ذات مساء



ذات مساء مشرق .. وضعت كل خطوط الأرض خلف الشمس فى عزف حزين .. ربيعى تائه عن مواقعه .. أحاول رسم إشراقات جديدة لكى يأتى المساء المنتظر .. أضع خطوطاً عريضة لرسم قلب يغذى أعماق الأعماق .. عند إحتضانه بعيداً عن أعين حاقدة بل فى مواقع لا تحتوى سوى على أرض وقلب وسماء !

لكن .. ! وعلى الرغم من الإنطلاق كى اصل حيث هو إلا أن للطريق تعبه .. ولوصول ثمنه وللهدف تضحيته وللمسير أرقه

لذا أرسم فى خيالى عمق الوصول .. وكيف أن ذاك المساء المنتظر والعنيد فى مجيئه هو عنوان قمة الإبداع

وهو كل الحياة بالوصول إليه

بل هو آخر مساء أحضتنه ويحتضننى فى إزدواج عظيم لمشاعر فاضت عمقاً وحباً وفرحاً

بإنتظار لحظة بلا ميعاد

تعليقات

‏قال Tears
لو عشنا من غير أمل ح نتمنى الموت كل لحظة
‏قال rony
قطتى يا حبيتى ممكن توضحى اكتر من كده شويه
شويه صغيرين
مش فاهمه حاجه خااااااالص
‏قال ع.ع…
ذات يوم وقعت عيناى على شجره مثمره رائعة الجمال على أغصانها ترفرف عصفوره حزينه الصوت دقيقةالنظرات تنظر للعابرين أمامها تلمح فيهم وجوها حزينه تشع قسماتها بالإنكسارفتلملم جناحيها فى أسى ثم لاتلبث أن تهب فى ثوره ضاربةبجناحيها الضعيفين محدثة صوتا خافتا وقليل من الهواء يصل للوجوه المرهقه والقلوب المنهكه فيعطى لها أملا فى الحياه وفى المقاومه وعندما تؤدى مهمتها تقبع فى عشها مرنمه بنشيد هو الأروع تعبر به عما يجيش بصدرها وتبث فيه شوقها لليله ذات مطر ومساءتحتضنه ويحتضنها وعندما مررت أمام شجرتها حزينا باكيا كانت أغنيتها هى المبهجه ونشيدها هو المعزى وعندما رفرفت بجناحيها مرسلة لهوائها النقى لمحته واضحا جليا..جرح عميق تخفيه وكأنه مخزون الحزن والألم يدفعها للغناء كى تعطى للآخرين فرحا لم يجدوه وحبا يفتقدونه وعندما وجدتنى عاجزاعن شفاء جراحها مسح دموعها آثرت الإنصراف تاركا عصفورتى الحزينه تبكى الضعفاء والمظلومين ...ترسل لهم صوتها المشجع وأناشيدها المبهجه رغم حزنها ولكنها لم تبد لى أبدا كعصفوره ضعيفه بل ظلت فى ذاكرتى وكأنها...قطة الصحراء
‏قال غير معرف…
أنا قرأت إن كل لاعب في المنتخب حياخد مليون جنيه مكافأة وده طبعاً غير الإداريين والله ما باحسد حد بس أنا بسمع كل أعضاء المنتخب بيقولوا إننا بنحب مصر واللي بناخده منها أكتر من اللي بنديه ليها طب همه لسه كمان حياخدوا وبعدين فين الوطنية ومين المسؤول الجريء اللي حيمضي الشيك وبعدين الفلوس ظهرت دلوقتي أمال مش بتظهر ليه مع الغلابة اللي بيوتهم بتقع وفي سيول سيناء والعريش وكادر المدرسين والبطالة
ياعالم خافوا ربنا لأن الحساب عسييييييييييير
وكفاية على المنتخب مرتبات اللعيبة والهدايا والإعلانات والدعاية وخلافه
وبعدين أعتقد إن اللعيبة دي لازم تتبرع للغلابة اللي خرجوا عشانهم ولازم التبرع يكون علني وده مش عيب بالعكس ده بيكون حافز عشان الكل يتشجع ويبقى يتخصم من الضرائب والا الوزير مش حيرضى عشان الفلوس حتدخل جيوب الغلابة وفي النهاية
اللي اختشوا ماتوا

ده تعليق لواحد مصري بجريدة الدستور على مقال لسرقة الحزب الحاكم لأموال الشعب و دفعها للمؤسسات الأمريكية لتلميع جزمة حسني و جمال مبارك

يلعن ابو دي بلد

أو ريشة
‏قال غير معرف…
و ده تعليق ثاني


منتهي الفشل ! حتي الدعاية للحكومة والإشادة بالرئيس وإبنة بقت أمريكية،مش غريب دا ماهو كل صناعتنا صينية! وصحتنا في النازل من كتر أكل الفول والطعمية!وبعدين المماليك قدموا كثير لمصر كلام جميل وماذا قدمت الحكومة الإلكتروكيتية!لشعب مصر إلا القوانين الباهظة والسب بالدين والعشوائيات والكومبيوتر لكل بيت! وحاجات كثيرة في السكة والكباري والطرق وياما في الكتاب يا حاوي،إفتكروا معايا كدا من أجلك أنت ! فعلا اللي بيحصل فينا دا من أجلكوا كلوا وعجبي

إيه رايك انتي

أبوريشة
‏قال أحمد.خ…
أقترح عليك عمل مدونه رومانسيه مستقله
‏قال Unknown
مساء الجمال يا قطة
ما احلى كلماتك التي تشع الم متوج بنور الامل
تحياتي لك و مودتى دائما
‏قال غير معرف…
يا قطة يا قطة
ما ينفعش تكوني قطة في غابة مصر
اقلبي أسد أو ذئب علشان تعرفي تتكلمي كويس و تاخذ حقك

كمان مرة يلعن ابو دي بلد
ابوريشة
‏قال غير معرف…
اندهش صديقي من أن طعام العشاء الذي أقامه الرئيس علي شرف المنتخب المصري كان يضم فقط البيتزا وساندويتشات الكبدة ـ حسب المصري اليوم ـ، فقلت له (إديني مليون جنيه في إيدي وأنا أروح أتعشي معاك تراب)، الأصدقاء لعنة.. واحد منهم يري أن الجميع سيتورط في افساد (جدو) بالمدح الزائد والتدليل والهدايا إياها سألته عن الهدايا إياها فقال لي إن محافظ البحيرة أهدي جدو شقة في دمنهور فسألته: وكيف ستفسده، فقال لي (شاب ونجم وحليوة..أكيد هيجيب فيها نسوان)، وهو الكلام الذي اعترضت عليه جملة وتفصيلاً، إلا أن صديقي قال لي (هو ده حال أي لعيب يروح الزمالك)، صديق آخر لفت نظري إلي أنه بعد الإعلان عن حفل تكريم المنتخب الذي سيخصص دخله لضحايا السيول والذي سيحييه عمرو دياب بعدها بيوم واحد بدأ تامر حسني في الإعلان عن حفله الذي سيخصص دخله للغرض نفسه، ثم قال لي كنت أعتقد أن ضحايا السيول في حاجة لنا لكن تامر جعلني أكتشف أن هناك من هم في حاجة لضحايا السيول.

عن مقال في جريدة الدستور

أبو ريشة
‏قال غير معرف…
الاسلوب اللى الشعب المصرى كله عايش بيه
الا و هى الشحاته
كل اعلانات التليفزيون شحاته اللى بيشحت عشان يبنى مستشفى للاطفال
و اللى بيشحت عشان بطنيه للصعيد
و اللى بيشحت عشان يلم شويه اكل للغلابه
و اللى بيشحت عشان يجوز كام شاب مش لاقى يتجوز
و اللى بيشحت معونه من الامريكان
و اللى بيشحت قمح من مش عارف فين
و اللى بيشحت عشان يبنى المتحف الجديد
و اللى بيشحت من اهل منطقته عشان يركب شبكه صرف صحى فى المكان اللى عايش فيه عشان زهق من كتر التنطيت على الطوب هو و عياله
و اللى بيشحت عشان يحج
و اللى بيشحت عشان يعالج ولاده
و اللى بيشحت على القهوه
و اللى بيشحت فى اشاره المرور
و اللى بيشحت فى مكتبه عشان المعايش و الحياه و المرتب مش مكفى (الرشوف و الفساد)
و اللى بيشحت اصوات الناس عشان ينجخ فى الانتخابات و يدى للناس فلوس عشان هما اساسا بيشحتوا عشان يعيشوا
و اللى و اللى واللى
و بعد كده عرفت ان الحسنه الوحيده هو ان مصر كلها بقت بتشحت
من كبيرها لصغيره
و حسنه قليله تمنع بلاوى كتيره
و ربنا يجعله عامر يا بيه

أبو ريشة
‏قال قناة الجمال
احييكي على عمق المعاني ودقة التعبير
‏قال Desert cat
Tears
طبعا الامل هو سر الحياة
‏قال Desert cat
rony
يارونى يا روح قلبى دى لحظات بتيجى وتروح ممكن اعبر عنها فى وقتها بالطريقة الملخبطة دى
معلشى حقك عليا انا
‏قال Desert cat
ع.ع
احساسك حلو اوى
بس يارب اكون دايما عند حسن ظنك

محبتى ومودتى يا اغلى الناس
‏قال Desert cat
ابوريشة بيه
وياترى الفلوس ده مش بتظر ليه فى الضرايب اللى بيقرفونا بيه والكهربا اللى كل يشهر تزيد 50 % وفواتير التليفون والاكل والشرب ده حتى رغيف العيش ياراجل
هو الشعب ده مش يستاهل منهم يرحموا دين اهله شوية
‏قال Desert cat
وتانى ابوريشة اللى هيودينى فى داهيه ودينى لاعترف عليك وانت اللى بتكتب الكلام ده مع انى مش عارفاك مين بس هعترف برضه عليك
انت بقى زعلان من ايه ما البلد زى الفل اهى شوارع متكسرة وبلاعات بتبلع اى حد ماشى من جنبها وكبارى متطحنة ومخدرات سعل تلاقيه لكن ممكن تموت فى طابور عيش
زعلان ليه بقى
يبقى الناس تاعبين نفسهم وكعاملين لنا كل ده ومن اجلك انت برضه واحان كمان متضايقين ملناش حق بجد
‏قال Desert cat
أحمد . خ
اقتراحك حلو يا احمد بس للاسف انا مش من هواة تعداد المدونات انا من انصار مدونة واحدة تكفى
‏قال Desert cat
malika
صديقتى الجميلة دائما ردودك تبهجنى
وبجد بفرح جدا لما بشوف اسمك منورنى
محبتى ومودتى ارق مليكة
‏قال Desert cat
ابوريشة اللى مصر يودينى فى داهية برضه
اقلب اسد ازاى
يعنى اعمل عملية واتحول
‏قال Desert cat
يا ابو ريشة
بالمناسبة اتكلموا فى موضوع التدليل لجدو ده على التلفزيون فى برنامج دائرة الضوء وابراهيم حجازى نفسه كان كل شوية يقول انا خايف على جدو من نفسه مش من اى حد تانى
وربنا يستر
حفلة عمرو دياب بدأها فريق الساجدين بسجدة فى الاستاد
ومبروك للكورة السجود عقبال ما يلبسوها النقاب
‏قال Desert cat
تبو ريشة
انا معاك فى كل حرف كتبته عن الشحاتة
حتى اعلاقنات التلفزيون اغلبها شحاته وتبرعوا واللعيبة يقبضوا بالملايين والشعب الغلبان ياخد على قفاه طب وبعدين هنفضل عايشين فى السواد د ه ؟؟
‏قال Desert cat
قناة الجمال
ميرسى جدا لزوقك
‏قال كافى خيرى شرى…
قرأت هذا البوست أخيرا وصعبان على أعديه من غير تهنئتك على أجمل احساس من اجمل قطه
‏قال Desert cat
كافى خيرى شرى
ميرسى جدا لحضرتك
المهم ان البوست عجبك

المشاركات الشائعة