ده العمل بقى حرام

ضحكو علينا واحنا صغيرين وقالوا لنا العمل عبادة والنهاردة بس اكتشفت ان العمل فى البنوك حرام .. رحت البنك الصبح لاقيته زحمة جدا المهم اخدت دورى فى طابور طويل مش بيمشى اصلا ولما سالت هو الطابو ده واقف كدا ليه ... قالوا اصله بيخلص 2 رجاله وواحدة ست .. حتى فى ده تمييز ما علينا .. بس انا واقفه من ساعه ومش شوفت ولا ست وراجل طلعوا .. وايه الناس دى كلها وبيقولوا الازمة الاقتصادية مأثرة ... امال لو مش مأثرة كانت زمان البلد كلها فى البنك دلوقتى اللهم ما لاحسد .. رد عليا واحد مثقف قالى فى بلاد بره والدول المتقدمة كل واحد بياخد رقم وبيقعد معزز مكرم ولما يجى دورة رقمه بيبان على شاشه وفى حد مخصص بينادى عليه .. لسه مش رديت ولا لحقت انطق لاقيت صوت واحدة ست بتقول ماهو لو احنا راضيين بالمقسوم مكانش ده بقى حالنا .. احنا بنتمرد على النعمة اللى احنا فيها .. قولت لها طيب الوقفة الهباب دى فى عز الحر ده وبتقولى نعمة ؟؟ قالت لى فى ناس غيرك فى الصومال مش لاقيين ياكلوا قولت لها حاضر هبقى اروح اكلهم .. هو علشان فى ناس غيرى مش لاقيه تاكل المفروض انا اقف فى طابور زى ده واغنى له انا بعشقك .. هو الواحد لما يبقى اجابى ويتكلم عن سلبيات شايفها يبقى بيبطر على النعمة ؟؟ رد واحد بصوت جهورى وكأنه واقف فوق منبر بيخطب الجمعة .. وبيقول انتوا بتتخانقوا على ايه .. كل اللى واقفين هنا دول فلوسهم حرام .. الراجل بتاع فى بلاد بره والدول المتقدمه قاله والله طالع عينينا فيها حرام ايه بس .. قاله انت مش بتشيل فلوسك دى فى البنك وبتجيب لك ربح هو الربح ده انت تعبت فيه .. اذن انت بتكنز فى مال حرام .. والموظفين اللى بيسهلوا لك المال الحرام ده مرتباتهم من مال حرام الناس وقفوا يبصوا له وكأنه كائن خرافى لسه نازل من كوكب تانى وساله واحد منهم طيب الناس اللى بتودع فلوس وفهمنا ان الربا حرام مع ان فوائد البنوك مش ربا ومش حتناقش فى الموضوع ده علشان لا مكان ولا وقت نقاش لكن الموظفين مرتباتهم حرام ليه .. راح قاله الشيخ عطية صقر عليه رحمة الله قال أن مباشرة الاعمال التى تتعلق بالربا من كتابة وغيرها إعانة على إرتكاب المحرم وكل ما كان كذلك فهو محرم شرعاً ... الراجل قاله طيب الناس اللى بره مصر وبتحول فلوسها على البنك لاهل بيتهم يصرفوا دول كمان فلوسهم حرام .. قال يا استاذ اتقوا الشبهات لو انت فى مكان النشاط اللى فيه بعضه حلال وبعضه حرام فالعمل بها حرام .. اتسحبت من لسانى وقولت له معلشى احنا كلنا كدا فلوسنا حرام وراضيين بالحرام ده انت واقف هنا بتعمل ايه وواخد لك دور فى طابور ليه ؟؟ وكان رده مقنع جدا
حيث انه رفع نبره صوته لاعلى درجة وراح قايلى حسبى الله ونعم الوكيل
وبناء على كلام هذا المهرقط الكبير
فعلى كل من يعمل فى بنك بتقديم استقالته فورا اصل مرتبه من مال حرام و الله يرحم الشيخ بتاعه اللى قاله انه يحرم على الناس عيشتها وفى نفس الوقت يروح يعمل زيهم

تعليقات

‏قال Tears
شوفى ده يا قطة

http://muslims-however.blogspot.com/2010/05/blog-post_19.html
‏قال أم الخلود
لا تخافي أختي في الله فوزرها يقع على من أباحها ونحن مضطرين لذلك

جزاك الله خير الجزاء
‏قال dr.lecter
عمل ؟ اعوذ بالله فتنه وفجور وفسوق

ستهب عليكم صاعقه من السماء
‏قال Kontiki
عمل المرأة حرام وخصوصا انها فتنة وطالعه من بيتها عشان يطلع عينها فى الشارع عشان هدفها هو الفتنة الا اذا تكفنت و ارتدت السواد عشان الرجالة لا مؤاخذة ما ي***** لما يشوفوها
اما البنوك فهى ايضا حرام ولذلك ولدرء الشبهات تفتق ذهن المفتى الاسلامى عن حيلة لابن حنت لكتابة كلمة اسلامى بعد اسم اى بنك لتمييزة عن اى بنك تانى مسيحى او يهودى او بوذى هههه
وبالتالى ممكن نلاقى قريبا نايت كلوب اسمة الملهى الاسلامى للترويح او
hejab D.J :)
اكلمك جد يا قطة رئيس قسم فى بنك غير اسلامى فكر لحظات ان عملة حرام وبالتالى دور على شغل فى بنك تانى يكون اسلامى وطبعا لانه فاهم و دارس و متمكن من شغلة قال ان كلها مسميات بس وان مفيش ادنى فرق فى التعاملات المالية فى مقاييس عالمية بتحكم العمل فى البنوك كلمة اسلامى فى اى بنك ضحك على البقر اللى عاوزين يصدقوا ان حياتنا كلها حرام
جتهم البلا الاخوان و المتأسلمين و السلف و شيوخ الفضائيات و اتباعهم
‏قال Migo Mishmish
طيب ما الراجل قالك اهو
حسبى الله ونعم الوكيل
عايزه منه ايه تاني
الا ياختي البلد فيها انفلونزا طيور وخنازير وتيفود وفشل كلوي والتهاب كبدي وبائي وبيوت بتقع وبلاعات مفتوحه واكبر بلد بتحصل فيه حوادث طرق في العالم والبوليس عامال يفقش في الناس عمال على بطال
البهيم اللي كان واقف عدى من الحاجات ديه كلها ازاي
يعني يا رب اسامة انور عكاشه يموت وسيابلنا البهيم
يلا حسبى الله ونعم الوكيل انا كمان
Love,
MishMish
‏قال Not just a pretty face…
هههه ماهو تلاقيه كان بيقول الخطبة دي هو علشان الناس كلها تمشي و يسبوله الطابور لوحده هو ويخلص بسرعه
بس تصدقي الفضول هيقتلني ليه هو كان موجود في المكان المليات بالمحرمات ده
يكونش رايح علشان ينشر الدعوه في وسط الكفار ؟؟؟!!! المجتمع بقي مليان من الحاجات دي كتيييير زهقت

بس علي فكرة يا قطه اغلب بنوك القاهرة التعامل فيها بالارقام مش بالطابور
‏قال قارىء…
قطه
من يقرا عن تاريخ الحضاره سيجد ان كثيرين منا دون ان يدركوا
يعيشون فى القرن الخامس عشر الميلادى
كانت العصور الوسطى
تحكمها
فكرتان
النظره الدينيه لكل شىء
سواء له علاقه بالدين ام لا
وفكرة الفروسيه اى نبالة الأخلاق حسب تقاليد الفرسان
ونحن اليوم نعيش خلط الدين بكل شىء ولكن دون اخلاق الفرسان
ويمكنك حساب كم قرن من الزمان نحن متخلفون
ليس اقل من خمسة قرون
‏قال Desert cat
أم الخلود
لما انتى شايفه فيها وزر تتضطرى ليه تتعاملى بيها ؟؟
ابقى حطى فلوسك تحت البلاطة علشان مش تشيلى وزر
‏قال Desert cat
dr.lecter
فعلا اصبح كلمة العمل كلمة ابيحة واللى يقولها يستحق الكى بالنار على مقدمة لسانه
‏قال Desert cat
Kontiki
طبعا كل حاجه فى الدنيا بقت حرام على كل الناس ما عدا هما
حلال عليهم بس
‏قال Desert cat
Migo Mishmish
ربنا سايب الناس دى علشان ترازينا فى عيشتنا وتحرم علينا الهوا اللى بنتنفسه
‏قال Desert cat
Not just a pretty face
قولى فرع واحد بس لبنك القاهرة بيتعامل بالارقام وانا مش ادخل اى فرع تانى فى الجمهورية غيره
‏قال Desert cat
قارئ
احنا متاخرين خمسة قرون وقاعدين نهاتى ونوجع فى قلوبنا ونقول الناس لازم يبقى عندها وعى ؟
الله يساعد احفادنا بقى لو قدروا يغيروا حاجه
‏قال حزين لما وصلنا اليه…
يا قطه
دقائق مع قناة الرحمه والمدعو محمد حسان الذى لا يكتفى فقط بلبس الغتره السعوديه دون سبب واضح سوى التشبه بمن يملك الريالات ونفاقا لهم مع انه يستطيع ان يرتدى الملابس العاديه كما كان يفعل الدكتور عبد الله شحاته
ثم كيف بكى عندما قابل الشيخ بن باز الوهابى وقبل يده كما يقول
وبن باز هو الذى انكر كروية الأرض
ولم يدخل مدرسة نظاميه فى حياته
ومع ذلك لا ادرى ماسر كل هذه الهاله واطلاق لقب العالم العلامه عليه
ونسج الأساطير والخرافات حوله
انها ماساه كامله ان نرى المال يفعل كل هذا التشويه والتخريب
دون ضمير
وهذا كله بالأضافة الى نشر كراهية اتباع الديانات الأخرى
والأشاده بامام الأرهابيين
اسامه بن لادن
ودفاعه عن الأرهاب والتطرف
ومدحه لمن يتجنب التعمل مع النساء
الىآخر هذه الأفكار المخبوله
الغريبه عن بلد جاهد لقرنين ليلحق بالعصر
وهو ما تحاوله بلاد الرمال ولا تستطيع فتلجا الى توظيف هؤلاء المرتزقه لهدم ما يسبب لهم ارتكاريا التخلف
‏قال غير معرف…
بصراحه رده مقنع جدا..أحرجك طبعا, من فضلك احترمي نفسك و اتنقبي بقه و أقعدي في البيت..و ابتدي اهدي الناس زي الراجل السكره ده جازاه الله كل خاز..أقصد خير.
و يا ريت لو قابلتي سيدنا المهدي ده تقوليله يبطل يركب عربيات, و مايستعملش حنفيات, ولا تليفزيون ولا اي اختراعات, و بالذات التكييفات, عشان دي كلها هرطقات متصممه و معموله بايدين الكفره اولاد الفاسقات..و يا ريت يا قطه تمشي في الشوارع بميكروفون, او لأن صوتك عوره أجّري راجل بس يكون في وسطكم محلل عشان مايكونش تالتكم شيطان ولا احزنون, و امشوا في كل شارع و حاره و قولوا للناس :يا أمة الاسلام قاطعوا المستشفيات و الدواء و الأتوبيس و مترو الأنفاق و كل ما قد لمسته يد اولئك القوم المتقدمين الكافرووووووون

حسبي الله و نعم الوكيل, من قلبي
‏قال Desert cat
حزين لما وصلنا اليه
والله قفل قناة الرحمة ده هو اكبر رحمة عملتها الدولة يمكن المخابيل يشغلوا عقلهم ويفهموا الناس خلاص نسيت ربنا وباقى لهم شوية ويعبدوا هؤلاء المرتزقة ده ان مش كانوا بيعبودهم فعلا والدليل هو كم السفالة وقلة الادب اللى بتكون فى التعليقات على اى خبر لشكف دجل وهبل هؤلاء المرتزقة
‏قال Desert cat
i
احنا اصلا لو فى دولة محترمة كانت قفلت كل قنوات الارهاب اللى على النايل سات وكان يتم اعتقال اى حد ينشر الجهل والتخلف ويحرم على الناس عيشتها زى مرتزقة القنوات الارهابية والدجال اللى كان موجود فى البنك وما شابههم
‏قال غير معرف…
معلش كومنت خارج عن الموضوع

شوفي بيعملو ايه في سفينة السلام بتاعت السلفيين

http://www.youtube.com/watch?v=JaiMjAULWn0

مش ضروري تظهري الكومنت

بس علشان نشوف التدريب بتاع حضارة الرمال اللي عايزين يستولو على مصر
‏قال حزين لما وصلنا اليه…
قطه
بينما كنا ننصت لصوت فيروز تشدو بموشح اندلسى من ايام المجد الحقيقى والى ام كلثوم ترتفع بنا الى آفاق السمو والجمال بالحان السنباطى وزكريا وكلمات رامى وبيرم هو صحيح الهوى غلاب
سؤال الجبر والأختيار الذى حير الفلاسفه
وبينما نضحك مع الريحانى ونتعلم من يوسف وهبى ونفرح مع انور وجدى
اذ هبت علينا عاصفه ترابيه محملة بقيظ الصحراء المجدبه
لتقول لنا على السنة جهولة جشعة مصابة بسعار المال
ان كل هذا الجمال حرام
والحلال هو الجدب والظلام وسفك دماء الأبرياء
فاندلعت فى ارض فيروز والرحبانيه
الحرب الأهليه
وفى النفوس النشوانه باعذب الألحان
عذابات الحيره الى ان استسلم البعض للضياع
وطلب المغفره من عشقه للجمال فقد تحول عشق الجمال الى معصيه
‏قال غير معرف…
محدش عارف ايه اخرتها مع هذه العجول البشريه
‏قال Elmasryeffendi
فعلا فى ناس كتير كده و انا قابلت منهم كتير و انا بادفع الفيزا كل شهر و خصوصا بقى فى البنك الاهلى اللى ما عندوش اى نظام هو و بنك مصر و الغريب انى مرة اصريت انى اعرف هو بقى واقف مع الناس بتوع الحرام ليه ؟ فقالى ما معناه ان فى فتوى انه طالما مجبر على كده فهو مش حرام ، و على فكرة انا قابلت الشيخ عطية صقر رحمه الله اكثر من مرة و سالته فى الموضوع ده و الراجل ما قالش كده خالص ، كل اللى قاله كان بخصوص القروض و افتى بان الواحد يحاول قدر الامكان انه يوفر التمويل اللى محتاجه باى صورة غير البنوك و لكن لو الظروف قفلت معاه و ما فيش قدامه غير البنوك يبقى يتعامل و ياخد القرض و يبدا مشروعه ، و قالى كمان انه كان يقصد من كلامه اللى الناس فهمته غلط ان الانسان ما يقعدش ياخد فى قروض عمال على بطال و هو اساسا معاه فلوس يدور نشاطه، يعنى يقصد اللى عاملين رجال اعمال و مش بيشغلوا فلوسهم و بيمولوا مشاريعهم 100 % بالقروض و ده مش اساس البيزنس حتى اللى اتعلمناه فى كليات الفرنجة

تحياتى
‏قال احمد خليل
عرض مثل هذة المواضيع مهم جدا عمل المرأة حارم صوتها حرام البنوك حرام الموسيقى حرام كل شئ حرام الا ما ملكت ايمانكم الائماء والتسرى بهم ,المشكله ان الامور دى فى اذدياد واخرتها ابة مش عارف .بالمناسبه الفيزا كارت حلال ولاحرام انا قلقان
‏قال Tarkieb
كانت عمتي الله يرحمها تقولي حكاية واحنا صغيرين.. عن واحد جه سأل شيخ قاله يامولانا ايه حكم الدين لو كلب بال على الجدار قاله لازم يتبني ويتهد سبع مرات قالو يامولانا ده الجدار اللي بينا وبينك..قال خلاص قليل من الماء يطهره...مشي حالك ياستي هو حد مودينا في داهية الا غباء الناس دي.. اذا كان كسوف الشمس بنشوفه بالدقيقة ومحسوب بالثانية وفي ناس لسة عايزة تشوف الهلال بعينها عشان النص بيقول كدة...مع انه وسيلة وليست غاية..
في مصر في بنوك استثمارية شغالة زي اوروبا وبرقم انت اكيد كنت في بنك حكومي فرع السيدة زينب..حتلاقي واحد هناك بنضارة كرهني في عيشتي كان شغال في باتا طول عمري ولما كبرنا والفلوس عرفنا شكلها ايه طلب انه يروح البنك بعد ما باتا فلس ..وتقريب بنك القاهرة اتباع دلوقتي الله اعلم..واكيد الراجل ده اتنقل في البنك اللي انت كنت فيه.....
‏قال لا لأى نوع من العجول البشريه…
قطه
مش معقول تعليق من شخص يدافع عن جريمة اسرائيل فى هجومها على سفينه تحمل بعض المعونه لشعب غزه
ويردد ماتقوله اسرائيل بانها ياحرام تعرضت لوحشية ركاب السفينه العزل
مش فاهم هذا عجل آخر لا يقل عن العجل بطل التدوينه
محاوله خيبانه منه لخلط الأمور بدعوى ان فى الحصار يجوز ذلك ولم يسال لماذا تفرض اسرائيل حصارا على شعب وتاخذه بجريرة من يحكمه
ما ذنب الأطفال والشيوخ والنساء يحرموا من ابسط ضروريات الحياه؟
هل يرضى هذا العجل لأهله ان تواجه ذلك
لا لخلط الأمور بهذا الغباء المزرى
هل كان يريد ان يترك المتطوعون الجيش المهاجم يقوم باطلاق الرصاص براحته
الم تقتل الجرافات الأسرائيليه المجرمه الفتاه الأميركيه راشيل قبل ذلك
‏قال لا لأى نوع من العجول…
لا لأى نوع من العجول
من اخبار التيلفزيون المصرى المستوطنون يحرقون محاصيل الفلسطينيين فى الضفه الغربيه
وامس تقتل قوات اسرائيل تسعة اشخاص فى هجوم همجى باوامر من العصابة الأرهابيه التى تحكم اسرائيل
العالم بدا يستيقظ لحقيقة اسرائيل
ولتكن هذه مناسبه لأتخاذ مواقف مثل ما فعلته دول قطعت علاقتها معها مثل جنوب افريقيا
العالم لا يستطيع تحمل هذه البلطجه
‏قال غير معرف…
قطه
خدى بالك تعليق سفينة السلام المدافع عن جريمة اسرائيل البشعه من فريق متابعة النت فى الموساد الأسرائيلى
‏قال لا لكل انواع العجول البشريه…
لا لكل انواع العجول البشريه
ردا على من يحاول الدفاع عن جريمة العصابه الحاكمه فى اسرائيل
هذا حاخام يهودى لا يعترف بالصهيونيه
ويندد بجرائم اسرائيل
http://www.youtube.com

/watch?v=-gaXnTdejq0
وللجميع نقول حاذروا
نحن لسنا ضد اليهود ولكن ضد الصهيونيه اى سرقة فلسطين
لأن هناك يهود ضد الصضهيونيه
وكراهية اليهود غريبه عننا عكس ما تروج له اسرائيل لكسب عطف العالم فخدوا بالكم وفكروا
‏قال حزين لما وصلنا اليه…
ياقطه
الشعب فى السعوديه يتململ
ويبحث عن حقه فى الحياة كبشر
والبعض عندنا يتطوع تحت اغراء المال
او الغباء
لأدخالنا فى المستنقع
........
فتحت هيئة الأمر بالمعروف والنهي عن المنكر في السعودية تحقيقا مع ثلاثة شباب سعوديين تحدوا قوانين البلد من خلال مشاركتهم في برنامج تلفزيوني.

وشارك الثلاثة في برنامج وثائقي بُث في قناة إم تي في إذ تحدثوا عن رغبتهم في تغيير قوانين الشريعة الإسلامية المعمول بها في السعودية.

ورغم أن قادة السعودية عبروا مؤخرا عن رغبتهم في تشجيع المضي قدما في طريق الإصلاحات، فإن الثلاثة قد يواجهون عقوبات صارمة.

ويُذكر أن النظام القضائي السعودي يقوم على قوانين صارمة مستمدة من الشريعة الإسلامية، ومن ثم قد يفرض عقوبات بالسجن والجلد على المدانين بخرق هذه القوانين.

وقالت فتاة تسمى فاطمة وتبلغ من العمر 20 عاما خلال مشاركتها في البرنامج الذي يسمى "قاوم السلطة! السعودية" إنها تنكرت في زي ولد لسياقة دراجة هوائية في شوارع جدة.

وكذلك، انتقدت الفتاة بشدة اللباس التقليدي الأسود (العباية) الذي ترتديه النساء في السعودية.

وأضافت الفتاة أنها تصنع العبايات الخاصة بها بألوان زاهية ثم تبيع بعضها لصديقاتها.

وتحدث شاب يسمى عزيز ويبلغ من العمر 24 عاما عن محاولته في كسر الفصل الصارم بين الجنسين في الحياة داخل السعودية من خلال ترتيب لقاء رومانسي مع صديقته.

ومضى الشاب السعودي قائلا "لسنا أحرارا لكي نعيش كما نريد".

وجاء إنتاج البرنامج المكون من أربعة أجزاء والذي بُث في الولايات المتحدة في أعقاب سعي فرقة غنائية سعودية للعثور على مكان لعزف موسيقاها.

وقال مسؤول في محكمة بجدة إن السلطات تحقق في أجزاء البرنامج بسبب جرائم "المجاهرة بالمعصية"، مضيفا أن قرارا سيصدر بشأن ما إذا كانت السلطات ستتابع الثلاثة أم لا، حسب وكالة رويترز للأنباء.

وحُكم على سعودي يسمى مازن عبد الجواد، بالسجن لمدة خمس سنوات بعد افتخاره "بإنجازاته الجنسية" في قناة لبنانية.
‏قال مطلع…
هم بكراهيتها يكشفون حقيقتهم
منقول
......
(1) هم يكرهونها لأنهم يكرهون القص، فالقص هو نتاج ثقافة «المدينة»، بينما الفكر السلفي هو نتاج ثقافة البداوة والصحراء، في الفقه والفلسفة والاجتماع والأدب. ثم إن «ألف ليلة وليلة» هو نص مقاومة للموت وتشبث بالحياة عن طريق الحكايات التي تتولد من الحكايات. فيما السلفيون منتجون ومنتمون لثقافة الموت. إنه نص الفعل الايجابي المتمرد، بينما أهل القعود يروجون لنص الفعل السلبي المستسلم.
(2) هم يكرهونها لأنهم يخاصمون الأنوثة ويقمعونها، ويقلق راحتهم أن يوجد نص يجسد طاقة الإدراك المرهفة ورغبة المعرفة عند المرأة. أهل السلف هم بناة المنطلق الذكوري، في النظر للبشر والاشياء، في حين أن كتابنا المتهم إعلاء للأنوثة بوضعها في موضع البطل والمحرك والمركز، ونقض لسلم القيم العربي التقليدي، المناقض للفكر الحديث الذي يري «أن الحضارة مؤنثة» (كما قال أرنولد توينبي)، والمناقض لبعض تيارات الفكر الإسلامي نفسه، كالفلسفة الصوفية، التي تحل الأنوثة المحل الأرفع، حتي أن بن عربي قال «كل مكان لا يؤنث، لا يعول عليه»، علي نحو تأثرت به بعض تيارات الفكر الحديث التي أكدت العلاقة الجدلية النابضة بين أضلاع مثلث «الأنوثة والابداع واللاهوت»، إذ في كل ضلع من أضلاع هذا المثلث : فناء وحلول ولذة وخلق ووحي وقداسة.
وفضلا عن الصوفيين، فإن تيار العقلانية الإسلامية هو الآخر ليس خصما لـ «ألف ليلة وليلة». فالتيار العقلاني يؤمن بالاجتهاد والتفكير وإعمال العقل، والتيار الصوفي يؤمن بالحدس والمجاز وشطحات الجمال.
(3) هم يكرهونها لأنهم يكرهون الآثار الكبيرة في ثقافتنا العربية القديمة والحديثة، لا سيما الآثار التي تعد أعمدة أساسية في بناء هذه الثقافة، والتي يصبح ضربها تصفية للتوجه العقلي أو الاجتهادي أو الجمالي الشاطح الجرئ في هذه الثقافة العربية، بدءا من «فصل المقال» لابن رشد و«الفتوحات المكية» لابن عربي، وصولا إلي «في الشعر الجاهلي» لطه حسين و«الإسلام وأصول الحكم» لعلي عبد الرازق و«أولاد حارتنا» لنجيب محفوظ (كأمثلة ، لا كحصر).
عداء للمخيلة
(4) هم يكرهونها لأنهم يعادون «المخيلة الحرة» في الفنون والآداب، لكأن نظرتهم الضيقة تري أن المخيلة الحرة في الفنون والآداب تنافس المعرفة الدينية في الاستحواذ علي الذهن البشري وفي امتلاك طاقة المجاز والرمز والتخييل عند الإنسان. هم، في ذلك، يجهلون أن المعرفة الجمالية ليست مضادة للمعرفة الدينية أو مزاحمة لها، وإن كانتا تنطلقان من منطقة مشتركة هي «التجربة المجازية الروحية»، لكنهما متمايزتان، لكل منهما المحيط والمسار والمجال المستقل، علي نحو ينفي الصراع علي الملكية (ملكية عقل الإنسان) بين المعرفتين المتعاركتين، إذ هما متكاملتان لا متعاركتين.
الحساسية، هنا، قديمة، نظرا للالتباس الخالد، لا سيما في الثقافات القديمة، بين النصوص الدينية الصريحة وبين النصوص الأدبية والأسطورية التي هي في الوقت نفسه نصوص شبه دينية (كالإلياذة ، وكتاب الموتي، وتعاليم زرادشت، وكتاب التاو، وغيرها). لم يجفل العقلانيون الدينيون، في كل عقيدة، من هذا الالتباس، لكن السلفيين النقليين، وحدهم، هم الذين توهموا خطرا مزعوما من النصوص الأدبية علي النصوص الدينية.، لأن هؤلاء السلفيين النقليين لا يعترفون بأي معرفة عدا المعرفة الدينية.
‏قال مطلع…
(5) هم يكرهونها لأنهم يخلطون - بسوء نية- بين القراءة الحرفية للنصوص وبين القراءة المجازية لها، ولم يقرأوا كلام ابن قتيبة في كتابه «النساء» حين قال: «إذا مر بك حديث فيه إفصاح بذكر عورة أو وصف فاحشة، فلا يحملنك الخشوع أو التخاشع علي أن تعرض بوجهك وتصعر خدك، فإن ذكر الاعضاء لا يؤثم، وإنما المأثم في الكذب وقول الزور وأكل لحوم الناس بالغيب»، هم -إذن- يكيلون بمكيالين : مكيال يزنون به الألفاظ الخادشة الصريحة في القرآن الكريم، فيقولون إن السياق هو المعيار، والسياق في القرآن الكريم هو سياق عبرة وعظة ودلالة. ومكيال ثان يزنون به الألفاظ الخادشة الصريحة في النصوص الأدبية التي يريدون إدانتها، فينسون السياق الفني والعبرة والدلالة، ولا يستبقون سوي الفحش . كأن العبرة والعظة والدلالة مقصورة علي النصوص الدينية وحدها دون النصوص الأدبية. وهنا نوع من «الانتهازية» الفكرية والفقهية، التي تأباها الرؤية الإسلامية العقلانية الرحبة.
وللشعوب
(6) هم يكرهونها لأنهم يعادون «الشعوب»، و«ألف ليلة وليلة» نص شعبي أنتجته ثقافات عديدة وحضارات مختلفة (عربية وفارسية ويونانية وهندية) حتي انتهي إلي صياغته العربية. والأولي أن يرفع المحامون السلفيون الدعوي القضائية ضد كل الشعوب المنتجة للنص، أمام محكمة دولية (كما قال أحمد عبد المعطي حجازي ساخرا). ولأن «ألف ليلة وليلة» عمل يجسد تلاقح المعارف الإنسانية فقد استلهمته ثقافات عالمية كثيرة، في الرواية والشعر والموسيقي والسينما والمسرح: بدءا من جوته وكورساكوف، مرورا ببورخيس ورواية الواقعية السحرية في أمريكا اللاتينية وبازوليني، وانتهاء بتوفيق الحكيم وطه حسين ويسري نصر الله.
السلفيون، إذن، ضد تلاقح الثقافات الانسانية لأنهم يرون أن ثقافتهم التقليدية هي الثقافة الوحيدة الصحيحة، وهم بذلك يستبدلون بالمركزية الأوربية العرقية (التي نشكو منها) مركزية اسلامية عرقية تري أن الثقافة الإسلامية التقليدية هي المنبع والمصب المكتفيان بذاتها. وهنا نوع من العنصرية والانكفاء المخالفين للتنوع الإسلامي الحق، الداعي علي لسان الرسول الكريم إلي «طلب العلم ولو في الصين».
(7) هم يكرهونها لأنهم معادون للديمقراطية، و«ألف ليلة وليلة نص ديمقراطي (كما قال عزت القمحاوي): بمقاومته للتسلط السياسي، وبكسره للتراتب الأبوي، وبتنوع طبقات أبطاله ومواقعهم الاجتماعية ومستوياتهم الثقافية وأجناسهم العرقية، وبتعدد مؤلفيه في الزمان والمكان، وبإعطاء القيادة فيه للمرأة، وبما تحويه من «بنية حوارية متعددة الأصوات هي أبعد ما تكون عن البنية وحيدة الرجع»- كما قال جابر عصفور.
احترام الحياة
نخلص إلي أن الدين مقدس، واحترام الحياء العام مقدس، لكن حرية الإبداع، أيضا، مقدسة. وقد قال فقهاؤنا المسلمون المستنيرون أن الأصل الثابت هو «الاباحة»، وأن الفرع المتغير هو «المنع». وإذا كانت صيحة التقييد تقول «إن للحرية حدودا»، فإن صيحة التحرير تقول «إن هناك حدودا لنظرية أن للحرية حدودا» (كما أشار وحيد عبد المجيد)، لا سيما إذا تعلق الأمر بالإبداع الأدبي والفني، الذي هو ليس رأيا تقريريا مباشرا. ولا موقفا سياسيا صريحا. وعليه فإن محاكمة الإبداع بمعيار الأخلاق المباشرة، أو بمعيار السياسة العارية. أو بمعيار الصلاح الديني الصافي، هو انتهاك للأخلاق وللسياسة وللصلاح الديني جميعا، لا غرض له سوي تكريس كهنوت النظرة الدينية الضيقة في الاستبداد بالعباد والبلاد.
ومن عجائب ذهنيتنا العربية السلفية أن ينحني العالم كله انبهارا بآثارنا الكبري، كالتماثيل الفرعونية و«أولاد حارتنا» و«ألف ليلة وليلة»، بينما نفر منا يدينها: بوصفها أصناما، أو بوصفها كفا، أو بصوفها خدشا للحياء العربي الرقيق الذي تجرحه النسمة الرقيقة!. وعلي حين تقيم دولة أجنبية، كألمانيا، مؤتمرا دوليا عن «ألف ليلة وليلة»، يصرخ عندنا سلفيون عرب : «اقتلوا شهر زاد، اقتلوا المخيلة الحرة». والنتيجة: أن يشارف مجتمعنا العربي انسدادا في شريانه التاجي!.
‏قال مطلع…
فعلا هم يعانون من الهوس الجنسى ومرضى كما قالت محكمة الأستئناف
......
حكم محكمة الاستئناف نهائيا ببطلان المصادرة وبالافراج عن الكتاب التاريخي عام 1986 موضحة أنه «أثر بارز من آثار التراث العربي» وأن «الذي يستثار جنسيا من المفردات الصريحة فيه هو شخص مهووس أو مريض».

المشاركات الشائعة