رضعى زميلك يا شابه


كل يومين يتحفنا دعاة الوهابية بفتوة لولبية لوزعية مهلبية .. منذ عامين اثارها الدكتور عزت عطية ولكنه سرعان ما عاد الى رشده وتم فصله من عمله وقام بالاعتذار .. وما ان غابت عن الاذهان حتى عادت مرة اخرى فى ثوبها الجديد للشيخ العكبيان .. ولا ادرى ما سر هذا الإصرار الشديد على الرضاعة الطبيعية لشحط طويل عريض .. يعنى الناس دى بتخدع مين ولا بتضحك على عقول مين ؟؟ يعنى ايه قارفينا ليل نهار فى الفضائيات اتكفنى واتغطى وانتى عورة ومن ناحية تانية بيطالبوها تحط شحط طول بعرض على صدرها علشان ترضعه 5 رضعات مشبعات ؟؟
ولنفترض يا شيخ انها آنسة ومش بترضع .. ينفع اللبن الصناعى ؟

ولا ده من اختراعات الغرب الكافر ولو رضعت المحروس زميلها او السواق بتاعها او الخادم اللى عندها فى البيت لبن صناعى يبقى كفر ورجس من عمل الشيطان ؟؟
يعنى هى تغطى شعرها فرض وتعرى صدرها وترضع منه برضه فرض ؟؟
منين جيتوا بالفروض دى ؟؟
وياترى ستات الخليج هيجيبوا لبن منين لكل العمال اللى فى بيوتهم دول ؟
ولو مصلحة حكومية كلها رجالة وفى 2 موظفات يعملوا ايه المساكين ؟ يوقفوهم فى طابور ؟

فضحتونا وعريتونا فى وسط الناس المحترمة الله يكسفكوا .. روح يا شيخ قبح الله وجهم منك له اكتر ماهو قبيح

تعليقات

‏قال Kontiki
مش عارفة الهلالى باين كان بيقول ان العر* دة ضرب السواق بتاعه عشان كلمة فى الفتوى دى هو انتى قصدك انه اثار الفتوى تانى و عملها اكتيفيت
lool
والله دى بقت كوميديا سوداء ومنيلة
جتهم البلا هم واتباعهم
‏قال Tears
الاساءه للاسلام على يد اتباعه أكبر من ابشع ما فعل اشد اعداؤه
‏قال dr.lecter
عارفه ده مؤشر لايه؟
انفجار جنسي مستقبليا هيطيح في الكل طالما الناس شغلاها الهواجس دي
‏قال قارىء…
مصر الان تخوض معركتين اساستين اولهما معركة الديمقراطية والثانية معركة تدافع فيها عن عقلها وتراثها الثقافي امام فهم سئ للدين.
من مقال لعلاء الأسوانى
‏قال خالد كامل
للأسف اللى خلا صورة الاسلام وحشة هم احنا

الشيوخ اللى بتفسر الاسلام على مزاجها
الا من رحم ربي

و احنا بقينا مشتتين ... تفتحى قناة تلاقى شيخ بيتكلم عن حاجة و يقول انها حلال ... تقلبي القناة تلاقى شيخ تانى بيقول حرام
‏قال احمد خليل
طيب دة ست البيت ترضع السواق. طيب الشغالة اللى جاية تشتغل ترضع البية الكبير ولا الجمسة الصغيربن وبعدين رضعتان مشبعتان مشبعتان لمين لامواخذة ؟دة فية فتوى من امثال هولاء المرضى بتفول ان الشغالة في البيت ملك يمين.مش ممكن يحدث اى تقدم والكلام دة بيتقال .احنا كنا متاخرين 200 سنةعن العالم وكان ممكن نعوضهم الان احنا متاخرين الف سنة ما فيش فايدة
تحياتى .بنط الكتابة صغير جدا لا يناسب العواجيز امثالي
‏قال احمد خليل
طيب دة ست البيت ترضع السواق. طيب الشغالة اللى جاية تشتغل ترضع البية الكبير ولا الجمسة الصغيربن وبعدين رضعتان مشبعتان مشبعتان لمين لامواخذة ؟دة فية فتوى من امثال هولاء المرضى بتفول ان الشغالة في البيت ملك يمين.مش ممكن يحدث اى تقدم والكلام دة بيتقال .احنا كنا متاخرين 200 سنةعن العالم وكان ممكن نعوضهم الان احنا متاخرين الف سنة ما فيش فايدة
تحياتى .بنط الكتابة صغير جدا لا يناسب العواجيز امثالي
‏قال مطلق
بالنسبه لو ان في 2 موظفات بس في المصلحه مش مشكله اوي

هم صحيح حيتعبوا معانا شويه في الاول بس في الاخر ممكن نحلبهم
‏قال strategicalone
بلاش تلاكيك فاضية يا قطة
الحديث صحيح فى اعلى درجات الصحة بشهادة استاذ علم الحديث بالازهر ولا انت تعرفى اكثر منة
ولو كان تنازل واعتزر فـ احنا عارفين الضغط اللى اتحط فية
كمان الشيخ العرعورى جاب الحديث من الكتب ولا انتى ما بتؤمنيش بالكتب كمان
............
للاسف ما فيش بنات مسلمات فى الشركة بتاعتنا كنا زماننا بنرضع ... مع انى باقرف
‏قال Elmasryeffendi
حاجة هايفة و هبلة و عبيطه من عالم اعبط خلق الله و للاسف عندنا ماشيين وراهم، هو صحيح ينفع اى ست ترضع و هى ما كانتش حامل؟ و لو سيدة كبيرة فى السن شوية هاترضع ازاى؟ حاجة تقرف بجد و تدل على مدى جهلهم و تفكيرهم فقط فى بطونهم وشهوتهم، و اهو العبيكان نفسه شرب من نفس الكاس اللى بيصدره و ضرب السائق بتاعه لما طالبه بتطبيق الفتوى، و ده ده دليل انهم عالم ضلالية و ان الفتاوى دى للتطبيق على الجهلاء فقط انما هم فلا و الف لا

تحياتى
‏قال Desert cat
Kontiki
هى الفتوى مش هديت اساسا يا كونتا
هو فعلا الخبر انه الحيوان ده ضرب السواق بتاعه لما طلب منه تطبيق نص الفتوى اللى افتى بيها مش قادرة افهم هما يفتوا والبهايم يصدقوا لكن لما توصل لحد اهل بيتهم يعملوا سبع رجاله
‏قال Desert cat
Tears
كلامك صح يا تيرز
‏قال Desert cat
dr.lecter
هو لسه هيبقى فى انفجار انزل اتمشى شوية فى اشلارع وشوف العيال الصايعة بتعمل ايه
‏قال mai
كوميديا سوداء
http://www.youtube.com/watch?v=bzH2-s1k_C4
‏قال مندهش…
قطه
موقف هذا المخبول يذكرنى بمدونه كانت تملأ الدنيا صياحا وصراخا وانتقادا
وعندما سافرت الى دوله خليجيه
وشاهدت كيف يرحلون مؤيدى البرادعى
فى تلك الدوله
تكتب فى استهبال تام او جهل او كليهما تنتقد البرادعى لأنه لم ينضم لحزب حتى يمكنه الترشيح
اى انها تلومه على انه يرفض ان يكون ديكورا فى مهزله انتخابيه معروف نتيجتها مقدما وتردد كلام احمد عز بان هناك دستور يجب اتباعه وهو الدستور التفصيل الذى يعرف اى طفل مفصل على مقاس مين
الى هذا الحد الشخصيه هشه ومتناقضه ووصوليه
وبعد ذلك ننتظر خير
‏قال karim
انا ليا رالى قطتى العزيزة , انك بمجرد سرد هذا الهبل بتعطيهم اكبر من حجمهم و هم لا يستحقون صدقنى , دية ناس مبرشمة و بتقول اى كلالالام , وغير واعيين باى شىء, تحياتى
‏قال Desert cat
قارىء
علاء الاسوانى دايما يجى على الجرح
‏قال Desert cat
مهيج الجماهير
والمشكلة الاكبر فى الناس اللى بتديهم عقلها سايبين القران والسنة ورايحين يجروا ورا شوية جهلاء واخدين من الدين سبوبة
‏قال Desert cat
khalil
وفى نفس الفتوى برضه لو فى غلام فى ابليت مش شغله فهو برضه ملك يمين
يعنى مش مفرقين لو الراجل ليه فى الستات يجيب شغاله لو ليه فى الرجالة يجيب غلمان وبفتوى شرعية
‏قال Desert cat
مطلق
ماهو العيب فى اللى عملوا من الست بقرة من الاول
الله ياخدهم
‏قال Desert cat
strategicalone
ماهو كان اما يستقيل او يعتذر ولما اعتذر اقالوه
لو ليك نفس للرضاعه ممكن تنقل شركة فيها مسلمات
‏قال Desert cat
elmasryeffendi
فعلا المشكلة فى الجهلاء اللى بيسلمو امثال هذا العرعور عقولهم
‏قال Desert cat
مندهش
ههههههههههههه
اكل العيش

المشاركات الشائعة