فى ذكرى الانقلاب

فى ذكرى انقلاب البكباشى جمال عبدالناصر وبمرافقة كام واحد من اصحابه العسكر اللى وزعوا على بعض بعد كدا ما شاء الله المناصب والرتب كل واحد حسب مزاجه واختياره من لوا لعميد لعقيد والذى دأب فى تصفيتهم بعد اعتلاء الكرسى اللى يكح تتحدد اقامته لحد ما ينتهى اجله او حتى يروح ينتحر مش فارقه كتير .. وبمناسبة هذه النكبة التى تحيا فيها مصر من يوليو 52 حتى يوليو 2009 قررت الست الوزيرة عائشة عبدالهادى اعطاء الموظفين فى الدولة اجازة والاجر محسوب .. من ضرايب وتامينات وخصومات وغرامات كل الشعب المصرى اللى بيشتغل وحتى اللى واقف فى الشارع بيقول هات .. وكل ده ليه يا ولاد بمناسبة النكبة اللى قام بيها المقبور ناصر واخوانه واللى قالوا بعدها الشعب المصرى هيتنغنغ فى العز نغانيغ واهدافها اللى هتخلى الجنين يتعين وزير وهو لسه فى رحم الست الوالدة .. وندور على اهداف الثورة واللى اولها كان القضاء على الفساد .. وبعد ما كان فساد عائلة واحدة بقى فساد عوائل وعائلات وعيالهم كمان وان كان عاجب .. ومن اكبر انجازات المقبور ناصر تبديد اموال مصر فى الحروب من 48 لليمن لوكسة 67 ، بعد ما كان الجنية المصرى يساوى 4 دولار اصبح الجنيه المصرى اقل من الجنية السودانى .. ومن القطن المصرى طويل التيلة للقطن اللى اكله الدود لحد لا بقى فى قطن ولا حتى تيله .. وطبعا مقدرش انكر اعظم انجاز تغيير العلم من اللون الاخضر للثلاث الوان اللى تفتح النفس .. وهنيئاً لمصر باللون الاحمر بس ياريت حد يتكرم ويشيل النسر من فوق العلم اصل اللى حطه السادات وسيادته كان فى السينما وقت الانقلاب

تعليقات

‏قال غير معرف…
كيف بدد ناصر الأموال فى 48 وهو محاصر فى الفالوجامع كتيبته؟
‏قال V.Hayat
بدون تعليق

تحياتى
‏قال Muslim
.. يبدو أنكِ كنتِ تفكرين بصوت عالى قليلأً .. [:
‏قال مــحــمــــد…
الاول انا كنت بقرا اللى بتكتبيه من غير معلق
انا مختلف مع كل توجهاتك وافكارك
بس انتى حرة طبعا فى كل اللى تكتبيه
واللى خلانى اكتب تعليق المرة دى اسلوبك المستفذ
من حقك تنتقدى الثورة زى ما انتى عايزة
ومن حقك تنتقدى الرئيس جمال عبد الناصر برضو

بس هل من اداب المهنة او حتى من اللياقة والذوق انك تقولى على عبد الناصر المقبور وتسخرى منه بالطريقة دى
هل هى دى حرية التعبير اللى انتى بتنادى بيها
‏قال أبو كريم
جمال عبدالناصر لم أعاصره ولكنى عاصرت ما كتب بعد وافاته ممن أحبوه لدرجه التأليه ومن بعضوه لدرجه التكفير لكنى بعد كل هذا أحمل له ثلاثه جمائل أولها إذاعه القرأن الكريم التى أسسها وثانيا تأمييم قناه السويس التى مات فى حفرها ألاف المصريين وثالثا توزيع الأراضى على الفقراء وتحديد ملكيتها للأغنياء ولست أجد أبلغ من كلمات الفاجومى الذى تم حبسه معظم ولايه عبدالناصر ولكنه بالرغم من ذلك قال:

السكه مفروشه تيجان الفل والنرجس
والقبه صهوه فرس عليها الخضر بيبرجس
والمشربيه عرايس بتبكي
والبكا مشروع
مين دا اللي نايم وساكت
والسكات مسموع
سيدنا الحسين
والا صلاح الدين
والا الامام
دستور ياحراس المقام
ولا الكلام بالشكل ده ممنوع
على العموم انا مش ضليع في علوم الانضباط
ابويه كان مسلم صحيح
وكان غبي
وكان يصلي ع النبي
عند الغضب والانبساط
ابويا كان فلاح تعيس
في ليله ضلمه خلفوه
وف خرقه سوده لفلفوه
وف عيشه غبرا طلعوه
ولصموه
وطلسموه
ودجنوه
وجهزوه
وجوزه على عماه
فكان محير في هواه
مابين امي ومابين الجاموسه
وكان يخاف يقتل ناموسه
وكان خجول...خجول...خجول
لكنه كان دايما يقول
استغفر الله العظيم من باب الاحتياط
ابويه طلعتوه حمار
فكان طبيعي يجيبني جحش
لا اعرف نبي من اجنبي
ولا مين ماجاش ولا فين ماراحش
موسى نبي
عيسى نبي
وياقلبي صلي ع النبي
وكل وقت وله ادان
وكل عصر وله نبي
واحنا نبينا كده
من ضلعنا نابت
لامن سماهم وقع
ولا من مره شابت
ولا انخسف له القمر
ولاالنجوم غابت
ابوه صعيدي وفهم
قام طلعه ظابط
ظبط على قدنا
وع المزاج ظابط
فاجومي من جنسنا
مالوش مره سابت
فلاح قليل الحيا
اذا الكلاب عابت
ولا يطاطيش للعدا
مهما السهام صابت
عمل حاجات معجزه
وحاجات كثير خابت
وعاش ومات وسطنا
على طبعنا ثابت
وان كان جرح قلبنا
كل الجراح طابت
ولا يطولوه العدا مهمها الامور جابت

بقلم الشاعر الكبير / أحمد فؤاد نجم
‏قال karim
انا كمان فى نفس اليوم هاعمل انقلاب فى حياتى وهاتجوز
‏قال سمراء
انا مختلفة معك
قيام ثورة كانت خطوة جريئة وقوية لا اعتقد انه يمكن ان يقوم بها ىخرين اليوم في ظل كل ما نعانيه من مشكلات وفساد لا يمكن انكاره
اعرف ان لكل شخص هفواته ونقاط ضعف وكان لعبد الناصر ضعفات إلا ان تكون هذه الضعفات مخلة بالشرف والنزاهه فهو لم يتربح من مكانه كما فعل آخرين
كما يعلم جميعنا ان معظم النظريات صحيحة ولكن الاخفاق في التطبيق

وهو ما حدث مع اعضاء الثورة
اما ما بعد تلك المرحلة فهو غياب للضمير

سمراء
‏قال dr.lecter
داخل بس علشان اقول يسلم فمك

ايوه انقلاب مش ثوره ثوره ايه بس يابشر؟

انقلاب عسكري فردي قام به شويه ظباط من نفسهم ماستشاروش ولا خدوا راي الشعب والشعب علشان غلبان زاط في الهيصه وبس


الثوره زي ثوره 19 هي دي الثوره والثوره القرلايبه ان شالله كمان 10 سنين


انا بقولها اهو ماستفدتش حاجه من ثوره 52 المزعومه ولا طلعت منها باي حاجه اللي استفاد منها الجيل اللي عاصر النكسه واللي اتولد مع ميلاد الثوره المزعومه اقصد الانقلاب
‏قال amunraa
للاسف اننا لسة بنحتفل بانقلاب اللي جاب مصر ورا
هننتظر ايه من شعب يحتفل باحتلاله
‏قال غير معرف…
ha2olek 2eh ya 7anon
maho gamal 3abd el naser dah 7omar o waty
7asbeya allah o ne3m el wakeel feh
ana bakrahoo
o ba3deen howa ekmeno kan waty o mesh la2y yakol
ya7'od arady leh mn asyado howa w elly 7'alefoh
3ala fekra abd el naser el 7ayawan dah wa7ed menena shaware3 ya bnty walahy el 3azeem f masr el 2adema shawre3 b el mabany elly 3aleha
allah ye7ra2o
‏قال مفكر…
شيك وطنى بدون رسيد:اعتقد ان افضل وصف لعبد الناصر هو ان له انجازات عظيمه واخطاء عظيمه
وفى تاريخ مصر الحديث ثلاثة حكام كان لكل منهم مشروع لتحديث مصر هم محمد على والخديوى اسماعيل وجمال عبد الناصر
والثلاثه تآمر عليهم وعلى مشروعهم قوى الأستعمار
وبعيدا عن تحليل التاريخ
لنذكر اشياء اقرب للناس هل تعلمين ان عبد الناصر استطاع طوال حكمه ان يلغى وحش اسمه الواسطه؟
والفساد
ودعاوى التخلف باسم الدين
ولذلك كانت جنازته اكبرجنازه فى كتاب الأرقام القياسيه فى التاريخ وهو كتاب جينز
ولكنه ايضا ضيع فرصة هائله لأرساء حكم ديمقراطى وهو من اهداف الثوره السته
وطغت اجهزة الأمن ختى كانت النتيجه كما كان يتوقع العقلاء الهزيمه المنكره
والشعوب الحيه لا تسب تاريخها لأنه لن يتغير ولكن تتعلم منه
فماذا نتعلم منه فى ظروفنا الحاليه هذا هو السؤال
اما الأحتفال بالثوره وترديد اناشيدها فى واقع مختلف تماما فهو مثل شيك وطنى بدون رصيد
‏قال عماد
إللي بيتكلم عن تأميم قناة السويس فقناة السويس كانت هترجع لمصر بعد فقط 12 عام لو لم يأممها بسلامته و كان كفي المصريين حرب 56 و من ماتوا فيها و لخسائر التى تكبدتها مصر و إسرائيل التى تدرب جيشها للحرب التالية الهامة بعد ذلك و التى مرت بنفس الخطة و كان كفى العرب إكتساب إسرائيل حق الملاحة في مضيق تيران و إللي قفلة الكابتن عبد الناصر في 67 فكان أهم حاجة من ضمن حاجات أخرى معناها حرب لا مفر منها مع جيش قوي لإسرائيل و هو جيشة تعبان و لا متدرب و محكوم بالولاء و ليس بالكفاءة و كانت هزيمة 67 التى مازلنا نعاني من أثرها حتى الان فمازلت الجولان محتله و الأردن تنازل و الضفة و القطاع ملئانين مستوطنات
بل بحسب معلوماتي أيضا أن عبد الناصر أجبر أن يدفع لأصحاب الأسهم في قناة السويس ثمنها بأعلى سعر ... طيب ما كان دفعها من الاول بدل التأميم
يكفي ان أعرفة حقيقة معلوماته في جزئية قناة السويس و ليبحث هو عن الباقي بنفسه
‏قال مفكر…
من لم يحضر ليلة وفاة عبد الناصر
وموجة الحزن العارمه التى سرت بين ملايين الشعب والشعور المروع بالفقد
لا يستطيع ان يحكم بسهوله على فترة حكمه وموقعها من التاريخ
هل كانت هذه الملايين مغيبه
او فاقده للوعى كما قيل بعد ذلك
زماذا عن الجماهير على امتداد الوطن العربى؟
كيف نحل هذا اللغز؟
عبد الناصر استلهم فى احاديثه وخطيه
اخلام الشعب التى يحلم بها منذ قرون...حلم العدل والتقدم والكرامه
لم يات بجديد من عنده ولكن نجح فى تجسيد هذه الأحلام التى لا تزال تراود من لم يفقد الأمل بعد
اصبح رمزا لها
وقد استطاع تحقيق بعضها وفشل فى البعض الآخر
ولنستعرض ما يعانى منه الشعب الآن من محسوبيه
وفساد
واحتكار قله ثروة البلد
ونهبها
عبد الناصر قضى تماما على المحسوبيه والفساد ونهب البلد
ولم يعد اغلب المصريين يسيرون حفاة القدمين فيما كان يسمى مشكلة الحفاء
كان ابن الفلاح البسيط او العامل يستطيع ان يعين فى ارقى الوظائف ان كان مؤهلا لها
وهو ماكان يسمى تكافؤ الفرص
عاش المجتمع فترة ازدهار ثقافى غير مسبوف
واصبحت مصر على عتبة ان تصبح فى مصاف دوله اوربيه مثل ايطاليا
ولكن مع الأخطاء الجسيمه الناتجه من حكم الفرد
انهار كل هذا ودخلنا لسنوات وسنوات نفق الضباع
‏قال مدحت محمد
بصى ناصر ممكن ظلم وكل حاجة بس يتحسبلو انه بنى السد العالى اللى حامى مصر كلها وامم قناة السويس
اعتقد دول كفاية اوى اينعم ضيع العرب كلهم بس مفيش حد ينكر برضه افضاله
‏قال مفكر…
الدرس الثمين
حكم الفرد يعنى تصلب شرايين الحياه فى المجتمع
فتقل مناعته
ويرعى فيه الفساد
وتتحكم قله قريبه من الحاكم
فى مقدرات البلد
ويسود باقى المجتمع الضياع والتخبط بين الفوضى ودعوات العوده المستحيله للماضى
ولينظر كل منا حوله
‏قال حزب التهييس
ايام الملك فاروق كانت الحياه قاسيه لابعد الحدود ودا مش كلام
رجال الثوره لكن كلام الانجليز نفسهم كان فيه اقطاع كان فيه ديمقراطيه البشوات وليست ديمقراطيه حقيقيه كما يتصور البعض كانت الحياه للبشوات فقط لكن الفلاحين كانوا مأجورين عند البشوات كان فيه ظلم مكنش فيه عداله اجتماعيه . كان فيه تعدادات حزبيه لكن كانت احزاب بشوات كان فيه حزب الوفد الى رئيسه النحاس الخاين كان فيه فاروق الى امه ومراته جننوه وخلوه يغير وزاره كل نص ساعه كان فيه الانجليز الى ناهبين خيرات الدوله ومشغلنا عندهم بالسخره مش هما الى دخلونا فى الصف الاول فى حروبهم برده ؟ كان فيه تعليم لكن للبشوات فقط لكن الفلاح ليس من حقه التعليم لقد خلقتم لتخدمونا . مكنش فيه بنيه تحتيه مكنش فيه سد عالى ولا واطى . كانت مصر تعيش فى الظلام او تلت تربع مصر متذعلوش ومتنسوش انى الربع التانى هما البشوات والحراميه او اقل من الربع شويه . كانت الصعيد من يملك راديو كانوا يجتمعوا عنده كل ليله ليستمعوا لاغانى ام كلثوم . مكنش فيه مصانع كانت مصر زراعيه فقط ودا الى الانجليز اقنوعونا بيه واحنا صدقنا ! وكان الانتاج رايح كله للانجليز كانت مصر افضل من الان بالنسبه للبشوات ومعتقدش انى حد من الى معلق ابوه باشا لكن اتعلمتوا فى التعليم المجانى الى عملوا عبد الناصر وفى الاخر بتقولوا انقلاب عن الثوره المجيده التى هى من اعظم ثورات العصر الحديث بأجماع الاراء
بعد الثوره بقى ياجدعان
1- القضاء ع الاقطاع والنظام الرأس مالى بأحقيه الفلاحين فى اراضيهم
2- خروج اخر ملوك مصر الفاسد والى مش شايفه فاسد يبقى مبيشفش !
3- اقامه جمهوريه واسقاط الملكيه واقامه حياه سياسيه تقول على العدل والاحترام ومليش دعوه بعصرنا دا لان الملكيه رجعت تانى اساسا
4- اصبح التعليم مجانا ودا الى انت وانا اتعلمنا فيه ولولاه كنا معرفناش انى فى حاجه اسمها ثوره اساسا
5- طرد الانجليز المحتلين المغتصبين ودى اعظم حاجه عملتها الثوره والحاجه دى كفيله بأنها تكون ثوره عظيمه

فلماذا هذه التشكيك فى مثل هذا الوقت ؟
لانى كل الناس فاهمه انى الى احنا فيه دلوقتى بسبب الثوره ومش عارفين انى دا سببهم هما لانهم راضيين بالذل ويقولك الثوره عملتلنا ايه ( ارفع راسك ياخى لقد انتهى عصر الاستبداد ) لقد انتهى عصر الثوره وجاء فاروق ثان لينهبكم ويسرققم ويفعل بنا مايشاء جاء ليحمى حدود اسرائيل ويحمى ليهم سينا كمان الى احنا متنا عشان نرجعها لكن هو ادهالهم من غير حرب ولا كلام فاضى . وليظهر بشاوات جدد اسمهم رجال اعمال يأخذون اراضى الدوله بأبخس الاتمان لكى يقيموا عليها منتجعات سياحيه حقا لقد عاد الاقطاع ولكن بشكل جديد وهذا ليس بسبب الثوره نعم لقد عاد عصر الملكيه بشكل جمهوريه ولكن بسببنا احنا فبلاش الربط الاهبل بالى احنا فيه والثوره المجيده الى انتهت
ونحن نحتاج لثوره ثانيه الان تقوم على الشريعه الاسلاميه واعلان الجهاد لكن تقول لمين ؟
واخيرا لابد التفرقه ايضا بين الثوره ذاتها وقدرها عند الشعب وكيف كان الشعب سعيد بهذا ونزلوا الشوارع ودعموا الثوره وبين الاشخاص الذين اتخذوا الثوره لمصالحهم او ارتكبوا اخطاء رغما عنهم او بدون قصد
وفى النهايه الى اتفرجوا على مسلسل الملك فاروق ميصدقوش الى فيه لانى عمرى مشفت مسلسل بيتكلم عن حد فى التاريخ الا وطلعوه ملاك بجنيحات وناقص يطير
‏قال المهندس
افة الرأي ... الهوي ... فهو يدفع الانسان ان يذكر ما لا يصح بحال او بمنطق ... فأن نقوول ان عبد الناصر بدد اموال مصر في حرب 48 لهو شئ طريف لم يستطع اعدي اعدائه ان يتهمه به ... فنأتي نحن الان لنتهمه بذلك ... هذا اولا.
اما ثانيا : لماذا كل هذا الهجوم علي " عبد الناصر " ... والاصرار علي تسمية الثورة ... انقلابا ... هل لم تشاهدوا حب الجماهير الجارف له ؟ .... بالله عليكم لن احدثكم عنه وهو في لحظات قوته ... بل ساحدثكم عن اقصي .. واقسي لحظات انكساره ...في اعقاب هزيمة 67 ... ولن اتحدث عن مصر ... فمن الممكن ان تقولوا ان المظاهرات كانت مرتبة لتطالبه بعدم التنحي - وهو زعم غير صحيح بالمرة - ... ولكن ساحدثكم عنه عندما ذهب الي السودان لحضور مؤتمر القمة العربية ... لقد فاضت مشاعر الحب من الاخوة السودانيبين لعبد الناصر ... حتي انهم حملوا سيارته حملا من علي الارض .
ان الزعم بان الثورة كانت انقلابا لهو زعم عاري تماما من الصحة ... الثورة كان السواد الاعظم من الشعب المصري يؤيدها ... وكان حب جمال عبد الناصر راسخا في قلب معظم المصريين ... وهذا لا يعفيه من ان اخطائه وخطاياه الكبري التي ارتكبها ... ولكن هذة الاخطاء والخطايا ... لاتمحو له انجازاته العظمي.
ان من المستفز ان من يقومون بالهجوم علي عبد الناصر والثورة ... هم ابناء الطبقة الوسطي ... تلك الطبقة التي تدين بوجودها للثورة ولعبد الناصر ... حيث انه بالاصلاحات الاقتصادية والاجتماعية التي قام بها ...كان سببا رئيسيا من اسباب ظهور هذة الطبقة . حيث ان مجتمع ما قبل الثورة كان عبارة عن مجتمع0.5 % في المائة ... وباقي الشعب في غياهب النسيان حيث كان غاية امل الحكومات المتعاقبة ... مشاريع كمكافحة الحفاء ... وتوفير الاحذية والجوارب
ثم لماذا يقوم البعض بتحميل الثورة وعبد الناصر ...اخطاء النظام الحالي .... ان تجربة عبد الناصر انتهت تماما بوفاته ... ودخلت مصر في تجربة اخري علي يد الرئيس السادات ..كان لها ما لها وعليها ما عليها هي الاخري
شكرا والسلام عليكم ... واسف جدا علي الاطالة
‏قال أنا حر
في انقلاب حصل في 52 ده حقيقي وفي شوية ناس مسكوا مصر لا يستحقون ده حقيقي بس موضوع تبديد الاموال سنة 48 ده جديد عليا بصراحة ممكن تكون كلمة مش اخدتي بالك منها شوية
بس نرجع لموضوعنا ونقول ان ناصر والسادات ومبارك للاسف وجوه قميئة مكرره لاشخاص لا يستحقون ان يحكمونا وده واضح للي وصلنا اليه من وقت الانقلاب لحد النهارده
احنا محتاجين ثورة بجد مش انقلاب عسكري
تحياتي
‏قال غير معرف…
راى كاتب محترم2
ومع نجاحهم في الاستيلاء علي الحكم واعلان مبادئهم الستة علي الرأي العام، تم طرد الملك فاروق في 26 يوليو 1952 واصدار قانون الاصلاح الزراعي في سبتمبر 1952، احتضن الشعب المصري الحركة وحولها الي ثورة وطنية سياسية اجتماعية، خاضت العديد من المعارك في الداخل ومع الخارج، وأنهت النظام الملكي وأعلنت الجمهورية وحققت الجلاء، واستعادت الثروة الوطنية بدءا بتأميم قناة السويس، وتصدت للعدوان الثلاثي عام 1956 وللاحلاف العسكرية ومبدأ ايزنهاور، وأعلنت سياسة الحياد الايجابي وعدم الانحياز، وخاضت معارك التحرر الوطني العربية وفي أفريقيا وآسيا وامريكا اللاتينية، وأصدرت قرارات يوليو 1961 الاجتماعية والتي عرفت باسم القرارات الاشتراكية.. إلخ. وفشلت الثورة منذ البداية، ورغم المحاولات والتجارب المتكررة، في «إقامة حياة ديمقراطية سليمة». وكان هذا الفشل وراء تخلي النظام السياسي الذي أقامته ثورة 23 يوليو 1952 عن كل النجاحات التي تحققت مع الثورة.
‏قال غير معرف…
راى كاتب محترم3
فمصر اليوم يحكمها نظام سياسي ودستوري غير ديمقراطي يقوم علي حكم الفرد الذي يتمتع بسلطات دستورية مطلقة واحتكار حزب واحد ــ هو حزب الرئيس ــ للسلطة، وهيمنة السلطة التنفيذية علي كل السلطات، واستحالة التداول السلمي للسلطة في ظل تزوير الانتخابات والاستفتاءات العامة منذ بدء التعددية الحزبية المقيدة والمشوهة في مصر عام 1976، والدور الحاكم للقوات المسلحة والشرطة في الحكم والقرار السياسي، ومع احتكار القوات المسلحة لمنصب رئيس الجمهورية (محمد نجيب ــ جمال عبدالناصر ــ أنور السادات ــ حسني مبارك) وأصبح الحديث عن توريث الحكم لنجل الرئيس الحالي بعد 28 عاما في الحكم كرئيس للجمهورية حتي الآن أمرا عاديا، ويكاد يكون مقطوعا بحدوثه ما لم تحدث تطورات غير عادية في مصر خلال الفترة القادمة.

وتوقفت التنمية الوطنية المستقلة التي حاولتها ثورة 23 يوليو في الستينيات، وتم التراجع عن كل القرارات الاقتصادية والاجتماعية التي حاولت تحقيق الكفاية والعدل وتذويب الفوارق بين الطبقات، وانحازت بدرجة ما للطبقات الشعبية من العمال والفلاحين وللقطاع الغالب من الطبقة الوسطي، وهيمن تحالف الاقطاعيين الجدد والرأسمالية الطفيلية والتكنوقراط علي الحياة الاقتصادية والسياسية، وأصبح الفقر والبطالة والفساد الثالوث الذي يلون الحياة في مصر بالسواد.
‏قال غير معرف…
راى محترم4

وبعد معارك التحرر الوطني الناجحة، وفي إثر هزيمة 1967 ثم إهدار نتائج حرب اكتوبر 1973 وتوقيع اتفاقيتي كامب ديفيد ومعاهدة الصلح بين السادات وبيجن، عادت مصر إلي حظيرة التبعية وأصبحت سياستها الإقليمية والدولية محكومة بالعلاقات «الخاصة» مع الولايات المتحدة الامريكية وحليفها الاستراتيجي إسرائيل.

وفي ظل هذه الأوضاع المأساوية، أصبح السؤال المطروح وبقوة.. ماهو الطريق للخروج من هذه الأزمة الشاملة وتحقيق التغيير الجذري المطلوب؟

هل هو طريق التطور الديمقراطي التدريجي.. أم طريق الثورة؟

والاجابة لاتبدو سهلة علي الاطلاق فقوي التغيير الديمقراطي سواء كانت أحزابا أو قوي سياسية أو نقابات أو منظمات مجتمع مدني أو حركات احتجاجية، تعيش حالة حصار قانوني وأمني وسياسي، وممنوعة من استخدام الآليات والأساليب الديمقراطية نتيجة للنظام الدستوري والسياسي الاستبدادي القائم في مصر، وهيمنة المؤسسة العسكرية والأمن علي الحياة السياسية، واعتماد تزوير الانتخابات العامة، ومصادرة حقوق التظاهر والاضراب والاعتصام وعقد الاجتماعات العامة وتوزيع البيانات التزاما بترسانة القوانين القائمة التي تنتهك الحريات العامة وحقوق الإنسان.

وأدي هذا الحصار والمصادرة اضافة للخلل في الحياة الحزبية وضعف قيادات الحركة السياسية إلي عزلة حقيقية بين هذه القوي والجماهير المنظمة، خاصة في ظل إنصراف جموع المواطنين عن ممارسة العمل السياسي حتي في أبسط أشكاله كالمشاركة بالتصويت في الانتخابات والاستفتاءات العامة، مما يجعل الحديث عن التغيير عن طريق «الثورة الشعبية» أمرا غير وارد في الأفق المنظور
‏قال غير معرف…
راى محترم5
وربما بسبب هذا الواقع وانسداد أفق التغيير، يراهن البعض علي القوات المسلحة كأداة للتغيير. وقد أشار الي ذلك تقرير أخير اذاعته الـ «بي.بي.سي» في نهاية الشهر الماضي، كتبه محللها للشئون العربية من القاهرة «مجدي عبدالهادي» قال فيه «بعد نحو 60 عاما من اطاحة الجيش المصري بالنظام الملكي، يتطلع بعض المصريين مجددا إلي الجيش ليقدم خليفة لحسني مبارك رئيس الدولة والقائد الأعلي للقوات المسلحة البالغ من العمر 80 عاما». وهو رهان خاسر وخطير. فتدخل القوات المسلحة بصورة مباشرة أو غير مباشرة في أمور السياسة والحكم يخرجها عن طبيعتها وثبت في ظل نظام 23 يوليو فشله بصورة لاتقبل الجدل. والمحصلة بعد 57 عاما هي ما نعيشه اليوم من تراجع ومشاكل وأزمات.

وسيبقي التغيير مسئولية الاحزاب والقوي السياسية الديمقراطية، مهما كان ضعفها في اللحظة الراهنة، ومهما كان الطريق طويلا وشاقا ويحتاج إلي تضحيات جسام.
مقال للكاتب حسبن عبد الرازق
بوست ضد الناصريين
ماعندي نفس لأثير نقاش عصبي لهذا أوذاك

فقط أود أن أقول على سبيل التنكيت
السنة الماضية أوالتي قبلها فوجئت بتلميذ عندي اسمه جمال عبد الناصر

هذه السنة فوجئت بأنور السادات

قلت ياهوووووووووووووه من سيصدقني من أشقائي المصريين

مودتي
‏قال متابع…
مهزله دينيه لها علاقه بالموضوع لو فكرنا
حرب الفتاوى بين الفرق المتصارعه فى ايران
كل فريق يصدر فتاوى بعدم شرعيت الطرف المعادى
والدين رحب يقبل كل التفسيرات
مهزله اخرى من مهازل الدوله الدينيه
‏قال غير معرف…
بمناسبة حفل حلد الصحفيه السودانيه ورفيقاتها لأرتدائهن البنطلون
حتي يتم تحديد موعد جلد النساء الثلاث، أو جلد غيرهن أتصور أن هناك تحركا لابد أن يتم من قبل اتحاد الصحفيين العرب ومن جامعة الدول العربية، وحتي لو تم تنفيذ الحكم قبل التحرك، فالقضية ليست قضية لبني وأخواتهاولكنها قضية الإنسان في بلادنا.

يحدث هذا بينما يتواصل الضجيج واللغط والزعيق الفارغ إلا من التجاوز حول تشويه صورة الإسلام، فمن الذي يشوه صورة الإسلام غير المسلمين أنفسهم؟.

أليسوا مسلمين هؤلاء الذين يلقون القنابل علي مدارس الفتيات في أفغانستان وباكستان؟، أليسوا مسلمين هؤلاء الذين يناصبون العداء للعلم وللعقل وللحرية؟.

افتحوا الدفاتر في عالم أصبح قرية صغيرة ولنواجه أنفسنا ونقول بشجاعة إن من يشوه صورة الإسلام هم المسلمون أنفسهم، الحكام المستبدون الفاسدون وفقهاء الظلام وهما معا وجهان للعملة الرديئة نفسها.

الكاتبه بهيجه حسين
‏قال غير معرف…
حماس تجلب اقراص التنشيط الجنسى
أحبطت الشرطة المصرية اليوم السبت 25-7-2009 محاولة تهريب اكثر من 18000 شريط فياغرا الى داخل قطاع غزة .

وذكرت مصادر أمنية مصرية أن "الشرطة أوقفت سيارة نقل اثناء محاولتها عبور كوبري السلام فوق قناة السويس فى مدينة القنطرة والحدودية مع شمال سيناء وبتفتيشها تبين وجود اكثر من 24 كرتونة كبيرة من حبوب الفياغرا المنشطة جنسيا".

وأكدت المصادر أن "تلك الكميات كانت معدة للتهريب إلى داخل قطاع غزة عبر الأنفاق بين مصر والقطاع، وقد تم التحفظ على السائق والسيارة، وجارى التحقيق مع السائق فى نيابة الاسماعلية التابعة لها مدينة القنطرة".

وتشهد المناطق الحدودية بين م
‏قال غير معرف…
هاااي يا قطتنا
والله جاي ابشرك مش حلوة خالص مش عارفة ازا عرفتي ولا لاء هو بس مدونتك صارت محظورة للاسف بالامارات شكلهم فكرو الانقلاب انتي حتعمليه
فحظروها قبل لتنقلبي مع انه من كم يوم كانت مفتوحة عادي ولاد اللذين جننونا بالحظر بس نحن بالمرصاد والبروكسي شغال

تحياتي ليكي يا قطة يا قمر
‏قال غير معرف…
المقبور...؟
كبيرة عليكي قوي الكلمة دي يا ماما
مش للي ف سنك :D
‏قال مطلق
و نسيتي يا قطه التامييم و طايفه الجيش و الشرطه الي كانت للبشاوات و اولادهم و بعده دخلها اوسخ ناس

ربنا خلق الناس درجات تقوم تيجي انت يا ابنت الجزمه عايز تساويهم

من عمله الاسود المجاري طفحت علي امه
‏قال Desert cat
Anonymous
بداية المهزلة كانت 48
لما اتفق مع كتيبته
‏قال Desert cat
حياة
شرفتى حياة
‏قال Desert cat
Muslim
لا ده هو كان عالى اوى مش قليلا اصل المدونة اتحجبت فى الامارات
واكونت الفيسبوك اتلغى
كل ده ببركة عبدالناصر
‏قال Desert cat
مــحــمــــد
من ادب الحوار انى اقول المقبور والمجحوم واى مصيبة اشيلها واحطها عليه وعلى اللى يدافع عنه
‏قال Desert cat
أبو كريم
يا سلام على الانجازات الخرافيه
اذاعة القرآن الكريم وسرقة اراضى واموال الاغنياء وتوزيعها على الفلاحين
هى السرقة بقت انجاز دلوقتى ؟؟
على كدا كل الحرامية اللى فى السجون المفروض نروح نوزع عليهم هدايه ونطالب بالاعفاء عنهم زعماء بقى
اما ما كتبه الفاجومى فهو ليس احساس بعبدالناصر بقدر ماهو نكاية فى السادات والجميع يعلم ذلك
‏قال Desert cat
karim
الف مبروك يا كريم
وان شاء الله فى الانقلاب الجاى يكون كريم الصغير نور الدنيا
:))
‏قال Desert cat
سمراء
اختلفى براحتك فالاختلاف ظاهره صحية
ما قام به عبدالناصر لا يمكن تسميته بثورة فالثورة بمعناها الصحيح وهى اللى بيقوم بيها الشعب كثورة 19
اما لو عبدالناصر وباقى افراد عصابته لو كان فشل انقلابهم كان زمانهم دلوقتى فى طى النسيان
انقلاب عبدالناصر كان كله غلط فى غلط وراجعى التاريخ هتلاقى فى حاجه اسمها ثورة تصحيح حصلت مع بداية عهد السادات
عصابة ناصر لا يصح ان يطلق عليهم رجال ثورة بل هما مجموعة من الحرامية او قطاعين الطرق
هل يصح ان تطلقى على شخص اجبر انسان على طلاق زوجته ليتزوجهها وهى حامل ؟؟
راجعى التاريخ حتى يتم تصحيح المفاهيم
فيلم رد قلبى المتاثر به البعض ليس دليل على انها كانت ثورة
فمن يستمدون ثقافتهم من الافلام ممكن يشوفوا بقى الكرنك

تحياتى
‏قال Desert cat
dr.lecter
لا ازاى هو عمل انجاز كبير اوى كان لسه واحد بيتناقش معايا بيقولى انا قريت البوست بتاعك ازاى تقولى على ناصر الكلام ده
قولت له قولى حاجه عملها فى عهدة قالى عمل حنفية مية فى كل بلد علشان النسوان بدل ما كانت تغسل المواعين فى الترع بيغسلوا عليها والله ده كلامه هههههههههههههههه
تخيل الانجازات
انا سالته انت بتتكلم جد
قالى والله عمل كدا ودلوقتى الناس مش لاقيه اصلا تشرب ميه
ابو امه على ام انجازاته
طبعا لا زال الكلام على لسان الشخص اللى كان بيتناقش معايا
وانت تقولى يا دكتور مش عمل
‏قال Desert cat
amunraa
البركة فى مزورى التاريخ
والخيبة على اللى بيسمع ومش بيفهم
واجازت وعلاوات وحوارات على احتلال العسكر
‏قال Desert cat
SaLLy
جمال عبدالناصر ده انتهازى مش بس واطى يعنى مصلحته مع الاخوانجية بقى اخوان مع الشيوعيين بقى شيوعى مع شوية حرامية زى صلاح نصر وعامر اتلم عليهم والف عصابة سرقت مصر وسرق اسياده وقال ايه وزع الاراضى على الفلاحين يا حلولى مين عنده كرامه يرضى ياخد فلوس مسروقة وارض مش بتاعة الا الحرامية وقطاعين الطرق
‏قال Desert cat
مفكر
ايوا فعلا جمال عبدالناصر فى فترة حكمه لغى الواسطة والفساد اصل الشعب كله كان شغال عنده وكل واحد بيشتغل جاسوس على التانى واللى يجيب سيرة الانقلاب بكلمة يتشد هو وعيلته كلها على الباب الخلفى من فيلا صلاح نصر وحمزة البسيونى ملك التعذيب فى سجون ناصر يشوف شغله معاه
يبقى واسطة ايه ومحسوبية مين بقى وكل واحد شغال عند الريس واللى مش مع الريس يترمى فى المعتقل
ده انجاز هايل
‏قال Desert cat
عماد
لاء وبعد ماغرق البلد وضيعها من شرقها لغربها طالع يعيط على التلفزيون ويقولك انا هتنحى
وتانى يوم الجرايد تنشر اصل الشعب رفض
شعب مين ده اللى رفض التنحى
شعب واق الواق ؟؟؟
بس ما كان باليد حيلة كان لازم الجرايد تنشر اللى يمليه عليها عصابة ناصر والا هيشوفوا اللى شافه احسان عبدالقدوس لما فكر يعبر عن الانقلاب بقلمه بعدها خرج من المعتقل يكتب فى الحب
‏قال Desert cat
مفكر
جنازة ايه بس وحزن مين والعكسر كان منتشر فى الشوارع اى ست ماشية فى الشارع مش لابسه الاسود كانوا يضربوها
ده حزن ايه اللى بالاكراه ده
اما مصر مش انتكست غير بداية من عهده
النهضة كانت المعمارية معروفة من عصر محمد على والبعثات العلمية اللى كان بيرسلها الملك للتعليم فى الخارج لحد ما كانت مصر بينضرب بيها المثل فى العلم والنهضة وكان عند عمل مقارنة بالمعمار كان تبقى المقارنة بين باريس ومصر .. منذ عهد النكسة فين مصر من ده كله
دلوقتى احنا عندنا نهضة جامدة وقوية جدا فى التحرش الجنسى
‏قال Desert cat
مدحت محمد
قناة السويس فى كل الاحوال كانت راجعه
وللا قراره المتهور كانت مصر اصبحت فى غنى عن كل الخسائر اللى حصلت سواء فى الارواح او فى الثروات بعدها
اما السد العالى اتبنى على ارض المصريين وبفلوس المصريين وبعرق المصريين
‏قال Desert cat
حزب التهييس
انت متاكد من الكلام اللى كاتبه ده ؟؟
يعنى مش كان فى تعليم ايام الملك غير للبشوات بس
امال عبدالناصر ابن البوسطجى اتعلم ازاى ؟؟
كان ابوه باشا بس متنكر خايف من الحسد ؟؟
حتى لو كانت فرص التعليم للبسطاء قليلة بس كانت موجودة وخير دليل المقبور ناصر
اما التعليم المجانى فما شاء الله على التعليم والعلم اللى مغرق مصر
ده كل شهر مصر بيتخرج منها 70 الف عالم .. وادلى اخرة التعليم المجانى اللى كل واحد معلق شهادة فى اوضة الصالون وهو مش عارف الالف من كوز الدرة
اما اسباب الانقلاب اللى انت ذكرتها مفهياش حاجه اتحققت لو الحاشية اللى كانت حوالين الملك فاسدة دلوقتى عندمك نص مصر فاسدة
الاحتكار ابدا مفيش احتكار ولا حاجه لدرجة ان رشيد محمد رشيد مش كل يوم يصرخ فى الجرايد ويقول هنضرب على يد من حديد للمحتكرين ولا حياة لمن تنادى
فى النهاية عبرت عن ثقافتك اللى انت مستمدها من اغانى ام كلثوم طيب مش تقول كدا من الصبح
يعنى لا مرجعك كتاب تاريخ
ولا حتى حد عاصر فترة المجحوم ناصر
انما اغانى ثومة وعبدالحليم اللى ناصر كان بيسب الشعب مطحون فى حروب ويقولك اعمل حفلة لحليم ولا ثومة امال الناس حتتلهى على عينها وتنسى بلاويه ازاى
وشكل اللى حكموا بعده ورثوا منه الدهاء ده فبعد كل مصيبة انزل بماتش كورة .. هو ده ناصر الاعجوبة
ناصر المعجزة ابن البوسطجى قصدى الباشا المتنكر فى شكل بوسطجى
‏قال Desert cat
المهندس
بما انك تفضلت وبدأت تعليقك بأفة الرأى الهوى
فا انا هرد بنفس منطقك واقولك آفة كل شيئ الجهل به اصل لو انك تقرأ التاريخ لكنت عرفت ان بداية معرفة ناصر بافراد عصابته اللى عملوا الانقلاب كان 48واللى بعدها اصبحت العصابة كالمتلازمتان البلاء والفساد
اما كلامك العاطفى عن ذهابه للسودان فده مش يقتنع بيه طفل كى جى ون اصل الاطفال الايام اذكياء جدا وبيعرفوا اللى بيتكلم صح واللى بيقرا مقال لهيكل ويجى يردد بنفس منطقه
اما عن ابناء الطبقة الوسطى واللى جمعتهم كلهم انهم بيهاجموا المقبور ناصر .. هو انت عملت حصر لكل اللى بيهاجموه ؟؟ ليهم ولعائلتهم وجبت اصلهم الطبقى ؟؟
مناهو بالقياس انا اقدر اقول ان كل اللى بيدافع عن المقبور ناصر كان من اللى اهله رعاع وجرابيع ومش لاقيين ياكلوا وناصر سرق اراضى وفلوس وشقى وتعب الناس ووزعها عليهم وهما صاينين المال الحرام علشان كدا اى حد يبين حقيقة ناصر بعيد عن تزوير هيكل وباقى المرتزقة يهوهو عليه
طالما متعودين على ايامه انهم كانوا يبقوا جواسيس على زمايلهم او على جيرانهم والطبع دائما يغلب التطبع
‏قال Desert cat
أنا حر
لاء انا قاصدة 48 يا احمد
لانها كانت بداية تكوين العصابة
تحياتى
‏قال Desert cat
Anonymous
الكاتب المحترم ده مين هيكل
هههههههههههههههههههه
هههههههههههههههه
مش ده برضه اللى حضر معاه اجتماعه مه 5 وزراء خارجية لامريكا قبل حريق القاهره 51
مش ده برضه اللى ألف معاه المسلسل العبقرى الرائع اللى قام ببطولته عبدالناصر فى تدبير حادث المنشية ؟؟
وارسل استورد قميص مضاد للرصاص من المانيا
ده هيكل ده محترم اوى
‏قال Desert cat
نبراس العتمة
ههههههههههههه
انا حاسة يا شكيب السنة الجاية هتلاقى عندك فى الفصل حسنى مبارك
ربنا يستر
‏قال Desert cat
AnGeL
هاى انجل وحشانى كتير
قبل الكومنت بتاعك بساعات كانت صديقتى بتبلغنى ان مدونتى اتسرقت وانها مش عارفه تدخلها ولما جربت البروكسى دخلت معاها لكن انتى اكدتى انها محجوبة
بجملة الحجب بقى اصل شكلى بقيت خطر على الامن العام وكلامى مؤثر للغاية الفيسبوك لغى حسابى واصبح اى نشاط باسم قطة الصحراء على الفيسبوك لا وجود له
وده نوع اخر من الارهاب الالكترونى
لو كلامى غلط المفروض يكون فى مواجهه
وحد يرد على كلامى بالدليل
لكن للاسف مفيش ادلة وبيبن كذب وتدليس الاخرين لذلك الحجب هو الحل لديهم
مش زعلانة على فكرة يا انجل بالعكس ده انا حاسه انى فى موضع قوة وانهم بالنسبة اتفه مما يكون
تحياتى ليكى وشرفتينى
‏قال Desert cat
faissl
ممكن شخص يكبر للكلمة غير لما ينزل شعب كامل فى الحضيض
‏قال Desert cat
مطلق
ماهم الرعاع اللى استفادوا من قذارته قاعدين يغنوا باسطوانة التعليم المجانى المشروخة لحد ما بقى كلاب الشوارع معاها شهادات وهما اجهل من الجهل

المشاركات الشائعة