العيــد فرحــــة


أولاً كل عام والجميع دون استثناء من اى ملة واى دين فى جمع أنحاء العالم بألف خير
انقضى شهر رمضان عساكم من عوداه .. وربنا يستر من اللى جاى واللى قلقانة منه اوى
ومش نلاقى وسائل الإعلام السمعية والمرئية والمقروءة تطالعنا بحوادث التحرشات الجماعية
واللى الشيطان يوزه على التحرش او المعاكسة مش هقوله يفتكر صيام وقيام الشهر كله .. لاء يفتكر بس ليلة القدر والشوارع متقفلة والناس مش عارفه تتحرك ولا لاقيه مكان تحط فيه رجل واحدة بس وتقف على التانية مش مشكلة .. العربيات اللى واقفه فى الشوارع والمترو اللى بوباته اتفتحتت على مصراعيها دون النظر لتذاكر ماهو مش ينفع تذاكر فى الوقت ده والناس بتموت بعضها .. انا بعد المناظر الجميلة المهيبة دى والروحانيات العالية اللى شوفتها عند الناس فى اليوم ده لحد الساعه الواحدة صباح اليوم التانى قولت خلاص الشعب هيتأذب ومش هنلاقى شاب بيجرى ورا بنت بالمشوار علشان فى الاخر يقولها كلمة زباله ويجرى قبل ما تطرقع له باللى فى رجلها .. ولا واحد هياخد صحباه ويلفوا ورا البنات علشان يلمس اى حاجه فى جسمها ويجرى ... ولا راجل رجله والقبر وماشى يعاكس فى بنات من سن احفاده ... وبصراحة المنظر ده شجعنى تانى يوم اخرج مع صديقاتى العزيزات لقاء وجينول ونزلنا الشارع اللى برضه زحمة زحمة زحمممممممه ودخلنا محلات وخرجنا من محلات واوبس اشوف بياع بالونات لفت نظرى بالونه كبيرة مكتوب عليها ILove You
مش عارفه حقيقى بتاع البالونات موقفها ازاى على قائم بلاستيكى طوووويل روحت جبتها وياريتنى ما جبتها على الزفة اللى اتعملت لى فى الشارع وانا ماشية .. واللى يعلق على البالونة واللى يعلق على الكلمة اللى مكتوبة عليها واللى يقول امسسسك طفلة فى العشرينات مع انه لو عرف الحقيقة انى فى التسعيانات كان صعق وصواريخ تتحدف تحت رجلينا وللجميع ان يتخيل منظر واحدة طول بعرض ماسكة بالونة ومتفرقع تحت رجليها صاروخ وواقفه تتنطط فى الشارع .... وبعد الفضيحة اللى كان ممكن بسببها تقوم الحرب العالمية التالتة قررت أروح البيت وفى الشارع اللى قبل البيت مباشرة ايه اللى حصل ؟؟ ايون كدا برافو فرقعت البالونة .. وحتى الآن حزينة على البالونة ولا اراكم الله مكروه فى بالونات لديكم

كلها ساعات ونصلى العيد ياريت بلاش كحك وبسكويت كتير علشان الوزن يعنى حرام الناس اللى حجمها كتير دى بتضايقنى خصوصا لما كنت فى الشارع مع صحباتى وماشية قدامنا واحدة من الحجم العائلى واحنا التلاته وراها تقريبا الست كانت بعرضنا كلنا وكنا يمين نلاقيها قدامنا شمال برضه قدامنا فى الاخر بقولها انتى ماشية واخده الشارع بالاحضان كدا ليه عايزين نعدى انتى شايفة الدنيا زحمة ازاى .. بصت لى من فوق لتحت وراحت قالت مش احسن ما ابقى محتاجه محلول معالجة الجفاف ولحد اخر يوم فى حياتى مش هسامحها على الكلمة دى وياريتها اصلا عدتنا من جنبها قالت الشارع مش ضيق جاييت تلزقوا فيا ليه وحملتنا احنا الغلط ... فياريت اللى يشوف حد من الحجم العائلى يقوله رحمة بالآخرين يعمل ريجيم البلد مش ناقصه كتل بشرية اصلى لن اتجرأ واقول لواحدة او واحد ضخم الرحمة حلوة لانى لن أأمن العواقب بعد كدا


وعيد سعيد على الجميع

Comments

kol sana wanty ya rab balf sa7a wsa3ada wkol balona wanty tayba ya amr
karim said…
كل عام وانتى بخير سيدتى
بكرة صيام على فكرة


اشمعنى مفيش شيوخ تطلع تقول احتفال ب الاعياد حرام
:D
عمو عصام said…
كل سنه وانتى طيبه ياأجمل قطه خلقها ربنا وكل سنه ومدونتك مخربشه ولاتخشى غير الله فى الحق ويارب عيد سعيد على الكل والسنه الجايه تكون سلبياتنا أقل وحياتنا أفضل
العرب و البدو التميز ضد المصرين

والد مريض سعودي يضرب طبيبا مصريا بآلة حادة

تعرض طبيب مصرى يعمل فى السعودية أمس الأول لاعتداء من والد أحد الأطفال المرضى، مما أدى إلى إصابته بجرحين قطعيين فى رأسه.

الدكتور أحمد نوفل، صديق الطبيب المعتدى عليه، روى لـ«الشروق» قصة الاعتداء قائلا: «فوجئ الدكتور إيهاب على، إخصائى الأطفال بأحد مستشفيات الرياض، بوالد طفلين يقوم بعلاجهما يدخل عليه العيادة الخاصة به فى المستوصف، فطلب منه إيهاب على الانتظار حتى تحضر الممرضة ملفيهما».

وأضاف نوفل «بمجرد دخول الطفلين على الدكتور إيهاب قام بفحصهما فتبين له أن أحدهما شفى والآخر لا، فسأل والده عما إذا كان الطفل الثانى قد تناول مشروبات مثلجة».

وبحسب نوفل، فإنه بمجرد سماع والد الطفل السؤال، قال غاضبا «انت بتعرف الغيب كمان، شكلك دكتور ما بيفهمش حاجة، فرد عليه إيهاب الله يسامحك»، ومن بعدها اشتبك والد الطفلين مع الطبيب وبدأ فى توجيه السباب له.

وأضاف نوفل أن الطبيب ترك العيادة وخرج، فما كان من والد الطفلين إلا أن قام بضرب الطبيب على رأسه بآلة حادة، مما أصابه بجرحين قطعيين فى رأسه.

وأوضح نوفل أن ما دعاه للكشف عن هذه الحادثة هو التفرقة فى المعاملة من قبل الشرطة بين المجنى عليه والجانى، حيث طلبت من الجانى اللحاق بهم فى سيارته الخاصة لقسم الشرطة، فى حين اصطحبت المجنى عليه معها فى سيارة الشرطة، والسبب كما تبين فيما بعد، أن الجانى ضابط شرطة.

وحاول رجال الشرطة بعدها ممارسة نوع من الضغط على الطبيب بإيهامه أن التقرير الطبى الذى خرج من الدكتورة التى قامت بعلاجه، قد فقد، وهو ما دفع الطبيب إلى التنازل عن المحضر.

الجدير بالذكر أن طبيبا مصريا تعرض لإطلاق النار عليه على يد شقيق أحد المرضى فى مستشفى تثليث بالسعودية منذ أسبوع، ومازال فاقدا للوعى حتى الآن فى المستشفى الذى يعالج فيه.


http://www.shorouknews.com/ContentData.aspx?id=116740
salwaa said…
كل سنه وانتى طيبه!!
ابو احمد said…
كل سنه وانتى طيبه ومتألقه
انتي مش ملاحظة ان فية اتفاق بين الاسلامين و الصهاينة على اي مصري يترشح ل اي منصب عالمي


عشان يقولو ان مصر ملهاش دور

انا نفسي بقى فاروق حسني يكسب غصب عنهم
فعلا امر مخيف امر التحرش الجماعي
يعني الناس تصوم و تصوم و تصلي و تتهجد و في الاخر تتحرش
يعني ايه الكلام ده؟
يعني صلاة لم تنه اصحابها عن الفحشاء و المنكر
يعني لا صلاة له
كل سنه و انتي طيبه
هههههههههههههههههه
محلول جفاف ف عينها

تعتقدي إن الناس بعد ليلة 27 و اللي شفتيه هيبقوا أحسن يعني
؟؟

دي أوهاااااااااام يا ماما

كل سنة و انتي طيبة
و ربنا يستر علينا كلنا

عيد سعيد يا قمري
فرعون said…
كـــــــــــــل
سنــــــــــــــة
وانتـــــــــــــــى
طيبـــــــــــــــــــة
يا قطــــــــــــــــــــــة
Anonymous said…
اعمل ايه مع اننا فى العيد دمعت عيناى وانا اقرا هذه القصه لعلاء الأسوانى
خلال زيارتى الأخيرة إلى نيويورك.. رأيت كالعادة مصريين كثيرين من خريجى الجامعات يعملون خدما فى المطاعم وعمالا فى محطات البنزين. وذات ليلة كنت أتنزه فى شارع 42 الشهير فوجدت شخصا واقفا أمام عربة يبيع فيها سندوتشات السجق. كانت
ملامحه مصرية فاقتربت منه وتعرفت إليه. فوجئت بأنه خريج طب عين شمس. دعانى إلى كوب شاى بالنعناع فجلست فى الشارع بجواره.

وجاء زبون فقام ليصنع له السندوتشات، وفكرت أننى أرى نموذجا حيا لما يفعله نظام الحكم بالمصريين.. هذا الشاب اجتهد بشرف حتى حصل على مجموع الطب وتخرج طبيبا، وهو الآن يصنع سندوتشات السجق للمارة.. وكأنما أحس هو بأفكارى فجلس
بجوارى وأشعل سيجارة، وقال:

ــ عارف.. ساعات أحس إن حياتى ضاعت.. أخاف أقعد طول عمرى أعمل سندوتشات فى الشارع.. لكن أرجع وأقول أنا هنا بياع سجق لكنى مواطن محترم.. إنما فى مصر أنا دكتور صحيح بس ما ليش حقوق ولا احترام.

حكى لى كيف كافح أبوه الموظف فى الأوقاف حتى علمهم، هو وأختيه، وكيف اكتشف بعد تخرجه نظرية اللاءات الثلاث، كما سماها ساخرا: لا عمل ولا زواج ولا مستقبل. كيف اكتشف أن العمل فى الخليج مهين وغير مضمون والتسجيل للدراسات العليا يحتاج
إلى تكاليف لا يملكها.. حكى لى كيف طلب من البنت الوحيدة، التى أحبها أن تنساه لأنه لا يستطيع أن يتزوجها ولا أن يجعلها تنتظره.. ساد الصمت بيننا فقال محاولا المرح:

ــ تحب تسمع محمد منير.؟..
فائدة.. انقطع الزبائن والشارع شبه خالٍ، لكنه مجبر على السهر للصباح كما اشترط عليه صاحب العربة.. ظللت معه طويلا نتكلم ونضحك.. ثم استأذنت للانصراف فإذا به يحتضننى بقوة. لم يتكلم. لم نكن بحاجة للكلام. كنت أحس به تماما.

ابتعدت بضع خطوات فى اتجاه الميدان، ولم ألتفت خلفى.. لكنه نادى بصوت عالٍ:

ــ باقولك إيه..؟

التفت فوجدته يبتسم. وقال

ــ سلم على مصر عشان وحشتنى قوى..

.. الديمقراطية هى الحل.

المصدر: صحيفة الشروق.
romansy said…
اجمل التهاني وارق الاماني بحلول عيد الفطر المبارك
اعاده الله عليكم وعلينا بالخير واليمن والبركات
راجين من الله ان يديم علينا الاعياد والايام السعيدة
وان تستمر اعيادنا لابد

كل عام وانتم بخير
romansy said…
اجمل التهاني وارق الاماني بحلول عيد الفطر المبارك
اعاده الله عليكم وعلينا بالخير واليمن والبركات
راجين من الله ان يديم علينا الاعياد والايام السعيدة
وان تستمر اعيادنا لابد

كل عام وانتم بخير
أبنوسة said…
كل سنة وانتي طيبة

وبصحة وعافية

ربنا يحقق كل امانيك يا رب

صافي الود
كل سنة وانت طيبة
برج المراقبه said…
قطه
بعد ان تعددت خوادث الأعتداءات على الأطباء المصريين من جرابيع وخثالة البشر
فى مملكة الشذوذ والتخلف والهمجيه
لماذا لا تسير مسيره من الأطباء تنظمها نقابتهم الى سفارتهم للأحتجاج بل لماذا لا تتجه مظاهره الى هناك
ولماذا لم تتحرك سفارة مصر هناك بل لماذا لا يسحب السفير كما تفعل دول مخترمه من اجل الأعتداء على مواطن
ولماذا ولماذا هذا السكوت المخزى
لماذا لا ينسحب كل الأطباء المصريين من هذه الدوله القبيحه المنطر والمضمون
الا يعلم كل منهم انه معرض لنفس الشىء
برج المراقبه said…
بل لماذا لا ترفع اسرة هذا الطبيب دعوه ضد السفاره تطلب تعويضا لمجرد اثبات موقف
والصراخ فى وجه هؤلاء الجرابيع ان كفوا لأن السكوت يشجعهم على التمادى
وهل نترحم على جمال عبد الناصر الذى جعل ركبهم تهتز من الخوف والرعب عندما الزمهم مكانهم
وفضح حقارتهم
برج المراقبه said…
وقف لهم جمال عبد الناصر فانفقوا المال الحرام للقضاء على حلم العرب ولفصم الوحده بين مصر وسوريا...تدفقت اموال الخيانه
لتقضى على الخلم
وليبقى محتكرى اموال النفط على عرشهم المهتز
Anonymous said…
وهل يجرؤ هؤلاء الحثاله ان يعتدوا على طبيب بريطانى او كندى او اميركى من اسيادهم؟
صديق لى مصرى طبيب حصل علا الجنسيه من دوله غربيه وعاد الى مملكة الهمج فتغيرت المعامله 180 درجه
بل وتضاعف مرتبه مع انه هو هو نفس الشخص تخلف وغباء
برج المراقبه said…
فطه
هذا الموضوع زاد هن حده
ونسى هؤلاء الكلاب ان مصر اطعمتهم فى التكيه المصريه فى الحجاز اواختضنتهم عندما غزاهم وسحقهم صدام بل ارسلنا قواتنا لتسترد بلدهم التى اختفت فى ساعات
ومصر هى التى علمتهم وبنت لهم بيوتهم وهم رعاة المعيز لا يفقهون شيئا
هل يجرؤ هؤلاء الحثاله ان يعتدوا على طبيب بريطانى او كندى او اميركى من اسيادهم؟
صديق لى مصرى طبيب حصل علا الجنسيه من دوله غربيه وعاد الى مملكة الهمج فتغيرت المعامله 180 درجه
بل وتضاعف مرتبه مع انه هو هو نفس الشخص تخلف وغباء

واعود واقول لابد من اجراءات
حكوميه واهليه تتصدى لهؤلاء الكلاب
Desert cat said…
طوبه فضه وطوبه دهب
كل سنة وانتى طيبة وفى اسعد حال
عيد سعيد عليكى
Desert cat said…
karim
كل سنة وانت طيب كريم
عيد سعيد عليك وعلى زوجتك وكل احبائك
Desert cat said…
مواطن مصري
لاء ماهما قالوا صلاة الست فى المسجد حرام
:))
كل سنة وانت طيب وبالف خير
Desert cat said…
بابا عصام
اسعدتنى جدا تهنئتك
وكل يوم وكل ساعه وكل ثانية وانت اسعد الناس يا حبيبى
Desert cat said…
مواطن مصرى
حاجه مقرفة والاخبار اللى من عند البدو رعاة الاغنام دايما مقرفة مش قادرين ينضفوا قلوبهم وينسوا ان المصريين هما اللى منضفينهم ولولاهم كان زمانهم لسع ماشيين حافيين وطز فى فلوس الجاز بتاعتهم
Desert cat said…
salwaa
سلوتى الرائعة
كل سنة وانتى جميلة
Desert cat said…
ابو احمد
دكتورنا العزيز
كل سنة وحضرتك واسرتك الجميلة بالف خير
ويارب يعيد عليك الايام بكل صحة وسعادة
عيد سعيد عليك وعلى كل احبائك
Desert cat said…
مواطن مصرى
انا متابعه اخبار اليونسكو على اعصابى
برضه انا كمان نفسى فاروق حسنى يكسب
Desert cat said…
ذو النون المصرى
ربنا يستر يا ابو عمر
مش عارفه هوجة التدين البديل دى واخدانا على فين
كل سنة وانت طيب
وعيد سعيد عليك وعلى اسرتك
قبلاتى للقمر الصغير عمر
Desert cat said…
اسماء على
ااااااه يا سمسم شوقتى اللى سمعته صحبتك من ذوات الحجم العائلى
:))
كل سنة وانتى اجمل دكتورة فى الدنيا كلها
عيد سعيد عليكى وعلى ماما وكل حبايبك
Desert cat said…
العزيز فرعون
كل سنة وانت بالف خير
ميرسى يا عزيزى لتهنئتك
Desert cat said…
Anonymous
لا اخفيك سرا بمدى الاحساس الذى انتبانى من هذا المقال
ولم اجد ما اعبر به عن سخطى تجاه حكام نزعوا الوطن من المواطنين
Desert cat said…
romansy
كل سنة وانت طيب
عيد سعيد
ميرسى اوى لتهنئتك الرقيقه
Desert cat said…
أبنوسة
ميرسى لتهنئة حضرتك
شرفتينى
Desert cat said…
TAREK ELMAHALLAWY
طاروووق
كل سنة وانت بالف خير
عيد سعيد
Desert cat said…
برج المراقبة
كله خايف ي استاذى على المم
واكل العيش يحب ان لا ترى لا تسمع لا تتكلم

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز