القطة فى السى ان ان


تفضل المدون العزيز مهيج الجماهير وكتب لى الكومنت ده

مهيج الجماهير said...
انا و انتى فى نفس الخبر على السي انا ان

http://arabic.cnn.com/2010/entertainment/2/28/blogs.28feb2010/index.html

:)


انا بامانة قلقلت شوية وقولت هى السى ان ان دى عايزة منى ايييه لالالالالا المدونة دى شريفه وشمعتها قايدة ولا يمكن ابدا تنزل الا فى الحوادث خلف الاسوار كدهون يعنى لكن السى ان ان قوم ايه خير اللهم اجعله خير كدا جيت افتح اللنك لاقيته مش بيفتح معايا فقولت له ياريت تكتب لى نص الموضوع قوم الراجل تفضل مشكوراً وراح كتب لى نص الموضوع وهو كالآتى :-


مهيج الجماهير said...
فعلى مدونة "قطة الصحراء" برزت شكوى من تعدد الفتاوى وتكاثرها في كل مجال من مجالات الحياة، فتطرقت المدونة إلى القضية تحت عنوان "رجم جوزة الطيب" داعية إلى وضع "علاج سريع لمرضى إسهال الفتاوى."

وقالت المدونة : "كنت أبحث (على الانترنت) عن النباتات العشبية، وعلى حين فجعة ألاقي فتوى بتحريم جوزة الطيب.. جوزة الطيب هي النواة الجافة لشجرة دائمة الخضرة، ولها رائحة قوية نفاذة ومذاق لاذع جدا.. واستخدمت في تحضير عدد كبير من الأدوية منذ مئات السنين، ومازالت تستخدم في تحضير العقاقير."

وأشارت المدونة إلى "فتوى الدكتور أحمد الحجي الكردي - في هذا الخصوص، والتي تشير إلى أن جوزة الطيب من المسكرات، ولهذا فإن أكلها محرم لدى أكثر الفقهاء."

وختمت المدونة بالقول: "نسيت يا شيخ يا عبقري أن تقول لنا ما حكم الشجرة؟ ستدخل الجنة ولا يتولع في السلالة بتاعتها يوم القيامة؟ ولما هي من المسكرات، لماذا لا تجرمها الدولة مثل الحشيش والبانجو وما شابه؟
"
===========================

انتهى الخبر

وميرسى لمهيج الجماهير اللى تعبته معايا فى نقل الخبر

وميرسى لكل اللى بيكتب كومنت سواء موافق او معارض واللى بتيفرج ويمشى حتى اللى بيشتموا ومش بنشر شتيمتهم واللى بيشتموا وساعات انشر شتيمتهم

فى النهاية اكيد كلكوا بتضيفوا للبلوج حاجه جديدة

تعليقات

‏قال أحمد.خ…
أستاذتى الفاضله أحييك وقريبا نشاهدك فى السى إن إن صوت وصوره
‏قال Tears
مبرووووووووووك يا قطة بس خلى بالك من اللى بالى بالك

احسن يقولولك عميلة و خاينه و بتمولى من امريكا و كوكب عطارد

:)))))))
‏قال ELVIRA
مبروك و الله وبقيتى من المشاهير ومحدش هيعرف يكلمك بقى
بس بصراحة تستحقيها :)
‏قال Ms Venus
مدونتك تستحق بجد

الفكر الراقى والمتفتح نادرا ما نصادفه


تحياتى ليكى وعقبال فعلا ما نشوفك صوت وصورة
‏قال Desert cat
أحمد . خ

ميرسى اوى ليك يا احمد
هو كفاية البلوج
:D
‏قال Desert cat
Tears
ميرسى ليكى يا قمر
واضح يا يترز اننا من كتر الاتهامات بقينا عارفين اللى فيها
اصل لو شوفتى الكومنتات اللى جت على الموضوع ده تتصدمى زى الصدمة اللى انا فيها دلوقتى كدا
‏قال Desert cat
ELVIRA
لالالالالا لست انا
بجد المدونة دى مش كان ممكن تستمر غير بيكو انتوا
تحياتى
‏قال Desert cat
Ms Venus
ميرسى يا فينوس يا قمر
بجد انا مش عارفه اقولك ايه على الكلام الجميل ده
تحياتى ليكى
‏قال Sahran
أيوة ياعم ابسط اسمك بقى في المحاضر
هههههههههههه

بكرة يا قطة راح يتهموكي بالعمالة والذي منه لزوم التشهير بإنسانة حرة مثلك

أسعدني الخبر , ويا ريت لو كانت عيونهم ما تشوف إالا الوجوه النيرة مثلك , ويبتعدوا عن وجوه البوم , مشايخنا المقرفين
‏قال Desert cat
Sahran
لووووول يا سهران
واضح ان انت وتيرز بتضربوا الودع
لو انشر كل الكومنتات هتتفرج بجد على المهازل
عموما ولا بيهمنى يتفلقوا
ميرسى لشعورك الطيب سهران

مودتى
‏قال خالد كامل
طبعاً مافيش تعب ولا حاجة
انا فرحتلك بجد زى ما فرحت لنفسي
و أتمنى أشوف كل المدونين اللى أعرفهم ليهم انجازات زى دى

الف مبروك
و ان شاء الله نشوفك صوت و صورة

تحياتى
:)
‏قال karim
اهنئك واحييك سيدتى قطتى العزيزة لانك دائما متجددة وفعالة فى مدونتك انا فعلا استمتع بها دائما و انتظر المزيد, تحياتى
‏قال أحمد…
السى ان ان اللى تتشرف بالكتابة عن البلوج بتاعك .. حقيقى ، مش نفاق أو مجاملة ، لكن فى زماننا ده بقى قليل جدا جدا اللى يفكر أو يكتب
Out of the box
و لا حتى فى السى ان ان نفسها

تحياتى ليكى و لصبرك على التعليقات الرزيلة
‏قال Kontiki
مبروك بس متحسرة على بلدنا كلمة المدونين بقت بتوصل برة وهى كلمة مرارة وحزن ونقد لحالنا
:(
‏قال عصام…
النجاح يبحث عمن يستحقه
‏قال Desert cat
مهيج الجماهير

ميرسى بجد لزوقك
‏قال Desert cat
karim
سبب نجاح المدونة هو انتوا كلكوا يا كريم

تحياتى
‏قال Desert cat
أحمد
دائما الكلام الصادق يخرج من القلب الى القلب
اشكرك جدا على كلماتك الطيبة
‏قال Desert cat
Kontiki
اللى نقدر عليه يا كونتا بس المهم يكون فى تغيير علشان لما توصل بعد كدا يبقى واصلة كلمة مدون مشرفة
‏قال Desert cat
عمو عصام

مش لاقية كلام بجد يعبر عن سعادتى بكلامك
‏قال فرعون…
يابووووى السى ان ان مره واحده؟عجبال متطلعى فى الشرق الاوسط ولا صوت العرب
‏قال فرعون…
يابووووى السى ان ان مره واحده؟عجبال متطلعى فى الشرق الاوسط ولا صوت العرب
‏قال Desert cat
فرعون
الشرق الاوسط
ههههههه
لا انا طلعت فعلا على اذاعه مصر
سامحينا بقى يا قطتنا
مش هأقولك لا مبروك ولا كلام من ده خالص
عارفه لييييييييييه ؟؟؟
علشان دي مش أول مرة ليكي على موقع سي إن إن
ده إنتي قديمة أوي هناك
دول متابعين مدونتك أكتر منك
وشكلهم حاطينك كده في دماغهم
خلي بالك بقى من اللي بالي بالك
وتمنياتنا ليكي بدوام النجاح


آدي مثلا نص من مدونتك نشرته الـ سي إن إن بتاريخ 4 يناير

ومن مصر، تابعت مدونة قطة الصحراء موضوع القرار الجديد الذي اتخذته جامعة القاهرة، بمنع عضوات هيئة التدريس المنقبات من إلقاء المحاضرات والمراقبة في الامتحانات، فدافعت عن القرار رافضة الانتقادات التي طاولته.

وتحت عنوان "للأسف نجح الغرب الكافر"، قالت المدونة: "للأسف نجح الغرب الكافر.. ده كان تعليق لشخص وزيه تعلقيات مشابهة كثيرة على قرار رئيس جامعة القاهرة، الدكتور حسام كامل، بمنع المنقبات من التدريس.. وبالرغم من أن القرار جاء متأخراً ومتأخر جداً كمان، إلا إنه قرار صائب، وعقبال باقي مؤسسات الدولة، حتى يعود لمصر الأمن والأمان."

وتابعت: "إيه بقى سر نجاح الغرب الكافر في قرار زى ده، على أساس أن الغرب الكافر ابن الكلب، ده سايبين كل اللى وراهم واللى قدامهم وشاغلين نفسهم بس بوجه المرأة إزاي يتغطى.. وإحنا إللى قاعدين نبتكر وشاغلين نفسنا بالأوزون ومعالجة الانحباس الحراري والإنتاج النووي، هالكين نفسنا فى المعامل لاختراع أدوية تفيد البشرية."

وختمت المدونة بسخرية قائلة: "الناس دول بجد حقودين ووحشين وعايزنا نسيب اختراعاتنا وابتكاراتنا وأبحاثنا ونعمل زيهم ندور على قطعة القماش التي يختبئ خلفها كل منحرف علشان يطلع يقابل صحبته في وجود أهلها أو زوجها.. أو كل عواطلى عايز يسرق ولا حدش يحس بيه.. أو كل قاتل يدخل يرتكب جريمته ويدبح ويشفى ويخرج ولاحس ولا خبر."

وآدي اللينك يا قطة
http://arabic.cnn.com/2009/entertainment/12/20/blogs.20dec/index.html

تحياتي/ إحســان
‏قال Desert cat
شفـقــة و إحســــان
يا لهوووى دى انا شكلى نهايتى قربت اصلهم بيختاروا البوستات اللى هى وينشروها على الموقع
طيب يا جماعة لو غبت اسبوعين كدا بلغوا الوليس وانتوا طبعا عارفين انا هكون فين ايد هكون فوووووووووق فى السما بس اوعوا تسيبوا دمى يروح هدر
وربنا يستر
احسان اشكرك على نقل الخبر بس بجد اللام ده مفاجأة بالنسبة لى
‏قال حصحص
اللنك اهون
http://arabic.cnn.com/2009/entertainment/12/20/blogs.20dec/index.html
‏قال Desert cat
حصحص
شكرا على التوضيح ياباشا

المشاركات الشائعة