أوكازيون الجلد

يبدو أن مع مطلع الشتاء بدأ أوكازيون الجلد لدى الوهابيين ومعتنقى فكر البداوة
حيث على خلفية جلد الصحفية لبنى الحسينى
تم الحكم على صديقتيها بالجلد 20 جلدة لكل واحدة منهن بحجة ارتداء البنطلون
مش عافه الحقيقة انا البنطلون عامل لهم مشاكل جامدة اوى كدا ليه .. يعنى اللى تلبس بنطلون تتجلد واللى تلبس براه تتجلد فى انتظار حكم اللى تلبس أندر وير هيتعمل فيها أيه ؟
وفى السعودية الحكم ب60 جلدة على الإعلامية روزانا اليامى بالرغم من إسقاط التهم المنسوبة ليها والتهم ايه بقى يا حضرات وهى إنها معدة فى برنامج احمر بالخط العريض - اللى ظهر فيه مازن عبدالجواد اللى سجنوه وكمان حكموا عليه بالف جلده ومش قادرة الحقيقة اوصف مدى إنبهارى بالفكر والعقل اللى يتمتعوا بيه فبدلاً من مواجهة الفكر بالفكر قفلوا القناة خالص وقالوا اصلها غير مرخصة سبحان الله مع ان القناة الغير مرخصة دى ظهر عليها وزير الإعلام السعودى بنفسه ونرجع للإعلامية اللى شاركت فى إعداد البرنامج واللى اسقط القاضى من عليها التهم الا انها برضه هتتجلد الـ60 جلدة ولعلمها بقانون الغباء اللى بتحكم بيه السعودية رفضت استئناف الحكم خوفا من زيادة عدد الجلدات ... أمال فين رفقاً بالقوارير ولا دى لسه ما أخدوهاش بدو شبه الجزيرة ؟؟؟
ومن بربرية شبه الجزيرة لبربرية السودان
تحول حفل زواج إلى مأتم في العاصمة السودانية الخرطوم بعدم قام أحد المتطرفين بالهجوم على حفل زواج باحدى صالات الأفراح بمدينة الدويم السودانية مستخدما قنابل حارقة ما أدى الى مقتل امرأتين واصابة آخرين حيث اقتحم الصالة وهو ملثم واشعل النيران فيها بحجة ان الامر مناف للدين وحدث الهجوم اثناء انقطاع التيار الكهربائي ما تسبب فى حالة من الهرج والمرج.

فين الانتهاكات اللى بيرتكبها الهمج والمجانين دول من صحيح الدين ؟؟
وليه كل مريض نفسى رايح يرتكب افعال اجرامية يزلقها بالدين وليه الستات بالذات اللى كل الافعال الاجرامية ترتكب ضدهم ولا دى عقد نفسية متراكمة معاهم .. انا برجح انهم غالبا بيعانو من عجز علشان كدا مش طايقين يشوفوا أى واحدة بتفكرهم بعجزهم ومصرين على انتهاك آدميتها نظراً لإحساسهم بالدونية ... والله يستر على مصرنا ممن يلغوا عقولهم وينصاعوا خلف البربر والمهاطيل

تعليقات

‏قال لمى هلول
النهارد افتكرتك
قلت ادخلى شويتين مع قطة
الواحد نفسو بس يتوصل لى اهنا اللى همه فيهوا دا
ااما عن لبنى الحسينى دى طامة كبرى قال ايه اللبس الفاضح وهى نص الخرطوم لابسه كارينا وبناطلين محزءه على الاخر لا وايه ما يقدروش يتكلموا مع المسيحين ماعرفناش هى اتاكمت بالقانون الجنائى ام بالاحوال الشخصية المسلمين
ياشيخة لو جيتى عندنا يشوفوا ليبسك فياخدك حد من العساكر الصغنونيين دول للنيابة حضرته وكيل النيابة يبصص عليكى من فوق لتحت علشان يقيم زيك الفاضح لو اثرتيه جنسيا خلاص تنجلدى ولو ما اثرتيهوش مافيش جلد ايه رايك دا كلام حقيقى مش بهرج يعنى ..
السودان بتطبق حديث (صنفان من اهل النار معهم سياط كاذناب البقر ))
تسلمى قطة
مررت من هنا
لمى هلول من السودان
‏قال Ehab Fayez
غريب جدا منطق حكمهم على مازن عبد الجواد بالجلد ، لم يكن سبب العقوبة هو ممارسته للرذيلة وانما لانه صرح بذلك

يعنى كان المفروض انه يلعب بديله زى ماهو عايز بس ما يظهرش كده للناس.
يعنى دعوة صريحة للنفاق والازدواجية كن عربيد بس فى السر وقدام الناس البس قناع الفضيلة

ودة اللى بيعملوا المجتمع السعودى كله ، رجال لا تفوتهم صلاة ونساء لا ترى حتى وجوههن من كتر الحشمة ، وخلف ذلك تجد مجتمع ملئ بالزنا والشذوذ الجنسي وممارسة الجنس مع الاطفال
‏قال Sahran
عزيزتي القطة

صار واضحا اليوم أن الخطاب السلفي قد طور من أدواته, وزاد من وطأته على شعوبنا المقهورة.

بالأمس كانت الحرب ضد المرأة المتحررة,,,

اليوم وغدا سنصبح في غمار معركة النقاب المتعفن

وبعد غد ستكون الحرب بين مؤيد ومعارض لخروج المرأة من بيتها وإن كانت منقبة

يوما بعد يوم يزداد التخلف اولانحطاط في صفوف المسلمين

أكثر ما أخشاه أن يستديروا في المستقبل لنا نحن الرجال ليفرضوا علينا الحجاب

أتمنى ألا أرى ذلك اليوم الأسود أبدا

اعذريني إن كان في خطابي نبرة تشاؤم
ولكن الواقع هو من يقول ذلك

تحياتي
‏قال برج المراقبه…
مدن مصر من احطر الأماكن تلوثا والعالم كله يتحدث عن هذا ونحن مشغولون بهل البنطلون للمراه حلال ام حرام
الى متى هذه الغيبوبه الصاخبه
العالم لا يصدق ان هناك امه بهذا الهطل
Cairo is one of the world's most densely populated cities where pollution is rife.

Air pollution regularly exceeds World Health Organization guidelines.


Christian Fraser reports on the seasonal smog known locally as "the black cloud", that afflicts the city each October and November.

BBC (video)"
P
‏قال مواطن مصري
الظاهر انة موسم جلد النساء

ربنا يحمي مصر من امثالهم
‏قال على باب الله
عقوبة الجلد ، أو أي عقوبة أخرى تشتمل على الإيذاء الجسدي و حتى النفسي ( للرجل أو المرأة أو الطفل ) هي عقوبة مرفوضة تماماً يرجع بها الإنسان إلى مرتبة أقل و بكثير من مرتبة الحيوانات
‏قال مسحراتى فى غير رمضان…
باعالم اصحوا وافهموا ولا تقلدوا بغباء
دول الجاز عتدها من الثروه الطارئه مايسمح لهم بالجلوس دون اى عمل والتمتع فى الوقت نفسه بما تستطيع الأموال شراءه
نحن هنا مختلفون لا حياة لنا الا بالجتهاد والعمل والأبتكار
مثل الدول الناجحه الحيه
ولا ابتكار دون رقى ولا رقى بدون فن وعلم وادب لا دروشه ودعاوى متخلفه عن الفن والأدب
نحن لسنا مثلهم عندنا 200 سنه من مواكبة العصر لا تقدر بكل اموالهم
‏قال مواطن مصري
على فكرة ملك السعودية تراجع عن جلد المذيعة


اشمعنى ماش عفو ملكي لدكاترة المصرين
‏قال Unknown
عالمعجيب مع انتشار الفقر و الاوبئة و الاعداد التي لا حصر لها من الوفيات بسبب الجهل و الاستغلال و اهدار كل القيم الانسانية يتفرغ هؤلاء البشر لهاجس واحد يؤرق حياتهم و يتعقبه بمرض لا معنى له سوى عجزهم الشديد لتتعامل معه بشكل انساني طبيعي هومفيش اي كوارس طبيعية او غير طبيعية تمحي المنطقة دي من العالم يمكن حال الناس ينصلح
‏قال Desert cat
لمى هلول
انا لسه شايفه خبر الهارده فى العربية نت انهم بعد كدا هيقصوا بناطيل الستات الضيقة
ومش عارفه العقاب اللى بعد كدا هيبقى ايه من مهووسين الستات ربنا يعافينا
انتى شرفتينى جدا
‏قال Desert cat
Ehab Fayez
بالظبط يا ايهاب
اعمل اللى انت عايزة بس مش تفضحنا على الفضائيات كدا ارض الوهابية ضاعت هيبتها
هكذا دائما المنافقين يا عزيزى

تحياتى
‏قال Desert cat
Sahran
المرأة لن تتحرر من قيودها الا اذا هى حررت نفسها بنفسها
واعتقد أن ثورة النساء فى ارض الرمال بداية مبشرة سهران
تفائل خيرا يا عزيزى

تحياتى
‏قال Desert cat
برج المراقبة

مش يقدروا يتكلموا عن القذارة مع ان النظافة من الايمان
ومش يقدروا يتكلموا عن الفساد
مع ان كلمة حق فى وجه سلطان جائر جهاد
لكنهم كل همهم المرأة على اساس انها الضلع الاعوج اصل البنطلون وشعر المرأة سبب غلاء الاسعار وكل الفساد اللى فى المجتمع
‏قال Desert cat
مواطن مصرى
العراعير فى المواقع الاخبارية بيهللوا لهم وبيقولوا امتا مصر يبقى فيها كدا
الله ياخدهم كلهم مرة واحدة اخذ عزيز مقتدر
‏قال Desert cat
على باب الله

تقول لمين يا صديقى لشوية رعاة اغنام مش عارفين حاجة من الحياة غير ضرب السياط
‏قال Desert cat
مسحراتى فى غير رمضان
تخيل من يقلدهم ماذا يفعل فى عمله ؟؟؟
يفتح الدرج يتلقى الرشوة واول ما يسمع الاذان يجرى يصلى فى جماعه
‏قال Desert cat
مواطن مصرى
وغير الدكاترة المصريين ليه ما اتدخلش لحل ازمات الكفيل المتكررة مع المصريين واللى بياكل عرقهم
‏قال غير معرف…
[url=http://canada-onlinekamagra.net/]Kamagra[/url] Celebrex Price http://online-synthroidthyroxine.com/

المشاركات الشائعة