ياريته كان اتقتل فى المانيا


ليه تقتل اى شخص من اى مكان صحرا كان او بستان وتاخد اعدام .. ممكن تقتل اى مصرى وتمثل بجثته ومحدش هيكلمك بالعكس انت هتبقى شجاع طالما من بلد عربى مش فى بلاد الفرنجة حتى لو راجل مصرى فى بلاد الفرنجة واتقطع منه على مراى ومسمع برضه محدش هيسال بيتعمل فه كدا ليه .. ممكن يتسال امتا بقى لو واحدة ست بتتخانق على مرجيحة والجماعة بتوع نظرية المؤامرة اللى خايفين على الاسلام من اى نسمة هوا توديه شمال او يمين قالوا دى اتقتلت علشان حجابها مش علشان المرجيحة ولا علشان استانفت حكم لعاطل علشان تغرمه اكتر .. وليه تشتغل انما ممكن تتخانق مع حد على مرجيحة والمحكمة تحكم لك بمبلغ وقدره .. الشاب المصرى اللى تم التمثيل بجثته على الفضائيات والى القصص المتفبركة قالت اصله اغتصب وقتل 4 ومقيم هناك من 18 سنة .. فى حين ان ابوه وعمته قصة حياته كاملة وان امه اللى سابته من وهو عمره شهرين رجعت علشان تاخده كبش فداء لمشاكلها هناك .. والولد برضه مش كمل فى لبنان شهرين .. ياترى الخارجية هتخلص استنكار واستنفار واستحمار امتا وتطالب بحقه ؟ ياترى هيطلع نقيب المحامين ومعاه كام محامى للبنان علشان يرفعوا قضية على الهمج اللى قتلوه قدام الشرطة ومثلوا بجثته ؟؟
ياترى الاخوانجية هيرفعوا المصاحف فى جنازته ده ان رجعت اصلا جثته ويهتفوا باسم الله اسوة بشهيدة المرجيحة ؟ وياترى هيتعمله شارع باسمه فى القاهرة اسوة بشهيدة المرجيحة ؟ ياترى رئيس البلد ورئيس اللحكومة بعد كل الانتهاكات دى من شوية همج متخلفين .. هيفكروا فى حال المصريين اللى بيدوروا على لقمة عيش .. واللى بيتقدموا كبش فداء لاى حد وفى اى مكان .. ولا هيفضل مسلسل كبش الفداء المصرى شغال ؟ قتل فى لبنان - طرد من الكويت - جلد فى السعودية والبقية تاتى

تعليقات

‏قال عادل عطيه الشهير بفرعون…
فى ألمانيا ولا فى لبنان متفرقش بس فين المظاهرات اللى وجعت دماغنا عشان مروه؟ وبالمناسبه مش ناويه تكتبى عن حرق مطرانيه فى الصعيد لأن المسلمين زعلانين من الحكومه؟ وإيه ذنب الأقباط فى قضية نقل مقابر المسلمين بسبب وجود اثار فيها؟ أنا عقلى خلاص قرب ينفجر
‏قال Tears
قطة الموضوعين مختلفين تماما

قتل اى شخص يجب ان ياخذ اهتمام و نعم قضية مروة اخذت اكثر من حجمها لاسباب سياسية و لكن هذا لا ينفى انها تعرضت لتعصب مرفوض

قضية هذا الشاب المتهم بقتل اربعة اخذت اهتمام اعلامى لبنانى كبير جدا و تحدث عنها رئيس دولة لبنان و ادان هذا

و الشرطة القت القبض على عشرة من المشاركين فى قتله و التمثيل بجثته و بالتالى لا ارى ان الحكومة المصرية كان ممكن يكون لها طلبات اكثر مما فعلت لبنان
‏قال عصام…
فى جميع الأحوال رحمه الله وألهم أهله الصبر ولك الله ياشعب مصر
‏قال مطلع…
لمن يتاجر ببضاعه مستورده من بلاد الخليج مثل الأختلاط
خاصة مرتزقة الدين فى الفضائيات
ماذا سيقولون عندما يطالعون الصحف السعوديه
التى نشرت صوره للملك عبدالله
وولى العهد وسط اكثر من 30 امراه سافره حضرن مئتمرا فى نجران فى جنوب البلاد
وبعد طرد شيخ متحجر من هيئة كبار العلماء لمعارضته
الأختلاط فى اول جامعه تسمح به هناك
ماذا سيقول
هؤلاء المرتزقه
وعاشقات النقاب
ممن يتمتعن بقدر هائل من البلاهه
‏قال Desert cat
@ عادل عطيه الشهير بفرعون
ماهو ده اللى بتكلم فيه هو لازم نقول كان بيصلى وقتلوه علشان بيصلى علشان المظاهرات تقوم والمصاحف تترفع
بالنسبة لموضوع المقابر ده انا قريت الموضوع فى المواقع الاخبارية وبجد مش قادرة اعرف الهجمية الللى حصلت دى على اساس ايه يعنى
منتهى الجهل
‏قال Desert cat
Tears
اه انا فعلا منتفقة معاكى ان القضيتين مختلفتين تماما
ان واحد اتلف له سيناريو وتم اتهامه بقتل اربعه علشان السذج يصدقوا ويرددوا الكلام العبيط ده وهو لسه مش كمل شهرين فى لبنان يعنى ملحقش اصلا يتعرف على الناس هناك .. وبين واحدة كانت بتتخانق على مرجيحة مع عاطل ولما حاكمته اخدت حقها بس للاسف كانت طماعه فشوية فاستانفت الحكم علشان تاخد فلوس اكتر وطبعا عاطل هتاخد منه ايه .. ولما الحكومة اللبنانية ترد على استنفار واعتراض الخارجية المصرية على اللى حصل للشاب المصرى يبقى كدا خلاص اخدنا حقنا والمصريين مش عايزين اكتر من كدا .. فعلا الكرامة لا تتجزأ واللى يرضى بالاهانة لغيره اكيد لما بتهن هو شخصيا بيقول انا مش كنت عايز اكتر من كدا هو ده المنطق ولا بلاش
‏قال Desert cat
عصام
اذا كان المصريين بينهم ناس يؤيدوا الانحطاط اللى حصل ده يبقى كرامة ايه اللى بندور عليها عند الناس التانية واحنا بنقولهم اعملوا اللى انتوا عايزينه وهنقول كمان ؟
الله يرحمه
‏قال Desert cat
مطلع
عجبنى اوى مقطع عاشقات النقاب ده يعنى لو كان شم عندهم هذا القدر من البلاهة كانوا عشقوا قطعة من القماش
‏قال غير معرف…
اشعر بكم رهيب من الاسى تجاه هذا الشاب
اشعر بمزيد من القرف من كل ماهو عربى شرقى
لكن ارى انه لا يجب الخلط بين الحادثتين لان الله اعلم بنوايا مروه رحمها الله عندما رفعت القضيه
كما انها لم تطلب كل هذه المظاهرات
نحن من فعلنا ذلك اعلاميا
رحم الله موتانا
تحياتى
‏قال Desert cat
رحله البحث
لاء انا مش قصادة اشكك فى نوايا مروة خالص لكن انا بتكلم على ردود الافعال .. اصلى مستغربة من بعض المصريين اللى بيقولوا ماهو الاعلام اللبنانى بيتكلم اهو عايزين ايه اكتر من كدا .. على اساس كان المفروض كان الاعلام اللبنانى يكتمن على الخبر ولو المصريين اتكلموا يتسحلوا كلهم ويتمثل بجثثهم
‏قال Ms Venus
مش هقول حاجة ازيد من كلامك يا قطة


دايما كلامك فى الصميم
‏قال AHMED SAMIR
اصلا فكرة العروبة و للمرة ال 3000 فكرة فاشلة اساسا
ربنا ينتقم من اللي ابتدعها علشان يعمل نفسه زعيم
لبنان زي انجلترا زي السعودية زي اثيوبيا
لابد ان نتعامل معهم جميعا كدول....مفيش حاجة اسمها اخوة و اشقاء و الكلام الفارغ دة
ي اما علاقات احترام متبادل يا اما بلاش منها اصلا
‏قال Desert cat
AHMED SAMIR
اللى ابتدعها يا دكتور دمر من وراه 80 مليون
اللى بيتجلد فى السعودية
واللى بيتعدم فى ليبيا واللى بينطرد من الكويت
واللى بيتمثل بجثته فى لبنان
كل ده علشان هوى نفسى وغرض لواحد مريض فى عقله عايز يعمل زعيم
طب كان خلاه فى بلده اللى انتكست على ايده
‏قال Kontiki
القصة مأساة كاملة من اولها حياته و بيته فى اللينك اللى انتى حاطاة وبعدين عندة 38 سنة وامة رجعتله وعملت له غسيل مخ ! ازاى يعنى
طب بلاش فى لبنان قريت انه قتل طفلتين وجدهم وجدتهم !!!
بصى قبل الثورة والهياج والمظاهرات لازم يكون فى تحقيق وبما انه حتى لو حصل الحقيقة بتضيع حقول بس الله يرحمة و يغفر له وخلاص
اما ربطك للثورات و المظاهرات و رفع المصاحف والتشنج و البكاء على الايشاربات رمز العفة و الزوجة الصالحة وكلفتة حتة اللحمة عشان اثبات رجولة فحل البصل اللى معاها
احب اقولك الحجاب يا اختى
:D :D :)
علية العوض ومنه العوض
‏قال Desert cat
Kontiki
السيناريو كله يا كونتا اللى كاتبة واحد مخه ضارب بمعنى
ان الولد قتل طفلتين وجدهم وجدتهم وبعدين قالك فى الاول اغتصب بنت عمرها 13 سنة وراح يتقدم لها اترفض
علشان كدا قتلهم
هنفترض فعلا ان الفيلم الهندى اللى ميدخلش عقل طفل صغير ده حصل مين اللى يعاقبه هنا ؟؟
الشرطة واللا المجرمين اللى عملوا فيه كدا
لما جيت ابص على رد الفعل رغم بشاعة اللى حصل لاقيت ولا اى حاجه ويكفى ان الاعلام اللبنانى اتكلم عن الواقعه يعنى ده كرم كبير اوى منهم بصراحة
هو كان لازم يتحجب علشان الناس تتحرك هنا وتعمله الثورة اللى اتعملت ايام مروة
‏قال Tamer Nabil Moussa
ازيك ياقطة اخبارك اية

بجد حاجة تخنق

وتجيب الضغط

ربنا يرحمة

مع خالص تحاتى
‏قال Desert cat
Tamer Nabil
ربنا يستر على المصريين فى باقى الدولة اصل المصرى بقى فى كل مكان ملطشه
‏قال Desert cat
Ms Venus
ميرسى يا قمر
‏قال مطلع…
ههههههه
منع الأختلاط حتى فى المدونات
شوفوا البلاهه وصلت لفين
كتبت مدونه عما يحدث لها عندما ترى فى مدونتها تعليقات ذكور
زوار مدونتي الأعزاء من الجنس الآخر
لقد بحثت وقرأت كثيرا عما يخص حكم التعليق بين الجنسين,
ووجدت أن هذا الأمر حلال شرعاً,ولـــــــكن يجب أن يخضع ذلك لضوابط شرعية حددها
مجموعة من العلماء,وقد أكون تجاوزتها أحياناً أو تجاوزها البعض فأسأل الله أن يغفر لي ولهم,
أما أنا فقد اتخذت قراري بعدم التعليق والرد على تعليقات الشباب
وليس ذلك تزمتا مني,ولكنه ليس إلا لبعض الأسباب الشخصية ,
وهذا لا يعني أني أمنع تعليقاتهم,بل أني أكون حقا ممتنه إذا تركوا بصماتهم المنضبطة بالضوابط الشرعية
‏قال مطلع…
شىء غريب ومقزز
صوره لعدد كبير من الفتيات المحجبات
وكتب تحتها
تجمع سكان كترمايا لمعاينة جثة المصري القتيل
المعلقه على عمود النور
ولا تعليق يستطيع ان يعبر عن هذا التوحش والدمويه
والأنحطاط
‏قال عصام…
لم أكن أعرف أنه يوجد مصريون يؤيدون ماحدث
‏قال مطلع…
رحيل مفكر عقلانى كبير
رحل عن عالمنا المفكر العقلانى الكبير المغربى محمد عابد الجابرى الذى حاول ادخال التفكير العقلى لأيقاظ المسلمين من سباتهم العميق وتخلفهم الفكرى
بكل اشكاله على يد مرتزقة الجمود والتنطع باسم الدين
‏قال Tarkieb
مأاعرفش حسيت ليه انه اتاخد كبش فدا رد على الحكم على خلية حزب الله... احساس غريب رغم كل الاونطة انه في قرية سنية ودرزية والكلام الهندي ده..بس منظر الناس وهو واقفة بتصور بالموبايل اكننا في معرض للبتلو حاجة تقرف بجد .. ازاي حينامو دول؟
...انا اول مرة اعرف ان ازمة اللحمة وصلت لبنان كمان.. كنت باحسب ان اللبناننين احسن ممننا اتاريه طلع اننا كلنا في الزبالة سوا
‏قال Desert cat
مطلع
هههههههههههههههههههه
دى محتاجة مستشفى المجانين رسمى
‏قال Desert cat
عمو عصام
فى مصريين مش يستاهلوا غير انهم يتنفوا خارج البلد وخسارة فيهم الجنسية اساسا
‏قال Desert cat
مطلع

محجبات ايه اللى كانوا بيزغرطوا ويهلوا الله اكبر وهما بيمثلوا بجثة واحد اعزل
ده العاهرات عندهم اخلاق عن العالم الزبالة دى
‏قال Desert cat
Tarkieb
اعتقد ان احساسك صادق تماما
لانى مش قادرة اتوقع السناريو المخزى اللى عملوه قال اغتصب بنت وراح يتقدم لها اترفض وبعدين قتل 4
منتهى الغباء

المشاركات الشائعة