Posts

Showing posts from September, 2009

نظام تصفح الانترنت عبر جهاز التلفزيون

Image
لا دجل ولا شعوذة شركة نت جير حلت المشكلة للسيد وزير الاتصالات طارق كامل اللى كل يوم والتانى قاعد يذل فينا واستخدام الانترنت العادل شوية والظالم شويتين وشوية هنرفع سعر الاشتراك وشوية هنقلل السرعة وحوارات عجيبة قوم ايه بقى يا سادة الشركة العالمية نت جير قالوا معلشى بقى استحملوا الوزير بتاعكو يا مصريين وافتحو ايملات من النت اللى قاعد يذلكو بيه ده علشان يبقى استخدام عادل خالص اما مشكلة التصفح اتحلت وبقت عبر شاشات التى فى
وراحت منزله بيان مضمونة ايه بقى
( كشفت شركة نت جير العالمية المتخصصة فى مجال التخزين وتوفير الحلول التكنولوجية والتجهيزات الشبكية عن النظام الترفيهى الرقمى ( ايفا 2000 ) الموجه الجديد سهل الاستخدام والمزود بقدرات التصفح للانترنت عبر جهاز التلفزيون لموفرى خدمة الانترنت فى مصر(
بصراحة شديدة اوى انا شدنى الخبر بس اول ما شوفته مش قعدت اتخيل النت عن طريق التلفزيون ولا التصفح هيكون عبارة عن ايه وازاى .لا خالص اطلاقا اول حاجه جت فى بالى هو الغرب الكافر ابن الكلب الحاقد اعداء العرب عامة والاسلام خاصة قاعد يفكر ويبتكر واحنا نسخدم وراهم ناتج ابحاثهم .. فى نفس ذات الوقت اللى متعرعري…

المترو تأسلم

Image
يوم الجمعه كنت واقفة فى محطة حمامات حلوان استنى المترو اللى رايح وسط البلد من قبل ما ادخل محطة المترو وانا سامعة صوت قرآن عااااااااالى قولت عادى وايه المشكلة فى صيوان عزاء ولا حاجه دخلت المحطة اتارى القرآن شغال جوا المحطة نفسها واحد صاحبى بيكلمنى صوت القرآن طلع له فى الموبايل لاقيته بيقولى انتى فى عزاء ولا ايه ؟؟ قولت له انا فى محطة المترو وتقريبا محطة المترو أسلموها وصل المترو وركبته وقعدت فى النص بين شاب فى العشرينات وراجل كبير شوية وقاعد فى مواجهتى واحد عامل مقشة واصلة لحد بطنه وقاعد يجيبنى من فوق لتحت وانا قاعدة ابص له بقرف وبقول لنفسى ايه الراجل اللى مش بيحس ده بعد القرف ده كله وهو برضه قاعد يبص اتفاجأت انى لابسه نضارة شمس يعنى مش باين انا ببص له ولا ببص لمين قلعت النضارة وقعدت محسساه انى قرفانة منه ومن منظرة وده مفيش فايدة قاعد يبصلى جابنى من شعر راسى لحد صوباع رجلى الصغير قولت وماله اعامله بالمثل ورحت قاعده متنحة له لحد ما وصلت المحطة بتاعتى .. طبعا لأن الحدث عادى ومعروف ان العالم دى اصلاً بتكون وسخة اوى فى معاملتها ومش هفكر حد بنصابين شركات التوظيف ولا النصابين اللى فاتحين م…

وياترى رأى شيوخ السلفية والوهابية آية ؟؟؟

اتفاجأت الصبح بالخبر ده فى المصرى اليوم
العاهل السعودى يفتتح أول جامعة مختلطة للرجال والنساء دون العباءة السوداء
لاء وكمان النساء مسموح لهم يسوقوا فى حرم الجامعة
فى الحقيقة طرت من الفرح وقولت هايل خطوة ايجابية نحو التقدم والتطور والخروج من بوتقة المرأة العورة اللى وأدها حلال حلال ثم حلال
وقولت اشوف التعليقات على الخبر أخبارها آيه
وألاقى المؤيدين لا يتعدو اصابع اليد الواحدة والباقى قاعد يشتم اللى يقول دى مؤامرة صهيونية
واللى يقول ايوا هو الملك عبدالله خلاص ركب الموجة وعايز يقول للغرب ان بلده فيها ديموقراطية الواد صاحب التعليق ده حسسنى إن الديموقراطية حرام او كلمة ابيحة والعياذ بالله
واللى يقولك احنا كان عندنا امل فى قشور الإسلام حتى لو القشور دى ظاهرية مش مهم الاهم ان الظاهر من الاسلام كان فى السعودية واللى يحسبن على السعودية باللى فيها
طيب ده كان رأى الناس اللى متمسكة اوى بقشور الدين اللى هى مش من الدين اصلا لكن عبارة عن خزعلات فى اللاوعى ماهو مش ينفع برضه اقول غخزعبلات فى العقل لانهم خلاص تخلوا عنه من سنين وسابوه يصدى لحد ما وصلوا للمرحلة دى
انا بقى اللى نفسى اعرفه بجد دلوقتى رأى شخو…

فين الكاميرات علشان يكون فى 237 حالة تحرش ؟؟؟

Image
قبل العيد بيوم شوفت خبر ان فى مجموعة من الشباب والشابات الرائعين عملوا حملة سموها لحمنا غالى ودمنا حامى والحملة دى كان هدفها انهم هينزلوا الشوارع فى ايام العيد ومعاهم كاميرات يصوروا بيها اى حالة تحرش تحصل وسيتم ملاحقة المتحرش الذى يظهر فى الصورة او الفيديو قضائياً .. طبعاً أنا اتبسطت اوى للخبر وقعدت سعيدة جدا للغاية وقولت كويس العيد السنة دى هيبقى سعيد ومن غير تحرش ولا قلة الادب اللى بتحصل كل سنة .. واذ بى اشوف المواقع الاخبارية انهارده الاقى المصرى اليوم عامل تقرير عن رصد 237حالة تحرش .. قولت ياللهول العيال دى جت ازاى ومنين وفلتت إزاى من الكاميرات ... بس جميل اوى الحملة اللى قامت بيها الشرطة وجميل جدا انهم فعلاً بدأوا يتصدوا للظاهره عقبال ما يتصدوا ليهم كل يوم وتتولد من جديد النخوة فى المجتمع المصرى .. وعلشان الناس اللى بتقول لبس البنات وتطلع اى مبرر للمتحرش ..محرر اليوم السابع نزل ومعاه مصور ورصد الحالات بالصور كمان وفى نهاية مقالة كتب الجملة دى

مخطئ من يعتقد أن ملابس الفتيات، هى السبب الرئيسى فى تعرضهن للتحرش، خاصة أن معظم الفتيات كانت ملابسهن، غير مثيرة على الإطلاق، بل كان هناك بع…

للدرجــة دى؟؟

انا متعجبة بس مش مستغربة من الاخبار اللى بشوفها من اسبوع
اولهم اطلاق النار على الدكتور محمد هاني - إخصائي الأمراض الصدرية بمستشفي تثليث بالمنطقة الجنوبية بالسعودية - الذي أصيب بطلق ناري من مواطن سعودي في وضح النهار ووسط زملائه أثناء أداء عمله يوم - الاثنين - الماضي.. وهو ما ألحق به إصابة بالغة جعلته يصارع الموت بالعناية المركزة، وقد ألقت شرطة محافظة تثلث القبض علي الجاني الذي أكد في اعترافاته أنه قام بإطلاق النار علي الطبيب .. لتقصيره في عمله،
يا ماشاء الله هما دلوقتى المواطنين العراعير اللى بيروحوا يشرفوا على الاطباء المصريين فى المستفشيات ويفهموا كدا منهم لحالهم اذا كان الطبيب مقصر فى عمله أو يؤديه على أكمل وجه ؟؟ هما العراعير بيشتغلوا نظام الخمسه فى واحد يعنى دكتور ومهندس وظابط ومحامى وعرعور ؟؟ طيب احنا عايزين نفرج على الدكتور رؤوف العربى وزميله نروح بقى نضرب نار فيهم لحد ما يفرجوا عن الاطباء المصريين اللى جلدوهم وسجنوهم بمجرد تليفون من واحدة مجهولة قالت فى اتصالها جعلونى مدمنة والله اعلم بقى هما اللى جعلوها ولا هى اللى مدمنة من الاساس
للدرجة دى الاطباء بقوا ملطشة حتى فى الكويت ؟؟

العيــد فرحــــة

Image
أولاً كل عام والجميع دون استثناء من اى ملة واى دين فى جمع أنحاء العالم بألف خير انقضى شهر رمضان عساكم من عوداه .. وربنا يستر من اللى جاى واللى قلقانة منه اوى ومش نلاقى وسائل الإعلام السمعية والمرئية والمقروءة تطالعنا بحوادث التحرشات الجماعية واللى الشيطان يوزه على التحرش او المعاكسة مش هقوله يفتكر صيام وقيام الشهر كله .. لاء يفتكر بس ليلة القدر والشوارع متقفلة والناس مش عارفه تتحرك ولا لاقيه مكان تحط فيه رجل واحدة بس وتقف على التانية مش مشكلة .. العربيات اللى واقفه فى الشوارع والمترو اللى بوباته اتفتحتت على مصراعيها دون النظر لتذاكر ماهو مش ينفع تذاكر فى الوقت ده والناس بتموت بعضها .. انا بعد المناظر الجميلة المهيبة دى والروحانيات العالية اللى شوفتها عند الناس فى اليوم ده لحد الساعه الواحدة صباح اليوم التانى قولت خلاص الشعب هيتأذب ومش هنلاقى شاب بيجرى ورا بنت بالمشوار علشان فى الاخر يقولها كلمة زباله ويجرى قبل ما تطرقع له باللى فى رجلها .. ولا واحد هياخد صحباه ويلفوا ورا البنات علشان يلمس اى حاجه فى جسمها ويجرى ... ولا راجل رجله والقبر وماشى يعاكس فى بنات من سن احفاده ... وبصراحة المن…

التقفيل الصينى وصل يا جدعان

لقد قامت الصين الشعبية الشقيقة التى لم تحرم الشعب المصرى الشقيق ايضا من حاجه خالص خلال السنوات المنقضية بتصنيع شيئ هام ومهم جدا وضرورى لكل سيدة وفتاة فقدت عذريتها بقصد او بدون
فى الحل السحرى وهو اختراع غشاء بكارة جديد وسعر المنتج 83جنيه فقط وزغروطة يا انشراح
فجميع السيدات سيعودون بكرا بـ83جنيه ويعيش التقفيل الصينى وبكره يكون فى تيوانى والمنافسة هتكتر والدول العربية اللى كل اللى يهمها فى المرأة العورة هى قطعة القماش ونقطتين الدم اهم اللى حاطين قطع قماش على وجوههم ماليين الكورنيش وكوبرى قصر النيل ونقتطين الدم اتوفروا والمنافسة على اشدها والف سلام وتحية للصين الشعبية اللى عرفت كويس اوى تخترق المجتمعات العربية وتفهم فكرها الجامد مش مهم البنت اخلاقها ايه الاهم نقطة الدم
رجاء شخصى بقى من دولة الصين الشقيقة يخترعوا لنا حاجه جامدة كدا نعرف بيها عذرية الراجل الشرقى
لنك الخبر

محمد حسان الشرشوح

تعليق من بين التعليقات على البوست السابق يتحدث عن محمد حسان السمج قصدى السمح اللى مش بيشتم حد ابن الناس الطيبين اللى مش بيسب حد .. اصل صاحب التعليق ساقته الاقدار انه يشوف حلقة لمحمد حسان كان سمح فيها للغاية
وفعلا هى دى سماحة محمد حسان بس على طريقة نسوان الحوارى




فعلا مرتزق محترم والمرتزقين كتيرهو المسلم سباب ولعان يا شرشوح ؟؟؟
هى دى كانت اخلاق الرسول يا مرتزق ؟؟؟
واضح فعلا انك عارف سيرته العطرة وانه ازاى راح زار جاره اليهودى اللى كان يلقى القاذورات فى طريقه اثناء خروجه لصلاة الفجر
وفى اخر الفديو مش نسى يتمسكن بدعوتين علشان اللى يصادفه الريموت بوجه محمد حسان الشرشوح ويسمع الدعوتين الحلوتين اللى فى الاخر يقول يااااااااى فانتستيك هى دى السماحه ولا بلاش

هل إسلام محمد حسان وأبوإسحاق الحوينى ويعقوب ومسعد أنور هو إسلام مكة والمدينة؟

Image
تقرير نشره موقع اليوم السابع عن مدى التقوى والورع اللى بيدعو ليه حسان اللى من شدة دعائه وتقريبا كان ضرب شوب بول بعير زيادة علشان البركة قوم بؤه حصل فيه فطريات لحد ما خرس خالص لكن هيهات اول لما رمضان دخل ازاى يفوت يوم من الشهر الكريم اللى بتكون السبوبة فيه عاليه اوى وطبق الفتة بيكون كبير اوى اوى علشان يهبر منه براحته امال يعنى يسيب الطبق لعمرو خالد اللى هو والحوينى ويعقوب عملوا خناقة بسبب انه فكر بس يدخل قناة الناس ويقاسمهم السبوبة .. مع اول يوم رمضان بالرغم من عدم شفائه وبالرغم من عدم اكله علشان لسانه اللى كله فطريات ده راح قعد يرجع علي الخلق تانى فى الفضائيات مش مهم الاكل والشرب ولا لسانه حتى الاهم الرزق والرصيد فى البنك يورم شويتين تلاته اربعه مش فارقه ... ونشوف تقرير اليوم السابع عن الناس المؤمنه اوى خالص دى بتوع العلاج ببول البعير
كثيرون ممن لا يركبون المترو أو الميكروباص أو يسيرون فى الشوارع الشعبية أصابتهم الدهشة لأنهم لم يشاهدوا من قبل أغلفة شرائط مشايخ السلف وعلى رأسهم الشيخ محمد حسان فى كل مكان، ولم تساعدهم الظروف على السفر إلى المنصورة لمشاهدة عشرات الآلاف وهم يسعون لتقبيل ي…

سرقوا المصاحف

Image
ليست نكتة الموسم ولم تحدث فى اى دولة أوروبية حتى يطلع علينا اصحاب الحناجر العالية بأن هذه مؤامرة الحاقدين على الإسلام والمسلمين ولكنها حدثت هنا فى مصر اليوم بعد الفطار كنت على موعد مهم ولكن نظراً لظروف طرأت فقد خرجت بعد الفطار مباشرة لأنتهى من مشوار كلفتنى به الماما التى لا يمكن أن أرد لها طلب حتى لو أكلت وانا واقفه ونزلت من البيت جرى لتخليص طلبها أولاً علشان مش اتاخر على مشوارى المهم .. أثناء سيرى والشوارع فاضية مش فيها غيرى وانا ماشية مستمتعه اسمع صوت ميكرفون ينطلق من أحد المساجد المصاحف يا مؤمنين الناس اللى بتدخل المسجد تقرأ القرآن وبدل ما يقفلوا المصحف ويسيبوه لغيرهم علشان ده مسجد مش وكالة من غير بواب أخدوا المصاحف فى إيديهم ومشيو .. وكل من أخد مصحف من المسجد يرجعه وأجره والثواب على الله .. فى البداية قولت ايه الراجل اللى بيهزر فى المسجد ده مش معقول يعنى .. وتعمدت التلكأ فى المشى حتى أتأكد من كلماته التى أوهمت نفسى بأنى لم اسمعها جيداً بل توقفت حتى إخترقت النداءات أذناى على المصاحف التى أخذها رواد المسجد بعد إنتهائهم من القراءة وفى كل مرة تتغير نبرة المنادى إلى الترجى لإعادتها مرة…

قديسك قد سقط الآن

Image
على الحدود .. أغنية لفريق الأصدقاء والملحن الرائع عمار الشريعى واللى مش يعرف مين فريق الأصدقاء اقوله انا انهم علاء عبدالخالق ومنى عبدالغنى وحنان
أنطلقت اصواتهم تعلن مدى الإستياء الذى يشعر به المسافر
وأحنا فايتين علي الحدود مستمرين فى الصعود
أختفى النيل الجميل من تحتنا والمدن والريف وأول عمرنا
وأبتدى شئ ينجرح جوه الوجود وأبتدينا أسئلة مالهاش ردود ميلنا على الشباك نخبى دمعة فرت مننا

سألتهم عن رأيهم فى كلمات الأغنية .. كلهم جاوبونى ان حب مصر بيجرى فى دمنا وإننا مش ممكن نستريح فى أى مكان غير فى مصر مهما عملت فينا ومهما جرى لنا فيها .. فرميت سؤال خبيث طيب لو حد فاز دلوقتى بالبطاقة الخضراء للعيش والعمل فى أمريكا هتختاروا ايه مصر ولا البطاقة الخضراء ؟؟ فى صوت واحد يابنتى انتى مش بتشوفى اللى بيموتوا نفسهم فى طوابير السفارة واللى ضيع كل فلوسه على الجزم اللى بيشتريها من كتر المشاوير اللى بيروحها لتقديم طلبات الهجرة بس هى تيجى ... همممممممم قد سقط وقار القديس
دائم التحدث عن ورعه وقوة ايمانة وانه لازم يصلى الفجر حاضر وطبعا لم يتغافل عن انه جهبذ وماشى بمكتبه فى عقله وكل من يختلف معه فى الرأى جاهل ول…