مش تستخدم جرس استخدم رق



وبجملة المحظورات اللى قايمة بيها حركة الشباب المسلمة المسلحة فى الصومال وياريت نلاحظ ارتباط كلمة المسلحة دائما بحركة الشباب المسلمين اوى خالص اللى دايرين حظر ومنع فى الصومال من حظر الموسيقة في الموبايل او مشاهدة الافلام او العاب الفيديو او كرة القدم لتعليم الفتيات لحظر للبراه اللى هو السوتيان ولامؤاخذه ودلوقتى بيدرسوا حظر الاندر وير بس قبله قاموا بحظر

الاجراس لان صوتها "يشبه صوت اجراس الكنائس"

وطبعا لان التحذير شديد اللهجة وطبعا دى جماعة مسلحة يعنى اوعى الارهاب بقى ولو مش نفذت يبقى رقابتك يا ناظر منك له واهدار دمك واجب شرعى وحفاظ على الشريعة الاسلامية .. ايوا اوعى تقول الناس دى ارهابية الناس دى مجاهدة وبيحافظوا على الاسلام ويكفى انهم يلصقوا كلمة اسلامى باى فعل اجرامى يرتكبوه علشان لو اعترضت يبقى انت كافر واهدار دمك هو الحل الصحيح
استخدام الجرس ممنوع لانه يشبه صوت اجراس الكنائس انت تجيب رق وتشوف لك رقاصة منقبة وفى نهاية كل حصة تقوموا بالوصلة التمام وده حلال شرعاً وهتدخل الجنة من اوسع ابوابها

تعليقات

‏قال صفا سارة
هما الناس دول مفيش حد هيوقفهم عند حدهم بئه
عالم مقرفة بجد
‏قال Desert cat
صفا سارة
ماهو اللى مخليهم طايحين فى الخلق كدا انهم مش لاقيين اللى يوقفهم عند حدهم
‏قال Tears
كنت لسه بتفرج على فيلم وثائقى عن مسلمي روسيا بسبب الحوادث الارهابية الاخيرة

عارفه المشكلة ان الناس دى بتقرأ ترجمة القرآن او التفسيرات اللى وضعها الارهابيين لدينا و بيعتنقوها كده
‏قال قارىء…
الجارديان البريطانيه تكشف المستور
دول عربيه كثيره قلقه من اى نمو ديمقراطى فى المنطقه العربيه خاصة مصر بعد العراق
وتقول
السعودية تنظر بقلق إلى التجربة الديمقراطية في العراق، وإلى بروز دور الشيعة، وإلى قدرة العراق على التفوق عليها لكي يصبح المصدر الأول للنفط في العالم.

ويقول إن السعودية "ستتفعل كل ما بوسعها لضمان بقاء عدم الاستقرار في العراق (بما في ذلك دعم وتصدير الإرهاب) لكي لا تصبح الجماعات الشيعية في العراق أقوى مما هي عليه بالفعل".
‏قال غير معرف…
فى اى جحور تعيش هذه الكائنات او الحفريات البشريه الناطقه بينما تعلن خطط غزو المريخ
انهم يثبتون بلا ادنى شك ان الأنسان اصله قرد وان البعض لم يتطور عن حالته الأولى
وظل كما هو
من القرده العليا
‏قال غير معرف…
هؤلاء يذكرونا بما فعله المخابيل فى الصعيد فى هوجة الجماعات الدينيه عندما حرموا عرض الكوسه والخيار
لأنها تشيه عضو التذكير المنتصب
‏قال Kontiki
دى بوكو حرام صح
:)
مالة صوت اجراس الكنائس ؟ صوتها جميل تفتكرى الناس دى قرت لتوماس هاردى وهو بيوصف مزارع ويسكس وصوت اجراس كنائسها وريفها وحب اهلها لبعضهم و لشغلهم
طب انا بقى بحب صوت جرس الكنيسة مع او بعد اذان الضهر يوم الجمعه عارفة لية عشان المعنى واحد الله اكبر هى هى جرس الكنيسة الاتنين بيخلو عينك تبص للسما وانتى احساسك ان ربنا موجود ايا كان وصفة او اسمة يسوع او الله الاتنين واحد طالما فى النهاية المعنى واحد
اضحكك على حاجة امبارح فى محل ايس كريم كان مكتوب كدة قائمة الاسعار الاسلامية للايس كريم قعدت اضحك عليها ساعه
اما اهدار الدم فعادى لو واحدة فكرت تشيل غطاء الشعر دلوقت بيتقال عليها مرتدة فمابالك بمن يعارض متشدد معاه بندقية وار بى جى
علية العوض يا قطتى
:)
‏قال karim
انا ليا سؤال لو تسمحى. انتى لية بتتكلمى عن اخبار و لا تهمنا باى شىء , صومال ايى اللى بتتكلمى عليها وعلى الجماعات اللى فيها , ما احنا عارفين انهمناس وتخلفين ز يهم زى جماعات فى كل دول العالم بجميع احوالة و اطيافة المسلم و المسيحى, ياستى ركزى على اللى هنا و خلاص, و لا هانتابع كل اللى فة الكون و اللى مش يفيدنا باى شىء, عارفين ان فى تخلف بالهبل و اراء اهبل منة, احنا مالنا مدام مش بتخصنا و لا مننا, مش معقول هانبعتلهم دعاة يفهموهم علشان لامؤاخذة جرس ولا براا ولا حتى ااندر , مهما عملنا مش هايتعدلوا يبقى لما نعدل نفسينا نشوف غيرن , اللى بيتة من ازااز , تحياتى
‏قال Ms Venus
ربنا يهدى يا قطة


يمكن جرس الكنيسة بيعفرتهم معلش
‏قال فرعون…
يالهوى يامه دا ممكن يغيرواشكلنا عشان منبقاش شبه النصارى
‏قال Sahran
يا قطة كيف حالك

هم برضو الجماعة ما غلطوا و وكان بفترض بالمدير يستخدم صفارة حكام المباريات , بيكون افضل,,

وكما قالت العرب عش رجباً ترى عجباً ,,,

حاولي أن تتخيلي ما الذي سوف يفعلوه بمصر لو حكموها يوماً ما !!!؟؟؟


تحياااااااااااااااتي لك


ودمت سالمة
‏قال Desert cat
Tears
ياريتهم بيقتنعوا وخلاص الا بيقتنعوا وكمان بيقدسوهم لدرجة انك ممكن تجادلى فى القران لكن مش تجادلى فى كلام الشيخ بتنجان
‏قال Desert cat
قارئ
ديموقراطية والعياذ بالله
الديموقراطية دى يعنى الكفر
‏قال Desert cat
Anonymous
ينتموا لفصيلة الوطواط اللى مش بتظهر غير فى الظلام فقط
‏قال Desert cat
Anonymous
التاريخ يعيد نفسه
ههههههههههههههههه
قال كوسة وخيار جتهم مصيبة تشيلهم
‏قال Desert cat
Kontiki
تقرا لمين يا حبيبتى
اذا كانوا بيقولوا لك اى حاجه غير القرآن والحديث لهو عن ذكر الله
يعنى الطب والهندسة والتكنولوجيا وكل حاجه حرام وكفر
المهم الدروشة والدراويش
‏قال Desert cat
karim
الا هى الافكار المستودرة اللى ماليه مصر دى منين ؟؟
مش من الجماعة اللى بتقلد بتوع كل حاجه عورة وحرام ؟
هى مصر كنت فيها المحروق اللى اسمه نقاب ولا مستوردنه من بلاد الرمال ؟؟
هى مصر كانت فيها سلفية وعقول معفنة منين ؟؟ مش مستوردة من الصومال وأخواتها ؟
مش تشغل عقلك كدا يا كريم وتشوف البهايم اللى فى مصر بيقلدوا مين وبيستوردوا لنا ثقافات منين وبعدين ترد
‏قال Desert cat
Ms Venus
والله لو بيعفرتهم نجمعهم ونشغل لهم اجراس لحد ما يخلصوا على بعض ونخلص منهم
‏قال Desert cat
فرعون
ههههههههههههههههه
ودى تيجى ازاى
‏قال Desert cat
Sahran
اذا كان من غير ما يحكموا وقارفينا بكلامهم الزبالة واستجوابتهم اللى عايزين يمنعوا بنطلونات البنات
فما بالك لوحكموا هيؤدوا البنات

المشاركات الشائعة