ومن بعدها مش بدخل عندها


كنا قاعدين فى قعدة دردشة عادية جدا وفجأة لاقينا فى وشنا خبر الحكم لفتاة منقبة بدخول المدينة الجامعية .. قولت يادى الارف احنا مش هنخلص بقى من اكياس الزبالة دى .. ضحكت ضحكة مكتومة وقالت لى تصدقى لو كنت سمعتك من شهر بالظبط بتتكلمى عليهم بالطريقة دى انا كان ممكن اقاطعك لاخر العمر .. قولت لها بصى أكياس الزبالة دى مش واخدة أهتمامى يعنى علشان تقاطعينى ولا تواصلينى بس اعمل ايه كل لما افتح المواقع الاخبارية الاقى خبرعليهم .. كل لما اقعد مع حد مش عارفة بتيجى سيرتهم ازاى .. كل لما امشى الاقيهم بيتكعبلوا تحت كعب جزمتى بس وحياتك بدوس عليهم وامشى ولا بيهمنى
قالت لى حقك والله تعملى اكتر من كدا .. ده واضح انك كاتمة فى قلبك اوى منهم ؟ قالت هى واحدة بس اللى واجهتها من الناس دى وكرهتنى فيهم كلهم .. ليه عملت ايه البت دى ؟
قالت لى دى ست جارتنا اتجوزت وبعد اول طفل جابته جوزها مات على فكرة هى لسه صغيرة يعنى تقدر تتجوز وحلوة كمان .. الحلاوة مش كل حاجه يا دودو بس ايه اللى حصل منها ؟
قالت لى ساعات كنت لما احس زهقانة وانتى عارفه انى مش بشتغل كنت بروح اقعد معاها او هى تيجى تقعد معايا المهم كنا بنتبادل الزيارات ما احنا الاتنين فاضيين بقى .. وكان اهلى على فكرة مبسوطين بيها اوى لانها منقبة يبقى من وجهة نظرهم الادب كله والاخلاق كلها .. ومرة ورا التانية بدات تتكلم فى التيلفون قدامى تصدقى انها بتخلى الرجالة يحولوا لها رصيد ؟
لو جت على الرصيد بس يبقى كويس يا دودو .. قالت لى الراجل من دول تمسكه كلام ناعم وحوارات مش اقدر احكى لك عليها وترقعه الضحكة السخنة من هنا وفى اخر المكالمة تقوله حولى رصيد مع انها بترن عليهم بس وهما اللى بيتصلوا .. قولت لها وبيحول قالت لى طبعا هو يقدر يقولها لاء .. ليه يا دودو مش يقدر يقولها لاء هى ماسكة عليه ذله ولا حاجه ؟ قالت لى يا بنتى هيتحرم من المكالمات النار بتاعتها .. طيب وانتى يا دودو موقعك من الاعراب هنا ايه ؟ انا بدأت اقصر معاها بالتدريج وتيجى عندى البيت اعمل نفسى مشغولة بتجهيز الاكل او تنضيف الشقة واسيبها قاعدة لوحدها لحد ما تزهق وتقوم تروح .. ولو قالت لى تعالى اشربى معايا الشاى اعتذر لها باى حجة علشان مش احسسها انى قرفانة منها مع انى بقيت لما بسمع صوتها بس من غير ما اشوفها ابقى عايزة ارجع اللى فى معدتى .. طيب يا دودو انتى دى بتقولى كل اللى بتعمله مكالمات سخنة امال اللى بتلبسه علشان تصادق الطلبة وتروح وتيجى من غير ما حد يعرفها ؟ واللى بتلبسه علشان تنصب على حد .. ده اخر اختراعاتهم واحدة تيجى تقولك ممكن موبايلك بس احط فيه الشريحة بتاعتى اعمل منه مكالمة اصل تليفونى ضايع ومحتاجه اعمل مكالمة ضرورى ولو حد طلع اهبل واداها الموبايل بتاعه تحط منه الشريحه يبقى يستعوض ربه فيه اصله هيجيبها منين وازاى ما هى متخفية زى قطاعين الطرق .. لاقيت دودو كملت لى هما مش مسكو ولد رايح لعشيقته وهو لابس النقاب وكمان منعوه فى المدينة الجامعية علشان مسكو ولاد داخلين لبنات وهما لابسين النقاب .. قولت لها هايل انك متابعه قالت لى ومين فى المجتمع مش تايه عن بلاويهم .. قولت مش حد تايه بس ده اكل عيشهم قالت لى يعنى ايه قولت لها يعنى واحد قاعد يجعر فى التى فى على النقاب والاغبياء يصدقوه مش يعرف ان ده اكل عيشه وفى نفس الوقت مش يقدر يتكلم ولا يجى ناحية اى قضية تهم الوطن والمواطنين والا هيتعلق من لباليبو .. والمنتفعين من وراه بيدافعوا باستماته اصل بمنعه هيتقطع عيشهم .. اه لو تعرفى انا بقيت بقرف منهم ازاى مش هتصدقينى .. قولت لها لاء مصدقاكى وهذا هو المطلوب اثباته .. كل البشرية تقرف منهم لانهم بالفعل مقرفين

تعليقات

‏قال عمو عصام…
انا عندى رصيدكبير ممكن اضحى بعشرين جنيه بس اسمع الضحكه الحلوه دى ...دىتبقى حاجه ببلاش كده
‏قال AHMED SAMIR
بصي هو مفيش شك ان كثير من الجرائم ترتكب بأسم النقاب في هذا الزمان
و انه لابد من منعه درءا للشبهات
الا ان دة لا ينبغي ان نغفل عن ان اكيد في سيدات و فتيات محترمات بيرتدوا النقاب
بصرف النظر عن اتفاقنا او اختلافنا معهم
تحياتي
‏قال عمو مصام…
أستأذنك فى كتابة تعليق على تعليق الأخت زملكاويه على بوست الشيخ القرضاوى حيث فشلت فى إرسال التعليق على مدونتها لمشاكل فنيه لم أستطع حلهامع خالص شكرى وإعتذارى كضيف ثقيل وغلس بعض الشئ:عزيزتى زملكاويه إسمحى لى بأن أخاطبك بصفتين مختلفتين:الأولى كمسيحى شاكرا لك تعليقك الرائع على بوست قطة الصحراء عن الشيخ القرضاوى مهنئا مصر على وجود أمثالك من العقلاء المتسامحون الذين يفهمون صحيح الدين والصفه الثانيه كأهلاوى غير متعصب ومتعاطف مع الزمالك الذى تعرض للظلم ولكن لم يكن أمام إتحاد الكوسه غير ذلك لأن الورطه التى أوقع نفسه فيها أنه لابد أن يظلم أحد الأطراف فحرس الحدود غير مخطئ والزمالك أيضا غير مخطئ وما يعنينى هو أن شخصيتك المتسامحه إختفى شطر كبير منها حبا فى الزمالك ولاحظت تعصبا لاداعى له فالزمالك ليس رمزا لكل شئ جميل بل العكس فهو منهار إداريا وأخلاقيا ويجب تنبيه إدارته لذلك حتى يعود قويا لأن الرياضه فى مصر هى الأهلى والزمالك وبدون أحدهما ستنهاركمالايجب الزج بإسم الأهلى فى كل مايتعلق بالزمالك وكأن الأهلى هو المسؤول عن فشل الزمالك الإدارى وأخيرا أنا سعيد بك وبمدونتك التى قررت متابعتها دائما وأرجوألا تغضبى من تعليقى خصوصا أنى فى مثل سن والدك (50سنه)وكل سنه وأنت طيبه ومتسامحه ومحبه لكل الناس مسلمين ومسيحيينتذارى لمنبرك
‏قال مواطن مصري
انتي مش هتكتبي ع موضوع خرافات اشاعة ظهور العذرا في شبرا و الوراق؟؟؟

دة فية ناس علمانين و هما متطرفين واخدين العلمانية ستارة

مصدقين الخرافات دي

مش هتكتبي عن الموضوع دة؟
‏قال bluestone
انا معنديش مشكلة مع ممارسة الحرية المطلقة
كل واحد يلبس اللي هو عايزه بدون ما يخل لا بالنظام العام ولا بالامن
يعني زي ما هو ماينفعش واحدة تمشي بالبكيني في ميدان رمسيس كمان المنقبة بتمثل خطر اكبر لان النقاب يتضمن اخفاء للهوية وده ممكن يتستر وراه مشاكل كتير جدا

يعني ممكن افهم واحدة شايفة ان النقاب اصل الدين وان وشها عورة وانها بني ادمة درجة خامسة يجب اخفائها لانها شيطان متحرك
لكن ما تشتغلش في مكان عام ولا تدخل مكان عام ولا تتعامل مع الناس
‏قال Desert cat
بابى عصام
ههههههههههههههههه
خلاص اخلى دودو تكلمها
‏قال Desert cat
A.SAMIR
والمحترم بيتخفى ليه يا دكتور ؟
‏قال Desert cat
بابايا العزيز
مى بقى ترد عليك
علشان انا ماليش فى الكورة
‏قال Desert cat
مواطن مصرى
الدنيا كلها كتبت عنه يا عزيزى
وبما انى مش مصدقاه يبقى هكتب ليه عن حاجه مش داخله عقلى اصلا
‏قال Desert cat
bluestone
لا ازاى يا بو هما شايفين انهم من حقهم يختفوا ويرتكبو من الجرايم ما يحلو لهم ويشتغلوا فى اى مكان يحلو لهم
ويسافروا فى بلاد ملهاش علاقة اصلا بالاسلام ويفرضوا عليهم قوانينهم ويرهبوهم ويهزأوهم كمان لو رفضوا لهم طلب
جابو منين البجاحة دى ومين اللى اداهم الحق فى كدا
الله اعلى واعلم
‏قال غير معرف…
This article will assiѕt the inteгnet peορle for
sеttіng up new webрage οr even a blog from start to end.


Loοk аt mу ωеb рage ::
natural skin lightening

المشاركات الشائعة