انا عايزة رمضان زمان


بالرغم من النهاردة اول ايام رمضان .. لكن مفيش روحنيات زمان .. مفيش عبق رمضان اللى الواحد كان يحسه من اول ما يبدأ شعبان .. من بداية اليوم مستنية اشوف جديد حاجه مختلفة احس اننا فعلا فى رمضان .. مفيش غير قنوات التى فى بتعرض كووووم المسلسلات اللى هيعمل تخمة عند المشاهدين من اول يوم .. ونزول جاراتى العزيزات علشان يقولوا لى كل سنة وانتى طيبة .. وبالرغم من كدا مش حسيت بود اوى من ناحيتهم يمكن علشان لسه جديدة فى وسطهم او انا نفسى رافضه الاختلاط ... ولما سالت ماما هو ليه رمضان كل سنة بتختفى بهجته عن السنة اللى قبلها قعدت تشرح لى الفرق بين ايام رمضان والايام التانية وفوايد رمضان والصيام برضه مش الاجابة اللى انا مستنياها يا مامى ...راحت منفضه لى بطريقة لذيذه مسكت الموبايل وقعدت تاكد على اخواتى انهم معزومين عندنا على الفطار اول يوم مع انهم عارفين يعنى .. نزلت الشارع قولت يمكن احس ان فيه جديد .. الشوارع فاضية نسبيا وبين كل اربع شوارع مثلا ناس عاملين شريط زينه موصلينه من بلكونة لبلكونة على استحياء وكانهم عاملين حاجه مش كويسه لدرجة ان الزينة مش باينة اذا كانت دى زينة ولا حبل غسل اتقطع بفعل الهواء فى حر اغسطس ... فين ايام زمان اللى كان الواحد يمشى فى الشارع يلاقى طبقة من شرايط الزينة والفوانيس تحس انها سقف معلق من ابداع سكان المنطقة .. بكار انتهى بانتهاء دكتورة منى ابو النصر .. وعمو فؤاد كان حلم وجدو عبده الله يرحمه ... دلوقتى فى مسلسلات + مسلسلات × مسلسلات ÷ مسلسلات = مسلسلات
فين روحانيات زمان وايام زمان ورمضان زمان ؟؟؟

تعليقات

‏قال برج المراقبه…
نكته رمضانيه
مساهمة منا فى محاولة نشر جو من البهجه ان امكن مع انه صعب لأسباب كثيره
انتم عارفنها
المهم
العيال فى الشارع بيغنوا رمضان جانا هل هلاله وقف الشيطان بعيد بيعيط وقعد يغنى رجب حوش صاحبك عنى رجب صحبك جننى
‏قال غير معرف…
منين تيجى البهجه لما تقرى خبر زى ده لا تفلح كل المسلسلات فى محو اثره
عندما يحاول البعض تحويل البلاد الى كندهار اخرى ...اقروا
طالبان تقطع اصابع امراتين السبابه لأستراكهم فى الأنتخابات الأفغانيه
والصبع يلون لعدم الأدلاء بالصوت اكثر من مره وهذا نص الخبر
After they cast their ballots, the fingers of Afghan voters are stained with ink to prevent them from voting multiple times. The fingers of the two women in Kandahar, a stronghold of the Taliban, were cut off because they voted, said Nader Naderi of the Free and Fair Election Foundation.
‏قال عمو عصام…
كل سنه وانتى طيبه ياقطه ومكانش فى داعى تحسرينى على ايام زمان وحلاوتهالانى فى الخمسين من عمرى وطبعا شفت اكتر منك وفرحت برمضان الجميل اكتر منك لكن عندى امل ان الايام الحلوه دى تعود رغم عدم وجود اى بشاير تدل على رجوعها بس بجد وحشنى الفانوس ابو شمعه ووحشتنى اغنية حاللو ياحاللو وفرحتنا بالشوارع الجميله رغم ضلمتها لكن كانت جميله بناسها واهلها عموما مره تانيه كل سنه وانتى طيبه.
‏قال سمراء
كل سنة وانت طيبة

الناس حملها تقيل
اتقل من انهم يقدروا معاة يفرحوا

كل سنة وانت طيبة
سمراء
‏قال سمراء
أزال المؤلف هذا التعليق.
‏قال dr. Ahmed Sakr
والله فعلاً الواحد مش حاسس برمضان زى الأول

حتى القيام فى المساجد ملوش روح ولا المشى فى الشوارع والواحد يشوف الناس بتضحك وتهيص
‏قال ايـــــوية…
كل سنة وانتي طيبة يا اجمل حنان في العالم

:::

هو عندك حق كان زمان قبل الستلايت والفضائيات بيختلف على الرغم من التغييرات اللي مريت بيها بحياتي بس اللحظات اللي بتتكلمي عنها ما زالت مطبوعة في دماغي علشان كان فيه قدسية خاصة بتحل على الناس وعلى الحتة كلها وكان صوت الموئذن لما كان بيعلن عن تكبير بداية شهر الصيم كان صوته جميل وروحاني وكنت باحس كان محبة ربنا غطت كل الدنيا بلون ابيض زي ضباب الفجر

كان السماع لصوت عبد الباسط اجمل من صوت ام كلثوم - والساعتات اللي كنا بنبتدي نحضر فيها الفطار فيها احساس جميل بالايمان والمحبة

-
-
-

كل سنة وانتي طيبة وسلمي لي على المامة وان شاء الله ربنا يخاليهالك ويديكو طولة العمر والسعادة

ايــــوية
‏قال مثلية فقط
عزيزتي قطة الصحراء

أول شي كل عام و انتي بخير و رمضان كريم ينعاد عليكي و على أهلك و أحبابك بكل الخير و الصحة

رغم انو اصحابي المصريين بيحكو عن رمضان في مصر شغلات هائلة ... الزينة و الفوانيس و الأماكن يلي بيجتمع فيها الناس بعد الإفطار و الاجواء الأخوة و الإفطار الجماعي بين العائلات
شغلات كثيرة بتدفع خيالي بيعدا لأجواء أسطورية ...

هلأ معقول الوضع تغير لهدرجة في مصر

في الإمارات الجو الرمضاني حلو خصوصا بالليل

بس قصة التلفزيون و البرامج صحيحة مليون بالمية ... هالسنة أنا عاهدت نفسي أفتح التلفزيون كرمال شوف مسلسل بلقيس و بس


غير هيك بفضل أسمع الراديو من الموبايل
و الله بحس برامج الراديو أقوى و أحلى

مرة ثانية
رمضان كيرم
و كل عام و انتي بألف خير
‏قال hasona
السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهم علي النحو الصحيح
ورطب ألسنتنا بذكرك يا الله
‏قال karim
كل عام وانتى بخير, معكى كل الحق فى ما تقولية, كلنا نشعر بذلك ورمضان بقى عبارة عن صيام وبعدين فطار وبس ومفيش روح مش عارف لية
رمضان تغير لانو الناس تغيرت مش اسوا او احسن لا
بس الحياة و الامور زمان كانت ابسط من هيك بكتير

و كل سنة وانت طيبة
‏قال برج المراقبه…
سارقو البهجه
فى رمضان
.....
هاشم زاده اعلامى باكستانى ينتقد ماتفعله عصابة طالبان
وخاصة المتاجره بالمخدرات وزراعتها
فما كان من المجاهدين الا ان انتظروا مروره فى باص وصعدوا الى الباص وامطروه بوايل من الرصاص
فلقى مصرعه وجرخ آخرون من ركاب الباص
ولا زال البعض المغيب عندنا يهتف لهؤلاء الهمج
‏قال برج المراقبه…
كيف يكون لرمضان بهجه وانت تقرا هذا الموضوع وتسال ماذا حدث لهذا المجتمع
......
ألقت أجهزة الأمن المصرية أمس" الأحد" القبض على 3 أشخاص اختطفوا طفلا قبل سفره إلى والديه في الكويت وطلبوا مبلغ 3 ملايين جنيه فدية لإطلاق سراحه." .

وذكر مصدر أمني مصري أن ضباط وحدة مباحث قسم شرطة المطرية تلقوا بلاغا من عثمان عبد الباقي إبراهيم "55 سنة موظف" باختطاف نجل شقيقته الطفل يحيى الشوادفي محمد إبراهيم "12 سنة" من أمام منزله بدائرة القسم ، وذلك قبل أن يقوم بتوصيله إلى مطار القاهرة لاستقلال الطائرة والسفر إلى والديه اللذين يعملان بدولة الكويت.

وتم اعتقال الجناة بينما تم العثور على الطفل في منطقة عين شمس بعد أن اخلى الخاطفون سبيله
‏قال مفكر…
لماذا اختفت روح رمضان ولم يبق منه الا الحد الأدنى من المطلوب
....
اختفت يوم اختفت
اشباء كثيره جميله من حياتنا
كالقناعه واتقان العمل والأجنهاد والأبتكار
والعقل النشيط هو السر وراء كل هذا
وحل محلها الأستسهال والأستهبال
....
اختفى العقل النشيط اليقظ
يوم اشرقت علينا موجات الهوس الدينى
لتحل محل التدين الهادىء العميق للمصرى منذ القدم وقبل كل الأديان
‏قال مفكر…
لاتقل قنوات الفتاوى الدينيه ...قل فنوات الدعايه السمجه لعادات التخلف فى مجتمعات اصحاب المال السهل
.....
كيف تكون لرمضان بهجته القديمه وقنوات الدعايه السمجه لعادات مجتمعات متخلفه تعمل ليل نهار لأختلاق مشاكل وهميه مثل الأختلاط فى محاولة لفرضها على مجتمعات تخطت هذا من قرون واصبحت المراه استاذه وعالمه واعلاميه ووزيره بل ورئيسة وزراء
مثل شهيدة الأجرام باسم الدين بنذير بوتو
ويحاولون عبثا اعادة الساعه الى الوراء
فلا يفلحون الا فى تشويه صورة المراه فى اعين المراهقين فيندفعون الى التحرش والهوس الجنسى
بينما ترتكب ابشع انواع العلاقات والشذوذ خلف ابواب مغلقه فى مجتمعاتهم
ويدفنون رؤسهم فى الرمال كلما كشف النقاب عنها
‏قال Unknown
كل ينة وانت طيبة رمضان كريم
‏قال Desert cat
برج المراقبه
ههههههههههههه
ميرسى لحضرتك على البسمة الجميلة دى
‏قال Desert cat
Anonymous
يعنى حضرتك عايز الست يتم معاملتها كبنى آدم كرمه ربنا وخلقها انسان وميزها بالعقل وتروح تنتخب ؟؟
ده حتى يبقى خطأ شنيع فى حق العصابة الطالبانية
طالبان يعنى
حشيش + تخلف + همجية = ذائب وحشية
حتى الذئاب ممكن ترفع عليا قضية للتشبيه
‏قال Desert cat
بابا عصام
انا اعتذر على اثارة الذكريات
لكن واضح ان جميعنا يفتقد لاايام رمضان الحقيقية الايام اللى كل الجيران فيها بيت واحد ومفيش فرق والشوارع المتزينة المتهيأة لاستقبال الشهر الكريم والفانوس ابو شمعه اللى كان بيتكسر بسرعه بس برضه له بريقه
كل سنة وانت فى اسعد حال
‏قال Desert cat
سمراء
كل سنة وانتى بالف خير
اعتقد ان الحمل التقيل فعلا سبب بس لا يمكن اننا نقول اللى حاصل ده كل بسبب الاحمال التقيلة
مودتى وتحياتى
‏قال Desert cat
الحشرى
هو ده بالفعل اللى بشوفه وكل لما اسال حد يعبر بنفس الكلام
تحياتى
‏قال Desert cat
أيوية
كل سنة وانتى طيب يا احلى يويو
سلامك وصل لماما وهى باعته لك احلى قبلتين على احلى خدين
فكرتينى بصوت عبدالباسط والشعراوى قبل ادان المغرب وصوته طالع من البلكونات دلوقتى مفيش كل ده اختفى
وكل الايام بقت شبه بعضها
كل سنة وانتى جميلة
‏قال Desert cat
مثلية فقط
كل سنة وانتى طيبة
فعلا رمضان فى مصر كان له بهجته بل كان موسم الرواج السياحى فى مصر لما له من بهجه وفرحة غير طبيعية دلوقتى فعلا الحال اتبدل
كل سنة وانتى احلى بنوته فى الدنيا
تحياتى
‏قال Desert cat
hasona
ربنا يتقبل دعائك
كل سنة وانت طيب
ورمضان كريم
‏قال Desert cat
karim
كل سنة وانت طيب يا كريم
تقريبا جيلنا كله عايش نفس الاحساس لاننا شوفنا اجمل ايام بس زمااااان
تحياتى
‏قال Desert cat
jafra
فعلا متفقة معاكى
كل سنة وانتى طيبة وفى احسن حال
‏قال Desert cat
برج المراقبة
عصابة طالبان ممكن يقتلوا والديهم فى سبيل انهم بس يفكروا ينهوهم عن تجارة الحشيش ده مصدر الرزثق والمزاج كمان
هما دول بقى اللى بيطبقوا حدود الله والشرع
بتجارة الحشيش والقتل ؟
‏قال Desert cat
برج المراقبة
بيقولوا فى رمضان تسلسل الشياطين هى الناس اللى بترتكب جرايم دى اييييه
‏قال Desert cat
مفكر
بمناسبة اختفاء الاخلاق
والمعاملة الطيبة
فعايزة اقولك ان حيوان ماشى فى الشارع يشتم البنات اصله صايم
‏قال Desert cat
مفكر
وبعد كل هذه المسلسلات التى تدعو للتخلف العقلى
ومعها الصيام والصلاة طوال الشهر الكريم
وكالعادة مع اول ايام العيد ستطالعنا الجرائد والمواقع عن حالات تحرش جماعى فى شوارع المحروسة كالعادة
‏قال Desert cat
Medus
كل سنة وانت فى افضل حال
رمضان كريم علينا جميعا

المشاركات الشائعة