فين الكاميرات علشان يكون فى 237 حالة تحرش ؟؟؟

قبل العيد بيوم شوفت خبر ان فى مجموعة من الشباب والشابات الرائعين عملوا حملة سموها لحمنا غالى ودمنا حامى والحملة دى كان هدفها انهم هينزلوا الشوارع فى ايام العيد ومعاهم كاميرات يصوروا بيها اى حالة تحرش تحصل وسيتم ملاحقة المتحرش الذى يظهر فى الصورة او الفيديو قضائياً .. طبعاً أنا اتبسطت اوى للخبر وقعدت سعيدة جدا للغاية وقولت كويس العيد السنة دى هيبقى سعيد ومن غير تحرش ولا قلة الادب اللى بتحصل كل سنة .. واذ بى اشوف المواقع الاخبارية انهارده الاقى المصرى اليوم عامل تقرير عن رصد 237حالة تحرش .. قولت ياللهول العيال دى جت ازاى ومنين وفلتت إزاى من الكاميرات ... بس جميل اوى الحملة اللى قامت بيها الشرطة وجميل جدا انهم فعلاً بدأوا يتصدوا للظاهره عقبال ما يتصدوا ليهم كل يوم وتتولد من جديد النخوة فى المجتمع المصرى .. وعلشان الناس اللى بتقول لبس البنات وتطلع اى مبرر للمتحرش ..محرر اليوم السابع نزل ومعاه مصور ورصد الحالات بالصور كمان وفى نهاية مقالة كتب الجملة دى

مخطئ من يعتقد أن ملابس الفتيات، هى السبب الرئيسى فى تعرضهن للتحرش، خاصة أن معظم الفتيات كانت ملابسهن، غير مثيرة على الإطلاق، بل كان هناك بعض الفتيات، ملابسهن عبارة عن إسدال، وسيدات يحملن أطفالا، تعرضن لمضايقات.

"كبت رمضان" و"النهاردة عيد"، كانت الجملتان الأكثر ردا، من المتحرشين لتبرير ما يقومون به من أفعال وألفاظ تجاه الفتيات والسيدات، وربما تفسر هذه الإجابات العابرة أن ظاهرة التحرش التى حدثت فى الأعياد الماضية لم تكن سلوكا عشوائيا أو زوبعة فى فنجان بل تحولت إلى عادة موسمية


ياريت مرتزقة الفضائيات اللى سابين قضايا مهمة جدا المفروض رأى الدين فيها اهرامات الزبالة اللى مالية البلد .. هى النظافة مش من الايمان برضه والمفروض يتكلموا على المهازل اللى فى شوارع مصر دى .. طيب مش سمعوا عن الرى اللى بالمجارى ؟؟ ولا هما الوهابيين بيبعتوا لهم الاكل جاهز ؟؟ ومش مهم الزبالة ومش مهم الصحة ومش مهم مشاكل المواطنين اللى محتاجه تشديد منهم وفتاويهم الرنانة علشان جمهورهم اللى مسلم لهم عقله بدل ما يتحرشوا بالبنت العورة اللى التركيز كله عليها وهى قليلة الادب اللى خارجه من بيتها ليه اكيد كانت سافرة يبقى تستاهل الاغتصاب مش التحرش ولما منقبات ومحجبات يقولوا لهم الشباب الصايع بيتحرش بينا يقولها قرى فى بيتك وربى العيال بتخرجى ليه ؟؟ واعتقد لو حد سال سيدنا الشيخ وقاله الست اتخطفت من بيتها واغتصوبها يكون الحل عنده أوؤدوا البنات .. هو يقدر يلوم الذكر المثار على روحه طول الوقت ده غلبان مش قادر يتحكم ى نفسه يابشر

تعليقات

‏قال Dream
رغم خبرتى فى مقاومة التحرش الا ان الظاهرة اللى بتكتر يوم عن يوم مقاومتها
اصبحت زى البيضة و الفرخة
مفيش دراسات متكاملة عن الموضوع و كل اللى بيتقال مجرد كلام سد خانة
اظن طريقتى المبتكرة لأيقاف المتحرشين فعالة و تستحق الدراسة لكن فى جوهرها غلط جدا
http://almodwana-spassky.blogspot.com/2008/12/blog-post_8672.html
‏قال عمو عصام…
بالفعل ياإبنتى..تم إغتصاب زوجه أمام زوجها المشلول فى المعصره بحلوان ومن ستة أشخاص فماذاتفعل البنت أو المرأه ؟؟؟هل سنضطر لتعيين حراسه عليها ؟؟؟أم سنعود لوأد البنات حتى نخلص من عارهن الذى لصق بهن ظلما وعدوانا...لم يعد أمامنا إلا الصلاه والدعاء لله أن يرحمنامما هو أخطر من أنفلونزا الطيور والخنازير..خللى بالك من نفسك
‏قال Unknown
قضية التحرش دي مش هنخلص منها و لا ايه ؟؟
ظاهرة موسمية ؟؟
زي ما الناس بتشتري الكحك يعني؟؟
يا ريت يحصل تصدي أكتر من كدة
و ياريت المتحرشين دول ياخدوا عقابات كافية على اللي بيعملوه من انتهاك لقدسية جسد البنت و حرمته !!
237 بس؟؟
ممكن يكون دة اللي تم رصده
اكيد ف يحاجات وقعت منهم
بس المهم ان في حركة للحماية
ممتاز و الله كنا فين و بقينا فين !!
‏قال برج المراقبه…
عزيزتى قطة الصحراء
يغيب عتد الكثيرين فى مناقشة ظاهرة التحرش التى تفشت فى الآونة الأخيره
ملاخظه لا تحطئها العين الفاحصه وعى ان معظم المتخرشين ان لم يكن اغلبهم ممن يمكن وصفهم بالصبيه
والتفسير انهم ليسوا بعيدين بعد عن جو اللعب والتمتع بلمس ودفع اللعب
بالأيدى
ومغ موجات التخلف المركز من جهابذة دعاة أخر زمن
الذين حددوا وقزموا المراه بما لا يزيد عن لعبه يتسلى بها
نجد انه ليس غريبا ان لا يفرق الصبى بين المراه اى امراه واللعبه
‏قال برج المراقبه…
تابع ماسبق
مسؤولية المراه الخقيقيه فى موضوع التحرش
...واذا روج دهاة قنوات الجاز لصورة المراه كلعبه يتسلى بها الرجل وقتما يشاءوهو ما يستخلص ويستقر فى لا شعور الشباب الصغير من محمل فتاويهم
ووضعت النساء على ايديهم بين امرين اما الخضوع لما يفتون به واما العذاب وغضب السماء
فى الدنيا والآخره
وهذا كما هو معروف قى علم النفس الأجتماعى احد اساليب غسيل المخ
فانساقت كثيرات وراء ذلك وسمعنا عن عاشقة النقاب
بدلا من ان تدافع عن انسانيتها المهدره
تختار السهل وهو المجاراه
ومن هنا تدفع النساء فى التحرش ثمن هذا الأنسياق
‏قال برج المراقبه…
ثمن التنطع الباهظ
غاده المطيرى
عالمه اميركيه من اصل سعودى توصلت الى نوع من الأشعه ارخص واكثر امانا من الليزر
وهى طبعا ليست محجبه
ولحظها الخسن عاشت فى بيئه بعيده عن تنطع المتنطعين المتشددين
وعندما نشر الخبر لم يجد هؤلاء المتنطعون مايعلقون عليه سوى انها غير محجبه
كم هو باهظ الثمن الذى ندفعه من تنطع المتنطعين اصخاب العقول المتحجره احتياطى ارهابى
تورا بورا جهابذة تفخيخ السيارات
وقتل الأبرياء
وتحويل المراه الى محرد لعبه يلهون بها
‏قال Unknown
طبععا دي اول مشاركه ليا في المدونه الخاصه بيكي يا -قطه الصحراء- وانشاء الله هانفضل ننونو مع بعض.

بالنسبه للموضوع طبعا التحرش حاجه بشعه وضد الانسانيه بل لا تمت للانسانيه بصله ولكن----
لي تعليق علي مقوله ان ملابس البنات مش سبب في التحرش فانا اعترض فانا راي:

ان ملابس البنات اصبحت تثير وتشجع الشباب علي المعاكسه او التحرش ومش لازم الملابس بس ممكن تكون متشمه ولكن تمشي متاصعه او تضحك بصوت عالي او اي شئ يلفت الشاب بانها شابه غير مؤدبه وانها تريد ان تعاكس...
ويوجد حالات استثنائيه فنسمع عن اغتصاب طفله صغيره هنا بقي هذا الرجل مريض نفسيا...لا احب ان اطيل عليكم.شكرااااا
‏قال Desert cat
Saito
u are welcome
thanks to link your blog
‏قال Desert cat
Lucifer
لسه جاية من مدونتك حالا بس شكلى هستخدم الطريقة الفعالة دى
:))
‏قال Desert cat
بابا عصام
ايضا حادث كفر الشيخ الزوجة التى تناوب عليها عشر وحوش آدمية واغتصبوها
للاسف بدل من التوعية الا ان لمببرات لا تنتهى ولمراة هى السبب ولا اعم كيف تكون امراة السبب فى التحرش بها واغتصابها وهى فى عقر دارها
‏قال Desert cat
قهوة بالفانيليا - شيماء علي
كشلها كدا فعلا يا شيماء بقت عرض مستمر
اجميل اللى بيبرروا التحرش اعتقد فى الاغلب انهم متحرشين
‏قال Desert cat
برج المراقبة
طالما هناك من لازال يصرخ فى الفضائيات ويردد السافرة المتبرجة فلن يعود الشباب العديم الاخلاق عن افعالهم
حتى لو اتطبقت قوانين العالم فتطالعنا الجرائد باحكام الاعدام على المغتصبين والسجن للمتحرش ولازلت الظاهره سريعه الانتشار

تحياتى
‏قال Desert cat
برج المراقبة
لا استغرب ولا اتعجب فى من تعشق قطعة من القماش لانها فقدت آدميتها فمن اين لها بالاحساس
‏قال Desert cat
برج امراقبة
يعنى اللى بتقلع الحجاب بتخترع وتبتكر طيب ده فى حد ذاته مؤشر كويس اوى
‏قال Desert cat
DON'T WALK ALONE
اولا حضرتك شرفت المدونة
ثانا مفيش مبرر للانحراف
يعنى ايه بن ماشية مش مظبوط او بتضحك او لبسها
طيب هتعمل ايه لو واحدة دعتك للفراش ؟؟ هتروح لها دون ادنى تفكير ؟؟
يبقى معلشى فى الحالة دى الغلط غلطك لانك لم تتقى الله ولم تغض بصرك ولم تعف نفسك ، كمان مفيش بنت بتمش عريانة فى الشارع لكن اللى بيطلع مبرر لممتحرش اكيد بيكون هو نفسه متحرش علشان كدا مش عايز الظاهره تنتهى اصل لو انتهت مش هيلاقى غرضه بعد كدا
‏قال برج المراقبه…
انظروا ماذا حدث عندما افلتت شابه من اسر هؤلاء المتنطعين
اصخاب العقول المتحجره حلفاء ارهابى تورا بورا
ومن تصوراتهم المريضه عن المراهكمجرد فرج للوطأ
وفكروا فى الثمن الباهظ من مستقبلنا عندما تنقاد الجماهير لهم
غاده المطيرى
عالمه اميركيه من اصل سعودى توصلت الى نوع من الأشعه ارخص واكثر امانا من الليزر
وهى طبعا ليست محجبه
ولحظها الخسن عاشت فى بيئه بعيده عن تنطع المتنطعين المتشددين
وعندما نشر الخبر لم يجد هؤلاء المتنطعون مايعلقون عليه سوى انها غير محجبه
كم هو باهظ الثمن الذى ندفعه من تنطع المتنطعين اصخاب العقول المتحجره احتياطى ارهابى
تورا بورا جهابذة تفخيخ السيارات
وقتل الأبرياء
وتحويل المراه الى محرد لعبه يلهون بها
‏قال برج المراقبه…
حقيقة المؤامره
نعم هناك مؤامره على مستقبلنا ولكن من هم صانعوا المؤامره
اقراوا جيدا وفكروا ماذا حدث عندما افلتتت هذه الفتاه
من سجن هؤلاء المتنطعين باسم الدين
المروجين لصورة منحطه عن المراه كمجرد فرج للوطأ ولأستمتاع الرجل الذى يتثار من خصلة شعر
ثمن التنطع الباهظ
غاده المطيرى
عالمه اميركيه من اصل سعودى توصلت الى نوع من الأشعه ارخص واكثر امانا من الليزر
وهى طبعا ليست محجبه
ولحظها الخسن عاشت فى بيئه بعيده عن تنطع المتنطعين المتشددين
وعندما نشر الخبر لم يجد هؤلاء المتنطعون مايعلقون عليه سوى انها غير محجبه
كم هو باهظ الثمن الذى ندفعه من تنطع المتنطعين اصخاب العقول المتحجره احتياطى ارهابى
تورا بورا جهابذة تفخيخ السيارات
وقتل الأبرياء
وتحويل المراه الى محرد لعبه يلهون بها

المشاركات الشائعة