طوارئ كمان وكمان


لقد تفضل ومنّ علينا السيد رئيس الجمهورية
لالالالا مش بتخفيض الاسعار
ولا بتشغيل الشباب العاطلين
ولا بشقق لسكان العشوائيات
ولا بتوفير الرعاية الكاملة لاطفال الشوارع
ولا تلبية احتياجات المعاقين
ولا بتلبيه مطالب كل العمال المعتصمين
ولا بصيانة القطارات وترميم العبارات
ولا برصف طرق وعمل كبارى جديدة
ولا بتوفير حياة كريمة آدمية للمواطنين كل دى حاجات هايفة وتافهه رئيس الجمهورية مهامة اكبر من كدا بكتيييييييير ولما نقول قرار جمهورى يبقى اكيد هو مد قانون الطوارئ لمدة عامين
سامعة حد بيقولى ليه عامين ؟؟
طبعا الاجابة جاية من الكنترول حالاً
وهى الانتخابات الرئاسية يا حلوين وطالما فى طوارئ يبقى التوقعات معروفة رئيسنا القادم مين

تعليقات

‏قال Tears
بالعكس ده كده رائع

خليه يدق مسامير اكتر فى النعش بالذات ان ده اعتراف صريح بالفشل و عدم الشرعية لان كده ده واحد بيقول انه مش قادر يحكم من يوم ما تولى غير فى ظل قوانين استثنائية
‏قال Desert cat
Tears
ماهو احنا خانعين وخاضعين من 30 سنة يا تيرز ايه اللى حصل النعش ماشى فى طريقه
‏قال karim
ربنا يستر على البلد دية من كل شىء, وسلميلى على التغييير, تحياتى
‏قال متابع…
من مالى تعرفوا هى فين
شهد مالي جدلا هذه الأيام بسبب قانون جديد للأسرة لا ينص على إجبار النساء على طاعة ازواجهن
ويعيش أحد رجال الدين الماليين في حالة من الخوف بسبب مساندته للقانون
وقد تلقى الرجل تهديدات عبر الهاتف، بينما يحاول بعض قادة المسلمين عزله من منصبه الديني
وتثير بعض المواد حفيظة المعترضين على القانون، حيث تشير واحدة منها إلى أن الازواج والزوجات يدينون لبعضهم البعض بالولاء بدلا من الطاعة.

كما يمنح القانون النساء حقوقا أكبر في الميراث ويرفع السن الأدنى لزواج الفتيات إلى 18 عاما.
‏قال غير معرف…
حاجه فى منتهى الغرابه
منعوا الشهر العقارى من تسجيل توكيلات من الناس للبرادعى
عار...عار...عار
لن ينساه التاريخ
‏قال dr.lecter
يوم اسود ومنيل
قمه الاستعباط وقمه الهبل


ورحمه البنكرياس اللي شاله في العمليه مايهعمر معانا خالص
‏قال العلم نور
أبو لهب شعلل ناره على الآخر

وما بقاش غير إنه يتشعلعل بيها هو كمان وإللي يتصدره
‏قال Elmasryeffendi
يا جماعة دول ما بيعرفوش من اصله و كمان ما عندهمش دم، و بعدين اعداء الوطن متربصين فى كل مكان فكان التمديد حماية للوطن قصدى لمولانا اطال الله عمره

تحياتى
‏قال خالد كامل
الثورة قادمة
الشعب فاضله تكة
و انا بصراحة مستنى التكة دة
‏قال غير معرف…
موسوعة جينز لسماكة الجلد
رئيس فرنسا ديجول استقال لما الشعب نجحه بنسبة 60 فى الميه فقط فمخلصهوش واستقال
وعندنا الأستمرار بالتزوير عينى عينك
يعنى ايه الغاء الأشراف القضائى على الأنتخابات الا اذا كنت خايف
وهو اللى بينجح ب90 فى الميه يخاف ليه من البرادعى او غيره؟
وليه محتاج قانون الطوارىء الذى يسمح بالتحكم فى البشر بدون مساءله؟
طبعا اللعب دلوقتى ع المكشوف كل الفرقه عارفه انهم مرفوضين بس ولو قاعدين قاعدين
بالذوق بالعافيه قاعدين
ده حت كل الحجج بقت باليه ولا تقنع طفل وهم نفسهم عارفين
الغريب والمخجل ناس كبار فى السن ومعاهم دكتوراهات فى القانون
وعارفين كل حاجه وقربوا على ال80 من عمرهم ولسه بيدجلوا
كيف يواجهون احفادهم \
‏قال مندهش…
اود ان يتبنى الناس دعوه لتوفير اموال الشعب بدلا من التفكير فى زيادة السعار زياده ماهى مولعه والغاء الدعم وزيادة الضرائب....الخ
اليس السهل والأجدى توفير الملايين التى تنفق على انتخابات معروف نتيجتها مقدما؟
اليس من الأجدى توفير ميزانية مايسمى بمجلس الشورى وايضا مجلس الشعب اذا لم يكن دورهما يتعدى البصمه على كل ماتريده الحكومه؟
‏قال غير معرف…
لولا اسرائيل لأمكن تغيير حسنى مبارك لان الموساد بيزوده على اى معلومات تصل اليه
اصبح مبارك صهيونى عربى هو وعبدالله السعودى وعبدالله ابن حسين
ولحمايتهم اطلق عليهم المعتدلين العرب ولكنهم معتدلون جدا امام امريكا واسرائيل
وطبعا الطوارئ هو السبيل الوحيد لقمع المصريين
لكن الفجر جاى....جاى....جاى.
‏قال غير معرف…
لماذا انتخابات وملايين تهدر اذا كانت النتيجه معروفه سلفا
هذه
ميزانية اغلى مسلسل
تمثيلى فى بلد الفقراءالذين نسوا طعم اللحمه
‏قال عصام…
اقترح يخلوها 8سنين عشان الانتخابات اللى بعدها
‏قال Ms Venus
مش عارفة يا قطة

بس زى ما قالت تيرز


بيفضح نفسه
‏قال رشدي بيفكر…
شوفي يا قطة

انا باشم ريحة السلفيين متحمسين بالاجبات هنا

المشكلة ان السلفيين هم المبادرين في فكرة تغيير الحكم وهم اللي هيستلمو الحكم بالتاكيد وهيلبسو البلد نقاب اسود باسود

ليه محدش متحمس لنقاط البوست اللي كتبتيه ولا من المرشحين نفسهم للانتخابات ولا من المعلقين؟

صعب اجتمع مع السلفيين على نفس الفكرة
‏قال Mathew
وطالما فى طوارئ يبقى التوقعات معروفة رئيسنا القادم مين

معلش سامحيني هو احنا عندنا كان في رئيس جيه و مشي؟ غير علي قبره بالطبع
‏قال Kontiki
هو مفيش حد فى الحكومة حاسس بحاجة !! يا عذاب الوطنى يا جهنم الاخوان والجماعات مفيش حلول وسط ولو فى حلول وسط بدل ما نساندها عشان نكتب تاريخنا الحديث ونعدل الحال المايل نعرقلها ونمد قانون الطوارىء هى البلد دى بقت عاهرة رخيصة الكل عاوز ينهشها ويسرقها ويلزق فى الكرسى كمان تمانين سنة محدش ابدا بيحبها ولا بيخاف عليها ولا عاوز مصلحتها :(
‏قال Desert cat
karim
تغيير مين بقى كل سنة وانت طيب
‏قال Desert cat
متابع
ومصر ممكن تعمل كدا ؟؟ ولا احنا عندنا الفضائحيات للسوقة والمرتزقين يخوفوا الخلق ويرهبوهم
‏قال Desert cat
Anonymous
فاكرين انهم كدا هيخرسوا الناس
‏قال Desert cat
dr.lecter
ياريت يا دكتور بس شكله قاعد على نفسنا لحد لما نشيل احنا القلب
‏قال Desert cat
دندنة قيثارة الوجد
مش حاسة ان فى حاجه هتحصل الجميع محلك سر وابو لهب بيتفرج علينا من فوق وبيضحك على الناس وهى زى الفرخة الدايخة
‏قال Desert cat
elmasryeffendi
على اساس ان الوطن متقدم ومش فقير ولا فى بطالة ولا الناس بتشحت حقوقها قدام مجلس الشعب علشان كدا اعدائنا على قفا من يشيل
‏قال Desert cat
مهيج الجماهير
ومين فى البلد مش مستنيها
بس مشكلتنا اننا محتاجين قائد وصلاح الدين خلاص مات من زمان
‏قال Desert cat
Anonymous
بيواجهوهم بالكذب والتزوير البلد دى خلاص ماتت
‏قال Desert cat
مندهش
فى ناس صرفت على الانتخابات مائات الالاف من الجنهيات وفى الآخر سقطوا وتقول لهم مش خصارة الفلوس دى يقولوا لك وانت دافع لى حاجه من جيبك ربنا بيسلط ناس على ناس
‏قال Desert cat
Ms Venus
ماهو مفضوح من زمان يا فينوسه
‏قال Desert cat
عصام
ماهم هيجددوا للانتخابات اللى بعدها
‏قال Desert cat
رشدى بيفكر
البلد كلها بتغلى
‏قال ؟؟؟؟…
قلت لك قبل كده بيتلخلخ وهيتخلع هيتخلع وبكره تشوفى

المشاركات الشائعة