Desert Cat Search
قطه الصحراء: 6/1/09 - 7/1/09

Saturday, June 27, 2009

تصدقى دى طلعت عارفه كل حاجه !!

كانت جارتنا ايام زمان ... قابلتنى فى الشهر العقارى وبعد سؤالها على الأهل والإطمئنان على الحال والأحوال ولأن الاستاذ ماهر اللى ورقى عنده قدامه طابور طويييييييييييييل بطول السنة الكبيسة قولت اضيع الوقت شوية فى الرغى لحد ما ينادى اسمى اروح اوقع واخلص فى اليوم اللى مش فايت ده وبما انها اطمنت على عائلتى الكريمة اسال انا كمان عن اخبارها .. فبينما تحكى عن اختها التى تخرجت وتعمل فى إحدى الهيئات والأخرى التى ستتخرج العام المقبل واخوها الذى سافر من 8 شهور ويعمل بالخارج

واخبار خطيبته ايه ولا اتجوزوا من غير ما تعزمونا

هى : اتجوز ايه ده ساب خطيبته
ليه ؟
اسكتى دى طلعت عارفه كل حاجه ؟
نعم يعنى ايه عارفه كل حاجه
ابداً يا ستى بيقول لنا لما بتكلم معاها بلاقيها فاهمه وعارفه حاجات كتير .. واللى فاهمه وعارفه دى يتخاف منها اصلها هتكون عرفت منين الا اذا كانت جربت يا نانا .. طبعا هو قلق وبعدين انتى فاهمه بقى الولد اللى بيكون لافف وعارف الدنيا ماشية ازاى ده بيكون عايز حاجه على الفرازة

يعنى انتى بنفسك بتقولى ان اخوكى لافف وعارف الدنيا ماشية ازاى يبقى اكيد كان ليه تجارب قبل كدا
هى بكل انشكاح وفخر : يووووووه كتير وعلشان كدا هو مش عايز اى حاجه ولا واحدة يكون حد مسك ايدها قبله
طيب ماهى اللى مش حد مسكها ايدها قبله هى كمان من حقها تختار واحد مش فى واحدة مسكت ايده قبلها
قالت فين ده هما البنات دلوقتى لاقيه تتجوز وبعدين واحد حليوة زى اخويا البنات بيترموا تحت رجليه ومش تنسى فى الاول وفى الاخر اسمه راجل لكن البنت شرفها اهم من كل حاجه
طيب معلشى هو ايه مفهوم الشرف عندك
هو الشرف الواحد يكون امين وبالنسبة للبنت مش تعرف ولاد غير الراجل اللى هتعيش فى بيته وتكون ام ولاده
طيب افرضى مش عرفت ولاد بس كدابة وبتمد ايدها وتسرق عادى ؟؟
وهل الراجل مش ليه شرف ؟؟
يعنى علشان مش فى دليل على عذريته من عدمها من حقه يزنى وفى شغله لو بياخد رشوة كدا شريف ؟؟
ولو نصاب كدا برضه شريف ؟
ولو قاتل كدا شريف ؟
هى مقاطعة حيلك حيلك فى ايه يابنتى انا بس كنت بقولك على السبب اللى خلاهم يسيبوا بعض يلا ربنا يرزقه باللى تستاهله
انا مأمنة على كلامها اللهم أمين ربنا يرزقه باللى يستاهلها وممكن تكون عرفت عشروميت واحد قبله بس اكيد يعنى مش هتقول وهتمثل دور البراءة وانها لسه حالا طالعه من البيضا ومش فتحت عنيها على الدنيا

طيب البنت الفاهمه طلعت كخه ومش تنفع

هو فى حد مش فاهم دلوقتى ؟؟
طيب هو شرف البنت بين رجليها ومش مهم اى حاجه تانية امال شرف الراجل فين ؟؟؟
اذا كان المجتمع الذكورى مديله الحق يعمل كل حاجه واى حاجه طالما مفيش دليل على عذريته وطالما هو اسمه راجل من حقه يمشى مع دى ودى لكن دى بنت لازم مش يكون واحد مسك ايديها قبل كدا اى مرض واى تشوه عقلى المنتشر فى المجتمع ده ؟؟

Thursday, June 25, 2009

باتت رمزاً للمقاومة والصمود

كنت قاعدة اشوف ردود افعال المتعرعرين على لافته اعتذار كتبها زوج مصرى لزوجته يعتذر لها عن الاساءة التى وجهها لها أمام عائلته لذلك حب يرد كرامتها قدام ملايين البشر ويعتذر لها .. وعن ردود الذكور معدومى الإحساس حدث ولا حرج اللى يقول تافه واللى يقول عايز شهره واللى يقول الراجل مش بيعتذر لست .. واضح انهم مش يعرفوا ان الراجل هو اللى بيعتذر عن أخطائه فعلا حتى لو كان لطفل مش لزوجته

فجأة لاقيت الصديق العزيز مواطن مصرى باعت لى لنك اللحظات الأخيرة من حياة ندا سلطان اللى حاولت مرارا وتكراراً مش اكتب عنها ولا أتكلم فى الموضوع ده لأن العالم كله شايف ومتابع ما يفعله الارهابيين باسم الدين فى ايران

اللى نفسى افهمه هو نجاد قاعد يعاند فى مين ؟؟
ناس مش طيقاه ولا عايزاه وعاملة ثورة علشان يغور عايز يحكمهم بالقوة الجبرية إزاى ؟؟
ناس بتطالب بحريتها وبأمنها وسلامتها من اصحاب العمائم وفتاوى التباكى على كل لون وحسب الهوى والمزاج الشخصى .. يحجر عليهم ويكبس على نفسهم بتاع ايه ؟؟
تزوير الإنتخابات واضح للأعمى قبل البصير ... قوات الحرس الثورى الايرانى كانت قاعدة جوا لجان الإنتخابات تعمل ايه ؟؟؟
طيب الناس الحرة اللى نفسها تتنفس حرية مش عايزاك ومش طيقاك
بدل ما تسيبهم وتغور طالق عليهم يقتلوا فيهم وينهوا حياتهم .. ده ايه اسمه ؟؟؟
هى دى الديموقراطية اللى بيتكلم عليها الاسلاميين ؟؟
يا اما معايا يا اما القتل هو الحل واصحاب العمائم والفتاوى موجودة تحلل دم الأبرياء وتفت على مزاج الحاكم اللى الناس مش عايزاه ولا طيقاه .. الاخوانجية مش طالع لهم صوت يعنى من اللى بيحصل فى ايران ومن قتل ندى اللى هى من بين آلاف الأبرياء اللى نفسهم فى حياة حرة كريمة ؟؟؟ مش دول مسلمين برضه ؟؟ ولا صوتهم مش بيطلع إلا علشان اطفال غزة ووزة .. و لازم يكون فى مصلحة علشان يتكلموا ؟؟ وفين آية الله من اللى بيحصل ده ؟؟ فاكرين العالم مش بيتفرج على المهزلة طالما محرمين الاعلام الإيرانى بث احداث الثورة وقتل الابرياء .. نجاد قاعد جوا برجه العاجى متخيل انه مش مفضوح على الفضائيات شكله لسه عايش فى العام الثانى قبل الميلاد ومش سمع عن كلمة اسمها موبايل .. وان دم ندى اللى الاسلاميين حرموا على والدها الصلاة عليها وامروه بدفنها مباشرة لعدم لفت نظر الاعلام والرأى العام ، هى الناس دى الغباء متمكن منهم بالشكل البشع ده ازاى ؟؟ لن يغفر لك التاريخ دم ندا واخوانها من الابرياء يا نجاد

تأييد الحكم بالإعدام على هشام طلعت مصطفى والسكرى



أولا: باجماع آراء اعضائها بمعاقبة كل من المتمهمين ضابط الشرطة السابق محسن السكري ورجل الأعمال هشام طلعت مصطفى بالإعدام وذلك عما نسب للاول فى التهمة أولا ..وعما نسب للثانى.

ثانيا: معاقبة الاول "السكرى" أيضا بالسجن المشدد 10 سنوات عما نسب إليه فى التهمتين ثانيا وثالثا.

ثالثا: مصادرة مبلغ المليوني دولار والسلاح والذخائر المضبوطة.

رابعا: إلزامهما بالمصاريف الجنائية فى الدعوى المرفوعة.

حكم الاعدام

خامسا: فى الدعوة المدنية المرفوعة من كل من عبد الستار خليل تميم وخليل عبد الستار تميم وثريا إبراهيم الظريف، بإلزامهما بأن يدفعا متضامنين لكل منهم مبلغ 5001 جنيه على سبيل التعويض المؤقت وإلزامهما مصاريفها شاملة 100 جنيه مقابل أتعاب المحاماة.

سادسا: بإثبات ترك المدعى بالحق المدنى وائل بهجت ذكرى "لأعوائه" المدنية وإلزامه مصاريفها.

سابعا: عدم قبول الدعوى المدنية المرفوعة من من عدد من المحامين وهو كل من نبيه محمد أحمد الوحش وكمال عبد الفتاح يونس وهالة أحمد عبد المحسن سمير محمد محمد الششتاوى وألزمت كل منهم مصاريفها شاملة مبلغ 100 جنيه أتعاب المحاماة.

ثامنا: إحالة الدعوى المدنية المرفوعة من كل من عادل رضا معتوق ورياض العزاوى الى المحكمة المدنية المختصة للنظر فيها بلا مصاريف.

Wednesday, June 24, 2009

القهر بغلاف الحرية الشخصية


ذات مساء مشرق وضعت كل خطوط الأرض خلف الشمس فى عزف حزين .. ربيعى تائه عن موقعه أحاول رسم إشراقات جديدة لكى يأتى المساء المنتظر .. أضع خطوطاً عريضة لرسم قلب يغذى أعماق الأعماق عند إحتضانه بعيداً عن أعين حاقدة بل فى موقع لا يحتوى سوى على أرض وقلب وسماء .. وفى وسط غفوتى واحساسى بنشوة سرحانى فاجأتنى بزيارة غير متوقعة وعلى غير العادة دون موعد سابق .. متجهمة الملامح عندما رفعت عينى وحينما رأت ابتسامتى المفعمة بالدهشة انهمرت دموعها وكانها أخذت إفراج لتوها من خلف أشد القضبان قساوة .. لم استطع الوقوف على قدماى من هول المنظر ولم أقوى على النطق لمجرد السؤال عما ألم بها بل تحجرت مقلتاى وظللت أنظر إليها دون أى حراك منى .. تركتها حتى روت دموعها وجهها الذى شعرت بأنه كالأرض التى فاضت بها المياه لتتسربل منها فى جميع الإتجاهات دون وضع حدود أو أى قيود حتى أغرقت اراضى الجيران من شدة دموعها المتدفقة .. كل ذلك وأنا أشعر برعشة من داخلى .. شيئ ما يحدث .. الكلام يقف على شفتى .. تركتها حتى هدأ الإعصار .. بدأت تتحدث بكلمات متقطعه لم أتبين منها حرف فشهيق دموعها سلبها صوتها .. استشعرت من خلال نظراتى انى لم اتبين شيئ حاولت جاهدة نطق كلمة على بعضها .. رجوتها الصمت قليلاً فلقد أوشكت العاصفة على الرحيل حينها نستطيع الحديث بكل سهولة ويسر ... كلمة السر خرجت من بين شفتيها وهى بابا .. بعدها أسترسلت فى الحديث إنضم إلى المحظورة منذ عام ونصف العام .. بعد إنضمامه لها وجدنا كل شيئ تغير وكأنه ليس هذا الرجل الذى عشنا فى كنفه كل السنوات الماضية وهو الأب الحنون الطيب الذى يتبادل الحوار معنا .. تبدلت الأحوال ليصبح كل كلامه فرمانات غير قابلة للنقاش .. وان فكرت مجرد التفكير فى مناقشه أمر من أوامره يجيب بمنتهى الحزم .. لا فائدة المبدء مرفوض .. فجأة وجدناه يأتى بكم من اكياس القمامة السوداء التى تسمى بالنقاب ليغطى بها كل من تحمل تاء التأنيث فى المنزل على اساس ان اكتمال الدين بهذا الشيئ الذى لم ينزل الله به من سلطان .. تمردت على هذا الوضع ولم أرضخ لطلبه .. قاطعنى وقاطع الطعام معى على سفرة واحدة ... لم اشعر براحة بالطبع لما يحدث ولكنى لن أسجن نفسى خلف هذه القضبان .. إذا كنا فى الحج نقابل الله بوجوه مكشوفة فما بالنا بالبشر الذى خلقهم الله .. فهذا الشيئ ليس من الاسلام فى شيئ ... بعد عدة ايام تعودت على هذا الوضع ولم اتنازل عن

إذن ما الجديد يا عزيزتى وما الذى أوصلك هذه الحالة الآن ؟؟

الجديد أن فى اخ شاب وملتزم وغير مدخن والى اخر الشعر اللى اتقالى فيه لما عرضوا الموضوع منضم للجماعه

انا مقاطعه .. وعايزين له عروسه صح ؟؟؟

أه صح وبما انى متمردة فهو اللى هيكسر مناخيرى ويلبسنى البتاع ده ..

طيب يا مامى انتى مش بتشتغلى وعندك دخل خاص بيكى ..

أجابت نعم ولكن حتى العمل بعد الزواج ساستقيل منه وهذا شرط العريس

انتى مش اكتر من 21 سنة دلوقتى ؟؟

يعنى ايه

يعنى القانون فى صفك

ماهو اكيد المأذون هيكون من الاخوة ويجوزنى ليه حتى لو قولت رافضه ..

مش توقعى خالص

ماهو ولى الامر هيوقع

بس ده اسمه تزوير

ارفعى عليهم قضية

انا بابا محامى

:)))

حبيبتى إذا كانت للذنوب رائحة لفررنا من جوار من نظن أنهم أتقى الناس

يعنى ايه ؟؟

يعنى قصدى أهدى النفوس

Monday, June 22, 2009

الله يفضحهم دول طلعوا بتوع نسوان

بالرغم من إنى مش ليا فى الكورة ولا من اللى بيعطلوا شغلهم علشان يفضوا نفسهم للماتشات لكنى محتفظة بهويتى اوى وبحب بلدى اوى علشان كد يهمنى عدم طمس هويتها وقلع المصريين من جذورهم بجلب عادات بدوية صحراوية قميئة ... لما مصر بتلعب مع أى فرق خارجية بفرح اوى لما بتكسب وبزعل اوى لما بتخسر لدرجة انى فى الدورى الافريقى خرجت انا وصحابى ولفينا بالعربيات مع الناس اللى كانت بتلف وفرحنا اوى معاهم وكنا بنهتف من قلبنا باسم مصر بمعنى ان اللى بيتكلم او بيلعب بيكون بيلعب باسم مصر كلها وبيتكلم باسم مصر كلها .. المنتخب فرح الناس فى البرازيل ومواجهته مع ايطاليا والناس كلها خرجت الشارع وهتفت وكانوا مستنين امريكا لسبب ما او عدم توفيق من ربنا خسروا المباراة .. المفروض نعلق لهم المشانق ؟؟؟؟

مش دول اللى شرفونا ورافعوا راسنا من كام يوم ؟؟

مش دول اللى عمرو اديب اللى قاعد يجعر فى الفيديو ويقول اصل الملعب كان فيه نجاسة علشان كدا احنا خسرنا قدام امريكا وهانى شاكر متصل يقوله انا بعزيك فى الاخلاق والاخ اللى مقيم فى قطر متصل يقول البقاء لله ..عمرو نفسه اشاد بيهم وبكفاءتهم فى الملعب بعد ماتش البرازيل وبعد ماتش ايطاليا فين الشهامة بتاعتة الناس فى وقوفهم جنب المنتخب ؟؟ طيب المنتخب رجالة مش بنات ماشية فى الشارع شباب بيتحرش بيهم علشان الناس تغمض عينيها وتقول البنت هى السبب خارجة من بيتها ليه مش كفاية انها بنت خرجة من بيتها كمان

يعنى ايه جنوب افريقيا علشان يداروا على واقعة السرقة ألفوا إشاعات وقالوا ان اللعيبة جابوا نسوان غرفهم ؟؟ من جمال نسوان جنوب أفريقيا أوى هيجيبوهم غرفهم ؟؟ يعنى بدال ما يحققوا فى جريمة السرقة وفضايحهم قدام العالم يرموا بلاهم على الفريق المصرى ؟؟

انا كنت فاكرة ان اشاعات الشرف بتطلع على جنس حواء بس طلعت كلمة الشرف لبانة سهله تطلع من فم اى انسان عايز ينفى جريمة على نفسه ذلك الشرف الذى لن ينال منه سم زلق مريض يسيل من ألسنة عكرة كصحفى جنوب افريقيا وعمرو اديب اللى قاعد يجعر دون أى دليل مادى ايه عايز يبرء حضرته حرامية جنوب افريقيا .. المبالغ اللى اتسرقت من اللعيبة مش شوية ثم ازاى نسوان هيطلعوا لهم غرفهم دون ان يتم تسجيلهم ؟؟ وفين السكيورتى ؟؟ ايه كانوا ملبسينهم طاقيه الاخفاء ؟؟

Sunday, June 21, 2009

فعلوها الفرنسويون عقبال المصريون

تدرس فرنسا منع ارتداء المسلمات للنقاب في الأماكن العامة، وذلك بعد خمسة أعوام من الخلاف الذي أثاره قرار باريس منع التلميذات المسلمات من ارتداء الحجاب في المدارس.ويشمل هذا القرار النقاب الذي يغطي الوجه دون منطقة العين، وأيضا "البوركة" الذي يغطي الجسم كله من الرأس وحتى القدمين.

قرار حاسم وياريت يتم تطبيقه بأقصى سرعه .. والبعد عن التراخى عجيب فعلاً اللى رايحة تنقل عادات بدوية جاهله فى بلد أوربى متفتح ما تترمى فى بلدها ولا تروح تجيب لها شوية معيز تسرح بيهم فى الصحراء ... ياريت كمان وزارة الاوقاف المصرية تواصل جهودها فلقد قامت فى العام الماضى بتوزيع كتاب النقاب عادة وليس عبادة .. هو فعلا عادة يتبعها كل من امتلأ عقله بالنخاعات
المسلوقة
وقالت فضيلة عمارة، وكيلة الوزارة لشؤون المدينة، بمنع كامل للبوركة التي سمتها "نعوش الحرية". وأضافت السياسية المولودة في فرنسا لأب جزائري أن النساء اللاتي يرتدين هذه الملابس يخضعن للقمع من "السادة الذكور".
فعلا فيهم اللى متعرضه للقهر وفيهم اللى بتحب تقهر نفسها لأنها أقتنعت إنها عار وعورة من الكلام الكتير اللى بيتردد علي مسامعها صباحاً ومساءاً فاقتنعت إن أخرها تمسح الحمام وتضاجع مولاها آخر الليل حتى يتكاثروا
قرار فرنسا لا غبار عليه ومن حقهم يمنعوا هذه الاكياس السوداء من التجول فى شوارعهم ومن يخالف قوانينهم فعليهم بطرده من بلادهم شر طرده واللى معاه جنسية يسحبوها منه .. عقبال مصر لما تعمل قوانين بمنع هذه الاشياء القميئة قبل ان تتحول لى مصرستان

Thursday, June 18, 2009

الكوتة والاخوانجية واللى تغلب بيه العب بيه

عقب موافقة مجلس الشورى على مشروع قانون بتعديل أحكام قانون مجلس الشعب رقم ٣٨ لسنة ٧٢، ويقضى التعديل بتخصيص ٦٤ مقعداً للنساء فى مجلس الشعب .. إنتفض الإخوانجية إنتفاضة رجل واحد وقالوا يا للهول لن يفلح قوماً ولو أمرهم إمرأة .. وايشى كلام من عينة ده تمييز ضد الرجال .. ولكن خلاص القانون تم تعديله فقد سبق السيف العزل .. وكالعادة المصلحة ثم المصلحة ثم المصلحة يليها المنفعة وكله من اجل نصرة إخواننا فى غزة وطز فى المصريين .. إنتفضوا مرة أخرى إنتفاضة رجل واحد وعينوا متحدث رسمى عنهم وراح قايل ايه بقى الكابتشن رشاد البيومى عضو مكتب الإرشاد،

«نية» الجماعة الدفع بـ«إخوانيات» للترشح فى الانتخابات المزمع إجراؤها لزيادة تمثيل المرأة فى البرلمان. وقال: «الاشتراك فى جميع الانتخابات التشريعية والطلابية والنقابية مبدأ أصيل للإخوان يرجع إلى قناعة الجماعة بضرورة المشاركة الإيجابية فى الانتخابات».
طيب هو مش حرام عندكو صوت المرأة ؟؟ إزاى هتسيبوها تقف فى وسط المجلس وتمسك المايك وتتكلم بصوتها العورة وتستجوب وزير ولا اى مسئول فى الدولة بصوتها العورة وناهيك عن الصور اللى هتعلقها فى الحيطان اثناء الدعاية الانتخابية ولا هتعلقوا لها صورة وهى لابسه النقاب ابو عين واحدة ولا مغطية عنيها الاتنين وساحبها محرم زى كيس الزبالة الاسود المربوط ؟؟
وماذا عن المؤتمرات الانتخابية مش واجب برضه تقابل أولاد الدايرة علشان تشرح لهم برنامجها الانتخابى ولا اولاد الدايرة هما اللى هيقابلوها ؟؟

Sunday, June 14, 2009

بيان هاااااام .. مشاهدة الأفلام حرام حتى فى المنازل

من شوية وانا داخله الفيسبوك وجدت دعوة للانضمام لجروب اسمه عايزين نطبق الشريعه الاسلامية .. قولت يا سلام هو البلد مش فى ناس تانية مشاركانا فيها برضه وليهم ما لينا من حقوق وعليهم ما علينا من واجبات .. ولا دول هندفعهم الجزية ولا عزاء للمواطنة طبعا عملت اجنور للجروب الخرفان ده ورحت اشوف الاخبار والاقى فى وشى الخبر ده ..


منع الاسلاميون الذين يسيطرون على جنوب الصومال السبت عرض الافلام السينمائية على شاشة التلفزيون بعد ثلاث سنوات من اغلاق دور العرض في المنطقة التي يسيطرون عليها.
واعلن الشيخ مولد احمد قائد قوات الامن في مدينة كيسمايو الساحلية في بيان ان "مشاهدة الافلام محرمة تماما حتى في المنازل".
واضاف "لا يحق للناس مشاهدة التلفزيون سوى للاطلاع على الاخبار من قنوات اخبارية مثل الجزيرة" (القطرية) موضحا انه سيتم التحقق من ذلك في المنازل ومن يخالف التعليمات سيعاقب

مين الناس دى والكلام ده جايبينه من فين ومذكور فى أى كتاب .. يعنى أيه يراقبوا الناس فى بيوتها طيب بالبلطجة قفلوا دور العرض بحجة الاسلام والدين يمنع كدا والكلام الفاضى اللى قاعدين يلزقوه فى الدين ده طيب الدين قالهم برضه يدخلوا ورا الناس بيوتها ويفرضوا عليهم يتفرجوا على ايه ومش يشوفوا ايه ؟؟ طيب ما هى الاخبار ممكن يكون بتقدمها مذيعة والمذيعة انثى يعنى عورة خلاص البيان اللى جاى كمان منع الاخبار يتفرجوا عليها ويركبوا لهم عداد على بؤهم يعد الانفاس ويدخلوا وراهم غرف نومهم واللى مش يعاشر زوجته وهى لابسه الجلابيه ومغطية وشها يتم خصيه عالم متخلفه يرتكبوا اعمال بلطجة ويلزقوها فى الدين السكوت والخضوع اللى الناس فيه اتاح ليهم تنصيب انفسهم امراء افتاء وقضاة حكم بالتكفير والقتل .. المفروض تقوم ثورة لردع هؤلاء الجهلاء

Wednesday, June 10, 2009

يرتدى النقاب ليتمكن من مقابلة عشيقته بمنزلها فى شبرا


ألقت مباحث شبرا الخيمة القبض على عاطل 30 سنه بعد أن قام بارتداء النقاب حتى يتمكن من دخول منزل عشيقته والجلوس معها في غرفتها بمنزلها بمنطقة شبرا الخيمة .
وقد أكتشف الاهالى الواقعة وتم إلقاء القبض على المتهم وأحيل الى النيابة للتحقيق.
يا سلام على الفضل والفضيلة اللى كل واحد تلثم نفسها على شكل قاطع طريق وتمشى تجر وراها 4 متر قماش تمشى تمسح بيهم الشارع تقول ده فضل .. فضل من مين على مين يا نضيفه هو فى حد بيتفضل على ربنا برضه .. طيب ادى حصاد الفضل بتعاكو
كانت مباحث شبرا الخيمة قد تلقت بلاغا من الاهالى عن اكتشافهم قيام عاطل بارتداء النقاب ليتمكن من الصعود الى منزل عشيقته على أنه إحدى صديقاتها فى أى وقت ويقوم بالجلوس معها فى الغرفة لمدة طويلة بدون علم أسرتها .
إكتشف أحد الاهالى الواقعة وقام بإبلاغ أجهزة الأمن وتم إعداد كمين للمتهم وألقت المباحث القبض عليه بالنقاب وتم الكشف عنه وأنقذته الشرطة من "علقة موت" من الاهالى وأسرة عشيقته ..تم إحالة المتهم الى النيابة للتحقيق
.
===========================
بالرغم من تكرار الحوادث بارتداء هذا اللثام الا ان وزارة الداخلية لازالت لم تتحرك وسايبه الفسقه والمنحلين والمسجلين خطر يتخفوا وراه مش المفروض يتحركو بقى ويجرموه المفروض يتحركو ويمنعوا كل كيس زبالة اسود متحرك من المشى فى الشوارع حفاظاً على أمن وأمان المجتمع .. اللى بتعانى من تلف خلايا الاحساس ودمار فى خلايا الاخلاق أو شايفة فى نفسها عورة او اللى عامله مصيبة ومش عايزة حد يعرفها تستخبى فى بيتها مش تخرج منه .. إنما المواطنين من حقهم يعيشوا فى امان .. المفروض يكون فى مراقبة داخليه بقى طالما الامر وصل للانحدار ده

Sunday, June 7, 2009

ماهو كان بيجرى فى دمى


على غير العادة تغيب عن العمل اربعة أيام على التوالى أسأل على أخباره من أحد الأصدقاء المشتركين فيجيب موبايله مغلق ودايما فى البيت نايم او مش موجود .. همممم إذن الأمر جلل .. حضر فى اليوم الخامس شاحب اللون إن حادثته أنثى يرد باقتضاب وهو الذى طالما يملأ المكان فرح ومرح ونكات .. قلقت الحقيقة خوفت احسن يكون اتلم على اخوانجى وقاله المرأة عورة ومش تكلمها ولا حاجه خصوصا وإن دقنه اللى كان حريص على حلاقتها كحرصه تماما على كامل أناقته قد نبتت بل وصل طول الشعر الى حوالى 3 سنتيمترات .. كان ممسكاً بورقة وقلم ويخطط به شيئ لم أتبينه .. ذهبت إليه متودده ما بك يا عزيزى .. ابداً موضوع وهيروح لحاله .. ايوا يعنى مش ينفع اعرفه ؟؟ مش تشغلى نفسك .. لاء انا عايزة أشغل نفسى معلشى اصلى فضولية مع الناس اللى بعزهم وعايزة اعرف فى ايه .. اشاح بوجهه فى الإتجاه الآخر .. صحت بأعلى صوتى .. لاء أوعى خصوصا وانا بشوفك الأيام مع الواد بيجاد والواد ده أنا مش بستريح له .. تقصدى أيه .. يكون اخدك حلفك على السيف والمصحف والعيش والملح والأخوة وكل ايمانات العالم .. إبتسم إبتسامة باهته .. لا مش تخافى مش انا اللى أعمل كدا .. ايون طمنتنى كويس انك لسه بعقلك زادت ابتسامته شيئاً قليلاً .. أيوا كدا شوفت الضحك بينور الوجه ازاى سيبك بقى من الهم فى ايه واحكى لى .. الله يخليكى انا عايز أنسى مش لازم افتكر .. اممممممممم سحبت الورقة التى كانت يخط بها بحركة رشيقه .. وحينما طالعت ما بها انفرجت شفتاى عن إبتسامة مؤلمة .. فقد كانت تحمل ورقتة من قلب كل همه فى الوجود أن يحيا بكى .. أن يناديكى رغم البعد أن يظل دائماً يسأل عن شئ واحد هو أين أنتى ؟؟ لكنى لا أحب الخيانة وقد أتضح تماماً أنها اصبحت جزء منكن .. كنت أظن أنك غير كل النساء ولكن قد خابت ظنونى .. لا فرق بينكن إنها رساله موجهه كان لابد لى أن أعلم أنك رغم بلوغك سن الرشد إلا أنك لازلتى فى طور المراهقه اشكرك على كل لحظة عشتها فى حب كانت ممتعه والحقيقة انك أيقنتى لبس الاقنعة ...
ايه اللى حصل .. تنهد بكل ألم وحسرة شعرت حينها أن الكلام سيريحه وهو لا يريد لنفسه الراحة وكأنه بيعاقب نفسه
سألته ممكن اتصل بيها ؟؟؟ أنتفض من مكانه كمن بثت حول عنقه سموم الكوبرا .. انا مش هتسول مشاعرها .. مش قصدى بس فعلا انا محتاجه اتكلم معها .. ارجوكى لاء .. أوكى لك ما تشاء .. تركته وذهبت بيعداً ولكن حاله لم يعجبنى اطلاقاً وعلى غفلة منه حدثتها لعل تعود المياه إلى مجاريها .. واهى محاولة .. ردت بمنتهى هدوء الأعصاب والبرود التى لم أراها من قبل هو حبنى انا كمان حبيته هو حسسنى انه عايش علشانى هو كمان كان بيجرى فى دمى .. طب وايه اللى حصل ابداً انا بصحى من النوم الاقيه قدامى يرجع من الشغل قاعد فى وشى ما نتى فاهمه اننا جيران حسيت انه نقل محل اقامته فى البلكونة قولت له وجودنا فى وش بعض كتير هيسبب عندنا ملل من دلوقتى وعادة الملل بيحصل بعد الجواز لكنه مش فهم انا عايزة ايه وفى كل مكان الاقيه فى وشى وقدامى لما بقيت حاسه انى محتاجه نبعد فترة علشان اشوف مشاعرى ناحيته ايه وبعدت نفسى عنه مش كنت بخرج البلكونة خالص كان يكلمنى احاول اطلع باى مبرر علشان احس انه واحشنى لكن فى الفترة دى قست مشاعرى واكتشفت اننا مش ينفع نكون غير اخوات .. وبعد السنين دى كلها اكتشفتى كدا فجأة لاء بس كنت بكدب إحساسى
امممم قولى فى الفترة دى عملتى تغيير دم .. قصدك ايه ؟؟ قصدى حتفهميه بعدين .. قفلت معاها وعدت إليه ثانية لأمسك بنفس ورقته واخط فيها

لو احتضنت الحية فى صدرك وأعجبك نعومة جلدها لا يعنى هذا أنها تبادلك الحب نفسه ولن تلدغك

Friday, June 5, 2009

وعــظ بالقوة الجبرية

شرايط كاسيت أعتقد يتم صدورها فى الأسواق خصيصاً لسواقين الميكروباص فمن الأغانى الهابطة من عينة الموز والعنب والعبد والشيطان التى تطرش الآذان فى علب الصفيح المتحركة المسماة مجازاً بميكروباص لنقل البشر وليس لنقل البضائع والتى إنتقلت العدوى فى هذه الايام للتاكسيات ايضاً فتجد نفسك غصباً وإقتداراً تستمع إلى رعب صنع خصيصاً ليسمعه المواطنين داخل هذه العلب المتحركة ليجد نفسه مغلوب على أمره يستمع إلى من يتباكى طوال الوقت وهو يحكى قصة زليخة إمرأة العزيز وقميصها الأحمر وكيف كان عفاف يوسف عليه السلام ولا أعلم ما المبكى فى هذه القصة التى لا يعرف غيرها ولا يروى غيرها فى جميع الأماكن التى يرتادها حتى الميكروباص .. وآخر يجلس يرهب ويتوعد ويحك إن أكلت مال غيرك لنجد ان سائق الميكروباص نفسه الذى يلقى على مسامعك هذا الكلام قهراً إن كانت قيمة الأجرة جنيه وربع فيأخذه جنية ونصف وليس لك الحق أن تطالب بباقى اموالك وان طالبت يجده ينظر إليك شذراً وده أقل واجب ده ممكن يتخانق على الربع جنيه ده وكأنه حق مكتسب ليه امال بتسمع ايه ياعم الحاج طول النهار وقارفنا جنبك .. يقولك هذه نقرة وهذه نقرة أخرى .. ومتستغربش لما تلاقى واحد قاعد يجعر بصوت لا يقوى عليه صاحب انكر الاصوات بجلاله قدره ليروى قصة فرعون واللى يقوله يعيده ولو الوجه الاول من الشريط خلص تحمد ربك انك ممكن تستمتع بدقيقة راحة لكن ازاى السواق المبجل يعمل كدا غصب عنك هيقلب الشريط علشان تقلب معاه معدتك وترجع اللى فيها ليعيد الاخ المجعر الكلام السابق وإلى أن تصل مكانك بسلام تحاول تقنع نفسك إنه فعلا سواق ورع وتقى عايز يدى الناس الوعظ الكافى علشان يتعاملوا كويس ومش يبقوا زى فرعون المفترى ... وانت فى غفلة من افكارك تخيل ان يسبقه زميل الى الموقف واتفرج الى كم الالفاظ والسباب التى يندى لها الجبين ... ناهيك عن السباب الذى يلقيه ايضا على المسامع شيوخ الميكروباص ووصفهم المبتذل للسيدات وكأنه واضع انثى امامه يقوم بالاستمناء عليها من طريقة تشريحه ووصفه لها والحجة عدم الحجاب ... تحضرنى هنا مقولة الشيخ كشك جحمه الله وهو يقول على ام كلثوم امرأة فى السبعين وتقول خدنى فى حنانك خدنى ويكمل كلامه " ياخى خدك ربنا " والحمد لله إن ربنا أخده وريحنا من لسانه ولو انى كنت افضل انه يكون عايش حتى يومنا هذا ليرى امرأة فى الخمسين تأخذ ايملات الفيسبوك وبدل من ان تعترف بحرقة دمها لطردها شر طرده من البلوج تدعى كذبا بانها تدافع عن الله ورسوله يمكن كان قال خدها ربنا هى ايضا .. بس فعلا لو ربنا اخدها هنتسلى على مين .. خليها تلف ورايا فى المواقع والمدونات وتجيب لنكات وتخترع حكايات هلاقى حاجه اتسلى بيها احسن من كدا فين
سؤالى فين جبهة علماء الأزهر من اصحاب الفتاوى العك وارهابيين اللى ماليين الميكروباصات والتاكسى ؟؟
هو قانون المرور الجديد تناسى الناس دى ليه ؟؟

Thursday, June 4, 2009

الخير كتير وكل زيارة وانت طيب

بصرف النظر عن وقوف الحياة فى الشوارع اللى مر بيها الموكب المهيب للزائر الحبيب
بصرف النظر عن تحريم الناس مجرد فتح الشبابيك احسن الزائر تقع عينه على حد قالع راسه ولا حاجه يادى الفضيحة ده حتى تبقى عيب
وبصرف النظر عن الغاء الامتحانات للطلبة والاجازات للعاملين وهو حد طايل يوم اجازه
وبرضه برصف النظر عن خطاب المهدى المنتظر اللى كان الغالبية معلقه أمالها عليه وناس تقولك الراجل ده الشفا على ايده ان شاء الله ده بركه لازم نلمسه علشان البركة تطولنا .. واللى يقول هو فى ايده الحل الجهنمى وهيفرج عن المعتقلين والمسجلين خطر اللى مرمين فى السجون مش حد عارف عنهم حاجه يمكن بركة جوانتنامو تحل علينا
كل ده عاتشى خالص مالص .. وتم احباط واصابة الناس دول ودكهم ودولكهما بخيبة الامل المبينة
المشير والمشير خالص للانهداش لدرجة انى كيبوردى مش قادرة تنطق ولا تكتب الرقم الحقيقة .. علشان ايه ينصرف على زيارة اوباما 500 مليون جنيه
الا هو شوية الدوكو اللى لونو بيهم كام كوبرى على كام شارع دول يتكلفوا المبلغ ده ؟؟
الا هما الـ3000جندى من المارينز اللى جابوهم لحراسة المحروس اوباما بجلالة قدره وكأننا بنعترف اعرتاف صريح ان مصر مش فيها أمن قادر على حماية اوباما يتكلفوا الـ500مليون جنيه ؟؟
ألا هما السادة المتسكعين اللى قاعدين يصرفوا على زيارة مدتها 6 ساعات من دم الشعب الغلبان اللى مش لاقى ابسط وسائل الامان مش شافوا اطفال نايمين تحت الكبارى خالص فى حياتهم حتى قبل ما يبقوا وزراء قد الدنيا ؟؟ مش شافوا شحاتين فى اشارت وهما فى ثانوية عامة مثلا بلاش وهما فى جامعه ماهى مصر طول عمرها فيها شحاتين يعنى الموضوع مش جديد .. مش سمعوا عن ناس منكوبة نايمة فى شوارع
طيب انا دمى محروق بجد على المبلغ ده .. وبفكر مش ادفع ضرايب تانى علشان الضرايب اللى بدفعها بتروح هباء هباءا هباءا
كدا ممكن اتسجن ولا يحصل اييييييييييييه
ومش دافعة ضرايب بقى وعايزة حقى
500مليون جنيه علشان الكلمتين دوووووووول
ما احنا طول النهار نتكلم ونتكلم ومش حد بيقولنا انتوا بتقولوا ايه وبشوف ناس بتجرى فى الشارع وتتكلم برضه
وبشوف بنات بيتحرش بيهم شباب سفله والبنات بيهزأوهم واحيانا بيدولهم دروس فى الاخلاق ومش حد بيقولهم برافو او انتى صح او اخرس يا حيوان اعتبرها اختك وبرضه مش حد بيدلهم اتنين جنيه فكه
وبشوف موظفين ماشية تكلم نفسها من قلة .. يعنى عنده اولاد فى جامعه وفى مراحل تعليم مختلفه ومرتبه مش جايب 500 جنيه
وبشوف ستات غلابة قاعدين يبيعوا الخضار فى انتظار رزق ربنا حتى لو 5جنيه هيرضوا بقليلهم
وبشوف شباب عواطلية ماليين النواصى نفسهم فى وظيفة حتى ب150جنيه
وبشوف فى الجرايد ناس بتقتل عيالها علشان مش يعيشوا الفقر
وبشوف ناس بتموت نفسها شغل ليل نهار علشان يوفروا العشا لولادهم
وزيارة الكومونوس تتكلف 500مليون جنيه من دم ده ودول ودوكهما اللى هما فى الحقيقة ممكن يناموا من غير عشا اسبوع ورا بعضه علشان يدفع للحكومة الضرايب او التامينات اصله لو مش دفع هيقى فيها حجوزات امال نتفشخر منين يعنى ؟؟


Wednesday, June 3, 2009

الحمد لله الذى خلصنا من هذا العمرو خالد عقبال الباقييين

خبر سعيد تتداولة الصحف اليوم واتمنى انه يكون حقيقة وليس مجرد فرقعه اعلامية مقصودة لتلميع عمرو خالد بين معجباته اصل النجوم والبهلونات لما بيحسوا ان المعجبين بدأوا ينسحبوا من حواليهم بخلاف ان الناس اللى عندها عقل فاقساهم وفاقسه التمثيل وفن التباكى الذى يجيدوه بيخترعوا اى حاجه لعودة الأضواء من تانى ..
الخبر بيقول ايه بقى يا حضرات
الأمن أجبر الداعية البارز عمرو خالد على الرحيل من مصر، ومنعه من تصوير برامجه داخل البلاد، إثر خلافات ومناوشات بدأت قبل ٦ أشهر على خلفية مشروعه «إنسان» لمحاربة الفقر، ورفض الأمن لتصويره برنامج «المجددون»، وبلغت الأزمة ذروتها مؤخراً بمنع عرض الجزء الثانى من برنامجه «قصص القرآن» فى بعض الفضائيات المصرية.
وقالت مصادر مطلعة إن خالد رحل إلى لندن صباح أمس فى رحلة طويلة قد تمتد بين عامين وثلاثة أعوام، حيث سيعود بعد عدة أيام بعد ترتيب أوضاعه فى لندن لاصطحاب زوجته وأبنائه، على أن يزور مصر على فترات متباعدة ولأيام قليلة، للاطمئنان على والديه، دون أى ظهور إعلامى أو المشاركة فى أى أنشطة عامة


يعنى هو انا نفسى افهم اللى بيتم ابعاده من البلاد بيرجع لها تانى إزاى ؟؟؟ وليه عموووره راح لندن بلاد الفرنجة والعياذ بالله هل صبأ وبعد ابعاده ناوى يخرج عن دين أبائنا وأجدادانا ويتبع الدين الجديد ؟؟ مش راح ليه عند حبايبه آل سعود
يلا عموما السكة اللى تودى وعقبال باقى الدجالين