الله يفضحهم دول طلعوا بتوع نسوان

بالرغم من إنى مش ليا فى الكورة ولا من اللى بيعطلوا شغلهم علشان يفضوا نفسهم للماتشات لكنى محتفظة بهويتى اوى وبحب بلدى اوى علشان كد يهمنى عدم طمس هويتها وقلع المصريين من جذورهم بجلب عادات بدوية صحراوية قميئة ... لما مصر بتلعب مع أى فرق خارجية بفرح اوى لما بتكسب وبزعل اوى لما بتخسر لدرجة انى فى الدورى الافريقى خرجت انا وصحابى ولفينا بالعربيات مع الناس اللى كانت بتلف وفرحنا اوى معاهم وكنا بنهتف من قلبنا باسم مصر بمعنى ان اللى بيتكلم او بيلعب بيكون بيلعب باسم مصر كلها وبيتكلم باسم مصر كلها .. المنتخب فرح الناس فى البرازيل ومواجهته مع ايطاليا والناس كلها خرجت الشارع وهتفت وكانوا مستنين امريكا لسبب ما او عدم توفيق من ربنا خسروا المباراة .. المفروض نعلق لهم المشانق ؟؟؟؟

مش دول اللى شرفونا ورافعوا راسنا من كام يوم ؟؟

مش دول اللى عمرو اديب اللى قاعد يجعر فى الفيديو ويقول اصل الملعب كان فيه نجاسة علشان كدا احنا خسرنا قدام امريكا وهانى شاكر متصل يقوله انا بعزيك فى الاخلاق والاخ اللى مقيم فى قطر متصل يقول البقاء لله ..عمرو نفسه اشاد بيهم وبكفاءتهم فى الملعب بعد ماتش البرازيل وبعد ماتش ايطاليا فين الشهامة بتاعتة الناس فى وقوفهم جنب المنتخب ؟؟ طيب المنتخب رجالة مش بنات ماشية فى الشارع شباب بيتحرش بيهم علشان الناس تغمض عينيها وتقول البنت هى السبب خارجة من بيتها ليه مش كفاية انها بنت خرجة من بيتها كمان

يعنى ايه جنوب افريقيا علشان يداروا على واقعة السرقة ألفوا إشاعات وقالوا ان اللعيبة جابوا نسوان غرفهم ؟؟ من جمال نسوان جنوب أفريقيا أوى هيجيبوهم غرفهم ؟؟ يعنى بدال ما يحققوا فى جريمة السرقة وفضايحهم قدام العالم يرموا بلاهم على الفريق المصرى ؟؟

انا كنت فاكرة ان اشاعات الشرف بتطلع على جنس حواء بس طلعت كلمة الشرف لبانة سهله تطلع من فم اى انسان عايز ينفى جريمة على نفسه ذلك الشرف الذى لن ينال منه سم زلق مريض يسيل من ألسنة عكرة كصحفى جنوب افريقيا وعمرو اديب اللى قاعد يجعر دون أى دليل مادى ايه عايز يبرء حضرته حرامية جنوب افريقيا .. المبالغ اللى اتسرقت من اللعيبة مش شوية ثم ازاى نسوان هيطلعوا لهم غرفهم دون ان يتم تسجيلهم ؟؟ وفين السكيورتى ؟؟ ايه كانوا ملبسينهم طاقيه الاخفاء ؟؟

Comments

عمرو اديب حرق دم كل واحد مصرى بجد...فضحنا و فضح اللاعيبة من غير أى حاجة...واحد عايز يعمل فرقعة إعلامية و خلاص ...و ميهموش انه بيرمى الناس بالباطل...بجد حرام عليه اللى عمله ده...و الله طعبان عليا اهالى اللاعيبة أوى


حسبى الله
قطة الصحراء
تحياتي ليكي على البوست
واحب افكر كل اللي قالوا الكلام ده على لا عبين منتخب مصر بقول الله سبحانه وتعالى ( يا ايها الذين آمنوا ان جاءكم فاسق بنبأ فتبينوا ان تصيبوا قوماً بجهالة فتصبحوا على ما فعلتم نادمين )
صدق الله العظيم
تقبلي مروري
محمـد البنا
طريق النجاح
ـــــــــــــــــــــ
اتمنى تشرفيي بالزيارة على مدونتى
طريق النجاح
http://tareekelnagah.blogspot.com/
صفا سارة said…
منتهى القرف من عمر اديب امبارح ومفيش اى دليل وبيتكلم وكأنه كان معاهم وشاف البنات بلا قرف اعلامى غبى بجد
وبعدين مباراه وخسروها عادى يعنى الدنيا موقفتش مش هيعملوا مشنقة يبصوا للمكاسب اللى قبل كده
منتهى حرقة الدم منه والاشكال اللى اتصلت تؤيد كلامة هو كمان
dr.lecter said…
ههههههههه

عاوز بس اصحح لك حاجه بسيطه

نسوان جنوب افريقيا فعلا حلوين لانهم اوربيين مش افارقه زي مانت فاكره لان جنوب افريقيا اصلا كانت مستعمره اوربيه فكميه الاجانب فيها كتيير اووي وخصوصا العاهرات


اما اللي حصل فيعني اذا بليتم فاستتروا وكفايه اووي كده
ثضُشق said…
إنتي إتكلمتي عن هويتك. ممكن أعرف إيه الهوية دي؟ و علي أي أساس إخترتيها؟ و ليه؟
شكرا
Anonymous said…
اعتقد ان هناك ما هو اهم من هستيريا الكوره وفرقعات عمرو اديب
باموال النفط
وهؤلاء الناس لا يهمهم بما لديهم من ملايين ماذا يحدث لمصر لأن وطنهم الحقيقى هو الدينار والدرهم والريال ويستطيعون تغيير وطنهم باسهل من تغيير ملابسهم
ولنقرا عينه
من الأخبار
اصيب 18 شخصاً بجروح في اشتباكات وقعت الاثنين بين مسلمين واقباط في قرية بالقرب من مدينة بني سويف (120 كلم جنوب القاهرة).

وقالت مصادر أمنية أن الجرحى هم 11 مسلماً و7 أقباط وقد نقلوا جميعاً إلى المستشفى للعلاج.

وأوضحت المصادر أن الصدامات بدأت قبل ظهر الأحد عندما بدأ شبان مسلمون القاء الحجارة على منزل قس قبطي في قرية عزبة بشرى احتجاجاً على اقامته قداساً داخل المنزل، ثم تجددت الاشتباكات في المساء.
وما كتبته صحفيه فى جريده فى البحرين فاغلقت
عن فضيحة ديمقراطية الأسلاميين فى ايران
حياة said…
مفيش دخان من غير نار وقبل كده فى سوابق للاعبى المنتخب بعد مباراة زامبيا فى سهرة الدقى

تحياتى
Medus said…
اولا كيف حالك ياقطة مصرية(لا احب كلمة قطة الصحراء وياريت تغيرية) الحقيقة انا مكملتش الكليب اللي انت حطاه ومقرتش الموضوع برضة اعذريني انا عندي كلمتين زنقني وعايز اقولهم اولا يا ايها الذين امنوا اذا جاءكم فاسقا بنبأ فتبينوا وحتى لو تبينا مينفعش الكلام دا دلوقت يطلع من ناس بتحب البلد دي وبتحترم رموزها لصالح مين بنقطع في بعض على شاشات التلفزيونات واية الفايدة اظن كلكوا عرفين !!!
مش دا المنتخب اللي خد اتنين امم افريقية وعمل انجاز ادام البرازيل وايطاليا
عيب ياجماعة ومتنكروش ان المنتخب دا وهو بيمثل مصر يعتبر رمز يجب احترامة طالما يحمل علم مصر على صدرة ويعزف له نشيدها
منتخبنا ياسادة لعب منغير اعمدة اساسية واولها زيدان ولعب مبارتين يهدوا الحيل ولو ترجعوا لاحصائيات جري اللاعبين فالملعب هتلاقي اللي جرى 20كم واللي جرى 15كم يعني جهد وبعدين في نتيجة الجزائر وزامبيا وشوفو دي تعمل اية في المعنويات دانا تعبت نفسيا وقولت يارب نخسر من امريكا بس نوصل كاس العالم
مصر كبيرة وهتفضل كبيرة لان جدورها شديدة في تاريخ البشريه ومش محتاجة اللي يدافع عن رموزها حتى ولو كان رقاصة بتمثل مصر في مهرجان رقص دولي اللي بيقول الكلام دا على ولادنا مش مصري ومش منتمي للبلدي وميشرف المصريين انوا ينتمي لهم وشوفوا مين اللي زقه من بلاد الصحرا والجمل والجاز
معلش طولت عليكي
دمتي بخير
تحياتي وللامام
Jannah said…
الله أعلم بصحة الخبر
بس الناس ليش تبني دايما على سوء الظن
نقول هم ما عملوش الى ان يتبين العكس


و بالنسبة لجنوب أفريقيا فعلا مثل ما قال DR LECTER
فيهم شقر طبعا
و الا العنصرية اللي كانت هناك كانت بين من و من طيب ؟
:D
جنوب افريقيا فيها ناس من أصل أوروبي و كذلك زيمبابوي و سيراليون
Anonymous said…
عوده الى هؤلاء الشباب البائس فى افقر محافظات مصر بنى سويف...انهم غالبا يعانون الفقر والبطاله وسوء التعليم وسوء التوجيه من شيوخ متخلفين
جهلاء ختى بروح دينهم اقنعوهم انهم يكسبون ثواب الدنيا والآخره اذا اعترضوا على شخص يصلبى لله فى بيته
بطريقته
وحسب معتقده
...هؤلاء الشباب الذين يضلون الطريق الى الله خم انفسهم الذين يضلون الطريق فى البحار الى المحهول فى مجموعات الهجره الى اى ساحل
من اى مله او معتقد
Anonymous said…
سؤال مخيرنى
هل سمعتم عن امه نهضت بالكوره؟
واليست الكوره رياضه نكسب يوم ونخسر يوم؟
لماذا انخرفت وتحولت الى مسخ وسبوبه ومرض وهستيريا
اميركا اكبر دوله ليست من افضل الدول فى الكوره بل ان اللعبه لا شعبية لها هناك بالمره لأن عندهم الفوتبول الأميركى وهى لعبه مختلفه تماما
هل اجد اجابه؟
ثم لماذا نجلب المدلاربين ونمنحهم كل هذه الدولارات اليس الجدى جلب خبراء فى الصناعه لعلاج تخلف صناعاتنما والأعتماد فى كل شىء على الصينى المستورد
وهل هذه الهستيريا تنم عن شعب رياضى ؟ابدا
نحن شعب نكتفى بالفرجه ولا نمارس الرياضه
وكل الضجيج حول عشرات ممن يلعبون اما الشعب فهو مجرد متفرج امام التيلفزيون
karim said…
احنا احسن ناس تهييص مع الهيصة من غير اى دليل هما دوول المصرييين, سواء هيصة فرحة او حزن او غضب
Anonymous said…
اول شهيده ضد مهانة المراه باسم السلطه الدينيه فى ايران
اعتقد ان الوقت ليس وقت حديث عن الكوره وخزعبلات عمرو اديب
بينما تسقط نساء وفتيات صرعى برصاص
نظام الحكم باسم السماء
المراه فى مقدمة الصفوف ضد ما اصابها واصاب المجتمع من مهانه على يد المتاجرين بالدين من اجل السلطه
اسمها ندى وتحدت
من اراد وأدها تحت جبال من القماش
وسارت فى المظاهرات احتجاجا على المعانه وطلبا للكرامة
فانطلقت الرصاصات لتسقط على الأرض ويندفع الدم من جانب فمها الأيمن
ثم تسلم الروخ
لتكون اول شهيده
ضد كل اشكال الدجل السياسى والقمع باسم الدين
ما راى نسائنا عاشقات المذله عندما يسمعن هذا
Anonymous said…
الأستبداد باسم السماء هو الأستبداد فى كل زمان ومكان...عندما ينكشف المستور وتثور الجماهير يقولون انه تدخل خارجى
هذه المره من بريطانيا
ويقومون بحركه تمثيليه معاده ومكرره فيطردون دبلوماسببن بريطانيين
وعندما سال السفير فى طهران ماذا فعلوا لكى تطردوهم لم يتلقى اى اجابه
طبعا مجرد حجه
من امتى يستطيع دبلزماسى اجنبى تحريك الملايين من الشعب ليحتجوا وليسقط منهم الشهداء
وانما هى نفسها حيل الأستبداد
Anonymous said…
الأستبداد باسم السماء هو الأستبداد فى كل زمان ومكان...عندما ينكشف المستور وتثور الجماهير يقولون انه تدخل خارجى
هذه المره من بريطانيا
ويقومون بحركه تمثيليه معاده ومكرره فيطردون دبلوماسببن بريطانيين
وعندما سال السفير فى طهران ماذا فعلوا لكى تطردوهم لم يتلقى اى اجابه
طبعا مجرد حجه
من امتى يستطيع دبلزماسى اجنبى تحريك الملايين من الشعب ليحتجوا وليسقط منهم الشهداء
وانما هى نفسها حيل الأستبداد
Desert cat said…
انا ودماغي
انا مش عارفه ايه الفرقعة الاعلامية الى على شرف الناس دى
وزعلان ان حسن شحاته قاله الله يخرب بيتكم
Desert cat said…
MOHAMMED ELBANNA
الحمد لله ربنا بين براءئتهم
وكل واحد اتكلم عليهم بقى منظره زباله اوى الحقيقه
Desert cat said…
صفا سارة
انا مش بقى مش غاظنى غير الناس اللى ركبت الموجة زى هانى شاكر والاشخاص التانية
وهانى يقولك يكشفوا على اللعيبة اهم اللعيبة رفعوا بلاغ للنائب العام ضده وضد عمرو اديب
خليه يشرب بقى
Desert cat said…
dr.lecter

إيه ده انت متأكد إنك بتتكلم على جنوب افريقيا
ههههههههههههه
اصل النزاع العرقى والعنصرى
بين الأقلية البيضاء والأكثرية السوداء شغل حيزاً كبيراً من تاريخ البلاد وصراع طويل جدا بين الأغلبية السوداء ومجموعات مناهضة للعنصرية حتى عام 1990

معلشى بقى جت اوت معاك
Desert cat said…
ثضُشق
هويتى هى وطنيتى وعشقى لتراب بلدى من ادناها لاقصاها
هى محافظتى على بلدى من اى شخص فاقد لهويته واصله وجذوره وعايز يجى يدمرها بعادات صحراوية لا تنتمى لها بصله
الهوية ليست جنسية مكتوبة فى ورقة ولكنها انتماء حقيقى بكل ما تملك من نقطة دم
Desert cat said…
Anonymous
ماهو تقريبا الصلاة دلوقتى بقت حكر
والى عايز يصلى فى بيته لازم له اذن من العيال اللى ماشية فى الشارع
Desert cat said…
حياة

اهى طلعت دخان من غير نار

وعمرو اديب اعتذر بخلاف انه هيتقدم للمحاكمه كمان
Desert cat said…
Medus
انا كويسه اوى ميدوس الحمد لله
كيفك انت
ان شاء الله تكون بخير
انا متفقه مع كل كلامك بخصوص البوست
اما بخصوص الحياة الزوجية فالف مبروك وبالرفاء والبنين ياباشا
Desert cat said…
Jannah

انا نفسى استغربت من هجوم عمرو اديب العنيف وبيتكلم وكانه قفشهم فى وضع مخل بالاداب

بالنسبة لدكتور لكتر
فهو شكله مش كان واخد باله من اسم البلد اللى بيتكلم عنها
:))
Desert cat said…
Anonymous
لا عايزينهم يبنوا كنائس ولا عايزينهم يصلوا فى بيوتهم امال يصلوا فين ؟؟
الدين الاسلامى مش كدا
الدين الاسلامى مش فيه اذية للناس
الله يخربيت الجهل
Desert cat said…
Anonymous
ماهو علشان معدش لينا فى الطب ولا فى الهندسة ولا فى التعليم ولا فى اى حاجه تذكر
فالكورة الناس بتفرغ فيها كبتها
علشان كدا حالة الجنان اللى حصلت لما المنتخب خسر قدام امريكا

تحياتى
Desert cat said…
karim

بس عمرو اديب كان موقفه غريب جدا فعلا قاعد يرمى اتهامات واهانات شمال ويمين وكانه معاهم
:))
Desert cat said…
Anonymous
الله يرحمها ندى
وحسبنا الله ونعم الوكيل فى كل مستبد

Popular posts from this blog

قميص دهشور

كل تحرش وانتوا طيبين