غرامة 100جنيه


مش عليا غرامات ده المبلغ المذكور وهو مائة جنيه مصرى فقط لا غير غرامة حددتها وزارة المالية لكل من يمتنع عن التعامل بالجنية المصرى المعدنى .. انا قريت الخبر ده من يومين تقريبا النهاردة كنت فى البنك وواقفه فى طابور طول بعرض ما شاء الله لما الناس دى كلها جاية تودع فلوس امال الناس قاعدة تعيط ويقولوا مش لاقيين فلوس ليه .. طلع نصهم رايح يقبض مرتباته والنص التانى هو اللى رايح يعمل ايداع .. المهم واقف قصادى راجل مش كبير اوى ولا صغير اوى ومش طويل اوى ولا قصير اوى وماسك فى ايده لفه ورق افتكرتها فى البداية كيس لب جايبة يتسلى فيه لحد ما دورة يجى اه والله ده اللى جه فى بالى لما شوفه بيطلع اللفة الورق دى من جيبه ... وفى ايده التانية ماسك شوية فلوس ورق فئة الخمسون جنيه ... وجه دور الراجل ويروح مطلع اللفه الورق ويديها لموظف البنك قاله ايه ده ؟؟؟ انا مش باخد العملة المعدنية مع انه هو كان لسه مدى واحد جنيه معدنى قبلها بدقيقة واحدة .. ولما الراجل قاله دى عمله بلد يا بيه ازاى مش تتعامل بيها قاله انا ماليش دعوة
الراجل : يعنى لما البنك مش يتعامل بعملة البلد مين اللى يتعامل بيها هى مش طالعه من عندكو برضه
الموظف : دى تعليمات انا مباخدش الفلوس دى وخلصنا بقى
الراجل : يا بيه دى فلوس مدرسة يعنى انا اشرب 150 جنيه عملة معدنية اعمل بيها ايه ؟؟
الموظف : اللى عليه الدور
الراجل يعنى ايه اللى عليه الدور انت مش محترمنى .. انا بقولك ان انا راجل بشتغل فى مدرسة ودى مصاريف مدرسية العيال بيجو يدفعوا الفلوس وبيجيبوا فها جنيهات معدنية اقولهم لاء ؟؟
زميل موظف البنك اللى جنبه يرفع النضارة من على منخايره ويجعر بعلو صوته والمصحف الشريف دى فلوس مكافأة بطلوا كدب بقى
هى فلوس المكفأة بيبقى بيجى فيها جنيهات معدنية .
راجل كوبارة واقف ورا الراجل بتاع العملة المعدنية : انا عايز افهم لما انتوا مش بتاخدوا الفلوس دى مصنعينها ليه ؟؟ هو الشعب ناقص توهان وبؤس مصنعين فلوس ورافضين تتعاملوا بيها الناس لغلابة ذنبها ايه ؟؟
تشجعت انا بقى : بقولك ايه يا عمو انت تلف الفلوس دى وتاخد بعضك وتطلع على امن الدولة وزارة المالية ناشرة بتقول اللى يرفض التعامل بالجنية المعدنى هيدفع غرامة 100جنيه شوف انت بقى معاك كام جنيه وهتدفع الموظف ده كام 100جنيه عليهم .. ده ممكن يبيع بيته
الموظف : ما تخلصونا يا اخوانا الست اللى قبلى اديت له الدفتر وهو انشغل فى عمل الايداع ليها
الراجل وقف يترجى فيه شوية يا بيه انا اعمل ايه فى المبلغ ده كله والتانى مديله الطرشة فى الآخر راح واخد بعضه ورايح لمدير البنك
رجع قاله مدير البنك بيقولك خد منهم 50جنيه والباقى ربنا يعوض عليا فيه
انا : ياعم الحاج ما قولت لك تاخد بعضك وتطلع على امن الدولة والله انا لو مكانك اعمل كدا انت عايز تمشى وفى جيبك 100جنيه معدن ولما ابنك يطلب منك فلوس يركب مواصلات تعطيه صره من الدنانير
الموظف ساب اللى فى ايده وبص لى شذراً : مش احسن ما يديله جنيه مرسوم عليه قلب وسهمين ومكتوب عليه حب فور ايفر
الناس انفجرت ضاحة وانا طبعا تنحت لانى حسيت بالاهانة
وراح باصص للراجل قاله بص انا مش ها اخد منك غير 20جنيه
الراجل وقف يتحايل ويقوله يابيه المدير يقول 50 وانت تقولى 20 وانا اصلا معايا 150 حسبى الله ونعم الوكيل
انا : يا سيدى ما اان قولت لك الحل انت تروح تبلغ والله ما جايبنا لورا غير التخاذل بتاع الناس ده
واحد واقف فى اخر الصف : يا ابلة الله لا يسيئك ده مش بعيد لو راح هناك يتعلق .. يا ستى انا كنت بشترى الجرنان والراجل بديله جنيه من الملعون ده مش رضى ياخده ولما قولت له هعملك محضر وتدفع غرامة 100 جنيه شتمنى
جه دورى ودخلت اعمل الايداع الموظف بص لى بصة عمرى ما هسامحه عليها ابدا فين الدفتر بتاعك يا شاطرة ؟؟ شاطرة اخصص انا خلصت مدرسة من زمان .. ما علينا انا مش معايا دفتر ... امال جاية تعملى ايه ؟؟ جاية تقوى الناس على بعضها وتقولى لهم روحوا امن الدولة ؟؟ مش علموكى لما تكونى فى مكان وفى ناس كبيرة بتتكلم تسكتى انتى خالص ؟؟ ناس كبيرة وشاطرة ؟؟ والله انا كبيرة يا سيدى مش صغيرة بس اعمل ايه انا بفعل الطبيعة ؟؟ خد يا سيدى الفيزا كارت ؟؟ انا مش عايزة فيزا كارت انا عايز رقم الحساب ولو مش حافظاه تعالى بكرة ... لالالالالالالالا ازاى حافظاه واوعى تقولى الفلوس دى مش تنفع وغيريها ... قالى ازاى ؟؟ علشان تطلعى على امن الدولة .. الله لما انتوا قلقانين من امن الدولة مش بتمشوا الراجل ليه
اللى انا عايزة افهمه بقى .. لما هو فى قانون لتغريم اللى بيعترض يتعامل بالعملة المعدنية الناس ليه بتتخاذل ومش بتروح تشتكى وبيفترضوا انهم لو اشتكو مش حد هيعمل لهم حاجه ؟؟ امال هو القانون نازل ليه ؟؟
مدونتى بقى محجوبة فى الامارات ليه ؟؟
امبارح ساره بتقولى انا مش لاقيه مدونتك شكلها اتسرقت .. يابنتى مش اتسرقت ماهى مفتوحة قدامى اهيه .. وبعدين من قلة المدونات هيسرقوا مدونتى .. قالت والله مش بتفتح عندى اعمل انا ايه بقى ؟؟ قولت لها يبقى النت بتاعك فكسان .. الا اتفاجأ بكومنت الصبح من انجل بتقولى فيه ان مدونتى محجوبة فى الامارات وانها دخلت ببروكسى ... يبقى تتحجب فى الامارات ليه ؟؟ وايه المغزى من حجبها بعد بوست انقلاب عبدالناصر وعصابته ده ايه البركة اللى حلت على البلوج دى ؟

Comments

تحية طيبة لكِ يا قطة :)
ـــــــــــــ
ااااه زمن طويل لم أعلق أو حتى أكتب تعليق لأى كائن من يكون بالرغم من متابعتى لكافة المدونات..
المهم
موقف هذا الرجل شبيه بموقف حدث منذ يومان تقريباً ولكن فى محل وليس ببنك يتبع (للدولة) أن فتاة ما ذهبت إلى المحل تشترى مياه غازية ونصف المبلغ كان عملة معدنية من الجديدة،ورفض البائع أخذ تلك العملة بحجة أنها غير متداولة وأنه لا أحد يرغب فى أخذها كباقى أو كفكة للنقود،وبعد محايلة شديدة من الفتاة الصغيرة للبائع أخذهم منها .بعدها كانت هى معى وحدثتنى عن هذا الموقف فقلت لها كيف له أن يرفض تلك العملة،إن رفضها فلكِ الحق فى التبليغ عنه فوراً ومن ثم تتحول هذه القضية إلى قضية أمن دولة لأنه يرفض تداول عملة الدولة القومية.
وهذا حقها وحق الجميع...
غالباً ما كانت تحدث مثل هذه الأمور مع سائقى السيارات فهم عادة يحتجون على شكل العملة التى يعطيها له الراكب بحجج شتى..
ــــــــــ
وهذا ليس بجديد علينا لكن ماهو جديد ومستفز رفض البنك لمثل هذه العملات،فهذا بمثابة خرق للقوانين،لكنهم هنا يأتون على الغلابة ليس إلا أما إن كانت عملة ورقية من فئة ال200 جنيه التى هبطت علينا فجأة لم يكن ليجرؤ على معاملة الرجل هكذا،وللرجل الحق فى رفع قضية على البنك بأكمله وليس الموظف وحسب لأن الموظف خاضع للقوانين والروتين الذى يفرضه عليه البنك...
ــــــــــــــــ
هذا بشأن التدوينة وإن كنت لم أتكلم بإتساع أكثر حتى لا أطيل عليكِ.أما بشأن حسابك على موقع الـــface book
بالرغم من إختلافى معكِ فى كثير مما تقوليه وبعض آرائك وإن لم أعلق عليها أو أعلن إختلافى هذا معكِ إلا إننى ضد أى حجب وقمع لحرية أى إنسان فى قول ما يرغب قوله مهما يكون..
فلا حق لأى مخلوق أن يحد من حرية أى شخص -مادام لم يعتدى على حرية الآخرين-وإشكالية حجب أو إغلاق حسابك على الموقع حتى من دون سابق إنذار فهو أمر لا يليق بحرية العقل والإنسان
عذراً للإطالة...
خالص تحياتى؛
متابع يحذر said…
الموضوع اكبر مما يبدو للوهلة الأولى
دار سك النفود التابعه للحكومه تصدر العمله
البنوك الخاضعه لرقابة الحكومه ترفض التعامل بها
وزارة الماليه تشد فى شعرها
اليس هذا عرض لمرض حذر منه بعض بعيدى النظر وهو تفكك الدوله
تفكك الدوله تفكك الدوله
وهو يبدا بهذه التشققات فى جدار البناء ويتسع مع الزمن الى ان ان ينهار فى النهايه
وتسكنه خفافيش الظلام
أبنوسة said…
قطقوطه

صباحك خير

ياما تعيش ياما تشوف

غرامات لاشياء غريبه

سبحان الله

تعرفي الحكومه المصريه ذي السودانيه في اشياء كثيره

والصفه المشتركه هي الديكتاتوريه

ربنا يعينا عليهم

صافي الود
متابع said…
ماذا تقولين
فى وجود كل هذه الأنواع من المدارس؟
مدارس حكوميه عربى وحكوميه لغات وخاصه من كل شكل ولون الى ان وصلنا للمدارس الأزهريه الخاصه
كبيزنس مضمون كل ما عليك هو صوره فى اعلان لأطفال محجبات
وهناك مدارس للدبلومه الأميركيه للناس الشيك القادرين
وهل بعد ذلك ستنتج هذه المدارس شعبا واحدا ام شعوبا مختلفه
هذا ايضا مظهر خطير لتفكك الدوله سنرى نتائجه بعد فتره
متابع said…
من مظاهر تفكك الدوله
موضوع مياه الشرب المعباه فى زجاجات بلاستيكيه ومشهوره بالمياه المعدنيه
ماخقيقة مصدر هذه المياه
ومدى نظافتها
هذه مياه من الحنفيات تمرر على بعض الفلاتر او لا تمرر
وتعبا فى زجاجات بلاستيكيه عليها محاذير صحيه فى العالم المتحضر
فهل تذهب لجان تفتيش الى مصانع تعبئة هذه المياه وتعلن للناس حقيقتها؟
ابدا
لأن هناك من يربح من وراءها الملايين
ومن وراءه من يتقاضى رشاوى ليسكت عن هذه المهزله
لماذا لا تصدر الحكومه بيانا بحقيقة ومدى صحية هذه المياه ثم تغلق اى مصنع منها ضار بالصحه
من يجيب
سمراء said…
مقيش ثرار واحد اتابع او اتفعل غير حزام الامان بتاع العربيات
حتي الغرامات بتاعة المترو مبقتش بتتعمل
والحقيقة ان المترو حتي فترة قريبة كان فية التزام بنظافته
والحزام مازال الناس بتلبسه
وهيبطلوا طبعا بعد ما تبطل الحكومة تعمل غرامات

سمراء
فيه تخاذل حقيقي مننا فعلا في البحث عن حقوقنا
بالصدفه قبل ما اجي اعلق هنا كتبت بوست عن عودتي من امتحانات الثانوية العامه و كن فيها ايضا حالة تخاذل في طلب حقوقنا هناك من المدرسين
malika said…
تصدقي انا دمي اتحرق و انا بقرأ النوت بتاعتك بجد انا مش عارفه هي الناس ليه مصره تتذل و ما تخدش حقها بالقوة بالرغم من انهم شايفين ان الي عارفه حقه و بيدافع عنه ما حدش بيدوس له على طرف بجد الموضوع ده غيظني جدا
ابو على said…
شغاله معانا الفلوس دى بس عيبها انها بتقع حتى انا واقع منى اتنين جنيه بحق الله من جيب البنطلون
حسبى الله ونعم الوكيل ف اللى خدهم
متابع said…
وانظرى لحكاية التقليد الغبى للأخرين فى موضوع حزام الأمان
هذا الحزام
هو لجماية السائق لو حدثت حادثه يكون فيها تصادم بالمواجهه وليس لكل الحوادث اى انه فى مصلحة السائق
ولا يجب ان تحصل عليه غرامات
لأن الخكومه ليست احن على الراكب من نفسه
ولا تحصل عليه غرامات فى دوله تنقذ القوانين بصرامه مثل الولايات المتحده
يعملوا هنا عليه مشكله ويتدخلون فى ما يعتبر من اختيار السائق ويتركون الأستهتار فى القياده وعمل مايعرف بالغرز
وعشرات السلوكيات التى تسبب فعلا الحوادث
ومخدرات السائقبن او حالتهم الصحيه وعربيات السياحه المعيبه التى تنشر اسوا دعايه لنا فى الخارج لكثرة حوادثها وكذلك الطرق المعيبه او التى لا لافتات عليها...الخ
هو حكاية الحزام دى مثال جيد على سد الخانه واسمهم بيعملوا حاجه وخلاص
عقلية الموظف فى دوله تتفكك
Anonymous said…
فضائح
تستحق تدوينه
مازن عبد الجواد شاب سعودى
مطلق روى لقناة البى سى اللبنانيه
كل ما يدور خلف ابواب مغلقه
من علاقات جنسيه
فى برنامج خط احمر فقامت القيامه فى مملكة الفضيله ولم تقعد
والحوار على يوتيوب
حتى الامارات حجبت مدونتك


فعلا شعب لا يحترم حرية الرأي
dr.lecter said…
الله الله انت بقيتي علي البلاك ليست ولا ايه يحنان؟

عامه لو رايحه لامن الدوله ابقي قولي لي علشان عندي مفاجاه ظريفه لهم ونفسي من زمان اروح لهم بنفسي
ده احنا هنضحك ضحك

الجنيه المعدن فعلا واحد صاحبي معاه صره شايلها فيها حواللي 70 جنيه معدن علشان المواصلات بجد

انا باطالب فعلا بتوقيع غرامه علي اللي مش ياتعامل بالعمله دي
بس ياتري لما اروح ادفع مقدم شقه ولا تذكره سينما اديهم دنانير؟

اما بوستك اللي فات

فلا تعليق كويس اني ماقلتش كل حاجه عندي علشان انا شايسل كتيير اوي من المنفوخين بالثوره الممزعومه
Anonymous said…
خكى الشاب السعودى فى برنامج خط اخمر ما يحدث خلف الأبواب المغلقه فى المجتمعات المغلقه
والعجيب ان كباتن الفضائيات المموله من اموال الجاز يحاولون بشكل يدعو للرثاء ويجعرون عن الأختلاط
وهو ليس مشكله مصريه لأن الفلاحه المصريه تعمل الى جوار زوجها منذ قرون
ولايمكن ان تعود الساعه للوراء الى عصر الحرمللك
وبوالى المجتمع المغلق
ومع ذلك بدانا نسمع عن افراح بدويه تمنع الأهتلاط مستورده من المجتمعات المغلقه
ويكفى ان تطلق عليها افراح اسلاميه لتروج الفكره بين السذج
متابع يحذر said…
من مظاهر تفكك الدوله
انتشار المحسوبيه
واقراوا هذا الخبر
استثناء أبناء أصحاب النفوذ من قواعد التحويل بين الگليات

في إجراء غريب وبعد انتهاء العام الجامعي، وافق المجلس الأعلي للجامعات علي استثناء عدد من الطلاب من شروط وقواعد التحويل بين الكليات. قرر المجلس في اجتماعه برئاسة د.هاني هلال وزير التعليم العالي الموافقة علي تحويل ستة طلاب وطالبتين الي كليات مناظرة بجامعات القاهرة وعين شمس والإسكندرية والزقازيق وأسيوط وجنوب الوادي وطنطا.
متابع يحذر said…
مظاهر تفكك الدوله والخيبه القويه لا تنتهى
أبراج المعادي وجهات أخري تجتهد الأجهزة المختصة في هدمها حتي الأرض بعد أن استمرت قائمة شامخة مددا طويلة تقدر بالسنوات وذلك لأنها مخالفة للقوانين
كم من الملايين أنفقت في البناء؟ وكم من الملايين تنفق في الهدم؟ وما حجم المواد الغالية التي استخدمت ليرتفع البرج ثم يصبح قمامة بعد الهدم دون الاستفادة بها؟، وكم هي ساعات العمل التي بذلت للبناء وكم هي ساعات العمل التي تبذل في الهدم؟ والله هذا حرام يدل علي أشياء كثيرة تجعل من المالك الذي لم يطبق القانون ليس هو المسئول الأول والوحيد عن الخطأ الذي تم إذ أين كانت الأجهزة المختصة بمثل هذه الأمور أثناء عملية البناء وهل يلحقهم الجزاء والمؤاخذة بل يكتفي بهدم ما تم بناؤه تحت نظرهم يوما بعد يوم وهم لا يحركون ساكنا ويقولون في الأمثال «السكوت علامة الرضاء» فهل رضوا بما كان يتم أمامهم من مخالفات؟ ولماذا كان هذا الرضاء؟ موضوع البناء والهدم يتم علي مساحات واسعة في المحروسة بما في ذلك المباني التي تتم في الأراضي الزراعية المحرم البناء فيها والتي تلتهم أراضينا التي تساهم في حل أزماتنا الغذائية، والمدهش أن المخالفات تتم تحت رؤية ونظر المسئولين الذين يقومون بعد ذلك بالهدم وصدقوني إذا قلت إن مجرد هدم المباني المخالفة ليس هو الحل الذي يمنع تبديد الجهد والمال والمواد، القضية أكبر من ذلك بكثير تحتاج إلي دراسة حتي يكون العلاج شاملا..
متابع said…
مظاهر تفكك الدوله
مدرس الفيوم الذى كشف فى برنامج العاشره مساء الخلل فى اداره تعليميه فى الفيوم بمنتهى الشجاعه والضمير الحى فعاقبه المحافظ بنقله وعدم ترقيته مع ان المحافظ استاذ جامعى اصلا
على فكرة

فعلا السبب فى دة هو تخاذل الناس مش اكتر

كان فيه سواق ميكروباس وواحد اداله اجرته ورقه ماليه مقطعه ومبهدله خالص

ومش باين منها الا الرقم بس

طبعا السواق رفض ياخدها

صاحبنا دة اخد اسم السواق ولا رقم عربيته باين وراح اشتكاة

ومقولكيش على اللى اتعمل فى السواق

اللى يعرفوة قالوا انه لما رجع بالسلامه شخط فى التباع بتاعه وقاله يابن التييييييت اى حد يديك فلوس خدها منه ولو كانت مقطعه

مش ناقصين وجع دماغ


:D
متابع said…
تفكك الدوله يكتب عنه بعدنا الكاتب البريطانى المشهور روبرت
فيسك
فى صحيفة الأندبندنت
العار الحقيقي لمصر لا يتعلق بردها على مذبحة غزة بل في فسادها، الفساد الذي دخل في تلافيف المجتمع المصري حيث لم تعد الصحة ولا الضمان الاجتماعي ولا التعليم للسكان العاديين متوفرة. فقد اصبحت مصر ارضا مهمة الامن الاولى فيها هي حماية النظام.

واشار الى انتهاكات الشرطة للمحتجين الذين يتعرضون لهم بالضرب والانتهاك الجنسي حيث يجبر السجناء في سجون السلطة التي اسماها (تورا بورا) على انتهاك بعضهم البعض.

وتحدث عن الفهم الديني السطحي للاسلام من عمال الخدمة المدنية ومؤسسات الدولة التي يترك فيها الاطباء مرضاهم للصلاة في رمضان او يتسامحون مع الانتخابات المزورة والتعذيب.

وفوق هذا فان الاهمال في تحسين البنية التحتية والذبح اليومي للسكان بسبب انهيار المباني وانتشار الامراض يفوق التصور وكل هذا بسبب الفساد واساءة استخدام السلطة.
Anonymous said…
نهدى هذه القصه لبعض نسائنا المغيبات عاشقات تقليد عادات بدويه متخلفه يثور عليها اهلها انفسهم
قالت الكاتبة والشاعرة السعودية حليمة مظفر إن "

الإسلام ليبرالي في أساسه"، وإن كشف وجه المرأة

جائز، وهو الرأي الذي عليه الأئمة الثلاثة، مؤكدةً

أن كشفها لوجها جاء بـ"قرار شخصي" وأن

أسرتها تفهمت قرارها.

جاء ذلك أثناء استضافة الزميل تركي الدخيل لها

ضمن برنامج "إضاءات" على قناة العربية والذي

سيبث يوم الجمعة 31-7-2009 في الساعة

الثانية مساءً بتوقيت السعودية ويعاد بثه منتصف

ليل السبت.

وتحدثت حليمة مظفر عن ملابسات "حريق نادي

الجوف الأدبي"، نافية أن تكون تلقّت هي شخصياً

التهديدات، وقالت إن التهديدات وصلت للنادي

مباشرةً، أما عن مضمون الإيميلات التي تأتيها

فقالت إنها مليئة بالأدعية البشعة.

وعزت مظفر سبب حريق نادي الجوف إلى وجودها

في الأمسية، كما وصفت حرق النادي الأدبي بـ"

العمل الإرهابي"، كما قالت: "عندما قراتُ نصوصي

في الصالة المستقلة كانوا يحركون الكراسي

ويفتحون عبر جوالاتهم أصوات القرآن".

كما استنكرت حليمة مظفر الاتهامات التي طالت

بعض الكاتبات السعوديات عبر موقع إلكتروني

بإقامة سهرات حمراء، واصفةً تلك الاتهامات بـ"

الأمر المقرف".

وفي سياق نقدها للرواية في السعودية، قالت مظفر

إن الجنس في الرواية السعودية استخدم للإثارة

ولكسب المبيعات، وإن الجنس يجب أن يستخدم

لخدمة السرد، مؤكدة أن بعض الروايات تشبه

الصور الإباحية، منتقدةً رواية "بنات الرياض" التي

لم تضف سوى نقل الواقع إلى الورق -حسب

تعبيرها- كما وصفت رواية "بنات الرياض" بأنها

"سيرة جنسية" وبأنها عمل فني ضعيف.
Anonymous said…
المجاهدون البواسل سكان الجنه
يقجرون سيارات امام المساجد الشيعيه فى بغداد قيقتل بعد صلاة الجمعه العشرات
ونلوم الغير ان تحدث عن الأسلام والمسلمين بما لا يرضينا
متابع said…
قطه
هذه جريمه تستحق تدوينه
القاهره تاكل مزروعات مرويه من مياه المجارى
18 مليون مواطن
يأكل العديد من سكان العاصمة المصرية، القاهرة، خضروات من مزارع مجاورة يتم ريها بمياه المجاري التي تضم مخلفات الصرف الصحي لملايين البيوت في احياء المدينة.

وكشفت صحيفة «المصري اليوم» في أمس الخميس ان مزارعين في منطقة الصف جنوب القاهرة يلجأون الى سقي مزارعهم مباشرة من مياه الصرف الصحى قبل معالجتها كيميائيا في محطة مجاورة.

وقالت الصحيفة إن المزارع التي تصل مساحتها الى ٨ آلاف فدان مزروعة بمختلف أصناف المحاصيل الحقلية والخضروات كالطماطم والبطاطس والبصل التي تورد الى اسواق العاصمة التي يسكنها 18 مليون نسمة يوميا.

ووفقا لتقرير من معهد بحوث الأراضى والمياه والبيئة التابع لوزارة الزراعة، فإن المياه المستخدمة تحتوي على انواع عديدة من البكتيريا والطفيليات المسببة لأمراض خطيرة.

ونقلت الصحيفة عن مزارعين في المنطقة انهم لا يستخدمون اسمدة كيميائية او مبيدات حشرية في مزارعهم لان المياه كفيلة بالقيام بعملها.
Anonymous said…
عندما سجتمع الهوس الدينى مع الأجرامنرى امثله كثيره من بن لادن للزرقاوى لقاتل مروه وهذه احدث قصه
أقدم مزارع هندي على قطع رأس طفلة في

الخامسة من العمر حتى ترضى عنه الآلهة وتنعم

عليه بصبي.

وذكرت صحيفة "تايمز أوف إنديا" الهندية ان

الشرطة ألقت القبض على المزارع وعلى رجل يزعم

انه يعمل في خدمة الله وأحد شركائه فور انكشاف

ما حصل مساء أمس الثلاثاء.

ودعت الشرطة إلى اعتبار ما حصل جريمة قتل

جماعي،وسارعت لتطبيق الإجراءات القانونية بحق

المتهمين.

وكشفت الشرطة ان اسم الطفلة "فاندانا" وهي ابنة

غايا براساد من بلدة مورديا هيمسين.

وقال والدا الفتاة انها اختفت في ساعات الصباح

الأولى أمس وعثر عليها في مزرعة رام نواس

مقطوعة الرأس وبقربها بعض البخور المحروق

والأزهار والزيت وغيرها من الأشياء المستخدمة

في طقوس دينية.

وساعد زوج من الأحذية في العثور على الرجل

الذي ضحى بالطفلة فيما كان يحاول الفرار من

البلدة مع قريبه رام نواس، واعترفا بالجريمة

وكشفا ان شخصاً آخر متورط أيضاً.
متابع said…
اعترافات ارهابى سابق
تمت محاكمة حبيب في قضية اغتيال السادات التي عرفت وقتها بقضية الاغتيالات الكبرى ضمن مئات من الناشطين الإسلاميين الذين تورطوا في تنظيمات العنف المتطرف،
وصدر الحكم القضائي على كمال حبيب وقتها بالسجن عشر سنوات، وقضى فترة السجن في مراجعة أفكاره الجهادية وحصل على الماجستير في العلوم السياسية ثم الدكتوراة حول "الأقليات في المجتمعات الإسلامية"، وقاد العديد من المراجعات الفكرية الخاصة بالعمل الجهادي قبل أن تقوم الجماعة الإسلامية فيما بعد بالمراجعات الفكرية الخاصة بها في أواخر التسعينيات.

وقال حبيب إن الحركات الإسلامية الجهادية أخطأت عندما فهمت أن الخروج على الحاكم يكون بالسيف فقط، بينما الخبرة العملية طوال التاريخ الإسلامي أثبتت أن الخروج بالسيف أو العنف يؤدي إلى فتن وشرور أكبر بكثير من الأسباب التي تدعو للخروج في الأصل، ولكن المشكلة -والكلام ما زال لحبيب- أن التنظيمات العنيفة تعاني من القسوة وتصلب الرأي في مواجهة الاختلاف، كما أن الحركات الإسلامية الجهادية تنفصل عن الواقع ولا تنظر لما يحدث حولها في العالم من متغيرات، وتصر على تقديم تفسيرات جامدة وغير منطقية للأحداث.
متابع said…
اسمعوا جيدا ايها المخدوعين ما يقوله كمال حبيب فى برنامج صناعة الموت على العربيه نت وهو قائد سابق فى نظيم
الجهاد الأجرامى
باسم الدين
التنظيمات العنيفة تعاني من القسوة وتصلب الرأي

في مواجهة الاختلاف، كما أن الحركات الإسلامية

الجهادية تنفصل عن الواقع ولا تنظر لما يحدث

حولها في العالم من متغيرات، وتصر على تقديم

تفسيرات جامدة وغير منطقي
Desert cat said…
مذكرات كشكول المورق
قرائتك المدونة شرف مش لازم تعلقى
اما عن امتناع تداول العملة المعدنية فلا زال مستمر حتى بعد صدور القانون لان الناس للاسف مش بتتمسك بالمطالبة بحقها يعنى فى تخاذل
اما اللى جرى لى فى الفيسبوك ولا كان على بالى فدى مكيدة اتدبرت لى انا وفانتازيا من بعض الجهلاء لكن مش حيستمر كتير وهترجع الاكونتات بتاعتنا تانى لاننا راسلنا ادارة الفيسبوك وفمهناهم اللى حصل
اشكرك جدا
خالص تحياتى
Desert cat said…
متابع يحذر
يعنى لالى نفسه افهمه ليه مش يكون فى تنسيق بين الجهات المعنية ولا هو توهان المواطن ده مزاج
ربنا يستر من حالة التفكك
Desert cat said…
أبنوسة
ابنوسة صباحك جورى
بصى هو قرار العملة المعدنية فى حد ذاته كان خطأ لكن طالما نزلت ليه الناس تمتنع عن التداول بيها اذا كانت عملة بلد
ربنا يعينا فعلا عليهم
تحياتى ليكى
Desert cat said…
متابع
اه والناس تفتخر بانها مدخلة عايلها مدارس اسلامية والعيال تخرج من المدارس بعد الضهر يحدفوا اللى فى مدارس حكومية بالطوب وده اللى اتعلموه جوا المدرسة
Desert cat said…
متابع
قريت خبر من فترة بعيدة ان المياه المعدنية دى مش جوفية ولا بتنجان انما دى من مخلفات تعبئة الكوكا والبيبسى حتى اللى كتب الخبر كان بيقول علشان تتاكد لو شميت المياه وانت بتشربها هتلاقيها ريحتها بيبسى خالص
:))
والله الكلام ده بجد مش هزار
Desert cat said…
سمراء
ااااااااه ن المترو حدث ولا حرج فى محطة مترو الزراعة كنت واقفه وعمو واقف ياكل لب عادى وانا ابص على مخبر بلاش امين شرطة يقفش الراجل ده لاقيتهم قاعدين فى جنب لابسين زى الملايكة الابيض وعمال يهرجو
Desert cat said…
ذو النون المصري
شوفت البوست واتضايقت كتير لما ناس المفروض انهم مربين اجيال يسيبوا حقهم سابوا ايه للناس التانية بس احييك فعلا على موقفك
تحياتى
Desert cat said…
malika
انا شخصيا اتضايقت من الراجل وانا قاعدة اقوله ياعم خد جنيهاتك فى ايدك وروح اعمل محضر وده واقف يتذلل لموظف البنك انا عارفه انها تعليمات بس لو كان عمل المحضر كانت التعليمات دى اتلغت وكان اى حد بقى عارف انه لو اعترض المواطن عارف حقه وهيقدر يتصرف

تحياتى
Desert cat said…
ابو على
انا معايا 2 جنيه من يجى 6 شهور كدا ومش عارفه اصرفهم تاخدهم تصرفهم لى ؟؟
ايه ده انت بتقول واقع منك كام ؟؟
والله مش هما خالص اللى معايا والله على ما أقول شهيد
Desert cat said…
متابع
احنا عندنا الناس تموت فى اللى يضرها
يعنى لو قولت له حزام الامان ده لو استخدمته ممكن كل ساعه تعمل حادثة وينتهى اجلك ومش عايز تستخدمه انت حر هتلاقى الناس ماشية كلها بيه
موضوع حوادث عربيات نقل السياح دى بقت كتير اوى فى الفترة الاخيرة
الناس بقت بخاف تيجى مصر وبصراحة عندهم حق هيلاقيوها من الارهابولا من العربيات اللى بتتقلب بيهم ولا من التحرش اللى بيطول السائحات
Desert cat said…
Anonymous
وبالرغم برضه من انه اعتذر الا ان هيئة الامر بالمنكر والنهى عن المعروف لازالت فى حالة جدل
ناس تافهه والله
ايوية said…
ازيك ياقطة وحشتينى قوى
حبيبتى فية حجات كتير فى مصر لو فكرنا فيها بعقل هنتعب قوى ودة عن تجربة اتسببتلى فى دخولى المستشفى
حاسبى على نفسك من المرض
Desert cat said…
مواطن مصري
ايوا اصل انا بقيت خطشيرة اوى خالص على الامن الاماراتى
والفيسبوك لغى الاكونت بتاعى ولسه
http://www.youm7.com/News.asp?NewsID=122677

الشيخ يوسف البدرى: معظم الشعب المصرى فاسق وفاجر


مش هتقدري تبطلي ضحك مع البدري شو

هههههههههههههههههههههههههههههههههههههه
Desert cat said…
dr.lecter
انا مش رايحة امن الدولة يا دكتور ربنا يبعدنا عن طريقهم انا بس كنت بدل الراجل على مصلحته
:))
انا معايا 2 جنيه معدن من وقت كتير وفى الحقيقة مش هاين عليا حتى اشيلهم فى المحفظة رمياهم فى درج المكتب لحد ما يجى لهم صاحب نصيبهم اللى يكون بيتعامل بيهم انا همشى ازاى وانا بشخلل كدا كله بالجنيهات المعدن دى
البوست اللى فات اان شوفت ردك عليه وكويس انك مش زودت اصله كان وش السعد عليا
مدونتى اتحجبت والفيسبوك بتاعى اتلغى
ولسه البقية تاتى
Desert cat said…
Anonymous
الشاب اعتذر والجهلاء مصرين على تضخيم الموضوع
الافراح البدوية تحتستار اسلامية دى بقى نكتة الموسم
عندى عليها بوست تحفه لسه هعمله اصلى شوفت بعينى محدش قالى
Desert cat said…
احمد سعيد
ماهو لو كل واحد يطالب بحقه زى اللى خلى السواق يتعلق من قفاه ده
كان زمان الناس دلوقتى ماشية على الصراط
لكن تلاقى الواحد بياخد على قفاه ويقولك يلا معلشى المسامح كريم
Desert cat said…
ايوية
انتى وحشتينى اوى وحاسة انى مفتقداكى بشدة
الف الف سلامة عليكى
نورتى الدنيا من تانى
Desert cat said…
مواطن مصرى
يوسف الفقرى ده هيبقى منه بكرة بقرشين
اخلع انا بقى قبل ما يرفع عليا قضية حسبه

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز