اليوم العالمى للمرأة == اليوم العالمى للنكبة


اى امرأة هذه التى حدد لها مؤتمر باريس النسائى الأول 8 مارس عام 1945 ليكون يومها العالمى ؟؟

اصدقهم القول بأن هذا الشعار صح 100% فى تلك الفترة الزمنية لأن المرأة كانت فى ذلك الوقت تحتل مكانه مرموقة فى جميع المجالات حتى وان كانت من لم تتعلم فى حياتها أ ب .. ولكن فى يومنا هذا أرى ان هذا الشعار فقد مصداقيته ووجب ان يقتصر على اليوم العالمى للمرأة الغربية التى يعاملها مجتمعها على انها كائن كامل متكامل وليست على أنها عورة .. المرأة الغربية التى عملت رئيسة وزراء ، ووزيرة دفاع ، وترشحت للرئاسة بكل قوة وديموقراطية ..

لا المرأة التى اقنعوها واقتنعت هى بدورها أنها عورة .. بل وتدافع باستماته على هذا الهراء .. ولا تترك فى حالها التى تعرف قدرها وتسرع فى الخطوات من اجل تحقيق طموحها والحفاظ على كرامتها ..

لا المرأة التى يعاملها مجتمعها على أنها مجرد فرج لإفراغ شهوات الذكر مهما كانت مؤهلاتها العلمية وحتى وان كان هو مجرد عواطلى لا يعلم من الحياة سوى ارتكاب الموبقات ما ظهر منها وما بطن ..

لا المرأة التى يعاملها مجتمعها على انها مجرد غواية وفتنة للذكر المغلوب على أمره الذى لا يستطيع ان يتحكم فى غريزته فبمجرد رؤية خصلة شعر منها يثار على نفسه .. وإن صمتت على افعاله التى لا يمكن اغفالها يقولوا بصوا اصل عاجبها .. وان اتكلمت ودافعت عن نفسها وعن كرامتها تلوكها الالسن ويكون اول كلمة يتلفظ لسانهم بها عاملة لها هوليلة ليه دى مش متربية ليصبح شرفها مضغة بين انيابهم وكأنهم يخافون الله فقط من المرأة ولكن التحرش بها والاعتداء عليها وشرفها الذى تلوكه الالسن حلال لهم ... ذلك الشرف الذى تأخذ منه شعوب مريضة ذريعة لوأد المرأة دون احترام لذاتها او عقلها او انسانيتها التى ميزها الله بها تلك الشعوب التى لا يأتى ذكر امراة فلا يترددوا لحظة فى اسالة سم زلق مريض من ألسنة عكرة تتدرب كل يوم على الركاكة والانحطاط فى الادب والاخلاق خوفا من ظهور عجزهم وتفوقها عليهم ويحتموا بعبائه الدين ، والدين من أفعالهم بريئ ...

اليوم العالمى للمرأة التى عملت نهضت بذاتها ومجتمعها حتى وصلت لعالم الفضاء ...

لا المرأة التى يضعون أمامها العراقيل تارة باسم الدين وتارة اصلها عاطفية اوى ومش تقدر تحكم بالعدل لانها بتيجى لها الدورة الشهرية وفى الوقت ده بيكون مزاجها مش ولابد يعنى ولا تتردد اقلام لابد من سحب الرخصة الشرعية لحاملها فى كتابة كلمات مغلفة بورق المحنة ساخنة بدم الجرح مفرغة من عمق التأمل الذى لا يأتى بعد مرور الحدث وبرود الجسد وشروع الجرح فى الإندمال والالتئام على قرحه وجروحه .. وكأنهم ليسوا ببشر

هنيئاً لكل امرأة فى مجتمع محترم بيوم المرأة العالمى .. وكل عزائى لنساء دول العالم الثالث بأيام النكبات المتوالية

تعليقات

‏قال عواصف رملية
عندك حق دة يوم نكبة في الشرق كله علشان لما توصل النظريات من الغرب الى الشرق بالنسبة لحقوق المراة بتبوظ معانيها لانها اتكتبت علشان تتلائم مع عقول متفتحة ومثقفة تقدر قيمة الانسان وتقدر قيمة المراة كانسان متساوي في الحقوق والواجبات

للاسف النساء الشرقيات "المثقفات" لسن نفس لنساء ولسن نفس لمثقفات الغربيات وعلشان كدة بتبوظ كل حاجة من البدية لم توصل للشرق لان لست "سيمون دي بوفوار" لما كتبت نظرياتها وفلسفاتها عن المرة ومسواتها في الحقوق مع الرجل نسيت تالف كمان كتاب يتلائم مع معتقدات وعادات وتقاليد الشرق واعتقد ان كل حاجة تستند على اراء دي بوفوار لا تنفع الا اذا جاءت بوفوار شرقية والفت وكتبت اراء بصبغة معتقدات شرقية مع اقتباسات الحديث والسنة ويوقع عليها مجتمع ذكوري

وبعدين يلفو بكتابها لب عند البقال
‏قال Sahran
يا قطة خليني بس أستفسر منك يمكن تلاقيلها جواب ,,,

يعني إذا كانت المرأة ناقصة عقل , والرجل اسم الله عليه كامل الأوصاف ,,, طيب مش المفروض يعني بناء على هذا الكلام إنو الراجل هو اللي يتغطى مش الست ؟؟؟ّّ!!!
يعني المرأة تفكر بعاطفتها , ويفترض إنها أول ما تشوف الرجل تنزل فيه وهاتك يا أحضان , لأنها مسكينة وعقلها على قدها !!!!

بينما الرجل اللي خلقه الله وكسر القالب يفترض إنو ما يتأثر أبداً لما يشوف الأنثى , وكأن شيئاً لم يكن !!!

أعتقد يا قطة بناءً على هذه الفرضية فالأولى أن يتحجب الرجال خوفاً من أن يؤثروا على عقول النساء الضعيفة , لأنهم يا ولداه بيفكروا بعاطفتهم وعقلهم ناقص !!

ولاّ أنا غلطان


تحيااااااااااااااااااتي لك


ودمت سالمة
‏قال أحمد.خ…
أستاذتى الفاضله أن عائد لتوى من رحلة عمل بالخارج وكالعاده أعود مصابا بحاله غريبه مؤداها عدم الرغبه فى الكلام عن الأوضاع هناك ومنها وضع المرأه وذلك للفروق الرهيبه والشاسعه بين مانراه هناك وما يصدمنا هنا حتى أننى بدأت أشك فى تكوين المرأه العربيه والمصريه جسديا وهل هومختلف عن الأجانب الذين لاتصاب نساؤهم بلعنة الدوره الشهريه ولا تصاب بالعصبيه كما أنها جامده وليست عاطفيه؟وهل سنظل فى هذا التخلف كثيرا من الوقت؟وكم من الزمن سنستغرق حتى نخطو خارجين من هذه الغفله؟ياإلهى إرحمنا بالعلم أو بالموت فتراب الأرض أولى بنا
‏قال Ms Venus
الله عليكى


بجد الله عليكى وعلى قلمك الراقى الجرىء
‏قال Elmasryeffendi
عزيزتى قطة الصحراء
كلامك صح، هذ الكلام لا يصلح اليوم فبفعل الدعاة الجدد و التغيرات المجتمعية اصبح كل شئ من تحت لتحت فالمرأة مقهورة و تاخذ حقها من الرجل بقهره ايضا و التعامل بحدة و هذا لم يكن من قبل بل كان هناك حب و تفاهم و نكران للذات من الطرفين اما الان فقل علينا جميعاً رجالاً و نساءً السلام و البركة فيمن يسمون انفسهم الدعاة او الشيوخ مع ان هذه المصطلحات و الشخصيات الطفيلية المستحدثة لم نكن بحاجة اليها، بصراحة كده البركة فى المملكة العربية الظلامية

تحياتى
‏قال karim
سيدتى اللى انتى بتقولية دة و بنشوفة كتير بيفكرنى بقاسم امين و هو كان يطالب بحرية المراءة وحقوقها وكنت قد قراءت عن معاناتو مع المجتمع حينها, هنا فى العالم الثالث كل الناس تعانى حتى المفكرين يعانون لكى يرسو قيم جديدة ولكن مع الاسف, انسسى و خد البنسة, احنا عالم بيقلب عيشة فى اليوم و بس انسسى اى تقدم او فكر يكون موجوود. اسف على الاحباط و لكنة واقعى, تحياتى
‏قال أحمد…
مش دول العالم التالت ، و انما المنطقة المنكوبة دى بس
فيه رئيسات سيدات لكثير من دول العالم التالت زى الأرجنتين و شيلى و حتى دول ذات أغلبية مسلمة زى بنجلاديش
http://www.filibustercartoons.com/charts_rest_female-leaders.php
http://www.guide2womenleaders.com/Presidents.htm
العالم كله فى ناحية و العرب فى الناحية التانية
‏قال غير معرف…
انت تستاهلي حضن كبييييير

معلش, متزعليش, مسير الحي يتلاقا, و الأعمي يشوف, و اللي ساجن نفسه يحرر نفسه, و اللي ساجن حد يعقل و يفوق او ربنا يحرقه بجاز

عزيزتي حواء,
انت منّي
و أنا بك
و كلانا لالله, و ذلك الأخير يحرر كلانا من بلانا
‏قال فرعون…
حدانا فى الصعيد الجوانى المراه لا تورث ولا يطلع لها حس وكنت فاكر البندر احسن منينا لكن طلعنا كلنا فى الهوا سوا
‏قال Kontiki
نشاطركم الاحزان
ونعانى مثلكم نفس المصاب الاليم
:)
‏قال Mai Zamalkweya
مش كل العالم التالت و م كل المنطقه العربية
في المناطق بس اللي شايفين الفضيلة و الادب في انهم يبقوا مواطنين درجه تانية و انهم يبقوا عوره
عندك في المنطقه العربية
تونس و المغرب و لبنان و الجزائر اكثر بلاد عربية فيها المرأه بتاخد حقوقها وفيها احترام متبادل بين الرجل و المرأه
للاسف مفيش اي امل و انا يأست و عايزه اسيب البلد دي ياما هتبقي نهايتي الجنان او الانتحار
‏قال Tarkieb
وحياتك ياقطة مش مودي المراة العربية في داهية الا هي نفسها ...ياستي انت نقطة في بحر وحواليكي نساء عايزيين يتجوزو ويستتو ...بلا خيبة ....كل سنة وانت طيبة ....ولا مليون سنة وحلنى بقى
‏قال Desert cat
عواصف رملية
حتى اللى بتطالب باعلى صوتها فى الشرق صوتها بيروح وبتموت وهى لسه بتصرخ يمكن حد يسمعها وفى النهاية برضه ولا حياة لمن ينادى واضح ان الظلام دائم فى الشرق
‏قال Desert cat
Sahran
انا متفقة جدا مع وجهة نظرك يا سهران
بس تيجى تقول الكلام ده يقولوا لك ماهو الرجال قوامون على النساء يا حلولى ما فى نساء هى القوامة والراجل نايم طول النهار على ضهره مستنيها لما ترجع اخر اليوم علشان ياخد فولسها وينزل يشترى بيها مخدر ات
تلاقيهم بيزهوا راسهم ويقولوا لك بس الراجل راجل وكانه اله ممنوع تجيب سيرته
‏قال Desert cat
أحمد.خ
تعبنا من كتر المقارنة لكن يقولوك الاسلام كرم المراة والمراة عايزة تهين نفسها وبامانة مش شايفة اى تكريم فى الجواز اربعه وفى وأدها وهى حية
‏قال Desert cat
Ms Venus said...
ميرسى ليكى يا فينوسه يا قمر
‏قال Desert cat
elmasryeffendi said...
اهو محدش بوز الدنيا غير البهايم اللى مسمين نفسهم دعاة دول
‏قال Desert cat
karim
مش احباط يا كريم ده الواقع بالفعل زى ما قولت لكن لو المراة عايزة حقها فعلا هى اللى هتحرر نفسها مش حد تانى اللى هيحررها
‏قال Desert cat
أحمد
العرب يثبتوا على مدار التاريخ مدى غبائهم السياسى والدينى وجهلهم بكل مجالات الحياة والغريب انهم فاكرين نفسهم منزهين عن باقى العالم اصلهم مؤمنين وهما بس اللى هيدخلوا الجنة
‏قال Desert cat
Gurren Lagann
مش عارفه وانا بشوف الكومنت ده حسيت انى عايزة اعيط بجد
مش ممكن يكون حد حاسس اوى بالمرأة الشرقية اللى بتعانى فى مجتمع زبالة زى ده لكن لما شوفت الكومنت حسيت فعلا ان فى امل فى التغيير
‏قال Desert cat
فرعون
ما يدفونها اول ما تتولد احسن اصلها عار
‏قال Desert cat
Kontiki
ااااااااااه يا وجع قلبى من المصايب والمعاناه اللى مش حتنتهى دى
‏قال Desert cat
Mai Zamalkweya
كلنا بنفكر نسيبها يا مى وبعدين ؟؟ معقول نسيبها كدا للجهل يتفشى فيها
حزينة اوى على مصر
‏قال Desert cat
Tarkieb
فى كتير غيرى بجد
لكن فعلا الغالب دلوقتى اللى عايز تتجوز والمهم عندها ضل الحيطة حتى لو فعلا هو حيطة
انا تعبت بجد وزهقت

المشاركات الشائعة