فى بلد تطبيق الشريعة

من اسبوع كان الدكتور علاء الاسوانى فى ندوة واتكلم عن الوهابية ومدى تاثيرها على المجتمع المصرى .. وعن ندوة الاسوانى كتب الاستاذ سعيد الشحات بجريدة اليوم السابع ولحد هنا كويس اوى لكن فى رد على مقالة الاستاذ سعيد باسم داليا .. الحاجه داليا دى بقى داخله تقول ايه ومالها الوهابية ياريتنا كنا وهابيين وبنقيم الشرع فى بلادنا مش كان بقى فى سرقة ولا اغتصاب ولا قتل .. طبعا واضح من خلال كلام داليا انها كل معلوماتها عن اهل الوهابية انهم بس يحكموا بالشرع وبالتالى مفيش جريمة يعنى مش سمعت عن الشباب اللى خطفوا خدامة فلبينية وتناوبوا عليها الاغتصاب وفييييين فى مكة المكرمة .. الصبح بفتح الفيسبوك لاقيت فيه ايميل من صديقه عزيزة جدا على قلبى سايبه لى فيه لنك وبتقولى ايه رأيك ؟
دخلت بامانة حسيت بالازبهلال .. الخبر يتضمن الآتى :-

قضت المحكمة العامة في الدمام بسجن مواطن (45 عاماً) أربع سنوات بعد إدانته باغتصاب ابنته (16 عاماً).

ووفقا لخبر أعده الزميل عايض الحقباني ونشرته "اليوم"، وتعود تفاصيل القضية عندما تقدّمت معلمة بشكوى للجهات المختصة تفيد قيام ولي أمر طالبة لديها باغتصاب ابنته بالإكراه، وكشفت التحقيقات عن قيام الأب باغتصاب ابنته بالإكراه تحت تأثير المخدرات أكثر من مرة .. وبعد إحالة القضية إلى المحكمة العامة وبعد إثبات اغتصاب الأب لابنته من قبل تقرير الطبيب الشرعي أصدر القاضي الحكم بالسجن 4 سنوات على الرغم من مطالب المدعي العام بتغليظ العقوبة

وادى بلد الحكم بالشريعة والامن والامان - بلد مفيهاش كلية حقوق ولا فيها حد دارس حقوق وبيحكموا على الناس حسب هواهم الشخصى ويقولوا بيطقوا الشريعة ؟ قتل واغتصاب وسرقة لو الفاعل ابن ناس بيتكتم على الخبر لو الفاعل ابن كلب بيتجلد ويطلع دين اللى جابوه .. واللى لسه معجب بيهم ياريت يا حلوين تورونا عرض اكتافكو وتاخدوا بعضكو فى رحلة جماعية وتقعدوا هناك ومش ترجعوا تانى

تعليقات

‏قال Tamer Nabil Moussa
ازيك ياقطة اخبارك اية

لسة زى ما انتى ساخنة فى مواضيعك

انا معاكى فى ما اشارتى الية

وبعدين الاسلام اسمة اسلام من يوم ما نزل على اشرف الخلق سيدنا محمد علية الصلاة والسلام


والفرقة اللى بين المسلمين الان بسبب الانتساب الى وهاب وغيرها


ربنا يصلح الحال

مع خالص تحياتى
‏قال عوف الأصيل…
حادثة غريبة في السعودية ، أب يغتصب إبنته القاصر و تحكم عليه المحكمة بأربعة سنوات فقط

فهذه هي الشريعة الإسلامية !

فلا يجوز إقامة حد القتل على أب لأنه قتل إبنه ، بل أن أموال أولاده حلال له و أعراضهم .

و المرجعية لذلك هذا الحديث الصحيح

و الذي قال فيه الرسول عن إبن ماجه

أنت و مالك لأبيك

و إليكم تفاصيل الخبر

http://www.alwasatnews.com/2741/news/read/377373/1.html

أي أنه لا يمكن القصاص و قتل الأب لأنه قتل إبنه لأن الأب هو سبب وجود الإبن

فلا تتعجبوا فهذه هي الشريعة الإسلامية .أليس هو الوصي عليها ووليها الشرعي

أما العمالة الوافدة فلو نظر بعينه فقط يقطعوا جسده حي
‏قال غير معرف…
ايه الروقان ده!!!
يجب ان تتوقف هذه المناقشات التى لا جدوى منها ولن توقظ احدا من المغيبين الذين اصابهم الهطل على الأقل مؤقتا امام مهزلة الغاز الممنوح لأسرائيل
بالمجان تقريبا بل وتخسر مصر يوميا بسبب هذه الهديه نحو 12 مليون دولار من دم الفقراء الجوعى والعاطلين والأرامل والعوانس والمرضى
وتتناقشون ةفى خزعبلات الوهابيه واستيراد تخلف البدو مزينا بشريط دينى قبيح المنظر والمخبر
‏قال AHMED SAMIR
اربع سنين بس؟؟؟؟
يا بلاااااش
هو دة المجتمع السعودي....لو الأب دة كان مصري....و الله كان الاعدام هو اقل عقوبة هتوقع عليه
‏قال Mai Zamalkweya
4 سنوات لاب اغتصب بنته
ولو كانت بنته دي الامر بالمعروف و النهي عن المنكر مسكوها في الشارع مع استاذها في المدرسة ولا مع دكتور في عيادته ولا مبينه خصله من شعرها كانوا جلدوها مش عارفه كام الف جلده
فعلا بلاد الشريعه انهي شريعه دي اللي بيقولوا عليها
‏قال karim
عزيزتى الغالية, لاشك انى لا اعلم شىء عن الوهابية لكى احكم عليها فلابد من يحكم انها مفيدة ام لا انا يعلم كل مابها و عليها, لكن مش ممكن علشان حادثة حصلت نحكم انها لا تصلح, فكل شىء بالدنيا يحدث اشياء مؤسفة و لو حكمنا بسببها كان زمانا مش عارفين نعيش, مع اعتراضى ان نتبع اى طائفة فنحن مسلمون للة وهذا كل شىء, تحياتى
‏قال Mano
بوست رائع
الابتعاد عن الدين
وعدم التمسك بعاداتنا وتقاليدنا
وتقليد الغرب
تكون النتيجة اكتر من كده
تحياتي
‏قال ELVIRA
ايه يا قطة انتى نسيتى ان دة هو الشرع هناك
مش الاحاديث بتاعتهم برضه بتقول انت ومالك لابيك
خلى الشرائع الوهابية تنفع بقى
‏قال Kontiki
ايوة يا قطة هى الرحلة الجماعية
على جبال افغانستان كدة
فى المملكة
فى باكستان
عند جماعه بوكو حرام
كدة يعنى تاشيرة جماعية لكل الاشكال العرة دى
يدوروا التقطيع فى ايدين ورجلين بعض ورجم بقى على واد على جلد على حبس الستات بحكم الشريعه ويسبولنا احنا القانون المدنى هنا بعد تعديلة و تفعيلة ويرحمونا بقى !
‏قال Ms Venus
ربنا يرحم

ويفتح العقول
انا هنا في الدمام و مش شايف اي اثر حقيقي للشريعه الاسلاميه
ما اراه ان السيدات لا تظهرن في الشوارع الا بالنقاب فقط
اما داخل المولات التجاريه و مراكز ا لتسويق فالنقاب مخلوع
و ممكن تشوفي مناظر متناقضه بشده من استهلاك للبورجر الامريكي و خلافه
مع النقاب
شيء غريب جدا
اما عن سلوكيات التلاميذ فالتلاميذ في مصر اروع منهم الف مره سواء في الفهم و الاستيعاب او الاخلاق
تحياتي
‏قال Desert cat
Tamer Nabil
اهلا تامر ازيك
انا اول مرة بجد اشوف اصحاب ديانة واحدة بيكفروا بعض لمجرد اختلافهم فى المذاهب اما موضوع انت ومالك لابيك والابمش يتسجن لو قتل ابنه ده اقدر اقولك عليه منتهى الظلم

تحياتى
‏قال Desert cat
Anonymous
ماهو لو الناس فاقت وعرفت اللى ليها من اللى عليها هنبقى كلنا فى روقان ونوقف مهزلة تصدير الغاز لاسرائيل وشكرا
‏قال Desert cat
AHMED SAMIR
الله اعلم بقى ايه اللى كان هيحصل لو كان مصرى
ابهات كتير اتفصبوا بناتهم وخلفوا منهم كمان ولا حس ولا خبر عليهم
‏قال Desert cat
Mai Zamalkweya
امبارح بس اتنفذ فى شابين حكم الجلد لانهم كانوا بيدوا صدقة لست عندها 75 سنة والست حلوها طبعا بعد ما اتجلدت هى كمان
شوفتى بقى الشريعة ؟
‏قال Desert cat
karim
وانت مين اللى عرفك يا كريم ان كل اللى بيتكلم هن الوهابية مش قرا عنها ؟؟ هو علشان انت مش قريت عنها يبقى كل الناس بتعمل زيك بتاخد معلوماتها من الحوادث ؟
‏قال Desert cat
Mano
وهو ايه علاقة الغرب بالموضوع ؟
‏قال Desert cat
ELVIRA
ده شرع ايه اللى اب يغتصب ويفلت من العقاب ده ؟
‏قال Desert cat
Kontiki
هع هع
دول مش هيسبونا غير لما يكفرونا كلنا وفى الاخر يقولوا لك حكم الشريعه هو الحل وتلاقيها بقت ميغة بقى الاب يعتصب بنته ويقتل ابنه
ولو حد كلمه يقوله ايييييييه
انت ومالك لابيك
‏قال Desert cat
Ms Venus
ربنا يسمع منك
‏قال Desert cat
ذو النون المصري
طبعا مفضوحين ومفقوسين فى الدنيا كلها ورمى ارقام التليفونات على بعض فى العربيات وفى المولات وعايشين الحياة اخر حلاوة بس تيجى تتلكم تتجلد على طووول
شعارهم اعمل اللى انت عايزة فى الخفاء وفى العلن اعمل فيها شيخ قبيله

المشاركات الشائعة