السرقة حلال بفتوى شرعية

بيقولك ايه يا سيدى انت وهى وهو انك لو سرقت وصلة دش علشان تتفرج على المباراة يبقى حلال ثم حلال ثم حلال امال يعنى حتقطع نفسك يعنى الجزائر تتبلى علينا فى بلدنا ويطلعوا مسجلين خطر فى طيارات حربية يضربونا فى السودان وكمان يمنعوا عننا بث المبارايات ده يرضى مين ده يا عبعال ؟؟
ونظراً لظروف الشعب المصرى المقهور من غلاء الاسعار والبطالة و البنات حتى المنقبات اللى بيخلوا الشوباب الصايع يتحرش على روحه وهو ماشى فى الشارع ومؤخرا حرق بيوت البهائيين وحرق المسيحيين وهدم الكنائس وتهجيرهم من بيوتهم وقتل ولادهم فى ليلة العيد ... راح الراجل الكوبارة الدكتور سعد الدين هلالى أستاذ الفقه المقارن بجامعة الأزهر مطلع فتوى لولبية حلزونية بتقول ايه بقى الفتوى يا بنات وبعدين يا رجالة طبعا ليدز فرست
للمصريين أن يشاهدوا مباريات كأس الأمم الأفريقية على "الوصلة"، مادمت هناك حالة احتكار من قبل قناة الجزيرة لبث المباريات، ومبالغاتها فى شروطها المادية، مما أدى إلى تعجيز الحكومة المصرية عن دفع هذه المبالغ، موضحاً فى الوقت ذاته ارتفاع ثمن الاشتراكات للحصول على مشاهدة المباريات، مما يعد حملا زائداً على الأسرة المصرية. وأضاف هلالى خلال لقائه بالشيخ خالد الجندى فى برنامج المجلس الذى يذاع على قناة أزهرى، أنه يجوز مشاهدة المباريات على "الوصلة" ما دامت هذه الشركات لم تراعى ظروف الناس.
طبعا خالد الجندى اى حاجه فيها سبوبة مفيش مانع واهو الرزق يحب الخفية
هو كل حاجه نطلع لها فتوى ؟؟ امال كنا زعلانين ليه من فتوى رضاع الكبير اذا كان وصلة الدش بقى لها فتوى ؟؟
طيب حدش معاه رقم المفتى وخالد الجوندى دول اصلى عايزة اعرف حكم لبس الشوراب فى ليل الشتاء هل هو حلال ام حرام يا مولانا منك له ؟

تعليقات

‏قال karim
عزيزتى الغالية, انا معاكى انة تهريج الكلام دة وغلط بس انا شاميم ريحة تسيس الدين علشان دية الجزيرة اللى هى على طول ماسكنا غسيل و مكوة فقالوا يرضوا الحكومة و الناس, بس بينى و بينك احسن, وسلميلى على الشفافية فى كل شىء, تحياتى
‏قال مواطن مصري
الوصلة حىل حىل حىل حىل في الجزيرة طبعا

انا لا يشرفني اني ادفع فلوس للقطر او للجزيرة

و بعدين مش فلوس الي اشترت الجزيرة بيها حقوق بث كأس العالم

و الامم في انجولا و الارباح الي هيكسبوها

مش اولى بيها اخوانهم المسلمين المحاصرين في غزة

ولا بس يشتمونا و يهاجمونا ال 24 ساعة على الحقيرة جزيرة

مبروك ل مالاوي

عقبال ما تشيل 6 من انجولا
‏قال مواطن مصري
الوصلة حلال حلال حلال حلال في الجزيرة طبعا

انا لا يشرفني اني ادفع فلوس للقطر او للجزيرة

و بعدين مش فلوس الي اشترت الجزيرة بيها حقوق بث كأس العالم

و الامم في انجولا و الارباح الي هيكسبوها

مش اولى بيها اخوانهم المسلمين المحاصرين في غزة

ولا بس يشتمونا و يهاجمونا ال 24 ساعة على الحقيرة جزيرة

مبروك ل مالاوي

عقبال ما تشيل 6 من انجولا
‏قال سواحة
يا سلام
يظهر الناس لازم تفتى و لا ممكن بعدين حيفتوا على روحهم
رحمتك يارب
الدين يا عزيزتى عند هؤلاء يستخدم لتحيق المصلحه وارضاء الحاكم وتحقيق البيزنس الدين عندهم مطيه لتحقيق المصالح الشخصيه وهذه الفتوى اصدق دليل على استخدام الدين..ة
‏قال غير معرف…
محافظ قنا
هل يحاول ان يبرر
الجريمه الشنعاء فى نج حمادى؟
كشف اللواء «مجدى أيوب» محافظ قنا، أن «حمام الكمونى» المتهم الأول، بارتكاب جريمة «نجع حمادى» اعترف بارتكابه الجريمة متأثراً بواقعة اغتصاب طفلة على يد شاب مسيحي في مدينة «فرشوط»، وبسبب تداول مشاهد مخلة بالآداب على أجهزة التليفونات المحمولة لشابات مسلمات مع شباب مسيحيين.
‏قال لاديني
مثل هذه الفتاوى تدل على مدى سهولة التلاعب بأحكام الدين وفقاً للهوى والغاية والظرف
وهذا يؤكد أنه مجرد محصلة لتراكمات تاريخية وليس لله شأن به

فعندما تكون هناك غاية وغرض لتحليل شيء متفق عليه أنه محرم ، يمكن بسهولة الالتفاف على الآيات والأحاديث بما يحقق المطلوب



وياريت وصلة معاك
:)
‏قال Kontiki
صباح الخير
يا الهى الرحيم
good God
اهو حقا ما تقولى يا فتاة ؟
:D
فتوى عشان الدش و وصلة الدش ومشاهدة ماتش
حيجيلى ذهول فى المخيخ
كل يوم فتوى
الشعب خلاص عقلة ذهب مع الريح عاوز فتوى فى كل حركة فى كل مسألة تافهه او خطيرة
ان عكست الفتاوى شىء فهى تعكس اهتمامات الناس مش اهتمامهم فقط بتحليل كل تصرف بيعملوة كان كل واحد عاوز يسرق بفتوى انه حلال ومش حيغضب الله
دى حاجة نفسية على فكرة
ههههه
الطمع مسيطر على الناس عاوزين الدنيا وفتاوى شرعيةعشان تطمنهم انهم كمان داخلين الجنة
:D
فعلا شر البلية ما يضحك
‏قال مفكر…
لماذا الأحتياج لكل صغيره وكبيره الى فتوى
مثل فتوى فى السعوديه تجعل الأنضمام للقاعده حراما
المشكله ان تعقد الحياه الحديثه
مع عمومية النصوص الدينيه
يجعل من السهل ان يبرر كل طرف تصرفاته بفتوى
وكما قال الشاعر الألمانى جوته
يمكنك ان تبرهن على الشىء وتقضيه بالنصوص
وقبل ذلك قال على بن ابى طالب القرأن حمال اوجه
والنصوص لا تفسر نفسها ولكن البشر بمصالحهم وعقدهم ومستوى ذكائهم وثقافتهم....الخ
ونخن فى الشرق لم نتعود على استخدام عقولنا وننتظر اجابات جاهزه معلبه على امور معقده حديثه
تحتاج الى العقل والتفكير السليم
فهل الأنضمام الى الأرهاب يحتاج لتحريمه الى فتوى
اليس مجرد التفكير العادى يكفى للحكم على مثل هذه العصابات
اننا فى مرحلة طفوله عقليه تنتظر من الوالدين الصح والخطا
فمتى ننضج
‏قال Tears
انا لا اعتقد فى موضوع اسهال الفتاوى ده و شايفة ان ربنا ادانا عقل عشان نفكر بيه..اصلا الاسلام جه عشان يلغى الكهنوت مش يزوده

عموما الجزيرة ح تبث المباريات على القناة التانية المفتوحة
‏قال كافى خيرى شرى…
حللوالقتل مش هيحللوالسرقه؟
انتى مصيبة بجد
بس واللهى على رايك كل حاجة عندهم بقى ليها فتوى والفتوى فته على مزاجهم
ربنا يسامحهم بقى
‏قال نونا مجدى…
صح النوم ياقطه يعنى هى جت على دى؟ماسرقو كل حاجه من غير فتاوى سرقوالارض والاثار وسرقو عمرنا حتى افكار مدونتك سرقوهاوبكره يسرقو المدونه نفسها يامصيبتى تليفونى المحمول راح فين؟
‏قال مواطن مصري
شفتي الصورة دي

http://img682.imageshack.us/img682/3710/n1345839790300464996238.jpg

امير سعودي يقبل يد الملك فاروق

الله يرحمها ايام
‏قال على باب الله
بس الجزيرة مش ها تسكت

ها تستنضفلها هي كمان كام شيخ إيجار جديد علشان يفتو أن قناة النيل للرياضة حرام شرعاً

--
‏قال مفكر…
لقارعة وما أدراك ما القارعة، إن الذى حدث فى نجع حمادى مساء يوم عيد الميلاد، وامتد إلى بعض المدن الأخرى هو نذير بالقارعة.

إن الذى حدث فى نجع حمادى أمر خطير بكل المعايير ويجب ألا نهون من دلالاته، ذلك أن الناس تشعر بحقيقة ما يجرى على أرض مصر وليست فى انتظار بيانات أمنية أو صحفية لتدلها على حقيقة ما حدث.

فى مصر ردة عقلية سلفية لابد وأن نعترف بذلك ونواجهه. فى مصر بثورة خطيرة تطفو على سطح المياه تحمل مظاهر من التطرف والعنف لم يكن المجتمع المصرى يعرفها فى الغائب من سنين القرن الماضى.

أدرك أن مثل هذه التيارات تجتاح بلادا كثيرة فى منطقتنا، بل وفى غيرها من مناطق العالم، ولكن أزعم أن البنية الحضارية المصرية فى جذورها وأصولها بل وفيما عشناه حتى سنوات مضت لا تصل إلى نصف قرن هذه البنية الحضارية المصرية لم تكن تعرف هذا العنف وهذا التطرف وهذا التخلف العقلى المريض.
رجاء تكملة مقال الدكتور يحى الجمل فى موقع جريدة الشروق
‏قال مفكر…
الأقتباس من مقال مهم للدكتور يحى الجمل فى موقع جريدة الشروق ياريت تقروه
‏قال مفكر…
اقتباس أخر من مقال الدكتور يحى الجمل فى موقع جريدة الشروق
ماذا حدث؟
محاولة تسطيح الأمور والبحث عن سبب وحيد لهذه الظاهرة الجديدة الغريبة المعقدة يبدو نوعا من المجازفة الفكرية. إن الأمر أكثر تعقيدا وخطورة من أن يعالج بالتبسيط والتسطيح. هذه الظاهرة الخطيرة سببها المباشر «التدنى العقلى والسلفية الفكرية». أشعر أحيانا أن ما يجب أن نضعه فى أرجلنا خلعناه ووضعناه فى رأسنا، وأن ما يجدر أن يبقى تاجا على رأسنا وضعناه مكان الأحذية فى أرجلنا.
‏قال مفكر…
من مقال يحي الجمل
كانت أم كلثوم تغنى «الله محبة» النور محبة. والآن أصبح لكل فريق وثنه، وأصبح كل وثن يناطح ويحاول إزاحة الوثن الآخر. وصور لنا التخلف العقلى أن هذا الوثن الذى أزيل من أربعة عشر قرنا هو الإله الجديد.

وإلى جوار تدنى مستوى التعليم فإن موجة النفاق الدينى، الذى تبثه بعض الفضائيات وبعض المتخلفين من رجال الدين أو من يطلق عليهم ظلما هذا الوصف ساعدت على زيادة التخلف والتعصب والتطرف.

إن العنف وليد التطرف، والتطرف وليد التعصب. والتعصب هو الابن البكر للتخلف العقلى. وإلى جوار مستوى التعليم وشيوع السلفية الدينية فإن الأنظمة الشمولية، التى لا يعنيها غير البقاء فى السلطة لا يهمها أمر التقدم العلمى بل قد يكون هذا التقدم مصدر خوف لها.

نحن نعيش مرحلة فارقة.
مرحلة حبلى بالمخاطر والقوارع.. فهل نستيقظ؟.. لا حل إلا الديمقراطية والعلم.. أفيقوا يرحمكم الله..
‏قال خالد كامل
استفتى قلبك و ان أفتوك
‏قال Sahran
هلا بالقطة العزيزة

إنه أفيون الشعوب


بغض النظر عن مدى اتفاقنا حول تفسير تلك الجملة , إلا أن الواقع يشهد بأن تلك الفئة من الشيوخ تعرف تماما كيف تسخر النص الديني للأغراض الشخصية و ومصالح الأسياد والأتباع على حد سواء.
المشكلة هي أن النصوص الدينية لم تكن قاطعة بتحديد المعاني المرادة منها , فصارت منهلا لكل نصاب ودجال يأخذ منها ما يشاء ويترك ما يشاء

يا ريت تعذريني على وجهة نظري , وأعرف أنك ممكن تتضايقي من رأيي , بس المشكلة الكبرى هي مع حملة الأديان , وليست مع النصوص التي يستطيع أي واحد أن يفسرها على هواه


تحيااااااااااااتي لك


ودمت سالمة
‏قال ELVIRA
الجدار المصرى على الحدود جدار شرعى مصرح به من الأزهر
الأنضمام الى القاعدة حرام
نحن فى حالة سعار فتاوى ياعزيزتى قطة الصحراء
أما موضوع الجزيرة فأنا لا يمكن أدفع فلوس للقناة اللى طلعتلها دولة ترانزيستور
على رأى العلامة أحمد رجب
‏قال سنيوره…
اذا لم تستح فافت بما شئت
‏قال Unknown
ذو العقل يشقي في النعيم بعقله ...
وأخو الجهاله في الشقاوه ينعم .
‏قال غير معرف…
اختارت المحظوره طبيب بيطرى
مرشدا لها
لعله يفلح فى معالجة امراضها المستعصيه
هههههههههه
يعني انا شايف انها مش فتوي بقدر ماهي نوع من انواع الضغط علي قناة الجزيرة لان الاسعار فعلا مبالغ فيها جدا
الغريب بس انها تيجي من علماء الدين .. انما انا شايف انها بعيدة كل البعد عن مصطلح فتوي
‏قال Desert cat
karim
واى شفافية يا كرم دى الشفافية زهقت مننا وقالت حرام كفاية
‏قال Desert cat
مواطن مصري
ياباشا محاصرين غزة مين
محاصين غزة المصريين يروحوا يحاربوا لهم والجزيرة وقطر يردحوا لهم
‏قال Desert cat
Wanda
ماهو كل حاجة دلوقتى بقت الفتة فيها هى الحل لراحة الضمير
‏قال Desert cat
سهيل ولى الدين علام
كل حاجه تثبت ان الكل تصرفاتهم تثبت ان الدين وسيلة عندهم وليس غاية لكن هنعمل ايه فى العقول اللى بتجرى وراهم
‏قال Desert cat
Anonymous
محافظ قنا لو عندة ذرة من اللون الاحمر كان استقال بعد البلاوى اللى بتحصل تحت رعايته دى
‏قال Desert cat
لاديني
العالم المتخلفة ببتستخدم الدين لاغراضها وتحقيق مكاسبها والناس الغبية بتجرى وراهم وتصدقهم
‏قال Desert cat
Kontiki
اصبتى كبد الحقيقة يافتاة وقلبها كمان
‏قال Desert cat
مفكر
متفقة جدا مع رأى حضرتك
‏قال Desert cat
Tears
طيب كطلامك كل الناس العاقلة مش تقدر تعارضه لكن مين اللى يفهمه ؟؟
‏قال Desert cat
كافى خيرى شرى
عندك حق
‏قال Desert cat
شفـقــة و إحســــان
شفقة واحسان عندنا يا مرحبا يا مرحبا
المشكلة فى الناس اللى بتصدق وتجرى وراهم وحالة الكره اللى فى النفوس دى الناس بقت مش طايقه بعضها
‏قال Desert cat
نونا مجدى
حالواولا كتير يا نونا يسرقوها لو احسب لك الباتشات اللى كانت بتتبعت مش حتصدقى
‏قال Desert cat
مواطن مصري
الحيوانات اللى سافروا هناك هما اللى عملوا فينا كدا يا مواطن بتقليدهم الاعمى
‏قال Desert cat
على باب الله
ده دلوقتى بقى فى ركود فى الشيوخ وكل واحد ماشى معلق يافته على صدره شيخ للايجار
نياهاهاها
‏قال Desert cat
مفكر
لا املك سوى دعوتك فى اخر المقال
افيقو يرحمكم الله
تحياتى ومودتى
‏قال Desert cat
مهيج الجماهير
ومين بقى اللى يفهم كدا ؟
‏قال Desert cat
Sahran
اه يا سهران تناسوا ان اللى يقتص من كلمات ربنا ما يناسب هواه ماواه جهنم وبئس المصير ومسكو فى قص الكلام اللى يعمل فتن وحرايق وقتل وشغالين قص الهى تتقص رقابيهم
‏قال Desert cat
ELVIRA
الفتوى بقت على حسب حجم طبق الفتة يا عزيزى
‏قال Desert cat
سنيوره
مش كدا برضه
‏قال Desert cat
فركشاوي ..ناوي
واحب برضه اقولك ان آفة كل شيئ الجهل
ومش عيب انك تتعلم قبل ما تتكلم ولا ايييييييه
‏قال Desert cat
Anonymous
هههههههههه
بجد عرفوا يختاروا
‏قال Desert cat
ناجي العلي 2000
طيب احنا نعمل ايه اذا كانوا هما بيقولوا فتوى

المشاركات الشائعة