نظام تصفح الانترنت عبر جهاز التلفزيون


لا دجل ولا شعوذة شركة نت جير حلت المشكلة للسيد وزير الاتصالات طارق كامل اللى كل يوم والتانى قاعد يذل فينا واستخدام الانترنت العادل شوية والظالم شويتين وشوية هنرفع سعر الاشتراك وشوية هنقلل السرعة وحوارات عجيبة قوم ايه بقى يا سادة الشركة العالمية نت جير قالوا معلشى بقى استحملوا الوزير بتاعكو يا مصريين وافتحو ايملات من النت اللى قاعد يذلكو بيه ده علشان يبقى استخدام عادل خالص اما مشكلة التصفح اتحلت وبقت عبر شاشات التى فى

وراحت منزله بيان مضمونة ايه بقى


بصراحة شديدة اوى انا شدنى الخبر بس اول ما شوفته مش قعدت اتخيل النت عن طريق التلفزيون ولا التصفح هيكون عبارة عن ايه وازاى .لا خالص اطلاقا اول حاجه جت فى بالى هو الغرب الكافر ابن الكلب الحاقد اعداء العرب عامة والاسلام خاصة قاعد يفكر ويبتكر واحنا نسخدم وراهم ناتج ابحاثهم .. فى نفس ذات الوقت اللى متعرعرين السعودية داير بينهم جدل على جامعة الملك عبدالله وقاعدين يطلعوا فتاوى بتحريم الاختلاط وقيادة المرأة السيارة .. بخلاف عدوى العرعرينا اللى اتنقلت لمصر والشباب العواطلى اللى اخد من التحرش وظيفة لازم يؤدى شغله فيها على اتم وجه يوميا وطبعا مش بينسى الاخلاص فى شغله فى الاعياد والمناسبات الرسمية وبهايم الفضائيات اللى بيثاروا من النسوان علشان كدا جعلوا مقياس الشرف بكوم القماش اللى بتتكفن فيه المرأة وكأن الشرف انحسر فى االمراة فقط يعنى يسرق هو يزنى يرتشى مش فارقه .... ياريت بس زغلول الفشار مش يطلع علينا بعد شوية يقول اهوووووو الاختراع ده مذكور فى القرآن من 1400سنة وان حد قاله مش طلعت بيه ليه ان من 1400سنة واستنيت لما الغرب عملوا ابحاثهم طبعا كلنا عارفين الرد المغلف بورق السليوفان اصل الغرب مسخر لخدمة المسلمين

Comments

عمو عصام said…
ترى ماهى الخطوه القادمه؟؟ مجرد سؤال ولكنه للأسف يتردد دائما عندهم أما نحن فيكفينا أننا وصلنا لمنتهى طموحنا ..اللحيه والذبيبه والإدعاء بأنهم مسخرين لخدمتنا..رجاء الرجوع لمقال الدكتور خالد منتصر بالمصرى اليوم بتاريخ اليوم 30سبتمبر لمعرفة الفارق بين هنا وهناك وإليك الرابطhttp://www.almasry-alyoum.com/article2.aspx?ArticleID=227540
Ehab Fayez said…
ما تظلميش جامعة الملك عبد الله يا قطه
يكفى انها قامت بأبحاث ووصلت لنتائج لم تصل اليها اى جامعه أو معهد علمى أخر فى العالم
حيث توصلت بعد ابحاث علمية ومعملية وكده إن بول الابل فيه شفاء للناس وإن جناح الذبابه فردة فيها الداء وفردة فيها الشفاء
علشان انا كل ما بدخل على المواقع اياها بلاقيهم بيستشهدوا بأبحاث الجامعه فى هذا المجال
برج المراقبه said…
قطه
للأسف هذا الجهاز الجديد هو مجرد ناقل للفيديو من الكمبيوتر للعرض على شاشة التيلفزيون
سواء بوصله سلك او لاسلكيا
ولا اكثر من ذلك يعنى مش حيحررنا من ذل الساده المحنكرين
للأسف
karim said…
انا اوافقك تماما فيما تقولين لكن لاتقسو علينا كثيرا فالابداع لا يمكن ان يظهر فى امة غير سوية وجاهلة واللى بيجيلوا فرصة بيباان, طيب اية رايك فى الاختراع الصينى الجديد بتاع غشاء البكارة ماهو بردة من برة, تحياتى
شكراً على الخبر
: )
الربان said…
تحياتي يا أستاذة

خبر جميل اعتقد انه سيسعد الجميع...
اعتقد انه لا يوجد في اي دولة عربية نا يعرف بسياسة التحميل العادل...
انما هي اختراعات مصرية بحته للقضاء علي
تحميل الافلام و الاغاني من علي النت.

تحياتي و احترامي و تقديري
Desert cat said…
بابا عصام
لسه خطوة كمان علشان فعلا نكون وصلنا لمنتهى طموحنا وهو عمل خيام فى ميدان التحرير وكام معزة على كام جاموسة ويرعوا بيهم بقى وكدا يبقوا حققوا مبتاغهم
دكتو خالد منتصر ودكتور علاء الاسوانى احترمهم جدا لعلمهم وعقلهم الواعى الجميل ياريت مصر ربعها بس خالد منتصر وعلاء الاسوانى كان زمان حالنا افضل بكتييير

تحياتى
Desert cat said…
Ehab Fayez
يالهووووووى دى لو الجامعههتتخصص فى الابحاث دى يبقى يقفلوها احسن
Desert cat said…
برج المراقبة
مزود ايضا بخدمة التصفح يا عزيزى
فى كل الاحوال احنا برضه تحت رحمة الطارق الكامل
ربنا يتولانا بقى
Desert cat said…
karim
احنا عندنا اللى عقله كويس وبيفكر ويبتكر بيدمروه يا كريم اما بسرقه ابحاثه ونسبها لنفسهم او رفضها من غير حتى ما يقروها
علشان كدا المبدعين فى البلد بيهربوا منها وبصراحة عندهم كل الحق

تحياتى
Desert cat said…
على باب الله
العفو يا عزيزى
Desert cat said…
الربان
استاذى العزيز
كل سنة وحضرتك بخير
المصريين اجدى ناس يتفننوا فى تنفيض جيوب بعض بالفهلوة

تحياتى ومودتى حضرتك
برج المراقبه said…
قطه
قد يطن من يقرا الخبر ان تصفح النت من على شاشة التيلفزيون سيغنى عن شركة الأتصالات وخط التيلفون وهذا غير صحيح كل ما هنالك ان الراوتر الجديد مثل القديم زائد وصله للتيلفزيون
بالأضافه لوصله للكمبيوتر او اى جهاز تخزين داتا أحر
Anonymous said…
يعنى ايه طب اسلامى
حاول تفهم حاجه من هذا الخبر
اكتشف البروفيسور هاني يونس من قرية عارة في المثلث بفلسطين ٤٨ علاجاً لمرض أنفلونزا الخنازير من عسل النحل "العكبر" مشيراً إلى أن "العكبر مادة قاتلة لجميع أنواع الفيروسات".

وقال يونس في تصريحات صحفية: "أنفلونزا الخنازير فيروس عادي يتمتع بخصائص وعوارض طبيعية وليس هناك أي إثبات أنه يهاجم جهاز الأعصاب أو أي جهاز آخر في جسم الإنسان مشيراً إلى أنه فيروس ضعيف جداً بدليل أن شركات الأدوية تتحدث عن إنتاج لقاح ضده وهذا يعني أن وجود مناعة جيدة في الجسم من شأنها أن تتصدى لهذا الفيروس".

واتهم يونس شركات الأدوية بافتعال ضجة غير مبررة حول الفيروس لأهداف ربحية مشيراً إلى أن جهات (إسرائيلية) وأمريكية لها مصلحة كبرى في هذه الضجة.

وقال: "الفيروسات الطبيعية لها دواء، وعلاجها موجود في الطبيعة ويؤكد هذا قول الرسول - صلى الله عليه وسلم - "ما أنزل الله من داء إلا وأنزل له دواء". ويذكر أن بروفيسور يونس حاصل على دكتوراه في الكيمياء الطبية من الجامعة العبرية في القدس، ودكتوراه في الأعشاب الطبية من الولايات المتحدة وهو مدير مستشفى الحكمة ويعمل في مجالي الطب البديل والطب الإسلامي.
برج المراقبه said…
تنوذج تشتد الحاجه هنا لمعرفته
لنموذج ابتكار لعلمانية لا تخاصم الدين تتجسد في مفهوم دولة «البانكاسيلا» ذات الأركان الخمسة وهي كالتالي: الإيمان بالله واحد متعال، ثانيا: إنسانية يسودها العدل والتحضر، ثالثا: وحدة أندونيسيا، رابعا: ديمقراطية شعبية تقودها الحكمة الناتجة من التفاوض والتمثيل، خامسا العدالة الاجتماعية لكل الأندونيسيين.

تبقي هذه العلمانية المبتكرة في أندونيسيا نموذجا ساطعا تطبقه أكبر دولة تضم مسلمين في العالم دون أن يخرج شعبها من جلده أو ينقلب علي ثقافته وتاريخه، وهي كلها ادعاءات يطلقها أصحاب المصالح وتجار الدين وهم يطبقون الآليات الداخلية لأعتي أشكال الاستبداد رافعين راية الله سبحانه
منقول.
ان شاء الله أول ما الصين تقلده هجيبه على طول
تحياتى
Lucifer said…
انا متفق مع فكرة المؤامرة الصهيونية الشيوعية الرأسمالية الحاقدة
الناس برة غيرانين مننا و عشان كدة بيخترعوا حاجات تلهينا عن القضايا الاهم
و دامت الجامعات العربية و بول الابل لنا كنزا لا يفنى

Popular posts from this blog

قميص دهشور

كل تحرش وانتوا طيبين