Desert Cat Search
قطه الصحراء: المفروض يطردوا الهمج

Monday, May 17, 2010

المفروض يطردوا الهمج

هاج الجميع فى أنحاء الوطن العربى وماجوا حينما سمعوا ان هناك رسام سويدى قام برسم النبى محمد صلى الله عليه وسلم .. وكالعادة كثرت الإشاعات وتناقلها الجميع واكاد اقسم على جميع الكتب السماوية ان غالبية من يسكبون البنزين على النار لم يروا الرسومات التى يتحدثون عنها بل ان الدليل فى مثل هذه الحالات هو قالوا له .. وبعد عدة ايام نشرت المنتديات والمواقع الإخبارية بان الرسام مات محروقاً والجميع قالوا هذا هو انتقام الخالق لسيد الخلق .. وراينا السيارات تزينت بعبارة بابى انت وامى يا رسول الله .. والتشرتات لابسها شباب فداك اموالى يا رسول الله وهو كل اللى فى جيبه مش يكمل 2 جنيه فعادى فداه كل الاموال مش فارقه .. وتمر فترة من السكوت لينكشف الكذب وليعلم الجميع ان الرسام الذى انتقم منه رب العزة لانه قام برسم نبيه الحبيب واخذه اخذ عزيز مقتدر .. وانتقم منه شر انتقام .. حى يرزق ليتجلى الكذب ".. فقام البعض من الهمج بضرب الرسام اثناء ندوة كان يلقيها .. ولم يكتفوا بذلك بل فى اليوم التالى قاموا بإشعال النار فى منزله .. واثناء اشعال النار لم يكن الرسام موجوداً بمنزلة .. اى همجية التى يتصرف بها هؤلاء الغير مسؤلون عن تصرفاتهم .. ويصرخون ويتباكون بانه الا رسول الله .. هل لو كان موجود بيننا رسول الله كان سمح بكل هذا الغباء والإنحدار .. هل هناك مخطط من الإخوة المتأسلمين بتشويه الدين بكل ما استطاعوا ؟؟ هل هؤلاء المتطرفون حقاً يعلمون شيئاً عن الأديان السماوية الثلاث التى دعت إلى الحب والتسامح ؟؟ ام انهم يسيرون وفق مخطط سريع وموزعين نفسهم شوية فى قنوات التطرف ارهاب فكرى وصراخ وعويل باسم الدين وشوية دايرين عند الغرب الكافر يقرفوهم من كل ماهو اسلامى .. هو مش الدين المعاملة ؟ كل ما استغربه واستعجبه حقاً هو ليه الغرب سايبين الهمج دول عايشين عندهم

20 comments:

Tears said...

رد الفعل على الرسومات كان مبالغ فيه و لكن هذا لا ينفى وقاحتها و للعلم هم يفعلوا نفس الشىء مع المسيح و العذراء و انا شخصيا ارى أهمية وجود قوانين تجرم هذا لان علينا احترام جميع المعتقدات لان هذا هو التحضر...ان نقبل بالاخر و لا نهينه

مطلق said...

اختلف معاكي يا قطه
انت ليه متعتبريش ان ده رد فعل مش حقول طبيعي ولا حاجه بس مينفعش نكون متحاملين اوي كده

Kontiki said...

عارفة يا قطة من كذا سنة ايام الرسوم الدنماركية عملت موضوع فى منتدى محترم المفروض انه كان للصفوة عن الرسوم و عرضتها على اساس اننا نحاول نفهم الاخر نفهم هو عاوز يقول اية من الرسم لقيت برضة هياج وان كان محدود وتهديدات انه حيتبلغ على المنتدى وصاحبة وكدة ، المشكلة فى الفعل ورد الفعل الفعل ان الرسوم بتقول افكار معينة الرد عليها يكون بالهدوء و المناقشة و القبول و احترام وجهه نظر الاخر عشان دى ارقى واحسن طريقة عشان ننفى اى معنى مسىء عنا كمسلمين بتحاول الرسوم انها تقولة ومع الاسف بعد ما شفت الفيديو اللى فى ثورة الهمج على الرسام هم مقدموش حاجة اكتر من ترسيخ للفكرة اننا همج ومقدموش حاجة اكتر من دليل حى انه اة احنا همج و بنتسم بالعنف و الغباء المطلق وعدم القدرة على المناقشة وانه جزء من ثقافتنا كمسلمين هو التخريب والارهاب
المفروض انه شخص الرسول مقدس عند من يؤمن به فقط مش مطلوب منهم انه يقدسوة و خصوصا فى زماننا دة لان كل تصرفات المسلمين بتدل على الهمجية و التخلف والتعصب و الارهاب بقينا موصومين ( اذا كان المسيحى فى بلدنا بقى عايش قرفان و خايف من الاشكال العرة المتعصبة يبقى الاجنبى مفروض انه يفهمنا ويحترم ما نعتبرة مقدسا )
والله لازم وحتمى جدا ترحيل كل المسلمين وكل من له اصل عربى فى اوروبا وامريكا الان قبل فوات الاوان عشان الصراع حيكون على اشدة بين الحضارات حرب الحفاظ على الهوية بين متشدد ومتعصب وبين حضارة اهل شمال الكرة الارضية المتقدمة
لازم يترحلوا ويعيشوا هنا فى مستنقع الظلمات عشان دة موطنهم الاصلى.

elmasryeffendi said...

فعلا ده اللى حصل و حاجة تقرف و تثير الاشمئزاز مما وصلنا اليه من بربرية و تخلف على ايدى هؤلاء الغجر الذين احتكروا الدين بالعافية و الذراع و الارهاب لان الاديان طول عمرها معتدلة الا اذا دخلتها السياسة لكن خؤلاء خلطوا كل شئ ، و فعلا هما ماشيين بفكر قالو له، انا بقى فى حاجة بتغيظنى قوى و هى كم الرسائل الالكترونية و الدعوات للجروبات اللى بتدعو لنصرة الحبيب مع ان الرسول صلى الله عليه و سلم لو كان بيننا لتبرأ منهم لانه مش محتاج نصرتهم ، و ما بابقاش عارف اعمل فيها ايه لان معظمهما بيحلفك باغلظ الايمان تقراها و تبعتها لعشرين مليون شخص ، و لما اطلب من اللى بيبعت لى انه يتوقف يقولى يعنى انت بتقضى وقت فى الهلس و ما لا ينفع و مستكتر 5 دقايق على الحبيب ، بجد حاجة بقت تزهق ، انا بافكر اطلب لجوء انسانى لاى دولة هروبا من هذا الجحيم لكن مش عارف ممكن و لا لا

Tarkieb said...

أذا كان على الهجس والاشاعات ماسمعتيش عن الجونينة اللي شجرها في ألمانيا كان عامل لا الله الا الله..ما سمعتيش عن البنت اللي تحولت لسلعوة عشان ما صلتشي؟ ما سمعتيش عن البت اللي ماتت عريانة وهي في الماسنجر؟ ما سمعتيش عن شهيدة الحجاب اللي الدنيا هاجت ومعرفش كانو عايزين ايه اكتر ان المجرم ياخد جزائه... الم تسمعي عن الاسد اللي طلع لسيدي رجب الصبح وهو رايح يصلى الفجر وسيدي رجب وقف بعد ما كل اهل السيدة زينب جرو وقالو يا فقيك وقاله عايز ايه ياد يا أسد قال له من فضلك ياسيدي رجب أركبني عشان اوصلك تصلى الفجر حاضر في جامع زين العابدين...مع ان مصر بحالها مافيها اسدة وحتى لو فيها مش بيتكلمو عربي .. باين عليكي مش من هنا يا قطة... يا بنتي الحاجات دي حصلت بجد وبعدها كله طلع فشنك الا حكاية الاسد لسه كل سنة بتتقال في مولد سيدي رجب.. مشي حالك يا قط

فضيحة يجب ان لا تمر said...

الى هذا الحد يمكن ان نبيع كل شىء مقابل حفنة دراهم قذافيه؟
حتى مثقفونا يمكن ان يشترو
بصرف النظر عن فكره مستنير او يدعى ذلك ام متخلف متحجر؟
الله يجازيك ايها الكاتب العظيم الحر علاء السوانى بمقالته العظيمه عن الحريه لا تتجزأ فى جريدة الشروق قلاب المواجع وضاعف حزننا ولن كشف المرض الحقيقى كطبيب ماهر
من فضلكم اقراوا مقاله عن جابر عصفور الذى فبل جائزه مغريه من احد حكام العرب المستبدين بعد ان رفضها اديب اسبانى مرموق دفاعا عن الحريه

فضيحه said...

هذا هو الغرب الكافر المنحل
اديب اسبانيا العظيم
خوان جوى تسيلو
يرفض تسلم جائزه من ديكتاتور مستبد
حوالى مليون جنيه
لأنه مدافع عن الحريه وكرامة الأنسان طوال حياته فى مؤلفاته

حزين ينبه ويحمل كل الأغباء المسؤوليه said...

ياجماعه فكروا
هذه الهمجيه تصغر من شاننا وانظروا الى ماتفعله دول افتراضيه فى منابع النيل استهانة بنا
ويعلق قارىء فى جريدة المصرى اليوم
أ هذه مصر التي تقول لها وزيرة افريقية انها قادمة لزيارتها ولكن النيل ليس في أجندة الزيارة !! أهذه مصر التي كان امبراطور اثيوبيا يجيئ خصيصا ليقبل يد قداسة البابا شنودة بطريرك الاسكندرية ، أهذا شعب مصر الذي تعلمت علي يد أبنائه دول الخليج بلا استثناء ,والدول العربيةوأعان دول افريقيا وحوض النيل من المجاعات وطببهم من أمراضهم ، هم يهانون منذ ثلاثون عاما في أي مكان يتواجدون فيه لا ترفا ولكن لخدمة أصحاب المكان بأقل القليل لأن حكامهم تجاهلوهم ، الا تتقون الله في مصر ؟

love said...

تحياتى
أنا زعلان منك جدآ؟؟طبعآ هتقولى إتفلق تزعل ولا ماتزعل هتهمنى فى إيه؟؟
أنا بانصحك يابنتى لاتتمادى فى هذا الكلام الذى تقشعر منه ألأبدان وتطير منه الجبال وتكون كالعهن المنفوش؟؟
هل تعرفى أن نبى ألأسلام كان لايتحرك قيد أنملة إلا بأمر من الله؟؟ وكيف لا وقد قيل أن الله لم يخلق هذه ألأرض ومن عليها إلا علشان سواد عيون محمد؟؟
ألا تعلمى أن ال45 حرمة التى تزوجها -غير ملكات اليمين-كانت بأمر من الله؟؟
كان كلما اتزنق فى زيجة يسارع جبريل ليقول له أن الله قد أختار فلانة بنت فلان لتقضى بها شهوتك يامحمد؟؟عليك وعلى أصحابك وأزواجك الصلاة والسلام،ياخير خلق الله
ماذا تنتظرين من أمة تفكر بقدميها وتعقل بنعالها؟؟أرجوكى شاهدى قناة الحكمة ألأسلامية لترى مولانا وسيدنا وقائدنا وشيخنا أبوإسحق الحوينى وهو فى منتجع إستشفائى بألمانيا أرض الكفرة والفرنجة ويسلم على يديه رجل ألمانى وزوجته؟؟نفسى أسألهم سؤال:
كم مسلم ثاب إلى رشده أو رجع إلى عقله واتبع الدين الذى هداه إليه عقله؟؟
طبعآ الجواب تعتيم تام ولا عزاء للمتأسلمين
مرة أخرى تحياتى

Anonymous said...

قطه
هذا الذى يكتب love
هو نفسه الذى نبهناك انه من عصابة زكريا بطرس
الذى سيطرد من قناة الحياه من اول الشهر بعد ان احترق كورقه فى ايدى جماعه متعصبه فى اميركا حسب ما اوردت البى بى سى
ونحن نطالب بقواعد دوليه لمنع اذدراء الأديان
والتهجم على ما يعتبره بشر مقدسا لديهم

عماد said...

في أحد البرامج التليفزيونية التي كانت تستضيف أحد رجال الدين فوجيء الضيف بأنهم ذكروه بأن الرسول كان يصفح عن من أساء له فلماذا لا نتعامل بسماحة مع من عبر عن رأيه فيه برسم أو غيره فلم يملك رد مقنع

قلــ"بـــلال"ــــــب فارس said...

ياريت كنتى تعرفينا ايه هو اللى لازم يحصل

Desert cat said...

Tears
انتى شوفتى الصور علشان تعرفى مدى وقاحتها ؟
طيب هفترض ان الصور وقحة ده يستدعى ان ناس ترةح علشان تقتل الرسام
وناس تانية تضربه وناس تالته تولع فى بيته ؟
هو لو الرسول كان عايش كان بقى ده رد فعله ؟

Desert cat said...

مطلق
رد فعل طبيعى ازاى يا كريم
يعنى واحد عبر برسمه جزاؤه اقتله ؟
مافى طرق تانية ممكن ناخد بيها حقوقنا غير الدم والاجرام

Desert cat said...

Kontiki
ملخص كل الارهاب اللى بيحصل ده يا كونتا اننا حاسين بنفسنا اوى وان المسلمين هما الصفوة علشان كدا لازم كل طلباتهم اوامر ويؤمروا فيجابوا وفى نفس الوقت نشتم فى غيرنا نقتل فى الل ينتقدنا نعمل اى مهجية دى كلها حاجات محدش من حقه يقول انتوا بتعملوا ايه لكن احنا نفرض على الناس تاكل ازاى تشرب ازاى تقدس اللى بنقدسه واللى مش عاجبه هيتقتل او يتولع فيه وفى اللى يتشدد له كمان

Desert cat said...

elmasryeffendi
الى يضحكك بقى انك تلاقى اغلب الناس دى ماشية ورا القطيع ومحدش فاهم هو بيعمل ايه لكنه سمع ان الشخص ده عمل حاجه مش كويسة للرسول يبقى لو قتلناه هندخل الجنة ومالوا مش يقتله ليه ماهو هيدخل الجنة ببلاش
لا علم ولا ثقافة ولا عقل ولا اخلاق والغريب يقولوا لك احنا مضطهدين فى بلاد الفرنجة طيب ما تقعدوا فى بلادكو وتريحوهم وتستريحوا انتوا كمان

Desert cat said...

Tarkieb
موضوع الاسد ده موتنى من الضحك
حرام عليك
ههههههههههههههههه
بجد المتخلفين ملوا البلد والغريب يا صديقى انهم بيصدقوا نفسهم وينشروا بقوة
مش شوفت انت الشجرة اللى على شكل محمد رسول الله والقنوات تصور والناس تحجز علشان تاخد البركة من الشجرة وفى الاخر طلعت خيال فنان

Desert cat said...

فضيحة يجب ان لا تمر
فى مصر بلد العجائب اصبح كل شيئ يباع ويشترى مثقفينا كانوا خبر كان

Desert cat said...

عماد
سماحة هى الكلمة دى يعرفوها الهمج ؟
ده ممكن يكوقولا عليها كلمة دخيلة على اللغة ويطالبوا باغتيالها

Desert cat said...

قلــ"بـــلال"ــــــب فارس
روح اقرا فى سيرة الرسول وشوف كان بيتعامل ازاى مع اللى كان بيرمى فى طريقة قاذورات وهو رايح يصلى الفجر واللى كان عايز يقتله
ولو مش بتعرف تقرا
خلى حد كبير يقرا لك