حينما تتبدل الاسماء .. يتحول القلب لاشلاء


لم تكن تتمنى سواه فلطالما حلمت به دون أن تراه وحينما لعبت الظروف دورها ليتقابلا دون سابق انذار لم تصدق أن حلمها تمت ترجمته إلى واقع .. تبادلا الحب إختلسا من الزمن أجمل الأوقات وحينما داعب أحشائها جنين تكون منه بداخلها كادت تطير فرحاً وطرباً فسوف يأتى من يكلل تلك السعادة ويربط بينهما برباط ابدى .. شعوره كان لا يقل عنها فكم أنفقا من الوقت فى مناقشات حول اسم من سيحمل اسميهما معاً فهو يريد انثى تحمل ملامحها وهى تريد ذكر يشبهه تماماً بل وستطلق عليه نفس الاسم كى يظل اسمه يتردد دائما على لسانها حتى فى اوقات عمله ... حاولت بكل ما تملك من أنوثة أن تكون هى حواء الأولى والأخيرة فى حياته فتلونت من أجله جميع الالوان .. أيضاً هو كان يتفنن كيف يسيقيها الحب ألواناً ويطربها بأجمل العبارات .. رأت نفسها بين أحضانه ابنته وزوجته وحبيبته وعشيقته .. وفى وقت غير مناسب تماماً شعرت بالصرح العظيم الذى أقاماه سوياً من شرايين قلبيهما بدأ عليه الوهن أصابه شرخ فى أسفل الجدار .. لم تعد تشعر بأنفاسه تحتويها بات فراشها بدونه كالثلج فى ليل الشتاء القارس .. أملها متعلق بمن فى أحشائها تنتظر قدومه كل ساعة .. لم تعد تقوى على مقاومته من داخلها احتياجها له يقتلها كل ما فيها يناديه فقد جفت منابعها بل أوشكت على التشقق .. إستخدمت ذكاء الأنثى بكل ما تملك من رقة ودلال .. وحينما هم بروى ظمأها بدل الأسماء ليناديها باسم اخرى غيرها .. حتى تتأكد الهواجس التى طالما رفضتها ولم تسمح لها بأخذ جزء ولو يسير منها .. حاول إيجاد مبرر مراراً وتكرراً .. لكن نزيفها بدأ يجرى بداخلها كالنهر .. حبها يحتضر .. اعترف بأنها كانت مجرد نزوة أما أنتى من ملكتى القلب والروح فيكفى بأنك أم ابنى .. وكأنه يمن عليها بهذا الكرم العظيم .. أجابته بدموعها .. الخيانة أتحملها من الدنيا وما فيها إلا أنت .. الآن تحطم قلبى بعد أن وضعته رهينة بين يديك بعد أن سجنت مشاعرى كلها لأجلك أنت .. بعد أن لويت عنان نفسى أستيقظت على طعنة غادرة بعد أن آمنت بك بعد أن أدخلتك محرابى بعد أن صليت من أجلك ظننت أنك ملاك فوق أخطاء البشر ظننت أنك جزء منى ملكتك وملكتنى ولكن واسفاه على يديك عرف قلبى طعم الشقاء بعد الهناء ولكن قسماً بحبى لك ساجتثك من اوردتى وشرايينى فانا من زرعتك فى ذاتى وتكوينى لانك لم تشعر بى او تحس ساغير بيدى كل شيئ وبعد الان ساطرد من داخلى هواك كل شيئ سيتغير بل من الآن قل مات .. ظل ذلك الكلام يتردد بداخلها وهو ينظر إليها موجهاً سهامه الى عينيها التى تحولت الى سيل منهمر .. ينتظر منها كلمة اشارة ان ترد عليه ان تصفح عنه .. امسك بكتاب الله يحلف لها انه لمثل هذا ابدا لن يعود فلتغفر له وسيبقى وفى الا بد لكل العهود .. ولكنها قررت أن تحرمه من سماع صوتها فقط خطت له .. يادمعة لن أحتمل وقصيدة لم تكتمل وحدائق راعيتها فرايتها الآن صارت تشتعل


سؤال بيتردد جوايا ليه البعض ومش هقول كل الرجالة علشان مش اكون ظالمة او قاسية فى حكمى ممكن تكون زوجته تتمتع بجمال ونقاء قلب يعطيها الحب فتبادله بالعشق وبالرغم من كدا يضعف قدام اول واحدة تقابله عند أول مفرق طرق

تعليقات

‏قال غير معرف…
شكراً قطة الصحراء على مرورك بأرض الرمال


اخوك بن
‏قال صفا سارة
بجد مش عارفه ارد ع البوست ده
:(
‏قال Desert cat
The land of Sands
انا تشرفت جدا بالمرور فى ارض الرمال
كما اضاء صفحتى وجودك بها
تحياتى
‏قال Desert cat
صفا سارة
مش مهم الرد الاهم ان احساسك واصل

تحياتى صفا
‏قال rania
مرحبا قطتنا الجميله

لا اعرف بضبط من نلوم
هل نلوم المجتمع او الدين وسلطه الذكوريه
امنلوم نفسنه لان الاختيار ليس في محله

لا اعرف

اشكركِ على زيارتك للمدونه
‏قال Magi Mostafa
كلهم كده على فكره
قصه قصيره ممتعه
تغيير جميل عن المواضيع السياسيه والجاده
نوعى كده من وقت للتانى خصوصا وانت موهوبه جدا فمتحرميناش من الحجات الحلوه دى
اكتر حاجه فعلا تقتل هيا اللى قولتيه دلوقتى
الكلام تقيل بس للاسف حقيقه حصلت و بتحصل و هتحصل
‏قال HEART BREAK
استمرى قطة الصحراء

تستحقى التشجيع

هارت بريك
‏قال مفكر…
الفرق كبير بين سيكلوجية المراه والرجل؟
....المراه باختصارتطمخ الى ان تبنى عشا وحياتها النفسيه كلها تدور حول المخافظه على العش اى المخافظه على استمرار الحياه فى الواقع... المراه نفسيا تقف فى صف الحياه وتتحيز لها..وما عاطفيتها وانشغالها بالحب والعواطف الا علامات على هذا
الرجل تغلب عليه غريزة الصيد واللعب والمغامره
والمراه فى كثير من الأحيان لا تزيد لديه عن لعبه اخرى يلهو بها
سطحى العواطف ...لا يكترث كثيرا باجندة المراه التى وصفتها منذ قليل
والمثل يقول المراه تعشش والرجل يطفش
وهذا صحيح الى حد كبير
المراه الصق واقرب الى رسالة استمرار الحياه
فالخت ام حتى لمن يكبرها من الأخوه الصبيان ....الخ
هذا رايى وانا رجل ولكن الحقيقه اهم
‏قال Adam
والله كل الرجاله مش زي بعضهم ليه تحكموا علي الرجاله كلهم بذنب واحد

يا معشر النساء وايتها القطه في الصحراء الجرداء
ارحموا الرجال من تعليقاتكم
حلوه صح
هههههههههههههههههه

تحياتي
ادم
‏قال على باب الله
قصة جميلة و مؤثرة و أسلوبك في الحكي رائع بجد

أما عن إجابة السؤال فأكيد الخيانة بتبقى فراغة عين سواء من الرجل أو من المرأة .. و إن كنت متفق معاكي أنها بتزيد في الرجال لأسباب كثيرة منها ثقافة المجتمع اللي بتبيح للرجل ما
تُحرمه على المرأة و بتدلع الراجل الخلبوص و تسامحه في الوقت اللي بتبقى قاسية قوي على المرأة اللي بتفكر تلعب بديلها و ده بيخليها تفكر ألف مرة قبل ما تمشي في الطريق ده
‏قال غير معرف…
ya 7anooon
2eh el 3azama deh ya mozza
romanseya o mafesh seyasa la2 tamam keda
bosy ha2olek 3ala 7aga
el regala kolaha lazem hatbos bara bas el set el nas7a elly tesebhom ya3melo elly homa 3ayzeno o homa hay3oto shewaya o hayerga3o fel nehaya l bethom
ya3ny 2eh ba2a gafat manabe3ha dehhh....
salamoz ya 2a7la desert sa7ara\
love uuuuuuuu
‏قال mady…
بستنى مقالاتك اللى من النوع ده بفارغ الصبر متطوليش علينا بيها يا كاتى
لا يوجد في الحب فرق بين رجل وامراة
فالحب وظيفة انسانية تماما كالاستنشاق والتفكير
في حالات تتعطل الوظائف اما لسبب عضوي
او لسبب معنوي

لايوجد تفسير لخيانة الرجل
كما لايوجد تفسير او تبرير لخيانة المراة
فالخيانة من اي من الطرفين جارحة

لكن حقا لا يوجد من هو اقسي من انثي لا تسامح رجلها
ارجوك اجعلي البطلة في البوست تسامح بليز
‏قال Blank-Socrate
عزيزتى
الحب شىء و الشهوة شىء اخر
الخيانه الناتجه عن شهوة شىء مقزز
ما أحقر الرجل الندل
أسف علي التعبير
ولكن هو كذلك
‏قال Blank-Socrate
قطتى هو بوست موضوع يعنى للنقاش و لا قصة قصيرة :)
فى كل الاحوال احنا معاك يا ريس و نبايعك لبوست جديد
‏قال غير معرف…
بالرغم من انى مش بطيقك لافكارك المتطرفة لكنك فى الموضوع ده تفوقتى على نفسك
ساعود مرة اخرى للمتابعة فى صمت
‏قال Desert cat
Blank-Socrate
بعتذر للجميع بس عن التاخير فى الرد لانى فعلا مشغولة هخلص اللى فى ايدى وارجع ارد
بالنسبة لسؤالك يا مينو
هو موضوع للنقاش وانا عايزة اعرف ارائكو وخصوصا الرجالة لان القصة ليست من الخيال ولكنها واقعية و حصلت فعلا
وانا كاتبه فى التاج حدث بالفعل
يعنى حقيقى محتاجه لأرائكو
‏قال Yasmine
سوء اختيار مش اكتر..
انا مقتنعة تماما بان مفيش حاجة اسمها ست اتضحك عليها..فى حاجة اسمها ست ضحكت على نفسها
يا اما خوفا من العنوسة يا اما املا فى قصة حب من طرفها هى لوحدها لكن جو اتخدعت و اتظلمت و اتضحك عليا دا مش بقتنع بيه يا حنان بصراحة..الموضوع مكتوب حلو اوى على فكرة :)
‏قال Blank-Socrate
واضح ان انت بتعملى محشـــــــــــى
كل دا :)
السلام عليكم

قراء مدونتي يعلمون جيدا أني لا أطيل الفترة بين عمل وعمل أخر

وحضرتكم أصبحتم من أصدقاء المدونة فتفضلي بقبول التعليق علي ما هو جديد لنتبارك بحروفك
‏قال Ehab
قصه حلوه
وجعتنا طبعا
بس يا ترى القصه محكيه بصافي النيه
ولا الحكايه ليها بقيه
ويا ترى
الست ديه
كانت بالفعل زي ما وصفتيها امرأه مثاليه

انا بقولك من الأول كده قبل ما نتخانق يعني
مفيش امرأه مثاليه
لكن علشان انتي ختمتيها بجمله حقانيه هكون حقاني ميه ميه
اه ممكن تكون هي مقدماله كل حاجه
حب
احترام
رعايه
سرير
كل حاجه هو عايزها
لكن المشكله ان الأنسان بطبعه طماع
ومش بقول الرجل بقول الأنسان
يعني الراجل والست
بس الفرق بين الراجل والست وده حاجه في تكوينهم ان الست بتبقى عايزه اللي ناقص في جوزها تجيبه وتكمله فيها عايزاه يحقق كل اللي هي بتتمناه
لكن الراجل بقى متكاسل شويه اول لما يفتقد حاجه فيها بيدور عليها جاهزه في واحده تانيه وهنا ده عيب في الراجل مبنكرش لكن هي دي الحقيقه

الحاجه التانيه بقى ان ساعات كتير مبتبقاش هو بيدور على حاجه مفتقدها وهي مش قادره تحققهاله
بمعنى ان مش فيه حاجه ناقصه عندها وموجوده عند الست التانيه بالعكس في حاجه ناقصه عنده هو بيدور عليها عند الست التانيه يعني في راجل بيحب يكون مع اكتر من ست مش شرط في السرير لكن حتى في العلاقات بيحب يحس انه بيعرف ستات كتير
برده كده مخدمتش انا قضيتي
لكن معلش نقول كمان
لو تعرفي مدونه اسمها مكسوفه ودلوقتي مدونتها اسمها غرام
هي زمان علقت عند فريده على الموضوع ده ان الراجل على راي المثل بتاع جدتها زي الكلب لو لقى لقمه متعاصه خرا هيميل عليها برده ياكلها

وهنا بقى انا عجبني الممثل جدا جدا
علشان فعلا الراجل اللي يدور على الحرام بره بيته برغم انه عنده الحلال يكفيه يبقى فعلا شبه الكلب
لكن المثل موقفش هنا المثل بيقول لقمه متعاصه خرا يعني الست اللي هو ماشي معاها دي واللي قبلت تكون لقمه متعاصه خرا
ايوا هو ده تعريفي لأي واحده سمحت لنفسها تبقى عشيقه وخدي بالك هي كتير بترمي شبكتها على اي كلب من الرجاله عنده استعداد يوافق وللسف كتير مننا معشر الرجال مبيحتاجش مجهود هو بس حته تنان قدامه كده وبيريل على طول
العيب على الطرفين
الزوجه اللي مخدتش بالها واكيد هي مش مثاليه قوي زي ما قلتي
الزوج الكلب
العشيقه اللي متعاصه خرا

حاجه اخيره ساعات الخيانه مش انهم يروحوا السرير سوا ممكن بس الكلام
ممكن التليفونات
وده كتير قوي

سلاااااااااااااااااااااااااااااام
‏قال مفكر…
لآ تقل متطرفين -من اى دين -قل اعداء الحياه
‏قال dr.lecter
علشان احنا الرجاله لسه مش قادرين نفهم نفسنا كويس

لسه مش عارفين احنا عاوزين ايه
‏قال Desert cat
rania
اهلا رونى
اعتقد ان جميع ما ذكرتيه مجتمع يستحق اللوم فالذكر تم تنصيبه من قبل اسرته بانه نصف اله على الارض لذا من حقه يفعل ما يشاء وقتما يشاء دون حساب لمشاعر من تشاركه حياته
شرفتينى رونى
‏قال Desert cat
magi
القصة موجعة لينا المستمعين فما بالنا بصاحبة الطعنة
:))
ميرسى جدا ليكى ماجى
تحياتى
‏قال Desert cat
صيدلانيه طالعه نازله
مش عافره يا دكتورة اللى بيحصل ده ممكن فى يوم نقدر نحترم مشاعر بعض وطالما انسانة عايشه حياتها ليه بنفس مخلص لها بنفس قدرها ولا انا بطلب رابع المستحيلات
‏قال Desert cat
HEART BREAK
ميرسى اوى عزيزى هارت
تحياتى ليك
‏قال Desert cat
مفكر
بالفعل استاذنا المرأة مخلوق عاطفى فبمجرد كلمة لطيفة تسلم قلاعها
ولكنى القى عليها اللوم وجزء من المسئلية فهى لم تخلق لتعيش له كما تقول هى فلا تقف الحياة عند انسان ولتحطم نفسها وقلبها لاجله
عند اى عاطفة مهما كانت لابد من تدخل العقل
‏قال Desert cat
Adam
هههههههههههه
انا مش حكمت على كل الرجالة يا آدم بلاش تعصب لأبناء جنسك اصل فيهم اللى يستحق الضرب بالنار فى ميدان عام
انما المرأة كائن رقيق
:))
‏قال Desert cat
على باب الله
اولاً اشكرك جدا على حسن ثناءك
بالنسبة لباقى كلامك منطقى جدا ومتفقه معاه
‏قال Desert cat
Sola
يا سولا يا حياتى مين اللى تقدر تستحمل ان جوزها يسيبها ويورح لواحدة تانية ويقضى معاها وقت ظريف ويرجع لها البيت بعد كدا انا بصراحة مقدرش يعنى لو حصل ممكن افرغ فيه 6رصاصات من غير ما احس
جفت منابعها يعنى المكان اللىب يرويه ليها الغضنفر بتاعها
:))
شرفتينى يا احلى سولا
Ilove you 222222
‏قال Desert cat
mady
ميرسى لزوقك
:))
‏قال Desert cat
ساعد نسرين الايمن
فى ناس بتعرف تمثل الحب كويس اوى وتتنقل بين كذا شخص ده مش مقصور ايضا على الرجل فى نساء بالشكل ده
لكن انا دلوقتى قضيتى حاجه واحدة بس ليه انت شايف انسانة مخلصة ليك ووهباك كل حياتها وتعمل فيها كدا
بالنسبة لعدم سماح البطلة او انها تسامحه صدقنى يا احمد مش بايدى
هى اللى مشاعرها انجرحت وقلبها اتحطم يبقى هى لوحدها صاحبة القرار

تحياتى ليك
‏قال Desert cat
Blank-Socrate
اللى يحب شخص بجد بيكون شايف فيه كل العالم مهما كان بع دالمسافة بينهم
كلمة الخيانة نفسها قاتلة مش شرط انها تكون بسب الشهوة اللى بيخون من اجل الشهوة ده حيوان ماشى ورا غريزته فقط

تحياتى مينو
‏قال Desert cat
شجر الليمون
لا مش تعتذر هو فعلا كذلك
:))
تحياتى
‏قال Desert cat
Anonymous
ميرسى لزوقك ولصراحتك الزيادة عن اللازم
هههههههههههه
هههههههههههه
‏قال Desert cat
انا حرة
اوً رغم انقطاعتك عن التدوين اللى اتمنى ترجعى له قريب انا سعيدة اوى بمتابعتك
بالنسبة للبوست فيمكن علشان هى فضلت محتفظة بكل مشاعرها للشخص اللى هتعيش فى بيته فقط ولذلك كان هذا الشخص اول انسان طرق على اوتار عواطفها علشان كدا هى اندفعت بكل ما تملك وبكل مخزون السنين من عواطف لتهبه ليه
هو مش قدر او مل من الحب الزيادة فحب التجديد بانه يروح لواحده تسقيه الحب بالقطارة دى الحقيقة حاجه ترجع لتكوينه الشخصى
اما بالنسبة لى فانا محبش الانسانة اللى ترهن حياتها على شخص وتعامله بكل دلال ويكون حياتها حب فى حب دون احكام العقل لازم يكون للعقل دور والا لو حصل اى حاجه لو صغيرة هتتحطم مش هتتكر بس

تحياتى ليكى وشرفتينى
‏قال Desert cat
Blank-Socrate
اكون شاكره افضالك وجميل مش هنساه ليك لحد اخر يوم فى حياتى لو علمتنى المحشى بيتعمل ازاى
طيب بلاش المحشى اى اكلة سهله التحضير اصل اختك اخرها كوباية شاى
‏قال Desert cat
شجر الليمون
ميرسى جدا لاخبارى بالبوست الجديد طبعا اتشرف بالرد فى مدونة حضرتك
‏قال Desert cat
الشنكوتي الكبير
يااااه يا ايهاب كل ده فى قلبك وساكت
نبتدى الخناق بقى
اولا مش فى انسان مثالى وكامل ومش بيغلط لأننا مش ملايكة فى كل الاحوال احنا بشر
بالنسبة للقصة انا بحكيها بصافى نية زى ما اتحكت لى وحسيتها انا .. هى ممكن يكون ليها باقى لان الحياة بينهم لسه مش انتهت يعنى مش اطلقوا وفى محاولات للصلح طبعا من طرفه هو لكن للاسف هى مش قادرة تغفر او تسامح
نيجى بقى الانسان بطبعه طماع مش كل الناس فى ناس قنوعه جدا
وبترضى برزقها
ايوا ماهو الزواج برضه رزق
دلوقتى هو اتقدم لها واتجوزها بكامل ارادته الشخصية ومش جواز صالونات دول كانوا بيحبوا بعض وبعدين فجأة لاقى نفسه كدا خلاص عايز يغير يعنى مش كل يوم بقى هياكل حاجات حلوة نفسه يدوق الحاجات المملحة اصل نفسه خلاص غمت عليه
ممكن تلاقى شخص مراته مش جميلة لكنها فى عينه اجمل نساء الكون وبيعاملها كملكة متوجة
وممكن تلاقى العكس واحد مراته ملكة جمال وبيروح بره يرمرم اى لقمة متعاصة خرة على حد تعبير غرام وتعبيرك بيجرى وراها حتى لو كانت لا جسم ولا منظر
فى النهاية المواضيع دى بتكون دناوة وواحد دايما مش راضى بالمقسوم له
النقطة دى برضه انت وضحتها بانك قولت ده مش عيب فيها انما عيب فيه هو لانه بيحب يكون متعدد العلاقات بالمناسبة غالبا الشخص المتعدد العلاقات مش بيكون فالح فى السرير وبالتالى بيعوض نقصه بانه يعمل نفسه هارون الرشيد حواليه اكتر من واحده علشان يحسس نفسه انه سبع الرجال
وبعد انصافك خلاص عفونا مفيش خناق
:))
شرفتنى جدا
‏قال Desert cat
مفكر
دول اللى ربنا خلقهم علشان يكرهوا الناس فى عيشتها وي\سنوا قوانين ما انزل الله بها من سلطان
‏قال Desert cat
dr.lecter
معنى كلامك يا دكتور انه لوغاريتم
:))
طيب والحل
ربما يحمل الرجال داخلهم احساس ما يختلف عن المراه وارجو عدم اعتبار هذا الكلام نوع من التعدي او التقليل من شان المراه ولكن انا اعتب علي المراه انها اول من يشعر بالتغير في الزمن مع الوقت تزهد في الحياه وتشعر ان السنوات افقدتها الكثير من الحياه وتركن للهدوء اما الرجل وبطبيعة الفسيولوجيه فهو لا يشعر بتغيرات الزمن وكراهق كبير تراه دوما يتطلع للحصول علي نفس المستوي من المشاعر الذي تعود عليه فان لم يجده في الداخل ذهب للخارج
مجرد وجهة نظر طبعا
‏قال أسماء علي
أولا أسلوب الحكي على الرغم من سرعته في الأحداث إلن أنهُ أصابني بقشعريرة

توجعت لها

..

المناقشة

إما إنه عابث
أو نزوة خارج حدود العقل
أو هناك شيئ وجده في الأخرى و لم يجده في زوجته و حبيبته
الرجل بطبعهُ في مجتمعنا يعتبر التعدد ليس أزمة لأن المجتمع في نشأته له جعله يعتبر أن الأمر عادي
و مهما كان مخلصا فإن بعض الرواسب تظل
و لعله شيئ آخر لا نعلمه ..

.....

قطتي

عجبني البوست جدااااااااا
‏قال غير معرف…
قطقوطه

والمواضيع الحاره جمر

يا بنتي مشتاقين والله

شوفي يا قطقوطه .. الخيانه دي حاجه بتكون في البني ادم .. وما بيوقفها ان زوجته جميله او طيبه او شريفه او مخلصه .. يعني ممكن تلقي راجل بيخلص لزوجته وهي ما بتستاهل الاخلاص.. والعكس ايضا بيحصل

لكن المجتمع بيدي الرجل للحق انو يخون لانه رجل وبيوصم المراه بالعار اذا خانت زوجها او شرفها

ده التخلف الحاصل عندنا

وما عارفه حلو شنو

افتحي بوست تاني عشان نشوف الحلول

صافي الود
حنان
لماذا لانناقش
مثل هذه الوقائع المحزنه فى اطار ما اصبا مجتمعنا من تغييرات عنيفه دخيله على طبيعة هذا الشعب
ولا بد ان تتاثر بها العلاقات الأسريه...
ولذلك
نناقش هذا الموضوع
اذا كانت الطبقه المتوسطه المتعلمه التى تحمل قيم العلم والأجتهاد والأستناره والأنتماء للوطن قد تلاشى دورها ...هل من المستغرب ان نشاهد مظاهر العنف والفوضى وانماط السلوك والفن الهابط وكل ما غزا حياتنا من مظاهر غريبه ؟
ونوجه هذه الدعوه للجميع
دعوه
الأخت العزيزه/الأخ العزيز
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://stop.to/cairo
‏قال Desert cat
حكاية لا تنتهي
رد حضرتك محايد ليس فيه اى تعدى على المرأة
ولكن ليس الرجل فقط من يحتاج للمشاعر المستمرة فالمرأة أيضاً ولا نتناسى انها بطبعها مخلوق عاطفى مهما كانت قوتها وجربوتها تقدم القلب على العقل
وواجب الرجل ان شعر ان عواطف زوجته تجاهه تغيرت او قلت نسبتها فعليه ان يزيد من اهتمامه بها لعلها تكون رساله موجهه للزوجة بان تحتوى زوجها

تحياتى
‏قال Desert cat
أسماء علي
دكتورتنا الجميلة للأسف ثقافة المجتمع بالفعل هى من جعلت الرجل لا يكترث كثيراً بأمر من تعاشره ومن حقه مثنى وثلاث ورباع وتناسى " وان خفتم الا تعدلوا فواحدة "
ميرسى جدا ليكى يا سمسمه
تحياتى يا قمرى
‏قال Desert cat
أبنوسة
ابنوستى الرقيقة
تقريبا فى اجماع ان المجتمع فيه خلل تخيلى لو الست اللى عملت كدا كان زمانها دلوقتى فى خبر كان وفضيحتها بقت بجلاجل
:))
تسلمى لى يا احلى ابنوسة
تحياتى ليكى
‏قال Desert cat
انت تسال والكمبيوتر يجيب
استاذى العزيز موضوع حضرتك اثرته غاية فى الأهمية
اتمنى ان تكون نتيجة المناقشة مثمرة
تحياتى لحضرتك

المشاركات الشائعة