كافر - جاهل - احمق

كلمات تنطلق كنثار الريق عند العطس دون وعى أو إدارك ممن ولوا أنفسهم أولياء على الدين ولا اعلم من اين اتوا بهذا الحق .. فالمسلم ليس سباب و لعان اذا كانوا حقاً كما يرددون انه يحافظون على الدين الاسلامى .. وهل من الممكن ان ينقرض الدين الاسلامى لمجرد ان تخلع المرأة نقابها بدلاً من انها متخفية على هيئة قطاع الطرق ؟؟ ولماذا لم ينقرض الدين الاسلامى فى العصور التى كانت فيها مصر هى منارة العلم وملكة الموضة .. هل الله خالق البشر غير قادر على حفظ دينه .. حتى يحافظ عليه النقاب ؟؟ لماذا الحرب الشعواء على كل من فكر فى أمن وأمان هذا المجتمع من الإرهابيين والجميع يعلم مدى معاناة مصر من الإرهاب من التسعينات وحتى فبراير 2009 .. الم ترتكب منقباتان جريمة تفجير الاتوبيس السياحى بعبدالمنعم رياض ؟ الم يتم القبض هلى رجل يرتدى النقاب ويقف بطابور السيدات للحصول على العيش ؟ الم يتم القبض على مئات من الذين يرتدون النقاب ويصعدون الى شقق عشيقاتهن ؟ الم تقف العاهرات مرتديات النقاب بشوارع الهرم وجامعة الدول .. الم يسير احد على كورنيش النيل ليرى المنقبات والمحجبات ومرتديات الازلال الايرانى فى احضان الشباب على مرأى ومسمع من الجميع ؟ لما كل هذا الهجوم الضارى على الدكتورة زينب رضوان

لا لشيئ سوى لأنها طالبت بقانون بمنع النقاب من الشارع المصرى لحفظ الأمن العام

وأترككم مع التعلقيات وده اقلها

اخرسى با فاجرة اخرسى يا فاجرة عليكى لعنة الله

فى طبعاً اللى كفرها وفى اللى شتمها بالأب والأم وحقارات كتير من عقول وان دلت فإنما تدل على مدى الزبالات اللى اترمت فيها على مر سنين مضت
{ ليس المؤمن بطعان ولا لعان ولا فاحش ولا بذيء } رواه أحمد والترمذي
هو فين الاسلام ده ؟؟ من الناس دى ؟ ده حتى لما شيخ الازهر مات كانوا شمتانين فيه والردود على خبر وفاته كانت كلها من عينة يروح يتشوى فى نار جهنم .. خلاص النقاب بقى هو جوهر الدين ؟؟ مش مهم تكدب مش مهم تسرق مش مهم تدارى فيه وترتكب الفواحش مش مهم تصل رحمك ممكن تاذى جارك طالما لابسه النقاب .. الغريب والمدهش ان الستات اللى كتبوا تعليقات كلهم اجمعوا ان اللى عايزة تتنقب تقعد فى بيتها او مش تخرج غير بمحرم طالما عايزة تقلد اسيادها بتوع السعوديه .. لكن تخرج وتتمشى فى الشارع وتتدلع وتعيش حياتها والاسم شريفة علشان حتة القماش فده مرفوض واغلب الشتيمة والسفالة وقلة الادب دايما من الرجالة .. طيب طالما الرجالة دى هايجة على نفسها مش تروح لدكتور ليه وتتعالج ؟ من امتا المريض بيطلب من السليم ان يتدارى عن عينيه علشان مش يأذيه ؟ وبعد ما كان النقاب عادة وليس عبادة بقوا بيقولوا عليه فرض


دكتورة زينب رضوان انتى بجد انسانة شجاعة دع الكلاب تنبح وكملى فى طريقك

Comments

Tears said…
د.زينب رضوان كانت عميد كلية أصول الدين جامعة البنات- الفيوم و كان لها برنامج دينى على الفضائية المصرية منذ حوالى سنتين

كما شغلت منصب
عميد كلية الدراسات العربية والإسلامية جامعة القاهرة 1997 وحتى 2003

هى شخصية مستنيرة ...تجدى هنا السيرة الذاتية لها
http://www.fayoum.edu.eg/Arts/Philosophy/DrZeinab.aspx
Anonymous said…
يجب اصدار تشريع يحرم هؤلاء المتخلفين من كل مزايا العصر من اول الكهرباء الى الحمامات لأنهم يعيشون فى عصور الذهاب للخلاء
dr.lecter said…
دعيها تعوي
مقترح said…
تعرفى ياقطه
ان اشاعة جو من العبثيه على ايدى كثير من الأطراف
وفى مقدمتهم النخبه الحاكمه المتحكمه كما يظهر فى اصرارهم على اشاعة جو من الغموض حول مستقبل الحكم فى البلاد يجعل من السهل انتشار العبثيه فى كل مناحى الحياه
لو المناخ مناخ جديه واستقامه وليس لف ودوران ومراوغه لأختفت العبثيه او تآكلت
واصبحت غريبه
فى كثير من مناحى حياتنا
اطرح الفكره للمناقشه
Anonymous said…
قطه
غير مفهوم ان تروج قناة الرحمه للفكر الوهابى من على القمر الصناعى الذى تتحكم فيه الدوله نايل سات
فنسمع ونشاهد ما سمى بتوبة حنان ترك وكان الفن كما يروجون حرام حسب المذهب الوهابى الصحراوى المتخلف
ثم تشتكى الدوله بعد ذلك من تفشى التعصب والأرهاب
هل لدى احد حل لهذا اللغز
Anonymous said…
ياقطه مايسمى بقناة الرحمه هو جمله لنزع ما لدى مصر من مقومات مايسمى بالقوة الناعمه لصالح بدو الصحراء الذين لا يملكون مثل تلك المقومات
والمدعو محمد حسان تتلمذ على شيوخ الوهابيه وعاد ليبث ماتعلمه
تحت سمع وبصر الدوله المصريه
انهم يسعون لتجريد مصر من كل انجازاتها فى الفن والعلم والفكر وحتى من تدينها المتحضر
elmasryeffendi said…
دى اجدع سيدة فى مصر لانها طلبت الصح و المفروض البهايم اللى شتموها و اللى شكلهم قابضين عكمة حلوة او هما جاهلين بطبعهم يتلموا شوية لان المفروض اى عضو محترم فى البرلمان يطالب بمنع النقاب و كمان يتوافق عليه بالاجماع ده لو هما بيفهموا انما الواضح ان المليارات اللى بتصرفها المملكة الظلامسة جابت نتيجة فى مصر و واخدانا الى ظلام اكثر و اكثر و جهل اكثر و اكثر و العينة واضحة من كم الغباء و السباب مع ان المسلم فعلا ليس بسباب او لعان ، لكن اعتقد ان دول قسموا الاسلام الى شيع و اعتقد انهم بعد فترة مش هايقولوا مسلم بل هايقولوا وهابى كانها ديانة جديدة

تحياتى
Anonymous said…
ياقطه
العالم اليوم يدخل فى تنافس بواسطة القوه الناعمه تدخل فى هذا التنافس اميركا والصين والهند وكل دوله تنمى ما لديها من مقومات القوه الناعمه من فكر وفن وتاريخ وثقافه ومصطلح القوه الناعمهSOFT POWER
هو مصطلح حديث لعالم سياسه فى جامعة هارفارد
اسمه راى
بينما ياتى جماعه مرتزقه جاهله بالعصر تحاول ان تجرد مصر مما لديها من مقومات هذه القوه والدوله فى غيبوبه تامه رغم ماتنشر من تقرحات ودمامل وامراض نراها حولنا من تعصب وغوغائيه وتحرش وارهاب
Kontiki said…
لا المسلمين او الاسلاميين مواليد المملكة اللى اتمرغوا فى ترابها واتفتنوا بمحاسن الدين هناك بيشتموا و يسبوا و يلعنوا و يقولوا اوسخ الفاظ و يداروا و يعملوا نفسهم ولاد ناس و مؤدبين وبتوع ربنا و على طول ع السجادة وهم اوساخ اوى و اقذار اوى و عرر اوى و بيداروا فى الدين
وبعدين كل حرامى ولا مغتصب او متحرش عاوز اية الا قماشة يدارى فيها واى ش*** عاوزة اية غير انها محدش يعرف شكلها اية عادى زى ما فى ناس بتستخبى ورا شاشات الكمبيوتر وهم شواذ ولا عاهرات بيدوروا على رجالة ولا ناس عاملة مؤدبة وهم ناس وسخة
التخفى دة ميزة فى بلدنا كل واحد يلبس وش مش وشة ويعمل فيها ابو الفضيلة وام الشرف وفى النهاية كلة نفاق ورياء واستهبال و وساخة مدارية جتهم البلا
مصر خلاص بقت للاسلاميين اما العلمانيين او الوسط فلهم الرجم او الجهنم او الموت حلال فينا الحزب الوطنى
Anonymous said…
ياقطه
ناس كتير تفضل ان تعيش فى جو من الخرافه وهؤلاء هم جمهور مرتزقة الوهابيه الذين يحاولون ان ينالوا شيئا من بلايين الدولارات التى انفقت وتنفقث لنشر هذا المذهب المتخلف
تصلك مثل هذه الرساله عبر احدث ما انتج العصر لتروج لأشد الأفكار خرافة وجهلا حتى بالدين
.......
مجربة ارسلها لكل الموجودين في ايميلك ستحصل على انباء سارة غدااااااا واذا اهملتها يسئ حظك 3 سنوات دعاءا سيدنا يونس علـيه السـلام : " لا اله الا انت سبحانك اني كنت من الظالمين" ، ارسلها الى 25 شخص و ستسمع خبر حللو الليلة ، و لم يرسلها سوف يحزن حزنا شديدا
Anonymous said…
ياقطه هؤلاء المرتزفه يجب ان يعاملوا معملة الخونه
لأن مصر لم تنتصر على اسرائيل 1973 ببسالة وعظمة جيشها فقط وانما ايضا ب200 سنه من التحديث ومواكبة العصر
بينما
لم تستطع مملكة الوهابيه الصمود لخطر صدام الا بالأستعانه بالأمريكان
ان من يحاول ان يجرد مصر من جانب اساسى من قوتها هو خائن وعميل يستحق عقاب الخائن
واسرائيل تعرف هذا جيدا فلا تهتم ولا تركز مخططاتها الا على مصر
من اسقاط الطائره المصريه التى كانت تقل دفعه من الضباط الذين تلقوا تدريبا متقدما فى اميركا وكانت اسرائيل تعارض ذلك علانية
الى مؤامراتها فى دول المنبع
الى قتل عالم الذره يحى المشد وقبله سميره موسى
الى انفاق الملايين لتجنيد امثال زكريا بطرس لخلق فتنه طائفيه تقسم ظهر مصر
هؤلاء المرتزقه يقدمون اجل خدمه لمثل هذه المخططات لأضعاف مصر وهم لذلك خونه تجب محاكمتهم
Anonymous said…
والى المصريين
افيقوا وافهموا وكفاكم انصياعا لهؤلاء الخونه
Ms Venus said…
هل الله خالق البشر غير قادر على حفظ دينه


مين يسمع ؟؟؟؟؟؟؟؟؟؟


انا قريت الخبر وقريت التعليقات

التعليقات جابت لى اكتئاب واحباط

علشان شباب بلدى بالتفكير ده

طب مستنين ايه ؟ ما لازم مصر تبقى فى اسفل اسفل اسفل العاالم
Desert cat said…
Tears
طبعا كل واحد عنده ذرة عقل عارف مين هى دكتورة زينب رضوان اما من ينعتونها بالجاهله فارى انهم فى حاجه لعلاج فورى من حالة العته اللى اصابتهم
Desert cat said…
Anonymous
للاسف هما قاعدين يحرموا على الناس عيشتها فى نفس الوقت بيتعاملوا بالتكنولوجيا اصل الغرب الكافر ربنا سخره لخدمتهم وهما كل شغلتهم قلة الادب وخلاص
Desert cat said…
dr.lecter
ربنا يوعدهم بذئب مفترس يخلص البشرية منهم
Desert cat said…
مقترح
طبعا فكرة فى محلها بس ده ميمنعش اننا نفضح الجهلاء واللى بيحاولوا نشر العبثية مهما كان موقعهم فى الدولة
Desert cat said…
Anonymous
حنان ترك طالعه تقول انا لو بقتل قتيل والادان ادن حسيب القتيل واصلى وارجع اكمل من على القمر الصناعى المصرى
وبعدين اعتقد الدولة مش تقدر تقفل القناة دى فجأة البلد مليانة مغيبين
Desert cat said…
elmasryeffendi
اعتقد مع وجود نسبة الاخوان والعمال والفلاحين اللى فى البرلمان مصر حتفضل فى الظلام كتييييييير
Desert cat said…
Anonymous
قريت عن الموضوع فى موقع العربية
للاسف الناس المحترمة تسعى للتقدم باستغلال الطاقات البشرية كلها واحنا نتفنن فى وأد المرأة وعلى فكرة المرأة اللى راضية بالذل والخنوع ومبسوطة بالضغوط التى تمارس عليها دور كبير جدا فى اللى بيحصل ده لازم وعى الاول علشان تقدر تاخد حقها
Desert cat said…
Kontiki
متفقة معاكى بجد يا كونتا
لو بجد فى حد عاش عمره كله علشان يشوه الدين الاسلامى عمره ما كان قدر يعمل نص اللى بيعمله اتباعه
Desert cat said…
Anonymous
انا بشوف الرساله دى بجد بحس بالعار من المجانين دول والمشكلة الاكبر مش فيهم فى البهايم اللى بيصدقوهم وينشروا من غير تمييز او تفكير
Desert cat said…
Ms Venus
اااااه يا فينوسه لما قطاع كبير بيرد بالسذاجة وقلة الادب دى يبقى عليه العوض فى مصر

Popular posts from this blog

قميص دهشور

كل تحرش وانتوا طيبين