على جثته وجثة اى حد بيفكر بالشكل ده

رئيس مجلس الدولة: (على جثتى) تعيين امرأة قبل الهيئات القضائية الأخرى

من مقال : جمال بنون

عمل النساء في محال الملابس الداخلية يثار في المجتمع السعودي منذ سنوات، وكأنه موضوع اختراع قنبلة نووية، أو بناء مفاعل لأسلحة الدمار الشامل، لهذا يأخذ حيزاً من الجدل والنقاش بين تيار ديني متشدد وآخر معتدل، ودخلت الملابس الداخلية النسائية في تصنيف المجتمع بين ليبرالي وصوفي وعلماني وشيعي ومسلم سني، انقسام رهيب وتعنت عجيب والتفاف للموضوع بشكل مثير!


جائزة نوبل في الآداب عام 2009 للألمانية الرومانية هيرتا مولر


باكستان: المقاتلون يعلنون حظر تعليم الفتيات في سوات

حرصت أكاديمية الطيران في الصين على تأهيل مجموعة من النساء ليتدربن للعمل كرائدات فضاء ، وذلك بعد إطلاقها لثاني مركبة مأهولة إلى الفضاء
معركة النقاب تشتعل بمصر بعد منع المنقبات من دخول جامعة القاهرة ...


مظاهرات في سويسرا احتجاجا على حظر بناء المآذن

تفجير إرهابي يستهدف المعبد اليهودي بالقاهرة وأجهزة الأمن تكثف جهودها لضبط الجاني


شتان بين مجتمع يحيا فى كرامة يعامل المرأة على انها كائن كامل وبين مجتمع لا يهمه سوى الفكر الذكورى المتعفن وكل شغله الشاغل تهميش المرأة تارة بتخئتها داخل اكياس من الزبالة السوداء وتارة بمنعها من التعليم ومن تملك الشجاعة والكرامة يعطلونها عن شغل المناصب الت هى بالطبع جديرة لها اصل البهوات خايفين من تفوقها عليهم علشان كدا اللى قال على جثتى تدخل القضاء واللى على جثته تتعلم واللى على جثته تخرج اصلا من البيت وان خرجت لازم تبقى خيمة متحركة اصله اقنعها انها عار وعورة

مظاهرات وجعجعه وقلة ذوق وقلة ادب فى بلاد لا ليها علاقة بالعقيدة ولا ليهم اصلا اى انتماء ليها وعايزين يفرضوا عليها معتقداتهم بالقوة الجبرية وفى نفس الوقت قتل وحرق المسيحيين وهدم دور العبادة لو حد فيهم فكر يجدد سور بس للكنيسه ودلوقتى رايحين يفجروا المعبد اليهودى اللى اساسا مش فيه يهود هو الكنيسة مش المسيحيين بيذكروا فيها الله ؟؟ والمعبد اليهودى اليهود بيعبدوا فيه الله ؟ ياترى لو عندنا الجماعة اللى بيعبدوا بوذا كنتوا عملتوا فيهم ايه ؟؟

تعليقات

احنا حقيقى عندنا تضارب افكار رهيب
ومحدش عنده استعداد يسمع حد اصلا
عمل المرأه وخروجها وكل الحاجات دى خلاص بقت شىء من الماضى لان كل واحده بقا من حقها كل الحاجات دى بل وانها اصبحت بتدخل مجالات ذكوريه بحته
ولكن نرجع ونقول ان بعد كل اللى بيحصل وبيقولوا لسه عاوزين نساوى المرأه بالرجل
طيب ناقص ايه تحبوا ننزل شرع جديد ونقول ان المراه زيها زى الرجل فى كل حاجه حتى فى الميراث او الشهاده ؟؟؟؟
على فكره حاليا امريكا وكندا وبعض الدول الغربيه بتعمل فى مشروع انهم يرجعوا بالمرأه للعصور القديمه لانها فقدت انوثتها بعد مساواتها بالرجل فى كل حاجه
تعرفى احنا لو بنسمع بعض وبنحترم اصلا بعض كان حاجات كتير اتغيرت
لكن كل واحد مفكر نفسه فاهم فى كل حاجه
الممثل مفكر نفسه علم دين وعالم الدين مفكر نفسه سياسى وكله لخبطيته وسمعنى اغنيه بطلوده واسمعوده
‏قال AHMED SAMIR
اعترف بتأخر تفكير الكثير داخل مجتمعاتنا
و لكني بجد لي رأي في هذا الموضوع
يعني اذا ارادت المرأة المساواة بالرجل فليكن مساواة في كل شيء ....كل شيء و ليس بما تطلب المرأه فيه المساواة فقط
بمعنى انه اذا ارادت المرأة ان تكون قاضية فعليها ان تلتحق بالجيش مثلا
‏قال Mai Zamalkweya
انتي هتنهبي مش بتتعلمي كفايه اوي اننا اخدنا حقنا في التعليم انما هنطالب بالمساواه في كل حاجه ده شئ ميدخلش العقل المرأه مينعش تشتغل اي حاجه و الكلام عن المساواه كلام فارغ لان ربنا مخلقناش زي بعض

كلام واحده معايا موافقه انها تبقي جارية وشايفه كمان ان التعليم حق من حقوق الرجاله وهماانعموا بيه علينا
لما يبقي البنات نفسهم عايزين تغيير يبقي نطلب من الرجاله انهم يتغيروا
‏قال Mai Zamalkweya
انا نفسي اسيب البلد دي واروح اعيش في تونس اعيش بكرامه و اعامل كبشر مش مواطن درجه تانيه
‏قال أحمد…
عاشت الصين حرة مستقلة

لما صامويل هنتينجتون كتب عن صراع الحضارات كان متخيل إن الغرب هيدخل فى صراع حضارى مع تقافات الشرق (زى الصين مثلا).. لكن اللى حصل إن الصين و الهند و كوريا و كل الأمم مشيت فى طريق الحضارة الا الأمة دي ، محلك سر
‏قال Kontiki
شرق اوسط متخلف
وصمة
تفجير المعبد اليهودى ضايقنى لانه اثر اولا بس مين بيقرا ا لتاريخ اما دخول المرأة القضاء وتعليمها وام المعارك النقاب فعلية العوض المنقبات دول فكرونى بفيلم كان اسمة ( ثائر بلا قضية ) كل انسان عاوز هدف يثور له ويدافع عنه كل واحد عاوز قضية وهم للاسف حصروا نفسهم فى قضية مهلكة للامة ظاهرها الدين و التدين و الاخلاق وباطنها سيطرة ثقافة وامة اخرى علينا وبتحاول يكون لها الغلبة
علية العوض
‏قال مواطن مصري
بالنسبة للمعبد اليهودي الحكاية وراها موساد

خصوصا بعد تصريح النتن ياهو تحذير الصهاينة من أنهم ميجوش مصر عشان هيحصل عمليات دي نقطة و النقطة الثانية البعض بيطالب الجممعيات الصهيونية بفرض حماية دولية على المعابد

دي حاجة اما بخصوص موضوع المرأة قاضية


و الضجة الي أتعملت دي لعبة أنتخابات واضحة الحزب الوطني عاوز يجيب أصوات الستات

و يبان أن مع حقوق المرأة

و زي كل مرة في اللحظة الاخيرة الرئيس يرفع سماعة التلفون

يصدر قرار بالتعين

و يقعدو بعدها يشكرو الرئيس

لعبة معروفة من 2005
‏قال أحمد.خ…
أستاذتى الفاضله بعد قراءة البوست والمقارنه المخجله بين مايفعله المسلمون وما يفعله الغرب أقترح عليك إستبدال عبارة(نونو معايا)لتصبح (إبكى معايا)فهى أدق
‏قال عصام…
ياإلهى كم من الزمن نحتاج حتى نتخلص من نقطة الصفر التى ربطنا أنفسنا فيها بأغلال من حديد يتقدم العالم للأمام ونحن إمامحلك سر وإما للخلف در
‏قال Tears
تحضر الشعوب يقاس بوضع المرأة فيها

اعتقد وضعنا واضح اوى
‏قال Desert cat
عايش... ولكن !!!!
لا يا علاء ماهو احنا احتيلنا المرتبة الاوى فى رجوعنا بالزمن للخلف فالطبيعى الناتج يكون تضارب الافكار دى
تحياتى
‏قال Desert cat
AHMED SAMIR
ومالوا يا دكتور ندخل الجيش
مش عندى مانع
:DD
‏قال Desert cat
Mai Zamalkweya
ماهو انا بقى مش هيججنى غير الوحدات اللى لاغيين عقلهم وكل همهم الجواز وتبقى جارية لسى السيد
الله ياخدهم والاخوانجية فى ساعه واحدة
‏قال Desert cat
Mai Zamalkweya
طيب ليه مش نتحد يا ميوية وننضف البلد من الجوارى اللى فيها
بجد مصر هتبقى احسن
‏قال Desert cat
أحمد
وهتفضل طول عمرها محلك سر طول ما فى مجعراتيه يكفروا الناس ويكرهوا البشرية كلها فى عيشتها ومختلين عقلا بيصدقوهم وينشروا فكرهم
‏قال Desert cat
Kontiki
معلشى يا كونتى الجهل وحش اصلا المعبد اليهودى مش بيدخله يهود كل اللى فيه عسكرى واقف قدامه وخلاص
المنقبات دول بينفذوا تعليمات بياخدوها يعنى من الاخر بيعملوا شغل
تحياتى
‏قال Desert cat
مواطن مصرى
هو ايه علاقة الصهاينة باليهود ؟؟
انت بجد مش عارف الصهاينة من اليهود ؟؟
وبعدين نتنياهو لما هيفكر يفجر المعبد الهيدوى هيفجره بقنبلة بدائية يبقى على كدا هو اللى فجر الحسين رضه فى فبرابر اللى فات اصلها كانت نفس القنبلة البدائية نتنياهو دهطلع مكار اوى
‏قال Desert cat
أحمد.خ

ايوا يا احمد الغرب ابن للذينا الحاقد علينا لتفوقنا عليهم فى ك حاجه عايزين يحطمونا
شوفت المقارنة بقى عاملة ازاى فى البوست
‏قال Desert cat
عمو عصام
لو هنفضل محلك سر والله افضل الف مرة من احتلال المربة الاولى فى التخلف اللى البلد فيه
‏قال Desert cat
Tears
واضح لكل صاحب بصر وبصيرة يا تيرز يا حبيبتى لكن عمى القلوب والعين شايفين انها واخدة حقها وزيادة دى حتى لازم تتكفن
‏قال يساري نوبي
اعتقد ان نضال امراه المصريه العظيم طوال القرن العشرين تم القضاء عليه مش بس من قبل الجماعات الاسلاميه الي حولت المراه لحجاب و نقاب و بلاوي سودا مانعرفش حات منين لكن كمان من الليبراليه المصريه اللي اعلنت ان المراه هي خلع الحجاب وخلع النقاب و الحريه ف الخلع فقط....المراه المصريه الام و المناضله والوزيره والسفيره اعلي من الحجاب و النقاب و البلاوي دي و ستات مصر الجدعان كتير و اكيد هايعرفوا يجيبوا حقهم و يجبروا مجلس الدوله علي الرجوع ف كلام العيال بتاعه.....المراه المصريه لاتصلح لتكون قاضيه و حسب و لكن ايضا هايجي اليوم اللي تبقي فيه رئيسه جمهوريه و قائده شعبيه
شكرا لك
تحياتي

المشاركات الشائعة