وليموتوا بغيظهم

ايوا بجد هيموتوا بغيظهم انشاء الله اصل الناس الصهاينة دول متغاظئين ومنكادين مننا على الآخر اصل مش عندنا جهل ولا تخلف ولا اعتصامات مالية الشوارع ولا فقر ولا جوع ولا بطالة .. الناس الصهيانة دول بيحقدوا علينا موووت على اساس ان المسلمين مش متخلفين لا سمح الله ولا موصومين بالارهاب فى جبينهم مكان ما يروحوا .. ده حتى فى الصومال مش بيجلدوا الست اللى بتلبس براه على اساس انها كدا بتغش البضاعة .. امال عم الشيخ يمتع نظرة ازاى وهى ماشية فى الشارع وصدرها بيتهز .. يعنى تلبس براه وتحرمه من المتعة دى ؟؟ لاء يبقى لازم جلدها السافلة دى ازاى يتحرم من متعة النظر اللى المفروض انه منهى عنه فى القرآن طبعا . بامر غض البصر .. ولا فى طالبان بيرموا مية نار فى وجوه البنات اللى بتفكر تنزل بس تتعلم ولا بيهدموا المدارس على دماغهم ودماغ اللى يتشدد لهم كمان .. ولا بيولوعوا فى اى محلات خلاف اللى بتبيع الجهل المدقع البخور واشرطة الارهاب اللى بيلزقوها فى الاسلام عنوة .. ولا فى مصر بيتحرشوا بالبنات وان اتكلمت يقولك مش شايف لبسها وان قالت لبسه نقاب يقولوا اصلها لابساه تتدارى فيه وان قالت لابسه محتشم وطالبت بحقها يقولوا عليها اسرائيلية .. يبقى ايوا فعلاً احنا الصهاينة حاطينا فى دماغهم .. واى فكر هجص انت بتتقاضى عليه فلوس وان فكر واحد يناقشك فيه قوله على طول انت عميل صهيونى .. وهو هيبعد عنك وانشر فكرك الغبى براحتك ماهو محدش يقدر يتكلم اصل اى حاجه مخالفه للى بيدولك فلوس على طول مؤامرة صهيونية

تعليقات

الصهاينة سيعشون ميتين لأنهم بني دراكولا مصاصين الدماء وراح يمصوا دمهم زي ما مصوا دم الشعب الفلسطني ربنا يبارك فيك ويسمع منك يا رب آمين
‏قال حزين لما وصلنا اليه…
كام مره نرد على الحجج الواهيه والفصور العقلى
الذى يرى ان التعرى هو عكس وأد المراه بالنفاب وكانه لا يوجد بينهما من درجات تحشم عاديه كانت منتشره فى مصر قبل الغزو الوهابى وكانت الحياه لا تعرف هذا السعار المادى والهوس الجنسى والغش والنصب والدجل والأسترزاق بالأتجار فى
الدين
من فهلوية قنوات الجاز
وليس النقاب حريه شخصيه
لأنه رمز لعقلية لاتنتمى لعصرنا
وتحاول فرض رايها بالقوه والأرهاب باسم الدين ووراءه فى اللاشعور العقائدى صوره حيوانيه متدنيه للمراه
انه راية جيش ارحاعنا الى عصور
الأنحطاط بفرض عادات مستورده دخيله
بالعنف والأرهاب
تجاهد نساء البدو فى مماكة الرمال فى سبيل التحرر منها
وتذكروا صورة الملك عبد الله وسط جمع من النساء الكاشفات لوجوههن
تحديا لمن ينادى بمنع الأختلاط ويبشر المنادين به بجهنم
‏قال متنابع…
هذا الفتى من جماعة المرتزقه الذين باعوا انفسهم بحفنة ريالات
ولم يجدوا تجارة مربحه سوى التطاول على بعض بناة مصر الحديثه ولو كانت الطريقه الوحيده هى الفبركه والهذيان
ولاحظوا
رد فعل الوهابى الذى معه فكلما استحسن شيئا زاده هذا المخرف فبركة وهذيانا
وهناك من البلهاء من يصدق ومستعد للتضحيه بحياته وقتل الأبرياء فى سبيل هذا الهراء
ليفوز بحوريات الجنه
انهم صوره حديثه لفرق الحشاشين التى كانت تخدر الشباب ليرتكبوا ما يامروهم به من الجرائم
‏قال Elmasryeffendi
فعلا الاسرائيليين مش محتاجين يعملوا لنا اى حاجة بل اعتقد انهم هايلموا لنا فلوس او يتبرعوا لنا باى حاجة لاننا اساسا مش من مستواهم المتقدم فعلا و البركة فى البترودولار و اللى بيقبضوه ما هى السبوبة لازم تحكم و خلى الناس تزداد تخلف و جهل ، الوهابيين خدوا تارهم من مصر و اللى عمله فيهم ابراهيم باشا مع انه كان على حق و ما جاش واحد تانى يخلص عليهم نهائيا و ده ابتلاء من ربنا لان الاسلاميين الجدد بقوا عاملين زى الكهنوت فى العصور الوسطى

تحياتى
‏قال غير معرف…
والله لو اجتمع كل جهابذة المخابرات المعاديه ومخططى دمارنا ما استطاعوا ان يصلوا الى ما فعله هؤلاء المرتزقه
من هدم وقتل وتخريب
‏قال محلل…
تصحيح واجب
لابد ان نعترف بانه ليس بريق الذهب فقط هو ما يدفع امثال هذا الفتى الى كل هذه الفبركه والتخريف
هو وزملاءه من شيوخ الجاز
هناك عامل نفسى وهو الرعب من مواجهة العصر وما يتطلبه من صفات شخصيه واستحقاقات لا يقدرون عليها بطبيعة تكوينهم النفسى المعوج والمختل
فهم لا يريدون ولا يقدرون على التعايش مع امراه لها راى وشخصيه
وهم غير قادرين على التعايش مع الآخر المختلف دينيا او فكريا
وبدلا من مواجهة هذه الحقيقه المؤلمه على نفوسهم لو اعترفوا بها بينهم وبين انفسهم يلجاون الى الحيل النفسيه المعروفه متمسحين بفهم مشوه للدين يبرر عجزهم عن مواجهة متطلبات العصر
ولذلك اذا واجهتيهم بالحقيقه سبوا ولعنوا واعتدوا على كل من يقابلهم دون تمييز فيقتلون الأبرياء دون تمييز
وما حدث معك من هذا المتاسلم بذىء اللسان سوى نموذج مصغر
‏قال بالنقاب سوف تتحرر فلسطين…
هزل هؤلاء فى موضع الجد
تصوروا موقع من المواقع المتاسلمه
يقول ان فلسطين لن تتحرر الا بالنقاب!!!!!!
كمظهر للعوده للدين
وكتبت ما اشك انهم سوف ينشروه
لأنهم لا يطيقون النقاش
ياسلام لن تتحرر فلسطين الا بالنقاب ...لو اردتدت النسوان جميعا النقاب
من الذى يميع سرقة فلسطين ؟انها قضية سرقه وطن بمسلميه ومسيحييه وليست قضيه دينيهمها حاول المتاسلمون فالسؤال هل تترك لصا يسطو على بيتك لأنه مسلموتقبض عليه فقط لو كان بوذيا مثلا ...ماهذا التفكير والمنطق المعوج؟يذكرنا بمن قال بعد هزيمة 67 اننا هزمنا لبعدنا عن الدين ولم يخطر على باله ان يذكر او يسال وهل الذى انتصر كان متمسكا بالدين؟
متى تتوقفون عن هذا الأسلوب وهو حشر الدين فى كل امر اليس الأجدى ان تلموا بحقائق السياسه والعصر ...انتم اخطر على القضيه من سارقيها بهذا الفهم المتدروش لقضيه سياسيه ...التشخيص خطا ولن تصلوا به الى اى علاج
‏قال Kontiki
نظرية المؤامرة تحكم العالم العربى من اول ست البيت اللى كل بلوة تحصلها تبقى مؤامرة من اهل زوجها .
شعوب عاوز شماعه يعلق عليها فشلة و غبائة
قيادات عربية لا تجيد التفاوض وشعوب تؤمن بالمؤامرة ورجال اعمال مؤمنون بارصدتهم البنكية !
دلوقتى عدنا للعصور الوسطى بلغه المشايخ نتحدث ليست لغه العقل و المنطق والتاريخ اصبح المصلحون الذين ذكرهم التاريخ مفسدون على يد سيدنا الشيخ المزايدة شغالة لمن يدفع اكيد كان محتاج الكام الف اللى اخدهم عشان يعمل الحلقة دى عشان يملا التلاجة فى بيتة واحد زى دة حيصرف منين يعنى دول تجار الدين .. جتهم البلا علية العوض ومنه العوض
‏قال على باب الله
نظرية المؤامرة .. أو الهوس بتلك النظرية يأتي مع الأنظمة الديكتاتورية في الوجبة الكومبو
سواء كانت ديكتاتورية عادة أو سوبر -أي دينية " الله هو الديكتاتور " و نحن و لله الحمد نعاني بشكل مزمن من الإثنين
‏قال مؤرخ تاريـــخ التيـوس…
دا احنا اللي اخترعنا تعليق كل حاجة على الصهاينة, اشمعنا تيوس المعزة بلحية بيستعملو الاختراع بتاعنا؟

قم ايه هما عملو علشان يدافعو عن النقاب؟

يا شيح!!! دول ناس طالعين من البالوعة وعايزين يدخلو التاريخ ومش لاقو مكان يعومو فيه غير البالوعة

عمري ما شفت تيس معزة فكر يخترع قلم رصاص
‏قال Desert cat
دندنة قيثارة الوجد
هما فعلا عايشين ميتين خالص يعنى مش بيحاولوا يطوروا من نفسهم لدرجة انهم تفوقوا فى كل المجالات
لاء بجد الناس دى ميتة فعلا
واحنا اللى عايشين فى عز وتقدم ورخاء
بوركتى يا اختاه
‏قال Desert cat
حزين لما وصلنا اليه
مش عارفه ايه هدفهم من طمس الهوية المصرية المهم انهم بيقاتلوا بكل ما اتوا من قوة وللاسف بيساعدهم المتخلفين من المصريين
‏قال Desert cat
متابع
اهو اى عواطلى مش لاقيى له شغلانة يلبس له جلابية ويلف الطرحة على راسه ويشوف له اى فضائية يخرف فيها شوية واسيادة هيدفعوا له وكل لما يكون التخريف اكتر لما الفلوس هتكون اكتر
‏قال Desert cat
elmasryeffendi
دلوقتى الفلوس هى سيدة الموقف وابجنى تجدنى لو عايزه يعمل بهلوان مش يشتم فى الناس اللى عملت له نهضة وخلت ليه تاريخ
ربنا يرحم البلد دى من الجهلاء اللى باعوا نفسهم وضمايرهم لتدميرها
‏قال Desert cat
Anonymous
لاء خلاص معدش حد محتاج يجتمع لان الجهلاء والبلهاء دمروها وشوهوا الدين بايديهم
‏قال Desert cat
محلل
الغريب بجد انى مستغربة اذا معينين من نفسهم دعاة للاخلاق والفضيلة ومع اول موقف تلاقى اخلاقهم القذرة
دول بجد مجانين
‏قال Desert cat
Kontiki
احنا بلد الفهلوة واللى بنلعب بالتلات ورقات وعمرنا ما بنغلط ابدا .. علشان كدا لازم اى غلطة يتحملها غيرنا او هى مؤامرة صهيونية بتنجتنية مهلبية بيحدقوا علينا يا كونتا عايزين يجردونا من العلم والرقى والتحضر حتى بصى فى الشواع مش فيها زبالة ولا عيال صايعة ولا عالم فارشة الارض من الفقر
ده احنا شعب مسكين خالص الناس كلها بتحقد علينا
‏قال Desert cat
بالنقاب سوف تتحرر فلسطين
ههههههه فكرونى باللى كانوا بيعلقوا ملصقات كاتبين فيها شعر النسوان هو سبب الغلاء لابد ان تتحجب الستات وحجبوها فعلا دلوقتى عايزين ينقبوها ؟؟ طيب وبعد ما تتنقب هيطالبوا بوأدها ؟؟
اعتقد ده القادم
‏قال Desert cat
على باب الله
احنا اتعودنا على ثقافة الارهاب الفكرى مش بنعمل حاجه الا بالخوف علشان كدا المرتزقة بقوا شغالين تمام على الفهم ده
‏قال Desert cat
مؤرخ تاريـــخ التيـوس
ماهما التيوس بيقولوا ربنا سخر لهم الكفرة يخترعوا واحنا نستخدم وراهم .. ومش مكسوفين من نفسهم وهما بيفتخروا انهم بياخدوا ناتج مجهود وتعب غيرهم
‏قال Mostafa Ali
يااااه عجبى على ههؤلاء الشيوخ
لا يساوى الواحد منهم جنيه فضه ويتكلم فى حق مفكرين ومثقفين

نقاب ايه يا متخلف انت!!!!؟
تحياتى
‏قال Tears
النقاب مشكلة أمنية فى المقام الاول
‏قال اسامة يس
روح السخرية الدائمة/ هو نوع ىخر من المؤامرة عليهم....ههههههههه
كان لي مقترح وحل لإصلاح العالم.. لا ادري ان كنت ستوافقين عليه ام لا...
والحل هو تكميم افواه كل ذي عمة سواء يهودي مسيحي مسلم يغوسلافي حتى...
هذا الحل سيجعل العالم يعيش في سكون تام .. من سخافات القول .. وبلاهة العقل...
دمت بكل ود...
خالص تحياتي
‏قال مطلع…
كيف تتقدم مصر بمثل هؤلاء؟
من محاضرة احمد زويل يقول
«تستطيع مصر أن تحقق التقدم إذا توافرت الإرادة والرؤية والعمل الجاد، بشرط أن تستثمر العقل، وذلك لن يتم إلا بتطوير منظومة التعليم والبحث العلمى، ووجود ديمقراطية وقائد يرغب فى تحقيق ذلك من خلال تعاونه مع الشعب»،

لافتاً إلى أن اليأس والإحباط الذى يلاحظه على المصريين فى الفترة الأخيرة يعتبر جريمة فى حق الوطن ولن يؤدى إلى نتيجة، مؤكداً أن تطوير التعليم لا يحتاج سوى ٥ سنوات، ولا يحتاج إلى عبقرية، معتبراً أن مشكلة مصر تكمن فى القدرة على تنفيذ خطة تطوير التعليم بطريقة صحيحة.

وأشار زويل إلى أننا لا ننقل من الغرب إلا أسوأ ما فيه، والغرب ليس فاجراً كما تصوره بعض وسائل الإعلام، منتقداً الفهلوة التى يمكن أن تحقق بعض النجاح لكنها لا تمكن من الوصول إلى القمة،
‏قال غير معرف…
اين هذا وهو عينه من ميكروبات التخلف التى تفتك بجسد الوطن من اجل حفنة دراهم من شيخ الأزهر ايام محمد على حسن العطار الذى حلم باخذ العلوم المتقدمه واعمال العقل
وياتى هذا الفسل ليتطاول على ابناء واحفاد حسن العطار
بلا حياء
‏قال مايجب ان يعرفه الجميع…
هؤلاء المخربون
مصر كانت منارة للعالم العربى بانجازاتها فى الفكر والفن والعلم والتطور وحتى فى تقديم اعظم الأصوات لقراء القرآن
كانت تتمتع بما يسمى بالقوة الناعمهSOFT POWER
ولهجتها هى المفهومه فى كل الوطن العربى بسبب انتشار ثقافتها المعتدله واسلامها او فهمها للأسلام السمح
واذا بامثال هذا النطع يرفعون بقسوه وبغباء منقطع النظير فؤوس جهلهم لهدم كل هذا
وليصبح الحال كما نرى
والقوه الناعمه هى اليوم موضع تنافس صامت بين الصين والولايات المتنحده كل يحاول نشرما لديه من ثقافه فى العالم
وتاتى عصابات من مرتزقة لتهدم كل شىء وتستورد عادات الصحراء باسم الدين
ان محاكمة امثال هؤلاء بتهمة الضرار بمصالح الوطن جائزه ومطلوبه
‏قال غير معرف…
هؤلاء الحمقى دمروا هيبة مصر
وها نحن نواجه مشكلة مياه مع دول مثل اثيوبيا
الله يخرب بيوتهم
‏قال مطلع…
الناس هناك تجاهد للتحرر من براثن
التخلف والبلاهه والقمع باسم الوهابيه
ونستورد نحن كل هذا
.....
اقالة رئيس تحرير صحيفة الوطن السعوديه
لنشرها مقالا ضد الوهابيه
والدعوه الى احترام كرامة الأنسان
‏قال عماد
أزال المؤلف هذا التعليق.

المشاركات الشائعة