شهر الملايين مرحب

شهر ملايين الصائمين والمصلين طبعا شهر رمضان بس برضه فى الشهر ده فى ناس تانية الملايين تمثل لها عدد الجنيهات اللى بتقبضها وهم اصحاب اختراع احدث واسهل حرفه والتى لم يكن لها وجود فى الحياة قبل 10 سنوات تقريبا وهى مهنة الدعاة .. فكان زمان لا يحتاج الشخص وسيط بينه وبين خالقه لان من المعروف ان الدين هو العلاقة الوحيدة الروحانية بين الانسان وربه اما الوسطاء الالهيون اللى عينوا نفسهم حديثا تحت مسمى داعى اسلامى وكل سندهم او واسطتهم هى عمة وجلابية وزبيبة واتقان رسم التكشيرة كويس لكن برضه فى دعاة مودرن بيلبسوا افخم البدل المستودرة وقاعدين يصرخوا زى العرسة على الفضائيات ولما يلاقى الاضواء خفتت من عليه شوية واخدها منه زميل ارزقى جديد يقعد يطلع يقول انطردت من مصر ويرجع يقول لاء مش انطردت نظام هعلب لاء مش لاعب وفى برضه الداعية الكاجوال اللى بيلبس قميص نص كوم وبنطلونات جينز والموضوع مش محتاج غير شوية تمثيل على كام شعراية خفاف فى وجهه ويحط عينه فى الارض واهو كله بيقلب رزقه حسب ما يحب الزبون وان لقى ان الزبون مش هيدخل عقله الكلام الا بفديو كليب مفيهاش حاجه يعمله فديو كليب احنا لينا غير رضا الزبون اللى دايما على حق .. يعنى الجامعات بتخرج كل سنة آلاف الطلبة يسرقوا مثلاً ولا يشحتوا ؟؟ لاء فى ناس بتفكر فى الربح السريع وعدة الشغل جاهزة ومش مكلفة خالص بالعكس مع اول ظهور ليه على اى فضائية من الفضائيات اللى فى بدايتها كانت فديو كليب .. ولما لاقت ان القنوات الدينية بتكسب اكتر واسرع كمان قلبت وبقت دينية اوى خالص هيكسب احلى فلوس ولو فضل يشتغل عمره كله مش هيعمل نصها ... طالما الفضائيات بقى بتعمل عقود بالملايين دى
توقيع الداعية الشهير سلمان العودة عقدًا خياليًا
مع مجموعة mbc بمبلغ 12 مليونًا لمدة عام واحد فقط، فإن هذه الأيام .. التي تسبق شهر رمضان لن تخلو ككل عام من كذا خبر عن توقيع عقود من دعاة مشهورين – وإن لم تعلن - لصالح قنوات فضائية تسعى للحصول على حضورهم لجمهورهم الكبير، وخصوصًا الدعاة المشهورين بالوسطية والاعتدال من أمثال العودة والقرني والعريفي وغيرهم
وللست اللى كانت بتقولى الشيخ اللى فى القناة الفضائية بيقول ان الاختلاط حرام .. قولت لها ياريت توضحى لى معنى الاختلاط .. قالت لى انك تروحى لبياع يقولك الحاجة بعشرة تقولى له لاء بخمسة .. قولت لها ده انا متفقة معاكى فيه انه حرام بس مش علشان اختلاط .. لاء لانك كدا تبخثية حق السلعة المعروضة .. قالت لالالالا فى ستات بتتدلل وبتتمايع علشان يخفض لها .. قولت لها فى الحالة دى لو خفض لها يبقى هو اللى غلطان والمفروض يروح يتعالج من داء النسوان اللى بيعانى منه .. قالت وزميلها فى الشغل اسمه اختلاط قولت لها حلو انتى بتقولى زميلها فى الشغل صح ؟؟ يعنى المكان اسمه شغل وهما قاعدين بيخلصوا مصالح للناس مقابل مرتب شهرى بياخدوه من الضرايب اللى بتدفعها برضه الناس .. يعنى مش عازماه على بيبسى وحطاه له فيه حاجه اصفره فى مكان خاص ... لاء ماهى لما تكلمه صوتها عورة حتى لو بتساله على حاجه فى الشغل الست دورها الاساسى هو الاسرة وتخريج اسرة صالحة للمجتمع .. مين اللى قالك الكلام ده يا ستى .. الله يبارك له الشيخ محمد حسان .. روحى يا شيخة الله لا يبارك لك ولا يبارك له ... الراجل بيحلل القرشين اللى بيقبضهم من صاحب القناة اللى بيقعد يرجع فيها على العقول التلفانة اللى زيكو .. قالت لى على فكرة هما بيطلعوا فى الفضائيات لوجه الله لارشاد المؤمنين الصالحين اما انتى واللى زيك نهايتكو قريبة .. وراحت على ما اعتقد عامله لى بلوك وديليت
* أجور وعقود الدعاة
ووفقًا للعديد من المصادر والمتناقل في بعض وسائل الإعلام فإن أجور الدعاة عن الحلقات في حالة عدم وجود عقد يتراوح مابين 2000ريال - 5000 ريال، ومؤخراً أصبح العديد من الدعاة يرفض الظهور في القنوات التي لا تمنح مقابلاً . ولم تجد هذه القنوات بداً من الرضوخ لشروط أكثر المشائخ بحكم حاجتها لهم في المواسم الدينية على وجه الخصوص فبدأ يظهر ما يشبه بورصة أو قائمة أسعار غير معلنة بحسب شهرة الشيوخ،في ظل وجود أكثر من ثلاثين داعية في درجة تعتبر على مستوى عال من العلم والحضور لدى الجماهير .وغالباً ما تعرض برامجهم في أوقات مهمة جداً بعد الإفطار أو قبل السحور أو بعد صلاة العصر
.

Comments

Anonymous said…
ماساه كبرى ان يتسلح التخلف باموال الجاز اللى مش تعبانين فيها
ليعطوا حياه للعادات البغيضه
بالتخويف والجعير والحق مش عليهم لأن الأغراء كبير والنفوس الضعيفه كثيره ولكن الحق على الجماهير الساذجه الغبيه
التى تخلت عن عقلها وكرامتها كبشر وتحولوا الى قطيع يحركه هؤلاء الدعاه المرتزقه كما يحرك الراعى الغنم
Anonymous said…
ماساه كبرى ان يتسلح التخلف باموال الجاز اللى مش تعبانين فيها
ليعطوا حياه للعادات البغيضه
بالتخويف والجعير والحق مش عليهم لأن الأغراء كبير والنفوس الضعيفه كثيره ولكن الحق على الجماهير الساذجه الغبيه
التى تخلت عن عقلها وكرامتها كبشر وتحولوا الى قطيع يحركه هؤلاء الدعاه المرتزقه كما يحرك الراعى الغنم
وداعا للعلم الحقيقى said…
والله يابلاش
ملايين ليروى لنا ابو دقن حكايات الثعبان الأقرع وابو رجل مسلوخه وفضائل الجماع الشرعى
وكيفية دخول الحمام
مع انهم كانوا يذهبون للخلاء حرائر وجوارى على السواء
كثيرون يفكرون جديا فى هجر كتب ومراجع العلم الحقيقى
وسنوات الدراسه الطويله
وشراء جلباب وتربية دقن والتمرين على التكشير والجعير
والتسبيح بحمد صاحب المال
انا كمان عايز ابقى من الدعاه said…
ياخبر كل هذه الملايين
على البقين الفارغين
وفتوى هل يجب الغسل بعد معاشرة البهائم ام لا يجب ولا تتعجبين هذا موجود فىى الكتب القديمه التى يعتمد عليها هؤلاء المرتزقه
متابع said…
ما راى هؤلاء المرتزقه فى هذه الماساه
طبعا لا يجراون والا قطعت ارزاقهم وبفضلون الجديث عن اداب دخول الحمام
حذرت دراسة مصرية حديثة من ظاهرة "زواج القاصرات"، والتي تؤدي إلى زواج نحو 30% من الفتيات القاصرات، خلال أشهر الصيف، ممن وصفتهم الدراسة بـ"مسنين عرب"، هم من الأثرياء الذين يفضلون زواجا سياحيا مؤقتا يجلب الكثير من المال لأسر هذه الفتيات.

وتشير الأرقام إلى نسبة كبيرة من القاصرات في محافظة 6 أكتوبر متزوجات من أشخاص غير مصريين، هن فتيات لم يتجاوزن الثالثة عشرة من العمر لكن بعضهن سيصبحن أمهات خلال شهور.
Anonymous said…
ماساه كبرى ان يتسلح التخلف باموال الجاز اللى مش تعبانين فيها
ليعطوا حياه للعادات البغيضه
بالتخويف والجعير والحق مش عليهم لأن الأغراء كبير والنفوس الضعيفه كثيره ولكن الحق على الجماهير الساذجه الغبيه
التى تخلت عن عقلها وكرامتها كبشر وتحولوا الى قطيع يحركه هؤلاء الدعاه المرتزقه كما يحرك الراعى الغنم
Anonymous said…
ماساه كبرى ان يتسلح التخلف باموال الجاز اللى مش تعبانين فيها
ليعطوا حياه للعادات البغيضه
بالتخويف والجعير والحق مش عليهم لأن الأغراء كبير والنفوس الضعيفه كثيره ولكن الحق على الجماهير الساذجه الغبيه
التى تخلت عن عقلها وكرامتها كبشر وتحولوا الى قطيع يحركه هؤلاء الدعاه المرتزقه كما يحرك الراعى الغنم
Anonymous said…
ماساه كبرى ان يتسلح التخلف باموال الجاز اللى مش تعبانين فيها
ليعطوا حياه للعادات البغيضه
بالتخويف والجعير والحق مش عليهم لأن الأغراء كبير والنفوس الضعيفه كثيره ولكن الحق على الجماهير الساذجه الغبيه
التى تخلت عن عقلها وكرامتها كبشر وتحولوا الى قطيع يحركه هؤلاء الدعاه المرتزقه كما يحرك الراعى الغنم
Anonymous said…
ماساه كبرى ان يتسلح التخلف باموال الجاز اللى مش تعبانين فيها
ليعطوا حياه للعادات البغيضه
بالتخويف والجعير والحق مش عليهم لأن الأغراء كبير والنفوس الضعيفه كثيره ولكن الحق على الجماهير الساذجه الغبيه
التى تخلت عن عقلها وكرامتها كبشر وتحولوا الى قطيع يحركه هؤلاء الدعاه المرتزقه كما يحرك الراعى الغنم
عقل مهوي said…
حدش يعرف يجيبلي عقد عمل في قناه فضائيه واهو انا شاري جلابيه جديد ومش لاقي احلق دقني بقالي شهرين
متابع said…
وانطفا نور الأشعاع الحضارى
ولعلع بريق الدولار
الماساه الحقيقيه ان مصر ومن خلفها الشام وبيروت
كمركز اشعاع حضارى على المنطقه انطفأ امام بريق الريال والدينار
مصر منهكه حائره قلقه
وسوريا افتتحت التوريث
وبيروت انشغلت بتصدير الراقصات المغنين
بعد خضوعهن لعمليات تجميل وتعديل
وبدلا من ان يقود الناس فى هذه البلاد المتخلفين راحوا يقلدونهم ظنا منهم بسذاجه ان هذا سبحببهم الى من يملك المنح والمنع
وطهرت بوتيكات الفتاوى الجاهزه والتفصيل
لمن يدفع
وياليتهم تحدثوا عن الأستبداد واحتكار العائلات
للحكم
وكرامة وحقوق الأنسان المهدره وبشاعة نظام الكفيل
والفجر والشذوذ خلف الأبواب المغلقه
والدعاره باسم زواج القاصرات الفقيرات
كل ما يشغلهم قضايا مثل
فضائل السواك
واخكام الحمامات والحيض
هديه الى مرتزقة بوتيكات الفتاوى التفصيل said…
دعاره تسكتون عنها يا مرتزقة الفضائيات او بوتيكات الفتاوى التفصيل
استغل مزارع مصري جمال ابنته الطفلة في جمع

المال والمتاجرة بها وذلك عن طريق تزويجها

لأثرياء عرب كبار السن وتقاضي مبالغ كبيرة منهم

ثم يختلق معهم المشكلات ويحرر بلاغات كيدية

ضدهم لإجبارهم على تطليقها.وأوضحت تقارير

صحفية محلية امس الاثنين أنه خلال عامين قام

بتزويجها أربع مرات رغم أنها لم تتجاوز الرابعة

عشرة.

وتبين أنه كان يستعين بمأذون (موثق زواج)

لتزوير سن الطفلة في وثائق الزواج والطلاق

وتمكنت جهات التحقيق من ضبط المأذون ووالد

الطفلة وإحالتهما إلى النيابة.

وتبين من خلال التحقيقات أن المزارع استغل جمال

ابنته الطفلة وهداه تفكيره الشيطاني إلى تزوير

شهادة ميلاد لها وأنه بدأ بتزويجها لثري عربي

كهل وطلقها منه بعد أربعة أشهر من الزفاف وكرر

جريمته ثلاث مرات أخرى.
SaLLy said…
7anoon
kol dah kalam
el mohem kol sana wnety tayeba ya 7abeby
o ramadan karem
بصي يا قطة
سيبك من ده كله احنا نستقبل رمضان بجو أهالينا بتاع زمان
و سيبك من بياعين الأوهام
اللي بيفكروني باللي باعوا صكوك المغفرة

كل سنة و انتي طيبة
متساءل said…
سؤال محير
ما الذى يجذب شباب لشخص مثل اسامه بن لادن لم يقم احد مثله بالأساءه الى الأسلام والمسلمين
حتى صار رمزالفتل الأبرياء
العشوائى كما نرى فى اسواق العراق او افغانستان
نموذج وحشى للعنف المفتقد لأى عقل او ضمير
GHARAM said…
تسلم أيديك على البوست ده،،، أيه ياقطه هو أحنا قعدنا وأتكلمنا في المواضيع دي قبل كده،،،، كلامك هو نفس رايي بالظبط



كل سنه وانتي طيبه وبخير
ROAD RUNNER said…
يعني سنستمع مجددا وعلى مدى شهر كامل الى عزف منفرد على البعوم من الداعية العاطفي عمرو خالد


صناعة رمضان


هو شكل جديد من الارتزاق على ال أس أم أس و فلوس الاغبياء



من قناة الدجل" الناس" والى آخر أقرأ

و القائمة في تزايد

و السبب واضح

PEEP BEEB
عمو عصام said…
أكتفى فى تعليقى بتهنئة الجميع بقدوم شهر رمضان المبارك وإن شاء الله تتحسن أحوال كثيره فليس شئ ببعيدعن قدرة الله سبحانه وتعالى وكل سنه وأنت طيبه ياقطه وكل سنه وأنت اكثر شراسه ضد سلبيات هذاالمجتمع.
أنا حر said…
كل سنة وانت طيبة يا قطتنا
تحياتي
ارقام said…
ضايعين ضايعين ياولدى بين ملايين الدعاه وملايين الممثلين
صل أجر الفنان نور الشريف عن كل مسلسل إلي ستة ملايين جنيه له مسلسلان الرحايا والذي لم يوضع بعد في خطة العرض والآخر «متخافوش»، بينما تقاضي جمال سليمان ثلاثة ملايين جنيه عن مسلسل «أفراح إبليس» وحصل يحيي الفخراني علي 8 ملايين جنيه عن مسلسل «ابن الأرندلي»، بينما حصل خالد صالح عن «تاجر السعادة» علي 4 ملايين جنيه، وصلاح السعدني مليونين ونصف المليون وهو نفس أجر حسين فهمي وحصلت إلهام شاهين علي 5.5 مليون أما ليلي علوي فحصلت علي 5 ملايين جنيه فقط ونبيلة عبيد علي 4 ملايين جنيه، وزينة 2 مليون جنيه وسمية الخشاب 3 ملايين جنيه، وميرفت أمين علي 2 مليون و300 ألف جنيه أما ممدوح عبدالعليم فحصل علي 1.5 مليون وحنان ترك علي 2.5 مليون.
ارقام ...نفهم معناها said…
ما هو الشىء المشترك بين ملايين ارصدة دعاة الحناجر وملايين ارصدة نجوم مسلسلات رمضان؟
قد يقول قائل على الفور استخدام تكنولوجيا اعلاميه متطوره فيما لايفيد
مجرد تسالى مثل اللب والسودانى
وهذا صحيح
ولكن لو تعمقنا نجد ان ما يجمعهما هو تجارة الوهم
سلعة الوهم الرائجه
الدعاه يروجون لوهم الثواب والجنه لو اتبعتم فتاويهم العجيبه
والمسلسلات تبيع وهم الأنبساط والفرفشه الوقتيه
الأثنان مخدر يدفع للأدمان
ولا يغير من الواقع المزرى شىء
ارقام ...نفهم معناها said…
تروج تجارة الوهم كلما ازدادت مشقة الحياه
وانسد افق الأمل واصبح الأحباط ملكا متوجا
أهلا قطة

هو ناقص هؤلاء إلا أن يقوموا بترويج بضاعتهم عن طريق الفوازير والرقص والسيتكومات..

ويا ما ..سنسمع الكثير عن كونوا في رمضان هكذا وبعده..

مرتزقة حتى من الأيام

لنكشف خبث المظاهر الدينية في هذا الشهر..
لتكن هذا شعار الحملة ضد الارتزاق باسم الدين في هذا الشهر قطة

مودتي
شنطة رمضان بين المحظوره والوطنى الديمقراطى جدا said…
شنطة رمضان وطنى ديمقراطى
لشنطة الوطني الديمقراطي

بدأ الحزب الوطني في ممارسة السياسة بالدقيق والأرز والزيت كما تفعل الجماعة المحظورة وفي العاشرة وخمس دقائق بتوقيت "جرينتش" أستلم "الضاني" شنطة رمضان من الحزب الوطني وشاهدناه في الإعادة وكان في وجود مندوب الأمم المتحدة و"لفيف" أو "لفيفين" من مصوري الصحف وتوجه بالشنطة إلي منزلنا ليبيعها لأبي.. رفضت أختي أن يفتحها إلا في وجود خبير مفرقعات أو خبير سموم وقالت (أنا مش أقل من أي عروسة صاحبتي لواحظ عريسها جاب لها حكم إيطالي يفتح لها الشنطة ولما شم ريحة الزيت مات وجاب لها واحد غيره) وأقترحت أمي أن يعمل أشعة مقطعية للشنطة لاكتشاف ما فيها وأخذت ورقة وقلماً وكتبت له اسم الأشعة وعنوان المعمل وطلبت أيضاً تحليل دم كامل قبل أن تسمح بفتحها "قيصري".. كانت الشنطة ترقد بجوار الباب فأقترب منها أبي وفحصها وسأل "الضاني" (فيها إيه الشنطه دي) قال الضاني (فيه ناس بتقول دقيق وزيت وناس بتقول فئات وعمال)، فقال له أبي (خلاص يبقي الشنطة دي تفتحها طوال الأسبوع ما عدا الأحد نص يوم) فرفضت أمي وأقترحت أن تسلم "الشنطة" "لنبوية" جارتنا تربيها لأنها مش بتخلف وقال الضاني إنه قدم لها في الحضانة فنظر أبي إلي الشنطة وقال (ما ينفعش دي لسه ما خلصتش جيش إنت تروح تسلمها لملجأ) فصرخت أختي وقالت (كده يا ضاني برضه جايب لي شنطة بنت حرام) فقال الضاني (دي مش بنت حرام يا اختي دي أهلها حرامية كبار معروفين في البلد).. فقال أبي (مادام أهلها كبار ومعروفين يبقي نديها لأنور وجدي يعمل بيها فيلم) فقال الضاني (ما همه عملوا بيها فيلم سلموها لنا قدام التليفزيون ونبهوا علينا نرجعها تاني) ردت أمي (لكن برضه لازم أعرف فيها إيه) فقال أبي (خليها زي ما هيه أنا خلاص طلبت البوليس).

منقول جلال عامر
ياعزيزتى قطه
هؤلاء المرتزقه ايه الى سوقهم فى مصر ؟؟
اليوم فى جريدة المصرى اليىوم وفى الصفحه الاولى خبر بارز بعنوان الحبيب الجفرى يعود الى مصر بعد ابعاد سبعة سنوات عاوزه ايه بعد ذلك.؟؟
احنا الى خلينا هؤلاءيحصلواا على الملايين
Anonymous said…
شهر المسلسلات ومرتزقة الفتاوى ...رمضان سابقا
مع بداية شهر شعبان وربما قبله بقليل تبدأ القنوات الفضائيات بالإعلان عن المسلسلات والبرامج التي تم الإعداد لها طوال العام لتقدم على مائدة رمضان التليفزيونية.

وقد ترسخ في ذهن الكثير فى الوطن العربي ان رمضان هو شهر المسلسلات والبرامج ومن قبلهم الفوازير وألف ليلة ولية .

الجدير بالذكر أن عدد المسلسلات المصرية في رمضان بلغ 50 مسلسلا ميزانيتها تقدر بمليار جنيه ، هذا بجانب المسلسلات الخليجية والسورية والبرامج والمسابقات .

فكيف ترى هذه الظاهرة ؟ ولماذا أصبح رمضان هو الموسم الوحيد للمسلسلات والبرامج التلفزيونية ؟ وما هي الأسباب التي تجعل العديد من الناس يقبل على مثل هذه النوعية من البرامج والمسلسلات ؟
استفتاء على مصراوى
وا إسلاماه said…
دعوة للجميع لمشاهدة أخلاق أسعد المخلوقات ،و الشيخ الجليل يشرح لنا أفعاله مع الغلمان و النسوان

و كل هذا من أسانيد صحيحة ،و كتب يعترف بها كل المسلميين ،ياجماعة يامن تمارسون جماع التفنيس ،يا من تهدؤون بلصق مؤخراتكم ببعضها ،يامن تتناكحون في دورات المياه ،و تعشقون قضاء حوائجكم جماع .

تعالوا إلى هذه الرابطة

بطريقة كوبي عليها و باست في شريط العنوان

http://www.youtube.com/watch?v=Sou5yugUIBQ&NR=1

http://www.youtube.com/watch?v=Sou5yugUIBQ&NR=1

http://www.youtube.com/watch?v=Sou5yugUIBQ&NR=1
malika said…
للاسف في ناس مصدقه كتير الهبل الي بيتعرض ليهم من خلال المشايخ الي بيمروا عليهم في القنوات الفضائية و بيدوروا عليهم و يتصلوا بهم علشان يحصلوا على فتوه في أدق تفاضيل حياتهم لما بقة بضاعة و الي يدفع اكتر يحصل على فتوه مناسبه اكتر
Anonymous said…
تنويه مهم
تعليق من كتب تحت وااسلاماه
هو من عصابة القمص المخلوع من الكنيسه زكريا بطرس
الممول فى نشاطاته من جهات مشبوهه
كل عام انتم بخير
اعاد الله ايام رمضان علينا و عليكم
بالخير و البركات
منتظرين ايه لما شهر كشهر رمضان يتحول الي شهر للمسلسلات و البرامج المسلية؟؟طبيعي جدا ان ياتي اصحاب البديل الاسلامي لكل شيء بقنوات فتاوي و برامج و لان العدد كبير فلازم يكون فيه تطوير و نغيير و التغيير بيكون علي عقولنا و رؤسنا في الاخر
برج المراقبه said…
خبر مزعج لكل اصحاب الحسابات السريه فى بنوك سويسرا
من اول كبار الدعاه الى لصوص العالم الثالث من الحكام
....
الخبر يقول اخيرا رضخت سويسرا لضغوط الولايات المتخده وقررت الأفصاح عن حسابات الأميركيين الودعه فى بنوكها من المتهربين من الضرائب
عقبال الكشف عن حسابات كل اللصوص والمتهربين فى العالم كله
m5m said…
ياحنان

كل سنة وانتى طيبة ورمضان كريم

ياريت تشيللى تعليقات الزبالة اللى كاتب باسم وااسلاماه و ماتنشريش النوعية دى مادمتى عاملة موديريشن

وربنا يهدينا جميعا
Desert cat said…
Anonymous
فعلا انا لا ادينهم لانهم طالما شايفين ارجوزات بيسمعوا كلامهم وبينفذوه وكمان فى مقابل مادى للهراءات بتاعتهم يبقى اللى يتبطر على النعمة ده مفترى وحرام عليه العيشة
Desert cat said…
وداعا للعلم الحقيقى
طبعا عدة الشغل اسهل وارخص الف مرة من التعليم وضياع العمر فى علم اخره هيقبض منه مرتب مش جايب عيش لاخر الشهر
Desert cat said…
انا كمان عايز ابقى من الدعاه
الحل بسيط وسهل وسريع
جلابية ودقن وطرحة بيضا زى اللى بيحطوها فوق راسهم
وفى ظرف شهر هيكون عندك عربية ورصيد فى البنك
:))
Desert cat said…
متابع
هما مالهم بزواج القاصرات دول ممكن يطلعوا فتوى يقولوا فيها زواج القاصرات جائز شرعا واللى يزوج بنته عمرها 9 سنوات هيدخل الجنة لان الزواج من الاثرياء العرب بيدخل دولارات للبلد والحاية هتبقى مزدهرة خالص
Desert cat said…
عقل مهوي
انت تاخد بعضك وتروح لهم بالجلابية والدقن اللى بقالها شهرين دى ومقبول يابنى ان شاء الله
Desert cat said…
متابع
هما ميقدروش يتكلموا عن كل القضايا اللى حضرتك تفضلت باثارتها لانهم لا يفقهون سوى تغطية جسد المرأة العورة
اما غير كدا فهو جائز وحلال شرعا
Desert cat said…
هديه الى مرتزقة بوتيكات الفتاوى التفصيل
يا عزيزى زواج القاصرات لاثرياء العرب يساعد فى ادخال العملات الاجنبية للبلد غير ان زواج القاصرات حلال باجماع شواذ السعودية
Desert cat said…
SaLLy
سولا القمر كل سنة وانتى طيبة وفى احسن حال يا قلبى
Desert cat said…
أسماء علي
كل سنة وانتى بالف خير يا سمسمة ورمضان كريم
Desert cat said…
GHARAM
اعتقد ان نداء العقل واحد يا غرام
كل سنة وانتى اجمل انسانة فى الدنيا
Desert cat said…
متساءل
فقدانهم للهوية
جعل الهذيان طريقهم وبالتالى اسامة بن لادن بالنسبة لهم الحل
Desert cat said…
ROAD RUNNER
انا شايفه تعليقك من قبل رمضان
وكانك تقرأ المستقبل
فمن يخطأ ويقف على برنامج من هه البرامج فلن يسمع من صراخهم وعويلهم ولا حرف واحد فالاعلانات بين كل كلمة وياريتها تفصل بين كل جملة وجملة وحدث ولا حرج على الاسئلة التافهه التى وان عرفت اجابتها ارسلها فى اس ام اس
Desert cat said…
بابا عصام
كل سنة وانت اطيب قلب وارق انسان فى الدنيا
Desert cat said…
انا حر
كل سنة وانت رائع يا احمد
تحياتى
Desert cat said…
اراقم
ناس تقبض ملايين وسكان العشوائيات يندفنوا تحت الطين
الملايين دى كان زمانها شغلت كام عاطل دلوقتى
Desert cat said…
نبراس العتمة
صديقى العزيز
هؤلاء المرتزقة لو شافوا الناس انصرفت عنهم لمشاهدة الفوازير والرقص هيرقصوا لهم لا تقلق فهم يعرفون من اين تؤكل الكتف
مودتى وتحياتى
وكل عام وانت واسرتك الجميلة بالف خير
Desert cat said…
شنطة رمضان
كل سنة الريس يقوم بتوزيعها على الصعايدة الغلابة علشان ينول رضا الرب طيب يابابا حسنى الصعايدة دول بيناموا فى الشتا من غير بطانيات وكل شوية يجيبوهم على التى فى وهما تحت المطر لابسين هدوم مقطعه وعايزين الناس تتبرع لهم ببطانية .. بليز ابعت لهم بطانيات ... فى الحالة دى بابا حسنى يعمل نفسه مش من هنا اصل شنطة رمضان ارخص من سعر البطانية
Desert cat said…
سهيل ولى الدين علام
فعلا يا سهيل الجهلاء والمتخلفين اللى قاعدين يتصلوا بيهم يسالا يدخلوا الحمام بالشمال ولا اليمين هما اللى وصلوهم للملايين دى

تحياتى
Desert cat said…
Anonymous
فعلا مصر من اغنى دول العالم بس فلوسها مش بتظهر غير فى الهلس
اما الشعب ياكل تراب
Desert cat said…
malika
هى الناس دى اللى انا بحملها المسئولية لانهم بيفكرونى بالمثل القائل رزق الهبل على المجانين
:))
شرفتينى يا جميلة
Desert cat said…
ذو النون المصرى
ماهو دلوقتى التى فى اتقسم اما مسلسلات او فتاوى على حسب مزاج الزبون
كل سنة وانت بالف خير ورمضان كريم عليك وعلى اسرتك
وكل سنة وعمر بخير
Desert cat said…
برج المراقبة
اللهم آمين
Desert cat said…
M5M
كل سنة وانت طيب يا محمد
رمضان كريم

Popular posts from this blog

قميص دهشور

كل تحرش وانتوا طيبين