وعــظ بالقوة الجبرية

شرايط كاسيت أعتقد يتم صدورها فى الأسواق خصيصاً لسواقين الميكروباص فمن الأغانى الهابطة من عينة الموز والعنب والعبد والشيطان التى تطرش الآذان فى علب الصفيح المتحركة المسماة مجازاً بميكروباص لنقل البشر وليس لنقل البضائع والتى إنتقلت العدوى فى هذه الايام للتاكسيات ايضاً فتجد نفسك غصباً وإقتداراً تستمع إلى رعب صنع خصيصاً ليسمعه المواطنين داخل هذه العلب المتحركة ليجد نفسه مغلوب على أمره يستمع إلى من يتباكى طوال الوقت وهو يحكى قصة زليخة إمرأة العزيز وقميصها الأحمر وكيف كان عفاف يوسف عليه السلام ولا أعلم ما المبكى فى هذه القصة التى لا يعرف غيرها ولا يروى غيرها فى جميع الأماكن التى يرتادها حتى الميكروباص .. وآخر يجلس يرهب ويتوعد ويحك إن أكلت مال غيرك لنجد ان سائق الميكروباص نفسه الذى يلقى على مسامعك هذا الكلام قهراً إن كانت قيمة الأجرة جنيه وربع فيأخذه جنية ونصف وليس لك الحق أن تطالب بباقى اموالك وان طالبت يجده ينظر إليك شذراً وده أقل واجب ده ممكن يتخانق على الربع جنيه ده وكأنه حق مكتسب ليه امال بتسمع ايه ياعم الحاج طول النهار وقارفنا جنبك .. يقولك هذه نقرة وهذه نقرة أخرى .. ومتستغربش لما تلاقى واحد قاعد يجعر بصوت لا يقوى عليه صاحب انكر الاصوات بجلاله قدره ليروى قصة فرعون واللى يقوله يعيده ولو الوجه الاول من الشريط خلص تحمد ربك انك ممكن تستمتع بدقيقة راحة لكن ازاى السواق المبجل يعمل كدا غصب عنك هيقلب الشريط علشان تقلب معاه معدتك وترجع اللى فيها ليعيد الاخ المجعر الكلام السابق وإلى أن تصل مكانك بسلام تحاول تقنع نفسك إنه فعلا سواق ورع وتقى عايز يدى الناس الوعظ الكافى علشان يتعاملوا كويس ومش يبقوا زى فرعون المفترى ... وانت فى غفلة من افكارك تخيل ان يسبقه زميل الى الموقف واتفرج الى كم الالفاظ والسباب التى يندى لها الجبين ... ناهيك عن السباب الذى يلقيه ايضا على المسامع شيوخ الميكروباص ووصفهم المبتذل للسيدات وكأنه واضع انثى امامه يقوم بالاستمناء عليها من طريقة تشريحه ووصفه لها والحجة عدم الحجاب ... تحضرنى هنا مقولة الشيخ كشك جحمه الله وهو يقول على ام كلثوم امرأة فى السبعين وتقول خدنى فى حنانك خدنى ويكمل كلامه " ياخى خدك ربنا " والحمد لله إن ربنا أخده وريحنا من لسانه ولو انى كنت افضل انه يكون عايش حتى يومنا هذا ليرى امرأة فى الخمسين تأخذ ايملات الفيسبوك وبدل من ان تعترف بحرقة دمها لطردها شر طرده من البلوج تدعى كذبا بانها تدافع عن الله ورسوله يمكن كان قال خدها ربنا هى ايضا .. بس فعلا لو ربنا اخدها هنتسلى على مين .. خليها تلف ورايا فى المواقع والمدونات وتجيب لنكات وتخترع حكايات هلاقى حاجه اتسلى بيها احسن من كدا فين
سؤالى فين جبهة علماء الأزهر من اصحاب الفتاوى العك وارهابيين اللى ماليين الميكروباصات والتاكسى ؟؟
هو قانون المرور الجديد تناسى الناس دى ليه ؟؟

تعليقات

‏قال ريمو…
انتى يا بنت يا نانا مالكيش حل بجد طريقتك فى الكتابة مسخرة اخر حاجه
وبتاعة الخمسين دى عارفاها اصل فى رسايل وصلت لناس غاليين عليا
‏قال مواطن مصري
و الله ققولتي الي انا عاوز اقولة


من ضمن قانون المرور الجديد منع الرموز الدينية العلامة يعني السبحة و الصليب في العربية

المفروض ان يطبق بقوة على

طبقة السواقين
‏قال غير معرف…
هؤلاء المجرمون القتله
فى اى دين او مله او عرف
ترسل طالبان من يفجرون انفسهم وسط المصلين فيسقط العشرات قتلى انتقاما من الحكومه الباكستانيه التى تحاربهم لأستعادة سيطرة الدوله على اراضيها التى يعشش فيها هؤلاء المجرمون
المرتدين عباءة الدين
ولا اعرف هل هناك من يشك بعد كل هذا فى بشاعة هذا السرطان المسمى بالأرهاب وخطره على المسلمين قبل غيرهم
‏قال غير معرف…
وهذه حماس تقاتل ليس المختل ولكن منافسيها من الفلسطنيين
واسرائيل فى قمة السعاده
عندما ترى القتلى الفلسطينيين بابدى الفلسطينيين
كل هذا من اجل السلطه والسيطره على فتفوتة من ارض فلسطين فى غزه
ولتذهب القضيه الى الجحيم
لا تنتظري شيء من القوانين تجاه هذه المواعظ الاجباريه
كل سواق شايف انه لما بيسع الناس اجباري جايز حد فيهم يتحسن حاله و ربنا يهديه و بكده ياخد ثوابه علي اسا ان الله هدي به رجلا او رجالا كثيرين
هي دي الفكره اللي بيلعب عليها الاسطي السواق
‏قال واحد طهقان…
انا حرمت اركب ميكروباص يابنتى علشان الهطل اللى بيسمعوه لنا اجبارى ده باخد تاكسى ولو فاتح حاجه من التلوث السمعى دى بديله فلوس زيادة علشان يقفله او اخترع له اى موضوع وادردش معاه لغاية لما اوصل
‏قال غير معرف…
انا كنت مرة حتخانق مع سواق ميكروباس بسبب الشيوخ اللى بتجعر دى اصلا انا مش عوايدى الخناق ولا العصبية بس هو استفزنى كنت خارج من الشغل مرهق ومصدع واقوله ياعم اقفل الشيخ ده لاقيته بيقولى اعوذ بالله انت مش مؤمن طيب وطيه شوية مفيش فايدة هو مكانش كاسيت ده كان الشريط كل شوية يسف وتلاقى الراجل اللى بيرجع فى ودانا شوية ولاقيت لك همهمات من الركاب ناس كانوا معايا وعايزين يتكلموا بس خايفين وشوية تانية مع السواق فى الاخر قولت اشترى دماغى وانزل اخد تاكسى

اللى فى الخمسين دى انا مغلطك ياقطة انك اصلا عامله لها اعتبار دى اسمها غلاوية معلشى الحقد وحش يابنتى ماهو عندها حق برضه ايش جاب لجاب علشان كدا انا شايف ان مفيش غير انك تعمليها تراب تحت رجليكى تدوسى عليه اعتبريها تفة ومترجعيش تبوصى عليها تانى
اسمعى نصيحة اخوكى الاشكال دى ملهاش حل غير كدا
‏قال أسماء علي
ماهو اللي ماعندوش اي فكر و لا اي أخلاق و لا أي حاجة جواه
البني آدم الفاضي من جواه
هو اللي بيعمل الكام منظر بتوع شرايط الدين اللي تحرق الدم

ما يرحمونا بقى من أي شرايط تشتغل و يخلصونا

و بعد كده عندهم كمية بجاحة و قلة أدب و عنين تدب فيها رصاص الصراحة يتحسدوا عليها

و دي ازدواجية البلد
اللي ربنا كرمنا بيها من ساعة الاخوان و اشكالهم ابتدوا ينتشروا ف البلد

مفيش دماغ يا نونة اصلا
دول شوية ناس عايزة تقول اللي هي عيزاه و يقولوا الدييين

حبة شرايط الصراحة تحسسك بشعور إن التخلف مالوش آخر

....

مسائك فل يا نونة
‏قال Jannah
المشكلة هي دايما نفسها: الجهل
انعدام الذوق و الاحترام جاي من الجهل بأبسط حدود الأدب
يعني
اذا كان هو يعجبه سماع ما يسمعه أي كان فالناس غير ملزمين انهم يسمعو معه ما يسمعه

بالنسبة للمشايخ اللي صوتهم مخيف أنا مرة وقع في يدي شريط زمان عن طريق زميلة في الجامعة كان عن الحجاب و كان الشيخ مصري من لهجته و كان صوته فيه بحة مخيفة و كان يصف غير المحجبة بالحيوانة اللي ماشية في الشوارع
لدرجة انه في نهاية وجه الشريط الأول يأتي واحد يقول:من فضلك اقلب الشريط
فأنا من الخوف اللي فيا قلبت الشريط بسرعة و ارتباك و على الفور و بعدين قعدت أضحك علة نفسي :D

الحمد لله انه هنا صاروا يراقبوا الأشيا هاذي و السواقين حتى لو عندهم هذه الميولات صعب انهم يشغلو مثل هذه الأشياء لأنهم بيخافو يوصل خبرهم للجهات المعنية

ملحوظة
أنا أيضا لا أفهم لماذا دايما يحكون نفس القصص و بنفس الطريقة و الصيغة و ربما العبارات و الجمل مع ان الاسلام أوسع و أعمق من عذاب القبر و مصير آكل الربا و زليخا قليلة الأدب
و فعلا لماذا لا تتدخل المؤسسات الدينية الأزهر مثلا و تتولى اعادة النظر في الأشيا هاذي و تتولى أيضا بالمرة تعليم الآداب العامة و الذوق و
الاحترام و السلوكيات الصحيحة للمسلمين
و تعتبر هذا ضمن حملة و مسؤولية من مسؤولياتها وتخطط لذلك بعقل و فهم و حكمة بجدية و يشركوا بقايا المجتمع المحترمة بدل ماهم شاغلين نفسهم بصغائر الأمور اللي لا تقدم و لا تأخر
ومخليين أي واحد يسجل شرايط و يوعظ الناس و يشرح لهم الدين كما رآه هو بعقله الضيق الصغير

موضوع مهم
:)
‏قال غير معرف…
هل يوجد عاقل على استعداد لأن يسلم رقبته لعؤلاء
ضاعت القضيه على ايدى المجاهدين فى حماس اقراوا يامن تصدقون خزعبلات من يلعبون بكارت الدين
تصاعدت حدة التوتر بين حركتي فتح وحماس فيما توقع سياسيون ان يتحول هذا التوتر الى صدامات عسكرية جديدة ومحدودة واغتيالات سياسية لم تشهدها الخلافات الفلسطينية الداخلية من قبل.

وجاء هذا التوتر عقب اشتباكات وقعت الاسبوع الماضي بين اجهزة السلطة الفلسطينية في الضفة الغربية وقياديين عسكريين من الجناح العسكري لحركة المقاومة الاسلامية (حماس) واسفرت عن مقتل تسعة بينهم اربعة من الاجهزة الامنية واربعة من كتائب القسام ومدني واحد.

في المقابل، اعلنت حكومة حماس المقالة في غزة في بيان السبت 6-6-2009 انها بدأت حملة اعتقالات ضد من وصفتهم بـ"خارجين عن القانون" في غزة.

واستهدفت الحملة كما قال المتحدث باسم فتح في الضفة الغربية فهمي الزعارير مئات من كوادر الحركة التي يتزعمها الرئيس الفلسطيني محمود عباس.

وقال الزعارير ان "حماس تعاني من ازمة داخلية في غزة، وتحاول تصدير ازمتها الى الضفة الغربية وتقديم دعم معنوي الى اعضائها في الضفة الغربية من خلال هذه الاعتقالات".

وقالت وزارة الداخلية التابعة للحكومة المقالة انها "ضاعفت من تحرياتها وتحقيقاتها.. بعد ورود انذارات ومعلومات مؤكدة عن وجود مجموعات وخلايا تهدف لزعزعة الامن الداخلي" دون تفاصيل عن عدد المحتجزين.

وقال البيان "تمت مضاعفة التحريات وتزايدت التحركات لجمع المعلومات والتحقيقات.. بشكل هادئ ومنهجي وقانوني... واسفر عن اكتشاف خيوط جرائم جديدة تنوي القيام بها مجموعات منحرفة ومجرمة".

من جهته كشف المتحدث باسم الاجهزة الامنية الفلسطينية العميد عدنان الضميري عن العثور على ملابس للاجهزة الامنية الفلسطينية وشارات عسكرية، لدى عدد من الذين تم اعتقالهم لدى السلطة من حماس في الضفة الغربية.

وقال الضميري "وجود هذه الملابس له مؤشر واحد، وهو ان حماس تريد التستر بملابس افراد اجهزة امنية والقيام باعمال انقلابية".

واضاف "اذا كانوا مقاومين، كما يتحدثون، فما مبرر وجود ملابس وشارات عسكرية لاجهزة الامن الوطني الفلسطيني لديهم؟".

وقال مدير مركز رام الله لحقوق الانسان اياد البرغوثي ان الاوضاع في الاراضي الفلسطينية تسير "نحو تحول السلطتين في غزة والضفة الغربية الى سلطتين فاشيتين".

لكن السياسيين في الضفة الغربية يتوقعون ان الامور في الضفة الغربية لن تصل الى ما وصلت عليه في قطاع غزة التي سيطرت عليه حماس في يونيو/حزيران 2007.

وقال البرغوثي في هذا الصدد "ان اسرائيل لن تسمح بالحسم العسكري في الضفة الغربية، لكن الظروف الان باتت مهيأة تماما لامكانية وقوع اغتيالات سياسية لانه لم يعد هناك رادع اخلاقي يمنع هذا الامر".

وقال هاني المصري، مدير مركز بدائل للدراسات الاعلامية ان "الصدام العسكري في الضفة الغربية محتمل، لكن ليس على وتيرة انقلاب شامل على السلطة، واسرائيل لن تسمح بنجاح اي انقلاب في الضفة الغربية، وحماس تدرك هذه المعادلة".

واشار المصري الى تصريحات صدرت عن قادة من حماس اعتبرها بمثابة ضوء اخضر لجناح حماس العسكري لمواجهة الاجهزة الامنية عسكريا في الضفة، وقال "ان ما يجري ان كل طرف يحاول تصفية الاخر".

واضاف "واضح ان هناك ضوءا اخضر من قيادات حماس لمواجهة مسلحة مع السلطة، من خلال قرارات رفض تسليم انفسهم للاجهزة الامنية، او اعتبار السلطة مثل الاحتلال".

واضاف "كل هذا يشير الى امكانية تنفيذ حماس لعمليات اغتيال في الضفة الغربية وتفجير مكاتب اجهزة امنية. وهذا غير مستبعد نهائيا اذا لم يتم حصر هذه الاحداث ومعالجتها سريعا".

لكن المصري اشار ايضا الى جهود تبذل في مصر، بين قيادات من فتح وحماس "لتطويق هذا التوتر واخماده".

وقد توجه وفد من فتح اليوم السبت الى القاهره للقاء القيادة المصرية، بحسب مسؤول كبير في الحركة.


وقال هذا المسؤول "ان القيادة المصرية دعت (الرئيس الفلسطيني محمود) عباس لايفاد وفد من فتح الى القاهره للقاء المسؤولين المصريين في محاولة مصرية لانقاذ الحوار الفلسطيني من الفشل في ضوء توتر الاحداث بين حركتي فتح وحماس في غزة والضفة".


وتكثف خلال الايام القليلة الماضية، تواجد افراد من الاجهزة الامنية الفلسطينية على مقربة من مقار امنية حساسة وعلى الطرقات ما يدل على ان الاجهزة الامنية العاملة في الضفة الغربية رفعت وتيرة استعداداتها.

لكن الناطق باسم الاجهزة الامنية الفلسطينية العميد عدنان الضميري نفى بان تكون الاجهزة الامنية قد رفعت من وتيرة استعداداتها.


وقال "نحن دائما جاهزون ومتوقعون لاحداث مع حركة حماس"، مضيفا "اي محاولة للعب في مسألة القانون والاعتداءات سنتعامل معه بمنتهى الجدية، ولن نتهاون في هذا الامر".
‏قال سالى فوزى
قطتنا المتمرده
اولا" اشكرك على تعزيتك الرقيقه،فى مدونتى. ا
بالنسبه لهؤلاء المعجبين بشرائط المشايخ
المهيجين فأغلبهم غير متعلمين وهذا السلوك موجه للراكبين لاستفزازهم ومن يعترض ينقسم مجتمع الميكروباص الى فريقين المنافقين والمعترضين واعلمى ان اصحاب الصوت العالى فى الاغلب قضيتهم خاسره
وهم ايضا لايراعون الذوق المصرى الذى يجعل غير المسلم لاياكل فى نهار الصائمين
ولكن هؤلاء لايراعوا غير المسلمين فىاسماعهم غصبا" من يهاجمونهم مناصحاب الشرائط!!وشكراا
‏قال مثلية فقط
بصراحة

أنت كثير مهضومة في هيدا البوست

مسخرة هيك عالم بمصر

شر البلية ما يضحك

الله يعينك اذا كنتي عم تركبي مواصلات مع هيك ناس

تحياتي
‏قال أنا حر
الشرايط دي اصلا بيسترزق منها بتوع الازهر
:)
في الجون البوست ده كالعاده وعندك حق والله الواحد بيكره نفسه لما بيركب عربية وحظة يوقعه مع سواق كده
تحياتي
‏قال غير معرف…
على فكرة يا حنان جت الست الحيوانة دى ورمت زبالتها عندى فى انبوكس الفيسبوك وعلشان عارفها مجنونة لا رديت عليها ولا عبرتها انا تفيت بس على رسالتها وعلى كلامها العبيط
دى واحدة مجنونة قاعدة مفضية نفسها للف وراكى وعلى صحابك ايه الحقد ده اوعى تبردى نارها ارجوكى وتردى عليها دى غبية بشكل الغباء نفسه يستحى منه
‏قال غير معرف…
اه نسيت اقولك انا دخلت البروفايل بتاعك ولاقيت عندك اكتر من 500 واحد فى الاصدقاء هى واخده العدد ده كله وقاعدة تبعت له ولا واخداه علشان اللى يرد عليها تصاحبه شكلها بتمر بمرحلة مراهقه متاخرة مش بعيد بعد كدا تقعد تعاكس فى التليفونات ربنا يشفيها
‏قال سهر
معاكي حق
المواصلات بقى فيها كل حاجة بالعافية
مش بس وعظ بالعافية
‏قال Desert cat
ريمو
ميرسى يا ريمو يا قمر
الهبله بتاعة الخمسين مفضية نفسها ليا اصل الرسايل وصلت لكل الفندز اللى على الفيسبوك شوفتى اهتمام اكتر من كدا
ههههههههههههههه
‏قال Desert cat
مواطن مصري
هو لحد دلوقتى قانون المرور الجديد ماشى تمام بس يارب يثبت على كدا
‏قال Desert cat
Anonymous
حتى الآن كل من يتمسح بالدين اما ارهابى واما كذاب ومنافق مثل بعضهن
‏قال Desert cat
Anonymous
من المعروف ان عصابة حماس ارهابية وخير دليل ما حدث فى مجزة غزة دول حلفوا مش يستسلموا حتى لو ابيدت غزة عن بكرة ابيها وهما مستخبيين فى جحور
‏قال Desert cat
ذو النون المصري
مش لما يتحسن اصلا السواق دول طول اليوم مشغلين شيوخ تجعر ومش بيبطلوا الفاظ بذيئة
‏قال Desert cat
واحد طهقان
انت بدال ما تديله فلوس زيادة تديله على قفاه وتقوله الاسلام مش كدا يا غبى يمكن يفهم
‏قال Desert cat
Anonymous
انا لو منك كنت سحبته على اقرب قسم شرطة علشان التلوث اللى عامله ده وكفاية اصلا الميكروباصات اللى بتكون كفيله لوحدها انها توديهم ورا الشمس

اما هبلاوية فدى تفتى انضف منها يا بنى دى انسانة كدابة ومنافقه اصلا ولو هى تراب اتف عليها سبع تفات مش اعدى عليه دى من جنانها بتصلى الفجر وتقعد على النت تبعت رسايل لاصدقائى اللى فى الفيسبوك مش تعرف المجنونة ان مش كل الصحاب جواميس زيها والرسايل مش بيتعمل لها فورورد وانا اقعد اضحك على خبيتها وهبلها يلا ادينى بتسلى بيها شوية
‏قال Desert cat
أسماء علي
اهو انا بقى يا سمسم هموت واعرف فين المصنفات الفنية من الاشكال دى المفروض بجد يشوفوا شغلهم شوية على السواقين خليهم يرحمونا

تحياتى يا جميله
‏قال Desert cat
Jannah
انا مرة جربت اسمع شريط من التلوث ده ولاقيت الشيخ قاعد يجعر شوية ويعيط شوية ما تفهميش كان بهلوان ده ولا بيحكى حكاية الف ليلة وليلة ولا بيعمل ايه
الناس دى غالبا بتقول اى بطيخ علشان تعمل فلوس وخلاص اهو كله تجارة

تحياتى
‏قال Desert cat
Anonymous
اساسا حكومة حماس غير شرعية وموجودين فى السلطة بالارهاب يعنى مش قادرة افهم ازاى الفلسطينين سايبن الارهابيين الاوغاد دول يقتلوا ويخربوا فى البلد اكتر ما هى خربانة شكلهم متعاونين تعاون مثمر جدا مع اسرائيل للخلاص من البقية الباقية

تحياتى
‏قال Desert cat
سالى فوزى
العفو يا جميلة ده واجب طبعا
اما السواقين فهما فعلا اغلبهم بيكونوا فئة غير متعلمه المثير فعلا للقيئ انك تلاقيه بيجبر الركاب على سماع الشريط الغريبة الاطوار دى وفى نفس الوقت قاعد يسب الدين
بالنسبة للذوق العام فهو فعلا معدوم وكفاة ما يبثه الاخوان المنتفعين من سموم فى عقول الناس وخاصة الجهلاء اللى بيسلموهم عقولهم

تحياتى سالى
شرفتينى
‏قال Desert cat
مثلية فقط
ميرسى لزوقك يا جميلة
انا بركب المواصلات وانى مش عجبنى بقول للسواق اقفل القرف ده ومش يهمنى رد الفعل بس لو اتهور ممكن اسيبه وانزل يعنى العمر مش بعزقة خصوصا الناس دى بتكون جاهله بالقدر الكافى زى اللى بيسمعوا لهم كدا
:)))
شرفتينى
‏قال Desert cat
أنا حر
احيانا الشرايط دى بيكون مكتوب عليها نسخ مجانبة بس فى كل الاحوال برضه بتتباع وتلاقيها مالية شوارع العتبة ب1.50
:))

ميرس جدا على اطرائك
تحياتى
‏قال Desert cat
Anonymous
هههههههههههههههههههه
والله صدقت هى فعلا حيوانة
وبعدين ارد على مين يا ميمو انا مش انزل للمستوى الحقير ده خليها نايمة فى البلوج والفيسبوك بتوعى ولو انهم اتجنسوا منها حطهرهم وامرى لله
عموما ادينا بنتسلى وخليها زى الكلب الحيران عمال تلف ورايا فى المواقع والمدونات
‏قال Desert cat
Anonymous
ايوا بس انا اصحابى ناس نضيفة مش يرضوا يعبروها اصلا
الجميل ان نصهم هزأها ومسح بكرامتها الفيسبوك ولسه عندها امل حد يعبرها يا عينى
على راى واحد صاحبى دى غلاوية مش هبلاوية ولا مجداوية هى غلاوية و مجنولية
والله انه بيقول افيهات عسل هو دلوقتى قاعد يتسلى عليها هو كمان وماشى معاها بالراحة علشان فى الاخر يفعصها كما السورسااار واحدة عمرها خمسين سنة ومش قادرة تحترم سنها يبقى مين هيحترمها دى
:)))
‏قال Desert cat
سهر
تعرفى انا بحب اركب المواصلات علشان ابص على وجوه الناس يعنى فى ناس تحسى انها مكتئبة وناس عايزة الضرب بالشوز وناس سعيدة بدون مناسبة وحاجات مختلفة بس انا اقدر اتحمل اى حاجه ماعدا شيوخ الاععع دول

شرفتينى يا قمر
عندك حق يا قطه ان هناك شيوخ لا توعظ باحكمةوانما بالصوت العالى وأنا بيصبنى خنقه منهم وبضايق جدا لانه مثل لمطرب اللى صوته وحش ولكن يجب علينا أن لا ننكر وجود بعض هؤلاء يدعون لأعتدال فى كل شئ وأاصواتهم طبيعيةجدا فى كل شرائطهم ومقالاتهم اإزاعية وكما
ان هناك من يطرش الناس بالخطب فهناك من يطرشهم بالاغانى الهابطة وأعتذر عندماأقول أنك لم تقصدى سوى الشيوخ ولم يكن الموضوع يهدف الى مشكلة لو الصوت لو كان الموضوع أشمل لكان أفضل أنا اعلم أن هذا ليس من حقى ان أطلب منك شئ فى بيتك(مدونتك)ولكن هذا هو نقدى فأرجوا أن تتقبليه
وشكرا

المشاركات الشائعة