وياترى رأى شيوخ السلفية والوهابية آية ؟؟؟

اتفاجأت الصبح بالخبر ده فى المصرى اليوم
العاهل السعودى يفتتح أول جامعة مختلطة للرجال والنساء دون العباءة السوداء
لاء وكمان النساء مسموح لهم يسوقوا فى حرم الجامعة
فى الحقيقة طرت من الفرح وقولت هايل خطوة ايجابية نحو التقدم والتطور والخروج من بوتقة المرأة العورة اللى وأدها حلال حلال ثم حلال
وقولت اشوف التعليقات على الخبر أخبارها آيه
وألاقى المؤيدين لا يتعدو اصابع اليد الواحدة والباقى قاعد يشتم اللى يقول دى مؤامرة صهيونية
واللى يقول ايوا هو الملك عبدالله خلاص ركب الموجة وعايز يقول للغرب ان بلده فيها ديموقراطية الواد صاحب التعليق ده حسسنى إن الديموقراطية حرام او كلمة ابيحة والعياذ بالله
واللى يقولك احنا كان عندنا امل فى قشور الإسلام حتى لو القشور دى ظاهرية مش مهم الاهم ان الظاهر من الاسلام كان فى السعودية واللى يحسبن على السعودية باللى فيها
طيب ده كان رأى الناس اللى متمسكة اوى بقشور الدين اللى هى مش من الدين اصلا لكن عبارة عن خزعلات فى اللاوعى ماهو مش ينفع برضه اقول غخزعبلات فى العقل لانهم خلاص تخلوا عنه من سنين وسابوه يصدى لحد ما وصلوا للمرحلة دى
انا بقى اللى نفسى اعرفه بجد دلوقتى رأى شخوخ السلفية والوهابية فى المرأة العورة اللى هتختلط بالرجال فى السعودية وتشاركهم فى ابحاثهم العلمية وكمان هتسوق سيارة الفاجرة وترمى العباية السودة الزنديقة وياترى الفتاوى بتاعتهم هتخرج من نوع الاختلاط حلال ثم حلال ولا هيطلعو فتوى بقتل الملك عبدالله سيراً على نهج الغلبان اللى احلوا دمه السنة الى فاتت ميكى ماوس ؟؟

تعليقات

‏قال Unknown
طبعا انا ابديت راي في جروب اتكلم واسمع اللي انتي عاملاه علي الفيس بوك وطبعا انا معاكي انها خطوه ايجابيه وفرحان جدا لذلك القرار لاني كنت ضد سياسه السعوديه وتشددها بطريقه زائده عن اللزوم وانا اعتقد ان الاسلام لا يدعو لذلك التشدد ولكن ياريت الانفتاح ده في العقليه والفكر لن تكون مطلقه وتصبح بحدود وارجو الايخطئوا مثل مصر التي انفتحت زياده عن اللزوم واخذت تقلد الغرب في حاجات هايفه مش في الحاجات المفيده..نور الدين..... شكرااااا
‏قال برج المراقبه…
ههههههههه
المضحك المبكى ان نقلد الناس فى السعوديه فنجلب العادات الباليه التى يجاهدون هم انفسهم للتخلص منها
والبركه فى الدعاه المرتزقه الذين سخروا انفسهم للدفاع عن هذه العادات باسم الدين
والآن سيستديرون 180 درجه بمنتهى البساطه لأبراز مزايا الحياه الطبيعيه التى يشارك فيها الجميع رجالا ونساء
ومش بعيد انهم يستخرجون قصصا وروايات من المحفوظات فى متاحف التراث تؤيد كلامهم
بعد عمل النيو لوك
لزوم اكل العيش
المشكله فى التجار الشطار الذين ابتكروا ما سموه الأفراح الأسلاميه التى تفصل بين رجال ونساء العائله الواحده تلبية لطلب بعض المتنطعين من مقلدى عادات الحليج
هل نضحك على هؤلاء الأراجوزات
الذين يطالعون الناس من شاشات الفضائيات
ام نحزن على من ينخدع فيهم من السذج الطيببين
‏قال Dream
رأى شيوخ السلفية معروف هما ما لهمش رأى
دة حافظ مش فاهم يا افندم
هيقولو كلمتين من كتب الف ليلة اللى معاهم و فى الاخر هيستنتجو الفكرة الرهيبة اللى هى الالتزام بالثوابت
بمعنى ادق فليبق الحال على ما هو عليه
‏قال مواطن مصري
انا فرحت ان السعودية بدأت تخرج للنور

بس لسة خفافيش الظلام كثار و عاوزين ريد و العسكري الاحمر
‏قال Unknown
اصل الفساد بيبقى في التربية و الخلق..
مش في الاختلاط من عدمه او من قيادة السيارات من عدمها
احنا اللي بدأنا نستورد التخلف و النقاب بقى !!
‏قال برج المراقبه…
جهابذة التدين الشكلى المسرحى السطحى...التخلص منهم هو الحل
منقول
فى عام 2007.. بغرض تجميل وجه النظام الليبى أمام العالم.. تم تنظيم جائزة أدبية عالمية سنوية، بقيمة حوالى مليون جنيه مصرى، باسم جائزة القذافى لحقوق الإنسان.. وتم تشكيل لجنة من مثقفين عرب كبار لاختيار كل عام كاتبا عالميا لمنحه الجائزة.. هذا العام قررت اللجنة منح الجائزة للكاتب الإسبانى الكبير خوان جويتيسولو البالغ من العمر 78 عاما..

ثم كانت المفاجأة: فقد أرسل جويتيسولو خطابا إلى أعضاء اللجنة يشكرهم فيه على اختياره للفوز بالجائزة، لكنه أكد فى نفس الوقت أنه لا يستطيع، أخلاقيا، أن يتسلم جائزة لحقوق الإنسان من نظام القذافى الذى استولى على الحكم فى بلاده بانقلاب عسكرى ونكل، اعتقالا وتعذيبا، بالآلاف من معارضيه.. رفض الكاتب جويتيسولو جائزة بحوالى مليون جنيه مصرى، لأنها لا تتفق مع ضميره الأخلاقى.. هل نسأل هنا: كم مثقف أو حتى عالم دين فى مصر كان سيرفض الجائزة..؟ ومن هو الأقرب إلى ربنا سبحانه وتعالى..؟!.. هذا الكاتب الشريف الذى أثق فى أن الدين لم يخطر على باله وهو يتخذ موقفه الشجاع النبيل، أم عشرات المتدينين المصريين، مسلمين ومسيحيين، الذين يتعاملون مع الأنظمة الاستبدادية ويضعون أنفسهم فى خدمتها متجاهلين تماما الجرائم التى ترتكبها تلك الأنظمة فى حق شعوبها. إن التدين الحقيقى يجب أن يتطابق مع الأخلاق.. وإلا.. فإن الأخلاق بلا تدين أفضل بكثير من التدين بلا أخلاق..... الديمقراطية هى الحل
علاء الأسوانى..
‏قال مواطن مصري
"أزهريون" يؤيدون الفتوى الإيرانية بحجاب "المانيكان" ويعتبرون تعريتها من مقدمات الزنا.. ومطالب بالتشديد على "حشمتها" ومعاقبة المحلات المخالفة بالغلق أو الغرامة

http://youm7.com/News.asp?NewsID=139129

الظاهر أن ايران غزت الازهر خلاص
هيقولوا ايه يعني؟؟؟؟؟؟؟؟
اكيد
و لا الضالين ........امين
‏قال غير معرف…
ماهى خكاية مجلة المصريون
هذه المجله تنشر دعوة الكراهيه لغير المسلمين من ابناء الوطن
وتهاجم كل من يتصدى للتدين الشكلى المصرحى المستورد من السعوديه
مجلة المصريين على النت
وهى تردد كل خزعبلات المتاجرين بالدين والمستغلين لورقة الدين فى السياسه
‏قال غير معرف…
وداعا للعقل
هههههههههه
الخطوه القادمه بعد تغطية تماثيل بلاستك
هو تغطية الفراخ والحمير والدواب التى تسير عاريه
ههههههههههه
‏قال غير معرف…
مهزله ونصب مكشوف
هؤلاء المهوسون لا يستحون ولا يتورعون عن فعل اى شى لخداع السذج
ولو بالنصب والفبركه المكشوفه
فهذا واحد يسبق اسمه حرف الدال
يفبرك اسم مستشرق لا وجود له
ويبدا مقاله بمايدعى ان هذا المستشرق عدو الأسلام يقوله هكذا

يقول المستشرق صموئيل زويمر إنّه لا يدعو لإدخال المسلم في النصرانية، وإنّما يدعو إلى إخراجه من الإسلام ويقول: وعندي أننا يجب أن نعمل حتى يصبح المسلمون غير مسلمين
واذا بحثت عن هذا المستشرق فلن تجد له اثر الا فى عقولهم الفاصره
وهو الفبركه من الشريعه والا هى حرام
من مقال لواحد اسمه حلمى قاعود فى مجلة المصريون.
‏قال عمو عصام…
مافعلته السعوديه هو محاوله لمواجهة خطر السلفيه والوهابيه كما أعلن ويبدو أننا نحن الذين سنكتوى بنارها بعد أن صدروها لنا وأصبحنا نعيب عليهم أن يسمحوا للمرأهببعض مماكان ممنوعا عليها أى أنهم علمونا الشحاته فسبقناهم على الأبواب
‏قال عمو عصام…
عزيزتى القطه آسف لإزعاجك بتعليق قد يبدو خارج سياق الموضوع ولكنى آثرت أن أقصه عليك من قبيل الفضفضه فقد حدث فى المترو أن قام أحد الركاب من مكانه لوصوله محطته وعندما إكتشف أن أقرب شخص للكرسى إحدى السيدات المسيحيات قام بالإشاره لرجل بعيد نسبيا كى يأتى ويحتل الكرسى بدلا منها وعندما عاتبته السيده بكلمات بسيطه (يابنى شايفنى ست كبيره قد والدتك وواقفه تعبانه ومستخسر فيا أقعد)رد قائلا(بس متقوليش أمى أنا أمى مسلمه ومش عايزينكو جنبنا لادنيا ولا آخره)وعندما دمعت عيناها قام أحد الشباب وحاول إجلاسها مكانه فرفضت وقالت له (بلاش أحسن أنجسكو)وآثرت أن تنزل المحطه التاليه لتركب المترو التالى بينما تكفكف دموعها ...و...وأنتظر تعليقك علما بأنها أصبحت قصه متكرره يوميا بصوره أو بأخرى وأعتذر مره أخرى لإزعاجك
‏قال برج المراقبه…
قطه
اعلق على الفصه التى اوردها عمو عصام اوقولى الماساه
هؤلاء ياسيدى هم غلاظ القلب قتلة الأبرياء باسم الدين والدين اى دين منهم براء
هؤلاء هم اخوان الزرقاوى الذى كان يتل ذذ بذبح ضخاياه امام كاميرات النت
وصراخهم يقطع قلب الحجر
وللأسف هم يعيشون كالوحوش الضاريه بيننا
وشوهوا كل شى نبيل فى حياتنا
ويلومون الغرب ان قاومهم بكل ما يملك
كسبه فى جبين الأنسانيه
‏قال Unknown
للاسف السعودية تتحرر بالتدريج و تتقدم بعيدا عن الوهابية و احنا بنرجع للخلف و بنتمسك بالوباء الوهابي الي جالنا من عندهم
يمكن بعد الخبر ده ينكسفوا على دمهم و يحاول يخلصوا من الغباء المتحجر المنتشر عندنا
تحياتي و مودتي لك
‏قال Desert cat
DON'T WALK ALONE
مصر فيها انفتاح وبتقلد الغرب ؟؟؟
انت مش شايف هوجة المتكفنات اللى ماشيين فى الشوارع قصدى المنقبات ؟؟
طيب ياريتهم يقلدوا الرب على الاقل الغرب عنده الحضارة والعلم ومش يقلدوا السعودية ويقرفونا فى الشوارع
‏قال Desert cat
برج المراقبة
يا عزيزى حضرتك لو نظرت لما يحدث لعلمت ان مصر تتعرض لمؤامرة حقيرة من السعودية والقى نظرة على كم القنوات الدينية
‏قال Desert cat
Lucifer
بيعجبنى فيهم انهم عندهم فن المراوغة ويقتصوا من القرآن ما يناسب هواهم
لكن للأسف القرآن مش فيه آيات قرآنية تحرم الإختلاط
نشوف السذج اللى بيصدقوهم هيعملوا ايه
‏قال Desert cat
مواطن مصرى
لو مفيش سذج يصدقوهم مش هتلاقيهم
موجودين خالص
‏قال Desert cat
قهوة بالفانيليا - شيماء علي

الناس مش بقت فاضية تربى يا شيماء
لانهم سايبين التلفزيون والشارع يربوا لهم ولادهم
‏قال Desert cat
برج المراقبة
حضرتك فى بداية الكومنت قولت اللى كلنا بنتمناه
التخلص منهم هو الحل
‏قال Desert cat
مواطن مصرى
انت عندك عينة من الازهريين زى خالد الجندى
يبقى مستنى ايه غير ركوب الموجه
‏قال Desert cat
ذو النون المصرى

متوقعه الحقيقة
اصل الرزق يحب المسايسة
‏قال Desert cat
Anonymous
المجلة دى اتفضحت من زمان اوى واتعرف توجهها ولا انسى ابدا الفتنة اللى عملتها ابان استلام دكتور سيد القمنى جائزة الدولة التقديرية
‏قال Desert cat
Anonymous
دول ممكن يقبضوا على الفراخ والكلاب المختلطة ويقولوا مسكناهم متلبسين فى قضية آداب
‏قال Desert cat
Anonymous
محررين المجلة بينشروا اخبارمغلوطة اولاً لملأ الجريدة باخبار سكاند هاند علشان تبيع لانها جريدة فاشلة
‏قال Desert cat
بابا عصام
متوقعه بعد 10 سنوات تبدل الحال تماما
وتبقى مصر كلها منتقبات ونمنع المراة من كل حاجه وهما يمتلكو احدث الوسائل العلمية
‏قال Desert cat
بابا عصام
القصة اللتى حضرتك اوردتها ليست لانسان وانما هو كان طفيلى قذر
‏قال Desert cat
برج المراقبة
المدونة مدونتك
اكتب اى كومنت تحبه
طبعا متفقة مع رايك تماما
تحياتى
‏قال Desert cat
malika
ماهو للاسف اللى عقولهم اتبدلت بنخاعات مسلوقة مش قادرين يستوعبوا واجمل حاجه بتضحكنى لما بيقولوا الدين فى السعودية بس

المشاركات الشائعة