باى باى مرشد الطزات الثلاث


حدث انه فى يوم الخامس عشر من يناير كسوف للشمس الساعه 7 الصبح قوم ايه تانى يوم المخبر العام للمحظورة اتغير
وذهب مخبر الطزات الثلاث حيث تصريحاته المتضاربة حنضرب لاء مش ضاربين حنلعب لاء مش لاعبين و..... الخ من التصريحات اللى كان يطلعها بالليل يطلع عليها النار يسيحها محمد حبيب .. واللى مسك مكانه المحظورة محمد بديع الطبيب البيطرى وعلى رأى الأنونيمس مرشد الاخوان دكتور بيطرى على الله يقدر يعالج ما افسدوه ههههههههههههههههههههه
واحب اضيف برضه انه صاحب 3سوابق فى عين الحسود اشهرها قضية سيد قطب سنة 65اتحكم عليه بـ15 سنة قضى منهم 9 سنين وباقى السنين قضاها مراجيح
طبعا كان لازم وحتما ولابد نرحب بالمخبر العام الجديد محمد بديع اللى الاخوانجية محتلين ما شاء الله كل المواقع الاخبارية وقاعدين يرحبوا بيه ويبايعوه وكأنه محمد الفاتح وجاى لهم بالنصر المبين .. امبارح بس كانوا بيبوسوا ايد مهديهم عاكف والنهارده وديع ولا بديع ده اخص عليك يا زماااااااااااان مالكش امان


ملحوظة ( الصورة متقلبة من مدونة حسن الهلالى )

تعليقات

‏قال Tears
بصراحة لو بيحكمنا نظام محترم كان المفروض يقضى على حاجة اسمها اخوان لان ما ينفعش يبقى اسمها الجماهة المحظورة و هى فى كل حته
‏قال Desert cat
Tears
تصدقى انا كمان مش قادرة اعرف ازاى محظورة وازاى محتلين 80مقعد فى مجلس الهباب الموقر
وتحيا بلد المتناقضات
‏قال كافى خيرى شرى…
نظامنا الغبى وصحافته الاغبى بيسميها الجماعه المحظوره ونواب المحظوره ومقرات المحظوره ومرشد المحظوره ممكن حد يقوللى تبقى محظوره ازاى؟سايق عليكو النبى الاجابه بسرعه قبل متجنن
‏قال على باب الله
في ستين طز يا عاكف
--
هي تقريباً محظورة ، على أساس محظورة من العين و اللي يشوفها و ما يصلي ع النبي
‏قال نونا مجدى…
اهو مشى وخلاص عقبال اللى بالى بالكم
‏قال dr.lecter
كانوا جايبيبن اول امبارح ابو العلا ماضي مؤسس ووكيل حزب الوسط مع مني الشاذلي وقعد يتكلم عن تاريخ المرشدين من ايام حسن الهضيبي

امبارح الاهرام جايبه كلمه بين قوسين المحظوره علي اساس يعني انهم اقليه ومضطهدين

كده كده الاخوان خلاص بعد المهزله اللي حصلت في انتخاباتهم دي راحت عليهم

ومهدي عاكف دخل التاريخ لما بقي اول مرشد سابق
‏قال karim
هو دة حال بلدنا المعروف الذى لايوجد بة وعى فى اى شىء, عاش الملك مات الملك, احنا كدة فى كل المجالات, تحياتى
‏قال Sahran
هلا بالقطة

الخبر المضحك هو أن المرشد الجديد طبيب بيطري , وهنا عرفت جماعة الإخوان أن تختار من يشفيها من أمراضها المستعصية
بكرة تلاقيه داخل عليهم بالحقن من الحجم الكبير خليهم يتأدبوا
هههههههه

تحياااااااااااتي لك


ودمت سالمة
‏قال نونا مجدى-مايطلبه المغفلون…
ومن الجماعه اياها للنظام الحاكم نهدى هذه الاغنيه محظوره محظوره منك..مش قادره مش قادره اقولك انى بحبك واعمل ايه مجظوره
‏قال مفكر…
قد يبدو هذا الكلام خارج الموضوع
انا مستفز بفتوحات ثرى عربى هو الوليد بن طلال الذى ينفق الأموال الطائله على قنوات الأغانى واختكار الأفلام المصريه وتعيين الجميلات
ومشاركة امبراطور الصحافه مردوخ طلبا للظهور ...لماذا لا يفكر امثاله فى جلب خبراء تكنولوجيا لتوطين الصناعات المتقدمه فى بلادنا كما فعلوا قديما فى اليابان وكما فعلت دول اخرى حديثا
لتقام المصانع ويعمل الشباب العاطل اليائس فلا ينجذب الى اوهام الجل من السماء على ايدى من يعتقدون انهم مندوبين السماء على الأرض
هذا الموضوع يحتاج الى حمله كبيره
‏قال Unknown
ههههههههههههه صباحك زي الورد يا قطة
بركة ان المرشد العبقري الاول راح في الوبا و عقبال الجماعة كلها و كل من على شاكلتها يمكن البلد تنضف
‏قال Kontiki
الكارثة فى الموضوع يا قطتى الناس الناس هما اللى بقوا منساقين زى القطيع عاوزين مرشد عاوزين ليدر عاوزين فتوى عاوزين حد يديهم دايما تصريح
مش حاسين بانسانيتهم
عقولهم انحصرت فى الاكل و الشرب
انما مثل مبادىء قيم
ما كل الاخلاقيات حتقول لا تسرق لا تزنى لا تحقد حب الطبيعه و توحد معها
حاجات بسيط قوى
مش محتاجة دقن
مش محتاجة جماعه
مش محتاجة خلط اوراق بين السياسة والدين
مش محتاجة كلام عنصرى
ومجتمع بينخر فى السوس و مرتع لكل الامراض الاجتماعية
مش عارفة لية بننسى انسانيتنا احنا مش محتاجين اخوان او اى سلطة دينية عشان تقود الناس وتحكم عليهم ومعاهم مفتاح الجنة
اعتقد اننا محتاجين نرجع مبادىء ومثل وقيم
نرجع للانسان انسانيتة و قيمة
ساعتها مش حيحتاج للاخوان او غيرهم
الاخوان نموج لفساد الجو النفسى و الاجتماعى فى مصر
‏قال Hassan El Helali
يا قطه يا جميله

راح مدرس الألعاب
وجه دكتور الحمير
ربنا يستر علينا من الشحار
أموت واعرف "محظورة" إيه دي اللي عايشه حياتها
أخبارهم في الصحافه وانتخاباتهم في التليفزيون
وعلى عينك يا تاجر
‏قال Desert cat
كافى خيرى شرى
اهو ده اظرف نكته شفتها
نفسى اعرف ازاى محظورة وازاى سايبها تبرطع
‏قال Desert cat
على باب الله
بجد وصف فى محله
‏قال Desert cat
نونا مجدى
اميييييييين
نصحى على خبر جديد فريد من نوعه ولو انى اشك
‏قال Desert cat
dr.lecter
مضطهدين ازاى يا دكتور ولهم 88 كرسى فى مجلس الشوعب الهوائية
ده غير اجتماعاتهم اللى على مرأى ومسمع
ياريت كل الاقليات زيهم كدهون
‏قال Desert cat
karim
بالظبط يا كريم حلو اوى تعبير عاش الملك مات الملك ده بجد بيترجم حال الجميع وليس الاخوان بس
‏قال Desert cat
Sahran
بس ياريت الحقن اللى من الحجم الكبير تحوء يا سهران
تحياتى
‏قال Desert cat
نونا مجدى
عاشت افكارك يا جميلة
بجد اغنية لايقه اوى
‏قال Desert cat
مفكر
دائما تثير نقاط جوهرية جدا حتى لو خارج الموضوع اهلا بكل كلماك بجد خسارة ان حضرتك مش تتكلم عن افكارك للجميع لعل وعسى حد يفهم

دمت بكل الخير
‏قال Desert cat
malika
صباح الفل يا اجمل مليكة
عقبال اى حاجه فاسدة فى البلد يا قلبى لما ياخدها الوبا
‏قال Desert cat
Kontiki
يااااااه بجد كلامك منطقى بشكل جميل جدا انا فعلا سعيدة بكل العقول المحترمة اللى موجودة دى
تحياتى ليكى يا قمراية
‏قال Desert cat
Hassan El Helali
مدرس الالعاب راح يلعب عقله على باب شقتهم يمكن دكتور الحمير يعمل مفعول
محظورة من العين على راى العزيز على باب الله بجد النظام ده يجنن
المحظورة راحت المحظورة جت وهما قاعدين يرقفوا فى الشعب هما الاتنين
دول منتشرين اكتر من الحكومة نفسها

تحياتى ومودتى يا احلى هلالى

المشاركات الشائعة