Desert Cat Search
قطه الصحراء: 11/1/09 - 12/1/09

Sunday, November 29, 2009

خلف الأبواب المغلقة

منذ ما يقرب من العام تقابلنا فى أحد الأماكن العامة صدفة وهى التى كانت زميلة دراسة وانقطعت اخبارنا بانشغالنا فى ظروف الحياة .. جلسنا نتبادل اطراف الحديث وما ان سالتها عن اخبارها الا وجلست تحكى عن خطيبها الذى اشعرتنى بان كل ما مضى من حياتها كأن لم يكن حيث انها لم تذكر شيئ قط من كل الايام الماضية الا انها بدات بيوم خطوبتها وكانه كان يوم ميلادها .. كنت سعيدة جدا بكلامها وانه الشخص الذى دعت الله ان يرزقها به ولقد استجاب الله لدعواها حيث وهبها الله اكثر من ذلك فهم متطابقين حتى فى تاريخ الميلاد نفس اليوم ونفس الشهر ونفس السنة بل ظروفهم ايضا فهو الولد الوحيد لاسرته وهى البنت الوحيدة لاسرتها .. وطوال حديثها عنه وذكره محاسنة وصفاته وانا اردد الله يتمم لك على خير .. هبت علينا كإعصار جوستاف دون مقدمات او سابق انذار وسلمت عليها بكل برود .. ثم تبعتها بسؤال هو مين اللى بيقعد معاكى فى البلكونة ده .. ردت بكل سعادة خطيبى .. هو انتى متعرفيش انى اتخطبت ولا ايه ؟؟ ردت عليها بلامبالاة اه سمعت .. سمعتى ازاى اذا كنا عزمناكو ومامتك حضرت واستغربت انك مش جيتى .. قاطعتها بصى هو انتى مكتوب كتابكو ..قالت لها لاء كتب الكتاب هيبقى مع الفرح ان شاء الله .. ردت عليها باقتضاب .. امال ازاى تسمحى لنفسك تقعدى معاه فى البلكونة لوحدكو .. هو انتى مش تعرفى ان كدا عيب وحرام .. كل اللى فات وانا قاعدة متابعة فقط دون ان انطق بكلمة .. لكن ما ان نطقت جملتها الاخيرة الا وتدخلت .. طيب معلشى هو انتى اسمك ايه فى الاول قبل ما اتكلم اصلك دخلتى علينا كدا من غير احم ولا دستور وكانك فاتحة للبنت محضر .. ردت دون اهتمام سمر الدكتورة سمر .. قولت لها اه تشرفنا .. بصى يا سمر وتعمدت ان انطق اسمها دون القاب .. انتى بنفسك بتقولى انك بتشوفيهم قاعدين فى البلكونة .. وده معناه انهم بيقعدوا قدام اهلها .. لاء ده قدام الشارع كله كمان اصل انتى بتشوفيهم ازاى ؟ ردت بانفعال على فكرة انتى بتتكلمى غلط .. قولت لها وجبتى منين انك انتى اللى صح اذا كان مفيش حقيقة مطلقة غير الموت .. ردت باستنكار بلاش فلسفة فارغة .. اندهشت من طريقتها فى الكلام التى لا ترقى ان تكون طريقة شرشوحة من العشوائيات لا دكتورة .. انا بستند للقران كتاب ربنا قال ولا تتخذن اخدان وهى كدا بتتخذ اخدان لانه مش جوزها .. قولت لها بصرف النظر عن طريقة كلامك اللى مش حلوة بس هعديها وخلينى معاكى .. ده واحد دخل بيتها وخطبها ودبلته فى صباعها وبيقعد معاها قدام اهلها وبتقولى انها كدا متخذه اخدان .. امال اللى بتقف على الكورنيش لازقة فى واحد لا خطيبها ولا من باقى عيلتها دى اسمها ايه ؟؟ امال اللى بتخلى اهلها مسافرين وتتصل بصاحبها يجى لها البيت دى اسمها ايه ؟؟ ردت وياريتها ما ردت اللى بتعمل اللى انتى بتقولى عليه ده افضل منها عند الله اصلها مش جاهرت بالمعصية .. هو انتى قولتى لى انتى دكتورة ايه ؟؟ ردت انها دكتورة بيطرية .. رديت عليها كان الله فى عون البهايم اللى بتعالجيهم لو يقدروا يتكلموا كانوا رفضوا ايدك تتمد لهم .. بدات فى الصراخ وصديقتنا اللى كان عليها الكلام واقفه لم تتمالك نفسها من الضحك وما ان سمعتها تصرخ بقال الله وقال الرسولحتى قاطعتها لو شوفت فى عيون اخوك قشة فالاولى بيك انك تشيل الشجرة اللى فى عينك علشان تعرف تشيل القشة اللى فى عين اخوك .. بس علشان انتى بتشجعى المدارى متخيلة ان الناس مش عارفه وقال ايه قال قريت فى كتاب ربنا .. وسبناها واقفة زى الخرسة ومشينا .. افتكرت الموقف وانا بقرا خبر جلد فتاة سودانية مسيحية خمسين جلدة لارتدائها تنورة قصيرة .. هى الشريعة الاسلامية بتتطبق برضه على المسيحيين ؟؟ طيب الستات فى السودان يلبسوا بنطلون يتجلدوا يلبسوا تنورة يتجلدوا .. طيب ايه راى الشرع فى لبسهم شورت ؟؟ وبعدين الاخ اللى بيبحلق على اللى ماشية لابسه قصير ولا بنطلون ده مش يعرف حاجه اسمها غض بصر ؟ البنت قاصر عمرها 15 سنة ومسيحية واتحكم عليها بالجلد واتنفذ الحكم بعد النطق مباشرة دون استدعاء لاهلها .. يعنى اهلها مش عرفوا غير بعد بنتهم ما اتاخدت من السوق واتحاكمت واتجلدت .. حد يجيب لى نص صريح كدا من القران او حديث من السنة يقر بقلة الادب والانحطاط اللى حصل للبنت ده ؟؟ طيب يا اخوة يا بتوع جلد النسوان على بنطلون او تانورة او حتى لابسه براه علشان مش تغش السلعه ايه رايكو فى نسوان دارفور اللى مش لاقيين حتة قماشة تقيهم برد الشتاء والاطفال اللى مش لاقيين لقمة ياكلوها ؟؟ هو الجهاد فى جلد الاطفال الايام دى ؟؟ طيب مين يستحق الجلد الشيوخ اللى بيتجوزوا اطفال عمرهم 15 سنة ولا القاصرات اللى بتلبس جيبة قصيرة ؟ مين اللى يستحق الجلد اللى بيغتصبوا الاطفال فى الظلام ولا اللى ماشيين فى النور والدنيا كلها شيفاهم وعارفاهم ؟؟ ولا طالما كله يحدث خلف الابواب المغلقة اذن لا عقاب ؟

Friday, November 27, 2009

هو ليه بقى العيد مرتبط بالتحرش

سؤال راودنى امبارح بالليل وانا ماشية فى الشارع وامبارح بالليل ده اللى هو كان ليله العيد تحديداً وانا شايفة الشارع على الجانبين شباب ومش سايبين ولا واحدة ست كبيرة ولا حتى طفلة الا لما يسمعوها ما لذ وطاب من الالفاظ .. وان الظروف ساعدته مفيش مانع يلمس اى حاجه ايده تقع عليها .. وبالطبع انا مش بنفى حالات السفالة دى طول السنة لانها عرض مستمر والاقى الولد متحفز للبنت اللى ماشية ولازما وحتما ولابد هيقل ادبه عليها باى لفظ قذر .. حتى لو البنت غيرت اتجاهها تلافيا لسماع اللفظ ده او اى حاجه ممكن تحصل لها .. تلاقيه بيجرى وراها بكل ما اوتى من طاقة لاتمام عمله على اكمل وجه وكأنه شغل بيقوم بيه ولازم يرضى ضميره ... ده لو شغل بجد مش هيشتغل بالامانة والضمير ويبذل الجهده كله .. لكن بتزيد وتتزايد اكتر فى الاعياد .. طب والحل ؟؟
ده انا لفت نظرى ولد بيعاكس بنت اخرها12 سنة وجسمها يكاد منعدم علشان الجماعة اللى بيقولوا اصل البنات اللى بيلبسوا مش عارف ايه علشان اثارة الشباب .. البنت مجرد هيكل ماشى على الارض فين الاثارة اللى فيها علشان اللوح اللى راح يقل ادبه عليها واصحابه واقفين يهللوا مبسوطين بانتصار صديقهم القذر فى موقعة التحرش العظمى .. والعيال الصغيرة كمان بتعاكس وتتحرش ليه ؟ عندها كبت ؟
ليه الشارع بيبقى على الجانبين شباب علشان لو بنت او ست مشيت تكون ماشية فى النص ويبتدى الشاب المثار على روحه باطلاق اقذع الالفاظ لمجرد ان حظها العاثر ساقها للنزول يمكن نازلة تتشرى اكل لولادها ولا دواء لاحد والديها ؟؟
لكن ازاى ؟؟ طالما نازلة فى اليوم ده يبقى نازلة مخصوص علشان الشباب يتحرشوا بيها مش تلوم الا نفسها بقى ..
بعد صلاة العيد المفروض الناس بتنصرف لذبح الاضحية او معايدة اهاليهم وقرايبهم او الخروج مع عائلتهم .. وشبابنا الواعد بينصرف لاكتر الاماكن تجمع يمكن ايده تلمس هنا ولا هناك .. وان حد فكر يقوله عيب كدا ده ان يعنى حد فكر يكون رده فى منتهى البجاحة .. الله وهى نازلة النهاردة ليه يعنى ماهو اكيد نازلة علشان كدا ..
من شوية كنت بتفرج على نايل سبورت شوفت اعلان فيه شوية شباب مصرى زى الورد وكل واحد بيقول جملة مختلفة عن التانى واحد بيقول انا من النهاردة هشتغل علشان افيد بلدى .. وواحد تانى بيقول انا من النهاردة ها اعامل كل البنات زى اخواتى .. انا اتبسطت اوى بامانة وقولت خلاص الاعلام بقى له فايدة وبيوجه الشباب كويس اهو ..الا فى اخر الاعلان الاقى كل واحد هيتغير علشان عربية ؟؟
اه بجد علشان عربية .. يعنى لو مش العربية دى يبقى شغل ايه وبتاع ايه ؟ هو ياخد المصروف من ماما وينزل يشرب حاجه ساقعة ويقف مع صحابه اللى شبهه فى الشوارع يقل ادبه على اللى رايحة واللى جاية .. ولو مش العربية مفيش حد زى اخته غير اخته ؟؟
من يجى اسبوعين كتبت فى الفيسبوك .. عايزين نكتب طلب لوزير الداخلية ونجمع عليه توقيعات كل الناس المستائة من التحرش والمعاكسات والسفالة اللى فى الشوارع دى .. نطالبه بوضع كاميرات مراقبة لضبط المتحرش .. فى ناس كتير اوى وافقت ومن بينهم رجالة سبحان الله لما سالتهم انتوا موافقين على اى اساس ومش بتقولوا اصل البنت السافلة هى السبب .. قاوا احنا مش من الناس اللى بتدين المجنى عليه ونطلع مبرر للجانى .. لينا اخوات بنات بيتبهدلوا هما كمان فى الشوارع .. بس برضه فى ناس احبطتنى وقالت لى الكاميرات مكلفة ووزير الداخلية مش هيعمل كدا حتى لو جمعتوا توقيع الـ80 مليون مصرى .. وفى ناس قالت البنت بتبقى مبسوطة بالتحرش والمعاكسة ..

قوم ايه خير الله اجعله خير كدا الاقى النهاردة جريدة الدستور ناشرة ان حديقة الحيوانات بالجيزة وضعت كاميرات مراقبة فى الجونينة لضبط المتحرشين .. اى والله وده لنك الخبر اهون

كاميرات مراقبة في حديقة حيوان الجيزة لمنع التحرش الجنسي في أيام العيد

طيب طالما فى خطوات ايجيابية وموضوع الكاميرات ده متاح ليه بقى سايبين البلطجية والعواطلية والسفلة دايرين كدا فى الشوارع دون وازع او رادع ؟؟

Thursday, November 26, 2009

دول طلعوا ناس لطاف اوى

لاء بجد انا كنت متخيلة انهم مش ليهم غير فى البلطجة وسرقة شركات المصريين فى بلدهم وقلع هدومهم والكشف عن عوارتهم للسيدات ... كمان المفاجأة إنهم طلع عندهم محامين ... لاء بجد انا كنت فاكرة انهم بيحلو مشاكلهم بقعدات العرب وشيخ القبيلة يخلى الغلطان يقوم يبوس على راس التانى ويدفع له تعويض مائة من النوج الحمر ..

محامينهم الافذاذ بقى عملوا ايه 55 محامى رفعوا قضية سب وقذف على علاء مبارك وطالبين تعويض 5 مليار جنيه

يا خى لا مؤاخذه .. هو ضربنى وبكى سبقنى واشتكى ولا ايه النوظااااام

بجاحة محامى الجزائر..
محامون جزائريون يقاضون علاء مبارك

Wednesday, November 25, 2009

عيد أضحى سعيد

عيد أضحى سعيد على كل المصريين


وبهذه المناسبة العريقة الجميلة ارسل برقيه تهنئة بالعيد برضه لاخوانا الجزائريين دول مهما كان كانوا نفسهم يسبقونا بالاضحى ويضحو بالمصريين .. وبهذه المناسبة العريقة ارسل لهم برقيه محملة بكل وساخات وقذارات الدنيا واقولهم كل سنة وانتوا همجيين
وعلشان بقى نقفل على الموضوع ده

Tuesday, November 24, 2009

لكل صاحب عقل وكرامة

المقال ده انا ناقلاه للناس اللى عندها كرامة بس ولأن المقال كافى ووافى وبتواريخ موثقة اكيد حيفهمو المخطط الخبيث

اللعبة الإيرانية فى الجزائر

شريف حافظ

عندما اندلعت أحداث الإجرام "المؤسس" فى السودان من قبل مشجعين من بعض الغوغاء الجزائريين تجاه أهلنا من المصريين، وتابعت الأخبار التى صدقتها سريعاً للغاية، لتنبؤى المسبق لما سيحدث عقب مباراة كرة القدم بين منتخبى مصر والجزائر، نتيجة لما وقع فى الأسابيع السابقة، لم أجد الإجابة فى ذهنى إلا فى خبر قرأته فى أواسط هذا العام، وتعجبت له، لشدة غرابته. ففى أبريل من هذا العام، "اتفقت كل من إيران وإريتريا والجزائر، لتوسيع تعاونهم معاً ودعم استثمارتهم المتبادلة"، وبالطبع يصبح السؤال الأول، ما هى علاقة تلك الدول الثلاث معاً؟ فايران تقع على ضفاف الخليج العربي، وإريتريا تقع على ضفاف مدخل البحر الأحمر، والجزائر تقع على ضفاف البحر المتوسط! وهنا لا أتهم دولة إريتريا بأى اتهام، ولكن أرى أن إيران تريد العبث بدول المنطقة وخلق الفوضى بكل الطرق الممكنة، حتى وإن كانت بفتح قنوات شرعية ومن خلالها وفيما بعد تقوم بأعمال غير شرعية، مستهدفة مصر بالأساس!

ولكنى توقفت بشدة عندما أحسست بالعلاقة، مع بدء معركة الحوثيين فى اليمن والدعم الذى تمنحه إيران لهم والدعم الذى تمنحه لحزب الله فى الجنوب اللبنانى والدعم الذى ترسله لحماس فى غزة، فإذا ما رسمنا خطاً موصلا بين كل تلك الدول، بدءًا من جنوب لبنان ثم غزة ثم اليمن ثم إريتريا ثم الجزائر، وباضافة قطر فى الطريق، سنجد نصف دائرة متعرجة ومحيطة بمصر! أى أن الاستهداف الرئيس، هو لمصر والدول المعتدلة بالمنطقة!

وللأسف فإن الكثير من المواطنين المصريين مازالوا يظنون أن حزب الله أو حماس يحاربان إسرائيل، وهو أمر غير صحيح، فلو أن حزب الله يحارب إسرائيل لكان قد حرر مزارع شبعا، على أقل تقدير، لأنه كان مدعماً بالسلاح الإيرانى بشدة وقت حرب يوليو 2006. ولو أن حماس تريد التحرير الحق للأراضى الفلسطينية المحتلة فى حرب 1967، كما أكدت فى وثيقة الأسرى، لكانت إرتضت بمد الهدنة فى 19 ديسمبر الماضى، حتى تسمح بفرصة للمفاوضات وبحل مشاكلها مع السلطة الفلسطينية بدلاً من الانقسام، ولكنها تعاونت مع إسرائيل فى درء أى فرصة للسلام، وكانت تستهدف أن تؤجج الصراع حول معبر رفح، بدلاً من الحديث عن العدوان الإسرائيلى!! وقد ظهر فى أزمة غزة بما لا يدع مجالاً للشك، أن حرب حماس وتصريحاتها بمعية دول أخرى، أهم ما يُميزها، هو علاقتها بإيران، أقول أثبتوا أن الحرب والتصريحات الحمساوية، كانت موجهة ضد مصر وليس إسرائيل! ويكفى النظر إلى السجل الأرشيفى لقناة الجزيرة لمتابعة اتجاهات تلك القناة، التى سأفضح الدولة المشرفة على إدارتها فى مقالى القادم ومدى علاقاتها الدافئة مع إسرائيل!

فلمن لا يعرف، يوجد اتفاقية تعاون عسكرى موقعة بين الجزائر وإيران، سنة 2002، عند زيارة رئيس الأركان الجزائرى اللواء محمد العمرى لطهران فى نوفمبر 2002. وقد وقعت البلدين اتفاقية اقتصادية مهمة لإقامة مصنع أسمنت إيرانى ضخم فى الجزائر فى يوليو 2008. وقد أعلن وزير الخارجية الإيرانى مانوشهر متقى، فى أكتوبر 2008، أن إيران "تعطى أولوية كبيرة لزيادة صادراتها للجزائر فى السنوات القادمة". وكان ذلك بعد أن قام الرئيس بوتفليقة بزيارتين لإيران: الأولى سنة 2003 ثم فى أغسطس 2008. وقد بدأت إيران حركة استثمارات هائلة فى الجزائر وعلى ما يبدو أنها أقنعت الجزائر بأن تكون هى الدولة الأولى من حيث كم الاستثمار فى الجزائر، ولكن هنا، توجد إشكالية كبيرة للغاية بالنسبة لإيران، اسمها مصر!

ولا يخفى على أحد، أن القيادة السياسة فى مصر قد حاولت فى أكثر من مناسبة التقارب مع إيران بشرط التخلص من ثقافة الكراهية لمصر فى تلك الدولة. إلا أن إيران قطعت كل الجسور فى عهد الرئيس الحالى لإيران، محمود أحمدى نجاد، وقبلت ما دون ذلك من علاقات مع الدول العربية الأخرى، غير تلك المعتدلة فى المنطقة، لأن الأخيرة يتوافق موقفها من مواقف مصر من الناحية الاستراتيجية!

وكانت مشكلة إيران، تتمثل فى أن مصر هى الدولة رقم واحد من حيث الإستثمار فى الجزائر وأن إيران تحارب الوجود المصرى فى كل مكان. ولكن ولأن هناك دولاً لا عهد لها، فان هناك من أشاروا على القيادة الجزائرية بإخراج مصر من الجزائر، وهذا تقدير منى للموقف وليس إلا كذلك، لأن ما حدث بعد ذلك، إنما يدل على ما أقوله. فلا يمكن بأى حال من الأحوال أن تحدث تلك الهجمة الشرسة على مصر والمصريين بسبب مباراة كرة قدم، مهما كانت عواقبها! فلقد قبلنا الهزيمة بشرف، بعد أن لعبنا نحن وأقررنا بأن تلك هى كرة القدم: أى غالب ومغلوب!!

وتكملة لقصة رغبة إيران فى دخول الجزائر اقتصاديا وطرد الاستثمار المصرى من هناك، أن الجزائر بدأت فى اختلاق المشاكل مع مصر، سواء فيما يتعلق بالكرة أو ما يتعلق باستثمارات الشركات المصرية فى الجزائر والقول بالضرائب المتأخرة على شركة أوراسكوم، التى تم اكتشافها فجأة اليوم، رغم أنها يُفترض استحقاقها منذ 2005. وكان لزاما أن تطلب مصر بنفسها، الخروج من الجزائر بدلاً من ذلك، لأن طلب الجزائر خروج مصر لن يكون واقعى، حيث يجب أن تدفع الجزائر الكثير من التعويضات مقابل هذا الخروج فى تلك الحالة.

لقد قام الجزائريون بكل ما من شأنه القضاء على صلتنا بهم، حتى ما بعد المباراة بيننا وبينهم، حينما بدأ الاعتداء الغاشم على المصريين المدنيين العُزل، بحيث تقطع مصر علاقتها بالجزائر وتلبى القيادة السياسة مطالب الناس بالخروج من تلك الدولة بكل ما تملك، وبالتالى نكون قد لبينا لإيران مطلبها. ولكن هذا لن يحدث بهذا اليُسر، لأن المصالح الاقتصادية لا تعالج بتلك السهولة!

فهناك أولاً "محكمة تسوية منازعات الإستثمار"، التابعة لجامعة الدول العربية والوقائع واضحة للجميع، ولا تتطلب الكثير من اللت والعجن، فإن أثبتت تلك المحكمة أنها ليست على قدر المسئولية للحصول على حقوق مصر، كما أثبتت جامعة الدول العربية على مر تاريخها الطويل، وهو غير الادعاء الذى تقول به الجزائر بأننا لدينا سيطرة على الجامعة، فإن مصر يجب أن تلجأ إلى المركز الدولى لتسوية منازعات الاستثمار The International Centre for Settlement of Investment Disputes (ICSID) والتابع للبنك الدولى، للحصول على مجمل التعويضات المستحقة على الجزائر من جراء الخسائر التى تعرضت لها الشركات المصرية هناك والعاملين بها!

لقد اجتهدت لكى أكتب هذا المقال، وهو تحليلى الخاص من جراء متابعة الأحداث المختلفة التى يمكن ربطها بسهولة، ولم أكتب الكثير مما يمكن أن أتركه للسياسيين، ليقرءوه ما بين السطور، وأرجو إن كنت قد قلت الحقيقة بالفعل، أن تُتخذ الإجراءات المفترض أن نتخذها من أجل صون حقوق مصر كاملة، وهذا على مدى المنطقة كلها وليس حيال الجزائر فقط. فمصر أكبر من كل ما حدث، ولكن يجب وأن نعتبر وأن نتعلم من الدروس. فلقد تعلمت ليلة المباراة الفاصلة، أنه عندما تترفع عن الصغائر مع الصغير، تتحول إلى كبائر منه، فيظن أنه أسدُ عليك، والصحيح أن تضرب بيدٍ من حديد عند وقوع الصغائر، لكى لا يجرؤ هذا الصغير على مجرد التفكير فى الكبائر معك ويبقى نعامة وطوع يديك، لأنك تستحق بالفعل لقب الكبير ولم تشتريه بالمال! ولا يمكن الخروج من الجزائر إلا بمكانة مصر عالية فوق أى شعار أو هتاف أجوف، لأن مصلحة مصر فوق كل اعتبار، وكرامة أبناء وبنات مصر فوق أى كرامة وفوق شعارات ماتت ويسمونها مجازاً بالعروبة التى لا ننتمى إليها أصلاً!

http://www.ahewar.org/debat/show.art.asp?aid=192719
ياريت نكون عرفنا الاهداف الحقيقية وقلة الادب والانحدار الاخلاقى والتحالف اللى ضد مصر

Sunday, November 22, 2009

لما تبقى دى ردود جربوع جزائرى .. لا داعى للإندهاش

مع انى كنت ضد كل الممارسات اللى بتحصل من الشعبين فى البداية ولحد قبل يوم السودان الاسود .. برضه كنت ضد الشحن اللى من الجانبين .. دخل الجربوع الجزائرى ده وقل ادبه دون اى سبب يذكر .. ولانى قولت عيل وغلط ولا يستحق الا رميه فى اقرب مرحاض صادفنى .. الا انه برضه موصر على قلة الادب .. واخر بوست مش تعرضت للجزائر من قريب او من بعيد بل كل كلامى كان ينصب على ردود الافعال اللى انا مستغرباه من بعض المصريين بالاسم .. إلا إنه برضه دخل وزاد فى قلة ادبه .. طبعا البوست ده مش اهتمام بيه لكن هو مجرد عرض لسفالة القذر اللى علشان هو جاهل فاكر ان التعليقات مش بتوصل لانى عاملة مودريشن كومنت وشوية يبعت باسم فلسطنى وشوية يبعت باسم تركى واضح انه متبرى من الجزائر او هى اللى اتبرت منه مش فارقة كتير .. لانهم لحد دلوقتى محتارين فى اصلهم هل جزائرى ام فرنسى .. طبعا دى اول واخر مرة اخصص مساحة لناس سافلة .. لا تعرف سوى الردح زى جريدة الشروق اللى بيمولها شقيق بوتفليقه .. و فقه الجنازير والمطاوى والسنج .. ودى كانت ردوده

Anonymous said...
برجع و أقول
يلعن أبو أحسن واحد مصري

انتو تستاهلو الضرب
و الجزائريين ربوكم يا كلاب يا شعب حقير

حساب أطفال غزة لي قفلتو عليهم الحدود
حساب خيانتكم
حساب نفاقكم
حساب صداقكتم مع إسرائيل
حساب كل واحد فلسطيني مريض مات علشان ما رضتوش تسمحولو يدخل يتعالج

حساب العنف و رشق حافلة المنتخب الجزائري لي نضرب في الطريق إلى الفندق

الجزائريين ضربوكم و هزموكم و ضحكو عليكم و أخذوا بثار كل العرب منكم يا ولاد الرقاصات يا واطيين يا شعب شحات ما عندوش أصل

أتفوه عليكم يا كلاب
و بعدين انتو قاعدين تبكو و تشتكو ما دفعتوش عن نفسكم ليه في السودان
ما رحتوش اشتريتو سكاكين ؟؟؟؟؟؟
يعني انتو عايزين تقولو انكم رمز البراءة و الضحية الملائكية ههههههههههههههههههههه

أتفوه على غبائكم يا شعب حقير يا شعب يستاهل الضرب من أول حسني مبارك لآخر بواب عندكم
و هتنضربوا ثاني صدقوني

أتفوووووووووه عليكم

فلسطيني

Sat Nov 21, 07:52:00 PM 2009
انا هرد عليك بس مش هنزل للمستوى الحقير بتاعك يا قذر .. علشان تعرف الفرق انك واحد متبرى من اصله وبتتمحك فى فلسطين .. وعلشان احنا مصريين وعندنا اصل واجدادنا سايبين لنا حضارة تدل على جذورنا واصلنا اللى نفتخر بيه والحقد اللى باين من كل كلامك حتى لو انت فلسطينى ولست جزائرى .. لكن الأخلاق والتربية والأصل هو الفيصل .. زى ما احنا بعتنا صفوة المجتمع لتشجيع المنتخب الوطنى وانتوا بعتو ناس مكانها الطبيعى خلف القضبان علشان كل الشعوب تعرف اصلكو الواطى وتعرف انكو همج واخركو شوية زبالين .. اذن لا مجال للتشبيه ولا للمقارنة بين بلطجية ومسجلين خطر وبدل ما انت جاى تردح هنا وقلبك على اطفال فلسطين والمعبر اولى بيك تروح تلم قريباتك المتلحقين فى شوارع فرنسا

Anonymous said...
اسمعي يا قطة انسي انك مصرية
و قولي بصراحة يستاهلو الضرب و لا لأ ههههههههههههههههههههه

فلسطيني

انا فعلا هرد عليك بكل صراحة .. هما فعلا يستاهلوا يضربوك باوسخ جزمة عندهم
Anonymous said...
على فكرة انا بحب مندونتك جدا
و مقالاتك ضد الرجعية و الإخوان و التخلف .....خليكي كووووووووول المرة دي كمان و بعدين انتي ما تكلمتيش عن ضرب المصريين للجزائريين في مصر يعني ؟؟؟؟؟؟؟؟؟

خليكي موضوعية
مين لي بتدا الأول ؟ المصريين طبعا
ليييييييييه ؟

لأنهم أولاد رقاصات و تربيات شوارع و كباريهات

هههههههههههههههه

إيه يا قطة اضحكي اضحكي
طيب بذمتك انتي بتعرفي ترقصي و لا لأ ؟؟؟؟؟
شفتي مش قلتلك كلكم أولاد رقاصات

اتفوووووووووووه عليكم يا كلاب
يا حمير

يا خونة يا نصابيين العرب يا بتسرق الكحل من العين يلي أحسن واحد فيكم بيتحرش بجارته و أخت صديقو يلي الندلة عنكم أدب

أتفوه عليكم يا قطة و أتفوه عليك و على هبلك

فلسطيني

Sat Nov 21, 07:59:00 PM 2009
انا هقولك يا كلب مصر تبقى ايه ومين هما المصريين
يا اللى مش حيلتك غير فيفى عبده كله شوية تدخل تشتم بيها .. تحب افكرك بالشاب مامى اللى اجهض صديقته ومسجون دلوقتى فى فرنسا ؟ هو ده اللى انت بتتشرف بيه ؟؟
احنا احفاد الام المصرية العظيمة التى عندما مات زوجها ملك مصر وهو بيحرر بلده من الهكسوس ارسلت اولادها الذين ماتوا فدا تحرير مصر الى ان حرر ابنها احمس مصر من المحتل و انتوا لما كان بيدبح فيكو الفرنسويين زى الخرفان مش استنجدتو غير باحفاد الفراعنة .
عارفين احنا احفاد مين كمان احنا احفاد السيدة المصرية التى شرفت ان ذكر اسمها فى القران فقط هى والسيدة مريم دونا عن نساء العالمين وهى السيدة اسيا التى امنت بالله وربت سيدنا موسى كليم الله ورسوله .

فى المقابل انتوا احفاد مين ؟؟ عارفين ليكو اصل ولا اهل ؟؟
مصر تم ذكرها فى القرآن خمس مرات
وكل مرة تذكر فيها تكون مصحوبه بالصفات الطيبه والمباركه

الجزائر تم ذكرها فين ؟؟ فى الغرز والخمارات ؟؟
الرسول قال على مصر 'أوصيكم بشعب مصر خيرا فإن لكم فيه نسبا وصهرا
وقال برضه عنها إذا فتح الله عليكم بمصر فاتخذوا منها جندا كثيفا فهم خير أجناد الأرض

انتوا بقى تبقوا مين ؟؟
احنا حاربنا وجاهدنا علشان نرجع ارض سيناء واللى شرفها الله بذكرها فى القرآن
اكثر من مرة وبها جبل الطور حيث كلم الله نبيه موسي ..

احنا المصريين اللى شرفنا ومشى على ارضنا من الانبياء والرسل واولياء الله الصالحين .. ابراهيم الخليل واسماعيل وادريس ويعقوب ويوسف .. واثنا عشر سبطا.. وولد بها موسي وهارون ويوشع بن نون ودانيال وارميا ولقمان .. وكان بها من الاوليا والصديقيين والصديقات مرمن آل فرعون والذي ذكر ... احنا اللى وصف ارضنا يونس بشبيه الجنه اذا ازهرت احنا اللى وصف ارضنا نوح عليه السلام حين قال مصر بام البلاد وغوث العباد احنا ولاد الارض اللى قال عليها عمرو بن العاص بان ولايتها تعادل الخلافه .. مصر ارض الكنانة ام الدنيا .. مصر يعنى الحضارة الفرعونية الشامخة على مر العصور احنا نتشرف ان احنا اولاد مصريات حرائر شريفات عفيفات ضحوا بابنائهم فى حروب مع الغاشمين على مر التاريخ من الهكسوس حتى الاسرائيليين وحرب 48 وحرب 56 وحرب 67 وحرب 73
عرفت احنا مين يا مجهول الأصل والنسب

Saturday, November 21, 2009

الموضوع مش مجرد خسارة ماتش كورة

ليه الناس بالرغم من أقتناعها بان اللى حصل للمصريين فى السودان ده من عصابات مجندة ونازلة مخصوص لدبح المصريين سواء فازوا او انهزموا مالوش اى علاقة مباشرة بلعبة الكورة سواء من قريب او من بعيد معقول للدرجة دى الناس بتعانى من تلف فى خلايا المخ ؟؟ الناس المختلة بتقول ماهى اسرائيل بتقتل جنودنا على الحدود .. طيب ماهو برضه فى المقابل فلسطين سابت المحتل وقتلت ظباطنا مش جنودنا حتى على الحدود ده غير الانتهاك السافر للسيادة المصرية وتحطيم الجدار الحاجز وكأن احنا المحتل من اسرائيل .. مفيش دولة زبالة حرقت علم مصر غير الجزائر وفلسطين .. وكلامى مش دفاع عن اسرائيل باى شكل من الاشكال .. لأن اى شخص يرتكب اى فعل اجرامى فهو مجرم ولا يستحق الشفقه .. ثم ان المقارنة هنا مالهاش اى اساس من الصحة بين ان بوتفليقة يطلع خريجين سجون وبلطجية ويطلع 30طيارة حربية قبل المبارة ب3 ايام وينصبو خيام فى السودان ويخلصوا على الاسلحة البيضاء اللى هناك لقتل المصريين سواء غالب او مغلوب .. ده لحد النهاردة مفيش كلب اتجرأ وعملها مع اى بلد فى اى مكان .. وعلشان نخلص من اغنية ماهى فلسطين اتعمل فيها وسكتنا عايزة اقول ان امبارح بس على خشان وزير العدل الفلسطينى كان ضيف فى برنامج من القاهره على قناة النيل للاخبار يشيد بموقف حسنى مبارك السياسى ابان مجزرة غزة واللى اتسببت فيها بالطبع حماس اللى كانوا اول حد جرى على الجحور علشان يونسو الفيران .... علاء مبارك عمل مكالمتين على التلفزيون فى البيت بيتك وفى الرياضة اليوم مع خالد الغندور بيقول انا بتكلم بصفتى مواطن مصرى شاف بعنيه المهازل وليس ابن رئيس جمهورية انا بتكلم كمواطن مصرى وانا بعيد كل البعد عن السياسة بل اكد كلامه اكتر من مرة .. علاء مبارك قال انا بتكلم لانى شوفت اللى حصل ... الراجل من تلقائيته فى الكلام واحساسه باللى حصل فى السودان للمصريين مش هقول الناس فى مصر كلها بتحترمه ازاى ومش هكتب اى تعليقات يكفى سيرش فى جوجل على ردود افعال الناس المحترمة المصرية اللى بجد .. سواء علاء او جمال او اى حد فى مصر هو مواطن مصرى من حقه يتصل ويتكلم فى البرنامج اللى هو عايزة .. اعتقد ان الفضائيات مش خصصت مكالماتها لفئة معينة من الناس .... وادى فديو المكالمة بتاعة علاء مبارك وتأكيده انه بيتكلم بصفته مواطن مصرى .. ومالوش علاقة بالسياسة .. وإن كان كداب بقى و اللى فى قلبه غير اللى على لسانه .. المرة الجاية نحلفه على مصحف لو فكر يتصل فى اى برنامج .. ما هو ذنبه انه ابن رئيس جمهورية



قريت امبارح مقال لابراهيم عيسى اللى مصر كلها فى يوم من الايام عملته جيفارا مصر وهو بيلوم على القيادات انا ماليش دعوة بالقيادات بس اللى ضايقنى تهوينة من قدر اللى حصل وإن كل ده علشان خسرنا ماتش كورة .. طبعا ابراهيم سقاطته كتير والدستور بقت جريدة متتقريش والمدونين القدام يفتكروا الدستور زمان والدستور النهاردة خصوصا بعد سابها له استاذة الصحافة فى مصر ومش باقى فيها غير شوية صيع وده مش كلامى والله ده احدى سقطاته مع الصحفيين اللى عنده وقالهم انا لاممكو من على القهاوى .. بس اذا كان ابراهيم عيسى او اى حد فاكر ان الموضوع مجرد خسارة ماتش كورة او الرعب اللى الناس عاشته فى السودان سواء من انحلال وحركات اوسخ ما يكون من البلطجية الجزائريين او الجرى وراهم بالسيوف وبالطوب فى الشوارع وتكسير ازاى الاتوبيسات عليهم مش هقولهم غير الهى فى اقرب وقت تشوفوا اللى شافوه المصريين من عصابات الجزائر وتجربو الرعب اللى عاشوه وهما بيجروا فى الشوارع من البلطجية ولا اللى الصيع اللى بيحدفوا اتوبيساتهم بالطوب عليهم ولا على ولادهم ويعيشوا مدى الرعب والفزع اللى شافوه الاطفال والستات والرجالة .. اتمنى من كل قلبى اهاليهم يعيشوا اللحظات السودة اللى كانت بتعدى علينا هنا كانها سنين من الموت بسبب القلق على اهلنا واصدقائنا وبعدها يبقى يجو يقولوا كل ده بسبب ماتش كورة
مش هتكلم عن الخساير اللى حصلت لممتلكات المصريين فى الجزائر
بس هسيبكو كلكو مع الرابط ده علشان تشوفوا المصريين اللى فى الجزائر حصلهم ايه ؟؟ ناهيك عن المصريين اللى فى دول مختلفة خالص وبتجمع معاهم بلطجية و ارهابيين الجزائر الهمج اللى كلهم باعتين يستغيثوا حتى اللى فى دول اوربية

عائدون من جحيم الجزائر: الجزائريون أشهروا السيوف فى وجوهنا واستولوا على أموالنا.. وقالوا لنا أنتم كفرة وإسرائيليون


بالمناسبة انا لا حزب وطنى ولا عمرى كنت منتمية ولا حنتمى لاى حزب .. انا مجرد واحدة كانت بتعيش الرعب على اهلها واصدقائها اللى كانوا فى السودان وكل ذنبهم انهم رايحين يشجعوا منتخبهم

Thursday, November 19, 2009

ليه كل ده ؟؟

انا لحد اخر لحظة مستائه من اللى بيحصل بين البلدين .. بلوم على اى متعصب لكن بعد اللى حصل للمصريين فى السودان ده واضح ان الموضوع له ابعاد كتر من مجرد ماتش كورة
من رابع المستحيلات اللى حصل فى السودان للمصريين علشان
خاطر ماتش كورة

من رابع المستحيلات : ان بوتفليقه يطلع البلطجية ومسجلين الخطر ويديلهم تذاكر سفر مجانية للسودان علشان يشجعوا منتخب الجزائر ؟؟
عايزة رد من حد يقولى علشان ايه الجزائريين ينزلوا السودان من اول اليوم ويلفوا فى الاسواق ويشتروا سنج ومطاوى علشان يضربوا المصريين سواء خسروا او كسبوا .. معقول كل ده علشان الكورة ؟؟ طيب حد مصدق ان الناس دى تاخد تذاكر مجانية وتروح تشترى سنج وتهجم على اتوبيسات المصريين وتكسرها بس علشان الكورة ؟؟
ده احنا لو فى حالة حرب معاهم مش هيسيبوا المباراة ويقفوا بره الاستاذ لاى مصرى علشان يدبحوه ؟؟
ده احنا لو فى حالة حرب معاهم مش هيحبسوا محمد فؤاد وابنه ومعاهم 130مشجع فى مقر وكالة طارق نور اللى فى الجزائر واللى فى مكالمة تليفونية ليه مع انس الفقى بيقول انه مصاب وانهم لو عرفوا مكانه هو والناس اللى معاه كانوا زمانهم راحوا قتلوهم وانهم خايفين يخرجوا من مقر الوكالة لحد يقابلهم والامن السودانى مش قادر يسيطر على البلطجية ومسجلين الخطر اللى باعتهم بوتفليقه ؟؟
احنا لو فى حالة حرب معاهم مش هيحبسوا هالة صدقى وطارق دسوقى ومعاهم عدد من المشجعين فى مطعم أم درمان وهى كمان اتصلت بالتلفزيون علشان حد يكلم السفارة تغيثها وفضلوا محجوزين للصبح واضح ان السفارة كانت وراها غسيل علشان تسيب المصريين كل واحد بيثتغيث من جهة ولا حد سامع لهم صوت ..
احنا لو فى حالة حرب معاهم هيثم شاكر ومعاه عدد لا بأس به من المصريين مش حيجروا على بيوت السودانيين يستخبوا فيها ؟؟ ولا ايهاب توفيق اللى قاعد يصرخ فى مطار السودان ويقولهم الحقوا المصريين الوضع فى السودان صعب ارجو ان السفارة تغيثهم المصريين تايهيين فى شوارع السودان و الجزائريين بيدوروا عليهم ولو شافوا اى مصرى هيتقطع .. وهو نفسه محجوز فى مطار السودان اكتر من 10ساعات ؟
حد عمره شاف المستشفيات بتستعد وتجهز اكتر من غرفة استقبال واسعافات قدام المطار لنقل المصابين الا فى الحوادث الجماعية وحالات الحرب ؟؟ علشان حاتم الجبلى يامر بتجهيز مستشفيات الاقصر و اسوان .. ده غير اعلانه اللولبى انه ارسل وفد طبى مصرى لمستشفيات السودان وعلى اى مصرى تايه هناك مش يتردد يروح لهم المستشفيات ..
عايزة حد يكون لسه عنده شوية عقل ويقولى معقول كل ده بسبب الكورة ؟؟
ياريت رد فعل حازم من الحكومة المصرية وان بوتفليقه مش اعتذر يترمى سفيرهم فى الشارع وتتقطع فورا العلاقات ..
الجزائريين نسيوا ان احفاد الفراعنة هما اللى انقذوهم من دبح الفرنسيين فيهم زى الخرفان .. رايحين يردوا لهم المعروف .. ويتنمردوا عليهم فى السودان .. لسه فى حد بيقول قومية عربية .. الوهم اللى عبدالناصر عيش فيه العرب الهمج سنين واللى لسه فى ناس مغيبة بتردده لحد دلوقتى ؟؟ اذا كان القرآن قال ان العرب دول خونة ومنافقين ؟؟ لسه فى مصرى بيقول على نفسه عربى بعد الهمجية والبربرية والشماتة اللى جاية من اكتر من بلد دى .. مش معقول ننتسب للهمج دول احنا فراعنة مصريين .. حضارتنا شاهدة على اصلنا وعلى جذورنا .. واللى معجب باغنية القومية العربية .. يتخلى عن جنسيته المصرية لانه مش يستاهلها
........................................
اتفضلوا اسمعوا احاديث ولادنا اللى ربنا نجاهم من البربر الهمج




اى عروبة اللى بتكلموا عليه

Sunday, November 15, 2009

والله وعملوها الرجالة

مع انى طول الوقت كنت بقول يارب مصر تخسر علشان الثورة اللى الناس عاملاها من شهر فات وكله قاعد يكيد ويكيد ويدعى على الجزائر دعوة رجل واحد ... وقبل المبارة بيومين قولوا تلاته الاقى كل المحلات معلقة علم مصر والبلكونات والعربيات والعيال الصغيرة راسمة علم مصر على وشوشها وانا كل لما اشوف المناظر دى ازداد غيظاً مش لأنى جزائرية لا سمح الله انما انا شهادة ميلادى وبطاقتى الشخصية بتقول انى مصرية مية فى المية .. لكن لأنى شايفة الوضع فى مصر مزرى للغاية وقلة الادب والانحطاط والفساد ده غير اكوام الزبالة التى ضاهت الاهرامات فى علوها من حوالينا محتاجين الف وقفة ووقفة زى وقوفنا فى وجه العدو الجزائرى يوووه سورى اللعيبة الجزائريين .. جه يوم المباراه والجميع قاعد يدعى من قلبه من صباحية ربنا بل اكاد اجزم ان الجمع قام صلى الفجر حاضر وفضل قاعد للساعه السابعة والنصف يبتهل الى الله رب العالمين ان يلهم المحروسة النصر المبين .. الا ما عملتوها والنا بتموت فى طوابير العيش ولا لما الدوقة وقعت على راس اللى فيها .. الساعه 5 مفيش اى كائن حى فى الشارع .. طيب ده لسه ساعتين ونص الناس راحت فين ؟؟؟
الساعه وصلت سبعة .. رحت عملت لنفسى كوباية شاى محصلتش وقاعدة بكل برود اتفرج على الناس اللى على اعصابها وكانهم طالعين الجبهة .. المباره بدأت فى معادها ومع اول دقيقتين عمرو ذكى دخل اول جون الدنيا من حواليا اتقلبت وكراسى اتخبطت فى بعضها ... وناس وصلت السقف ونزلت تانى ... وانا قاعدة بكل برود اقول ربنا يشفى .. خلصت المبارة باحراز عماد متعب الهدف التانى .. والاقى التليفونات تنهار عليا اكاد انتهى من تليفون الاقى تليفون تانى . ده غير الويتنج .. ليه كل ده بقى مش لانى احرزت هدف وبيهنونى ولا حاجه لا سمح الله لاء كله شمتان فيا لانى كنت بقولهم مصر حتخسر .. فالجميع حب يطلع لى لهم لسانه أول لما خلص الماتش .. وهنا الاقى صديقاتى العزيزات بيغيظونى وبيقولوا لى نازلين الشارع وأنتى لاء .. قولت جاااااااااااااااااية ... نزلت معاهم والاقى الشارع بالمنظر ده


Wednesday, November 11, 2009

هو الإنحراف له دين ؟؟

هما الصعايدة فاضيين بس لتوليع النار فى بيوت المختلف معهم فى العقيدة
وضرب اللى يفكر يصلى فى بيته
ومؤخراً قتل اى مسيحى يتقال انه على علاقة ببنت مسلمة ؟؟
طيب هو الولد اللى قتلوا ابوه وعمه بـ 140 رصاصه فى قلب الشارع لانهم رفضوا تسليمه كان اجبر البنت على ممارسة الرذيلة معاه ؟؟
طيب الفيديو اللى تم بثه على شبكات الانترنت واضح لكل صاحب عين وبيعرف يشوف كويس انه لبنت كبيرة وانها محترفة فى ممارسة الرذيلة وانها كانت بتستعرض جسمها امام الكاميرا يعنى عارفه انها بتتصور ؟؟ الولد اهله يتقتلوا ليه ؟؟ وايه ذنب الناس اللى محلاتها اتكسرت ؟؟ ولد وبنت سفلة ومنحطين ومارسوا الرذيلة اللى محرمة سواء فى الاسلام او المسيحية ... الناس اللى اتبهدلت دى ذنبها ايه ؟؟ يعنى بدال ما الجناة يتعاقبوا .. أصحاب العقول فى جزمهم يروحوا يكسروا صيدليات ومحلات ناس ملهاش علاقة بالموضوع من قريب او من بعيد ليه ؟؟ ولسه مش انتهينا من ديروط .. تطلع شقة الدعارة اللى فى المنيا واللى باعتراف اهل المنيا ان الشقة دى مشبوهة .. بس مش قربوا منها اصل كان بيدخل الشقة المشبوهة دى مسلمين .... ونشوف مين اللى استدرج الشاب المسيحى لشقة الدعارة

بدأت الأحداث عندما حاولت "مها.ك.ع" (30 سنة) ربة منزل إقناع سائق تاكسى يدعى محمد أن يذهب معها لممارسة الرذيلة مقابل مبلغ مالى قدره 200 جنيه وأقنعته أن المكان متوفر، فأكد لها محمد أنه سوف يأتى إليها إن حصل على العنوان.

أنهى السائق وردية عمله ومعه شاب مسيحى يدعى "مينا.ع.ش" (21 سنة) وذهبا إلى الشقة الكائنة فى 91 والتى تمتلكها السيدة "رجاء.س.أ" (56 سنة) أرملة، والتى تتناولها ألسنة المواطنين فى ملوى بالسوء بعد ملاحظة تردد غرباء على الشقة سواء من الرجال أو النساء.

صعد الشابان إلى الشقة والتقوا بمها ومعها فتاة أخرى "إيمان.أ.ع" (23 سنة) موظفة اختلفا معهم محمد سائق التاكسى على قيمة المبلغ وقرر أنه سوف يدفع 100 جنيه، إلا أن الفتيات رفضن فتركهن ورحل، بينما مكث مينا الذى يعمل فى أحد الفنادق السياحية ووافق على دفع 200 جنيه
.

طيب كانوا فين الرجالة اصحاب النخوة والشهامة الحلوين اوى لما الشقه المشبوهة دى كل يوم يتردد عليها اشكال والوان ستات ورجالة مختلفين ؟؟
طيب لو الولد اللى اتقفش فى الشقه ده لو كان مسلم ياترى كان هيتقتل برضه فى الشارع ؟؟
وايه اللى عرف الرجالة الحمشين اللى من شهامتهم
دخلوا 6 عجول على واحدة ست فى بيتها وعروها من هدومها ولفوا بيها قرية كاملة يعرضوا جسمها على الناس بحجة انهم بياخدوا بالتار من اهلها عرفوا منين ان اللى فى شقة الدعارة ده مسيحى علشان يطلعوا ينزلوه ويرددوا شعارات دينية وهما بيقتلوه ؟؟
ده اى منطق واى دين ده اللى بيقول لو الزانية بتزنى مع واحد مختلف فى الدين يقتلوا الولد اللى بيزنى معاها ؟؟
وفين بتوع طز فى مصر والمعارض بالجزمة وكدابين الزفة اللى لسه لحد النهارده بيزايدو على دم شهيدة المرجيحة من اللى بيحصل ده ؟؟ فين شخوخ الفضائيات اللى قاعدين يتقيئوا على اسماع الجهلاء والبلهاء طول الليل والنهار ويشحنوهم بالكره والحقد حتى على بعض ؟؟
وقاعدين يقولوا قرى الصعيد فقيرة ومش لاقيين ياكلوا وهما فاضيين يشتغلوا علشان يلاقوا ياكلوا هو كفاية عليهم حرق فى البيوت والكنايس وقتل فى الناس وتكسير المحلات والصيدليات .. واهو التلفزيون قايم بالواجب فى اعلانات التبرع حتى و لو ببطانية لطفل الصعيد اصل برد الشتا هيموته

Monday, November 9, 2009

لسه فيكى رجال يا مصر


لأن المجتمع إنتشرت فيه البذاءات والإنحطاط الأخلاقى من جميع الأعمار إلا أنى أشعر بالذهول .... الصبح والصبح بتاعى بيكون الساعه12يعنى وقت أذان الظهر متوجهة رايحه أخد أى مواصله توصلنى لوجهتى المنشودة .. واقف على جنب شوية بنات اخرهم ثانوية عامة وواقين منكمشين عل بعض ووشهم فى الأرض ومش بينطقوا ولا بيبصوا حتى لبعض لفت إنتباهى اوى شكلهم بصيت لهم شوية .. وعايزة اسالهم شكلكوا مذعورين كدا ليه بس قولت خلينى فى حالى ... اقل من دقيقة ووضحت الرؤية .. عيل مش جايب العشرين سنة ويادوبه الواحد يسلك بيه سنانة حاجه رفيعه اوى وملهاش ملامح .. ولاقيته واقف قدامى وبيبص بصة استفزازية وبيقول بلا مواصلات بلا زفت احنا هنتفرج النهارده .. طبعا منظر البنات اللى جنبى مش شجعنى خالص على الكلام وواقف قصادى شاب تقريبا اده فى العمر بس هناك فرق شاسع فى التشبيه طبعا ... والفرق ده بقى هو سبب ذهولى لحد دلوقتى ..والولد التانى واقف متابع من بعيد وساكت .. الحيوان اللى واقف بيص نظرات استفزازية زاد عن حدة بالفاظ كلمة نابية غير معبرة عنها بالمرة .. هنا وحسيت ان حراراتى ارتفعت ولو سكت اكتر من كدا ممكن يحصلى انفجار فى المخ .. قولت له كلمة كمان وهديلك باللى فى رجلى .. لاقيت الواد بيسب لى الدين .. وراح مكمل الزبالة اللى بيرميها من بؤه .. الولد اللى واقف متابع جه وقاله انا واقف من الصبح استنى واحدة فيهم تتكلم علشان اعرف اتحرك .. راح القذر التانى شتمه .. قاله انامش هنزل لمستواك وارد عليك وراح مطلع موبايله ومتصل بالقسم بلغ عن حالة بلطجة وتحرش وادالهم عنوان المكان .. القذر التانى وقف برضه يسب الدين له وللشرطة اصله كان فاكره بيرسم وبيعمل راجل قدام البنات وهو لا اتصل ولا نيله .. الناس بدات تتلم وكل اللى يسال فى ايه البنات يحكو والقذر ده يشتم فيهم ويسب لهم الدين .. راح الولد اللى اتصل بالقسم لف من وراه ومسكه من دراعاته وقاله قسما بالله لو ما بطلت قلة ادب لأحط الجزمة فى بؤك والواد عمال يزيد فى الشتيمة وقلة الادب بالفاظ ازبل من الزبالة بشوية راح الولد ضربة والناس اللى رايح واللى جاى قعد يضرب فيه وده عمال ينضرب ويشتم اكتر .. معدى واحد راكب عربية ركن فى جنب وبيسال فى ايه .. ولد صغير حكا له .. قلهم هاتو الواد ابن الكلب ده ارموه فى العربية ولو انه هينجسها وناخده ونطلع بيه على القسم هو اللى حيربية .. الولد قاله لا ماهما اتصلوا بالقسم والبوكس جاى دلوقتى .. وبعد شوية فعلا البوكس جه واخد الولد اللى كان بينضرب القذر ده والراجل اللى كان عايز ياخده فى عربيته القسم اخد معاه الولد اللى اتدخل من البداية واتنين تانيين وحصلوهم .... سعيدة ومبسوطة اوى .. هموت واعرف مين الولد اللى اتصل بالقسم واشكره من كل قلبى واعرف اهله فين واوصل لهم امتنانى وتحياتى لتخريجهم راجل محترم للمجتمع يعرف ازاى يحترم نفسه ويحترم الناس ازاى يكون راجل فى كل المواقف وكل الاوقات .. ونفسى اشوف البلطجى اللى كل شغلته قلة ادبه على الناس واتف فى وشه واشوف اهله علشان العنهم الف لعنة ولعنة .. لانهم فعلا معرفوش يربوا .. لحد دلوقتى بجد حاسة بذهول ونفسى يكون من الولد الشجاع ده كوبى فى كل شارع فى البلد .. كل لما احكى لحد يا سلام انتى مزوهولة اوى كدا ليه فى شباب كتير زيه كدا ... طيب انتوا بتتدخلوا لو شوفتوا واحدة بتتعاكس .. اللى يقولى اه ساعات واللى يقولى مش يمكن يكون هى عاجبها وتحرجنى .. طب الشاب اللى انت لسه مبدى لى اعجابك بيه ده ليه مش قال زيك كدا ؟؟ طيب وفين الشباب الكتير اللى زيه ده ؟؟ ياريت يكون فى شباب كتير زيه بجد .. وياريت يكون فى ناس محترمة كتير زى أهله يربوا اولادهم على الأخلاق وعلى الرجولة الحقيقية .

Friday, November 6, 2009

الحور العين ورا الجبل

أحدث وسيلة لتجنيد الشباب الهايف حتى يكونوا على أتم إستعداد لتفخيخ مؤخراتهم ومقدماتهم كمان إن ساعدت الظروف وهى الضرب على وتر الجنس ولإن المثارين على نفسهم المتطرفين اللى بيجندوهم لا هم لهم فى الحياة وشغلهم الشاغل هو النساء والجنس إختزلوا الجنة فى الحور العين فقط لا غير ... الشيخ المصاب بالاستمناء اللا إرادى يروح للمراهقين يقنعهم بتفجير نفسهم واول ما يفجر نفسه هيلاقى الحور العين جايين يحملوه من مكان التفجير ويطلعوا بيه طوالى على الجنة ويضاجع بقى ال71 حورية اللى فى كل مرة ترجع تانى عذراء يا سلام آدى النعيم ولا بلاش كل الحكاية انه هيموت له قيمة الف او الفين واحد او مية حتى مش مهم وهو بالطبع هيغور فى داهيه قبلهم بس هو رايح للحور العين لكن هما هيروحوا جهنم وبئس المصير ...

وتعرض حلقة برنامج "صناعة الموت" جانبا من هذه التسجيلات، ويظهر في أحدها أحد الانتحاريين الشباب وعمره لا يتجاوز العشرين وهو يتحدث بولهٍ شديدٍ داخل السيارة المفخخة، ويشير إلى زر التفجير مؤكدا أنه بمجرد أن يدوس على الزر سوف تأتي الحوريات يحملنه إلى الجنة. بينما تحدث آخر عن فتاة جميلة تنتظره وقد أعدت له "بوفيه" مليئا بالطعام والشراب "خلف هذا الجبل" على حد قوله.

طيب انا عايزة اعرف المرضى دول بيجبوا الكلام ده منين ؟؟ وبأى بجاحة ينسبوه للدين وباى سفالة يجعلوا من الجنة بيت دعارة ؟؟
هو من امتا قتل الأبرياء حتى لو ما ليهم ملة خالص بقى جهاد وبيدخل الجنة ؟
هو مش الرسول برضه قال من أذى ذمى فقد آذانى ؟؟

والوسيلة الرخيصة دى مش بيتبعها اللى شغالين قتل فى الشباب بحجة الجهاد ده كمان مهووسين الفضائيات اللى قاعدين مربعين ويوصفو فى الحورالعين البييييض .. حتى شوفوا الراجل ده وهسيب للناس اللى تشوفه التعليق