Desert Cat Search
قطه الصحراء: مش تقوم يا مصرى خليك مأنتخ

Saturday, October 31, 2009

مش تقوم يا مصرى خليك مأنتخ

مع الاعتذار طبعا للمطرب هشام عباس .. بقى جدك يبنى اهرامات وولادك يلعبوا فى الطينة
طبعا ولاده ياريتهم بيلعبوا فى الطينة وهما ساكتين .. دول كمان بيشوهوا اى حاجه تقع ايديهم عليها بالطينة دى
اللى اكتشف المعادن فى عصور ما قبل التاريخ ولاده مش قدرين يكتشفوا جحر نملة ... وإن واحد فيهم بس واحد هرب من الأزمة الفكرية وشغل عقله اا يتسرق البحث بتاعه او يتم اتهامه بالكفر والزندقة فاى علم غير الدين حرام ثم حرام ثم حرام . لانه تدخل فى شئون الله .. وتبقى النتيجة انه يهرب من البلد لبلد تانية خالص تكون تحت امره فى كل حاجه توفر له المعامل وتساعده بقدر الامكان على الاكتشاف والابتكار
اجدادنا الى بنو الاهرامات والمعابد .. دلوقتى ولادهم بيولعوا فى مساكن البعض بحجة انهم بهائيين ويقتلوا بعض لو فكر واحد يبنى سور كنيسه
الاجداد اللى كانت المرأة عندم آلهه .. دلوقتى بقت عورة والتحرش جزاء من تخرج من بيتها سواء سافرة او متكفنة المهم انها انثى .. ولو احد المعتدلين قال بان الكفن عادة وليس عبادة تخرج عليه الالسنة بكم من السفالات وقلة الادب ورفع القضايا مع الاستمرار فى اهانتها طبع بالتحرش والإغتصاب وكل ما تجود بيه قريحتهم المتعفنة من طرق الإذلال .
الاجداد اللى قدسو النيل : والاحفاد انهارده بهدلوه مخلفات كيماوية على مخلفات آدمية عى حمير ميتة على اى حاجه لا تنتمى للآدمية واشرب يا حفيد منك له ماهى برضه مخلفاتكو ايه حتقرفوا منها ؟
الاجداد : اللى من الأدوات البدائية خلدوا اسمائهم وتركوا تاريخ يتشدق بيه القاصى والدانى بكل فخر انا حفيد الفراعنة ... ودى صناعة اجدادى من سبعتلاف سنة .. وانت فين صناعتك يا بتاع القرن الواحد والعشرين ... لا انا ما احنا نايمين من سبعتلاف سنة مش كفاية اجدادناعملوا .. احنا بنفتخر ياجدادانا وياترى اولادك من بعدك هيفتخروا بايه ؟؟
بالتلوث و بالانحطاط الاخلاقى ولا بالسحابة السودا ولا العرعرينا اللى انتشرت فى البلد انتشار النار فى الهشيم ؟
.. ما تقومش يا مصرى خليك مانتخ يا حبيبى مش تدور على شغل .. بس برضه الحكومة مش هتشغلك ... ومش تركب قطر .. لانه خليك واثق انه لو مش اتقلب بيك اكيد هيتحرق بيك .. ومش تركب عبارة علشان هتغرق بيك .. وضيف ده كله للتاريخ اللى هيدرسه الاحفاد ..
بمناسبة مؤتمر الحزب الوطنى على فكرة شعارهم المردة دى جديد جدا وجامد طحن .. الشعار هو من اجلك "
عارفين ايه بقى اللى من اجلنا هيتعمل ؟
هيتعمل قانون يعطى الرئيس حصانة مدى الحياة .. واللى مش يتعظ من اللى حصل لجاك شيراك يبقى لامؤاخذه
ولتكملة الصوة سواداً
اقول وداعا مصطفى محمود - أيها العالم الجليل

39 comments:

Anonymous said...

كيف يمكن ان نتجاسر ونحلم بان من الممكن ان تؤدى سياسة الأستهبال الى اى خير
كل من فى سكرتارية الحاكم سواء وزير او غيره يتبنى سياسة الحكم وهى الأستهبال
واستحمار الناس مع ان اصغر عيل فيكى يامصر لا يصدقهم
مثال بسيط لماذا يذاع مؤتمر حزبهم على كل وسائل الأعلام؟ هل بذاع مؤتمر لأى حزب أخر؟
ولكنه الأستهبال الفاجر
وهل هناك دليل اوضخ من هذا بان الخزب المزعوم ليس سوى اذاره من ادارات الحكومه او بمعنى اصح تكيه لكل طامع او مصلحجى

Anonymous said...

كيف يمكن ان نتجاسر ونحلم بان من الممكن ان تؤدى سياسة الأستهبال الى اى خير
كل من فى سكرتارية الحاكم سواء وزير او غيره يتبنى سياسة الحكم وهى الأستهبال
واستحمار الناس مع ان اصغر عيل فيكى يامصر لا يصدقهم
مثال بسيط لماذا يذاع مؤتمر حزبهم على كل وسائل الأعلام؟ هل بذاع مؤتمر لأى حزب أخر؟
ولكنه الأستهبال الفاجر
وهل هناك دليل اوضخ من هذا بان الخزب المزعوم ليس سوى اذاره من ادارات الحكومه او بمعنى اصح تكيه لكل طامع او مصلحجى

مفكر said...

هل نستوعب الدرس
ثلاثة مشاهد ماليزية. المشهد الأول في عام 1969 حين كتب الطبيب الشاب مهاتير محمد كتابه "مأزق الملايو" والذي وجه فيه انتقادات شديدة لمسلمي ماليزيا بسبب تقاعسهم عن العمل وارتيابهم من أي ابتكار وسيطرة روح الخرافة والتفكير اللاعلمي عليهم وخوفهم المحموم من السلطة ورفضهم خلع لباس التخلف والجهل.

كان النقد قاسيا لدرجة أن طرد صاحبه من الحزب الحاكم. المشهد الثاني في عام 1981، والتاريخ لا يخلو من مفارقة تستحق المقارنة، حين تولى الرجل حكم ماليزيا فشرع في استقدام أفضل العقول وأمهرها وأحسن النماذج وأكفأها كي تتولى المناصب العليا في الدولة مع متابعة أسبوعية لأداء الوزارات المختلفة، فهو رئيس الوزراء والقائد الأعلى لكتيبة التنمية الماليزية، وقدم نموذجا ندرّسه في إدارة التنمية لحسن التخطيط وتعبئة الموارد بل و نجاحه في أن يبعث كوامن الحياة ودوافع العمل في الأمة بأسرها وفي علمائها النابغين لخدمتها.

وهو ما أصطلح عليه في أدبيات التنمية بخلق "كتلة تنموية" (developmental bloc) من أهل الخبرة والعلم وممثلي العمال وأصحاب الأعمال. ومما يروى أن وزارة التعليم الماليزية أرسلت للطلاب الماليزيين في الخارج في مطلع الثمانينيات على ألا يعودوا إلى ماليزيا إن توافرت لهم فرصة لاستكمال الدراسة والعمل بالخارج حتى يكتسبوا خبرة لأنهم لو عادوا قبل أن تبدأ عجلة التنمية الحقيقية فلن تتحقق الاستفادة الكاملة منهم. قارن ما سبق بنصيحة أحد أساتذتي الأفاضل لي عن العودة لمصر: "لو رجعت الآن هتزود التربة ميتين، خليك في الخارج أفضل."

المشهد الثالث، عام 2003 بعد أن أتم الرجل مهمته، ترك الحكم لمن يأتي بعده. لكنه ترك ماليزيا بعد أن تحولت من دولة زراعية تعتمد على انتاج وتصدير المواد الاولية إلى دولة صناعية متقدمة تبلغ نسبة صادرات السلع المصنعة 85% من اجمالي صادراتها، وتنتج 80% من السيارات التي تسير في شوارعها، وعليه انخفضت نسبة السكان تحت خط الفقر من 52% من اجمالي السكان في عام 1970 إلى 5% فقط في عام

2002.
منقول

مفكر said...

هل هى حرب اهليه ثقافيه
تأمل المناقشات الحادة التى تحدث كثيرا عند نقاط التماس بين خطابات الإسلاميين والعلمانيين (فوز القمنى بجائزة الدولة التقديرية مثالا) بل وبين الإسلاميين بعضهم البعض تجاه قضايا مختلفة مثل مراجعات السيد إمام فى مواجهة فتاوى الدكتور الظواهرى التكفيرية، وتصريحات الشيخ القرضاوى بشأن انتشار التشيع وردود فصيل من تلاميذه عليه. كل هذا يذكرنا بمقولة المستشار البشرى بأننا فى مصر نعيش «حربا أهلية ثقافية»، وأن الإسلام الذى هو حمال أوجه، أصبح ذاته ساحة للجدل بل والصراع الفكرى والسياسى. وتأمل بعض هذه المناقشات يوضح أننا بصدد خطابات ستة متنافسة حول علاقة الإسلام والسياسية والدولة فى مصر
منقول.

مفكر said...

فالعاقل المخلص فى عمله، وإن كان كافرا سينتصر على المزيف والمتواكل وإن بدت عليه أمارات الإيمان. إن مثل حال المسلمين كمن يرفض أن يتعلم السباحة ويخطط أن يغزو محيطات وبحار العالم بالدعاء من دون العمل.
منقول

مفكر said...

وقبل أن يظن ظان أننى أدعو المسلمين للتوقف عن العبادة لصالح أعمال دنيوية، لابد من توضيح أن الحس الإسلامى السليم هو الذى جعل ابن الخطاب يقول إنه ينظر للرجل العابد فيعجبه حتى يعلم أنه لا حرفة له فيسقط من نظره. وكما قال محمد الغزالى: إننا بوضعنا هذا أمة تسقط من أعين أصحاب العقول النيرة والهمم العالية.

إننا بحاجة لإعادة ترتيب الأولويات لنجعل قيم العمل والعلم والابتكار والإتقان فى المقدمة على قيم الصبر المتخاذل والتواكل الساذج ودعاء العجزة وانتظار المعجزات، اللهم أعطنا قلوب أهل الحرم وعقول أهل جورجيا.. آمين
منقول!

karim said...

سيدتى هناك مقولة شهيرة انة فى عصر بناء الاهرامات كان هناك عازفين لكى يشجعوا العمال للعمل وكل هرم يبنى كان يموت ثلث العمال و المهندسين حتى ماتوا جميع العلماء و المهندسين و البناة , وبقى العازفين اللى احنا بقى احفادهم, اية رايييك, تحياتى

ضد الأستبداد خاصة باسم الدين said...

شعارات فارغه للمره المليون
عاكفهم يقول نسعى لأقامة خكم اسلامى
لا تبنى دوله بالشعارات ولو سالت من يتشدق بشعار دوله اسلاميه يعنى ايه؟ستسمع من كل منهم تصورا مختلفا حسب مزاجه او ثقافته او عقده النفسيه ...هل هى دولة طالبان فى افغانستان ؟ ام حماس فى غزه ام...ام....ام...واذا وصلوا للسلطه ثم هزموا فى انتخابات تاليه هل نهدم دولتهم الدينيه ليقيم الحزب الفائز من جديد دوله عصريه؟ ام انهم يعرفون انه لاانتخابات ولا ديمقراطيه بعد وصولهم باساليب ديمقراطيه ولا بطيخ وانما استبداد بشع باسم الدين تخلصت منه البشريه بعد ان دفعت ثمنه غاليا ليشرق فجر حقوق الأنسان وكرامته ...ومن حكمنا عليهم على اساس نشاط نوابهم فى البرلمان نجد انهم فى حرب مقدسه مع قمصان نوم النسوان وكل ما فى عقولهم هو اخفاء النسوان بالأغطيه الثقيله ...هذا كل ما لديهم من فهم ولا علاقة لهم بالعالم الحديث فكيف سيتعاملون معه ...منذ ايام حسن البنا وهم يراوعون فلا يعرف احد ماهو رنامجهم لحل المشاكل ...لا شىء لديهم على الأطلاق سوى شعارات او خطب جمعه

Dr. Eyad Harfoush said...

عزيزتي قطة الصحراء
فين آثارك ياللي هربت الآثار؟ دول فاتولك مجد، رحت بعته بكام دولار
عنوان طريف لمقال طريف وإن كان موجعا
تحياتي وتقديري

نعم عزيزتي رحم الله الدكتور مصطفى محمود رحمة واسعة

Sahran said...

عزيزتي القطة

كيف تتوقعي منهم أن يحسدوا الفراعنة على علومهم ,

فهم يعتبرون أنفسهم أكرم عند الله من الفراعنة الكفار

كيف لله أن يقبل بعلومهم إن لم يذوقوا نعمة الإسلام وكفى بها من نعمة

أنا دايما مقتنع بأن الأديان مقبرة الحضارات

تحياااااااااتي لك

ودمت سالمة

Ehab Fayez said...

عزيزتى القطة
بالرغم من كل مقارناتك الظالمة بيننا وبين أجدادنا الفراعنة
إلا انه توجد نقطه هامة شابهنا الفراعنة فيها ، بل و تفوقنا عليهم
وهى تأليه الفرعون وعبادته وعدم محاسبته
تحياتى

A.SAMIR said...

انتي دائما بتبصي لنصف الكوب الفاضي
اي نعم في كتخلفين لا يحترموا الحريات الدينية
بس دول اصلا تعليمهم متدني و ثقافتهم ضحلة
انما اي حد عنده الحد الكافي من العلم و الثقافة معندوش التفكير دة

برج المراقبه said...

العالم الذى يحتفظ بعقله يرثى لخيبتنا
تركنا المشاكل المتلتله وركزنا كيف نخفى النسوان من الرجال المسعورين جنسيا
ولا البهائم




CAIRO (Reuters) – Rokaya Mohamed, an elementary school teacher, would rather die than take off her face veil, or niqab,






Egypt, the birthplace of al Qaeda's second-in-command Ayman al-Zawahri, fought a low-level Islamist insurgency in the 1990s, has faced sporadic militant attacks targeting tourists since then, and is keen to quell Islamist opposition ahead of parliamentary elections next year and a 2011 presidential vote.


Controversy over the niqab flared last month after the state-appointed head of Egypt's al-Azhar mosque asked a young student to remove her face veil during a visit to her school.

Grand Sheikh of al-Azhar Mohamed Sayed Tantawi later issued a religious edict or fatwa barring women and girls from wearing the niqab in all-girl Azhari schools, saying there was no reason for girls to cover their faces amongst themselves.

An Azhari research center later backed the ruling, saying the face veil should be removed when a girl is in an all-female class with women teachers, in all-female exam rooms, and in all-female dormitories.

Egyptian state-run media have also called for women to show their faces, citing the "damaging" effects of niqab on society.

GULF INFLUENCE

While a majority of Egyptian women and girls consider it an Islamic religious obligation to cover their hair and neck with a scarf, few Muslim scholars say the full face veil is mandatory.

Yet growing numbers of Egyptian women are abandoning the simple headscarf in favor of the niqab, analysts say, reflecting the growing sway of strict Saudi-based Wahhabi ideology on an already conservative and Islamized society.



"(Extremism) has been increasing in Egyptian society for the past 30 years

Egypt, unlike other Muslim states Saudi Arabia and Iran, does not require women to cover their heads with a scarf. But the millions of Egyptians who have lived or worked in Gulf states such as Saudi Arabia are believed to be a source for the spread of Wahhabi ideology.

Just 30 years ago, women attended Egypt's flagship Cairo University wearing miniskirts and sleeveless tops. They strolled along the beaches of Alexandria in skimpy swimsuits at a time when society was seemingly more liberal and tolerant.

Analysts say the headscarf, or hijab, was seen as a status indicator and was prevalent among lower-income classes. Women from upper and middle classes rarely veiled at a young age and those who did usually followed fashionable interpretations of hijab. The niqab was uncommon at that time.

NIQAB MORE PREVALENT

But the niqab has become more prevalent. Women in flowing black robes are a common sight strolling through Egypt's fanciest shopping malls and five-star hotels, as well as in shanties.

Analysts say challenging the stricter interpretations of Islam could be a long journey that requires, in particular, introducing reforms on an educational system that has allowed women in niqab to teach small children.

"These decisions have to be accompanied with ideological procedures and requires challenging the ideology so there will be moderate ideology," Mustafa said.

Egyptian courts have a history of ruling in favor of women wearing niqab inside universities. In 2007, a court ruled that the American University in Cairo, seen as a bastion of Western liberal education in Egypt, was wrong to bar a female scholar who wears niqab from using its facilities. The court cited personal and religious freedom as grounds for its ruling.

Ordinary Egyptians on the streets of Cairo have conflicting feelings regarding the niqab. Some say it should be banned on security grounds because it can be used by criminals to disguise themselves and escape police searches.

Others hail it as the right way to fulfill religious duties or as the best way to protect women from sexual harassment, although a recent study showed veiling had little effect on harassment rates in Egypt.

ابو احمد said...

عارفه ياقطه الواحد ابتدى يشك ان احنا أحفاد الفراعنه
تحياتى

برج المراقبه said...

مكيافلى يدير الأخوان
يعترفون بصفقتهم مع الحكومه عام2005 ويبررون هذه الأنتعازيه بلغة مكيافلى
فهم فى مرحلة المشاركه لا المغالبه
اى عند مرحلة المغالبه يسحقون من يعارضهم
بالظبط كما فعلت حماس فى غزه
ولسه السذج يتعاطفون معهم ويتبعونهم

مواطن مصري said...

رحمة الله ع العالم الجليل مصطفى محمود


بس المصري من ساعت ثورة 1919 الثورة الحقيقية عملها ومن يومها هو في اجازة بيتعاطى افيون الدين و الكورة

و بيجري على لقمة عيشة

تحياتي

Desert cat said...

Anonymous
يعنى مؤتمر الحزب الوطنى يعنى مؤتمر الحزب الحاكم المفروض يتذاع فين ؟ على راديو سوا مثلاً
التلفزيون بتاعهم والاذاعه بتاعتهم والبلد كلهم ملكهم واحنا الرعية مش من حقنا نقول بم

Desert cat said...

مفكر
اعتقد اننا بوضعنا ده الحالة الاولى فى ماليزيا وواضح اوى من خلال القضايا اللى بيقيمها المتشدقين باسم الدين على المفكرين فى ساحات المحاكم
الحالة التانية دى مستحيل تحصل فى مصر مش عارفه ليه بس مش هتحصل

Desert cat said...

مفكر
سيدى الفاضل اذا كان المحتلين لاسم الاسلام حدث انقسام فيما بينهم وقاعدين يتخانقوا على الكرسى يبقى مستنين ايه تانى غير كل انحطاط وتخلف لاء ولسه فى ناس بتقولهم آمين

Desert cat said...

مفكر
الاسلام عمل بل ان يكون عباده
ربنا قال فى كتابه الكريم
" وقل اعملوا فسيرى الله عملكم ورسوله والمؤمنون "

ومننساش العمل عبادة
لكن فين العقول اللى تقر بهذا الكلام وهما بيقولوا لك نوم يوم الخميس وندعى دعوة رجل واحد وقت اذان المغرب على اسرائيل والقدس هتتحرر .. وبقالهم سنين بيصوموا وبيدعو والاقصى حيتهد
بقى ده عقل ناس محترمة ولا عارفه تحترمها نفسها ولا حتى عقلها

Desert cat said...

karim
حتى لو ابناء العازفين فاكيد العازفين كان مهنتهم برضه ساميه للترويح عن البناة الحقيقيين
يعنى برضه اسمه كان عمل
الا الاحفاد كبيرهم طبال فى كبارية
:))
تحياتى كريم

Desert cat said...

ضد الأستبداد خاصة باسم الدين
عاكفهم هيعمل حكم اسلامى ازاى اذا كانت كل تصرفاته وتصريحات ملهاش اى علاقة بالاسلام ؟؟
دى لحد يومين بيقول المعارض هيديله بالجزمة
عالم وسخه

Desert cat said...

Dr. Eyad Harfoush
يا دكتور اياد ده احنا بعنا اعضائنا وبعنا اولادنا يبقى حنبقى على شوية اصنام
استغفررررررررررر الله العظيم
نستفيد بفلوسهم

Desert cat said...

Sahran
يا سهران بيقولوا لك الاثار اللى عندنا اصنام ولازم تتكسر
شوفت العقل الخرافى

Desert cat said...

Ehab Fayez
اتفق معاك جدا جدا ايهاب
تحياتى ليك

Desert cat said...

A.SAMIR
ولما المتدنى واللى ثقاته ضحلة ده يبقى هو السائد والمثقف اللى بجد لو نطق يدخلوه محاكم ويطلبوا الفصل بينه وبين زوجته يبقى ده فاضى ولا مليان يا دكتور

Desert cat said...

برج المراقبة
اللى بنقلدهم وبنجيب ثقافتهم
تفوقوا علينا
متخيل الجامعه بتاعتهم تبقى من افضل الجامعات العربية واحنا ولا ذكروا جامعة عندنا فى الترتيب الاول من الاخر
مش دى مهزلة يرثى لها العالم كله مش العالم المتحضر بس

Desert cat said...

ابو احمد
يا دكتورنا اعتقد ان الفراعنة نفسهم لو حصل وشافوا المهزلة دى هيتبروا مننا ومش بعيد يرفعوا علينا قضايا سب وقذف لاننا بنتهمهم باننا احفادهم

Desert cat said...

برج المراقبة
السذج الذين يتبعونهم معمول ليهم غسيل دماغ وواحد يقعد يعيط ويقولك يتقبض عليهم علشان مسلمين
مش علشان انتهازيين

Desert cat said...

مواطن مصرى
اقدر اقولك من بعد ثورة 19
مبقاش فى كلمة اسمها مصرى

رحم الله عالمنا الجليل
تحياتى

ذو النون المصري said...

فعلا

لتكملة الصورة السوداء وداعا مصطفي محمود

مواطن مصري said...

حرق التيشيرت و قولنا شوية عيال

انما رابررز حقير جزائري يتهجم على مصر

و يهين الابطال المصرين

انها الحرب

اسمعي و سلميني ع القومية العربية
http://www.youtube.com/watch?v=OQl4UTDI1Bo

انتي اية رائيحك في الجزائرين الحقيرين الرعاع

هنسكت عليهم ل امتى

مطلع said...

كيف تنهب مصر دون ضجه
يستحسن ان تكون رجل اعمال
شارك مسؤول كبير
وبعد ان تصبح وزيرا نفع بيت خبره اجنبى
او اشترى قمر صناعى بملايين واحتفظ بعمولتك التى تتراوح بين 4% و10%
ورش شويه لجوفة المدافعين والمطبالاتيه
واطمن الشعب فى غيبوبه البحث عن لقمة العيش
او الجهاد لأخفاء النسوان

Anonymous said...

موائد الرحمن للحزب الوطنى تقام للأعضاء فى افخر الفنادق وتقدم افخر الطعام
موائد الرحمن التي يقيمها الحزب السرمدي كل سنة.. هي الفرصة المواتية لمعرفة أسعار الأسهم.. وخطط المضاربة.. وإعادة ترتيب ما يسمي بـ «بنوك المصالح». هي بورصة.. لا تتعامل بالمال.. وإنما بالبشر، وكل عضو في القيادة هو «سهم» يراهن الأعضاء عليه.. وبالتالي فإن موائد الرحمن التي يقيمها الحزب السرمدي كل سنة.. هي أشبه بالحضانات.. التي تقوم بتفريخ العناصر الأكثر استعدادا للنفاق والفساد.. والحصول علي الرشاوي والعمولات.. وتولي المواقع القيادية في صحف الحكومة.. بعد التدجين.

برج المراقبه said...

المعركه المقدسه فى الكويت ضد الموسيقى بعد الأنتصار على قمصان النوم فى المسلسلات
هدّد النائب السلفي محمد هايف المطيري وزيرة التربية والتعليم وزيرة التعليم العالي، موضى الحمود، من مغبة جعل مادة التربية الموسيقية مادة أساسية، محذراً من أن هذا الأمر لن يمر بسلام، لا على وزيرة التربية، ولا على رئيس الحكومة.

وأضاف في تصريحات صحافية "لن نسمح لوزيرة التربية بأن تجعل من مدارسنا مراكز لتخريج فرق الرقص والراقصات، وعلى الحكومة ووزيرتها أن تخجل من نفسها تجاه ما يجري من عبث وتدهور مستمرين"، وهو تصريح لقي رفضاً شديداً من قبل الليبراليين.

Anonymous said...

من تعليق الأخ المنتمى الى تنظيم الأخوان المحظور
نقرا هذه العباره الشعاراتيه
دوله مدنيه مرجعيتها التشريعيه الدين الأسلامى
وكما كل شعاراتهم يلفها الغموض عن عمد
واذا حاولنا تفسير سنجد ان من سيقرر ما اذا التشريع اسلامى ام لا هم رجال الدين
وبذلك ننتهى الى حكم رجال الدين والدوله الدينيه التى يحاولون انكارها
ثانيا
ماالموقف من المستجدات العصريه مثل حرية الصحافه؟
كيف نتوقع ان نجد لها مرجعيه اسلاميه؟
وشهادة المراه فى المحكمه هل ستتساوى مع الرجل؟
وثالثا ما المسموح به من الأخذ من شرائع اخرى وقوانين
تتعلق بمؤسسات الدوله الحديثه؟
ولا نود اجابه تحيل الى اجتهادات كتاب يحاولون تطويع القواعد الدينيه للعصر
فلا داعى لهذا الدوران واللف والأقصر ان ناخذها مباشرة من مصادرها
والا فما هى الأضافه اذا اجهدت نفسى لأبين فى النهايه انه لا خلاف بينهما
ثم هذه فى النهايه اجتهادات فرديه قد يختلف معها الأخرون
وعشرات المستجدات فى عالمنا
بل ان عبارة دوله مدنيه بمرجعيه دينيه هو تناقض فى التعبير غريب
كان تقول دوله راسماليه شيوعيه

يرج المراقبه said...

التطرف يلعب بالجنس
كد رئيس اللجنة النفسية في هيئة المناصحة السعودية الدكتور تركي بن محمد العطيان أن المتطرفين يلعبون على وتر الجنس عند الشبان صغيري السن من أجل إقناعهم بتنفيذ العمليات الانتحارية، والدليل على ذلك أنهم إختصروا صورة الجنة كلها في مفهوم الحور العين فقط، وذلك من أجل دغدغة مشاعر الشباب الذي يعيش حالة من الكبت، كما صرح بذلك لبرنامج "صناعة الموت" الذي تقدمه ريما صالحة وتبثه قناة "العربية" اليوم الجمعة 6-11-2009 الساعة 19:00 بتوقيت غرينتش.
وتعرض حلقة برنامج "صناعة الموت" جانبا من هذه التسجيلات، ويظهر في أحدها أحد الانتحاريين الشباب وعمره لا يتجاوز العشرين وهو يتحدث بولهٍ شديدٍ داخل السيارة المفخخة، ويشير إلى زر التفجير مؤكدا أنه بمجرد أن يدوس على الزر سوف تأتي الحوريات يحملنه إلى الجنة. بينما تحدث آخر عن فتاة جميلة تنتظره وقد أعدت له "بوفيه" مليئا بالطعام والشراب "خلف هذا الجبل" على حد قوله.

ويقول علماء النفس إن هذا المضمون الذي يظهر في الشرائط يعبر بشكل واضح عن الطريقة التي يتم بها تجنيدهم، حيث يتم اختيار الشباب صغيري السن وعزلهم لفترات طويلة داخل الجبال وتعريضهم لتدريبات جسدية عنيفة وتلقينهم أفكارا متطرفة حول المرأة، الأمر الذي يكرس الكبت الجنسي لديهم، وفي النهاية يكون الوعد بوسيلة مشروعة لتفريغ هذا الكبت طريقة مضمونة لدفعهم لتنفيذ ما يأمرهم قادة التنظيم به دون مناقشة.

مفكر said...

الزمن هنا فى منطقتنا حامد لا يتحرك والتاريخ يعيد نفسه فى عملية اجنرار لاتنتهى
هاهم عتاة القتله الأرهابيين يسيطرون على عقول الشباب الصغير بتخديرهم بالجنس
كما كان قادة فرق الحشاشين الذين كانوا يخدرون الشباب بالحشيش قبل ارتكابهم المذابح
ومن كلمة حشاش جاءت كلمة اساسين اى قاتل فى اللغات الأوربيه
صفحه بشعه من تاريخ الدوله الأسلاميه

Anonymous said...

As thе admіn of thiѕ wеbsіtе is wοrking, no
questiοn vегy shortly it will bе fаmouѕ, due tо іts fеаture сontents.


Also visit my webpаge; Payday Loans Online
My web page: Online Payday oan