برافو شيخ الازهر كمان وكمان

بجد انت رجل جدع بكل ما تحمل الكلمة من معنى وياما قولنا اللى شايفه فى نفسها عورة وعايزة تتكفن تقعد فى بيتها اصل اللى عندها احساس بالنقص عمره ماهيكمل حتى لو اتخفت جوا شوال مش حتة قماش وطبعا كاالعادة بعد صور قرار الازهر بمنع النقاب داخل المعاهد والجامعات التابعة للازهر مش نسيوا المزايدين والمهللين نواب الجزم انهم يقعدوا يجعروا ويتباكو على حتة القماشة يا ولداه وقال ايه يطالبواباقالة شيخ الازهر .. جتكو وكسة لما توكسكوا اكتر ما انتوا موكوسين واتوا لما بتتزنقوا فى الردبتتبعوا منهج بلطجية العشوائيات وتقلعوا الجزم .. طيب المفروض الشعب كله يتكاتف ويطالب بنفيهم خارج مصر خالص لانهم عالم خونة هو اللى مش بيقول طز فى مصر وشعب مصر برضه يبقى خاين

قرار شيخ الازهر
المجلس الأعلى للأزهر يمنع النقاب داخل فصول الفتيات

القاهرة - أ ش أ
قرر المجلس الأعلى للأزهر منع الطالبات والمدرسات من ارتداء النقاب داخل الفصول الدراسية الخاصة بالبنات والتي يقوم بالتدريس فيها المدرسات من النساء فقط، سواء أكان ذلك في المراحل الابتدائية أو الإعدادية أو الثانوية، حرصا على نشر الثقة والانسجام والارتياح والفهم السليم للدين بين الفتيات جميعهن.
كما قرر المجلس في بيان له الخميس تطبيق ذلك القرار بالمدن الجماعية الخاصة بالطالبات حرصا عليهن، وللطالبات الراغبات في النقاب استعماله في بيوتهن وفي الشارع وفي ساحة المعهد الذي يدرسن فيه والممنوع فقط هو استعماله داخل الفصل الدراسي الخاص بالبنات والذي يقوم بالتدريس فيه المدرسات من النساء فقط .
وتقرر أيضا منع الطالبات في جميع مراحل الدراسة في الأزهر وفي جامعته من ارتداء النقاب في قاعات الامتحانات الخاصة بالفتيات والتي لا وجود للرجال معهن فيها وتكون المراقبة عليهن أثناء الامتحان مقصورة على النساء فقط.

وأوضح المجلس الأعلى للازهر أن المرأة تستعمل النقاب خشية أن يراها الرجال، وليس من المعقول أنتستعمل المرأة النقاب إذا وجدت في مكان كله من السيدات، لأن الإصرار على استعماله في وجود النساء مع النساء هو "لون من التشدد الذي تأباه شريعة الإسلام".
وأكد أنه ليس ضد استعمال المرأة للنقاب في حياتها الشخصية التي تتعلق بسلوكها في الشارع وفي عملها وفي بيعها وشرائها، ولكنه ضد استعمال هذا الحق في غير موضعه لما يترتب عليه من غرس ذلك في عقول الصغار من الفتيات واتباع رأي الأقلية المخالف لرأي جمهور الفقهاء الذي يقول أن وجه المرأة ليس بعورة
.


نداء عاجل لوزير الداخلية المفروض يتحرك بقى ويمنعهم من التجول فى الشارع البلد مش ناقصة اكياس زبالة ذيادة

Comments

عمو عصام said…
كنت أتمنى فقط أن يتحدث فضيلة شيخ الأزهر مع الفتاه بأبوه وحنو لأنها طفله ولكن قراره سليم مائه بالمائه
Sahran said…
عزيزتي القطة :
اسمحي لي أختلف معك لهذا الترحيب الكبير الذي أبديتيه تجاه القرار , فالقرار لم ينكر النقاب ولكنه قنن لبسه بظروف , يعني تيتي تيتي , أنا غير معني بإجراءات أكثر من سطحية يراد لها تجميل الوجه القبيح , فالأزهر سيبقى دائما رمزا للتخلف والعنت الفكري , فيكفي أنه مؤسسة دينية قائمة على تمجيد الماضي البائد

عزيزتي : هم يفعلون بعض الخطوات لتجميل صورتهم أمام العالم ولكن أهي دقني إن كان هذا القرار ممكن يتطور للأفضل
A long distance said…
طبعا لازم تقولي برافو
مش علشان جاي على هواكي

مش بعيد كمان تتجوزيه لو امر البنات تلبس عريان زي البنات اللي شبه الحيوانات
للاسف شبه الحيوانات اقل وصف يتقال على البنات اللي لبسها عاري
تقدري تقوليلي حضرتك ايه الفرق بين البنت العريانه والحيوان
ولا حاجه
أنتخ said…
أتمنى من شيخ الأزهر
أن يراجع مناهج الدراسه فى معاهده وجامعته الأزهريه
والتى هى أساس وجذر الكثير من بلاوى التخلف والظلامية والتعصب الجاهل

لك تحية وتقدير لائقين
karim said…
اولا ان شيخ الازهر يقول هذا القرار فى جهة تخصة هذا من حقة وسوف يحاسب علية اذا كان صحيح او خطاء, ولكن تريدين ان تعميمة على كل البلد لااعتقد ذلك فانها حرية شخصية ونحن بلد لاتقييد الحريات كلها بجميع اشكالها وهذا هو الصواب
Anonymous said…
اختلف
لا ارى فى هذا البيان مدعاه للسرور او الأبتهاج فهو محاوله لأمساك العصا من المنتصف وخضوع لأبتزاز
اى فحل من المتطرفين مساندى الأرهاب خارج المحلس وداخله ايضا وتاملى جمل مثل المراه تخفى وجهها خشية ان يراها الرجال
وتمر العباره هكذا ببساطه دون تعليق وايضا قصر منع هذا الشىء القبيح المسمى النقاب حيث توجد نساء فقط
وهذا تاييد أخر ضمنى لتاييد الخوف من ان يراها الرجال
وهى جمله فى منتهى الغرابه
لا يستطيع انسان سوى عاقل ان يفهمه كيف تكون خشيه من ان يراها الرجال الا اذا كانت خشيه مرضيه تحتاج لعلاج نفسى
وبالمناسبه اين وزارة الأوقاف من خطب المساجد التى تروج علانية للعنف والتشدد باسم الدين بل ان خطبة الجمعه على التيلفزيون الخكومى يشدد فيها الخطيب على واجب الرجل فرض التحجب على نسائه
وكان هذه هى قضية القضايا اليوم
مصر فى خطر حقيقى لو ترك كل هؤلاء يعبثون بعقول الناس
foxamr said…
البلد مش ناقصة برضو باديهات ومحزق
انت ايه اللي ضارك من انهم يلسوه في الشارع
كل واحد حر في لبسه يا قطة انت
بلاش الليبرالية و العبط اللي انتوا فيه ده
بلاش تهللوا وخلاص
اذا كانانت مش عاجبك النقاب و اللبس ده ومعترضة يبقي الشئ بالشئ يذكر بقى و نرد ونقول ان اللي هاتمشي في الشارع لابسة بادي ومبينة صدرها و لاسة محزق تتاخد ع القسم
اف لكم
برج المراقبه said…
دعت جماعة إسلامية كندية في أوتاوا الى منع ارتداء النقاب في الأماكن العامة. وقد ذكر مؤسس الجماعة طارق فتاح ان هذه الدعوة تهدف إلى أغراض أمنية.

وأكد فتاح أنه تمت سرقة بنك عن طريق أناس يرتدون النقاب. ووصف ارتداء النقاب بأنه "مجازفة حقيقية".
Anonymous said…
للاسف القرار مش كويس لانه بيمنعه في الفصول بس وبقولهم يستعملوه بحريه في حياتهم وكل اعتراضه علي ان الفصول مفيهاش رجاله للاسف بردو بيرضوهم

انا بس نفسي افهم هو حد قالهم يقلعوا الخيمه اللي لابسينها علشان اللي عمالين يقولوا بادي ومحزق وعريان
كل اللي بنطلبوا يبينوا وشهم ويخلوا الخيمه بتاعتهم زي ماهي ده بردو يبقي عريان
والله انتوا عقولكم اللي عريانه
مفكر said…
هل نلوم الآخرين لو قالوا ان المسلمين مرضى بالهوس الجنسى بعد الهوس الدينى
معلق يقول لك ما الفرق بين غير المنقبه والخيوان
ولا يستطيع ان يفكر فى ىابعد من المراه كجسد مثلها مثل الخيوان ولا يحطر بباله اختراع اسمه العقل والفكر والشخصيه وكل مايمبز الأنسان
فهو مثل شيوحه المراه والخيوان مجرد فرج
ويجب الغسل بعد معاشرة اى منهما كما تقول كتب الفقهاء من السلف الصالح
ونسال بدورنا السؤال الصحيح ما الفرق بين من هذا تفكيره والحيوان الأعجم
الذى يثتثار من اصبع انثى او نعجه
هل هؤلاء من مصر الصهطاوى ومحمد عبده ونجيب محفوظ وتوفيق الحكيم والعقاد ومختار وعبد الوهاب
ويوسف شاهين
وابو بكر خيرت وسيد درويش واخمد زويل ومصطفى مشرفه...الخ
ام من كهوف تورا بورا
برج المراقبه said…
عاجل مصيبه اخرى لزعماء الأرهاب
القبض على باحث فى مسرع الجسيمات الذريه الأوربى لصلته بالقاعده
هذا المركز ينوى اعادة الظروف التى وجدت لحظة مولد الكون
فباتى بن لادن وصبانه لتخريب اى شىء يمت للتقدم بصله
وبعد ذلك يولولن اذا اتخذ القوم موقفا من الأسلام والمسلمين
مرحبا : قطتي العزيزة
*********************
وانا مع هذا القرار قلبا وقالبا
وجه المرأة ليس عورة
يد المرأة ليس عورة
جسم المرأة ليس عورة حتي ولو كانت عارية تماما
العورة هو : الجهل والتخلف والانحطاط الحضاري الذي تعيش فيه هذه الامة المتخلفة

خبر عاجل / الشاب علاء يتحول الي الأنسه نانا
التفاصيل علي سطح مدونتي

تحياتي للقطة الرائعة
Desert cat said…
بابا عصام
اعتقد ان الموضوع لم يصل الى الدرجة التى كت بها الصحفى الخبر وانه مجرد فرقعة صحفية لاثارة الراى الام ضد شيخ الازهر هذا والله اعلم

تحياتى
Desert cat said…
Sahran
انا فرحانة لانها خطوة عى الطريق الصحيح احناكنا فيييييين
تحياتى
Desert cat said…
A long distance
هو انت من زمان كدا ؟؟
طيب صبرت على نفسك لي لحد ما حلتك بقت بالسوء ده مش معاك فلوس تروح لدكتور تقوله انك مثار على طول من رؤيتك للبنات والحيوانات وان مش لاقيت بنت تعبرك مفيش مانع تروح لحيوان ؟؟
لاء بجد حالتك صعبة اوى حاول تلحق نفسك وتروح لاول دكتور يقابلك
Desert cat said…
أنتخ
يمكن مراجعة المناهج تكون الخطوة القادمة يا عزيزى
المهم اننا بدأنا

ميرسى انتخ
Desert cat said…
karim
انتحر مالم تضر
واعتقد لو رجل منتقب دخل منزلك فى حضورك كما حدث مع دكتور طنطا او منتقبة خطفت طفلك ستكون اول من يطالب بإبادتهم جميعاً
Desert cat said…
Anonymous
كما اوضحت سلفاً انها البداية وأتمنى ان تحذوا جميع المؤسسات والهيئات حذوه
Desert cat said…
foxamr
إنه ضيق أفق منقطع النظير
ألم تسمع عن كلمة تسمى وسطية أو حشمة ؟؟
هل تستطيع أنت ان تسير فى الشارع مرتدى بوكسر وفنله حملات ؟؟
أم أن الفطرة والعادات والتقاليد تمنع ذلك ؟؟
وإذا فعلت ماذا سترى فى هذا المجتمع اعتقد سيحدفك الاطفال بالحجارة او اقل شيئ تسمعه انه سيقال عليك مجنون
Desert cat said…
برج المراقبه
تفتكر ده ممكن يحصل فى مصر اللى الجماعات الاسلامية بتسترزق من وراه
Desert cat said…
Anonymous
يا عزيزى قلع النقاب بالنسبة للى قاعدين يقولوا بدى ومحزق يعتبر مصيبة لانه فى كل الاحوال مفيد ليهم من جميع الجهات
Desert cat said…
مفكر
انهم لا ينظرون للفكر او الشخصية او العقل فقط هو الجنس المسيطر عليهم وان الاخ مش لقى واحدة تعبره هيروح لحيوان على الاقل اخرس مش هيقو لحد على اللى هو عمله معاه فبدل ما يعرضوا نفسهم على اطباء جايين يعرفونا انهم مضري بالهوس الجنسى
Desert cat said…
برج المراقبة
ولما الدهشة انهم يتفنون فى تخريب العقول
Desert cat said…
نادر الحر
ياريت وزير الداخلية ايضا يتحرك وباقصى سرعه يا نادر لمنعهم من الشوارع كفاية بقى المصايب التى ترتكب من خلف هذه القطعة القميئة من القماش

تحياتى
سمراء said…
اعجبني جدا اتجاهه في التفكير

المتمثل في تلك الجملة

نشر الثقة والانسجام والارتياح والفهم السليم للدين بين الفتيات جميعهن

أنه ليس ضد استعمال المرأة للنقاب في حياتها الشخصية التي تتعلق بسلوكها في الشارع وفي عملها وفي بيعها وشرائها، ولكنه ضد استعمال هذا الحق في غير موضعه لما يترتب عليه من غرس ذلك في عقول الصغار من الفتيات واتباع رأي الأقلية المخالف لرأي جمهور الفقهاء الذي يقول أن وجه المرأة ليس بعورة

سمراء
Desert cat said…
سمراء
قراره رائع وجه فى وقته تماما
اتنى ان نصل لنهاية هذه المهزلة التى انتشرت فى مصر قريبا

تحياتى

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز