Desert Cat Search
قطه الصحراء: ويسألونك عن الإجهاض

Sunday, April 11, 2010

ويسألونك عن الإجهاض

فى فتوى لولبية لوذعية لدار الافتاء المصرية افاد الشيخ العلامة الدكتور على جمعة بأن اجهاض الجنين المشوه حرام شرعا إلا إذا تعرضت حياة الأم للخطر
طب افرض الام يا دكتور حياتها مش فى خطر واتضح من خلال اشعة السونار ان الطفل مشوه او يوجد بجسمه اى اعاقة .. ايه ذنب اسرة تعيش حاملة هم كائن حى بينهم من علاج لا يجدى لانه كدا اسمه عيب خلقى .. وايه ذنب الكائن الحى ده فى مجتمع زى مجتماعتنا العربية الهايلة الرائعة اللى بتحترم الانسانية فعلا ..
مش بيعاملوا المرأة على انها درجة تانية وانها مجرد فرج لافراغ شهوات الراجل اللى عملوا منه نصف إله
ولو طالبت بحقوقها فى الحياة يبقى لا تنتظر سوى التهكم وكل انحطاط من مجتمع ذكورى متعفن
لا يعرف سوى فن التحرش والبذاءة واختراع الاشعات والتفنن فى سلب الآخرين كرامتهم لا لشيئ سوى ان الشخص المقهور دائما عايز يحس انه له دور فى المجتمع بدل من انه كائن مهمش
يعنى العيال مش بيجروا ورا الناس اللى عقلها على ادها بالطوب فى الشوارع ويقولوا المجنون اهو ؟؟
ولا الكبار العاقلين بيجيبوه يقعدوه وسطهم علشان يبقى مسخرة القعدة واهم بيقضوا وقت ظريف ..
طيب نلقى نظرة كدا على المعاقين المعتصمين من شهر قدام مجلس الشعب .. مش طالبين فيلا يعيشوا فيها ؟ ولا مصروف شهرى يعيشهم حياة كريمة واسم الحكومة بتمن عليهم مع ان ده حق واجب ليهم لكن واضح الدول المحترمة بس هى اللى بتفهم فى الواجب
.. دول كل مطالبهم شقة حتى لو مكونة من غرفة واحدة او تصريح لكشك يتعايش منه ويغنيه ذل السؤال .. مش بيقول عايز اقبض مرتبى بالدولار زى اولاد الوزراء ؟ ولا عايز اشتغل بمرتب عشرتلاف جنيه .. وبالرغم من تواضع مطلبهم الا انه تم ضرب الحائط بيه لحد ماهما نفسهم قاعدين يخبطوا دماغهم فى عرض رصيف الشارع مش الحائط وبس .. نظرة سريعة يا دكتور على مرضى التوحد وشوف اللى بيجرى لهم فى الشارع وفى المدرسة من زميالهم او من المعاقين ذهنيا اللى لابسين جلباب العقل والمدنية والتحضر واللى بيعملوه فيهم او التريقة عليهم .. لا يحق لاحد سلب شخص حياته حتى لو كان والدية لكن من حق الشخص ده انه يحيا حياة كريمة فى مجتمع بيحترمه

مش مجتمع عايش بقانون الغاب البقاء للأقوى ..

44 comments:

Anonymous said...

أنا والله مستغرب جداً من طريقة تفكيرك.. لية النقد من أجل النقد؟! أنا عاوز أعرف أية اللى أنا أستفدتة من كلامك و بعبعتك ؟! الراجل بيقول حتى لو الجنين طلع قرد حراااااااام الأجهاض! عاوزاة يقول حلال ؟! سبحان الله و لة فى خلقة شئون!

Anonymous said...

بعد احتجاجات العالم
قال وزير الداخلية الكويتي، شيخ جابر الخالد الصباح في تصريحات للمنظمة يوم السبت إن المعتقلين والمُرحلين خالفوا القوانين الكويتية الخاصة بالتجمعات العامة وتشويه السمعة، عبر انتقاد الرئيس المصري حسني مبارك.

Mai Zamalkweya said...

كلام الشيخ علي جمعه صح
لان الاعاقه او التشويه مش سبب للاجهاض وبيبقي اكثر منه بلاء من الله لاختبار الاهل و مدي صبرهم علي اجتياز المحن
لكن بقي وضعهم في وسط المجتمع المجتمع اللي يحاسب عليه

الربان said...

الاخت الفاضلة و العزيزة

تحياتي


اسمحي لي ان اقول :

1- ان الفتوي التي تصدر عن دار الافتاء لا تصدر الا بعد دراسة مع اهل
الذكر الذين هم في هذه الحالة تحديدا الاطباء...و يتم التشاور و الاخذ براي
العلم في هذا الامر.
مثلا في فتوي مشروعية التعامل مع البنوك و الارباح الناتجه عن هذا...
اجتمع فضيلة المفتي مع رئيس احد البنوك
و تناقشوا ...و بعدها صدرت الفتوي.

2- ان ذوي الاحتياجات الخاصة ..اختبار
من الله الي الاهل...فمن صبر و تحمل نال عظيم الاجر و الثواب...

3- ان الطب في تقدم مستمر و هناك طفرات طبية متلاحقة...و قد يكتب الله الشفاء او يتحسن وضع مثل هؤلاء الاشخاص
فمثلا الكرسي المتحرك لم يكن موجود من القدم...و لكن تم تصنيعه...و ايضا اصبح الان يوجد كرسي متحرك يعمل بالبطارية فلا يحتاج لاحد للدفع به.

4- ان ما يراه عقلي و عقلك و عقل الاخرين تعد رؤية قاصرة لانها لا تدرك او تري الا ما يحدث الان...و ما تعلمه
و تدركه بالحواس التي رزقنا الله اياها
وهي في مجملها قاصرة و مجالها محدود.

5- اننا..اقصد العامة من الناس قد تدخل العاطفة في حكمنا علي الاشياء.. لكن من يجلس للافتاء فهو يتجرد من عواطفة و يفتي بناء علي اسانيد شرعية و فقهيةو عليمة مستمدة من مصادر متعددة و مختلفة...

6 - ارجو ان نقرأ الفتوي علي موقع دار الافتاء المصرية...حتي نلم بالموضوع
كاملا...لان غالبا ما ينسشر في المواقع
يكون مختصرا .
ارجو ان اكون قد أوضحت وجهة نظري و اشكرك علي سعة صدرك و وقتك لقرأة التعليق...
و دائما الاختلاف في الراي لا يفسد للود قضية...

elmasryeffendi said...

بصراحة عندك حق فى كل اللى بيحصل مننا فى الشارع مع ذوى الاحتياجات الخاصة لدرجة انى اعرف فرقة شعبية بتعمل زفة للعرايس و مشغلين معاهم واحد معاق ذهنيا عشان يرقص لزوم الفرفشة و عشان يبسط العرايس و المعازيم، بس مش عارف بصراحة هل يجوز اجهاض الحمل اذا اتضح ان الجنين مشوه او عنده عيب خلقى ، بس اعتقد ان المفتى يتحمل صواب او خطأ فتواه

تحياتى

Anonymous said...

فكروا معانا
كيف نحمى رجال الشرطه العزل من كام شاب وشابه متوحشين
ههههههه
والله الخبر بيقول كده فى المصرى اليوم
مامور قصر النيل يتهم شباب تظاهروا 6 ابريل بانهم اصابوا عشرة ظباط وجنود
تصوروا
ماذا حدث للعقل المصرى
حاجه تحزن

Anonymous said...

سؤال
لماذا كل هذا التعب والمحاولات المستميته لأستخراج فتوى لأشياء لم تكن موجوده ولا حتى فى خيال السلف ؟
لماذا كل هذا اللف والدوران ومحاولة ربط واقع حاضر بواقع قديم جدا لا يمت له بصله
لماذا لا نحكم عقولنا
نحن من بين الأمم من نعهود الى الماضى لنجد حلا لمشكله فى الحاضر ولو بالعافيه
وماهو التخلف الا هذا
كل الناس تنظر الى الأمام ونحن عيوننا فى قفانا ونندهش من تخلفنا

Anonymous said...

.... تابع
والنتيجه فوضى الفتاوى التى نراها وخاصة فتاوى بير السلم
فى موضوعات عجيبه او مثل من حرم الموسيقى وحرم كل شىء
متى نعرف اختراع اسمه العقل مثل بقية البشر

Anonymous said...

تابع ....
وتصل فوضى الفتاوى الى تحريم طالبان لتعليم المراه وتطهر مدارس تحت الأرض
....فى كندهار
ولو ظبطت كان العقاب هو الموت
هل توجد مصيبه اكبر من هذا باسم الأسلام

Anonymous said...

,,,تابع ومن التصرفات الخائبه قيام مسلمين بمحاولة الصلاه فى الجامع الكبير بقرطيه جنوب اسبانيا
والذى حول لكنيسه منذ قرون
دون ادنى وعى بحساسية هذا الموضوع
فمنعوا وكانهم بهذا التصرف سيعيدون كجد الأندلس خيبه وعجز وتخبط

Anonymous said...

,,,تابع
ومحاولة لوى عنق النصوص او الأحداث القديمه لتبريبر السلوك
كان سائدا فى القرون الوسطى فى اوربا ويطلق عليه
casuistry
وطبعا لم تخرج اوربا من العصور المظلمه هذه الا بعد ان ساد العقل
واحسبوها كم قرن نحن متخلفون

Anonymous said...

I can't believe what I read in the comments, it is as if everything in life has to be approved by religion...

me

Anonymous said...

مبروك لهشام طلعت ومحسن السكرى تقرر محاكمتهم امام المستشار عادل عبد السلام جمعه!!!!!!!
الذى سبق ان حكم على ايمن نور
وارجعوا لسير المحاكمه
وانتم تفهموا كل حاجه

Anonymous said...

هذا الموضوع يجب الا يمر بسهوله
من الكويتيين الذيسن فتحنا لهم بلادنا يوم غزاهم صدام بل حارب ابناؤنا بينما هم فى لندن ولنقرا هذا التعليق على الموضوع من المصرى اليوم
و الله الامن الكويتي بيجامل النظام المصري ولا يؤدي واجبه و لكن الملام هو الخارجيه المصريه التي كان يجب ان تتدخل في الوقت المناسب. و لكنه قال يا عم ملناش دعوا. قبل كدا أضربت الممرضات الفليبنيات في الكويت و تخيل إيه إلي حصل. رئيسة الوزراء الفلبنيه جاءت بنفسها الى الكويت و جابتلهم حقوقهم و تضاعفت رواتبهم من حينها. و الله ست بعشر رجاله. وكان فين الأمن الكويتي لما المصريين ملأوا شوارع الكويت وقفلوها عشان فوز مصر في الكوره

karim said...

مع احترامى لكى الا ان رايك غير صحيح بالمرة , و هو راية صحيح تمام اولا انة انسان و خلق و قتلة حررام لانة خلق و بة روح, اما بقى عن طرق التعامل و التريقة اللى بتقوليها , دة مش عيب فية ولا منة دة غلط فى المجتمع المتخلف واللى مش عندة اخلاق و لا دين نة يتعامل مع كل انواع البشر, ياترى فى بلاد برا الى هى متقدمة و كمان مش مسلمين بيجهدوا الطفل المشوة؟ الغلط مش فية لان اللة لة فى خلقة شئؤون, ولا ايية

عواصف رملية said...

يمكن علي جمعة هو اللي بادر بالاضراب وجاب للمعاقين حقوق ومعاش كويس وحياة كريمة وعلشان كدة قال بلاش الاجهاظ؟

بنى فنادق فخمة تستقبل كل طفل بيترمي في الشارع وفيلا لكل طفلة بتولد في الشارع

مش حاســس ان في 80 مليون حاسين انهم معاقين؟

يا ريت كل واحد بيؤيد عدم الاجهاظ ربنا يكرمه في امتحان زي دة بيتمناه لغيره وانا نفسي اتمناه ليه كمان علشان زيادة حسنات الجنة, اهو هي جاية ببلاش طالما مخلوق تاني بيعاني وهو بيقبض حسنات مكانه

Anonymous said...

هؤلاء العبيد
الذين قبضوا ورحلوا بكل الهمجيه هل يستطيعون ان يفعلوا ذلك مع جندى اميركى
اقراوا ما تقوله واحدهة ممن شملهم القبض
فس يوم اذاعة الخبر جندي امريكي اتلف حوالى 10 سيارات عندما رفض صاحب المكتب ارجاع التأمين له ، للآن لم يمثل امام مخفر الشرطة لانه امريكي [^]

Anonymous said...

اقتراح
لكى يعرف المصريون فى الكويت من وراء ماحدث عليهم ان ينظموا اجتماعا لتاييد جمال مبارك ليروا مالذى سيحدث
هههههههه
اجتماع فشنك طبعا لكشف المستور

Tears said...

يقول اللى يعجبه و احنا لينا عقلنا نعمل اللى نشوفه فى صالحنا و نتحمل نتيجته

Kontiki said...

فى نظرية افلاطون عن الدولة قال باعدام الاطفال المشوهين جسمانيا او عقليا حتى لا يمثلوا عبء على المجتمع
انتقدة الجميع و وصفوها بالنظرية القاسية
حالنا الان فى مجتمعاتنا التى لا تحترم الانسان السوى المعافى فمابالك بالمعاق يدعم صحة نظريتة
اما فى المجتمعات البعيدة التى احترمت الانسان بدءا من جسدة و مشاعرة و حتى احترمت امراضة وتعاملت معها بانسانية فلا مجال لنظريتة
القسوة هنا هى البديل عن الانسانية و عن اصلاح مجتمع فاسد من جميع نواحية فنحن حقا لا نتحمل مزيد من الاعباء
عندما يكون الانسان عبء ويولد عبء و يتربى وهو عبء فالافضل قتلة قبل ان تصبح حياته شيئا هو يكرهه و يكرة حياته المقربون منه .

المواطن said...

الفتوي معناها إن الأسرة تلبس ولا مؤاخدة الجنين المشوه مدى الحياة... أه - بعني إختبار إجبارى للأسرة يدوم 25 سنة... وبعد كده إن كان له إخوات يلبسوه هما كمان

وكله بحسابه... أقصد بأجره

وبالنسبة للإخوان المصريين المترحلين من الكويت: لامؤاخذه دا إحنا زبالة مجتمعات الدول العربية كلها بدون فخر

وإنا ألتمس العذر للكويتيون على إللى عملوه؛ دول ما صدقوا لقوا أى فرصه للخلاص من بعض المصريين وإنتهزوها على طول

المواطن said...

والبرادعى مش هو الحل يا جماعة: الحل هو إننا نضرب بالجزمة القديمة كل الشيوخ الكلاب دول وننفيهم بل رجعه

اللي جاب مصر ورا فعلاً هما الحيوانات دول والثقافات الدينية اللى تشعبت فى المجتمع المصرى بغباء

إصحا يا شعب مصر

من خلف الكواليس said...

حقيقة ما حدث
امن الدوله والمخابرات ورانا ورانا حتى فى بلاد الغربه
وهم اللى بلغوا الكويتيين
فقاموا بالترحيل الهمجى مجامله
خليهم بقى بتوع الأمن دول يشترطوا فى بلاد محترمه زى انجلترا والا فرنسا

خنساء intersex said...

شكرا على الموضوع

لقد بحثت عن موضوع يختص باحد انواع الاعاقة وهو "الخنوثة" بالعربية وباللغات القديمة "هرموفروديت" والمصطلح الحديث هو الانترسكس
INTERSEX
والمقصود هو ولادة انسان بعضو جنسي ذكري واخر انثوي وانا موش عارفة اعمل ايه؟ اتجوز ازاي؟

يا ترى في واحد او وحدة فيكم ترضى تتجوزني؟ يا ريت تطمنوني

موضوع الاعاقة
http://123set-ar.blogspot.com/

معلق said...

لا زلنا نعيش تداعيات ظهور البترول فى اشد مناطق العالم العربى تخلفا فشد المنطقه كلها الى الوراء عشرات السنين
ولا يزال

Desert cat said...

Anonymous
هما ما صدقوا حجة علشان يخلصوا من المصريين اللى عندهم

Desert cat said...

Mai Zamalkweya
ربنا قال ولا ترموا بانفسكم الى التهلكة وكدا احنا بنرمى بنفسنا وبشخص جاى للدنيا باعاقته اللى هيبقى زى ميكون هو اللى اتسبب فيها بنفسه

Desert cat said...

الربان
هما مين اهل الذكر دول ؟؟ اللى بيقعدوا يقولوا الله حى ؟؟
اصل العلماء مش اسمهم اهل الذكر والعلماء هما اللى بيخترعوا لنا الدواء واى حاجه تفيدنا
طبعا مستحيل الاطباء هيوافقوا بوجود جنين مشوه فى رحم والدته الا برضاها
اما دخول الدين فى الحياة الشخصية للناس ده اسمه قصور
وبعدين حضرتك اشمعنا دى بتتكلم فيها عن العاطفة والابتلاء ؟؟ هو مش انت برضه اللى رافض تعيين المراة قاضية بسبب العاطفة والابتلاء ؟؟
هى المبادئ النهاردة بتتجزأ الف جزء ؟
طيب لو زوجتك حامل فى طفل مشوه هتوافق الحمل يكمل وترضى بالابتلاء وتخرج للمجتمع شخص مشوه ؟

Desert cat said...

elmasryeffendi
لاء ويقولوا لك ابتلاء من ربنا
على اساس ان ربنا بيخلق الايام دى ارجوزات

Desert cat said...

Anonymous
بعد ما رجال الدين دخلوا مع الناس غرف نومهم علشان يحددوا لهم يناموا ازاى اصبح غير مستغرب انهم يتدخلوا فى الحياة الشخصية للآخرين واللى يخليك تستغرب اوى الناس اللى بتصدقهم وتقولهم فعلا صدقتوا ده ابتلاء
وان اتحط هو نفسه فى وضع الابتلاء ده هتلاقيه اول واحد بيتملص منه ويحلله فورا

Desert cat said...

Anonymous
واللى تروح تتعلم يشوهوا لها وشها على اساس انهم معاهم توكيل بمحاسبة الناس

Desert cat said...

Anonymous
ههههههههههههههههه
حلوة اوى البهايم اللى رايحين يصلوا فى المسجد دول
بجد الناس دى ينفع يتعمل عليهم نكت بدل الصعايدة

Desert cat said...

Anonymous
بجد الكومنتات محتاجه يتعمل منها كتاب علشان الناس تتفرج على حالة الابتلاء شوية وعلى الفتاوى المتخلفة اللى بيتحفنا بيها الاسلاميين شويتين

Desert cat said...

karim
طيب هو ربنا يبتليك بكدا بطفل مشوه علشان نعرف هتعمل ايه فى الابتلاء العظيم ده يمكن تدخل الجنة بسببه ولا حاجه

Desert cat said...

عواصف رملية
على جمعة قاعد يفت وخلاص طالما بره الدايرة لكن لما يحصله الابتلاء ده هيحلله لنفسه
عارفه محمد حسان اكيد عارفاه
قعد يرهب ويتوعد ويشتم فى الكفار ولما لسانه اصابته الفطريات راح اتعالج عند الكفار
اهم الجماعه بتوع الابتلاء ومعاهم على جمعه لو حصلهم موضوع الطفل المشوه ده هتلاقيهم اول ناس بيفكروا ازاى يخلصوا منه بس هو دلوقتى ابتلاء علشان مش حاسين بالمصيبة

Desert cat said...

Tears
كلامك عين العقل تيرز بس المتخلفين اللى بيسلموا للنوعيات دى من الناس عقلهم هى دى المشكلة

Desert cat said...

Kontiki
ياريت الناس تفكر زيك كونتا مش كنا شوفنا التواكل موجود بينا وكل حاجه اصل ربنا عايز كدا اصل ده ابتلاء من ربنا لحد ما بقوا عايشين داخل مستنقع وبرضه ربنا عايز كدا .. يعنى ربنا مش دعى فى قرآنه الكريم فى اكتر من آية لإعمال العقل والتفكر والتدبر

Desert cat said...

المواطن
ومين بيستحمل يلبس لامؤاخذه مشوه او معاق لمدة 25 سنة فى الزمن الاغبر ده
اذا كان المصريين السليم فيهم مالوش لزوم لا فى بلده ولا فى اى بلد تانية فما بالنا بالمشوه اصل مصر ناقصة مشوهين

Desert cat said...

المواطن
الناس اللى اسمهم شيوخ دول المفروض يتلموا كلهم فى تقفيصة فراخ ويتولع فيهم مرة واحدة وبالمرة المعاتيه اللى ماشيين وراهم خلى البلد تنضف وترجع مصر الخضرا الجميلة

Desert cat said...

من خلف الكواليس
لا مينفعش البلاد المحترمة حد يتشرط عليهم

Desert cat said...

خنساء intersex
انا اللى بشكرك جدا على ردك وياريت الجماعة بتوع الابتلاء يشوفوه علشان يعرفوا الجريمة اللى بيرتبكوها فى حق الناس اللى بيجيوبهم للدنيا
اسمحى لى
انا نقلت ردك على الفيسبوك لانى منزلة نفس الموضوع وفيهم ناس برضه بتوع ابتلاء قولت علشان يحسوا بشعور الشخص نفسه عامل ازاى
واشكرك مرة تانية على مدى شجاعتك وكتابتك لتجربتك الشخصية

Anonymous said...

نفسى اعرف كابتن الأعجاز حيقول ايه وقلنا ميت مره بطلوا اللى بتعملوه ياكباتن الأعجاز لأن العلم بيتغير كل يوم
المهم
ظهرت دراسة طبية بريطانية اجرتها مؤخرا جامعة كمبريدج ان احتساء الكحول بشكل معتدل يمكن ان يخفض نسبة خطر الاصابة بجلطة الى نحو 40 بالمئة ولكن عند غير المدخنين فقط.

واجريت الدراسة بمشاركة نحو 20 الف بريطاني بينهم مدخنين وغير مدخنين وافادت الدراسة ان عامل الحماية الذي يشكله احتساء بعض الكحول ضد الجلطة يضمحل نهائيا عندما يتعلق الامر بالذين "يستمتعون" بتدخين سيجارة مع الكأس التي يحتسونها.

ويقدم الفريق الطبي من جامعة كمبريدج نتائج دراسته في اجتماع الاكاديمية الامريكية لعلم الاعصاب الذي يعقد في مدينة تورونتو الكندية.

واشارت الدراسة الى ان النساء االلواتي يشربن كأسين من النبيذ في اليوم والرجال الذين يشربون بين كأسين وثلاثة وهم من غير ينخفض خطر اصابتهم بجلطة ينخفض بنسبة تتخطى الـ37 بالمئة.

في المقابل قالت الدراسة ان معاينة من يشربون الكحول بين المدخنين اظهرت ان خطر الاصابة بجلطة هو نفسه لدى الفئتين وهو مرتفع.
الرابط

وفي هذا السياق يقول مدير الدراسة الطبيب والباحث يانجمي لي ان "ما خلصت اليه الدراسة يفسر بشكل كبير وسيلة لفهم اكبر لاخطار مزج الكحول مع التدخين وتأثير ذلك في مجال الصحة العامة".

على صعيد آخر، اصبح من المعروف ان احتساء كميات كبيرة من الكحول تزيد من خطر الاصابة بجلطة بسبب تأثيرها على ارتفاع ضغط الدم.

ولكن الكحول يسيل الدم اي يمنع التخثر الدموي كما يؤثر على كيفية نقل الشرايين للكولسترول مساعدا في تجنب تكوين طبقات من الدهون على الطبقة الداخلية من الشرايين.

اما التدخين، فمن المعروف انه يسهل التخثر الدموي ويزيد بشكل كبير خطر الاصابة بجلطات.

ويقول احد الخبراء من جمعية الجلطات في بريطانيا ان "الرابط بين التدخين والجلطة اصبح بالغ الوضوح لان 10 بالمئة من الذين يموتون بسبب جلطة هم من المدخنين كما ان 25 بالمئة من الجلطات سببها التدخين، لذلك فمن الضروري ان يقلع المدخنون عن هذه العادة لخفض الخطر والمحافظة على حياتهم".

كما يشير الخبير جو كورنر الى انه "من الجدير بالذكر ان احتساء الكحول بشكل معتدل لا يساهم في خفض خطر الاصابة بالجلطات النزيفية بل على العكس فانه في بعض الاحيان يعتبر عنصرا مسببا لها، كما ان الافراط في شرب الكحول يزيد بشكل كبير خطر الاصاية بأي نوع من انواع الجلطة".

الربان said...

تحياتي

يا اختي الفاضلة انا لم ارفض تعيين المرأة....من قال لك هذا؟

انا اوردت ضمن ردي علي الموضوع راي احد المستشارين و الذي قال انهم يشفقون علي المرأة من ساعات العمل الطويلة بالمجلس....

و يبدو ان حضرتك فهمتي ردي علي هذا الموضوع بشكل مغاير لما قصدته و اقصد موضوع عمل المرأة بمجلس الدولة...

و اهل الذكر يا أختي الفاضلة المقصود بهم كل عالم في تخصصه و ليس كما تسخرين هم من يقولون الله حي.....اهل الذكر المقصود بهم في القرآن اهل العلم و الخبرة

و حتي من يقولون الله حي...اليسوا افضل ممن يتمايلون يمينا ويسارا بحركات خليعة...و مع ذلك هم مقبولين بالمجتمع بينما نسخر ممن يقولون الله حي

هذا كان رأيي و اعتقد ان الاختلاف بالراي لا يفسد للود قضية...و علي فكرة المباديء لا تتجزأ و هكذا انا ايضا

في حفظ الله

محمود المصرى said...

مدونتك ظريفه وارجو انك تزورينى