ما تيجى نتعرف !!

اغلب تعليقات الأخوة المؤمنين جدا المحترمين خالص اللى داخلين يدافعوا عن خبر أول خطوات فرنسا نحو حظر النقاب وهو منع المنقبة من استخدام المرافق العامة مثل دخول الاماكن الحكومية وركوب الأتوبيس .. طبعاً كالعادة التعليق على اى خبر يمس النقاب او الحجاب دايما المتصدرين ليها رجالة .. والبنت الوحيدة اللى علقت على الخبر قالت خلاص حتنتهى الاشباح من فرنسا واللى مش عاجبها ترجع تعيش فى دول العالم الثالث .. والرجالة الحمشين المؤمنين بالقوى خالص اللى كانوا بيقولوا بيحاربو الاسلام اعااااااااا بيرهبونا اهئ اهئ عوووو سابوا الخبر والموضوع وعملو رجاله على البنت اللى يقولها شكلك مقضياها واللى يقولها انتى بتمشى عريانة والذباب بيتلم عليكى واكثرهم فكاهه بقى التعليق ده
بواسطة: darsh
بتاريخ: الثلاثاء، 26 يناير 2010 - 15:45

شكلك كده 100% ممكن نتعرف

هو الرجالة المثارة على روحها دى واللى رافضه العلاج وعايزة تكفن المرأة برضه بيقولوا من أجل الأخلاق راحت فين اخلاقهم بمجرد نزول تعليق البنت ؟؟
امال فين الأخلاق فى الشارع وهما ماشيين يتحرشوا بالمنقبة قبل اللى مش محجبة ولو قولت له هو انت شايف منها حاجه يقولك ياعم ماهى لابساه علشان تتدارى فيه وفى الحالة دى هو أصدق طبعاً لأنه عارفه هى لابسه النقاب ليه والغرض منه ايه ؟؟
امال فين الأخلاق لما يدخلوا اصحاب الحناجر العالية واللسان السليط فى حوار يخص قطعة القماش ولما تفكر تشوف بروفايلة وانت متوهم انك هتلاقى كل اصدقائه محجبات وذوى لحى ده اقل واجب يعنى لكن المفاجأة انك تلاقيهم من ذوى الشعور الملونة والصدور المدلدلة ومش فيهم ولا راجل يوحد ربنا
امال فين الاخلاق لما السادة اللى انبروا من لسانهم النقاب عفة النقاب فضيحة قصدى فضيلة النقاب وما ادراك ما النقاب واول ما شافو اسم بنت مع انها ممكن تكون ولد وبيشتغلهم يعنى بس مش مهم المهم ان فى اى حاجه تدل على الانوثة ورايحين يتعرفوا
بجد عالم منافقة ومقرفة وبسبب نفاقهم ووساختهم كل العالم مبقاش طايقهم الناس بقت بمجرد ما تسمع اللغة تخاف منهم من ايه يا حلوين ؟؟ ماهو من أعمالكم سلط عليكم .. وكمان رايحين تشاركو الناس فى بلادها ... دى اى بجاحة اللى بتتكلموا بيها ممكن توافق واحد لمجرد انك بتاكله وتشربه وبدل ما يشكرك على النعمة اللى انت معيشة فيها لانه مش لاقى ربعها فى بيت اهله يجى يورث مع ولادك فى بيتك لاء وكمان يفرض عليك تعمل ايه ؟؟ ده مين اللى ادى الناس د الحق فى كدا ؟؟
" ان لم تستحى فافعل ما شئت "


بالذمة دى مناظر ؟؟ يععععععععع

تعليقات

‏قال غير معرف…
انا متابع مدونتك بس يمكن ده اول تعليق ،بالنسبة للموضوع ده لما بقرأ التعليقات على موضوع من هذه الشاكلة في اي موقع اخباري باصاب بحالة غثيان لسبب بسيط ان هذه الناس من -زي مابقولو - الطبقة المتوسطه بعنى ان ده راي غالبية الناس في مصر مع الاسف وزي مابقول راسل ان الفضيلة هي رأي الأغلبية ودي مشكله عشان تحاولي تغيري نفوس الملايين المشوهة بمجهود موجه لناس اساسا متفقه معاكي في الرأي ده نداء في ملطة ،ربنا يخللنا الاعلام -اسف - القذر ،البتروريالات ، وربنا ياخد بالمره اللي بسمه نفسهم مثقفين ، هما في عالم والناس في عالم تانية
محمد
‏قال Tears
عارفه ليه كل اللى بيثور رجال؟

لان عندهم كبت و عقدة نقص لان النظام امتهنهم و محى رجولتهم بالعشرة فى كل المناسبات و موريهم القهر و ملبسهم طرح فما بيصدقوا يجوا على المخلوق الاضعف اللى هو المرأه و يقهروها عشان يرتاحوا شوية و ينفسوا بدل ما قفا الحكومات العربية معلم على رقبتهم

بيجوا على تاجها اللى هو شعرها و يقولولها غطية مع ان اباء و اجداد الرجالة دول كانوا عايشيين فى مصر فى الستينات و الاربيعينات و الازهر و كان الستات كاشفين شعرهم بس لانهم زمان كانوا رجالة

و لو هو قابل على نفسه يبقى ذبابه فانا مش قطعه حلوى انا انسانه روح و مشاعر و عقل و لو هو مش متربى بالقانون و الجزمة القديمة يتربى زى بالضبط ما بيمشى زى الكلب الجربان فى اوروبا لا يجرؤ لا يتحرش و لا حتى يبص

الحجاب و النقاب اكذوبة و لا علاقه له بالاسلام و نشرت عندى بحث ازهرى لاستاذ شريعه فى جامعه الازهر يؤكد انه مش فرض و انه عادة و ليس عبادة و على فكرة مش هو الوحيد اللى بيقول كده و اللى ح يكلم ح حط كل الملفات اللى عندى و الكتب فى عينه

دمتى بخير و اى حد متأسلم يكلم و لا مش عاجبه ح نرد عليه و ح نفضح ضعفة و عجزة و حيوانيته اللى مش مخلياه يفكر غير بنصه الاسفل لانه تخلى عن انسانيته

جاتهم القرف اساءوا للدين بريالتهم اللى بتنزل على هدومهم قدام شوية شعر
‏قال نونا مجدى…
فات الأوان ولم يعد من الممكن السيطره عليهم فقد تركتهم فرنسا وغيرها حتى توغلوا وبدأوا أسلمتها والإدعاء بأنهم مضطهدون وإنتظروافرنسا وهى تعانى من العشوائيات والتخلف الفكرى وعليه العوض فى دوله ستتحول إلى العالم الثالث على مدار 10سنوات على الاكثر
‏قال karim
واللة سيدتى مش عارف مين صح و مين لا, انا شايف انها حرية بس فى حدود لو فى قلق يبقى مالوش لازمة,انا مش فاهم ليية التعصب دة اذا كان عند بيت ربنا عند الكعبة لازم المراء تكشف وشها و كفها, يبقى ايية بقى ليية كتر الكلالام ووجع الدماغ و القلب, تحياتى
‏قال rony
هو بس انا كنت عايزه اسأل سؤال
هو لما تكشف وشها هينقص منه ايه
ده على حسب ملوماتى انها لازم تكشف وشها
وايديها واعتقد القدم مش متأكده
على الاقل هتبعد عنها الشك والفتنه
والناس تبقى ماشيه فى الشارع متطمنه ومرتاحه
مش عارفه يا قطه انتى جريئه لدرجه
انه يتخاف عليكى
ربنا يوفقك فى الطريق ده وتنورى العقول المطلثمه يا بنتى

تحياتى يا قطه
‏قال Kontiki
ازيك يا قطة
عارفة المشكلة مش فى النقاب فى حد ذاته كزى لو اختارتة سيدة واحدة بمحض ارادتها حتكون حالة فردية غير ملحوظة المشكلة فى تعميمة والباسة ثوب الدين اعتقد ان تحويل مجتمعنا بدأ بخطوات اخدت طابع سريع شوية يعنى بداوا اولا بالقنوات الدينية وبعدين بقى المشايخ نجوم المجتمع و الرنات وبعدين بقت الناس تجرى تصلى التراويح فى المسجد الفلانى عشان الشيخ فلان فية يعنى القيمة ما بقتش الصلاة فى ذاتها بقت الشيخ واللمة و سد الشارع القيمة ما بقتش الصلاة فى ذاتها بقت فى مدى علو صوت الميكرفون والتجمهر والاحساس بعنصرية الانتماء لفئة معينة تؤدى شعائر
معينة ثم بعدها نشر الحجاب واخبار الفنانات اللى اتحجبوا و ربنا تاب عليهم والبنات بردار الانثى عرفوا ان الشباب بيجوزوا المحجبات بس فكلهم لبسوا الطرح
تصدقى انا كنت واقفة مرة مستنية الترام لقيت منقبة بتقول لصحبتها اية
انا مش عارفة اعمل اية اتحجبت متخطبطش وبعدين لقيت النقاب هو اللى انتشر اتنقبت و برضة متخطبتطش اعمل اية
:)
وطبعا مع كل دة كان فى تيار ظالم بيظلم كل بنت غير محجبة وبيقول عليها الاقاويل فبالتالى كنوع من الحماية لنفسها او ضعف من المجتمع بدا صنف تانى من البنات يتحجب برضة
وبعدين اخد التيار شكل حجاب و جينز لا لازم عباية يا ختى
وهلم جرا لحد ما وصلنا لاول خطوات انتشار النقاب فى مصر
بصورة مخيفة فى الممرضات و المدرسات
المشكلة انه بيفقد الناس القدرة على التواصل الانسانى
يعنى تعبير وش البنى ادم بيقول كتير فمينفعش اكلم انسانة متخفية
احكيلك حاجة بمناسبة الرد الطويل دة
انا ساكنة فى حى فى سفارات وانا ماشية باليل لقيت منقبة ورايا
طبعا انا قلقت افرض راجل ومتخفى او ارهابى مديت فى مشيتى مدت ورايا جريت جرت ورايا ودخلت من شارع جانبى
طبعا انا كان قلبى حيقف هى جرت لية و جاية حى مستهدف لية وهى مش من سكانة معرفش
يبقى كدة كضرورة امنية بلاش نقاب
بلاش تخفى
بلاش قلق
مش ناقصاهم
تقبلى مرورى
:)
‏قال غير معرف…
بقى الضرايب ليها بلاوى؟؟؟ماااااااااااااشى
‏قال ابو احمد
آخر موضه ياقطه هى الشحاته بالنقاب مش عارف شفتى الحكايه دى والا لأ؟
تحياتى
‏قال غير معرف…
الى كل المغيبين
الم نحذر مرارا من الدوله التى يحكمها الأسبداد باسم السماء
اعدام معارضين فى ايران والتهمه طبعا انهما من اعداء الله
وكان المستبدين بساوون بين انفسهم وبين الله
هل يشغل المغيبون او السذج عقولهم
‏قال غير معرف…
تعليق على تيرز
تقول ان القهر السياسى هو السبب فى حيوانية المتاسلمين
ولكن لم ترى مصر مثل هذا ايام عبد الناصر وهى كانت فتره لاتعرف حتى حرية التعبير الموجوده حاليا
كما فى جرائد المعارضه والصحف المستقله
شىء من هذا لم يكن يمكن ان يحلم به الناس ايام عبد الناصر
ومع ذلك كان الميكروجيب لا يلفت الأنتباه
مصر بهذه الأوضاع مهدده بالقضاء على الدوله المدنيه وبحكم الدوله الدينيه التى تعدم المعارض كعدو لله كما حدث فى ايران منذ يومين
‏قال Tears
الى الذى لم يجرؤ على تعريف نفسه

لو كنت كلفت نفسك عناء قراءه كلماتى للنهاية او زيارة مدونتى لعلمت انى علمانية و انى ضد المتأسلمين و لكن التعصب أعمى و لا يختلف متعصب متأسلم عن اخر غير مـتاسلم..ده مرض
‏قال Desert cat
Anonymous
اولا المدونة تشرفت بحضرتك سواء متابع او كاتب تعليق
اما بالنسبة للمدونة اغلب التعليقات انا مش بنشرها لانها بتكون حاملة لسباب وقذارة وقلة ادب وانا كنت اخدت على نفسى عهد من ما عملت المدريشن كومنت مش اخلى الناس دى تشوف لها تعليقات على البلوج

تحياتى ومودتى
‏قال غير معرف…
استكمالا لما سبق
مصر والمشرق العربى عامة
مصر وسوريا ولبنان وفلسطين والأردن والمغرب العربى تعرضوا فى لحظه لم تنضج فيها بعد ثمار جهود التنوير منذ رفاعه الطهطاوى ومحمد عبده وشكيب ارسلان
ولا اذكر نظراء لهم فى المغرب العربى
مثل الحداد واباديس
والتونسى
-----فى هذه اللحظه التاريخيه الحرجه هبت عليهم صاعقة الفوره البتروليه فى اشد مناطق العالم العربى تخلفا
فشوهت ثقافة البداوه وتفسيراتها المنغلقه للنص الدينى
ما كان قد تم انجازه من نهوض او كان فى طريقه للأنجاز
وكانت فترة عبد الناصر فتره تحجيم لهذه الثقافه لفضل المد الناصرى
ومن توابع هذا الزلزال المدمر ماانتشر من قيم السعى للمال دون جهد وعشرات التشوهات التى اصابت مجتمعاتنا
‏قال غير معرف…
الى تيرز
الحكايه مش خناقه
دى كلها اجتهادات
واولى ان تقولى لنفسك ملعون التعصب فلا داعى للتعصب لرايك
انا اطرح عليك طلب اذا كان تحليلك صحيحا فكيف تفسرين
اهتفاء كل هذه الأمراض فى الفترة الناصريه وكانت لا تسمح ختى باى راى معارض ينشر؟
ياريت تفيدينا بلا حناق
‏قال سمراء
قال لي صديق ان المقصود بغض البصر اعمق بكثير من ذلك المفهوم المتعارف عليه في بلادنا والمرتبط بالجنس
انما المعني الاعمق فهو في اي نظرة جارحة كانت لفقير او معاق او او او

يبدو ان الجنس هو محور تفكير


سمراء
‏قال Desert cat
Tears
نظام المقهور بيدور على اللى اضعف منه علشان يقهره بدل ما يثور على القهر والطغيان
برضه العامل الاكبر على المتعرعرين بتوع القنوات العرعورية اللى مصورين المرأة على أنها شيطان
‏قال سؤال…
اذا كان القهر السياسى هو السبب فى حيوانية المتاسلمين وانمتشار التحرش هو السبب فهل لا يحس نصف المجتمع وهم النساء بنفس القهر
فكيف ينفثون عنه
ههههههههه
‏قال Desert cat
نونا مجدى
انا نفسى اعرف اللى حاسس باضطهاد فى بلد مش بتاعته قاعد فيها بيعمل ايه وباى بجاحه بيصرخ انهم مضهدينه ده بنى ادم معندوش كرامه اللى ناس مش طيقاه وهو لازق عندهم وكمان بيشتكيهم
‏قال على باب الله
عادي يعني مجاهد و سلفي و بيعاكس مفيش مشاكل ... هذه نقرة و تلك نقرة تانيه خالص سعادتك
ثم ان زي ما الزبون دائماً على حق المرأة في الدول المتعرعرة دائماً على خطأ
‏قال غير معرف…
I have to thank you for today's morning giggles :D

rabena yennawar noor 3o2olhom w yettafy nar um, a3da2hom el tanasoleyya :D

The cost of being a modern open minded human is tolerating the existance of such dark-age belonging dull-minded apes.
‏قال Desert cat
karim
انت حر مالم تضر يا كريم
لكن اى حرية فى اللثام ؟؟ والتخفى عن اعين الآخرين
‏قال Desert cat
rony
هو مش هيجى حاجه بس اقنوعها انها عورة
ميرسى رونى وربنا يستر
:))
تحياتى
‏قال Desert cat
Kontiki
طبعا كلامك كله منطقى جدا لان فعلا ده المسلسل الحصل النقاب لكن المشكلة الاكب فى اللى اقتنعت انها عار وعورة ولازم تستخبى وغالبا بامانة يعنى بيكون تخفيهم رحمة اصلهم بيبقوا اللهم احفظنا
‏قال Desert cat
Anonymous
اوبسسسسس
شكلى وقعت فى شر اعمالى
ده الضرايب دول حبايبنا وروح قلبنا وعنينا الاربعه
صافى كدا ولا هيتعملى محضر تهرب ضريبى
:))
‏قال Desert cat
ابو احمد
شفتهم يا دكتور ومنتشرين بشكل بشع على الارصفه
تلاقيها منيمة عيل وجنبه ازاة محلول وتقولك اتبرع له بعد شوية الواد يقوم زى القرد
‏قال Desert cat
Anonymous
اذا كانوا مشافوش الحكم فى مصر واللى يعترض على الاخوان المنتفعين يتقال عليه كافر .. بس مين يعى الدرس
‏قال Desert cat
سمراء
طبعا احنا فى المجتمع اى جملة فيها بصر او نظر او امراة او اى حاجه فيها تاء تانيث يبقى المفهوم على طول جنس
‏قال Desert cat
سؤال
النساء اقنعوهم انهم سبب الفتنة وكل البلاوى وانهم اكثر اهل النار علشان كدا لا تجرؤ ترفع صوتها اصله عورة يبقى هتفكر فى التنفيس عن الجنس ؟؟
‏قال Desert cat
على باب الله
طبعا وهى كمان مرأة وداخله تكتب تعليقات فى النت دى مرأة لازم يقام عليها حد الرجم حتى الموت
‏قال Desert cat
Gurren Lagann
ههههههههههههههههههههه
دعوتك جامدة
ربنا يتقبلها
آمييييين
‏قال غير معرف…
أهلا بالقطه
كلامك دائما عقلانى و مضبوط و لى تعليق بسيط و هو ان الانسان ولد حرا و يرتدى ما لا يؤذى غيره، لهذا انا لست ضد من ترتدى النقاب و لكم، بدون ايذاء للبشر ، بمعنى انها لا تقود سيارة ولا يسمح لها بالقيادة لانها لا ترى الطريق جيدا و هذا ما نفعله المملكة السعودية مع المنتقبات. أيضا لا يصح ان ترتدى الممرضه او الطبيبة للنقاب لما فيه من ميكروبات و يعوق التواصل بين المريض و المعالجين.
من حق أى رجل ان يطلب من إمرأته ان ترتدى ما تشاء بدون التأثير على الغير.
و من ترغب فى ارتداء النقاب عليها بالالتزام بالمنزل كلما امكن و يفضل الا تتعلم بالجامعات الحكومية المجانية و تترك الفرصة لمن سيفيد الدولة بالعمل و الانتاج .
اما لماذا يدافع الرجال عن هذا الزى البدوى فلانهم ضعاف الشخصية و ممسوحى الهوية ولا يجدوا ما يبرزون فيه سيوفهم غير زى المراة التى اوصانا الرسول بها خيرا.
و لله الامر.
شريف المصرى
‏قال غير معرف…
أهلا بالقطه
كلامك دائما عقلانى و مضبوط و لى تعليق بسيط و هو ان الانسان ولد حرا و يرتدى ما لا يؤذى غيره، لهذا انا لست ضد من ترتدى النقاب و لكم، بدون ايذاء للبشر ، بمعنى انها لا تقود سيارة ولا يسمح لها بالقيادة لانها لا ترى الطريق جيدا و هذا ما نفعله المملكة السعودية مع المنتقبات. أيضا لا يصح ان ترتدى الممرضه او الطبيبة للنقاب لما فيه من ميكروبات و يعوق التواصل بين المريض و المعالجين.
من حق أى رجل ان يطلب من إمرأته ان ترتدى ما تشاء بدون التأثير على الغير.
و من ترغب فى ارتداء النقاب عليها بالالتزام بالمنزل كلما امكن و يفضل الا تتعلم بالجامعات الحكومية المجانية و تترك الفرصة لمن سيفيد الدولة بالعمل و الانتاج .
اما لماذا يدافع الرجال عن هذا الزى البدوى فلانهم ضعاف الشخصية و ممسوحى الهوية ولا يجدوا ما يبرزون فيه سيوفهم غير زى المراة التى اوصانا الرسول بها خيرا.
و لله الامر.
شريف المصرى

المشاركات الشائعة