بين الاحتفال بيها والمتاجرة فيها .. ( ربنا حيذله) واشياء اخرى


على الرغم من انى متابعة غير جيدة للتى فى لكن اهتمام وسائل الإعلام على مدار يومين متتاليين بعيد الأم اثار استيائى الحقيقة وجلست اتسائل ماذا لو خصصت وسائل الاعلام المرئية والمسموعة والمكتوبة نصف هذه البرامج والمقالات للتوعية بحقوق المرأة ومناهضة ايذائها سواء من جانب الزوج او الأب او التحرش بيها فى الشارع ؟ وأفقت من هذا اللوم الذى لم يسمعه احد غيرى على صرخة ام من دار المسنين تلتمس من ابنها الوحيد اللى عاشت عمرها علشان تربيه وتعلمه وبعد ما اتجوز رماها فى دار مسنين من غير حتى سؤال عنها وبتتمنى من كل قلبها انه يكون سامعها ... فالتقطت اخرى منها اطراف الحديث بانها لا تختلف عنها لكنها لا تبكى مثلها عليه بل زى ما ذلها ورماها الرمية دى ربنا حيذله .. مش قادرة اوصف شعورى وقتها ولحد وانا بكتب الكلمات دى برضه مش قادرة اعبر عنها .. لكن صالت افكارى وجالت حتى ذهبت الى امهات أخطأن أو طلقن او توفى ازواجهن وبدلاً من رعاية اطفالهم رموهم كمخلفات من ازواجهن السابقين يجالسوا الكلاب الضالة بجوار صناديق الزبالة باى شارع ياخذ ايضا من اى كوبرى سقف يحميه من قيظ الصيف وبرودة الشتاء ومن الارض وسادة ، يتوارى جسدة الذى تعلن عظامه البارزة باعلى صوتها عن مدى الجوع والحرمان الذى يعانيه خلف قميص مهلهل ... واذهب ببصرى مرة اخرى الى الشاشه التى امامى لارى الوجوه قد تغيرت ولكن هذه المرة ليست دار مسنين ولكن دار ايتام والحضور زوج وزوجة حرما من الانجاب لتبكى الزوجة وبجوارها الزواج وبينهم عدد لا بأس به من الأطفال وقاعدين يحضونوهم ويبوسوهم ويقولوا احنا بنيجى فى اليوم ده علشان نعوض حرمانا .. يا حلولى يعنى مش بتحسوا بالحرمان غير يوم عيد الام بس ؟؟ وقطع هذه المشاهد اللى مش عارفه لزومها ايه يعنى اعلان على اثرة رفعت حواجبينى حتى لامست شعر راسى وفتحت فمى بكل ازبلال وكان بودى لو اشوف مين صاحب فكرة هذا الإعلان لكى اتعرف على عقله الفذ من قرب هل ما يوجد بداخله بالفعل مخ ؟ ام نخاعات مسلوقة ؟ فالاعلان يا حضرات عبارة عن صديقة رايحة تزور صديقتها وواخدة لها هدية عبارة عن سكر الاسرة وكمان مفاجئة جيابة لها عريس .. صحبتها اتبسطت اوى و رايحة تعمل لها شاى ماهى مش جاية فاضية دى جايبة سكر وعريس كمان .. الصديقة اللى جايبة العريس بتسالها انى هتعملى الشاى بسكر ايه .. التانية قالت لها سكر عادى فضحكت التانية ضحكة خبيثة وقالت لها كدا هتطفشى العريس اعملى الشاى بسكر الاسرة وراحت مطلعاه من كيس جوه حضنها .. وقالت لها السكر ده نضيف والشاى يبقى رايق ويتم المراد بقى .. هو من امتا بنزور بعض بكيس سكر ؟ ومن امتا بنسال اصحاب البيت اللى هعملوا لنا شاى على نوع السكر ؟ ده كله مش قضيتى لكن فعلا اكثر ما ضايقنى هو استخفاف القائمين على الاعلام بعقول الناس .. ازاى قاعدين على مدار يومين نقولها ست الحبايب يا حبيبة يا اغلى من روحى ودمى ؟ وازاى بنصور منها انها جاهلة كل همها فى الحياة هو العثور على عريس دون السؤال عن مؤهلاته بقى ولا اصله ولا فصله المهم انه ازاى يتعكبل ومش هيجيبه غير سكر الأسرة ؟ ازاى الاستاذة فيفى عبده فى لقاء مباشر مع بناتها اللى بيحلفوا ان ماما حنينة اوى معانا بس مش خلتنى اروح الكوافير ولا احط منوكاير الا بعد ما روحت بيت جوزى اصل ماما ست محافظة خالص .. وفى نفس الوقت ام كل اللى باقى لها فى الدنيا ايام معدودة مش عايزة من الحياة غير ابنها يسال عنها ؟؟ ازاى الاستاذة نعم الباز قاعدة فى افخر ثياب وجنبها حفيدتها اللى بتغنى لها ست الحبايب يا حبيبة .. وفى نفس الوقت اعرض على المشاهد ام قاعدة تصرخ تدعى ربنا بحق ما ضحت بشبابها وحياتها علشان ابنها الوحيد ربنا يذله زى ما ذلها ؟؟ يعنى ايه علشان اسوق سلعة لازم اول ما افكر فيه هى الست من الاخت اللى جابت لحامد الحبة الحمرا اللى من بعدها بقى جامد للى عايز يسترجل يشرب بيريل للى عايزة تتجوز تعمل للعريس شاى بسكر الأسرة ؟ السادة القائمين على الاعلام رفقا بعقول الناس كام من دكتورة او مهندسة او مدرسة محترمة مش يهمها لا سكر ولا عريس المهم طموحها وتحقيق ذاتها .. كام من ام فقدت ابنها او بنتها رفقا بمشاعرها .. وكام من ابن او بنت فقد والدته رفقا بمشاعرهم ... كلامى ليس ابدا انكار لفضل الام ... ولكن اعزائى اى ا م التى يعترف لها الاعلام بهذه الضجة المفتعلة ؟ هل هى الام التى يصورها شيوخ البزنس على قناة الناس واخواتها بانها العورة ، ناقص العقل والدين ، ناقضة الوضوء ، الفتنة التى ستكون سبب دخول الرجل المغلوب على امرة جهنم وبئس المصير ؟ ام التى تستخدم كوسيلة لترويج حبوب المنشطات الجنسية والسلع التموينية ، ام الجاهلة التى كل همها فى الحياة الحصول على عريس واهو ضل راجل ؟ ام التى تم رفضها قاضية اصلها عاطفية ؟ وأى مشاهد اللذى يتم مخاطبته بكل هذا الكم من التناقض الصارخ ؟

Comments

ELVIRA said…
متفكرنيش يا قطة بالهمجية فى التعامل مع الام و المرأة عموما لأنها أنثى فقبل الزواج هى سلعة لمن يرغب فى الزواج منها و قد حدث هذا المشهد أمامى
أحدهم أخذ موعدا من أهل العروسة ليقابلها ويعرفها ثم يحددون بعد ذلك ميعاد الخطوبة و خلافه لكنه من أول مقابلة رأها وبعد انتهاء المقابلة لا حس و لاخبر كأنه يقلب بضاعة لم تعجبه و دون أدنى أهتمام بمشاعرها
أما اذا كانت المرأة أما فيجب أن تكون خدامة فى بيت جوزها له و لأولاده خاصة الصبيان
و أن كانت تعمل فهى مقصرة فى حق بيتها و أولادها
حسبى الله و نعم الوكيل
Desert cat said…
ELVIRA
اااااه بحس بالاهانة لكل اللى بتوافق تتجوز جواز صالونات بحسها بضاعه معروضة
بس معلشى هى عايزة كدا لانها بتوافق انها تكون مجرد سلعه .. اما اتعام اى انثى عاملة انها مقصرة فى حق بيتها او ولادها او شغلها تلاقى دايما من يتشدق بالنغمة دى راجل فاشل خايف من نجاح اى انثى اصله اخره يرجع من الشغل بعد الضهر وينزل القهوة بالليل ويقعد يشتكى طالع عينه من الشغل طول اليوم
karim said…
اختلف معكى فى زواج الصالونات انة زةاج محترم و جيد, ولكن سيدتى العيب مش فى الطريقة لانها متجربة من زمان وناجحة علشان كدة موجودة, سيدتى الاختلاف فى اخلاق البشر حاليا نت الجنسين, هناك انحلال و قلة ادب عامة, ودة هو العيب ,مش نطلع العيوب فى الطرق و نسيب تربية و تصحيح البشر جيداا, تحياتى
Tears said…
فاكرة اعلان ليسكو زمان بتاع انسف حمامك القديم لما كان بيفجر الحمام بديناميت وبعدين يعمله من اول و
جديد؟

ده الحل الوحيد للبلد دى
Ms Venus said…
اقولك على حاجة يا قطة وسر بينى وبينك


انتى بجد بنت بمليون رااجل


شوفى عقلك وفكرك ده ؟


طب ازاى يتقال عليكى ناقصة عقل ؟؟


بحترمك بجد
Anonymous said…
عاوزه قول أن عيد الأم ملهش أي معنى و كلنا عرفين انو المجتمع حاطط المرأة درجة ثانية بعد الرجل و أنو الدين الإسلامي للأسف حاطط المرأة اسفل السافلين ....ما علينا لأن دي حقائق مؤلمة كلنا عرفينها
بس بمناسبة عيد الأم عاوز قول لأمي إني بكرهها و مش حسمحها أبدا على لي عملتو في و على البهدلة لي تبهدلتها في حياتي بسببها و على الأذى لي حصلي من وراها ... مكنش لازم تجبيني للدنيا دي لو كنت عاوزه من الأول تعلمي في لي عملتيه , منك لله
و حسبي الله و نعم الوكيل فيكي

واحدة بتكره امها
Kontiki said…
يخرب بيتنا احنا شلة اكتئاب و نقد ملمومة على بعض
look at the bright side
:)
بصى فكرة عيد الام ان الواحد يفتكر ولو يوم فى ظل الانشغال الدائم ان فى واحدة فى حياته هى مش ملاك و ممكن تكون تسببت فى الم او خطا بس الواحدة دى انا جزء منها بيولوجيا انا خرجت منها و اجتماعيا و عاطفيا اكيد كل واحد امة عملتلة حاجة واحدة حلوة ممكن يفتكرهلها
اما التعامل الاعلامى مع الفكرة فان كان ناقص و قاصر فدة طبيعه كمية المتخلفين اللاهثين لعرض برنامج فى وقته او معد عاوز اى حد عشان يملا بيه وقت فاضى فى برنامج فاشل ومسلوق
عموما حاغيظك بقى يا قطة
يوم عيد الام فى اسكندرية شهد حجوم مريخى على محلات الورد وكلة بيجيب ورد و جاتوة و حركات
:)
محمد said…
حظر النقاب في أكبر مستشفيات بنجلاديش

حظرت إدارة أكبر مستشفى في بنجلاديش على الموظفات ارتداء النقاب؛ في خطوة قد تمهد لغيرها من المستشفيات والمؤسسات السير على نهجها في بلد يقطنه غالبية مسلمة.

وقال عبد المجيد بويان مدير المستشفى، يوم الاثنين، أنّ أكبر مستشفى في بنجلاديش قامت بحظر ارتداء النقاب على الموظفات، وذلك ـ حسب زعمه ـ لزيادة سرقة الهواتف المحمولة والحقائب من أجنحة المستشفى.

وأخبر بويان أنّ الإدارة أمرت الموظفات بارتداء ملابس موحدة رسمية، والتي لا تغطي الشعر أو الوجه, أثناء تأديتهن عملهن في مستشفى بانغاباندهو الجامعي في دكا.

وأضاف "بالرغم أن عدد النساء العاملات المنقبات في المستشفى قليل, فقد قررنا فرض لوائح للملابس الرسمية الجديدة بعد اكتشاف حالات من السرقة". يُشار أن المسلمون يشكلون حوالي 83% من إجمالي السكان في البلاد.

http://www.almesryoon.com/news.aspx?id=26269

عقبالنا يااااااارب
Desert cat said…
karim
وفين الاحترام فى واحد رايح يتفرج على واحدة كانه رايح يشترى جاموسة ؟ ان عجبته هيدفع وان مش عجبته هيمشى ؟
Desert cat said…
Tears
حتى الحل ده مش هنقدر نعمله لاننا اتعودنا لازم يبقى لنا قائد واعتقد ان دلوقتى مفيش صلاح الدين ولا سعد زغلول
بس فى الست صفية يعنى مفيش فايدة
Desert cat said…
Ms Venus
بجد يا فينوس انا محرجة ومش عارفه اقولك ايه على زوقك ده
تسلمى لى يا قمراية
Desert cat said…
Anonymous
فى البداية عايزة اقولك انا قلبى اتوجع من الكومنت بتاعك واحترت بين انشره احتراما لخصوصيتك او مش انشرة لكن لما لاقيته باسم مجهول نشرته ولو تحبينى احذفه فى اى وقت معنديش مانع
معلشى هونى على نفسك مش كل الناس حواليكى هتلاقيهم بالجحود اللى شفتيه فى مامتك صدقينى مش هقولك التمسى لها عذر ومش هقولك ايه الدوافع انها تأسى قلبك كدا لكن هقولك شوفى ايه الحلو اللى فى حياتك وامسكىف يه على اد ما تقدرى لان اكيد ربنا بيعوض خير

تحياتى ويارب تكونى دلوقتى فى احسن حال واسفه بجد على اى احساس مؤلم وصلك من خلال كلامى
Desert cat said…
Kontiki
هههههههههههههههههه
ماهو بيقولك جمع ووفق

ما انا جبت انا كمان يا اوختشى واتخرب بيتى يعنى وقولت لها ست الحبايب زاديت لها الهدية بس انا قصدى لزومها ايه الهوليلة ؟ ماهو كدا معترفين وكدا معترفين .. يمكن السبب الرئيسى لكلامى هو دموع ناس غالية عليا فى اليوم ده لفقد مامتهم
علشان كدا بتمنى بجد نراعى مشاعر اللى زيهم
Desert cat said…
Kontiki
هههههههههههههههههه
ماهو بيقولك جمع ووفق

ما انا جبت انا كمان يا اوختشى واتخرب بيتى يعنى وقولت لها ست الحبايب زاديت لها الهدية بس انا قصدى لزومها ايه الهوليلة ؟ ماهو كدا معترفين وكدا معترفين .. يمكن السبب الرئيسى لكلامى هو دموع ناس غالية عليا فى اليوم ده لفقد مامتهم
علشان كدا بتمنى بجد نراعى مشاعر اللى زيهم
Desert cat said…
محمد
عقبال لما يبقى قدوة يحتذى بيها وتتعمم على مستوى العالم يتلغى كيس الزبالة ده فى كل المواقع المهمة وغير المهمة
ايـــــويـــة said…
قطة الصحراء, انتي مفكرة عظيمة وانسانة عظيمة
ايـــــويـــة said…
الى الانسة المجهولة

انا اضم صوتي لصوت قطة الصحراء واتضامن معك ومع المك واحس باحساسك

معرفش عن حاجة تزيل الالم او تعوض النقص اللي حصل في حياتك ولكن اعرف انو لما نصادف حد يحس فينا وفي المنا حيخلي حياتنا تتحول الى سهلة ونمتلك القوة لتكملة مسيرة الحياة بصورة افضل

تحت امرك دايما لو تحبي اكون جنبك لو احتجتيني
Desert cat said…
ايـــــويـــة

ميرسى لزوقك ايوية
Desert cat said…
ايـــــويـــة

جميلة اوى مشاعرك ايوية
واحب انا كمان اضم صوتى لصوتك واقول للاخت المجهولة بجد لو محتاجة تتكلمى وتفضفضى انا قلبى مفتوح لك فى اى وقت وانتى عارفه انا عاملة مودريشن كومنت يعنى كان ولا حاجه حصلت
Sahran said…
مرحبا قطة

شيء يثير الرعب في النفس ,,, لا أستطيع أن أتخيل أمي الحبيبة قد فقدت دفء فراشها الذي ربتني عليه , لتذهب و تعيش في ملجأ لكبار السن ,,,

لو تطلب الأمر فسأسجد لأمي صباحاً ومساء وأطلب منها البركات كل يوم , وأكون خادماً تحت قدميها ولا تتعرض للمذلة في آخر عمرها أبداً ,,

الله يسامحك يا قطة على هالسيرة خليتيني أخاف على أمي أحب الناس إلى قلبي


كل عام وأمهاتنا بألف خير


تحياااااااااااااااتي لك


ودمت سالمة
Anonymous said…
قطة الصحرا و ايوية

شكرا على ذوقكم و كلامكم الداعم

مش عاوزة حاجة من الدنيا غير اني أفضل بعيدة عن الناس لي أذوني
شكرا مرة ثانية

واحدة بتكره أمها
متابع said…
اعتصام الأمهات والرضع امام مجلس الوزراء!!!!!
هل تجيدين علاقه بين موضوعك وهذا؟؟؟؟؟؟
على عكس الاعتصامات العمالية المعتادة، حظى اعتصام موظفى مراكز معلومات مجلس الوزراء بتواجد نسائى كبير، وافترشت الموظفات أرض الرصيف المقابل لمجلس الشعب، واصطحب العديد منهن أبناءهن، ولوحظ تواجد عدد كبير من الأطفال الرضع.

وقالت إحدى المتظاهرات: «هنعمل إيه؟ البيت ما فيهوش فلوس.. ولا يمكن أن نتركهم فى المنزل وحدهم، ولا يمكن استمرار الوضع الحالى». وأكد المحتجون أنهم سيتخذون خطوات تصعيدية إذا تجاهلت الدولة حقوقهم، وهتفوا لمطالبة نواب مجلس الشعب، خاصة نواب الوطنى، بالتدخل قائلين: «واحد اتنين.. نواب الوطنى فين؟» مشيرين إلى أن عددا من النواب تضامن معهم بالفعل وتعهدوا بتقديم طلبات إحاطة بالمجلس لمناقشة قضيتهم.
متابع said…
بمناسبة مقتل 6 مسجليم خطر لمجند منعهم من سرقة كارلات فى المعرض
الحادثة تدق جرس الانذار لنا جميعا وتعبر عن سببين رئيسيين يهددان امننا وامن اسرنا وهما وجود مسجل خطر حرا طليقا ..ووجود سلاح غير مرخص / سواء كان سلاح ابيض او سلاح ناري / مع شخص فى الشارع ..وراجعوا كل الجرائم الخطيرة من قتل او سرقة بالاكراه او تجارة مخدرات او دعارة او نشل او اغتصاب او تحرش ..نجدها كلها مرتبطة بهذين السببين المدمرين: مسجل خطر+ سلاح سواء ابيض او نارى. فنرجو من كل مسئول فى مصر ان يتحرك لانقاذ امننا وامن اسرنا باصدار تشريع باعتقال كل المسجلين خطر بعد ان تكررت جرائمهم وثبت انه لا امل فى اصلاحهم ولاحل الا بوقاية المجتمع من شرورهم واجرامهم باعتقالهم ..كما نرجو من كل مسئول فى مصر ان يتحرك باصدار عقوبات مشددة وصارمة على كل انواع السلاح النارى والابيض غير المرخص طبعا سواء حامله او بائعه أو صانعه أو مهربه ..حتى نستريح من ادوات القتل والترويع التى يستخدمها المجرمون فى جرائمهم التى تعددت وتوحشت وزاد عدد ضحاياها من الناس الطيبين فى مصر.
strategicalone said…
اهلا يا قطة
طول عمرك زوق زوق
وتفكيرك منظم لكن الحتة دى لية موش رابطاها بالحالة الاجتماعية عموماً وها تلاقى اللى بيحصل فى التليفزيون واللى الناس بتقولة دة طبيعى جداً ولو كان غير كدة يبقى فية حاجة غلط وكمان عاوز اقول ان الناس اللى متابعاكى وبيعلقوا عندك اتعلموا منك الزوق او انتم طينة واحدة واتلميتوا على بعض .
طبعاً انا باقول كدة لانى شايفكم غير الحياة اللى احنا شايفينها من الناس خالص
اسف على الاطالة
تحياتى
متابع said…
للمره المليون
لسنا السعوديه يا من تستوردون بغباء مشاكل لا تعنينا
دعوهم يناضلون من اجل كرامتهممشاكل حسمناها منذ قرن من الزمان
تحدت الشاعرة السعودية حصة هلال التي تشارك في مسابقة "شاعر المليون" في أبو ظبي تهديدات بالقتل نشرت على مواقع إنترنت بعد أن هاجمت في قصائدها مصدري الفتاوى المتشددة.

وكانت الشاعرة التي تشارك في مسابقة للشعر تبث على تلفزيون أبو ظبي قد انتقدت بعض الفتاوى التي يصدرها علماء دين مسلمون.

واثارت القصيدة التي تضمنت الانتقاد لمصدري الفتاوى "المحرضة على القتل" جدلا في أوساط رجال الدين ومتابعي البرنامج والمسابقة الشعرية، وتعرضت لانتقادات قاسية وصلت الى حد التهديد بالقتل.

وتتنافس حصة مع خمسة آخرين على لقب "شاعر المليون" الذي يحصل الفائز به على جائزة نقدية مقدارها 1.3 مليون دولار.

ونشر أحد المواقع الالكترونية المعروف ببث تسجيلات ومواد إعلامية لتنظيم القاعدة انتقادات حادة للشاعرة، بينما طالب بعض المشاركين بقتلها.

وفي ردها على التهديدات قالت حصة إنها لم تغير من موقفها ولم تؤثر في قناعاتها، وان الانتقادات التي تضمنتها قصيدتها لم تكن موجهة لشخص بعينه، في رد على تأويلات تناقلها منتقدو القصيدة تشير الى رجل دين سعودي معروف.

وفي حديث مع بي بي سي العربية قالت حصة إنها توقعت التهديدات، ولكنها لم تأخذها على محمل الجد، وأكدت أنها ليست خائفة لثقتها بالوضع الأمني في الإمارات العربية المتحدة حيث تجري المسابقة، والسعودية حيث ستعود بعد انتهائها.

ودعت حصة عبر بي بي سي العربية الشعراء أن يتوخوا الوضوح ويبتعدوا عن الضبابية في مواقفهم التي يجب أن تكون نابعة من ضمائرهم كما قالت، "فإذا سيطر الإرهاب سيجلب الكوارث على العالم" كما قالت الشاعرة لبي بي سي.

وقالت ان قصيدتها ليست موجهة الى شخص بعينه بل لكل من يؤمن بالعنف كبديل للتفاهم.

وتجهر الشاعرة المنقبة بتأييدها لاختلاط الجنسين في مجالات العمل، وهو شيء محظور في بلدها السعودية.

يذكر أن امرأة أخرى شاركت في مسابقة "شاعر المليون" العام الماضي هي الشاعرة عايدة الجهني التي تحدت بدورها الضغوط التي مارستها أسرتها وقبيلتها للانسحاب من المسابقة.
Desert cat said…
Sahran
اى حد طبيعى يا سهرام يفكر زيك
مش يجبر امه على المعيشة فى دار مسنين ويرميها من غير ما يسال عنها غير جاحد
ربنا يبارك لك فى ماماتك
Desert cat said…
Anonymous
مش حل انتى كدا بتقتلى نفسك
ابتسمى للحياة وصدقينى اكيد هتلاقى ولو شعاع نور ينور دربك
حبى الحياة وعيشيها زى ما انتى عايزة مش زى ما حد عايز
تعبانة اوى علشانك ونفسى اعملك اى حاجه لمجرد بس احس ان جواكى ولو 1% من الامل
Desert cat said…
متابع
مبقاش فى حاجه فى البلد تدعو للاندهاش لان كل الاحداث اعتقد اصبحت مترابطة مفيش هيئة ولا ادارة ولا فئة فى مصر مش عملت اعتصامات ولسه القادم اسوأ
Desert cat said…
متابع
دلوقتى بيدافعوا عن المجرمين فى جدل طويل عريض حول موضوع قبول النقض للعشرة اللى خطفوا واغتصبوا سيدة كفر الشيخ على الفيسبوك صوتى راح مع احد المقتنعين ان المسجلين خطر ليهم حقوق فى المجتمع مش عارفه ايه الحقوق بتاعتهم هل ترويع الآمنين والسرقة والقتل يقالبهم اى حقوق اى عقل ده اللى يقر حقوق للمجرمين
Desert cat said…
strategicalone
ميرسى جدا لزوقك بجد شهادة اعتز بيها انا وزوار مدونتى
للاسف المجتمع فى انحدار متتالى دون هوادة لذلك انا مش مستغربة امن اى حاجه بس انا عايزة نراعى مشاعر ناس مش عندها ماما تحتفل بيها
Desert cat said…
متابع
يعنى قمة الغباء تلاقى حدا بيقلد شخص هو نفسه بيحاول بكل الطرق يتخلص من القهر والاستبداد اللى عايش فيه .. مستنى ايه من شعب جاهل
ايــــويــة said…
عندك حق يا قطة الصحراء بالنسبة للانسة المجهولة بس معلش, نسيبها على راحتها علشان مناسبات زي دي بتثير الالم في نفسيتها ونفسية كل للاطفال اللي في نفس الوضع ومناسبات زي "عيد الام" بتصبح مصدر الالم ليهم ومن حقهم يعبرو عن الاستياء والغضب والحزن المتخزن جواهم ومن حثهم حد يسمعهم ويتجاوب معهم, بس كمان يتالم معهم بجد زي ما انتي بتتالمي بجد ودة يعتبر مواساة كافية حاليا مع هيجان العواطف والالم


علشان الحياة والامل كمان في داعي لعمل حساب ايام حلوة جاية بالمستقبل بردو انا كمان بارفق ايمل علشان الانسة المجهولة وتقدري دايما تكتبي لي اي شكوى او اي فرح او حتى تقبليني مجرد صديقة مجهولة على الانترنت واي كلام عادي ممكن نتكلم فيه زي ما بنحب

رجائا احتفظي بالايمل
aya606@gmail.com
ايـــويــة said…
انا عندي فكرة من زمان بس ماكانتش مناسبة اقولها

انا شفت كتير امهات واباء مسيئين لابنائهم وبناتهم من ناحية نفسية بتدمر حياتهم ومستقبلهم بجد ودة بسبب حهلهم في التربية او ختى في مجرد ادارة حياة زوجية وبيت وامومة وابوة وعلشان كدة كان من الفروض من اجل بناء مجتمع افضل انو يتم تدريس او تاهيل اباء وامهات للتدريب على دور الابوة والامومة والحياة الزوجية وادارة البيت

المدارس والكليات مش بتهتم في الموضوع دة خالص والنتيجة هي مجتمعات العالم كله بتوصل لحالة افلاس امام مشاكل عائلية وتربوية ليس لها حل والسبب بسيط, لاننا بنجهل ادارة حساتنا ولسنا مؤهلين لنكون اباء وامهات وازواج وزوجات

تحياتي
عوف الأصيل said…
الإيمان بالإسلام هو شرط للحياة ، فعدم الإيمان بالإٍسلام لا يبرر إعلان ذلك لأن العقوبة ستكون إهدار الدم و هو ما يعني الموت البطئ، والإيمان بالإسلام يظهر في كل حركة تقوم بها بدءا من تحية الإسلام وكل خطوة تمشيها إلى الصلوات الخمس جماع ، ومحاولة إثبات أنك مسلم في كل تصرفاتك و إلا .

ومن ذلك التسليم العلني بقدسية اللغة العربية النابعة من قدسية القرآن الملئ بالأخطاء اللغوية


فاللغة العربية فرضت علينا لأنها لغة القرآن ، و هذا يعني أنهم نسبوها للقرآن و ليس العكس ، مما جعلها ينقصها التناغم ، و القيام بفبركة قواعدها بما يتفق مع قدسية القرآن .

وهي لغة طويلة و شاقة و مملة و صعبة التعلم و هي من أسباب تخلفنا ،ولايمكن تغيرها لأنها لغة القرآن !

موقفك هذا يذكرني بموقف حقيقي ، و في بلد قال عنها المحتل العربي أن أهلها عبيد لمن غلب ، وفرض عليها إبن المتعاص شريعة الإرهاب .

فقد قدم مواطن مظلوم شكوة يطالب بحقه ، ولكنه لم يكتب بسم الله الرحمن الرحيم ، و بما أن كل مراكز القيادة المختفية في الوزارات و المصالح من الإسلاميين واللذين يخفوهم في مراكز السلطة لكي يكونوا هم الحكام الحقيقيين للبلد، فأعطوا له ميعاد السابعة صباحا وتركوه ينتظر حتى السابعة مساءا ، عشرة ساعات يقف على أرجله ، و عند الدخول يمسك المسئول الإسلامي واللذي لا يظهر للجمهور شكواه ، و يبكته على كتابتها ، و مع أن المواطن معه دكتوراه ، فبطريقة غير مباشرة يستهتر المسئول أبو ذقن بما لديه من مؤهلات ، وللأسف عندما عجز زميله عن قراءة الشكوى بسبب ضعفه في اللغة العربية ، يسارع الإسلامي بتبرير ذلك بوجود أخطاء إملائية في الشكوى وأنها مليئة بأخطاء نحوية كالتي ذكرت ، و كان هذا سبب لإهدار الشكوى بمنتهى البساطة و إعطاء الدكتور وابل من التحقير و التهميش و بيان أنه لا يستحق الحياة أصلا .

والسبب الحقيقي المختفي أنه لم يكتب إسم الله ، و عدم إستطاعة المسئول القراءة أصلا.

فقيادات الإسلاميين مختفين في مراكز المسئولية ، و مخطط طويل وصل بهم أنهم أصبحوا الحكام الحقيقيين .

ويمكن في الرابطة التالية التعرف على الأمور الغير منطقية لغويا و إملائيا و نحويا في القرآن

http://ilhad.blogspot.com/2009/08/blog-post_8994.html

http://www.answering-islam.org/Arabic/Quran/errors.html

http://www.101103.com/vb/t621.html

تقبلوا تحياتي
متابع said…
عزيزتى قطه
اعتقد ان المساله فى استيراد مشاكل لاعلاقة لنا بها واصحابها يناضلون لحلها لا تعود للجهل ...عندك مثلا هوجة النقاب لا تقتصر فقط على البسطاء بل لبسته مدرسه فى الجامعه ومن تعلمن ويركبن سيارات آخر موديل
المساله اعقد من ذلك
ولها اسبابها النفسيه ودوافعها المركبه
تحياتنى
متابع said…
تقرير عن قناه وهابيه فى الصحف البريطانيه
اوضح التقرير ان قناة الاسلام تروج غالبا من خلال ضيوفها "للآراء الوهابية المتشددة اجتماعيا ضد المرأة". كما ان رجال ادين و"الوعاظ الذين يظهرون في برامج القناة يدلون غالبا بتعبيرات مهينة لاتباع الديانات الاخرى، ويحثون المشاهدين على رفض ممارسات غير المسلمين، وممارسات الملسمين غير المتبعين للمذهب الوهابي".

كما اضاف التقرير ان القناة التلفزيونية روجت للشخصيات والجماعات المتطرفة واستشهد التقرير "
بالاعلان عن محاضرات مسجلة لانور العلاقي الموالي لتنظيم القاعدة".
وقالت الديلي ميل ان القناة تبث بشكل معتاد مواد مهينة للمرأة. وذكرت الصحفية ان البحث الذي اجرته مؤسسة كوليام وجد ان برامج القناة تقول للنساء الا ينبغي عليهم الا يرفضوا ممارسة الجنس مع ازواجهن، والا يغادروا منزل الزوجية بدون اذن ازواجهن.

كما وصفت السيدات اللاتي يضعن عطورا في الاماكن العامة "بالمومسات".
ياما هتلاقي من ده كثير
Anonymous said…
قطه
عوف الصيل فى التعليقات واضح تماما انه من اتباع
زكريا بطرس فهو يردد بالحرف ما ينشره ذلك القمص المخلوع او المشلوح
ولعلمك هذه العصابه هذفها الوحيد اثارة فتنه طائفيه فى مصر تقسم ظهر البلد فيتدخل -حسب خيالهم المريض - الأجنبى
تماما كما كان الموساد يفجر قنبله فى حى مسلم ليقوموا على المسيحيين فى لبنان او العكس ايام الحرب الأهليه
هذه عصابه شريره تقبض لهذا الهدف
فخدى بالك
Anonymous said…
لعوف الأصيل وبقية عصابةبذر بذور الفتنه الطائفيه
نقول ان الأجرام باسم الدين اى دين آفة عصرنا والدين برىء
واقراوزا هذه القصه
وهى من مصدر موثوق به كالبى بى سى
ويقول زعيم جيش الرب أن جماعته تحارب لإقامة حكومة دينية في أوغندا تعتمد على الوصايا العشر الواردة في الانجيل، إلا أن الجماعة زرعت الرعب في السودان وجمهورية أفريقيا الوسطى إلى جانب جمهورية الكونجو الديمقراطية.
جمهورية الكونجو الديمقراطية

قام المسلحون بقتل واختطاف أطفال من قرى تقع في شمال شرق جمهورية الكونجو الديمقراطية

ويقول مارتين بلاوت، محرر الشؤون الافريقية في بي بي سي أن التحقيق أشار إلى ان المسلحين قاموا بقتل القرويين كما قامو بارغامهم على حمل ممتلكات منهوبة لصالح المهاجمين.

Popular posts from this blog

قميص دهشور

كل تحرش وانتوا طيبين