ليه كل ده ؟؟

انا لحد اخر لحظة مستائه من اللى بيحصل بين البلدين .. بلوم على اى متعصب لكن بعد اللى حصل للمصريين فى السودان ده واضح ان الموضوع له ابعاد كتر من مجرد ماتش كورة
من رابع المستحيلات اللى حصل فى السودان للمصريين علشان
خاطر ماتش كورة

من رابع المستحيلات : ان بوتفليقه يطلع البلطجية ومسجلين الخطر ويديلهم تذاكر سفر مجانية للسودان علشان يشجعوا منتخب الجزائر ؟؟
عايزة رد من حد يقولى علشان ايه الجزائريين ينزلوا السودان من اول اليوم ويلفوا فى الاسواق ويشتروا سنج ومطاوى علشان يضربوا المصريين سواء خسروا او كسبوا .. معقول كل ده علشان الكورة ؟؟ طيب حد مصدق ان الناس دى تاخد تذاكر مجانية وتروح تشترى سنج وتهجم على اتوبيسات المصريين وتكسرها بس علشان الكورة ؟؟
ده احنا لو فى حالة حرب معاهم مش هيسيبوا المباراة ويقفوا بره الاستاذ لاى مصرى علشان يدبحوه ؟؟
ده احنا لو فى حالة حرب معاهم مش هيحبسوا محمد فؤاد وابنه ومعاهم 130مشجع فى مقر وكالة طارق نور اللى فى الجزائر واللى فى مكالمة تليفونية ليه مع انس الفقى بيقول انه مصاب وانهم لو عرفوا مكانه هو والناس اللى معاه كانوا زمانهم راحوا قتلوهم وانهم خايفين يخرجوا من مقر الوكالة لحد يقابلهم والامن السودانى مش قادر يسيطر على البلطجية ومسجلين الخطر اللى باعتهم بوتفليقه ؟؟
احنا لو فى حالة حرب معاهم مش هيحبسوا هالة صدقى وطارق دسوقى ومعاهم عدد من المشجعين فى مطعم أم درمان وهى كمان اتصلت بالتلفزيون علشان حد يكلم السفارة تغيثها وفضلوا محجوزين للصبح واضح ان السفارة كانت وراها غسيل علشان تسيب المصريين كل واحد بيثتغيث من جهة ولا حد سامع لهم صوت ..
احنا لو فى حالة حرب معاهم هيثم شاكر ومعاه عدد لا بأس به من المصريين مش حيجروا على بيوت السودانيين يستخبوا فيها ؟؟ ولا ايهاب توفيق اللى قاعد يصرخ فى مطار السودان ويقولهم الحقوا المصريين الوضع فى السودان صعب ارجو ان السفارة تغيثهم المصريين تايهيين فى شوارع السودان و الجزائريين بيدوروا عليهم ولو شافوا اى مصرى هيتقطع .. وهو نفسه محجوز فى مطار السودان اكتر من 10ساعات ؟
حد عمره شاف المستشفيات بتستعد وتجهز اكتر من غرفة استقبال واسعافات قدام المطار لنقل المصابين الا فى الحوادث الجماعية وحالات الحرب ؟؟ علشان حاتم الجبلى يامر بتجهيز مستشفيات الاقصر و اسوان .. ده غير اعلانه اللولبى انه ارسل وفد طبى مصرى لمستشفيات السودان وعلى اى مصرى تايه هناك مش يتردد يروح لهم المستشفيات ..
عايزة حد يكون لسه عنده شوية عقل ويقولى معقول كل ده بسبب الكورة ؟؟
ياريت رد فعل حازم من الحكومة المصرية وان بوتفليقه مش اعتذر يترمى سفيرهم فى الشارع وتتقطع فورا العلاقات ..
الجزائريين نسيوا ان احفاد الفراعنة هما اللى انقذوهم من دبح الفرنسيين فيهم زى الخرفان .. رايحين يردوا لهم المعروف .. ويتنمردوا عليهم فى السودان .. لسه فى حد بيقول قومية عربية .. الوهم اللى عبدالناصر عيش فيه العرب الهمج سنين واللى لسه فى ناس مغيبة بتردده لحد دلوقتى ؟؟ اذا كان القرآن قال ان العرب دول خونة ومنافقين ؟؟ لسه فى مصرى بيقول على نفسه عربى بعد الهمجية والبربرية والشماتة اللى جاية من اكتر من بلد دى .. مش معقول ننتسب للهمج دول احنا فراعنة مصريين .. حضارتنا شاهدة على اصلنا وعلى جذورنا .. واللى معجب باغنية القومية العربية .. يتخلى عن جنسيته المصرية لانه مش يستاهلها
........................................
اتفضلوا اسمعوا احاديث ولادنا اللى ربنا نجاهم من البربر الهمج




اى عروبة اللى بتكلموا عليه

تعليقات

‏قال على باب الله
اكيد الموضوع مش عصبية ماتش كوره
دي مَعزّة جامدة موت في قلوب الشعوب العربية بشكل عام و الجزائر بشكل خاص لمصر

ده حب سعادتك ، و ضرب الحبيب زي اكل الزبيب
‏قال برج المراقبه…
تقول صحيفة لوس أنجلوس تايمز الأمريكية إن الشعب المصري الذي يعشق كرة القدم منذ فترة طويلة بدأ في السنوات العشر الأخيرة يشجع كرة القدم بشكل غير مسبوق ولا حتي في الدول الشهيرة بهذه اللعبة كالبرازيل، حيث أصبح كل مصري يشجع فريقا أو لاعبا، وهو ما يري البعض أنه نوع من التعويض النفسي للظروف المادية التي يعيشها المصريون الذين بلغ عدد من يعيش تحت خط الفقر منهم 40% بواقع إنفاق أقل من دولارين يوميا.. «إن الناس في مصر لجأوا إلي كرة القدم كنوع من الهروب النفسي من ظروفهم الصعبة لأنها الشيء الوحيد الذي يجعلهم سعداء في الفترة الأخيرة».
ويضيف الكاتب الجزائرى«عابد شارف».. «إن تأهل الجزائر يعني هدنة جديدة لصالح الرئيس بوتفليقة.. لا كلام عن الفقر والبطالة والهجرة السرية ولا حتي الإرهاب.. أما في حالة عدم التأهل فسنعود بسرعة إلي المآسي اليومية: الإضرابات والهجرة غير الشرعية والرشوة والإرهاب، إن انعكاسات الاقتصاد ستكون كارثية في البلدين والعكس صحيح.. إن تأهل مصر قد يعني أن الرئيس حسني مبارك يعلن توريث الحكم لنجله في الليلة نفسها ولا أحد يعترض».
‏قال Sahran
أزال المؤلف هذا التعليق.
‏قال عمو عصام…
ازيك ياحبيبتى..شكرا على اهتمامك اللى كنت متوقعه وظروف غيابى الصعبه رغم استمرارها هحاول باستمرار انى اتابعك على قد مااقدر وعاوز اقوللك توقعت كتابتك فى الموضوع ده لايمانى بحسك الوطنى العالى واحب اقولك فتشى عن اسرائيل لانها راهنت على ان البلدين العربيين هيخسروبعض بسبب ماتش كوره يبقى ازاى همه الغلابه هيعيشو مع العرب المتوحشين وللاسف المهابيل اللى خرجوعلينا بالسنج والمطاوى اعطو اسرائيل الفرصه لاستغلالها اعلاميازى مااستغلو قضية الحوثيين فى اليمن وخلافات اللبنانيين مع بعض ...وفى النهايه نفسى الاخ المحترم اللى اختار السودان للعب فيها ينال جزاءه لانه قرار غير مدروس لان قدرات الامن هناك محدوده جدا وعموما ربنا يستر على علاقتنا بالسودان لان بيننا وبينهم مشاكل على مية النيل والحكايه مش ناقصه وكفايه اننا خسرنا الجزائر
‏قال yasser esmail
الله عليكى ياقطه ياجامده انتى

بجد جبتى من الاخر

احنا لازم نعاملهم بمعاملتهم

مشكلتنا اننا شعب طيب

بس حقنا وحق ولادك يامصر مش هايضيع ابدا

انا سمعت ان فى وقفه احتجاجيه بكره امام سفارة الجزائر

دى احتمال تبقى كويسه شويه

وربنا معانا بقى

وربنا يهدهم احفاد نابليون يارب
‏قال Ehab Fayez
كل ده حصل من ساعة ما أخدنا بلدنا بتاريخها وحضارتها ورميناها تحت أقدام بدو و بربر ومتخلفين تحت شعار القومية العربية
يا ريت تكون دى اللحظة المناسبة علشان نفوق من الوهم الكبير ده
و الله العظيم اخر مسخره
من خارج مصر تالمت بشده لما حدث و الحمد لله ان الموضوع تم و احنا في اجازه طويله و الا كنا سمعنا ما لا يعجبنا من الناس في العمل و التلاميذ في الفصول
تحياتي لكل مصري مخلص
‏قال أسماء علي
السياسة في البلدين من مصلحتها ما يحدث يا عزيزتي

لكن .. لا أنكر كم الغيظ بداخلي لما حدث لنا

دمتِ رائعة
‏قال karim
بصى لا تتكلمى عن هذة البلد انسسسى انهم عرب, دوووول مشيوا ورا اليهود وهما من زمان كدة, الحمد للة انى رجعت
‏قال مفكر…
شىء من العقل والفطنه
وبالمناسبه عبد الناصر ليس مخترع حلم الوحده العربيه كما يردد مذيعى الكره الغوغائيون
فى الفضائيات
ليحبس شبابنا بين هؤلاء وبين الدعاه المرتزقه اياهم برده على الفضائيات
واليكم وجهة نظر محترمه
اليس من قلة الفطنة، وفى قول آخر من التفاهة، أن نحزن على رسوبنا فى مادة الألعاب، ولا نحزن لرسوبنا فى المواد الأخرى التى تنبنى بها الأمم وتتقدم بها المجتمعات؟
من سمع منكم عن ساطع الحصرى؟
لقد أحزننى أن العالم يتحرك نحو الكيانات الأكبر ونحن، العرب، نتحرك نحو مزيد من التشرذم والتنازع وتبديد الطاقة. فى يوم من الأيام كان حلم الوحدة العربية قائما بين شعوب متقاربة والمسافة النفسية والاجتماعية بينها تقول إن العقبة الوحيدة هى قيادات حريصة على عروشها أكثر من حرصها على مستقبل مشترك لوطن عربى كبير وواحد. وها هى هذه النخب تنجح فى أن تجعل الكل يفكر بمنطق «مصر أولا وأخيرا» و«الجزائر أولا وأخيرا.» وكذا يزداد أعداؤنا قوة بوحدتهم ونزداد نحن ضعفا بفرقتنا. وأتذكر تعليق العروبى الكبير ساطع الحصرى حينما سُئل «لماذا انتصرت إسرائيل على سبع دول عربية فى حرب عام 1948؟» فكان رده لأنهم كانوا سبع دول، ولو كنا دولة واحدة لانتصرنا عليها.
‏قال Desert cat
بابا عصام
رفع تعليقك ايه ؟؟
التعليق موجود ومنور بين التعقليات
ده انا يوم ما افكر اعمل حاجه زى كدا اقفل المدونة احسن
‏قال Desert cat
على باب الله
واضح فعلا انهم بيطبقوا مقولة من الحب ما قتل
‏قال Desert cat
برج المراقبة
وعلشان بوتفليقه يبعد الجزائريين عنه يقوم يبعت للمصريين مسجلين خطر فى طيارات حربية بس كان قلنا على نيته علشان نبعت احنا كمان البلطجية اللى عندنا مش نبعت له صفوة المجتمع
‏قال Desert cat
Sahran
انا ماليش دعوة بالمباراة ولا ليا دعوة بالمكسب والخسارة .. اذا كانوا هما دخلوا المونديال بالسنج والمطاوى فاللى ارهبوهم وافزعوهم وبهدلولهم دول اخواتى واصحابى وجيرانى واهلى .. اللى كانوا فى السودان يا سهران مش مشجعين جزائريين لكن دول مساجين ومسجلين خطر رايحين فى طيارات حربية بامر من حومتهم يبقى ازاى تقولى على عصابات وارهابيين وهمج مشجعين
‏قال Desert cat
بابا عصام
اولا الف حمد الله على سلامتك
ويارب ظروفك تنتهى على خير وتبقى فى افضل حال
ثانيا انا مش بقتنع بنظرية المؤامرة والصهاينة والكلام ده .. احنا الدول العربية فى قلبها حقد وغل من تجاه مصر ومش عارفه ايه السبب ومش هفكرك برضه بالكلاب اللى طلعت تنبح على مصر من العرب وعايزنا نروح نحارب فى فلسطين وهما قاعدين مربعين ايديهم ول شبابنا مش ارحوا يموتو فى فلسطين يبقى احنا خونة وعملاء وصهاينة والى اخره من الردح اللى ردحوه لمصر والمصريين
‏قال Desert cat
yasser esmail
مبقاش ينفع احنا شعب طيب ياسر بناتنا كانوا بيتبهدلوا فى الشوارع
لازم الكلب اللى يفكر يجيب سيرة مصر ياخد بالجزمة
‏قال Desert cat
Ehab Fayez
انا شايفه اتحاد كبير اوى وروح جميلة عند المصريين يا ايهاب
بس يارب مش بعد يومين ننسى قلة الادب والانحطاط بتاع الكلاب الجزائريين
‏قال Desert cat
Sharm
كلمة همج قليلة على الانحطاط اللى عملوه
‏قال Desert cat
ذو النون المصرى
لازم واقفة جادة علشان خاطرك وعلشان خاطر كل مغترب مصرى لازم كل الدول دى تعرف يعنى ايه مصر ومصريين
اعتقد بدات خطوات ايجابية بالفعل
‏قال Desert cat
أسماء على
ما اظنش يا اسماء ان السياسة فى مصر من مصلحتها اللى بيحصل للمصريين والا كان بدل ما بعتنا فنانين ومثقفين كنا بعتنا لهم بلطجية وبقت مجزرة والشعبين اتهلو فى المجزرة
تحياتى
‏قال Desert cat
karim
حمد الله على سلامتك يا كريم
هما بيقولوا علينا احنا صهاينة ويهود
تصور !
‏قال عمو عصام…
أولاأعتذر عن خطأ رفع التعليق لوجود خطأ منى أدى لعدم وصول تعليقى على المقال السابق وثانياأنا قصدت أن إسرائيل مستفيده بل هى المستفيده الوحيده من كل ماحدث ولاعلاقه لذلك بنظرية المؤامره وياخوفى فى وسط إنشغالنا بالخلافات بيننا أن يستغلوا الفرصه ويهدموا المسجد الأقصى ويبرطعوا فى السودان كما فعلوا فى أثيوبياوثالثا وهوالمهم أتمنى لو وجدت طريقه لمحادثتك على إيميلك الخاص لإحتياجى الشديد لذلك وطبعا هى مجرد أمنيه وستبقى كذلك..وربنا يوفقك

المشاركات الشائعة