حينما تتبدل الاسماء .. يتحول القلب لاشلاء


لم تكن تتمنى سواه فلطالما حلمت به دون أن تراه وحينما لعبت الظروف دورها ليتقابلا دون سابق انذار لم تصدق أن حلمها تمت ترجمته إلى واقع .. تبادلا الحب إختلسا من الزمن أجمل الأوقات وحينما داعب أحشائها جنين تكون منه بداخلها كادت تطير فرحاً وطرباً فسوف يأتى من يكلل تلك السعادة ويربط بينهما برباط ابدى .. شعوره كان لا يقل عنها فكم أنفقا من الوقت فى مناقشات حول اسم من سيحمل اسميهما معاً فهو يريد انثى تحمل ملامحها وهى تريد ذكر يشبهه تماماً بل وستطلق عليه نفس الاسم كى يظل اسمه يتردد دائما على لسانها حتى فى اوقات عمله ... حاولت بكل ما تملك من أنوثة أن تكون هى حواء الأولى والأخيرة فى حياته فتلونت من أجله جميع الالوان .. أيضاً هو كان يتفنن كيف يسيقيها الحب ألواناً ويطربها بأجمل العبارات .. رأت نفسها بين أحضانه ابنته وزوجته وحبيبته وعشيقته .. وفى وقت غير مناسب تماماً شعرت بالصرح العظيم الذى أقاماه سوياً من شرايين قلبيهما بدأ عليه الوهن أصابه شرخ فى أسفل الجدار .. لم تعد تشعر بأنفاسه تحتويها بات فراشها بدونه كالثلج فى ليل الشتاء القارس .. أملها متعلق بمن فى أحشائها تنتظر قدومه كل ساعة .. لم تعد تقوى على مقاومته من داخلها احتياجها له يقتلها كل ما فيها يناديه فقد جفت منابعها بل أوشكت على التشقق .. إستخدمت ذكاء الأنثى بكل ما تملك من رقة ودلال .. وحينما هم بروى ظمأها بدل الأسماء ليناديها باسم اخرى غيرها .. حتى تتأكد الهواجس التى طالما رفضتها ولم تسمح لها بأخذ جزء ولو يسير منها .. حاول إيجاد مبرر مراراً وتكرراً .. لكن نزيفها بدأ يجرى بداخلها كالنهر .. حبها يحتضر .. اعترف بأنها كانت مجرد نزوة أما أنتى من ملكتى القلب والروح فيكفى بأنك أم ابنى .. وكأنه يمن عليها بهذا الكرم العظيم .. أجابته بدموعها .. الخيانة أتحملها من الدنيا وما فيها إلا أنت .. الآن تحطم قلبى بعد أن وضعته رهينة بين يديك بعد أن سجنت مشاعرى كلها لأجلك أنت .. بعد أن لويت عنان نفسى أستيقظت على طعنة غادرة بعد أن آمنت بك بعد أن أدخلتك محرابى بعد أن صليت من أجلك ظننت أنك ملاك فوق أخطاء البشر ظننت أنك جزء منى ملكتك وملكتنى ولكن واسفاه على يديك عرف قلبى طعم الشقاء بعد الهناء ولكن قسماً بحبى لك ساجتثك من اوردتى وشرايينى فانا من زرعتك فى ذاتى وتكوينى لانك لم تشعر بى او تحس ساغير بيدى كل شيئ وبعد الان ساطرد من داخلى هواك كل شيئ سيتغير بل من الآن قل مات .. ظل ذلك الكلام يتردد بداخلها وهو ينظر إليها موجهاً سهامه الى عينيها التى تحولت الى سيل منهمر .. ينتظر منها كلمة اشارة ان ترد عليه ان تصفح عنه .. امسك بكتاب الله يحلف لها انه لمثل هذا ابدا لن يعود فلتغفر له وسيبقى وفى الا بد لكل العهود .. ولكنها قررت أن تحرمه من سماع صوتها فقط خطت له .. يادمعة لن أحتمل وقصيدة لم تكتمل وحدائق راعيتها فرايتها الآن صارت تشتعل


سؤال بيتردد جوايا ليه البعض ومش هقول كل الرجالة علشان مش اكون ظالمة او قاسية فى حكمى ممكن تكون زوجته تتمتع بجمال ونقاء قلب يعطيها الحب فتبادله بالعشق وبالرغم من كدا يضعف قدام اول واحدة تقابله عند أول مفرق طرق

Comments

شكراً قطة الصحراء على مرورك بأرض الرمال


اخوك بن
صفا سارة said…
بجد مش عارفه ارد ع البوست ده
:(
Desert cat said…
The land of Sands
انا تشرفت جدا بالمرور فى ارض الرمال
كما اضاء صفحتى وجودك بها
تحياتى
Desert cat said…
صفا سارة
مش مهم الرد الاهم ان احساسك واصل

تحياتى صفا
rania said…
مرحبا قطتنا الجميله

لا اعرف بضبط من نلوم
هل نلوم المجتمع او الدين وسلطه الذكوريه
امنلوم نفسنه لان الاختيار ليس في محله

لا اعرف

اشكركِ على زيارتك للمدونه
magi said…
كلهم كده على فكره
قصه قصيره ممتعه
تغيير جميل عن المواضيع السياسيه والجاده
نوعى كده من وقت للتانى خصوصا وانت موهوبه جدا فمتحرميناش من الحجات الحلوه دى
اكتر حاجه فعلا تقتل هيا اللى قولتيه دلوقتى
الكلام تقيل بس للاسف حقيقه حصلت و بتحصل و هتحصل
HEART BREAK said…
استمرى قطة الصحراء

تستحقى التشجيع

هارت بريك
مفكر said…
الفرق كبير بين سيكلوجية المراه والرجل؟
....المراه باختصارتطمخ الى ان تبنى عشا وحياتها النفسيه كلها تدور حول المخافظه على العش اى المخافظه على استمرار الحياه فى الواقع... المراه نفسيا تقف فى صف الحياه وتتحيز لها..وما عاطفيتها وانشغالها بالحب والعواطف الا علامات على هذا
الرجل تغلب عليه غريزة الصيد واللعب والمغامره
والمراه فى كثير من الأحيان لا تزيد لديه عن لعبه اخرى يلهو بها
سطحى العواطف ...لا يكترث كثيرا باجندة المراه التى وصفتها منذ قليل
والمثل يقول المراه تعشش والرجل يطفش
وهذا صحيح الى حد كبير
المراه الصق واقرب الى رسالة استمرار الحياه
فالخت ام حتى لمن يكبرها من الأخوه الصبيان ....الخ
هذا رايى وانا رجل ولكن الحقيقه اهم
Adam said…
والله كل الرجاله مش زي بعضهم ليه تحكموا علي الرجاله كلهم بذنب واحد

يا معشر النساء وايتها القطه في الصحراء الجرداء
ارحموا الرجال من تعليقاتكم
حلوه صح
هههههههههههههههههه

تحياتي
ادم
قصة جميلة و مؤثرة و أسلوبك في الحكي رائع بجد

أما عن إجابة السؤال فأكيد الخيانة بتبقى فراغة عين سواء من الرجل أو من المرأة .. و إن كنت متفق معاكي أنها بتزيد في الرجال لأسباب كثيرة منها ثقافة المجتمع اللي بتبيح للرجل ما
تُحرمه على المرأة و بتدلع الراجل الخلبوص و تسامحه في الوقت اللي بتبقى قاسية قوي على المرأة اللي بتفكر تلعب بديلها و ده بيخليها تفكر ألف مرة قبل ما تمشي في الطريق ده
Sola said…
ya 7anooon
2eh el 3azama deh ya mozza
romanseya o mafesh seyasa la2 tamam keda
bosy ha2olek 3ala 7aga
el regala kolaha lazem hatbos bara bas el set el nas7a elly tesebhom ya3melo elly homa 3ayzeno o homa hay3oto shewaya o hayerga3o fel nehaya l bethom
ya3ny 2eh ba2a gafat manabe3ha dehhh....
salamoz ya 2a7la desert sa7ara\
love uuuuuuuu
mady said…
بستنى مقالاتك اللى من النوع ده بفارغ الصبر متطوليش علينا بيها يا كاتى
لا يوجد في الحب فرق بين رجل وامراة
فالحب وظيفة انسانية تماما كالاستنشاق والتفكير
في حالات تتعطل الوظائف اما لسبب عضوي
او لسبب معنوي

لايوجد تفسير لخيانة الرجل
كما لايوجد تفسير او تبرير لخيانة المراة
فالخيانة من اي من الطرفين جارحة

لكن حقا لا يوجد من هو اقسي من انثي لا تسامح رجلها
ارجوك اجعلي البطلة في البوست تسامح بليز
Blank-Socrate said…
عزيزتى
الحب شىء و الشهوة شىء اخر
الخيانه الناتجه عن شهوة شىء مقزز
ما أحقر الرجل الندل
أسف علي التعبير
ولكن هو كذلك
Blank-Socrate said…
قطتى هو بوست موضوع يعنى للنقاش و لا قصة قصيرة :)
فى كل الاحوال احنا معاك يا ريس و نبايعك لبوست جديد
Anonymous said…
بالرغم من انى مش بطيقك لافكارك المتطرفة لكنك فى الموضوع ده تفوقتى على نفسك
ساعود مرة اخرى للمتابعة فى صمت
Desert cat said…
Blank-Socrate
بعتذر للجميع بس عن التاخير فى الرد لانى فعلا مشغولة هخلص اللى فى ايدى وارجع ارد
بالنسبة لسؤالك يا مينو
هو موضوع للنقاش وانا عايزة اعرف ارائكو وخصوصا الرجالة لان القصة ليست من الخيال ولكنها واقعية و حصلت فعلا
وانا كاتبه فى التاج حدث بالفعل
يعنى حقيقى محتاجه لأرائكو
انا حرة said…
سوء اختيار مش اكتر..
انا مقتنعة تماما بان مفيش حاجة اسمها ست اتضحك عليها..فى حاجة اسمها ست ضحكت على نفسها
يا اما خوفا من العنوسة يا اما املا فى قصة حب من طرفها هى لوحدها لكن جو اتخدعت و اتظلمت و اتضحك عليا دا مش بقتنع بيه يا حنان بصراحة..الموضوع مكتوب حلو اوى على فكرة :)
Blank-Socrate said…
واضح ان انت بتعملى محشـــــــــــى
كل دا :)
السلام عليكم

قراء مدونتي يعلمون جيدا أني لا أطيل الفترة بين عمل وعمل أخر

وحضرتكم أصبحتم من أصدقاء المدونة فتفضلي بقبول التعليق علي ما هو جديد لنتبارك بحروفك
قصه حلوه
وجعتنا طبعا
بس يا ترى القصه محكيه بصافي النيه
ولا الحكايه ليها بقيه
ويا ترى
الست ديه
كانت بالفعل زي ما وصفتيها امرأه مثاليه

انا بقولك من الأول كده قبل ما نتخانق يعني
مفيش امرأه مثاليه
لكن علشان انتي ختمتيها بجمله حقانيه هكون حقاني ميه ميه
اه ممكن تكون هي مقدماله كل حاجه
حب
احترام
رعايه
سرير
كل حاجه هو عايزها
لكن المشكله ان الأنسان بطبعه طماع
ومش بقول الرجل بقول الأنسان
يعني الراجل والست
بس الفرق بين الراجل والست وده حاجه في تكوينهم ان الست بتبقى عايزه اللي ناقص في جوزها تجيبه وتكمله فيها عايزاه يحقق كل اللي هي بتتمناه
لكن الراجل بقى متكاسل شويه اول لما يفتقد حاجه فيها بيدور عليها جاهزه في واحده تانيه وهنا ده عيب في الراجل مبنكرش لكن هي دي الحقيقه

الحاجه التانيه بقى ان ساعات كتير مبتبقاش هو بيدور على حاجه مفتقدها وهي مش قادره تحققهاله
بمعنى ان مش فيه حاجه ناقصه عندها وموجوده عند الست التانيه بالعكس في حاجه ناقصه عنده هو بيدور عليها عند الست التانيه يعني في راجل بيحب يكون مع اكتر من ست مش شرط في السرير لكن حتى في العلاقات بيحب يحس انه بيعرف ستات كتير
برده كده مخدمتش انا قضيتي
لكن معلش نقول كمان
لو تعرفي مدونه اسمها مكسوفه ودلوقتي مدونتها اسمها غرام
هي زمان علقت عند فريده على الموضوع ده ان الراجل على راي المثل بتاع جدتها زي الكلب لو لقى لقمه متعاصه خرا هيميل عليها برده ياكلها

وهنا بقى انا عجبني الممثل جدا جدا
علشان فعلا الراجل اللي يدور على الحرام بره بيته برغم انه عنده الحلال يكفيه يبقى فعلا شبه الكلب
لكن المثل موقفش هنا المثل بيقول لقمه متعاصه خرا يعني الست اللي هو ماشي معاها دي واللي قبلت تكون لقمه متعاصه خرا
ايوا هو ده تعريفي لأي واحده سمحت لنفسها تبقى عشيقه وخدي بالك هي كتير بترمي شبكتها على اي كلب من الرجاله عنده استعداد يوافق وللسف كتير مننا معشر الرجال مبيحتاجش مجهود هو بس حته تنان قدامه كده وبيريل على طول
العيب على الطرفين
الزوجه اللي مخدتش بالها واكيد هي مش مثاليه قوي زي ما قلتي
الزوج الكلب
العشيقه اللي متعاصه خرا

حاجه اخيره ساعات الخيانه مش انهم يروحوا السرير سوا ممكن بس الكلام
ممكن التليفونات
وده كتير قوي

سلاااااااااااااااااااااااااااااام
مفكر said…
لآ تقل متطرفين -من اى دين -قل اعداء الحياه
dr.lecter said…
علشان احنا الرجاله لسه مش قادرين نفهم نفسنا كويس

لسه مش عارفين احنا عاوزين ايه
Desert cat said…
rania
اهلا رونى
اعتقد ان جميع ما ذكرتيه مجتمع يستحق اللوم فالذكر تم تنصيبه من قبل اسرته بانه نصف اله على الارض لذا من حقه يفعل ما يشاء وقتما يشاء دون حساب لمشاعر من تشاركه حياته
شرفتينى رونى
Desert cat said…
magi
القصة موجعة لينا المستمعين فما بالنا بصاحبة الطعنة
:))
ميرسى جدا ليكى ماجى
تحياتى
Desert cat said…
صيدلانيه طالعه نازله
مش عافره يا دكتورة اللى بيحصل ده ممكن فى يوم نقدر نحترم مشاعر بعض وطالما انسانة عايشه حياتها ليه بنفس مخلص لها بنفس قدرها ولا انا بطلب رابع المستحيلات
Desert cat said…
HEART BREAK
ميرسى اوى عزيزى هارت
تحياتى ليك
Desert cat said…
مفكر
بالفعل استاذنا المرأة مخلوق عاطفى فبمجرد كلمة لطيفة تسلم قلاعها
ولكنى القى عليها اللوم وجزء من المسئلية فهى لم تخلق لتعيش له كما تقول هى فلا تقف الحياة عند انسان ولتحطم نفسها وقلبها لاجله
عند اى عاطفة مهما كانت لابد من تدخل العقل
Desert cat said…
Adam
هههههههههههه
انا مش حكمت على كل الرجالة يا آدم بلاش تعصب لأبناء جنسك اصل فيهم اللى يستحق الضرب بالنار فى ميدان عام
انما المرأة كائن رقيق
:))
Desert cat said…
على باب الله
اولاً اشكرك جدا على حسن ثناءك
بالنسبة لباقى كلامك منطقى جدا ومتفقه معاه
Desert cat said…
Sola
يا سولا يا حياتى مين اللى تقدر تستحمل ان جوزها يسيبها ويورح لواحدة تانية ويقضى معاها وقت ظريف ويرجع لها البيت بعد كدا انا بصراحة مقدرش يعنى لو حصل ممكن افرغ فيه 6رصاصات من غير ما احس
جفت منابعها يعنى المكان اللىب يرويه ليها الغضنفر بتاعها
:))
شرفتينى يا احلى سولا
Ilove you 222222
Desert cat said…
mady
ميرسى لزوقك
:))
Desert cat said…
ساعد نسرين الايمن
فى ناس بتعرف تمثل الحب كويس اوى وتتنقل بين كذا شخص ده مش مقصور ايضا على الرجل فى نساء بالشكل ده
لكن انا دلوقتى قضيتى حاجه واحدة بس ليه انت شايف انسانة مخلصة ليك ووهباك كل حياتها وتعمل فيها كدا
بالنسبة لعدم سماح البطلة او انها تسامحه صدقنى يا احمد مش بايدى
هى اللى مشاعرها انجرحت وقلبها اتحطم يبقى هى لوحدها صاحبة القرار

تحياتى ليك
Desert cat said…
Blank-Socrate
اللى يحب شخص بجد بيكون شايف فيه كل العالم مهما كان بع دالمسافة بينهم
كلمة الخيانة نفسها قاتلة مش شرط انها تكون بسب الشهوة اللى بيخون من اجل الشهوة ده حيوان ماشى ورا غريزته فقط

تحياتى مينو
Desert cat said…
شجر الليمون
لا مش تعتذر هو فعلا كذلك
:))
تحياتى
Desert cat said…
Anonymous
ميرسى لزوقك ولصراحتك الزيادة عن اللازم
هههههههههههه
هههههههههههه
Desert cat said…
انا حرة
اوً رغم انقطاعتك عن التدوين اللى اتمنى ترجعى له قريب انا سعيدة اوى بمتابعتك
بالنسبة للبوست فيمكن علشان هى فضلت محتفظة بكل مشاعرها للشخص اللى هتعيش فى بيته فقط ولذلك كان هذا الشخص اول انسان طرق على اوتار عواطفها علشان كدا هى اندفعت بكل ما تملك وبكل مخزون السنين من عواطف لتهبه ليه
هو مش قدر او مل من الحب الزيادة فحب التجديد بانه يروح لواحده تسقيه الحب بالقطارة دى الحقيقة حاجه ترجع لتكوينه الشخصى
اما بالنسبة لى فانا محبش الانسانة اللى ترهن حياتها على شخص وتعامله بكل دلال ويكون حياتها حب فى حب دون احكام العقل لازم يكون للعقل دور والا لو حصل اى حاجه لو صغيرة هتتحطم مش هتتكر بس

تحياتى ليكى وشرفتينى
Desert cat said…
Blank-Socrate
اكون شاكره افضالك وجميل مش هنساه ليك لحد اخر يوم فى حياتى لو علمتنى المحشى بيتعمل ازاى
طيب بلاش المحشى اى اكلة سهله التحضير اصل اختك اخرها كوباية شاى
Desert cat said…
شجر الليمون
ميرسى جدا لاخبارى بالبوست الجديد طبعا اتشرف بالرد فى مدونة حضرتك
Desert cat said…
الشنكوتي الكبير
يااااه يا ايهاب كل ده فى قلبك وساكت
نبتدى الخناق بقى
اولا مش فى انسان مثالى وكامل ومش بيغلط لأننا مش ملايكة فى كل الاحوال احنا بشر
بالنسبة للقصة انا بحكيها بصافى نية زى ما اتحكت لى وحسيتها انا .. هى ممكن يكون ليها باقى لان الحياة بينهم لسه مش انتهت يعنى مش اطلقوا وفى محاولات للصلح طبعا من طرفه هو لكن للاسف هى مش قادرة تغفر او تسامح
نيجى بقى الانسان بطبعه طماع مش كل الناس فى ناس قنوعه جدا
وبترضى برزقها
ايوا ماهو الزواج برضه رزق
دلوقتى هو اتقدم لها واتجوزها بكامل ارادته الشخصية ومش جواز صالونات دول كانوا بيحبوا بعض وبعدين فجأة لاقى نفسه كدا خلاص عايز يغير يعنى مش كل يوم بقى هياكل حاجات حلوة نفسه يدوق الحاجات المملحة اصل نفسه خلاص غمت عليه
ممكن تلاقى شخص مراته مش جميلة لكنها فى عينه اجمل نساء الكون وبيعاملها كملكة متوجة
وممكن تلاقى العكس واحد مراته ملكة جمال وبيروح بره يرمرم اى لقمة متعاصة خرة على حد تعبير غرام وتعبيرك بيجرى وراها حتى لو كانت لا جسم ولا منظر
فى النهاية المواضيع دى بتكون دناوة وواحد دايما مش راضى بالمقسوم له
النقطة دى برضه انت وضحتها بانك قولت ده مش عيب فيها انما عيب فيه هو لانه بيحب يكون متعدد العلاقات بالمناسبة غالبا الشخص المتعدد العلاقات مش بيكون فالح فى السرير وبالتالى بيعوض نقصه بانه يعمل نفسه هارون الرشيد حواليه اكتر من واحده علشان يحسس نفسه انه سبع الرجال
وبعد انصافك خلاص عفونا مفيش خناق
:))
شرفتنى جدا
Desert cat said…
مفكر
دول اللى ربنا خلقهم علشان يكرهوا الناس فى عيشتها وي\سنوا قوانين ما انزل الله بها من سلطان
Desert cat said…
dr.lecter
معنى كلامك يا دكتور انه لوغاريتم
:))
طيب والحل
ربما يحمل الرجال داخلهم احساس ما يختلف عن المراه وارجو عدم اعتبار هذا الكلام نوع من التعدي او التقليل من شان المراه ولكن انا اعتب علي المراه انها اول من يشعر بالتغير في الزمن مع الوقت تزهد في الحياه وتشعر ان السنوات افقدتها الكثير من الحياه وتركن للهدوء اما الرجل وبطبيعة الفسيولوجيه فهو لا يشعر بتغيرات الزمن وكراهق كبير تراه دوما يتطلع للحصول علي نفس المستوي من المشاعر الذي تعود عليه فان لم يجده في الداخل ذهب للخارج
مجرد وجهة نظر طبعا
أولا أسلوب الحكي على الرغم من سرعته في الأحداث إلن أنهُ أصابني بقشعريرة

توجعت لها

..

المناقشة

إما إنه عابث
أو نزوة خارج حدود العقل
أو هناك شيئ وجده في الأخرى و لم يجده في زوجته و حبيبته
الرجل بطبعهُ في مجتمعنا يعتبر التعدد ليس أزمة لأن المجتمع في نشأته له جعله يعتبر أن الأمر عادي
و مهما كان مخلصا فإن بعض الرواسب تظل
و لعله شيئ آخر لا نعلمه ..

.....

قطتي

عجبني البوست جدااااااااا
أبنوسة said…
قطقوطه

والمواضيع الحاره جمر

يا بنتي مشتاقين والله

شوفي يا قطقوطه .. الخيانه دي حاجه بتكون في البني ادم .. وما بيوقفها ان زوجته جميله او طيبه او شريفه او مخلصه .. يعني ممكن تلقي راجل بيخلص لزوجته وهي ما بتستاهل الاخلاص.. والعكس ايضا بيحصل

لكن المجتمع بيدي الرجل للحق انو يخون لانه رجل وبيوصم المراه بالعار اذا خانت زوجها او شرفها

ده التخلف الحاصل عندنا

وما عارفه حلو شنو

افتحي بوست تاني عشان نشوف الحلول

صافي الود
حنان
لماذا لانناقش
مثل هذه الوقائع المحزنه فى اطار ما اصبا مجتمعنا من تغييرات عنيفه دخيله على طبيعة هذا الشعب
ولا بد ان تتاثر بها العلاقات الأسريه...
ولذلك
نناقش هذا الموضوع
اذا كانت الطبقه المتوسطه المتعلمه التى تحمل قيم العلم والأجتهاد والأستناره والأنتماء للوطن قد تلاشى دورها ...هل من المستغرب ان نشاهد مظاهر العنف والفوضى وانماط السلوك والفن الهابط وكل ما غزا حياتنا من مظاهر غريبه ؟
ونوجه هذه الدعوه للجميع
دعوه
الأخت العزيزه/الأخ العزيز
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://stop.to/cairo
Desert cat said…
حكاية لا تنتهي
رد حضرتك محايد ليس فيه اى تعدى على المرأة
ولكن ليس الرجل فقط من يحتاج للمشاعر المستمرة فالمرأة أيضاً ولا نتناسى انها بطبعها مخلوق عاطفى مهما كانت قوتها وجربوتها تقدم القلب على العقل
وواجب الرجل ان شعر ان عواطف زوجته تجاهه تغيرت او قلت نسبتها فعليه ان يزيد من اهتمامه بها لعلها تكون رساله موجهه للزوجة بان تحتوى زوجها

تحياتى
Desert cat said…
أسماء علي
دكتورتنا الجميلة للأسف ثقافة المجتمع بالفعل هى من جعلت الرجل لا يكترث كثيراً بأمر من تعاشره ومن حقه مثنى وثلاث ورباع وتناسى " وان خفتم الا تعدلوا فواحدة "
ميرسى جدا ليكى يا سمسمه
تحياتى يا قمرى
Desert cat said…
أبنوسة
ابنوستى الرقيقة
تقريبا فى اجماع ان المجتمع فيه خلل تخيلى لو الست اللى عملت كدا كان زمانها دلوقتى فى خبر كان وفضيحتها بقت بجلاجل
:))
تسلمى لى يا احلى ابنوسة
تحياتى ليكى
Desert cat said…
انت تسال والكمبيوتر يجيب
استاذى العزيز موضوع حضرتك اثرته غاية فى الأهمية
اتمنى ان تكون نتيجة المناقشة مثمرة
تحياتى لحضرتك

Popular posts from this blog

قميص دهشور

كل تحرش وانتوا طيبين