm Christian. I hope this day will never come.

Sorry for writing in English as I don't have Arabic keyboard.

Masreya men Canada.
‏قال Kontiki
وحياتك يا قطة القصة مش دين القصة كل واحدة عاوزة تشبك فى ايد واحد وكل واحد عاوز حتة اللحمة تبقى بتاعته هو بس عشان رجولته المنقوصة يحس انها كاملة عشان كدة بقى فى عقد اجتماعى ان اللى عاوزة تتجوز تتنقب او تتحجب وتوطى صوتها وتعمل نفسها الشيخة باتعه
بصى انا اقترح يعملوا يوم للمنقبات فى البلاجات ويوم للمحجبات ويوم للمسيحين ويوم للانسات ويوم للمتجوزين ويوم لغير المحجبات وكدة بحيث منبقاش مجتمع خالص ولا فى اى حس اجتماعى عام ولا ذوق عام نبقى منفصل مش مجتمع عشان نعجب المشايخ جتهم البلا جميعا
‏قال Elmasryeffendi
و مين قالك ان محمد البرى ده عالم ؟ ما انتى عارفة كل امراء السبوبة و بعدين كافيه صبايا ده برضه ممكن يكون جايب تمويل بتروريالى من هنا او هنا ، و اللى حصل فى جراند حياة مش بعيد لما البراطيش صاحبه حب يعمله فندق اسلامى و للاسف اخواننا بتوع السياحة ما كانوش حازمين لانه ببساطه دى مهنة و خدمة ليها معايرها و مواصفاتها و اللى مش عاجبه يشرب من الخليج الفارسى
‏قال eman
واين غض البصر ؟ ولا احنا المفروض نتخنق عشان ن\مش قادين تحوشوا الرياله!!!!!!!!!!!!
‏قال مطلع…
لايزال قول اعظم
شعراء العربيه قائما بعد1200 سنه
اغاية الديخ ان تحفوا شواربكم
يامة ضحكت من جهلها الأمم
‏قال Ms Venus
هبعد عن الدين وهقول كلمة وبجد

المنظر فعلا بيبقى وحش اوى اوى اوى


وجسمهم فعلا بيبقى باين بشكل بشع


سبحانك ياربى فى العقول


نفسى فى حاجة وبجد يا قطة

نفسى الاقى ناس زيك كده كتير فى عقلك المتفتح


مكانتش هتبقى مصر كده ابداااا
‏قال Desert cat
Sahran
وده اللى انا بسال فيه فعلا هى اختارت لنفسها مظهر معين تميز نفسها بيه يبقى اما تحتفظ بيه وتحافظ عليه واما تخرس خالص وتلتزم بقواعد الاماكن اللى تدخلها او تقعد فى بيتها وتريح المجتمع من منظرها القميئ
‏قال Desert cat
بنك دم المدونيين
فكرة موفقة
‏قال Desert cat
Masreya men Canada

اولا تشرفت جدا برد حضرتك
ثانياً ما يحدث فى مصر الآن لهو بسبب سكوت الفئة المثقفة واشمحلاهلا امام الهجمة البترودولارية الشرسة ثم انسياق بعض المتخلفين عقليا المنحلين اخلاقيا لانهم يقومون باستغلال الآخرين بهذه المظاهر الخادعة
لذلك الطبيعى يقومون بكل ما اوتو م ن قوة بهدم كل عقل مفكر ويدعو للتنوير فالطبيعى ان يكفروا هدى شعراوى وقاسم امين وكل من نادى باعمال العقل

تحياتى
‏قال Desert cat
Kontiki
عايزة اقولك ان اكتر فئة منحلة من الرجال اللى بيقولوا لك ان جسد المراة عرة وتغطيتها حرام انتى ممكن تتفرجى على المهازل اللى بيعملوها فى الخفاء وبرضه باسم الدين مفيش مشاكل
اما بقى تقسيم ايام الاسبوع على كل فئة يوم فانا شايفه ان الخطوة الجاية ممكن برضه يقسموا شوارع مصر وكل ونقسمها جمهوريات مختلفة كل واحد حسب هويته
‏قال Desert cat
elmasryeffendi
انا مقولتش عليه عالم ولا بقول على الاشكال دى الا عوالم ده اخرهم يعنى
اما الحاجه حنان ترك فاظن لازم تضحى بالفن وتفتح كافيه بحجم صبايا كافيه الا اذا كانت قابضة كويس اوى
واسمح لى اختم الكومنت بقولهم
هذا والله اعلم
‏قال Desert cat
eman
مش معترفين بده .. اذا كان شيوخ الوهابية قاعدين فى الفضائيات يحقروا من شأن المرأة وعمرهم ما جابو سيرة عن غض البصر حاجه مقرفة يعنى
‏قال Desert cat
مطلع
الامم وقعت على الارض من شدة الضحك مننا
‏قال Desert cat
Ms Venus
هما لو فعلا بيطبقوا الدين مكانش بقى ده الحال يا فينوسة لكن كل واحد بيسترزق بوسيلة معينة يخاف انها تنتهى علشان كدا بيدافعوا بكل شراسة عن التخلف بشتى انواعه
‏قال غير معرف…
The other day, while I was at work, my sister stole my apple ipad and tested
to see if it can survive a forty foot drop, just so she
can be a youtube sensation. My iPad is now destroyed
and she has 83 views. I know this is completely off topic
but I had to share it with someone!

My blog post :: source
‏قال غير معرف…
Heya this is somewhat of off topic but I was wanting to know if blogs use WYSIWYG editors or
if you have to manually code with HTML. I'm starting a blog soon but have no coding skills so I wanted to get guidance from someone with experience. Any help would be greatly appreciated!

Feel free to surf to my web-site :: here

المشاركات الشائعة