Desert Cat Search
قطه الصحراء: على مسرح مصر

Sunday, May 23, 2010

على مسرح مصر

مكان ليس له عنوان عروضه مستمرة وغير محددة البداية او النهاية
من يملك الحلم الحقيقى ؟
مين يجرؤ على نطق كلمة طموح فى ظل سوق نخاسة بأمر امير الأمراء ؟
من يستطيع المطالبة بأبسط حقوقه إذا كان عقابه هو السحل فى الشوارع والضرب بيد من حديد وسعيدة عليكو يا شعب مصر اليوم فى عيد
ولكن اى عيد ونيل بيتسرب من بين ايدينا
وساعتها حتى المثل الشعبى الصارخ اشرب من البحر هيبقى مجرد خيال علمى
اى مصر ومواطنيها ابسط حقوقهم بيطالبوا بيها وبدل من اعتراف نظام عاجز بفشله كان السحل والضرب والإهانة من نصيب عمال كل اللى طالبينه مش شقق على النيل ولا منتجعات فى السخنة ولا الساحل كل همهم هو تحقيق مطالبهم
مين يقدر يقول كلمة تغيير هتلاقى كدابين الزفة اعتلوا خشبة مسرح خيانة الوطن وقاموا بثرد حكايات واقاويل ايشى عميل والتانى كان جده السابع عشر قتال قتله ومن المساجين واللى نعرفه احسن من اللى منعرفوش وعلى الاقل اللى موجودين دلوقتى سرقونا وبسرقيتهم دمنا وقوت عيالنا شبعانين
اضرب الشعب فى بعضه وطلع سلفيينك على اخوانك على كدابينك ايشى يخسف بالمرأة سابع أرض والتانى يكفرها والتالت يأمر بوأدها ما هى اصلها ناقصة عقل ودين وهى برضه اللى هتدخله النار المسكين اصله مهما عمل ملاك ومبيغلطش ابدا لكن هى السبب اللى هتوديه اسفل سافلين
كلهم بهلوانات على خشبة المسرح بيأدوا أدوراهم ببراعة واللى بيدفع الثمن عامة الشعب المساكين
والبهوات الكبار فى قصورهم بيتفرجوا ومبسوطين بالذمة حد يلاقى شعب زى ده ويسيبه كدا هدية وبمنتهى البساطة لحد تانى يحكمه

26 comments:

Tarkieb said...

البهلاون دلوقتي بقى بيحمل درجة الدكتوراة ...الاول كان اباظة ضد نعمان ودلوقتي البدوي ضد أباظة . وكل يوم بهلوان بيجينا

وكل بهلوان وانت طيبة ..

فرعون said...

قصدك شعب أهبل وطبعا محدش يسيب شعبه الجميل الطيب إلألواحد بس عارفاه؟

khalil said...

فطة الصحراء انتى انسانة شجاعة
تحياتى

Kontiki said...

قلتى اللى عاوزة اقولة
علية العوض

strategicalone said...

للاسف يا قطة الشعب موش مسكين
معظم الشعب مع واد المراءة ان لم تتزوج فى الرابعة حتى لا تاتية الفتنة
رجاء لا تظلمى شلة الفسدة والمفسدين على تركهم للارهابيين يفتون الشعب
لان الشعب يحب ذلك ويستلذ لذلك
وكل شعب بياخد اللى يستحقة
وما ننساش ان هتلر وصل الى السلطة بالانتخاب الحر ودفع الشعب الامانى نتيجة اختياراتة ونحن ندفع وسندفع ايضا
سلام

Tears said...

الحلول السلمية لم تعد تنفع الان

حزين لما وصلنا اليه said...

قطه
لأسباب تاريخيه قديمه وحديثه
الشخصيه المصريه الغالبه مريضه فعلا ومرض ليس من السهل علاجه بين يوم وليله
وكثيرون يستفيدون من هذا الوضع
قلت الشخصيه المصريه الغالبه
لأنه يوجد القليلون
من الذين نجوا من هذا الوباء وانت خير مثال
ولكن ما الحل
نحتاج لفتره انتقاليه لسنوات
تعاد فيها بناء الشخصيه المصريه
قبل المضى الى حياه طبيعيه صحيه
غير ذلك
ستكون مقامره فى غاية الخطوره
وعلى فكره المرض لا يميز بين دين وآخر او اى طبقه واخرى او مستوى اقتصادى وآخر
المرض متفشى بين كل الفئات
قطه
يجب ان نواجه انفسنا بشجاعه

Ms Venus said...

جيتى على الوجع يا قطة

حزين لما وصلنا اليه said...

هل قرات عن بحوث المركز القومى للبحوث
التى تقول ان الشخصيه المصريه بشكل عام نتيجة للغزو الصحراوى اصبحت هلاميه

حزين لما وصلنا اليه said...

قطه
انظرى الى فهلوة المثقفين واحتيالهم
وهو اخطر بكثير من احتيال وفهلوة البسطاء
الأمثله تحتاج لمجلدات
انهم يسخرون مهاراتهم بشكل منحرف تطبيقا لفكرة حق يراد به باطل
وهم قد احترفوا ذلك
والمحزن ان التعليم يفشل تماما فى صقل شخصياتهم والرقى بها
وحتى الدكتوراه اصبحت مجرد ديكور وابهه وليست كما هى فى كل الدنيا بداية حياة من البحث الجاد
وليست لمجرد يافطه للوجاهه
ولو تلاحظى نادرا ما يستخدمون كلمة دكتور فى الدول المتقدمه
ولكن الأسم فقثط الا اذا كان الموضوع له علاقه بالحياه فى الجامعه
وهذا يجرنا لظاهرة لا نلتفت اليها وهى عندما هدمت حركة يوليو السياسه والطبقه السياسيه
هداها التفكير الفهلوى الى الأستعانه بالدكاتره كوزراء
وهو ما يسمى بالتكنوقراط
فلا يوجد الوزير السياسى ولكن وللغرابه وزير فنى فوزير الصحه طبيب ووزير الداخليه ظابط شرطه وهكذا مع ان وزيرة الدفاع فى فرنسا كانت منذ فتره قريبه سيده سياسيه
وهذا اكبر دليل على هجرنا للسياسيه
واعتبار مشاكلنا مشاكل فنيه وليست سياسيه

elmasryeffendi said...

معاكى حق بس الشقلاباظات اللى حق بدات تظهر فى اعلانات مدفوعة من اموالنا نحن دافع الضرائب و قال ايه بسلامتهم بيدعونا نشارك ، طب و احنا لقينا مشاركة و ما شاركناش ؟ ده انا عشان اعمل بطاقة انتخابية طلع دين اهلى و دين اللى خلفونى و فى الاخر المندوب اللى قاعد بكومبيوتر قدام اللجنة تكرم و طلع رقمى من السجلات و كشوفات الناحبين، امال عملنا الرقم القومى ليه ؟ مش عشان نستخدمه فى كده و لا ايه ؟

تحياتى

حزين لما وصلنا اليه said...

قطه
وهناك جريمة كبرى ارتكبها ويرتكبها فى حق الوطن هؤلاء المرتزقه دعاة العادات الصحراويه الذين يحاولون فرضها بتفسيرات مستورده للدين
والجريمه هى انهم وجهوا ضربه قاضيه لما يسمى بالقوة الناعمه لمصر
من فن وعلم وفكر وتاريخ
وانهالوا هدما لكل هذا ارضاء للمتخلفين الحفاه وبمقابل دراهم معدوده
وظهرت عاشقات النقاب والمنتقبات
تقليدا سمجا لعادات اهل الصحراء
وادى كل هذا الى المعاملة السيئه والمعاناه والظلم للمصريين العاملين فى بعض بلاد الجاز
يحدث هذا التخريب فى الوقت الذى تتنافس الهند والصين
على نشر ثقافتها وفنها فى العالم اى القوة الناعمه لكل منهما مما يعود بالنفع عليهم
لى صديق طبيب ذهب الى بلاد الجاز وعاد ثم ذهب بعد فتره وقد حصل على الجنسيه الغربيه فتضاعف راتبه وتغيرت المعامله مع انه هو هو نفس الشخص
قطه
هذا موضوع يحتاج لكلام كثير
حتى نفيق من غيبوبة البترودولارات

kaed said...

هية مسيرها تتعدل يا قطة

Desert cat said...

Tarkieb
ما الفائدة من درجة علمية قيمتها لحاملها كالحمار يحمل اسفارا

Desert cat said...

فرعون
تعرف بشوف ساعات مواقف تخلينى اقول الشعب ده يستحق اللى الحكومة بتعمله فيه اصله لما بيقدر مش بيعفى ودايما المقهور يشوف الاضعف منه علشان يقهره

Desert cat said...

khalil
ميرسى خليل
تحياتى

Desert cat said...

Kontiki
ومنه العوض
:))

Desert cat said...

strategicalone
انت لو شفت التعليقات اللى مكتوبة على خبر غلق قناة الرحمة هتقول الناس اتجننت
بجد مفيش اى ادب ولا احترام للآخر نجحوا الارهابيين فى تغييب العقول واختراقها

Desert cat said...

Tears
يعنى نحارب
:))

Desert cat said...

حزين لما وصلنا اليه
تعرف لو سمعت ان مصر هيتم احتلالها من دولة اوربية هفرح اصل الاحتلال حينضف العقول القذرة اللى موجودة دلوقتى دى

Desert cat said...

Ms Venus
سلامتك من اى وجع يا فينوسه

Desert cat said...

حزين لما وصلنا اليه
والله من التعليقات اللى بشوفها فى المواقع الاخبارية الشخصية المصرية اصبحت عشوائية مش بس هلامية

Desert cat said...

حزين لما وصلنا اليه
احنا عندنا بيبقى واخد دبلوم صنايع وان مش قولت له يا بشمهندس يسمعك شتيمة عمرك فى حياتك مش سمعتها
للاسف عندنا بيدوروا على الشهادات وعقول مجبسه

Desert cat said...

حزين لما وصلنا اليه
للاسف فى البلاد التى يفرضون فيها النقاب تسعى المراة لتحررها واعلاء شأنها بكل السبل وفى بلادنا يعشقون قطعة القماش ارضاء لاسيادهم

Desert cat said...

elmasryeffendi
الرقم القومى معمول علشان تحطه فى المحفظة
:)))

Desert cat said...

kaed
امتا بس يا دكتور