المهم حتة اللحمة

ايون شهيرة قالتها باللفظ كدهون المهم هو حتة اللحمة .. فى برنامج الجريئة الذى تقدمه المخرجة أيناس الدغيدى بصرف النظر ان فى ناس مش بتحبها او بتكرهها يعنى اهو الاتنين بمعنى واحد .. وفى ناس بتقول ياااى دى بجحة اوى اصلها دخلت غرف النوم بالكاميرا .. معلشى يا حبايبى دلوقتى التقدم التكنولوجى مخلاش لا غرف نوم ولا حمام .. وان جبت طفل عمره 10سنين وسالته ايه اللى فى غرفة النوم هيقولك سرير يا عمو .. نرجع لموضوعنا فى حوار جريئ جداً كشفت فيه الفنانة شهيرة النقاب عن ما يحدث فى منزل الحاجه هناء ثروت .. وازاى الفنانة بتدخل متبرجة وبئس المصير بتخرج محجبة وداعيه اسلامية .. نفسى اعرف ايه نوع مسحوق الغسيل اللى بيتم استخدامه .. لدرجة ان حنان ترك فى اتصال تليفونى فى احد البرامج بتقول انا لو بقتل قتيل وسمعت الادان حسيب القتيل واروح اصلى وارجع أكمل .. يا حلولى يعنى هو القتل مش حرام لكن الصلاة فرض يا حاجه حنان ؟ شطورة يا نونا برافوا .. ونرجع لمدى التناقض اللى بيتمتع بيه الجماعة الإسلاميين .. فى سؤال لولبى حلزونى لأنوس هو الشعر بيعمل فتنة ؟ ردت عليها الحاجه شهيرة قالت لها لاء المهم هو حتة اللحمة .. ولما سالتها امال انتى اتحجبتى ليه .. طالما مغطية حتة اللحمة الاخت غرقت فى شبر مية وقعدت تلف وتدور فى الكلام .. وبالفعل لا يتم اثارة شخص من مناطق لا علاقة لها بالاثارة الا مرضى الفيتيشية واللى ياريت يروحوا يتعالجوا بدل ما يقرفونا ويفرضوا حاجات ملهاش علاقة بالدين من قريب او بعيد بدل من الاعتراف بمرضهم ... وننتقل من الفنانة شهيرة وايناس الدغيدى لسؤال هايل رائع لشيخ على قناة الناس .. وهو يا شيخ هل كلمة آلو حرام ؟؟ الشيخ بمنتهى البلاهة طبعاً .. ولما ترفع السماعة لازم تقول السلام عليكم علشان تفوز بالحسنات وتدخل الجنة .. لكن آلو ليست من الدين فى شيئ بل هى بدعة أبتدعها الغرب .. هأوو يا شيخ يعنى هو ربنا قاعد فى السما علشان يشوف مين بيقولوا الو ومين بيقول السلام عليكم ؟؟ ده انت راجل عايز إبادة من الوجود بأمانة ... فى تعليق على اخر بوست لصديق بيقولى السعودية تمنع الاختلاط فى الأماكن العامة ؟ طيب وماذا يا سادة يا مشرعين هيئة الامر بالمنكر والنهى عن المعروف عن الأماكن الخاصة ؟ ولا النقاب بيحل المشاكل ؟

تعليقات

‏قال سواح…
عن الأماكن الخاصه
فى مملكة الشذوذ
.....
الشرطه المكلفه بحفظ الفضيله فى غرف النوم تهاجم حتى الأماكن الخاصه كما حدث فى اجتماع عائلى بين افراد اسره من الرجال والنساء هاجمتهم الشرطه وسحبتهم للمحاكمه والسجن والجلد
ومش بعيد تدخل الشرطه لتتاكد منان الرجل ياتى زوجته او زوجاته فى المكان الشرعى
ههههههههههه
‏قال غير معرف…
بعد ان افتى شيوخ الجاز والشذوذ بان خلع الزوجه لثيابها اثناء المعاشره الزوجيه حرام
ليس بعيدا ان تتدخل الشرطه للتاكد من ذلك
هل توجد همجيه وخبل بل واذدراء ومهانه اكثر من ذلك
مصيبه كبرى وقعت فوق راسنا بظهور الجاز فى بيداء الهمجيه
ومنه انتشرت الغرائب والعجائب الى سائر انحاء منطقتنا
‏قال dr.lecter
جتهم القرف
والنبي بباش كلام عن العالم دي
قال الو حرام
عايز اقول كلمه قبيحه مش قادر امسك نفسي
‏قال Kontiki
ازيك يا قطة
هو انا عكيت فى البوست اللى قبل اللى فات ؟ !
:)
انتى طبعا عارفة انى متفقة معاكى فى البوست دة الكلام على فضائح المتأسلمين بقى يملأ مجلدات وخوصا الحاجة حنان ترك و الحاجة شهيرة هههههه وربنا يستر على اللى جاى
‏قال Desert cat
سواح
احب اقول لحضضرتك ان فى دراسة اكدت ان نسبة الشذوذ فى المملكة ايها وصلت 22.7 %واضح انهم شغالين كويس اوى
‏قال Desert cat
Anonymous
مش بعيد يكون فى قانون لحساب عدد القبلات بين الزوج والزوجة واللى يزيد عن المعدل المطلوب يتم القبض عليه
دول مهابيل اخر حاجه بصراحة
‏قال Desert cat
dr.lecter
حاضر يا دكتور مش هتكلم تانى واضح ان كلنا مزنوقين فى الكلمة اللى واقفه فى الزور دى
‏قال Desert cat
Kontiki
ازيك يا كونتا
انتى عكى براحتك يا جميلة
بس انا بجد مش شوفت لك اى كومنت على البوست قبل اللى فات
:))
‏قال Pure
أسلوب جميل ومتوحّش
:)

ساعات بلاقي ليكِ تعليقات
بحس إني بخاف منك

وفي نفس الوقت
انتِ لزيزة أوي
‏قال SERVANT OF JC
ازيك يا قطة ..؟ :)

علي فكرة كلامك مضبوط جدا..

في مرض فعلا اسمه الترايكوفيليا .. ودة واحد من الامراض الفيتشية والشخص اللي بيعاني منها بيُثار جنسيا من الشعر وبخاصة شعر الرأس

"Trichophilia or hair fetishism is a paraphilia in which one becomes sexually aroused by, or is extremely fond of, human hair; commonly head hair."

source: http://en.wikipedia.org/wiki/Trichophilia

واضح ان اللي بيدعو لتغطية الشعر بحجة انه (عورة) وفتنة بيعاني من المرض دة..

ربنا يعجل بشفائهم!
‏قال اعلان…
سنواصل النشرة بعد قليل

http://www.panet.co.il/online/articles/71/73/S-308735,71,73.html
‏قال Elmasryeffendi
ليه بس فكرتنى بالحلقة المستفزة دى ؟ انا شفت المقدمة و 5 دقايق و ما قدرتش اكمل من اول ما الحاجة مسكت الميكروفون و وقفت تخطب انه دور اى حد يوجه و يوعى اخوه المسلم و ان ده فرض ، قلت اقلب و اتفرج على الفرنجة المتبرجين ، الا صحيح هى قناة السوبر موفيز حلال و لا حرام ؟
‏قال مصرى حزين…
قطه ارجو ان نتوقف قليلا عن الموضوعات المطروجه ونتابع ماساة شهيد الأستبداد
فليس معقولا ان يهتم العالم ونحن لاهون
بيان الأتحاد الأوربى
أعرب رؤساء البعثات الدبلوماسية لدول الاتحاد الأوروبي في مصر اليوم الاثنين، عن "قلقهم" إزاء ظروف وفاة الشاب خالد سعيد (29 عاما) الذي فارق الحياة في 6 يونيو الماضي، بعد تعرضه للضرب حتى الموت من قبل الشرطة، وفق منظمات حقوقية وهو ما نفته وزارة الداخلية المصرية.

وقال بيان صادر عن بعثة الاتحاد الأوروبي في مصر، إن "رؤساء البعثات الدبلوماسية لدول الاتحاد الأوروبي في مصر، يعربون عن قلقهم إزاء ظروف وفاة خالد سعيد بعد التقارير المتضاربة عن هذه الواقعة، وتناقض أقوال الشهود وبيانات أسرة سعيد ومنظمات حقوق الإنسان (المحلية) مع النتيجة التي انتهى إليها التشريح الثاني للجثة".

وأضاف البيان، أن سفراء دول الاتحاد الأوروبي "يرحبون بإعلان السلطات المصرية استعدادها للقيام بتحقيق قضائي في وفاة خالد سعيد، ويتطلعون إلى أن يجرى هذا التحقيق بشكل غير منحاز وشفاف بما يقود إلى إنهاء هذا التضارب بطريقة ذات مصداقية".

وأكد بيان الاتحاد الأوروبي أنه "على ضوء الالتزامات التي قطعتها مصر على نفسها خلال المراجعة السنوية الدورية لحالة حقوق الإنسان في مصر (من قبل المجلس الدولي لحقوق الإنسان خلال اجتماعه في جنيف مطلع يونيو الجاري) فإن رؤساء البعثات الدبلوماسية لدول الاتحاد الأوروبي، على ثقة من أن السلطات المصرية ستحقق بفاعلية في الادعاءات حول تجاوزات الشرطة وستحاكم مرتكبيها".

جدير بالذكر أن النائب العام عبد المجيد محمود أعلن يوم الأربعاء الماضي، أن إعادة تشريح جثة خالد سعيد أظهرت أن الوفاة نجمت عن إصابته باختناق نتيجة ابتلاعه لفافة مخدر، نافيا بذلك عن الشرطة شبهة تعذيب الشاب حتى الموت التي أثارت حركات احتجاج شعبية واسعة وحملت واشنطن على الإعراب عن قلقها، غير أن المحامين الذين وكلتهم أسرة خالد سعيد شككوا في مصداقية إعادة تشريح الجثة.
‏قال سواح…
فى غزهيهاجم الهمج معسكر رياضى تقيمه منظمة غوث اللاجئين
للطلاب بحجة انه ضد الفضيله
......
اعتدى المهاجمون على أحد حراس المخيم وسلموه رسالة تهديد لمدير عمليات أونروا في القطاع واثنين من موظفيه. وتضمنت الرسالة تهديدا للأونروا من الاستمرار في ما وصفته بالأنشطة اللامنهجية التي تضر بأخلاق الجيل على حد تعبير الرسالة.
‏قال مؤنس فرحان
بيعجبنى فيكي يا قطة انك بتختارى مواضيع فى الجوون

مبدئيا أن ضد التعميم
و ضد اننا ناخد كلام فى الدين من شهيرة ولا حنان ترك .. موش كل فنانة ولا رقاصة ولا ممثلة تتحجب بقت فقيهة ولا شيخة فى الاسلام .. وهما لو بيفهمو اصلا ماكانوش وافقو يظهرو مع اللى اسمها ايناس الدغيدي
------------------------
بس حأتساءل معاكى يا قطة .. لو الشعر مافيهوش إغراء .. ليه البنات بتهتم بيه وهاتك يا زيوت و كريمات و صبغات وموش عارف ايه بيمنع القشرة وايه بيمنع التساقط
وكم رهيب من التسويق التجارى والاعلانات عن كل مستلزمات الشعر ..؟؟؟؟
لا شك ان الشعر من علامات الجمال عند المرأة .. بمختلف ستايلاته واذواقه واللى تقول غير كده تبقى حاقدة عالبنات اللى شعرهم حلو من الآخر :p

المهم .. بالنسبة للشيخ بتاع الو حرام .. فللأسف العقول دى الواحد بيقابل منها كتير .. شيوخ متحجرين ومابيفكروش
عارفين انتو فى الدراسة لما كنا نقول دوول حافظين موش فاهمين .. أهوم هما دوول
‏قال Desert cat
مؤنس فرحان
اولا ميرسى على رايك
ثانيا ايناس الدغيدى مهما كانت مش عاجباك بس على الاقل دايما تكشف عورة مجتمع متخفى خلف رجال دين وحقيقتة تفوق القذارة بكتير
موضوع الشعب اللى مهتمين بيه وكريمات القشر وتساقط الشعر هو مش المفروض ان النظافة من الايمان برضه ؟
ولا تسيب شعرها منكوش ومليان بالقشر علشان تبرهن لك انه مش فتنة ؟

المشاركات الشائعة