معظم الشعب المصرى فاسق وفاجر

جملة قالها يوسف البدرى فى حوارة لجريدة اليوم السابع من بين عشرات الجمل اللى كلها تخريف وقلة قيمة ... يوسف البدرى فى حوارة لجريدة اليوم السابع بيقول طاعة الحاكم واجبة حتى لو ظالم .. امال فين يا شيخنا الجهاد فى قول الحق فى وجه سلطان جائر ولا دى لسه مش اخدتها فى كى جى تو ؟؟ الغريب والعجيب المنطق اللى بيتكلم بيه فى كل جملة مكرر انا باتكلم باسم الله .. طيب يا شيخوخ فين التوكيل الرسمى اللى معاك من الله علشان تتكلم باسمه ؟؟
العيال بتوع 6 ابريل دول عيال فاسقه وفاسدة وخارجه على الدين والشرع علشان القرآن والسنة مش فيهم حاجه اسمها اضرابات ولا حتى كلمة اضراب سلمى .. يبقى احنا المفروض عملا بقول الشيخوخ يوسف الفقرى نروح نقبل ايدين الريس وعيلة الريس صبح ومسا على النعمة والعز اللى احنا فيها ماهو احنا اللى شعب فاسق وفاجر ونستاهل كل حاجه بتجرى لنا والعيال بتوع 6 ابريل دول ندور عليهم نشوفهم فين ونعدمهم فى ميدان عام علشان بيدعو لاضرابات والاضراب ده ضد مبادئ الشرع والشريعة الاسلامية الغراء اللى قالت على حد قوله وهو المتحدث باسم الله ان طاعة الحاكم الظالم واجبة ... بس ياترى الرقية الشرعية ام 400 جنيه وقابلة للفصال يعنى اللى معاك ممكن تدفعه دلوقتى والباقى على اقساط كانك رايح تحجز عربية دى تندرج تحت اى بند .. هل من الناس الفاسقة الفاجرة ولا اللى يجيب لك زباين يعملوا رقية شرعية يبقى مؤمن ورع وهتديله صك غفران يدخل بيه الجنة .. وقضايا الحسبة اللى داير يرفعها على كل واحد صاحب رأى وفكر ورصيدة قاعد يورم فى البنوك دى برضه معاه توكيل بيها من الله اللى هو بيتكلم باسمه .. وهيئة جهلاء الازهر اللى مطلعه بيان النهارده بتكفر فيه حسن حنفى وبيقولوا هو بيقول ان الجايزة اتاخرت على دكتور سيد القمنى كان المفروض ياخدها من بدرى كدا هو ملحد وزنديق وبيقول الكلام ده علشان الجايزة تكون من نصيبه السنة الجاية .. حد يقولهم صح النوم يا جماعه اصل حسن حنفى برضه فاز بيها السنة دى

تعليقات

‏قال Unknown
حسبى الله ونعم الوكيل
والله مش عارفة اقول اية
‏قال غير معرف…
امثال هؤلاء المدعين النبوه والكلام باسم الله
هم ابشع ما بتلينا به
ويكفى منطقه الأهبل ان الكلمه لم ترد فى القرأن او السنه ...فتبقى حرام طيب ما الموتسكل لم يرد يبقى حرام؟
ولا الكانتلوب
ههههههههه
ولا حتى الجنيه
حرام ان نعير مثل هؤلاء المرضى بالبانارويااو جنون تضخم الذات
مع تخلف عقلى مزرى
اى اهتمام
لأنهم باحثون عن الأضواء باى ثمن
‏قال غير معرف…
خبر عاجل
تم القبض على المواطن السعودى مازن عبد الجواد الذى فضخ على التيلفزيون اللبنانى ما يدور فى السر من فضائح جنسيه خلف ابواب مغلقه فى المملكه
فى هذا المجتمع المغلق الذى يظن ان كل شىء على مايرام بمنعه الأختلاط
بين الجنسين
‏قال dr.lecter
اشته بما اتانا شعب فاسق

انا نازل احشش وازني واهتك الاعراض طالما خلاص ثبتت التهمه علينا وداخلين النار علي حسب كلام جنابه

الله يخرب بيتك يابعيد روح منك لله
‏قال أبنوسة
يا اخوانا حتي الديكتاتوريه بقت الناس بتجاهر بيها علنيا

هو مين يوسف البدري ده علشان يحكم علي الشعب المصري بالفسوق والفجور ؟؟؟

اي واحد متعلم ليه كلمتيين وعنده شهاده جامعيه عايز يجي يتكلم ويعمل فيها فيلسوف زمانه .. ويكون ليه الحق انه يحكم ويشتم ويطلق الالقاب ويقرر مصير الشعوب

حاجه غريبه

صافي الود
‏قال على باب الله
بصراحة ، لم أستطع أن أكمل الحوار إلى النهاية ، على العموم هو حر في رأيه العجيب هذا لكن المؤسف هو أن يتحول الصراع الفكري إلى ساحات القضاء ، فقضايا مثل قضايا الحسبة و إزدراء الأديان و غيرها هي عار على أي محكمة و نظام قضائي يحترم نفسه
‏قال مطلق
يا قطه هو حر يقول عني اني فاسق و فاجر

وانا كمان حر في اني اقول عنه حمار و ابن جزمه
‏قال prince4ever
يا ستي
في كتير من ده... و اساسا مصر تيارها السياسي منهار... يعني الحكومه وحشه وخلاص عرفنا... مينفعش تقولي ما المعارضه حلوين..دول اساسا احقر منهم... و بعدين مين ده اللي بيتكلم باسم ربنا... يعني خلاص مفيش حد عارف ربنا غيره...اه صحيح ما احنا معظمنا فاسق و فاجر
كبري دماغك و اعملي زيي..لا جرايد و لا نشرات..كده اريح اوي

تحياتي
رامي..قصاصة ورق
‏قال Hossam
صديقتى وحشتينى جدا
الموضوع ميتقلش علية غير ربنا ينتقم
تحياتى
‏قال Unknown
حاسس ان الراجل ده كان بيتفرج علي مسرحية الزعيم و قام يقلد عادل امام

يا رب ارحمنا من الناس دي بقي
‏قال غير معرف…
7abeby 7anoon:
ya bnt el rasol 2al
man ra2a menkom monkar faleo3ayeroh
o elly el 7aywan mobarak o ebno beya3meloh dah eftera
bas tela2y 7osnt daf3lo 7aga f bey3aras 3aleh
salam ya 3am
‏قال Migo Mishmish
لعلمك حكمنا وجودهم مربوط بوجود اصحاب العقول المصمته من امثال هؤلاء
وتلاقي كلهم بيقلوا نفس الكلام مع اختلاف الاشكال
العالم ديه معندهاش مخ دي عالم بتتكلم علشان تحس بوجودها
زي واتحد صاحبنا فاتح مدونة يشتم فيها الناس وبعدين لما الناس بطلت تعبره بقه يرح عندهم يشتم فيهم
Love,
MishMish
‏قال Tarkieb
كنت زمان فاكره بيرفع قواضي وعامل نفسه خليفة الله ع الارض وبعد ما شفت انه قبل ان احمد معطي حجازي باع عفش بيته عشان يسدد الحكم له..قلت اكيد عايز يأدبه...وبعدين لاقيته بياخد فلوس من الناس يفك اعمال...وهنا اتضحت الرؤيا ..شيوخ الان حريصيين على المال وكل ده اونطة وحركات تليفزيونية...وانه بيرفع قواضي لجمع المال...
‏قال أسماء علي
يا قطتي يوسف بيه البدري معتبر نفسه مرسل من الله
راجل فاضي أصلا لدرجة إنه طلع مرة ف القاهرة اليوم مع حمدي رزق عشان قااال ايه يدعي للفريق
يعني انت يا عم الحاج مش جاي لأي سبب تاني
قالك لأ جاي أدعي و ماشي

عرفتي بقى الفريق خسر ساعتها ليه؟

راجل منطقه سخيف
و الدستور بتاعنا أسخف إنه لسا سايب ما يسمى بالحسبة
اللي خلت أشكال ما تسواش تعملنا دوشة كل شوية
‏قال متابع…
نساء اقسى على النساء من الرجال يقمعن النساء
قالت الناشطة من أصل إيراني، جانيت أفاري، في حوار خاص مع "العربية.نت" إن تنظيم "أخوات الباسيج" وهو الجناح النسائي لمنظمة الباسيج لعب الدور الأساسي في قمع الحركة النسائية التي ترافقت مع الاحتجاجات الحاصلة في بلادها أخيراً، مشيرة إلى أن "حارسة الخميني" سابقاً تعتبر ملهمة لهؤلاء المقاتلات، كما أنها من أبرز مؤسسي التنظيم.
نحن نعيش فى عصرالهيستيريا الدينيه ..!!و
لقد نشرت جريدة الشروق 2/8 ان رجل ارسل يستفتى فى هل تزغيط البط حرام ام حلال؟؟ فأعد شيخا كبيرا متزنا دراسه بعنوان (تزغيط البط رؤيا فقهيه)ووصل الى ان التزغيط اذا كان بهدف التسمين اذا كان تحت اشراف طبيب بيطرى متخصص فحلال التزغيط..اليست هذه هيستريا نعيشها هيستريا من السائل والمجيب !!!!!!!!!!
‏قال Desert cat
ايوية
اهلا ايوية
اردد كما قلتى
حسبى الله ونعم الوكيل
ربنا يرحينا من امثاله
‏قال Desert cat
Anonymous
باحث عن الاضواء وباحث عن المال بالقضايا اللىبيرفعها على الناس وكلامه كله باسم الله
‏قال Desert cat
Anonymous
هما لا يظنوا ان كل شيئ على ما يرام لانهم عارفين طبيعة المجتمع المغلق بس مش عايزين امرهم ينفضح ليظل كل من هب ودب يعين نفسه وكيلا لله على الارض ويقولوا اصل السعودية بلد محترمة ونعم الاحترام
‏قال Desert cat
dr.lecter
اشطة اترفع عليه قضية النهاردة بسبب اتهامه القذر ده للشعب المصرى
خليه يشرب من نفس الكاس يمكن يتعظ
‏قال Desert cat
أبنوسة
احلى ابنوسة
اخبارك ايه ؟؟
الشخص ده ياريته ديكتاتورى ده او فاهم فى الشهادة الجامعيه اللى حاملها هو فى واحد بيفهم يقول اان بتكلم باسم الله
‏قال Desert cat
على باب الله
فعلا يا صديقى دائما ما يدهشنى قبول المحاكم لمثل هذه القضايا والتى تعين الناس أوصياء على بعضهم البعض
تحياتى
‏قال Desert cat
مطلق
طبعا زى ما اعطى نفسه الحرية يشتمنا احنا كمان من حقنا نتف عليه كمان
تحياتى كريم
‏قال Desert cat
prince4ever
لا نشرات ولا اخبار ازاى
هى اينعم مقرفة
بس ادينا بنستكشف وبنعمل لهم فضايح علشان مش يضحكو على الناس
لان سمهم للاسف ينتشر انتشار النار فى الهشيم الغالبيه العظمى لم يعد عندجها وقت للاطلاع لذلك اسهل حاجه عندهم بقت تسليم العقل
تحياتى
‏قال Desert cat
Hossam
حسااااام وحشتنى كتير
ايه اخبارك ؟؟
الراجل ده ربنا يريحنا منه فى القريب العاجل
‏قال Desert cat
المعلم محمد صاحب المطعم - طعمية سخنة

ربنا يتقبل دعائك
‏قال Desert cat
SaLLy
يا حبيبتى ده من عبطه بيقولك اان بتكلم باسم الله
لاء وكمان طاعة الحاكم الظالم واجبة
هو ده واحد عارف اصلا ابسط حقوق دينه

تحياتى سولا
‏قال Desert cat
Migo Mishmish
مشموشة احلى ام ساندو فى الدنيا
حبيبتى الناس دى بتسترزق من القضايا اللى بترفعها على الناس وكمان الكلام العبيط اللى قاعدين يرجعوه ليلي نهار
اما بتاع المدونة فده بقت حالته صعبة جدا ياريت حد يبلغ اهله علشان يادوب يدوروا له على مكان فاضى فى العباسية
انا شوفت قلة الادب فى البلكونة
ولا يهمك تحت جزمتك ودوسى
شرفتينى يا احلى مشموشية
‏قال Desert cat
Tarkieb
بيخرب بيوت الناس علشان رصيدة يورم
وبعدين ده فى الحوار بيقول على عبدالمعطى حجازى فلاح جاى بجلابيه ومش حيلته حاجه .. تفتكرى ده كلام واحد محترم وبيتكلم باسم الدين ؟؟
‏قال Desert cat
أسماء علي
ههههههههههههههه
كنا فى غنا عن دعوته اللى جابت الفريق الارض
راجل فقرى
‏قال Desert cat
متابع
اللى يحرق الدم اكتر من الخبر نفسه الردود اللى جت عليه فى موقع العربية
فعلا لسه بدرى على الناس لما تتعلم يعنى ايه احترام حقوقها
‏قال Desert cat
سهيل ولى الدين علام
والله يا سهيل صدق القائل فى العالم دى الامة التى ضحكت من جهلها الامم
‏قال غير معرف…
ماذا يمكن ان يقول هذا الكائن يوسف البدرى على هذا الخبر
فحص العذريه حرام فى الأردن
أصدر مجلس الإفتاء والبحوث والدراسات الإسلامية في الأردن فتوى تحرم إجراء فحص العذرية. وذكرت الصحف الأردنية امس الاثنين أن مجلس الإفتاء اعتبر في فتواه أن فحص العذرية بناء على طلب الخاطب حرام وفعله حرام. وكانت تقارير صحافية نقلت الشهر الماضي عن رئيس المركز الوطني للطب الشرعي مؤمن الحديدي قوله انه يجرى في الأردن سنوياً 150 حالة فحص عذرية لفتيات مقبلات على الزواج. واعتبرت الفتوى الأردنية أن إجراء فحص العذرية بمثابة إهانة للمرأة، غير أن الفتوى أباحت إجراء مثل هذه الفحوصات بناء على طلب قضائي.
‏قال عمو عصام…
يبدو ياعزيزتى أن قواعد اللعبه بدأت تأخذ أبعادا جديده فالحكومه يدها إرتخت جدا والأصوات التافهه علت أكثر من اللازم والرساله وصلت:هذه هى الديمقراطيه إن كنتم تريدونها وهؤلاء هم القادمون فرحبوا بهم إن أردتم.وعلى كل حال أنا سعيد بعودتى لمدونتك الرائعه وشكرا لبالغ رقتك فى السؤال عنى.
‏قال عمو عصام…
يبدو ياعزيزتى أن قواعد اللعبه بدأت تأخذ أبعادا جديده فالحكومه يدها إرتخت جدا والأصوات التافهه علت أكثر من اللازم والرساله وصلت:هذه هى الديمقراطيه إن كنتم تريدونها وهؤلاء هم القادمون فرحبوا بهم إن أردتم.وعلى كل حال أنا سعيد بعودتى لمدونتك الرائعه وشكرا لبالغ رقتك فى السؤال عنى.
‏قال Desert cat
Anonymous
هو ممكن يوسف البدرى يستغل الخبر ويفحص هو العذرية ب400 جنيه
كله شغل
‏قال Desert cat
عمو عصام الحبيب
تشرفت بيك جدا وبزيارتك مدونتى
عودا حميدا ويارب كل ايامك الجاية تكون سعيدة وتنسيك كل الآمك اللى فاتت

المشاركات الشائعة