وتـــر وقــــدر .. بمناسبة يوم الكذب العالمى

لما شوفت كذب وتدليس الست الشيخة بين الناس وقلبها للحقائق وشغل جلا جلا وحىىىى انا بدافع عن رسولى وعلمائىىىى .. أفتكرت زمان اوى فى 2005 قبل المدونات كنت عضوة فى إحدى المجموعات البريدية على الياهو كان اسمها إنت عمرى كنت دائما بانشر فيها خواطر من الخواطر اللى نشرتها فى مجموعة أنت عمرى ونجحت وكان زوار المجموعة فى زيادة كانو خاطرتين واحدة أسمها وتر وقدر وخاطرة تانية كانت اسمها أماه تبتدى برغم تداخل الايام جئت اليكى أبكى .. بعد يومين بالظبط من نشرهم لاقيتهم مغرقين اغلب المنتديات العربية كان فى ناس محترمة بتبعت تستأذنى فى النشر ومش كنت برفض وكان فى ناس محترمة أكتر من اللى نشروها كتبوا تحتها منقول وذكروا اسم المجموعة لكن فى منتدى غريب الاطوار نشرها والاخ كاتب فى النهاية تحياتى لكم وكأن الخاطرة بتاعة اهله .. دخلت المنتدى اشتركت فيه وقولت لهم الخاطرة دى بتاعتى وذوقياً بلاش أدبياً كان ممكن اللى نشرها ينوه انه ناقلها من مجموعة أنت عمرى البريدية او يكتب تحتها منقول للعلم بالشيئ .. لقيت الاخ داخل يقولى دى حاجه اتنشرت على النت ومالك سلطة على النت ولطالما نزلت على النت ما من حقكك تقولى املكها او ما املكها انتى نشرتيها بكيفك انقلها انا بكيفى لان النت ملك للجميع وتوالت الردود بين انى عايزاه يكتب تحتها منقول وبين هو يقولى انتى نزلتيها على النت بكيفك اذن رواد النت ينقلوا وينوهو او ما ينهو بكيفهم .. إشطة كدا دخلنا فى سكة ردح وانا مش هضيع وقتى فى الردح مع المهافيف فى مخهم بعت رساله لادمن المنتدى وحكيت له فيه اللى حصل وقولت له هو لو مش كان كتب منقول وكان اعتذر بطريقة ظريفه انا مش كنت هتكلم لكن بالشكل ده انا اسفه اقولك بما انك المسئول عايزة حقى فى الخاطرة بتاعتى وتقدر تعرف كذب العضو اللى عندك من اللهجة الخاطرة مكتوبة بلهجة مصرية وطبعا اللى نقلها واضحة لهجته المطحنة والفرق واضح كمان اللى منزلها ولد والخاطرة مكتوبة باحساس بنت .. كان رد ادمن المنتدى اسخف من العضو نفسه وقالى خيتى انتى ما مألفه كتاب بطالبينا بحقوقك اعتبريها ذكاة عن مالك .. قعدت متغاظة شوية وكان كل لما عضو يرد على الخاطرة اعرفه انها مش مجهود العضو اللى نقلها طبعا كانت الردود بتتحذف وفى النهاية اتحذفت عضويتى انا كمان ... القصة دى كلها لييييه بقى علشان اقول ان الكداب دايما انسان بجح وتندب فى عينه وعين اللى خلفوه رصاصه لانهم فى الحقيقة مش عرفوا يربوه وغالباً بيعلى صوته على اد ما يقدر علشان يغطى على كدبه لكن برضه مهما على صوته حتى لو حنجرته حط فيها ميكرفون برضه بيبان كدبه فى اى وقت بين الناس وده مش كفاية كداب لاء وكمان حرامى وبرضه بيقاوح نظام اكذب ولا اتجمل


وتـــــر وقـــــدر
أخبرتك كثيراً أن الوتر أضعف من أن تعزف عليه لحناً جميلاً فمن كثرة ما عرف الوتر من حزن وبرغم ما عاناه من الأقدار ألا أنه لم يخفى عليك شئ من الأسرار
لم يعرف هذا الوتر سوى أن يقول لك لا تحاول العزف عليه فالعزف مستحيل لكنك مثل الأقدار
فيأتى القدر يسأل ذاك الوتر ما يبكيك ؟؟
فيجيب أضعتنى وظلمتنى وذللتنى فلم أعد للعزف أجيد والآن تأتى لى بقلب من جديد يشعرنى بالحب وأعود للعبة الأقدار !! أيها القدر أنا لست من أخفى أسرار أنا كالبحر أو قل كالنهر وصافية كما السماء وواضحة وضوح النهار أنا لست كالشمس فيها النور وفيها النار أنا لست الأمس ولست الماضى ومن يعرفنى يا سيدى قد يحتار من منا فى دنياه يستطيع الأختيار ومن منا فى دنياه يخفى عن كل الأنظار وتر يعزف لحنا رغماً عنه ليسعد تلك الأقدار
ولكن ماذا يفيد ؟هل عرفت يوماً أقدارى أنى إنسان هل جاءت أقدارى تفرحنى يوماً أم يوم الفرح دوماً تنسى العنوان ؟
والآن أشعر أن القلب ولهان آه يا قلبى هل تشعر بالنبض دوماً فى الوجدان ؟
من قال أنى أحبك ؟ من قال أنى أريدك ؟ من قال أنى أهواك ؟
يكذب يا سيدى كل من قال بل إن هواك يملأنى يأسرنى فأعترف بأنى أعشق فوق الحب العشق ولتسأل عنى الأقدار... كنت أبيحك بعض الأسرار لم أعرف يوماً طعم الحب إلا وأنا أنظر لعيناك ففقت الحب بدرجات يا عمرى فرحماك
أه لولاك ما وقفت أمام الدنيا لولاك ما كنت أواجه كل ما أنا فيه بقوة وثبات اعذرنى
فقد أستخدمت أنفاسك طاقة تجعلنى أقهر أقدارى وأعيد النبض لأوتارى
أهواك ولا أريد من الدنيا سواك
فرحماك

تعليقات

‏قال mady…
عارفه انا النوعيات دى من البشر الشيخة بتاع الجلا جلا دى واحدة قذرة ولا تستاهل منك تتذكريها واحدة وسخة يعنى اما الحرامى بتاع المنتدى كلنا اتعرضنا لحرامية من النوع ده وللاسف الانترنت مينفعش فيه حقوق ملكية فكرية حطى تحت جزمتك يا قطة وسيرى عليهم ولا تنتبهى لعواء تلك الكلبة
‏قال سمراء
اتعجب من الاختلاف الشديد بين انماط كتاباتك
ما بين العامية والفصحي

ان الاوتار مصنوعة من الاحشاء
لا يمكنها الكف عن اعلان الحزن والافراح

سمراء
ازيك يا قطة يا مفترية

حلوة الخاطرة

اما بالنسبة للست الكدابة
فانا بصراحة مش فاهمة القصة ايه
وقريت البوست اللى قبل كدة وبرضه مش فاهمة اوى

المهم يعنى
بالنسبة للحقوق الفكرية
انا فعلا اكتشفت ان حكاية النت دى ماينفعش معاها انك تثبتى اى حاجة انها بتاعتك
وفعلا بدل الواحد منا ارتضى انه ينشر مواضيعه عيانا وبيانا فى دنيا النت فلازم يكون عارف انه بيجازف بانه معرض لسرقة افكاره فى اى وقت



عايزة اسالك سؤال بس هاخليه فى تعليق لوحده علشان لو حبيتى متنشرهوش

سلام
اختك خيخة
انا من فترة كدة شوفت عندك فيديو بتاع الحلقة بتاعتك انتى وبدرية
ولاقيتك تقريبا فى الحلقة بشعرك ولما سالت بدرية قالت ان القناة دينية فكنتى مضطرة تحطى اى حاجة تسترى بيها شعرك


السؤال بقى
هو انتى اساسا قلعتى الحجاب؟

اصل انا فاكرة ان المرة الوحيدة اليتيمة اللى شوفتك فيها فى معرض الكتاب
كنتى بحجاب
مش كدة برضه؟

هو اى نعم انا فاكرة انك كنتى ربطاه رابطة كدة تدل على انك
مش محجبة محجبة يعنى

يعنى كان مفهوم منه حشمة
اكتر منه حجاب
بس انا حسيت انه حجاب
وان ده ستايلك فى الحجاب


هو طبعا انا ماليش اى حق
انى اتدخل فى علاقتك بربنا

بس هو سؤال بيكون حشرى كدة
لما اعرف واحدة محجبة
والاقيها قلعت الحجاب

بيكون سؤال تلقائى منى انى اسالها
هو انتى قلعتى الحجاب؟


فارجو انك ماتكونيش زعلانة
من فضولى الخيخى


بس خلاص

لو زعلانة منى فانا اسفة

سلام يا قطقوطة
‏قال Adam
نصيحتي ليكي عتاب الندل اجتنابه
اصل في ناس غاويه تأذي البني ادميين بيلاقوا سعاده في دموع الاخريين

كبري دماغك لاي حد وسيري ونحن خلفك

اما بالنسبه للنت والحراميه فده وارد

ماتزعليش ربنا معاكي

تحياتي

ادم
‏قال غير معرف…
عارفهاااااااا
دى ولية شرشر يا قطة بتلف على مدونات الرجالة يا بنتى وقال الله وقال الرسول وفى النص شوية شرمطة وفى الاخر برضه قال الله وقال الرسول بس هى تخصص رجالى يعنى تلاقيها بس اتغاظت منك ولا حاجه ماهى اصلها عندها حق تولع دى بوز اخص المفروض تعمل لاخرتها وتروح تحفر لها تربة تتلم فيها
‏قال Desert cat
mady
ولا بتذكرها ولا بعبرها ده انا حتى لو داخله مدونة حد صدفه ولاقيت لها كومنت مش برضى اكتب حاجه علشان اسمى مش يتنجس منها اصلها زبالة فعلا
‏قال Desert cat
سمراء
احيانا سمراء من شدة العزف على الوتر بينقطع خصوصا لو كان اللحن حزين
والوتر ضعيف
اشكرك جدا
‏قال Desert cat
بت خيخة وأي كلام
ازيك انتى يا ام شريف
اخبارك ايه
انا كويسه وزى الفل يا قمر
الكدابة دى انا حاطها تحت جزمتى لكنها عاملة زى الكلب اللى بيهوهو
والكلب طبيعى لما يهوهو بتف عليه
اما بالنسبة لحقوق الملكية الفكرية فانا اللى ضايقنى وقتها اللى سرق الخاطرة ونشرها كان بيرد عليا وكانه حق مكتسب ليه
سؤالك نشرته اصله استفسار عادى يعنى مش عيب
‏قال Desert cat
بت خيخة وأي كلام
نيجى بقى لاجابة السؤال بتاعك
انتى كنتى مقابلانى فى معرض الكتاب صح ؟؟ يعنى فى شهر 2وكان تقريبا الوقت اللى شوفتينى فيه مش تعدى ال5دقايق لانى وقتها مش كنت فاضية شوفتينى فاكرة ازاى
انا اول مرة بقى الحقيقة اعرف ان سكارف الطقم اللى الشخص بيكون لابسه بيبقى اسمه حجاب اصل الاسكارف ده ممكن بيتلف على الرقبة او يتعمل الشكل اللى شوفتينى بيه ده واللى هو انتى اتلخبطتى فى الربطة لانها تدل على انى مش محجبة محجبة يعنى او هو للحشمة عموما دى معلومة قيمة اشهد لك بيها علشان اتلاشى الخطأ الفادح ده ومش اكرره تانى سواء طلعت على التلفزيون او طلعت القمر
كمان اعتقد وقتها كنت عاملاه زى ما لما طلعت على قناة الإنسانية وكل الناس شافت الحلقة ولو ده اسمه حجاب يبقى حقيقى انا ليا حق استغرب واتعجب على الناس اللى بتكركب فوق دماغها اكوام من القماش فى الحر ده
عموما ميرسى على المعلومة يا قمر علشان اتلاشى الخطأ ده تانى وثانياً ارجو اكون وضحت لك الفكرة

تحياتى ليكى
‏قال Desert cat
Adam
لا يا ادم احنا كدا هنظلم الندل لان الندل فى كل الحالات انسان ممكن يتعلم الاحترام فيما بعد لكن دى كلبة
والكلبة دى مش عارفه بتلف ورايا فى كل مكان على اساس انى اعبرها او ارمى لها حتة عضمة وجت لى ذليلة تقولى جاية لك وشايله كفنى على ايدى لكن رميتها بالكفن بتاعها فى اقرب سلة زبالة ومن يومها وهى قاعدة تهوتهو بالشكل ده
عموما لا تعنينى فى شيئ فى النهاية
وزى ما قولت لك هى فى اقرب سلة زبالة بالنسبة لى
حرامية النت دول بقى افتكرتهم اصل تقريبا النت هو اللى بيرمى علينا البلاوى دى
تحياتى ليك ادم
شرفتنى
‏قال الربان
تحياتي

ياريت لو سمحتي نفتح صفحة جديدة...و نتعامل بيننا بقلب صاف...اخوة في الله
انا لا اريد ( هذا رجاء شخصي مني لحضرتك ) الا تتفاقم الامور ...و يمكن المحبة تكون دافع لنقد بلهجة شديدة..

____


بالنسبة لموضوع الخاطرة...هي جميلة..
و فعلا الانوثة في خباياها و زواياها..
و ياريت تجمعي كتاباتك علي اوراق و تحتفظي بها الي ان تنشر.

و اذكر نفسي و الجميع بقول الله تعالي :

: {وإذْ أخذ الله ميثاق الذين أوتوا الكتاب لتبيننّه للناس ولا تكتمونه فنبذوه وراء ظهورهم واشتروا به ثمناً قليلاً فبئس ما يشترون . لا تحسبن الذين يفرحون بما أتوا ويحبون أن يُحمدوا بما لم يفعلوا فلا تحسبنهم بمفازة من العذاب ولهم عذاب أليم . ولله ملك السماوات والأرض والله على كل شيء قدير} [آل عمران: 187-189].
فلا تنسب اخي و اختي الفضل الي نفسك بل الي صاحبه....

غفر الله لي و لكم جميعا....


تحياتي و تقديري
وضحت يا قطوقطة

هو بس اللغبطة حصلت ان طريقة ربطتك للاسكارف يوم معرض الكتاب كانت شبيهة بالربطة الاسبانى
فانا قلت انك محجبة

لكن فى قناة الانسانية

كنتى رابطة حاجة شفافة على شعرك
وفيه كمان خصل من شعرك باينة
فانا قلت يبقى قلعتي الحجاب

يعنى اللغبطة جت من اعتقادى انك محجبة وانتى اساسا مش محجبة


شكرا على التوضيح
واسفة برضه على فضولى



سلام
اختك خيخة
‏قال Desert cat
Anonymous
والله انا ماليش دعو هى بوز اخص ولا بوز حمار لنفسها المهم ان اطفال بتعلموا من الحياة ودى رجل هنا ورجل هناك ودايرة تقل فى ادبها بتدللنا على تربيتها
‏قال Desert cat
الربان
يا استاذى الفاضل اعتقد ان حضرتك شوفت مين اللى بدأ يعنى انا مش بعبر الاشكال دى اصلا ولا بلتفت لها لكن هنعمل ايه فى ناس لا عارفه تحترم نفسها ولا تحترم سنها

عموما اشكرك جدا على تعقيبك بخصوص الخاطرة بس مين اللى يسمع ومين اللى ينفذ ويعرف يعنى ايه كلمة احترام

تحياتى لحضرتك وشرفتنى جدا
‏قال Desert cat
بت خيخة وأي كلام
ولا يهمك ياقمر بتعتذرى على ايه بس اذا كنتى اتلخبطتى فى الاسكارف فالف واحد من المدونين شافونى من غيره خالص حتى ليا صورة هنا فى البلوج ليها اكتر من سنة برضه من غير قطعة القماش دى خالص
شرفتينى جدا
‏قال غير معرف…
يابنتى انا اقصد انى لاطش مع ست الحاجه دى قبل كدا وهى فعلا عايزة اللى يسكها على دماغها لانها ست متخلفة عقليا فاكرة نفسها منزهه على الاخطاء مع ان كل افعالها اخطاء الرسول مكانش بينصح الناس بالطريقة دى ودى كدا مبتنصحش دى بتصيع على النت عايز حد تتشرمط عليه زى ما جت عملت معايا المفروض انها تعمل لاخرتها وتحترم نفسها وتبطل تلف على شباب فى سن ةلادها وبحجة النصح والارشاد قال مجداوية دى طلعت مهلبية
‏قال Desert cat
Anonymous
ههههههههههههههه
انا كنت عارفه انها فعلا مهلبية من وقت عمايل المراهقين اللى علمتها قبل كدا من نوع انها قدام الناس عايشة فى دور الناصح الامين ولما تتزنق تقولك ااااى قلبى نفس دور زوزو شكيب كدا اصل انا مريضة ومش هكمل نقاش
وتروح لك بعد شوية تقولك انا جاية وشايلة كفنى على ايدى على اساس انها بتلعب استغماية
يا حلولى
‏قال غير معرف…
ادينا بنجيب لك معلومات على الجاهز
وروحى افتحى الفسيبوك بتاعك هتلاقى رساله معلومات كتير عنها وعن شخصية اقذر منها من يوم ما اتولدت لحد النهارده
‏قال غير معرف…
افتحى الفيسبوك بتاعك
‏قال Desert cat
Anonymous
فتحت وشوفت
على فكرة فى بعض معلومات انا عارفاها
لكن البعض الآخر جديد لانج الحقيقة اشكرك اوى عليها وقسماً بالله اى كلبة فيهم تفتح بؤها لاشرد لها ولاهلها علشان يبقى تحط اقدم شوز فى بقها وتخرس
‏قال غير معرف…
ممكن يا قطة تستخدمي الفاظ مؤدبة؟ يعني بصراحة ماتزعليش مني..انا شايف انك بتستخدمي الفاظ مش كويسة معاها و بعدين تقولي عيب انها تشتم ؟
اتامرون الناس بالبر و تنسون انفسكم
‏قال غير معرف…
تعليق قد يبدو بعيدا عن الموضوع
ولكنه مع التفكير تظهر العلاقه
هذا نش من مكالمات هشام طلعت والسكرى...خدوا بالكم من انشاء الله وهم يتفقان على القتل
وجاء في المكالمة الثانية «هشام»: أنا خلصتلك كل حاجة.. والمبلغ المتفق عليه جاهز.. «محسن»: السفر إمتي.. «هشام»: بكره.. هي موجودة في لندن.. واتصرف انت بأه.. دا انت راجل أمن دولة.. عيب عليك.. «محسن»: إن شاء الله كل حاجة تمام.. وأول ما المسألة تنتهي هكلمك».:
‏قال غير معرف…
كلب بيهوهو
الكدابة دى انا حاطها تحت جزمتى لكنها عاملة زى الكلب اللى بيهوهو
والكلب طبيعى لما يهوهو بتف عليه
وقسماً بالله اى كلبة فيهم تفتح بؤها لاشرد لها ولاهلها علشان يبقى تحط
اقدم (شوز) فى بقها وتخرس (لما تقولي شوز مش هتبقى شتيمة؟)

كل دي شتايم ؟
‏قال غير معرف…
الكدابة دى انا حاطها تحت جزمتى لكنها عاملة زى الكلب اللى بيهوهو
والكلب طبيعى لما يهوهو بتف عليه
‏قال Adam
اشكرك علي ردك الجميل ونتمني فعلا جميعا ان الناس تتغير للاحسن
اتمني التواصل الدئم

تحياتي

ادم
‏قال Desert cat
Anonymous
معلشى يا فندم ماهو انت لما تبقى فى حالك ومش بتعبر حد وعلشان واحدة مخها تعبان مثلا عاملة نفسها قديسة وهى فى الاساس مش ليها فى البطيخ ولما تشوف لها رد فى اى مكان مش ترضى اسمك يكون موجود فى المكان اللى هى فيه مع الاحترام لصاحب اى مدونة انا دخلتها ولاقيت تلك الكائنة فيه وخرجت تانى ولما هى تشوف لك كومنت عند حد وتلاقيه مسكت صاجات زى رقصات موالد واشتغلت تلقيح كلام يبقى مش تلوم غير على نفسها لانها من البداية مش كانت محترمة يبقى مش تستحق الاحترام
اشكر لك النصيحة
وتحياتى لحضرتك
‏قال Desert cat
Anonymous
انا اتفاجأت بحكم الاعدام على هشام طلعت ومحسن السكرى
وبعدين انت مركز اوى على كلمة ان شاء الله مش شوفت اول جلسة وهو حاضر فيها وماسك المصحف لوووووول
‏قال Desert cat
Adam
ميرسى اوى آدم
ويسعدنى ويشرفنى التواصل معاك
‏قال Desert cat
Anonymous
لاء كلمة شوز شتيمة بس لو كانت شوز قديمة وانا هنزل اشترى لها شوز قديمة من سوق الكانتو اصل اللى عندى جديد وخسارة فيها
‏قال عماد
هو الواد عديم الإحساس طلع واحده ؟
‏قال Desert cat
عديمواحدة تانية برضه عديمة الاحساس زيه ومش تتخير عنه فى حاجه
‏قال غير معرف…
http://www.syasah.com/vb/showthread.php?t=1858&page=2

المشاركات الشائعة