التحرش برخصة شرعية

فى الوقت الذى لا يزال حاضر فى الأذهان مدرس علم النفس الذى قام باغتصاب 14طالبة قبل امتحان الثانوية العامة بيومين فقط تطالعنا فيه وزارة الأوقاف المصرية بكتاب عن التحرش الجنسى و اسبابه وعلاجه
كنت قريت إعلان عن صدور هذا الكتاب فى إحدى المواقع الإخبارية ظننت بعد توزيعه على أئمة المساجد هلاقى كل الشباب ماشى وجهه فى الأرض واللى يشوف واحدة بتتعاكس هينط من مكانه لكرش الشخص اللى بيعاكس .. لذلك لم اعتنى كثيراً .. إلا أن نوه عن هذا الكتاب تعليق من أنونيمس فى البوست السابق فعادت الذاكرة سريعا ولاقيتنى رايحه اعمل سيرش على محتوى الكتاب ويارتنى ما عملت
الكتاب اللى طالع من وزارة الأوقاف المصرية المثقفين المتعلمين بتوع المدارس مش جايبين سيرة للذكور من قريب او من بعيد بالعكس ده الذكر ده حامل فى الوديع .. قصدى حمل وديع .. وبيتم إغوائه من السافلة قليلة الأدب اللى بتلبس الجينز ومن الكليبات الخادشة للحياء والبرامج الإعلامية هو يعنى الذكر الغلبان ده مش كفاية انه بيشرب مخدرات وعنده قلة وازع دينى وفراغ عقلى .. والله هما اللى بيقولوا كدا برضه مش انا ... يعنى الولد دى مبرراته هنيئاً لكل المتحرشين فوزارة الأوقاف اوجدت لهم المبررات اللازمة للتحرش وهنيئاً لدفاع المدرس الذى قام بتصوير طالباته فى أواضع مخلة بالآداب المحامى بتاعه لا هيتعب فى كتابة عرائض ولا مذكرات وعلى أى مدرس أو دكتور أو أى متحرش عايز يصور مريضاته او طالباته ويتاجر فى الاسطوانات نظرا لظروفه المادية التى لم تساعده على الزواج زى ما قال المدرس فى اعترافه مش يتردد يعمل سيديهات ويوزع على طول ماهى البنت السبب بتلبس جينز ليه والتلفزيون ابن اللذينا اللى عنده فى البيت ده الريموت هو اللى بيوجههم للكليبات الخادشة للحياء يتفرجوا عليها وليس العكس
ده الشباب غلبان هيلاقيها منين ولا منين

تعليقات

‏قال مفكر…
هذه نتيجه طبيعيه للبخث عن خلول من منظور تراثى بالعافيه بدلا من بحث الظاهره من الواقع علميا نلجا للكتب القديمه نبخث عن حل لمشكله عصريه
ونحن ننفرد دون سائر البشر بهذا الأسلوب
وبذلك تتدخل العقد فى بخث المشكله فمن عنده حساسيه مرضيه من كعوب النساء سيقول لك الحل هو ان نغطى الكعوب
ومن عاش وقبض من بلاد الرمال سيقول لك الواد الجزئى الشهير بالنقاب هو الحل
ومن لا يطيق التيلفزيون او اى لون من الفن سيقول لك التيلفزيون اللعين هو السبب
او الريموت كنترول والعياد بالله
او البنطلون الجيينز
او الغرب الكافر مع انه يسافراليه للعلاج الفاخرويرسل اولاده للتعلم هناك
والناس البسطاء تصدق ويعتقدون ان الغلاء والبطاله والتخلف الصناعى واستيراد كل شىء من الصين هو بسبب كعوب النساء المكشوفه
الناس الأسوياء فى الدنيا كلها يبخثون
المشكلات على ارض الواقع وليس فى كتب من عاشواقبل الف عام
نحن دون سائر البشر نفعل ذلك ثم نندهش لما وصلنا اليه
‏قال مفكر…
المشكله الكبرى التة وقعنا فيها هو اننا نعهد بالمشكله للجهه الخطا
هذه المشكله توكل للمركز القومى للبحوث الأجتماعيه وليس لمشايخ الأوقاف
كما اننا يجب ان لا نعهد بالخكم على اخل فنى الا للفانين وليس للمشايخ
وهكذا
يجب ان نتخلص من وهم ان حل كل مشكله فى كتب الأقدمين
وليست فى دراسة الواقع كما هو
‏قال مفكر…
وهل كعوب النساء وشعورهم واجسامهم مدفونه تحت الخيام التقيله فى الصين التى نستورد منها كل شىء
الناس لا تسال ولم تتعود على السؤال او المناقشه هكذا يوهمهم شيوخهم
‏قال Unknown
هههههههههههههه دي مصيبه فعلا الازهر و الوقاف المفروض يتلغوا او يتعملهم اعادة تأهيل من كم السفه الى بيقدموه حقيقي احنا في كارثه
‏قال مفكر…
ولتجسيد خبل ما نحن فيه
تخيلى اجلس امام الكمبيوتر لأفكر فى حل مشكله ستظهر بعد الف عام فى بولاق الدكرور
هل استطيع مهما كنت عبقريا
‏قال مجرد مدونة
سبب المسكلة دى الطرفين مع بعض ، مفيش حد متهم والتانى برىء.. <---الكلام ده فى العموم..

لكن فى بعض الحالات بيكون السبب هو الرجل فقط.. والمرأة تكون ضحية فعلا لا ذنب لها.. ولا أظن ان فى حالة تالتة يكون فيها الرجل ضحية، إلا لو مريض نفسى..!
‏قال مفكر…
اسوا ما كشفت عنه المناقشه فى التدوينه السابقه هو احتقار العقل والتفكير عند المتاسلمين بحجج واهيه ودون ان يطرف لهم جفن
تصورى يقدمون الأسلام للعالم على انه معادى للعقل والتفكير
ولا ادرى كيف تنهض امه تخلت عن عقلها الا اذا كان من الممكن ان ينهض نزلاء مستشفى للأمراض العقليه ويصلون الى القمر
ونتامل هذا
هم يسوقون الحديث
من قال فى القرأن برايه ...مآله النار
ومثل كل نص دينى نجد امامنا معضله ما معنى راى هنا؟
طبعا ممكن ان نختلف لبكره
وكيف يتفق هذا مع حقيقة ان القران مثل اى نص دينى حمال اوجه كما قال بحق على ابن ابى طالب
وما الموقف من عشرات التفسيرات للقرأن اليست نتيجة التفكير والراى
معضلات لا تنتهى يمر عليها المتاسلمون ببساطه لتاييد ما فى جماجمهم
واذا قلت حديث انتم اعلم بشؤون دنياكم
ردوا برد معلب جاهز
هذا ينطبق على الزراعه والأقتصاد والهندسه وليس على السلوكيات والأفكار
والمبادىء المعنويه
ومره اخرى يكشفون سطحيتهم وضحالتهم فالأمور الأنسانيه مترابطه فالزارع يزرع بكل همه ونشاط متاثرا فى سلوكه بما فى راسه من افكار ومبادىء
والمهندس يتاخر ويهمل نتيجة مافى راسه من افكار ومبادىء وليس بقواعد الهندسه
وهكذا
‏قال غير معرف…
ولذلك من الصعب ان لم يكن من المستحيل انة تعرف راى متاسلم فى اى شىء
اقصد رايه هو دون ان يخبطك بنص قديم
تقول ياعم انت رايك ايه
فى بن لادن والزرقاوى وطالبان وحماس والحكم فى ايران
والفن
وهيفاء وهبى
وهل تجد كعوب النساء مثيره بالنسبة لك
وفى وأد النساء الجزئى او المؤقت الى حين الحاجة اليهم لأشباع رغبات الرجل فيتم اخراجهم
وماهو فى رايك سبب التخرش
ولماذاكانت تعتبر معاشرة الجوارى ليست من الزنا
وكن يعرضن عاريات تمامافى الأسواق ليتفرج عليهم الزبائن ويتاكدون من جودة المنتج
وكان شسئا عاديا لا يثير اى امتعاض
وكذلك سبايا الحرب
‏قال غير معرف…
ومن المكتشفات الحديثه فى اللسانيات ان الكلمات لاتحتوى على اى معنى وانما نحن الذين نعطيها المعنى
ولا جدوى من البحث فى المعاجم عن كل معانى الكلمه لأن المعنى يتغير وينمو مع الوقت
والكلمه رمز مثل اللون الأحمر فى اشارة المرور كان يمكن ان تعنى سر لو كنا اعطيناه هذا المعنى
وجعلنا الأخضر يعنى التوقف
هذه الحقيقه تنبه اليها قبل زمن بعيد على بن ابى طالب
عندما قال حكنه البليغه العبقريه
ختى القرأن حمال اوجه
فالكلمات والنصوص لا تفسر نفسها وانما البشر
ويساعد على ذلك عمومية وغموض كثير من النصوص والكلمات
‏قال غير معرف…
ووقعنا عندما ظننا ان بالكلمات معناها ...وقعنا فى عبادة الكلمات
‏قال نشأت العمده
طب سؤال البنت لابسه جنز ولا ضيق يبقى هى الحمل الوديع الى لو اتعاكست يبقى الحق على الولد قليل الادب الى ماشى يبص اه يا وحش خلى عندك دين ووازع ايمانى طب التدين والادب دا مش بنطلبه من البنت ليه لما تلبس محتشم مش لازم بقى نقول نقاب ولا خمار بس اللبس يكون واس مش يثيرؤ مشاعر الشباب الى تعبان اساسا فى امريكاو الصين والبلاد الى بنقول عليها دى عندهم تنفيس عن الرغبات دى المكبوته عن طريق الصديقات عموما هى ثقافة مجتمع واحنا مش ينفع يعنى بنت تصاحب ولد ويكون الموضوع ماشى يعنى ومش قصدى صحبيه من بتاعتنا قصدى صحبيه من بتاعتهم الى عندهم الى توصل مش عارف كام سنه ولسه عزراء تعتبر غريبة الاطوار يبقى لما نبص نبص على الموضوع عموما هما عندهم ليه مش يشغل باله بالبص اساسا والمعاكسه والتحرش لانه لما يعوز هيلاقى لاكن احنا عندنا اخره بصه وكلمتين يعنى على قد الظروف ما تحكم فياريت منقارنش نفسنا بمجتمع غير الى احنا فيه خالص
‏قال غير معرف…
أين اللينكات؟
‏قال karim
بوست جميل جدا و صحيح, بس المشكلة اننا مش مقتنعين ان احنا كدة ومش ممكن نبقى افضل غير لما العقول والتربية تبقى افضل ودة مش ممكن يحصل فى بلد الناس مش لاقية تاكل ولا تلبس و لاتتجوز ولا حتى تعيش فى مكان مقفول عليها, يبقى لما نيجى نقييم لازم الاول نشوف الظروف والاسباب اللى تخلى الناس تغييب عن وعيها ومش يهمها غير نفسها ووقت بيقضية, انسسسىىىى, قدامنا مش اقل من 100 سنة دة لو اصلا بدانا من دلوقتى علشان نتغير, تحياتى
‏قال مندهش وغاضب…
معلهش يمكن يكون الموضوع ظاهريا خارج الموضوع ولكن يستحق بوست مستقل
مؤتمر دول عدم الأنحياز فى شرم الشيخ وملايين تنفق من دم الشعب المطحون بالفقر
وبعدين عدم انحياز ايه ؟مش ده كان عدم انحياز لا للكتله الشرقيه ولا للكتله الغربيه والآن فين الكتله الشرقيه
ما راحت
والا هو فشخره وفلوس من دم الفلابه وخلاص
ياعزيزتى سيبك من حرقة الدم دى .. وخليك فاكرة ان احكام القضاه الاخيرة قد اتسمت بالشدة فى مواجهة هؤلاء المتحرشين وهذا فى حد ذاته انذار رادع لكل من تسول له نفسه بفعل هذه الفاحشة سواء كان واقع تحت تأثير المخدر أو شظف العيش ..وربنا يسترهامع بناتنا وشبابنا

تحياتى
المشكلة اعمق على ما اعتقد فكل الاطراف تبحث عن سبب وجيها يبرر ما تقول ، وكل فسطاط - يحشر - ذاتيته فى مقاله ، فتكون النتيجة مسخ مشوه يبعد عن المشكلة بل ويعمقها

مشكلتنا فى التعميم ، فالجزئية السلبية تعمم على مثيلاتها ، فى كل طرف وكل رأي وكل اتجاه فكري ، فلا يوجد أجد يرغب فى وجود المخالفين ، ويتمني لو كان هو الصوت الوحيد

الكل مسئول ، المتحرشين ، والمتحرش بهم والقانون ، والسلطات التنفيذية ، والمفكرين وانصافهم ، طلما بعد تفكيرنا عن الطرق المنهجية للتفكير ، واستعملنا التعميم فالكل مدان

المجتمع الفاضل لا وجود له
والتعميم قضية فلسفية خاسرة


تحياتي
‏قال غير معرف…
شاطرة يا قطة قاعدة تخربشى فى الرجالة المتحرشين طيب ما تلبسى كويس وتسيبك من العرى ولمى نفسك من الكفايهات اللى كل يوم والتانى فيها دى وانتى محدش يتحرش بيكى
ولا عايزة تلفى وتلبسى عريان ومحدش يبص لك
قبل ما تكتبى اى موضوع بصى فى مراية نفسك الاول
‏قال غير معرف…
درس لا يقدر بثمن لمن يفهمون من ايران
كيف يظهر الفساد فى ظل الدوله الدينيه
قال مهدي خروبي أحد المرشحين الإصلاحيين في الانتخابات الإيرانية بعد إعلان الفوز الساحق لـ «أحمدي نجاد» رئيسا «إن معسكر المنتصرين هم دعاة للرجعية مثل إسلام طالبان» بمعني أن هذا المعسكر لا يسمح بالمعارضة، وعدم السماح بالمعارضة ليس مصادفة وإنما هو مبدأ متجذر في قلب الفكر الديني الذي يتأسس عليه هذا التيار.

وتؤكد الوقائع المتتالية منذ إعلان نتيجة الانتخابات في 12 يونية وبعد انفجار الاحتجاجات الشعبية وطرد المراسلين الأجانب واعتقال مدونين ومراقبة الإنترنت وإغلاق بعض المواقع يؤكد هذا كله أنه يستحيل علي دولة دينية تقيم نظاما ديمقراطيا مقيدا ومحكوما بمبدأ ولاية الفقيه أن تواصل خداع العالم أو استلاب شعبها باسم الدين لزمن طويل، إذ ينطبق علي مثل هذه الدولة ونظامها قانون الصراع والتناقض الذي يحكم كل منظومة أيا كان شكلها دينيا أو مدنيا، وإذا لم يجد كل من الصراع والتناقض حلولا عقلانية ومنطقية وعادلة فإنها تنفجر كما تفجرت الحالة في إيران بعد ثلاثين عاما من الاستبداد ومصادرة حريات النساء وحريات التعبير وحقوق الأقليات باسم الدين،
وعادة ما ينتج الاستبداد أيا كانت الشعارات التي يرفعها أو الرايات التي يحتمي بها ينتج فسادا بلا حد وهو ما حدث في «إيران» علي نطاق واسع إذ جري نهب الثروات الهائلة، وتكوين طبقة جديدة من كبار رجال الدين تحالفت مع البازار «التجار» و«رجال الأعمال» سيطروا جميعا علي الوزارات الأساسية وزرعوا عيونا لهم في كل مؤسسات الدولة، وجري إلحاق هذه «العيون» بمؤسسة الحكم
وهو الأسلوب الخبيث الذي يليق بحكم استبدادي في جوهره يقوم علي عزل القيادات الاجتماعية الواعدة والذكية عن قاعدتها جنبا إلي جنب تصعيد نماذج «للحثالة» التي تفتقر للثقافة والوعي والموقف الذاتي، وترتبط فحسب بمصالحها الشخصية، هكذا تتشكل ببطء قاعدة صلبة لفاشية إسلامية تزداد هوسا وتطرفا وتكشر عن أنيابها كلما اشتدت أزمة النظام الذي يقدم لها الحماية ليصبح ارتباطها به حالة وجودية.

وليس من قبيل المصادفة أن يصف «خروبي» هؤلاء بأنهم«دعاة رجعية مثل إسلام طالبان»، وإسلام هؤلاء شأنه شأن كل تأويل ضيق الأفق وتكفيري للنص الديني ينهض علي تقديس ما هو بشري، ورفع بشر - مهما كانوا ممتازين وموهوبين لكنهم بشر - إلي مصاف الملائكة والقديسين الذين لا تجوز مساءلتهم عن أفعالهم مهما كانت تخليل فريده النقاش.
‏قال متابع…
هذا دعوه صريحه للأجرام
كما يظهر فى تعليق انونونمس
متخرجيش والا.....
تماما مثل طالبان التى كانت تقتل من تخرج من بيتها ولو للعلاج
هذا اجرام وسرطان يجب على كل انسان متحضر ان يتصدى له
ختى لا نرجع الى عصور الهمجيه
‏قال متعجبه…
ياستى انت بتقولى ايه
فى دول عربيه مثل الأردن اوسوريا
قتل الأنثى المنتشر فيهما عند الشك مجرد الشك فى السلوك لا يعاقب الا بشهور حبس
وعدل اخيرا فى سوريا ليصبخ سنتين حبس بعد ان تعددت جرائم قتل الزوجات والأدعاء بان الخيانه كانت السبب
فيما يعرف بجرائم الشرف
ومش عايز نطع يقول ماهم يستاهلوا
‏قال متابع…
هل بدا الناس بعد احداث ايران يفيقون من وهم دولة دينيهتحل كل المشاكل
اقراوا هذا من مدونة انا حر
هذا هو الفرق بين المثال والواقع، ما في عقولنا هو الصورة المثالية للنظام الإسلامي ولكن عندما يرتبط الأمر بالتطبيق العملي يبدأ الصدام وتبدأ واقعية المثال في اتخاذ منحنى أخر بعيد عن الصورة المرسومة في عقولنا وهذا ما أثبته النظام الإيراني الإسلامي الذي تمناه كثيرا أن يكون عندنا في الدول الشرق أوسطية وهذه هي الدولة التي ينادي بها الإخوان المسلمين وغيرهم

صورة تكسوها الدماء مثل الدماء التي نزفتها الشابة الإيرانية " ندى " التي كانت تعبر فقط عن رأيها وكان الثمن حياتها فبالله عليكم أهذا هو الحل الذي تنادون به في كل أحاديثكم

الكساد الاقتصادي والسياسة الخاطئة للرئيس الإيراني جعلت الشعب يخرج في الانتخابات الأخيرة لاختيار من هو أفضل من وجهة نظرهم فكانوا يتوهمون أن الديمقراطية التي أتت بالرئيس احمدي نجاد ستغيره لكن هذا لم يكن له أساس على ارض الواقع فالرئيس والمجلس الديني الحاكم للبلاد قرر أن يختار بدل من الشعب وبالفعل اختار الرئيس نجاد وهو ما رفضه الشعب الحر الذي لم يفقد كرامته بعد وبدأ يثور وبدأ الغضب في كل مكان ومات الأبرياء ليس لجوع أصابهم أو مرض انتشر بينهم وليس لغرق الآلاف منهم في عبارة فقط ليطالبوا بحقوقهم في اختيار من يمثلهم رئيس للدولة

كنا ذكرنا من قبل أن الدولة الدينية بشكل عام تلجأ دائما لوسائل القمع والانغلاق عن العالم واتهمونا البعض بأننا من الخارجين عن الدين ولا اعلم الآن بعد ما استخدمته إيران وقامت به بماذا سيتهموننا

إيران قتلت وأصابت المعارضين من الشعب ثم منعت كل وسائل الإعلام من الظهور كما قررت أيضا الحكومة الإيرانية منع لاعبين دوليين من السفر خارج البلاد ومنعهم من ممارسة كرة القدم بشكل نهائي لأنهم قاموا بارتداء شارة خضراء في احد مباريات المنتخب الأخيرة لتضامنهم مع المعارضة

مخطئ من ينسب هذه الأخطاء لنجاد فقط فعندما حدثت الأزمة الاقتصادية الأخيرة لم يوجه احد الاتهام لبوش أو لأي دولة محددة بل تم اتهام النظام الرأسمالي والآن يجب أن نهاجم النظام الإسلامي الحاكم في إيران وهذا ليس شيء ضد الدين لان النظام الإسلامي لا علاقة له بالدين في شيء فهو اسم فقط لإلغاء المعارضة وإلغاء كل من يفكر في ضد الاتجاه
ادعوا من اختلفوا معنا أن يوضحوا لنا حقيقة ما يحدث
‏قال shahrzad...
بجد عجبنى اوى اسلوبك الساخر

وفعلا لما الكتاب بتاع الوزارة يلتمس لهم الاعزار

يبقى فى غلط

لأن العزر ده اقبح من ذنب
‏قال نشأت العمده
يا جماعه هو ليه كل شئ نرميه على الدين هما الموجودين دلوقت اساسا كوجوه للازهر ورجال الدين هما اساسا لا يمسلونا فى شئ ولا نتخذهم اامه الا قليل فئه قليله محترمه يعنى مش كل شئ نتكلم فى الاديان ومصر وسوريا هى قوانين وضعيه واحنا الى واضعينها واحنا الى بنعاكس ونتحرش واحنا الى بنتحبس واحنا الى بقبض على الى بيتحبس يعنى الموضوع كله مننا مش نيجى بقى نقول اصل الناس وحشين اصل القانون الفلانى وحش اصل الدوله مش عارف ايه لا احنا الى بنجيب الناس دول واحنا الى بنضع القوانين دى مش نفضل بقى نعيط على اللبن المسكوب
‏قال روابط
عزيزتى

شبابنا بخير ومش محتاج رخصة شرعية او غير شرعية للتحرش, حيث ان عملية التحرش تسير على ما يرام

لاتنكرى ان ثلث الفتيات على الأقل, خاصة فى الطبقات الثرية-اقول الثرية وليس العليا- يمكن وصف ملابسها بلفظة خليع أو متهتك نوعا ما

وأخيرا ربنا يتوب علينا كلنا من التحرش ومن غيره.. قولى أمين
‏قال محمد حويحي
شفتوا عذرتوا

اهو مش كلامنا اهه

كلام بتوع الدين نفسهم

بس بسسس بسسسسسسسسسسسسسس
رؤية منمطة
هما كتبوا كتاب بناء على رغبات مقززة لشيوخ ينبتون كالطحالب على أوراق صفراء
يعني كنت تنتظرين أن يقرؤا بحث مصطفى حجازي أو أبحاث فرويد..قعقعة الاعجاز العلمي في التخريفات فقط، ليقم علماءهم بدراسة سوسيولوجية ونفسية لينقدوا المجتمعات المريضة
على فكرة قطتي العزيزة لا يمكن أن نحمل الرجل المسؤولية وحده، المسألة متعلقة ببنية مجتمعية سوسيو سيكلوجية..تصوري أن مصطفى حجازي ذكر أن هناك استلاب عقائدي وهو مصطلح يقصد به تشييئ المرأة للحد الذي تصبح فيه مؤمنة بأقوال فقهاء آخر الزمن
المسألة متعلقة بأمراض في المجتمع الدين يجند ترسانته لبقائها من أجل القول دائما: لنعد إلى السنة والكتاب ولتمرير المغالطات وصنع النساء النينجا والأحزمة الناسفة

أحييك على جرأتك دائما
مودتي من أجل مجتمع غير مريض
عادي يعني ، مش دي الوزارة اللي بتدي خطب الجمعة مطبوعة للخطباء علشان يقولوها ويقروها ، ودي اللي بتقولهم ما يخطبوش عن فلسطين ؟؟
عادي جدا عادي
‏قال Desert cat
مفكر
الجميل انهم مش لاقوا لكلمة تحرش تعريف غير فى عالم الحيوانات والله انا مشفقه على الذكور المصريين وليس الرجال طبعا هناك فرق
‏قال Desert cat
مفكر
يا استاذى فى الوقت الحالى كل عواطلى يروح يحفظ له آية قرآنية وحديث ويسمى نفسه راجل دين طبعا فى ظل انتشارهم بهذا الشكل المكثف فالطبيعى ان مراكز الابحاث الاجتماعية دروها يتلغى دول حتى لما بيعملوا شغل ويحاولوا معالجة الظاهره يقولوا لك مين دول امال فين رجال الدين اللى هما فى الاساس مش عندهم دين
‏قال Desert cat
مفكر
احنا فالحين نتريق على الصين اللى احدثت ثورة صناعية رهيبة انا بشوف الستات اللى ماشيين تحت الخيام اذا كانوا ستات بالفعل يعنى مش حد متنكر بيتريقوا على الصنيين مع ان الطفلة فيهم برقبتها
‏قال Desert cat
malika
والله عندك حق يا لولو
دول لازم يتعمل لهم اعادة تأهيل بلا نيلة
‏قال Desert cat
مفكر
المتاسلمين بقى عبقريتهم وصلت انهم من ايام الجاهلية الاولى يقولوا لك سبحان الله الاسلام ده حلال لمشاكل كل العصور
طيب يا جهابذة طلعوا بس حل مشاكل العصر اللى احنا فيه
‏قال Desert cat
مجرد مدونة
يعنى اللى تم اغتصابها وهى عندها 9 سنوات دى كانت السبب فى ايه ؟؟؟
الست اللى تم اغتصابها وهى عندها 90 سنة دى كانت السبب فى ايه ؟؟؟
‏قال Desert cat
مفكر
الاخ اللى جه فى التدوينة السابقة يخص اشخاص فقط دون غيرهم وجعل الدين حكر ليهم ده الحقيقة استخسرت فيه الوقت اللى هضيعه فى الرد اذا كان هو نفسه محتقر عقله علشان كدا معطله ومش عايز يشغله ومعتمد على النقل من بشر يخطئوا ويصيبوا والمصيبة الاكبر انه عايز الجميع يبقى زيه ويقول مش من حقك تتكلم فى الدين ده مش يتقاله غير كلمه واحدة بس

ســـلاما
‏قال Desert cat
Anonymous
هما عندهم بن لادن والزرقاوى اللى بيتقتلوا آلاف الأبرياء مجاهدين
اما هيفاء واخواتها غانيات التحرش بيهم حلال وطبعا الجوارى دول ما ملكت ايمانهم مش لازم برضه يعاين البضاعه اللى هيجيبها ينام معاها امال هو هيشتريها ليه علشان تخدم له فى البيت لا سمح الله
‏قال Desert cat
Anonymous
فى ظل انتشار الفضائيات وشيخ لكل مواطن اذن عبادة الكلمة هو الحل لان الاخ السائل لم يكلف نفسه عناء البحث فى كتاب الله ويقولك اسال المتخصصين اللى هما اساسا مش ليهم فى البطيخ
‏قال Desert cat
نشأت العمده
هو ربنا قالك غض البصر ليه ؟؟؟
علشان تمشى تبص فى بنات الناس
هل لبس الجينز والضيق يبرر لك التحرش بيهم ؟؟
المنقبة بيتحرشوا بيها ليه ؟؟
الست اللى عندها 90 سنة بتتحرشوا بيها ليه ؟؟
الاطفال اللى عندهم 6 و 9 سنين بتتحرشوا بيهم ليه ؟؟
دول كمان بيثيروا الشهوة والغريزة ولا ده نقص وقلة ادب وتربيه
‏قال Desert cat
Anonymous
مش فى موقع اخبارى او غير اخبارى اتكلم عن الكتاب وعن المدرس اللى صور تلميذاته اتعب نفسك واعمل سيرش هتلاقى الف لينك ... انا علشان كاتبه البوست باسلوبى الخاص مش لجأت للينكات
‏قال Desert cat
karim
ياااه يا كريم لسه 100 سنة
انا شايفه بعض الردود هناتنبئ بالخير لذلك عندى امل تعود النخوة والشهامة

تحياتى
‏قال Desert cat
مندهش وغاضب
اااااااااااه زى زيارة ابواما اللى اتكلفت 50 مليون جنيه
انا دمى لسه محروق على المبلغ ده كله انا خلاص مش دافعه ضرايب تانى
‏قال Desert cat
وميض ابتسامة
طبعا الاحكام القضائية دى حاجه جميلة ومبشرة لكن انا قلقانة اصلا من رد فعل الكتاب اللى نزلته الوزارة
عموما ربنا يستر مع الجميع
‏قال Desert cat
حاول تفتكرنى
طيب احنا دلوقتى دخلنا فى مشكلة التعميم وجميع الأطراف مدانة طيب يعنى مفيش حل هنفضل كدا الكل مدان ولا يوجد اى شعاع نور طالما الجميع مدان خلاص ؟
‏قال Desert cat
Anonymous
حفترض جدلا زى ما بتقول يخصك فى ايه اروح كافيهات ولا مروحش البس ولا مش البس انت مش موكل من رب العالمين للحجر على الناس ربنا نفسه يابنى مش انزل فى كتابه ما يمنع الناس من الخروج واللبس
اذا كنت بقى عندك عقدة من النقص فى خروج البنت او لبسها فالمفروض تتعالج انما مش تحجر عليها وتقول اصل الحجر ده من الدين والمفروض نتحرش بيها اصل هى بتخرج ليه
‏قال Desert cat
Anonymous
ده ايران دول ناس عسل اصلهم دلوقتى بيقولوا اللى تجرأ على نجاد تجرأ على الله ورسوله ورافعين قضايا وحوارات هبله
اصحاب العقل فى نعيم
‏قال Desert cat
متابع
طبعا ماهو الاخ اللانونيمس اللى جاى يحرم الخروج واللبس مستمد فكره منين ماهو من اللى مسلم لهم عقله
‏قال Desert cat
متعجبه
طيب ماهو جرائم الشرف هنا برضه القاتل مش بياخد فيها اعدام ده حتى فى وسط منطقته بيكون عنتر شايل سيفه
‏قال Desert cat
متابع
يا سيدى النظام الاسلامى مجرد كلمة للعب بعقول العامة البسطاء الذين لا يملكون شيئ سوى الدعاء انما الاهداف سياسية بحته ولنا فى اخوان السوء اسوة
‏قال Desert cat
shahrzad...
اشكرك جدا شهرزاد
اتفق جدا مع كلامك شرفتينى
‏قال Desert cat
نشأت العمده
هو مين هنا اللى حمل الدين المسؤلية ؟؟؟
طلع سطر واحد من البوست او من كلام المعلقين بيقول ان الدين هو المسؤل عن المهازل اللى بتحصل دى ؟؟
‏قال Desert cat
حازم سويلم
يا سيدى الفاضل بنات الطبقات الثرية والعليا بيلبسوا عريان بلاش ناسية هدومها المتحرش ده علاقته بيها ايه ؟؟ هو مش ربنا علشان يحاسبها ؟؟
وبعدين واحدة بنت ناس ولبسها شيك عايزينها تلبس ايه هلاهيل علشان مشاعر المتحرش ؟؟
عايزة اقولك التربية هى الفيصل وليس لبس البنات اصل لو لبس البنت مش كانوا اتحرشوا بالمنقبة ولا بالعجائز ولا الاطفال

تحياتى
‏قال Desert cat
عقل مهوي
بسسسس بسسسس
دى اعتبرها معاكسة
ههههههههههههه
ايوه يا سيدى ماهو انا مش اقدر اتكلم اذا كان رجال الدين نفسهم قالوا تحمرشوا يا شوباب
‏قال Desert cat
نبراس العتمة
اه يا ابو ايمن سلاحف النينجا المتغطية دى كمان ليها عامل كبير على اللى بيحصل ده استاذ احمد شقير قال فى كومنت على البوست السابق كلمة جميلة اوى وهى لن يحرر المرأة سوى المرأة
اتمنى تحصل نهضة ولو فى القريب العاجل

تحياتى ومودتى يا فندم
‏قال Desert cat
محمود محمد حسن
يعنى لما نحل المشاكل اللى بلدنا غرقانه فيها نبقى نتكلم عن فلسطين
‏قال Magi Mostafa
هحاول الاقى نسخه من الكتاب
وهقراه
بس دى عاده النظره المتأصله فى مجتمعاتنا ناحيه المرأه
انا شخصيا فقدت الامل
‏قال Desert cat
magi
نصيحتى ليكى مش تقريه اصلك هتفقدى الثقه فى حاجات كتير اوى
‏قال غير معرف…
قبل ما أرد عليكي حبيت أشوف تعليقات الناس على كلامي و فوجئت بأسلوب عنز و لو طارت و إن كل كلامي لمجرد إنه بيقول (فاسألو أهل الذكر) تم الهجوم عليه باتهامات مثل
1-معطل عقله
2-عاوز يرجع سلطة الكهنوت
3-عاوز يرجع للعصور الوسطى
4-إحياء فكر طالبان عن المرأة..

لكن ردك بصراحة كان غريب :


الاخ اللى جه فى التدوينة السابقة يخص اشخاص فقط دون غيرهم وجعل الدين حكر ليهم ده الحقيقة استخسرت فيه الوقت اللى هضيعه فى الرد اذا كان هو نفسه محتقر عقله علشان كدا معطله ومش عايز يشغله ومعتمد على النقل من بشر يخطئوا ويصيبوا والمصيبة الاكبر انه عايز الجميع يبقى زيه ويقول مش من حقك تتكلم فى الدين ده مش يتقاله غير كلمه واحدة بس..

الحقيقة أنا لا أحتقر عقلي..على العكس أنا أحترمه من أن أدخل به فيما لا يعلم و بدلا من التوهان و ادعاء المعرفة أسأل اللي يعرف..بالظبط زي ما بروح للدكتور لو عيان..لما بروح للدكتور ده مش معناه إني بحتقر عقلي..بل ده معناه إني شخص فاهم وظيفة الدكتور و فاهم حدود علمي..أما الجاهل فتصرفه بيكون إنه يسأل واحد قاعد على قهوة و يستفتيه في البرد اللي عنده سببه إيه..يقوم المفتي التاني يقوله خد حبايتين أمبسلين و كوباية لمون سخنة و اربط دماغك و خش تحت البطانية هتلاقي نفسك تماااااااام

ده بالظبط اللي بتعمليه يا حنان إنتي و بعض المتحزلقين الذين يحاولون الظهور بمظهر العلماء المثقفين الفاهمين الواعيين من خلال إطلاق كلمات رنانة تعلموها من الإعلام دون حتى فهم معنى الكلمة و متى تطلق و حقيقة إطلاقها ككلمات (مصطلحات) المتأسلمين و الإسلام السياسي و الكهنوت و إعمال العقل الخ

و هي مصطلحات تبدو في ظاهرها صحيحة و هي أبعد ما يكون عن الصحة..

الكهنوت..بالفعل لا يوجد كهنوت في الإسلام,لكن يوجد علم و يوجد شرع أنزله الله و فرض على الناس أن يقوم بعضهم بحفظ هذا العلم ليفيد به الآخرين..و هذا العالم يدرس و يفهم النصوص ليوضح حكم الله في القضايا المتعلقة بالتشريع..يعني لما عالم ييجي و يقول الحجاب (اه الحجاب)فرض .اللي يرد عليه عالم زيه درس النصوص القرآنية زيه و فاهم أحكام القرآن و أسباب النزول و احكام الحديث الشريف و حاجات كتير..مش واحد قرأ كتابين و فاكر نفسه أبو العريف..
الدين و الشريعة مهمين يا حنان و يمكن أهم من الطب و الهندسة (و هذا لا يلغي أهمية العلوم علشان انتي بتفهمي حاجات ماتقالتش) لأنها تضبط حياة الناس على سنن الكون وفتنضبط حياتهم و معيشتهم..
يا حنان لو قريتي كتابين في الطب مش هتقدري تروحي لدكتور و تقوليله قوم و انا اقعد مطرحك لانه بكل بساطة هتلبسي القميص و يقعدوكي في السرايا..بقى في العلوم الدنيوية مانقدرش نتكلم و نقول نسيبها لأهل التخصص و نيجي على أمور الدين و نستهبل و نقول حاجات غلط تحت دعوى إعمال العقل.. و لما حد يقولكو دانتو ماشيين غلط تقولوله كهنوت و متأسلمين و سياسة..


حاجة تانية.. و هي دي اللي كنت عاوز أرد عليها أصلا..
إنتي مسمية الموضوع التحرش برخصة شرعية ..و بصراحة دورت على أي رخصة شرعية ما لقيتش..كل الموضوع إنك لبستي الناس تهمة و قلتي إنهم بيرخصو التحرش ..

الكتاب إسمه التحرش ..أسبابه و علاجه..يعني الناس بتعرض الأسباب و من بينها إنتشار العري في الشوارع و في التلفزيون و تهييج غرائز الشباب بكل الطرق و الوسائل مع إغلاق طريق الزواج بكافة الطرق مثل رفع سن الزواج و الأزمة الإقتصادية و سوء مستوى التعليم و التربية و كل الأشياء التي بمجرد أن تبدأ تضعك في دائرة مغلقة لا تستطيعي بعدها معرفة البيضة و لا الفرخة..
لكن الناس ما قالوش يا شباب تحرشو بالبنات .. و لا قالو من خلعت ملابسها فالتحرش بها حلال.. و لا قالو يحل للشاب اللي مش لاقي يتجوز و هايج على نفسه يتحرش بالبنت..

يعني يا حنان لما أقولك إنه يوجد كتاب عن البرد..أسبابه و علاجه..من الأسباب إن المريض يستحمى و يقلع ملط و يقف أدام المروحة..هل ده يعني إن أنا بقول للبرد روح لكل بني آدم استحمى و قلع ملط و جيبله برد ؟

أنا بقول الأسباب و بعديها هاقول العلاج و هو غض البصر من الطرفين ..الرجل و المرأة.. و الإحتشام من الطرفين..الرجل و المرأة..و تيسير الزواج..الخ

لكن من الظلم و التجني بل و سوء النية أن أتخذ من كلام الناس حجة عليعم للتحرش بدون أن يكون هذا من كلامهم..

إتقي الله يا حنان فيما تكتبيه..و يا ريت تستعملي عقلك و تفكري بيه في الكلام .. و بلاش اتهام النوايا

و كمان ياريت تنشري كلامي..أشكرك لأنك نشرتي الكلام السابق
‏قال غير معرف…
قطقوطة

كيفك ؟؟ مشتاقين والله يا ام لسان طويل

التحرش + علم النفس

مشكله .. خوفتيني جد جد

انا ما سمعتا بالموضوع ده من قبل

يعني بدل هو يعالج من التحرش بيتحرش

بس الحال دي ذكرتني حالتي ... عارفه انا بكون عارفه انو انا حادخل في حالة اكتئاب من الاعراض وما بقدر اعمل حاجه لوقف هذه الاعراض ؟

بس يا حنان التحرش ده عايز مساحه اكبر من كده .. وممكن اساعدك في الكتابه عنه

صافي الود
‏قال Desert cat
أبنوسة
الصديقة الجميلة ابنوسة كيفك انتى وايه اخبارك
وحشتينى وطولتى الغيبة
وزارة الاوقاف الجميلة بتطلع مبررات للمتحرشين وبعد الكتاب الجهنمى ده المفروض البنات تختفى بس حتى لو البنات اختفت هنلاقيهم ماشيين يتحرشوا بنفسهم فى الشوارع

شوفى ممكن نتواصل ازاى وانا مستعدة للموضوع اللى عايزة تعمليه

تحياتى

المشاركات الشائعة