ويتوالى الجهل مراراً .. هلموا الى ختان الإناث


أضاف رئيس الإدارة المركزية للرعاية المتكاملة فى بيان لوزارة الصحة أن المستشفى قد إستقبلت طفلتين وهما يعانيان من نزيف حاد إثر إجراء عملية ختان ، وتم تقديم العلاج اللازم لهما لوقف النزيف .
وأشار الى أن مديرية الشئون الصحية بمحافظة قنا تقوم بعمل التقصى عن الحالات ومعرفة القائم بعملية الختان لإتخاذ كافة الإجراءات تجاههم
.

مش معقول الجهل المتفشى ده .. مش معقول بالرغم من كل التحذيرات وكذا حالات الوفاة اللى حصلت بسبب عملية بتر الأعضاء التناسلية إنتقاماً من الأنثى دون أى سبب إقترفته لكن إرادة الله ان تكون أنثى ليتم بتر عضوها التناسلى بحجة الحفاظ على العفة التى لا علاقه لها ببتر البظر من عدمه ولازال الناس فى غياهب الجهل يعمهون
يا ايها الحمقى أفيقو مركز الإحساس ليس فى البظر وإنما فى المخ
ايها الحمقى يا من تنادون بأنه من الدين هذا الفعل القميئ بريئ منه الله ورسوله فمنهج الرسول واضح وصريح ولا يحتاج تأويل
اتركو أعضاء الفتيات وشأنها ونفذوا تعاليم الدين الصحيحة وأهمها المعاملات
ياريت المسؤلين يزودوا الوعى شوية فى قرى ونجوع الصعيد لأنها لازالت حتى الآن متخلفة عن الركب فأغلب حالات الوفيات التى تحدث بسبب هذه العادة القميئة تتمركز فى صعيد مصر
وياريت اى طبيب يتعرف انه قام بالعملية القذرة دى يتسجن مع إعافائه من ممارسة مهنة الطب
لان اللى بيعمل كدا حيوان مش انسان

تعليقات

‏قال Unknown
العزيزة القطة
اية اخبارك
اسف على عدم التعليق عندك من فترة بس والله مشغول
انا عملت موضوع عن الختان من يومين ونشرتة على مدونتى
La donna
ودا اللينك بتاعها للي يحب يقرا
http://la-donna77.blogspot.com/
الموضوع فية كلام كتير مهم ارجو من الجميع الاطلاع علية .. انا كتبت عن الموضوع دا وكيفية اجراء الجريمة دي والادوات المستعملة والاضرار الناتجة عنها ودعمت البحث بالصور
ارجو الزيارة
تحياتي والى الامام
‏قال مواطن مصري
هيجي واحد و يقولك الختان و الشريعة و انتم اعداء الدين


:)))



معلش مشغول عنك امتحنات
‏قال مواطن مصري
شوفي الموضوع دة ل الاهمية
http://www.almasry-alyoum.com/article2.aspx?ArticleID=212574
‏قال أسماء علي
ياعزيزتي

لازم اشرحلك حاجة .. من ضمن الألف مكان اللي رحتهم في تكليفي كنت استلمت حوالي شهرين في وحدة صحية .. طبعا بما إني أسنان فماعنديش نبتشيات بيات بس الدكاترة البشري حكولي إن في نبتشياتهم الممرضات بيعملوا العملية دي في المركز و الدكتورة النبتشية بتقفل باب اودتها على نفسها و تسكت

قولتلها بس يوم مايجي تفتيش انتي اللي هتتبهدلي قالتلي ماهو لو ماسكتش ممكن البلد كلها تقوم عليا و اتبهدل برضه

!!!!!!!!!

انتي متصورة وصل لإيه الجهل
الجهل بقى بيخوف اللي فاهم

يا حنان الموضوع ثقافة مجتمع بقى مُغيب و آثار التخلف في التفكير بقت واضحة عليه
‏قال على باب الله
مصر بدأت تاخد خطوات جادة في الموضوع ده , على الرغم من الحوادث المماثلة للي ذكرتيه في المقال إلا أني برضه متفائل , و حاسس أنه من الموضوعات القليلة اللي الحكومة بتتصرف فيها بشفافية و بإهتمام حقيقي
‏قال Migo Mishmish
الصورة صعبه قوي يا قطة
وممن تكون اللي ماسكة البنت امها
ايه ده
انا مش عارفه ممكن الفكر القذر ده اللي الجاني فيه بيعاقب المجني عليه
ربنا ريحمنا بجد من الهبل
Love,
MishMish
‏قال غير معرف…
من فضلك تختارى كويس الصور اللى بتنزليها مع مواضعيك حفاظا على مشاعرنا على الاقل الصورة بشعة واتسببت لى فى صدمة نفسية
‏قال Magi Mostafa
فعلا جريمه من ابشع الجرائم وللاسف بيتم ارتكابها باسم الدين والدين برئ منها
من كام سنه كده كان عندنا واحده بتساعد ماما فى البيت حكت على ان فى مجموعه من الشيوخ عدوا على قريتهم واقامو ندوه للتوعيه باهميه الختان !!!!!!وللاسف صدقهم الناس وختنوا بنات القريه كلهم وبنات الست دى وكل واحده اخدت حوالى 30 -34 غرزه وعلى ايد دكتور للاسف
‏قال أحمد بكر
أزال المؤلف هذا التعليق.
‏قال أحمد بكر
أزيك ياقطه أيه الأخبار ياترى فكرانى على فكره أنتى كنتى صاحبة أول تعليق أتكتب على مدونتى على أول بوست ليه (طفل من فلسطين
المهم بجد شىء مؤسف ومخجل جدا أن يكون لسه فى ناس بالجهل والقسوه دى على فلذات أكبادهم بجد مأساة بس ياريت الناس تتعظ وربنا يستر
مستنى زيارتك لمدونتى المتواضعه من تانى ومستنى أشوف تعليقاتك الرقيقه المحفزه للنجاح وربنا يوفقك
‏قال بيكر…
أزيك ياقطه أيه الأخبار ياترى فكرانى على فكره أنتى كنتى صاحبة أول تعليق أتكتب على مدونتى على أول بوست ليه (طفل من فلسطين
المهم بجد شىء مؤسف ومخجل جدا أن يكون لسه فى ناس بالجهل والقسوه دى على فلذات أكبادهم بجد مأساة بس ياريت الناس تتعظ وربنا يستر
مستنى زيارتك لمدونتى المتواضعه من تانى ومستنى أشوف تعليقاتك الرقيقه المحفزه للنجاح وربنا يوفقك
بيكر
‏قال صوت الحق…
قطتي العزيزة

أرجوكي لاتحكمي على دين من وجهة نظرك

فسيادتك تقولين أن هذا ليس من الدين .

و لعلم سيادتك فهذا من صميم الإسلام ،و هو ما أوصى به الرسول

و ليس ختان الإناث فقط هو المضر فختان الذكور أيضا له أضرار جمه و يجب أن يمنع هو الآخر .

فقطع الغلفة في هذا السن الصغيرة بالإضافة إلى أنه يسبب صدمه عصبية للذكر ،فأيضا الذكور المختونين يشعرون بإحتقان بمجرد إحتكاك الملابس بقضيبهم مما يعرضهم أيضا للإنتصاب المستمر

كما أن الأبحاث أثبتت أن الذكور المختونين يميلون دائما لتعدد الزوجات لعدم شعورهم بالراحة الجنسية نتيجة لهذه العادة الذميمه

http://69.63.176.144/topic.php?uid=20593114209&topic=7500

http://69.63.176.144/topic.php?uid=20593114209&topic=7500

http://www.doctorsopposingcircumcision.org/
http://www.doctorsopposingcircumcision.org/

و أخيرا أنقل لكي هذا البحث من مدونة something for soul
و التي أيضا لا أوافق على كل أفكارها و التي يتخيل صاحبها دين و مشي على دربه و لكن إختياره لموضوع الختان و أضراره جيد من حيث الموضوع أما خيالاته أن الإسلام يمنع ختان الذكور فأنا أترك الحكم لكم جميعا
‏قال شق القمر
يا فتاتى العزيزة
مسا الخير أولا
بقالى فترة مش سلمت عليكى :D

بص ياباشا
لازم فى اى موضوعٍ ما نعرف بيندرج تحت مسؤلية مين

المسؤلية هنا طبية
يعنى نقول مين اللى يحكّم الرؤية دى


فى ختان الفتيان الاولاد يعنى كانت حكمة الرسول وسنته اللى الناس ببتبعها واسلامنا

وطبعا حكمتها رهيبة جدا من رؤية الطب
لانى وجدت احد الردود بيقول انه امر مستنفَر

وفاكر ان مسألة الاحتقان دى بتكون من الطفولة او ليها علاقة

وفى دراسات كتيرة بتؤيد خطورة بعض الامراض وانتشارها فى العالم الغير مسلم واللى بتخص مسألة الأعضاء التناسلية عند الذكر

تقدر تناقش الأطباء
ومش بتكلم من فراغ .. دا لأنى طالبة طب فى البكالوريا

-----------------------------------
نيجى بقى للختان فى البنات
بصى يا جميل

فى الغالب والمعظم الوضع مش محتاج وانا لا أويده مطلقا

ولكن
فى بنات لهن وضع معين برده بيلزم يكون لها شكل جراحى بسيط

ولو مش اتعملها بتكون عرضة لمشاكل فى وقت ما

ودى بتتوقف على الطبيب اللى بتستشيره الأم
لأنه لو أمين فهيقولها لا أو اه

ودلوقتى بقت أمور وقيدة عالدكاترة
فأصبحت الموافقة على حاجة زى دى محتاجة اشراف أخصائيين ومتابعه

لكن همجية وجهل ختان الاناث انا نفسى بقابلها من بعض الناس

تلاقى البت والدتها تعرضها على طبيب فيقولها مش فى حاجة لبنتك لامر زى دا

تلاقى جارتها ولا حد من اهلها .. ازاى مينفعش وتبقى بنت ازاى و و و

قمة الجهل والتخلف

وتلاقى الوالدة تاخد البنت مرة وتالتة ورابعه ومتخيلين ان دى مشكلة عند البنت

معلش
ماهو يوم اتخانق واحاول اضبط فهمهم واحاول اشد معاهم

لحد ما يطلع جيل يقول لا
‏قال غير معرف…
7anoooooooooooon:
ana mesh mesada2a en dahy beye7sal f masr ma32ol feh ta7'alof keda,tab 2eh el hadaf aslan,bosy ya 7anoon ha2olek 3ala 7aga yemken 3ageba bas ana 3omry ma 7aseet en ana me7taga gens aslan ma3a eny mesh ma7'tona wala 7aga heya aked zay ama enty olty 7aga fel mo7',ma3lesh harod 3ala sot el 7a2,3ala fekra fel islam esmaha taharet el walad mesh 7'tano o dah aslan 3alashan beykon feh 7etet geld betlem el garathem o betgeb amrad laken 7ekayet ba2a en el ragel be7yes eno na2es deh o en taharet el wald bet7'aleh 3ayez ta3adod zawgat f dah habal o 3abat o doesnt make any sence o ma3taqedsh eno bey7es eno na2es 7aga bas howa el regala 3enhom zay3'a bas o mesh yemla 3enhom 3'er el torab
ta7eyaty leky ya 7anoon
‏قال Desert cat
Medus
انا تمام ميدوس الحمد لله
لا تعتذر على شيئ عزيزى فانا اعلم تماما كم مشغولياتك كان الله فى العون
ساتابع حالا البوست على مدونتك

تحياتى
‏قال Desert cat
مواطن مصري
ايوا ده على اساس ان المتدينين علموا كل حاجه وادوا الفروض لما هيجيبوا لنا عادات لا هم ولا طائل خلفها
ربنا معاك
وان شاء الله تطلع بتقدير امتياز
:))
‏قال Desert cat
مواطن مصري
هشوفه حاضر
‏قال Desert cat
أسماء علي
مش عارفه ليه دائما الجهل صوته عالى
علشان كدا صدى صوته بيوصل بسرعه البرق
كان ممكن الدكتورة تاخذ موقف محايد وتبلغ الجهة المختصة بعمل تفتيش وتطلب انه يكون مفاجئ لكن السلبية فى مثل هذه الاشياء لا احبذها
تحياتى يا سمسم
‏قال Desert cat
على باب الله
انا متفائلة خير بالوزيرة مشيرة خطاب
وربنا يعدينا من الازمة دى على خير

تحياتى
‏قال Desert cat
Migo Mishmish
ممكن جدا فعلا تكون امها
الفكر القذر ده اعتقد طول ما فى وهابيين وسلفيين متعفنين فى مصر مش حينتهى
ربنا يريحنا منهم
تحياتى مشموشه
‏قال Desert cat
Anonymous
سلامتك من الصدمة النفسية
امال البنت اللى قاعدين يقطعوا فى اعضائها دى تعمل ايه
انا مش جايبة الصورة من بيتنا دى حوادث بشعه بتكرر كل يوم
تحياتى
‏قال Desert cat
Sharm
ربنا يستر
‏قال Desert cat
magi
يا عزيزتى دى الناس الجاهلة دى بتبارك لبعضها على المصيبة اللى بيعملوها فى بناتهم
ربنا يرحمنا
‏قال Desert cat
بيكر(baker)
طبعا طبعا متذكراك يا فندم ومفتقدينك
حمد الله على سلامتك لعالم التدوين من تانى
الناس اللى بتقطع اعضاء فلذات اكبادهم بيكونوا مبسوطين وبيزغرطوا وبيباركو لبعض على الجريمة اللى ارتكبوها فى حق الانسانية
عمرك شوفت قاتل نفس بشرية ضميرة مستريح اوى كدا
تحياتى
‏قال Desert cat
صوت الحق
انا مالى بالدين يافندم
انا لما ذكرت الدين كان مجرد استنكار للناس اللى بتلصق كل حاجه بالدين والدين منها بريئ
الدين مش امر قطع الاعضاء للبنات والذكور
الختان ده عادة افريقية ملهاش اصل ولا وجود فى اى دين
الابحاث اللى حضرتك جايبها مين اللى كاتبها ؟؟ وستند فيها لايه ؟؟
مش بتقولوا ان الختان من الدين
ياريت آية قرآنيه صريحة تأمر بالختان
وانا أوعدك أحذف البوست ده وكمان أدعو لختان الاناث
تحياتى
‏قال Desert cat
شق القمر
اولاً أنتى شرفتينى جدا ومرحبا بكى بعد غياب
بصى يا دكتورة انا احترم رأى الطب جداً لكن فى فرق بين إنى اقول ان البنت أو الولد ده مصاب بعيب فى العضوو التناسلى ومحتاج تجميله وبين انى اقول ده الدين أمرنى بالختان وقطع الأعضاء يا بشر انتاو ايه مش مسلمين لازم الكل يقطع اعضاء اولاده .. طيب جيب يا سيد راى الدين اذكر لنا فى اى موضع تلاقيه عمل نفسه هندى ومش فاهم انتى بتتكلمى باى لغة

تحياتى ليكى وشرفتينى جدا
‏قال Desert cat
Sola
شوفتى بقى يا سولا الحال المزرى اللى مصر فيه يعنى كل العالم حاسس انه عايش فى الالفيه التالته ومصر عايشه فى عادات افريقية قديمة مالهاش علاقة بالحياة الدنيا اساسا
بالنسبة للاخ صوت الحرية فهو عذره معاه فى ناس معتمده فى حياتها كلها على النقل مش على التفكير
تحياتى ليكى يا قلبى وشرفتينى جدا
‏قال شق القمر
تسلمى يا قطة على ردك الطيب
ولكن أحب أوضح نقطة
لو رأى الناس انه تجميل فدا جهل برده
تدخل الطب عمره ما بياخد غير بما يضر صحة الانسان
وهناك امراض سيئة التأثير على الصحة الجسدية والنفسية للفتيان الغير مختونين
اما عن الفتيات فبعض الحالات فقط كما ذكرت ولا تتم لهن الا اذا كانت الحالة تقتضى وتحت مشورة طبية متكاملة

بتمنى اولله يا قطة الاقى الناس متفاهمين
احس انى بكلم ناس قادرة تستوعب دور كل حاجة وتميز بين العلم والجهل صح
ناس تسأل عالتقاليد وتقول ليه ؟؟
ولو توصلت لاجابة مقنعه يبقى ليها حق
لكن مش عالعميانى كده


أراكى دوما على خير وبكل خير :)
‏قال غير معرف…
قطقوطة

انتي بتنفخي في قربه مقدوده

ديل لا بيحسوا ولا حاجه

شكيتهم علي الله

صافي الود
‏قال Blank-Socrate
نفسى اعرف
ربنــــــــــــــــــــــــــا خلقها كدا ليها طالما انت شايفين ان الجزء دا لازم يتشال
ايه الغباء الانسانى دا
حرااااااااااااااااااااااااااااام
جريمه بشعه
بتقتلوا الانوثة و المشاعر الجميله اللى ربنا اراد انه يديها لكل انسانه
انا مش قادر افكر ولا اتكلم فى الموضوع لانه مهين و بشع جدا
‏قال غير معرف…
حج مقبول وذنب مغفور دايما تحصل مشاكل ودايما الناس يضيعون بس الله في عونهم .وشكرا على الصور

المشاركات الشائعة