الخير كتير وكل زيارة وانت طيب

بصرف النظر عن وقوف الحياة فى الشوارع اللى مر بيها الموكب المهيب للزائر الحبيب
بصرف النظر عن تحريم الناس مجرد فتح الشبابيك احسن الزائر تقع عينه على حد قالع راسه ولا حاجه يادى الفضيحة ده حتى تبقى عيب
وبصرف النظر عن الغاء الامتحانات للطلبة والاجازات للعاملين وهو حد طايل يوم اجازه
وبرضه برصف النظر عن خطاب المهدى المنتظر اللى كان الغالبية معلقه أمالها عليه وناس تقولك الراجل ده الشفا على ايده ان شاء الله ده بركه لازم نلمسه علشان البركة تطولنا .. واللى يقول هو فى ايده الحل الجهنمى وهيفرج عن المعتقلين والمسجلين خطر اللى مرمين فى السجون مش حد عارف عنهم حاجه يمكن بركة جوانتنامو تحل علينا
كل ده عاتشى خالص مالص .. وتم احباط واصابة الناس دول ودكهم ودولكهما بخيبة الامل المبينة
المشير والمشير خالص للانهداش لدرجة انى كيبوردى مش قادرة تنطق ولا تكتب الرقم الحقيقة .. علشان ايه ينصرف على زيارة اوباما 500 مليون جنيه
الا هو شوية الدوكو اللى لونو بيهم كام كوبرى على كام شارع دول يتكلفوا المبلغ ده ؟؟
الا هما الـ3000جندى من المارينز اللى جابوهم لحراسة المحروس اوباما بجلالة قدره وكأننا بنعترف اعرتاف صريح ان مصر مش فيها أمن قادر على حماية اوباما يتكلفوا الـ500مليون جنيه ؟؟
ألا هما السادة المتسكعين اللى قاعدين يصرفوا على زيارة مدتها 6 ساعات من دم الشعب الغلبان اللى مش لاقى ابسط وسائل الامان مش شافوا اطفال نايمين تحت الكبارى خالص فى حياتهم حتى قبل ما يبقوا وزراء قد الدنيا ؟؟ مش شافوا شحاتين فى اشارت وهما فى ثانوية عامة مثلا بلاش وهما فى جامعه ماهى مصر طول عمرها فيها شحاتين يعنى الموضوع مش جديد .. مش سمعوا عن ناس منكوبة نايمة فى شوارع
طيب انا دمى محروق بجد على المبلغ ده .. وبفكر مش ادفع ضرايب تانى علشان الضرايب اللى بدفعها بتروح هباء هباءا هباءا
كدا ممكن اتسجن ولا يحصل اييييييييييييه
ومش دافعة ضرايب بقى وعايزة حقى
500مليون جنيه علشان الكلمتين دوووووووول
ما احنا طول النهار نتكلم ونتكلم ومش حد بيقولنا انتوا بتقولوا ايه وبشوف ناس بتجرى فى الشارع وتتكلم برضه
وبشوف بنات بيتحرش بيهم شباب سفله والبنات بيهزأوهم واحيانا بيدولهم دروس فى الاخلاق ومش حد بيقولهم برافو او انتى صح او اخرس يا حيوان اعتبرها اختك وبرضه مش حد بيدلهم اتنين جنيه فكه
وبشوف موظفين ماشية تكلم نفسها من قلة .. يعنى عنده اولاد فى جامعه وفى مراحل تعليم مختلفه ومرتبه مش جايب 500 جنيه
وبشوف ستات غلابة قاعدين يبيعوا الخضار فى انتظار رزق ربنا حتى لو 5جنيه هيرضوا بقليلهم
وبشوف شباب عواطلية ماليين النواصى نفسهم فى وظيفة حتى ب150جنيه
وبشوف فى الجرايد ناس بتقتل عيالها علشان مش يعيشوا الفقر
وبشوف ناس بتموت نفسها شغل ليل نهار علشان يوفروا العشا لولادهم
وزيارة الكومونوس تتكلف 500مليون جنيه من دم ده ودول ودوكهما اللى هما فى الحقيقة ممكن يناموا من غير عشا اسبوع ورا بعضه علشان يدفع للحكومة الضرايب او التامينات اصله لو مش دفع هيقى فيها حجوزات امال نتفشخر منين يعنى ؟؟


Comments

AnGeL said…
يعني مصر اصبحت المدينة الفاضلة بقدوم
الاخ الفاضل والعظيم بارك أوباما
والله انا شخصيا يروق لي هالانسان
لكن مش حدفع عليه دم قلب شعبي
طب مادام احنا العرب لما يجي رئيس اجنبي وبالاخص امريكي لبلانا الموقرة
بنصبغ وبنظف البلد طب لي ما بنفرض هالنظام من الاساس ببلدنا احسن ما كل مايجي حد من الولايات المتحدة نقعد نغير وتنزل علينا النظافة
يعني هو اوباما ساذج لهالدرجة ليصدق انو البلد مافيهاش ناس تحت الجسور ولا شحاتين ازا هي امريكا نفسها فيها مصر مارح يكون فيها
ولا الناس الي تلمت في بيوتها بعتقد انهم بتمنو كل يوم حد يجي البلد زي ما قلتي هم طايلين يوم اجازة
والله ازا العرب بهالغباء هيدا ما بلوم لا اوباما ولا غيرو حلال عليه ال500 مليون و حتى لو كان مليار
واما بخصوص الامن فبردو رئيس اقوى دولة بالعالم عاوز مين يحميه
لان بمصر الامن عامل بس للناس الكبيرة الي تدفع يعني كل واحد عنده مين يحرسه وباقي الشعب لله اماالجيش مايقدرش يحرس طفل
غير هيك اعتقد مصر مش محتاجة جيش قوي لانه هيه محميه كفاية عاملة سلام ومسلمه بالعشرة لماما اسرائيل لي الجيش بقى؟
انا شخصيا عجبتني خطبة اوباما العصماء يعني بيفضل احسن من اسلافه الي سبقوه مع اني كنت بحب سياسة
كلينتون
واعتقد اوباما ذكي جدا وبيعرف كيف يتعامل مع دول الشرق الاوسط بالاخص انو بيعرف كيف يتعامل مع الجماعات الاسلامية المتطرفة

معلش حكيت كتير
بس استفزني الموضوع وين ما اروح
اشوف اوباما بوجي :)

ارق تحيه يا قطقوطـة
HEART BREAK said…
بتعجبنى طريقتك فى التكلم بالعامية المصرية فى مواضيعك ياقطة الصحراء (:

بصى عزيزتى اى منطقة فى العالم لازم يكون فيها الوحش والحلو ولكن مشكلة مصر ان الوحشين فيها اكثر من الحلوين مفيش حد خايف على البلد دى كله بينهب وبينهش فى لحمها و يسرق من خيرها .. ولكن مفيش حرامية زاى بتوع مصر لى مش بيشبعوا من السرقة ابدا ... ولذلك لجأ الشعب المصرى الى الجماعات الاسلامية والاخوان المسلمين ظنا منهم ان الحل فى يد تلك الجماعات الدعوذية .. لى هى بالعكس هاتزود المشكلة اكثر وهادخل مصر فى حروب وخراب ونزاعات ... ليست مؤهوله ليها الان
Anonymous said…
هذا ما قلناه مرارا هنا
النقاب ليس زيا كغيره من الأزياء
بل رمز لتحجيم دور المراه والحجر عليها
وبالتالى لا مجال لشعار حرية الملبس هنا
واقراوا
انتقدت رئيسة الرابطة الدولية لحقوق المرأة آن سوجييه في بيان الجمعة تصريحات الرئيس الاميركي باراك اوباما حول الحجاب معتبرة انها "صفعة" لكل النساء اللواتي يناضلن من اجل عدم ارتدائه ابدا.i`h

وذكرت سوجييه بان اوباما وفي الخطاب الذي القاه امس في القاهرة "دافع ثلاث مرات عن الحجاب الاسلامي الذي لا يدل على عدم مساواة برأيه".

وقال اوباما انه يرفض "وجهات نظر البعض في الغرب" الذين يرون ان "اختيار المرأة تغطية رأسها امر يدل على لامساواة".

وصرحت سوجييه "اي صفعة وجهت بذلك الى نساء الجزائر او ايران او افغانستان اللواتي متن في ظروف مروعة لانهن رفضن ارتداء ما يعتقدن انه الدليل الاكثر تطرفا لقمع المرأة والتمييز بين النساء والرجال".

واضافت ان "المجتمعات البشرية مبنية على رموز. ايجابية مثل الوان العمل ونشيد التحرير وشكل صرح ما مثل الاهرامات او برج ايفل، وسلبية مثل ملابس السجناء او اللباس الاسود للحداد او الحجاب الذي تختفي تحته النساء في السعودية".

واضافت ان "الحجاب ليس رمزا دينيا كغيره والتأكيد على ارتدائه طوعا لا يزيل معناه المهين لكل النساء"، متسائلة "هل يريد اوباما التصالح مع العالم الاسلامي على حساب النساء؟".
Anonymous said…
يعنى انتى دلوقتى بتدفعى ضرايب علشان لما متدفعيش تتسجنى اللى ليه ضهر يا قطة اصل زمان قريت لك بوست عن مشكلة فى الضرايب وحلها لك زميل دراسة قديم
حماقات الأرهاب وجرائمه والتطرف والفتاوى العجيبه فى بعض الفضائيات اساءت بشكل كبير جدا لصورة المسلمين ولفكرة الناس فى الغرب عن الأسلام المهم كيف نمحو هذه الصور المشوه فى عقول الناس فى الغرب ....الوسائل كثيره ولكن من اكثرها قربا من الناس
..... اقرا التفاصيل
فى مدونة برنامجنا الأذاعى
http://netonradio.blogspot.com
مفكر قلق على مستقبل بلاده said…
من مجلة فكر وفن الألمانيه العدد90
رغم عالمية القيم ...قيم حقوق الأنسان وحرية العقيده، ورغم مساهمة العرب مسلمين ومسيحيين في وضع الإعلان العالمى لحقوق الأنسان والمواثيق الأخري لاتزال الرؤي بل والقوي
التي تعتمد مرجعية الشريعة تختبئ خلفها ــ أي الشريعة ــ باسم الخصوصية حتي تتنصل من المعايير والقيم العالمية
ويستخلص الباحث أنه «ليس لعلماء المسلمين خبرة إيجابية مع النموذج الدستوري، ولا تجد الحريات الفردية في مسائل الزواج والدين وحرية التعبير في البلدان ذات الطابع الإسلامي حتي اليوم إلا القليل من الدعم الرسمي رغم أنها مضمونة شكلياً من الدستور».

وتنطوي فكرة الاحتكام للشريعة علي مخاطر كثيرة إذ لم يكن هناك أبداً فهم موحد للشريعة، لأنه كانت هناك دائماً رؤي لاهوتية مختلفة ومدارس شرعية متعددة. كما يقول الباحث عباس بويا..
Desert cat said…
AnGeL
كانوا متوقعين انها هتبقى المدينة الفاضلة علشان كدا رصفوا وزينوا الطرق اللى هيعدى فيها اوباما فقط اما بقى الطرق لازالت حدث ولا حرج وكل ده ب500مليون جنيه امال لو كانوا جملوا باقى الطرق كانوا صرفوا كام ؟؟
بالنسبة لخطاب اوباما واللى هو فى الحقيقى يعتبر دس السم فى العسل فيستحقه العرب جميعا
ويكفى المهللين

تحياتى
Desert cat said…
HEART BREAK
ميرسى جدا لزوقك

بالنسبة للمصريين للاسف فقدوا التمييز فى انتخاب من يمثلهم وتجلت الخيبة فى انتخابات المحامين

انت شرفتنى جدا بالغيظ فى هبلاوية
:)))
Desert cat said…
Anonymous
قريت كلامها فى مصراوى هى محقة وعندها كل الحق المفروض انها مش تقلق من كلام اوباما لانه لا يعنى سوى لحس مشيها دقون اصحاب الكرامات ويكفى اغفاله للفلسطينين

تحياتى
Desert cat said…
Anonymous
فى فرق بين ان كان فى مشكلة وزميلى اتدخل فيها وحلها وفرق بين انى مدفعش ضرايب خالص

صدقنى بدفع
Anonymous said…
ماشى مصدقك مالوش لزوم تحلفى
Desert cat said…
انت تسال والكمبيوتر يجيب
حضرتك تقريبا فى توارد افكار لانى بعمل بوست لكن عن شيوخ الميكروباص والقرف اللى بيرجعوه على مسامع الناس
Desert cat said…
مفكر قلق على مستقبل بلاده
الكاتب لى حق لكنى حتى الآن لا ارى من الشيوخ من هو معتدل حتى جبهة علماء الازهر التى من المفترض ان همها الاول والاخير حقوق الانسان تركت الانسان بحقوقه واتجهت الى هيفاء وهبى
Desert cat said…
Anonymous
ههههههههههه
هو انا مش حلفت
بس كويس يعنى انك مصدق

Popular posts from this blog

مـصـــــر هـبـــة النيـــل

الدنيا مش بتدى محتاج .. بتدى عايز