happy valentine

عيد حب سعيد بس هيكون أسعد من غير سرقة وفساد ورشوة
عيد حب سعيد بس هيكون أسعد لو هل علينا وكل مسؤل عارف ماله من حقوق وعليه من واجبات مش سارق وناهب اراضى الدولة وبيتحقق معاه دلوقتى فى نيابة الأموال العامة
عيد حب سعيد بس هيكون أسعد لو مفيش ازمة انابيب ولا اعتصامات عمال ولا اضرابات موظفين
عيد حب سعيد بس هيكون اسعد لو مفيش بطالة
عيد حب سعيد بس هيكون أسعد لو مش شوية عيال صايعه ماشية تلف ورا البنات فى الشوارع وان فكرت تفتح بؤها يعنى مش كفاية ان ربنا خلقك انثى كمان بتتكلمى ده انتى بجحة اوى المفروض الذكر اللى المجتمع عمل منه نصف إله يتحرش ويغتصب وانتى تقولى سمعا وطاعة روحى شوفى لك نقاب اتلفى فيه وبرضه هيتحرش بيكى وهيغتصبك
عيد حب سعيد بس هيكون اسعد لو مفيش فتنة طائفية ومفيش القاذاورات بتاعة الفضائيات اللى كرهوا الناس فى نفسها مش بس فى بعضها
عيد حب سعيد بس هيكون اسعد لو النايل سات والعرب سات قفلوا اباوابهم فى وجوه بتوع بول الإبل واكياس الزبالة السودا اللى مش معروف لهم وجه من قفا وبيجيبوهم يقدموا برامج على قنوات التقيح الذهنى
عيد حب سعيد بس هيكون اسعد ومصر من غير حوادث ولا تلوث ولا ارهاب ولا متسللين بيطلقوا على نفسهم مجاهدين
عيد حب سعيد بس هيكون اسعد لما مصر ترجع من تانى مصرية وربنا يستر ومش يطلع علينا النهاردة المكفراتيه بتوع هذا حرام يا اخى المسلمين مش ليهم غير عيدين فقط اما اللى يحتفل بالعيد الثالث فهو كافر وزنديق وبعد ما يقوم من البرنامج يمسك الموبايل ويطلع ارقام الكام جوازة الرسمى على العرفى على المسيار على المصياف على اللى لسه هيخترعوا لهم اسم ويبعت لهم اس ام اس

HAPPYVALENTINE,S DAY

تعليقات

‏قال Kontiki
عيد حب سعيد يا قطة
وصدقت فى كل امنياتك
لاحظت ان كل الزنادقة ( المتنورين ) اللى شبهنا :) احتفلوا بالقيمة و المعنى احتفلوا بالحب و كل الاقفال المتعصبة انكرتة وشوهتة وحرمتة
تحيتى لك
‏قال karim
كل عيد حب و انتى بخير وسعادة, بس مع الاسف عمرة ماهايكون اسعد زى امنياتك المذكورة, علشان دة جزء من حياة بلدنا, ازمات ازمات ازمات, تحياتى
‏قال مفكر…
بمناسبةاصرار محلات التكفير المنتشره تحت سمع وبصر الحكومه على تعيين رجال لبيع الملابس الداهليه للنساء من دوى الدقون وبشكل الخالق الناطق ارهابيين نهدى هذه القصه من السعوديه
السعودية: حملة لمقاطعة محلات بيع الملابس الداخلية النسائية التي تستخدم الرجال
ريم أسعد

استخدمت ريم صفحتها على فيسبوك للدعاية للمقاطعة

حثت ناشطات سعوديات النساء على مقاطعة محلات بيع الملابس الداخلية النسائية التي تستخدم رجالا لمدة أسبوعين، واستخدمت الناشطة ريم اسعد صفحتها على الانترنت للدعوة للمقاطعة.

وتدعو ريم أسعد مدرسة مادة الاقتصاد الى استخدام نساء في تلك المتاجر.

وكانت وزارة العمل السعودية قد قالت إنها ستطالب باستخدام نساء في تلك المتاجر، ولكن أسعد تقول إن القانون السعودي غامض بشكل متعمد ويسمح لرجال الدين بمنع استخدام النساء.

فمن الامور التي تثير الاستغراب ان جميع العاملين في متاجر بيع ملابس النساء الداخلية في مجتمع محافظ جدا مثل السعودية هم رجال بينما يمنع على الرجل والمرأة الاجتماع في اماكن مغلقة ما لم تكن بينهما صلة قرابة.

وتضطر النساء الى التعاطي مع الرجال العاملين في هذه المتاجر وهو الامر الذي دفع النساء في السعودية الى المطالبة بتغيير هذا الوضع.

نظريا ليس من الصعب توظيف النساء في متاجر بيع الملابس النسائية لكن ليس الامر بهذه السهولة لان شرائح كبيرة من المجتمع السعودي ترفض عمل النساء حتى لو كان في هذا المجال.

وفي واقع الحال هذا الامر ليس مريحا حتى للرجال الذين يعملون في هذه المتاجر فالامر محرج لهم ايضا مثل الزبائن من النساء.
‏قال مفكر…
من السعوديه2
.
خيبة امل

يمنع على الرجال والنساء غير الازواج الاختلاط في السعودية وهذا يعني ان الرجال البائعين غير قادرين على اخذ المقاسات الصحيحة للزبائن من النساء.

ومما يزيد الامور تعقيدا ان الشرطة الدينية في السعودية "المطوعين" تمنع وجود غرف قياس في هذه المتاجر مما يضطر النساء الى دفع قيمة الملابس التي ترغب بشرائها دون قياسها.

ورغم ان السعودية كانت قد اصدرت قانونا عام 2006 سمحت بموجبه للنساء بالعمل في مجال بيع الملابس النسائية لكن الواقع لم يتغير لانه لم يطبق ولا تفسير حكومي لذلك.

وقد يكون احد الاسباب عدم تطبيق هذا القانون هو معارضة رجال الدين الذين يتمتعون بنفوذ كبير في السعودية ويعارضون عمل المرأة ويرون ان المنزل هو المكان الطبيعي لها.

وقد قررت اسعد وغيرها من المشاركات في الحملة تجاوز الدولة والمؤسسة الدينية وتوجيه الضغط الى اصحاب هذه المتاجر اذ قررن مقاطعة متاجر الملابس الداخلية النسائية التي يعمل فيها الرجال.

ويقول اصحاب هذه الحملة انهم لا يعارضون وجود الرجال في هذه المتاجر لكن يصرون على ان يكون جميع من يعملون في المبيعات هم من النساء فالامر الطبيعي حسبما تقول اسعد ان تقوم المرأة ببيع الملابس الداخلية النسائية لبنات جنسها وجميع البدائل الاخرى غير مناسبة.
‏قال عمو عصام…
كل سنه وأجمل قطه فى مصر بخير بمخالبها القويه وعينيها الحانيه الوديعه وقلبها الكبير الطيب
‏قال Tears
كل اللى بتقوليه صح جدا

بس حرام عليكى تفكرينا بيه يوم عيد الحب
بلاش تقلبى علينا المواجع

يلا عيد حب سعيد
:)
‏قال Mano
انشاء الله الكلام دا هايحصل
في عيد حب اللي بييجي في المشمش
عارفاه
هابي فالنتيين
وتحياتي عالبوست الجميل
‏قال Sahran
هابي فالنتاين قطتنا العزيزة

بيقولوا من تشبه بقوم فهو منهم ,,,,,

حسناً , ما المشكلة أن نتشبه بالمحبين العاشقين ؟؟؟؟

لماذا الحب حرام ؟؟؟ لا أعلم

ربما لأن القلب المحب لن يكره , وهذا ما لا يريدوه

أتمنى لك ولكل مصر عيد حب بعيد عن الفتن الطائفية , والهمجية الأصولية , وبعيدا عن الفساد الذي ترسخ في بلادنا نتيجة أننا رضينا بحكامنا طالما أنهم لم يقاوموا التخلف الديني البغيض


تحيااااااااااااااتي لك


ودمت سالمة
‏قال لاسع افندى
الاجمل هو اننا نحتفل رغم كل هذا

كل ايامك حب

تحياتى
‏قال Ms Venus
كل سنة وانتى بخير

وكل مصر فى حب ومحبة وخير
‏قال أحمد.خ…
أستاذتى الفاضله كم تمنيت أن أستطيع أن أهديكى كل زهور الدنيا تقديرا منى لجهودك فى مقاومة كل السلبيات الموجوده بحياتناولن أكتم سرا وهو أننى متابع جيد من مده قصيره لمدونتك وعدة مدونات اخرى تفيدنى فى عملى الذى يعتمد فى جزء منه على رصد ردود أفعال الشباب على عدة مشاكل معينه ومدى رفضهم او قبولهم لها وأرجو ألا تعتبرينى إنتهازيا فأنا متابع لهذه المدونات لسب آخر وهو إعجابى الشديد بها وبموضوعاتها وكم أتمنى أن أتعرف على أصحابها عن قرب لولا خوفى من إساءة التفسير ولك ولهم كل التهنئه بعيد الحب الذى نرجوه ظلا لواقع وليس طيفا لسراب ليس موجودا أصلا وكل عام وأنت وكل المعلقين لديك بخير
‏قال Unknown
عيد حب سعيد رغم كل ما يحيط بنا من كوارس
و اتمنى معك ان يأتي يوم تصبح فيها امانيك حقيقة
‏قال فرعون…
يابوووووووى يعنى لازم تجيبى سيرة الناس دى فى عيد الحب؟يجطعهم ويجطع سنينهم ويجطع الازمات عالحوادث عالتلوث عالمتسللين كالكل كليله
عادى بقا يا قطه
وكل عيد حب وانتى طيبه
امنياتك اجمل كتير
‏قال Mai Zamalkweya
عيد حب سعيد عليكي يا حنان

بس هيبقي سعيد ازاي واحنا ورانا ناس عماله تجعر في قنواتها و تنشر الكراهيه بين الناس وبتحرم الحب
‏قال ابو احمد
كل عيد حب وانتى جميله ومتألقه
تحياتى
‏قال Desert cat
Kontiki
هو المفروض يا كونتا ان الدين دعا للحب والتسامح ونبذ العنف
مش عارفه الاخوة المؤمنين سايبين الزنادقه امثالنا يحتفلوا بيه وهنا قاعدين يفتوا ويكشروا عن انيابهم تحت اى شعار اى دين

تحياتى
‏قال Desert cat
karim
سيبنى اتمنى واحلم يا كريم
يمكن المسؤلين يحسوا ان الشعب ده بنى آدمين يستاهلوا اهتمامهم
كل يوم وانت فى حب يا عزيزى

تحياتى
‏قال Desert cat
مفكر
مش عارفه بجد ازاى واحدة هتدخل تشترى ملابس داخليه وفى المحل واحد قاعد يبرق من تحت دقنه وظروف كاميرات المراقبة ايه ؟
‏قال Desert cat
عمو عصام

كل سنة وانت اطيب قلب
‏قال Desert cat
Tears
معلشى يا قلبى بس هى المواجع هننساها ازاى وهما بيحرموها علينا
حرمت عليهم عيشتهم
‏قال Desert cat
Mano
يا مانو ليه تدلق عليا تلج بالشكل ده وتفوقنى هو انا عملت فيك حاجه
طب اضحك عليا وقولى السنة الجاية تتحقق اللى بعدها بعد عشرتاشر سنة
لكن الاحباط دهون
لن انسى لك هذا الموقف ابتا ابتا ابتا
‏قال Desert cat
ذو النون المصري
كل سنة وانت فى خير وسعادة وحب يا ابو عمر
‏قال Desert cat
Sahran
افتخر انى اتشبه بالمحبين العاشقين والف جزمة على دماغ الكارهين

هابى فلانتين سهران
‏قال Desert cat
لاسع افندى
انا عن نفسى احتفلت
:DD
هابى فلانتين
‏قال Desert cat
Ms Venus
يارب كل يوم واحنا قلوبنا لبعض بالحب مليانة
تحياتى فينوس
‏قال Desert cat
أحمد . خ
انا اتشرف جدا بزيارتك لمدونتى
وميرسى لكلامك الرائع فى حقى انا وزوار البلوج
كل سنة وانت فى احسن حال
‏قال Desert cat
malika
كل يوم وكل ساعه وانتى فى حب يا احلى مليكة
‏قال Desert cat
فرعون
معلشى يا فرعون وذكر بقى
كل سنة وانت طيب
‏قال Desert cat
عايش... ولكن !!!!
هابى فلانتين علاء
‏قال Desert cat
Mai Zamalkweya
امتا بقى نخلص من تجعيرهم علشان الناس تعيش فى صفاء
كل سنة وانتى فى احلى حياة يا ميوية
‏قال Desert cat
ابو احمد

دكتورنا الجميل
كل سنة وانت ارق واحلى انسان فى الدنيا
‏قال عوف الأصيل…
بمناسبة عيد الحب ، أيها المسلم لماذا أنت مسلم ؟

الحب للأقوياء فقط أما الأقلية فيقتلوا و يصلبوا و تقطع أيديهم و أرجلهم من خلاف

السبب الوجيه لأصبح مسلما هو إتقاء القتل و الصلب و تقطيع الأيدي و الأرجل من خلاف ، وهذا بالضبط ما يريده المسلمون فعله مع من يستضعفوه بينهم ، لأنهم ذئاب مفترسة ، بل لا نجد وصف لكي نصف به المسلميين وقسوتهم و تشفيهم ، و في الوقت المناسب إستخدامهم سياسة التقية للإختفاء كالأفاعي

أدخل لهذه الرابطة لتعرف ماذا يريد المسلمون فعله مع البهائيون ، و أقول المسلميين بالتحديدوليس المؤمنون ، لأن المسلمون ليس لهم مثال في الماضي و لا الحاضر .
http://waelelebrashy.com/forum/t883.html

http://waelelebrashy.com/forum/t883.html

http://waelelebrashy.com/forum/t883.html

المشاركات الشائعة